قصه واقعيه لطالبتين في الثانوي.. وحده سبورتيه والثانيه بنوته..
+ نور كانت تدرس في مدرسة الرفاع الغربي الاعدادية.
نور بنت بيضه ضعيفة وقصيرة وشعرها اسود طويل بس كله تربطه اول سبب لأنها مو متعودة وثاني سبب لأنها سبورتيه وكله تلعب كوورة من يوم واهيه صغيره من ثالث ابتدائي حياتها كلها كورة.. ابوها كان يبيها تلعب تكوندوو( الدفاع عن النفس).. عشان جذي تجوفونها كله تبي تطق ههههه<< قالو لج الدفاع عن النفس مو تكفخ الاوادم هههههه ووايد عصبيه ماتتحمل شي على اقل شي تتنرفز وتعصب عشان جذي دمها قاصر هههه..
ماشا الله عليها فناانه في كلشي وفي كل الالعاب كبتن الفريق الا في كرة السله لأنها قصيرة ههههههههه مع انها لعييبه وتسجل لج في المباره الوحده عالاقل 30 سكوور والله يشهد على الي اقوله.. كأن تلعب بروحها كل الفريق معتمد عليها.. حصلت لقب احسن لاعبه + هدافه عشان جذي البنات وايد ينعجبون فيها ويحبون لعبها ويشجعونها بس اهيه عمرها ماعطتهم اهتمام مب غروور بس اهيه ماتحب البنات الي من هالنوع.. المهم
كبرت نور بين 3 صبيان ليما صارت في صف السادس عقب امها يابت بنتين.. بس ماصارت بويه نفس بنات هالزمن مطلعين عذر يديد هههههه يقولون فلانه صارت بويه لأن ماعندها خوات )……ابي اعرف في اي آيه وفي اي حديث ممكتوب ان الي ماعندها خوات تسترجل؟؟
المهم مو هاي محور حديثنا خل نرجع نكمل قصة غلا ونور.
+ اما غلا في الرفاع الشرقي الاعداديه.
غلا بنت جميلة حنطية طولها متوسط شعرها طويل اسود , بنت هاديه وخجوله ومؤدبه بس يا حبها حق التكشخ هههههه
على طوول تجوفونها متكحلة وفاله شعرها وتكره شي اسمه الرياضه او الكورة .
حنونة وتحب الخير للناس..
نور و غلا عقب ما خلصو الاعدادي راحو يدرسون في مدرسة المعرفة بس اهمه مايعرفون بعض بس القدر جمعهم في صف واحد.
بس نور كانت ماتشتهي غلا لأن تحسبها من البنات الي يتدلعون ويتصنعون النعومة والرقه.
اول يوم في المدرسه لما نور راحت المدرسة كانت مو مرتاحة لأن ربعها كلهم مو معاها الا ثنتين ثلاث ومو في صفها بعد الا وحده في صفها بس قاعده جدام اول طاولة ونور مو متعوده تقعد جدام عشان جذي بس خذت الجدول والكتب وعقب مادشت الصف كلش.
ثاني يوم في المدرسة دشت نور الصف وقعدت يم وحده تعرفها.
الحصه الثانيه دشت المعلمه وشرحت الدرس والبنات رفعوا يدهم يشاركون والمعلمه قوومت وحده تجاوب وقمت البنية برقة وجاوبت بصوتها الواطي والناعم مثل البلبل. عقب سألتها المعلمه: شسمج؟
البنيه: غلا
قالت نور في قلبها هه كل هاي رقه؟ عبالها محد يعرف انها تتصنع الرقه والنعومة..هههههه.
خلصت الحصه الثانيه ونور ناطرة الفسحة عشان تروح حق ربعها. دشت المعلمه الصف وتمت تقره الاسامي عشان تاخذ الغياب ..قالت غلا وعقب قالت نور..(نور في قلبها: باللللل اسمها فوق اسمي بعد يلا معليه)
واخيرن طق جرس الفسحة والكل طلع من الصف ونور راحت حق ربعها.
ثالث يوم الحصه الاولى والثانية كان عندهم حاسوب ..نص الصف في قسم والنص الثاني في قسم ثاني..
دشت المعلمه تقره اسامي البنات الي معاها وقرت اسم نور واسم غلا.
(نور في قلبها: هاي الي قاااااااااااصر وحصتييين بعد وباجر بعد حصتيييين اففففف في كل مكان الحظ قاطها علي..
يه شفيني آنه ماسوت لي شي عادي شفيها اذا كانت وياي المدرسه مو مدرسة ابوي مثل ما آنه يايه ادرس اهيه بعد يايه تدرس اكيد.. بس شفيها هلون ماحب هالدلع والرقه افففف تنرفزززز يلا خلها ع الله.
مرت الايام على هالحال ما باقي الا شهر وجمن اسبوع ويخلص الكورس .
في حصة الصحة يات نور وقعدت جدام يم الباب عشان اول ما يبطلونه تشرد مثل كل مرة بس هالمره جافتها المعلمه ههههههه و قالت لها قومي تعالي قعدي هني هالصوب عند البنات..
يعني عند غلا وربعها وريم وشوق ودانه ونوف.
(نور في قلبها: هــــــــــــا ماتييييت مااااتيت اقعد يمها يعني الله يصبرني ..
غلا وربعها كانو يلعبون.. ماعرف اسم اللعبه بالضبط بس هاي الي يحصل العين يغمز .. المهم قامت غلا وقالت حق نور : شرايج تلعبين ويانا؟
نور:امم اوكي .. (نور في قلبها : شكلها حليوة 😛
واهمه يلعبون وصلت الورقه الي فيها العين عند نور يعني نور تغمز حق البنات.. بس نور رفعت راسها ويات عينها في عين غلا.. اول مرة يصير هلون.. نور استحت ونزلت راسها .. والبنات كلهم يقولون يلا يلا من الي عندها العين ؟؟ يلا غمزوو شفيكم.. قامت نور قالت آنه ..قامت غلا ضحكت وقالت حق نور: شفيج تستحين تغمزين؟
نور ابتسمت لها وقالت مادري هههه. يلا خل نغير اللعبه مب عاجبتني.
نور من النوع الي يحب يعلق على كلشي وكله تتطنز. قعدت تتطنز على المعلمه وضحكت البنات كلهم.
رن الجرس قامت نور عشان تروح حق ربعها بس قبل لا تروح قالت حق غلا: حلوه معاج القعدة بس الوقت سبقني.
ابتسمت غلا وقالت لها معاج انتي حلوه القعدة .. وين رايحه؟ قعدي ويانا.
نور: لا مره ثانيه ان شا الله الحين باروح ربعي اكيد ناطريني.
غلا: اوكي براحتج.
نور واهيه طالعه وصلت عند الباب حست ان غلا قاعده تطالعها.. التفت على غلا وطالعتها وابتسمت لها ومشت..
نور في قلبها: طلعت حليوة وطيووبه غلا.. ليش كنت ماشتهيها!!
نور واهيه قاعده مع ربعها تفكر في غلا قامو ربعها يقولون لها :شفيج سرحانه ؟؟ في من تفكرين؟ هههه
نور: لا مافكر في احد افكر في الدراسه والمناهج ههههه
رن الجرس قامت نور قالت آنه بامشي نلتقي في الهده.
وفي اليوم الثاني دشت نور الصف وحطت اغراضها وتبي تطلع من الصف الا غلا توها داشه الصف مبتسمه: شخبارج نور؟؟
نور: بخير الله يسلمج ومشت.
الحصه الاولى والثانيه كان عندهم حاسوب يعني نور وغلا مع بعض..وبالصدفه قعدو يم بعض وقعدوو يسلفوون ليما رن الجرس.
مرت الايام على هالحال واهمه يتقربون من بعض اكثر.
وفي يوم من الايام غلا قالت حق نور: شرايج تيين يقعدين ويانا؟
نور: الحين؟
غلا: قصدي على طول.
نوور: اممم باجر احسن.
غلا: شكلج ماتبين.
نور: لاااا مو عن بس الحين الحصه السادسه وماباقي الا حصه وبيطق جرس الهده.. باجر احسن.
غلا واهيه زعلانه: براحتج ومشت.
(نور في قلبها: زعلت غلا لأن رديتها؟ لا انه ماباردها باجر من الصبح باقعد وياهم ان شا الله.
اليوم الثاني دشت نور الصف الا ربع غلا حاطين طاولتها مع طاولاتهم.
(نور في قلبها: يحليللهم والله..خل اروح اقعد قبل لا تيي غلا وتزعل علي).
نور حطت اغراضها الا غلا داشه الصف.
نور: شلونج غلا؟ جوفي آنه يبت طاولتي يعني مارديتج
غلا واهيه مبتسمه: شكرا.:
(نور في قلبها اشووه مو زعلانه ولا شايله بخاطرها علي)
عقب ما قعدت نور مع غلا حست ان اهمه تقربو من بعض اكثر وصارو وايد اوكي مع بعض
وصارت نور ماتروح حق ربعها نفس قبل ..صارت كله تمشي مع غلا.. حتى في الهده كانو يمشون مع بعض لي الباب وكانت غلا كل يوم في الهده تعطي مشمومه حق نور مرت سنين بس نور لي حد اليوم محتفظة فيهم وربعها كانو يحرتون لأن صارت تفضل نور على ربعها واهيه ماصار لها الا جم يوم واهيه تعرف نور..
مرة واهمه قاعدين قامت دانه وقالت: نوف تقول ان غلا متغيرة علينا.
نور ما فهمت قصدهم بس ربع غلا فهمو قصد نوف.
نور: غلا متغيره عليكم؟؟!! شلون يعني متغيره وليش؟
نوف: اي الصراحة غلا من يوم رافجت نور تغيرت علينا.
نور انصدددمت لأن عمرها ماقالت شي حق غلا عن ربعها عشان يقوولون ان غلا متغره عليهم بسبتها.
نور: لحد يزعل ويقول هلون.. آنه الحين باقوم ارد مكاني القبلي.. لحد يقول غلا متغيره بسبتي.
غلا: شنهووووو لا ماتروحين مو على كيفهم آنه ماتغيرت على احد.
نور: لا ماقدر اقعد هني خلاص باروح.
غلا: لا ماباخلييج والي يزعل خل يزعل فالطقاق. والله اذا رحتي بازعل.
نور: لا لاتزعلين بس آنه مابي احد يقولي ان فرقتكم.
قامت غلا تصيح.
نور: غلا شفيج؟ لا تتضايقين حتى لو رحت بنتم ربع.
غلا ودموعها في عينها: آنه شذنبي الحين بتتغيرين علي ؟؟ والله اذا رحتي بانتحر.
ههههههه يحليلها غلا والله
نور انصدمت ومن غير ماتحس.. لا شعوريا : غلوويتي خلاص ماباروح.
انحرجت نور لأن لا شعوريا قالتها
غلا وعينها متروسه من الدموع: صــج؟؟!!
نور: يلا عاد لا اغيير رايي الحين هههه.
غلا استانست بس ربعها كلهم طنقرو ويمكن سبو نور في قلبهم مايندره كلشي توقعو
( نور في قلبها: اذا غلا مستانسه وتبيني اقعد وياها ليش اروح؟ مب رايحه )
نور وغلا صارو وايد اوكي مع بعض ونور صارت ماتمشي الا مع غلا طول الوقت مع بعض مايستغنون عن بعض دقيقه ونور حبت غلا وصارت حتى ماتروح حق ربعها وحتى صارت مع تلعب كوره حست ان غلا معوضتها عن كلشي ومعطه كل وقتها حق غلا .
مر جمن يوم واهيه مستانسين مع بعض الا نور تفكر تقول حق غلا تبي رقمها بس ما تجرءت..جمن مره حاولت تقولها بس خافت غلا تفهمها غلط او تتضايق لأن ليحين مايعرفون بعض عدل.. عشان جذي ماقدرت تقولها.
ثاني يوم في الطابور واقفين ..غلا ونور واقفين يم بعض جدام نوف ودانه..
قامت نوف وسحبت شعر نور من وره ..نور عصبت وصفقتها كــــــف لا يوصف الصوت وصل لي اخر المدرسه هههههههههه..الكل التفت يطالع نور..
ربع غلا كلهم قالو ان نور اهيه الغلطانه الا غلا .
دانه: نوف كانت تتغشمر.. نور اهيه الي غلطانه.
غلا: لااااااا نور مو غلطانه .. نور ماسووت شي والي يزعل يزعل.
(نور في قلبها: آيه علييييها غلا تدافع عني فدييييتها ..خاطري احبج والله بس عمري ماسويتها هههه.)
طول اليوم نوف كانت حاطه راسها عالطوله ولاشالته لي الهده.. حشى ماصار كف ههههههه
غلا مافتكرت طنشت .. بس نور وايد استانست لما غلا دافعت عنها.
مرة نور وغلا ودانه قاعده الا دانه تقول: جوفو هالبويه حلوه
غلا : شعرها حلوو
نور واهيه مستغربه : شعرفج انتي فيها؟
غلا ماعرفها بس نعرف اسمها ووصفها في المبنى الي مجابل دريشتنا.
(نور في قلبها : شفيني تضايقت وانقهرت!!)
نور:شنو هاي يزعم بويه؟ هه آنه اقدر مثلها واي وحده تقدر تصير مثلها.
غلا:هههههه
نور: من صجي وانتي تضحكين؟
غلا: اتحدااج.
نور: فشيله اصير آنه بروحي .. آنه ودانو باجر نصير.
دانو: اوووكي آنه موافقه.
نور: باجر باييب كبوسين حقي وحق دانو وسلاسل وبنلبس جاكيت مال صبيان.
غلا عبالها نور تتغشمر بس نور من صجها .. من القهر الي فيها لأن غلا قالت عن البويه امينه حلوه.
غلا : اتحدااااااااااكم؟
نور: لا تحديني تره والللله اسويها.
غلا: بنجووف.
توقعون ليش نور انقهرت هلون؟؟ توقعون تغار من امينه ولا احترت لأن غلا حسستها انها احلى منها؟؟؟
خل نجووف الجواب.
اليوم الثاني يات نور واهيه يايبه سلاسل وكبوسين حقها وحق دانو عشان يصير بويات يزعم.
نور: هاج دانو بسرعه لبسي قبل لا تيي غلا .
الا غلا داشه الصف.. اول ماجافتهم تمت تضحك..
نور: ها شرايج ؟؟
غلا ليحين تضحك.
الا دانو تقول غلا حبيبتي.
غلا راحت عند نور ويودت يدها وقالت: لا نور بتصير فهود وآنه باصير حبيبتها مابيج انتي.
( نور في قلبها: ليش غلا قالت هلون؟ يمكن صارت تحبني :$ ..اي اكيد تحبني عيل ليش كل هالاهتمام من اول ماتعرفت عليها. آنه احبها؟ لا هاي مو حب هاي صداقه..
امبله آنه بعد احبها )
رن الجرس ودشت المعلمه واهيه تشرح .. ماوعت نور الا ورقه طاحت عليها .. استغربت تطالع يمين يسار الا غلا تبتسم لها تبي تقولها ان اهيه الي قطت لها الورقه.. نور ابتسمت لها وبطلت الورقه الا رقم .
(نور في قلبها: غلوي رقمتني يعني صج تحبني وآنه بعد احبها .. الااااي صار عندي رقمها ..متى اروح البيت واكلمها )
مر اليوم وكلمن راح بيته ..ونور اول ماردت البيت راحت سيده تبي تتصل في غلا.
(نور في قلبها: اتصل الحين؟ الوقت مناسب؟ بس آنه خاطري اكلمها في المدرسه ماكلمها وايد استحي اكلمها .. لالا ماباتصل الحين يمكن راقده ..باروح ارقد ولين قعدت باتصل.
راحت نور ترقد بس اي رقاد بييها واهيه طايرة من الوناسه. حطت راسها على المخده وغمضت عينها الا تجوف ويه غلا.هههههه
(نور في قلبها: اغمض اجوفها افتح عيني افكر فيها شاسوي ياربي… شفيني آنه اول مره احد ياخذ عقلي وفكري.. اول مره افكر في احد هالكثر اول مره ولهانه على احد هالكثر .. هاي يعني حب؟ شفيني قاعده اسأل روحي عاد آنه شعرفني اذا هاي حب ولا لا ماقط حبيت ..بس اول مره يصيدني هلون اكيد هاي حب.. يعني احبها.. بس آنه استحي حتى اكلمها.. استحي احط عيني في عينها.. شنو الحل؟؟!!)
الحل هو اني اروح واكلمها واصارحها واقولها كلشي. لالا يمكن بتفهم غلط.. لا شدعوه مو قاعده اسوي شي غلط.
راحت نور تبي تتصل في غلا تتصل وتتصل بس غلا ماترد.. نور تضايقت بس عقب قالت معليه بعدين باتصل يمكن الحين مشغوله او ليحين راقده.
كل دقيقه نور طالعت الساعه عشان ماتتصل وقت متأخر.. الساعه 8:30 بالضبط نور اتصلت في غلا: الوو
غلا: الوو
نور: شخبارج؟
غلا: تمام..من؟؟!!
نور: افا
غلا: اييييييي هلا نووور عرفتج
نور: اشووه عبالي مابتعرفيني .
غلا : مايصير ماعرفج
(نور في قلبها ايه عليها احببببها خلاص آنه الحين باتجرء وباقولها كلشي)
نور: اقول غلا
غلا: قولي
نور: اممم شسمه
غلا: شسمه قولي
نور:ابي اقولج شي
غلا: قولي
نور: لا بس كنت ابي اقولج آنه درست وانتي بعد درسي.
غلا: اوكي بادرس.
( نور في قلبها: مو قادره اقولها ..معليه مره ثانيه ان شا الله كل تأخيره فيها خيره.)
نور: اوكي عيل باخليج الحين
غلا: اوكي
نور: تحملي بروحج.. نجوفج على خير..باي
غلا :تحملي بروحج
(نور في قلبها: ايه عليها شكثر تهتم فيني.)
نور: وانتي بعد.
صكت نور التلفون وصلت وتسبحت وراحت ترقد بس مو قادره ترقد.. كل ماغمضت جافت غلا وتمت تفكر فيها ..كانت مستانسه لأنها سمعت صوت غلا وفي نفس الوقت متضايقه شووي لأن ماقدرت تصارحها وتقولها عن حبها لها .
اليوم الثاني في المدرسه نور جافت غلا بس ماقدرت تقولها الي فخاطرها .
في الفسحه واهمه قاعدين ..
نور: دقيقه باروح وارجع لكم.
راحت نور عن باب المدرسه عشان تييب ودره بنفسجيه حق غلا لأن اهيه تحب البنفسجي المهم
عقب ردت عند غلا وحطت الورده في الدرج.
نور: غلا باقول….
قبل لا تكمل نور كلامها قاطعتها غلا وقالت : نور انتي بويه؟
نور انصدددمت وبطلت عيييينها
نور: ها شنو لا ليش
غلا : لا بس اسأل.
(نور في قلبها: ليش سألتني هالسؤال؟!! جافت علي شي غلط؟!! بس آنه لي حد اليوم ماتذكر اني سويت شي يخليها تسألني هالسؤال!! حتى ربعي استحي اسلم عليهم!!)
نور وايد تضايقت من سؤال غلا وخذت الورده من الدرج ونتفتها وقطتها وقررت تبتعد عن غلا وماتمشي وياها. اول مارن جرس الفسحه ماقعدت في الصف عشان غلا ماتجوفها سيده راحت عند ربعها.
عقب ماكملت الفسحه ردت الصف.
غلا: نور وينج انتي؟
قبل لا نور تقول شي دشت المعلمه.
نور حاطه في بالها خلاص تبتعد عن غلا وماتكلمها كللش.. طول اليوم كانت منزله راسها حتى ماطالعت صوب غلا.. وغلا مستغربه .
غلا: نور شفيج؟
نور بدون نفس: ولا شي.
رن الجرس وكان عندهم فراغ.. نور طلعت من الصف وماردت ليما رن الجرس… نور اول مادشت الصف..
غلا: نووووور وين كنتي؟؟!!
نور: هنااك
غلا: شنو هناك من وين يايه؟
نور: في الحمام.
دشت المعلمه ونورراحت قعدت على كرسيها وطلعت دفتر قعدت تشخبط وغلا مستغربه ليش نور تغييرت عليها مره وحده.
كل ما حاولت غلا تكلم نور , نور فرت وييها او ردت عليها بدون نفس.
غلا وايد تضايقت من اسلوب نور بس ماقالت شي ومازعلت .
مر اليوم ليما رن جرس الهده.
نور ردت البيت واهيه متضايقه.
(نور في قلبها: رحت وآنه مستانسه رديت وآنه متضايقه.. جان زين ماتعرفت عليها.. لو ادري كل ذي بيصير فيني جان ماحبيتها.. يلا معليه الله كاتب.)
رحت نور تاخذ ثياب من كبتها الا جافت الورقه الي فيها رقم غلا الي غلا قطتها على نور وتمت تصيح.
(نور في قلبها: اول مرة في حياتي حبيت احد هالكثر.. اول مرره في حياتي قلت باقولج حق احد اني احبه..شهاااااالحظ .. مابيها مابيها ماااااااااحبها).
اليوم الثاني في المدرسه.
غلا: ملل خنسوي برناامج.
دانه: برناامج؟؟!!
غلا : اي خنكتب رساله حق امينه الي مصدقه عمرها وعبالها الكل ميت عليها ونقص عليها..ههه بس مابنكتب من من.. يزعم من وحده معجبه فيها. شرايج نور؟
(نور في قلبها: شفيني تضايقت كيفها ختسوي الي تسويه)
دانه: شنكتب؟ ومن الي بيودي لها؟
غلا: ريم الي بتوديها
دانه: اووووكي
ريم طلعت ورقه و قعدت تكتب جمن بيت من الشعر..
غلا: كتبي دفيني بحنانج من برد الشته..ههه
نور ماقدرت تسكت حست بتنفجر اذا سكتت اكثر
نورواهيه معصبه : ليش عندددددها لحاااااااف؟؟
غلا ودانه وريم: ههههههههههههه
غلا: شفيج عصبتي؟
نور: سلامتج غ2
نور: كتبي>> حبج دخل قلبي مثل السهم بس بدوون الم.
غلا: حلاااه طلعتي شاعره
نور: ههههههه
غلا: واخييرا سمعنا ضحك بعض الناس
ريم ودانه مشتطيين قاعدين يدورون حجي ويكتوب الرساله.. ونور قاعده شووي بعيد عنهم.. قامت غلا وراحت قعدت يم نور.. بس نور حاطه في بالها تبتعد عن غلا وماتكلمها عاشن جذي اول مايات قعدت غلا يم نور .. نور قامت.
غلا: يه!! شفيج علي.
نور: مافيني شي.
راحت نور وبطلت الخزانه الا علبة جبريبت في الخزانه..نور خذتها ومن القهر الي فيها ولعت عود الجربت وكانت تبي تطفيه على لسانها.. بس غلا ماخلتها ..
غلا: شفيج؟؟ شمسويتلج آنه؟
نور ولعت عود الجبريت وصكت يدها عليه.. واحترقت يدها..
قامت غلا بطلت يدها وحبتها.
(نور في قلبها : والله طااب )
غلا: ليش تسوين في روحج جذي ؟
نور: هه
رن الجرس وقامو كلهم يبون يروحون الصاله الرياضيه .. كانت غلا تمشي يم نور بس نور ابتعد عنها وراحت الصوب الثاني.
غلا: ليش يعني؟
نور تسوي روحها مافهمت قصد : ها؟؟
غلا واهيه معصبه: سلامتج.
عقب ماخلصت حصة الرياضه .
ريم : يلا غلا امشي وياي نودي الرساله حق امينه .
غلا: اوكي.
انصدمت نور.. ضاق عليها وسع هالكون.
( نور في قلبها: مو اهمه قالو ريم الي بتودي لها الرساله؟ ليش غلا بتروح وياها.. آنه اذا ماتحجيت الحين بانفجر.. احط ريل على ريل واقعد واخلي غيري ياخذ غلا مني؟!! لا ماباخلي احد ياخذها مني.. آنه احبها..اهيه لي شلون باعيش بدونها.)
ريم وغلا راحين يودون الرساله حق امينه.
نور واهيه معصبه : غلاااااااا ماتروحين.
غلا: ليش؟
نور: مابيج تروحين .. اذا ريم تبي تروح ختروح بروحها بس انتي ماتروحين.
غلا : ليش عاد؟
نور: بس مابيج تروحين .
غلا: لا باروح عادي ليش ماتبيني اروح؟
نور: ييبي الرساله يبييييييها.
غلا: لا مب معطتج ادري بتشقينها.
نور: اوكي كيييييييفج سوي الي بتسوين.
مشت نور عن غلا وربعها وراحت الصف ولمت اغراضها عشان تروح الاسرية(الاقتصاد المنزلي)
دشت غلا ولمت اغراضها.. بس نور ما انتظرت غلا نفس كل مرة..خذت شنطتها وكانت تبي تمشي..
غلا: افااااااا .. عافنا الخاطر؟
نور: هه بسرعه تعالي خنمشي.
في الطريج واهمه ماشين..
غلا: نور شفيج؟ وليش عصبتي مساعه آنه ماسويت شي.
نور: مافيني شي
غلا: عااااااد قولي لي شفيج.. شللي مضاايقج؟؟ وليش تحاجيني جذي؟؟
نور: تعالي صج وديتي الرساله حق امينه؟
غلا: لا غايبه.
(نور في قلبها: بعد راحت.. قلت لها لا تروحين وراحت)
غلا: ريم الي راحت آنه مارحت.
(نور في قلبها: ايي صدقت غ2)
عقب ماكملت الحصص ورن جرس الهده..كالعاده في الهده غلا عطت مشمومه حق نور..
نور واهيه معصبه: مشكورة مابي.
غلا حطت يدها على ويه نور: نوور شفيج؟
نور شلت يد غلا من وييهها ومشت عنها..
غلا زعلت من حركة نور..بس نور كانت معصبه مافتكرت .. بس لين ردت البيت حست بالذنب وراحت سيده اتصلت في غلا عشان تراضيها..
غلا: الو
نور: شلونج؟
غلا: عايشين
نور: شفيج يبيين عليج ليحين زعلانه.
غلا: عيزت وآنه اسألج منى شفيج منى شفيج بس كل مره تفشليني..
آنه ماسويت لج شي عشان كل ذي..
نور: آسفه
غلا: لا مابيج تتأسفين ابي اعرف سبب اسلوبج ذي معاي!! ابي اعرف ليش قلبتي علي مره وحده!!
نور: مافي سبب
غلا: شلون مافي سبب عصبتي علي وتقولين مافي سبب.. آنه ماسويت شي
نور: ماقلتي ريم الي بتودي الرساله؟ ليش رحتي معاها.
غلا: مارحت معاها.. صج كنت باروح بس يوم قلتي لي لاتروحين مارحت.. وشفيها اذا رحت ماباقولها مني آنه الرساله.. كنا بنقولها من وحده.
نور: آنه مابيج تروحين لها.. مابيها تجوفج.
غلا: ليييش عاد؟ اذا ماقلتي تره باجر باروح بروحي واعطيها الرساله.. عاااااد قووووولي.
نور بصرااخ: لأني احـــــــــبج
جدام عيني ياخذونج منج واقعد احط ريل على ريل واطالع؟؟ آسفه ماااقدر.
غلا انصدمت من حجي نور لأن ماتوقعت حب وغيرة نور سبب زعلها.
نور: آنه من زمان ابي اصارحج واقولج بس ماتجرءت ويوم تجرءت وييت اقولج.. قبل لا انطق اي حرف.. قلتي لي انتي بويه؟؟ قلت خلاص بابتعد عنج ماباقولج اني احبج بس يوم قلتي بتودين الرساله ماقدرت استحمل.. مابي احد ياخذج مني.
غلا: لااااا والله مو قصدي شي مو قصدي انج بويه اصلا آنه والله مادري شنو بويه بس آنه جفتج تلعبين رياضه كله وتراكضين وهلون عشان جذي سألت بس موقصدي شي صدقيييييني.
نور: انزين خلاص ماصار شي.
غلا: لا تزعلين مو قصدي شي
نور: لا مو زعلانه خلاص ماصار شي..
نور: يلا عيل اخليج الحين نجوفج باجر
غلا: اوكي تحملي بروحج
نور: وانتي بعد.. باي
نور صكت التلفون واهيه مستانسه حددها
(نور في قلبها: واخييييرا قلت لها الي فخاطري )
خذت نور ورقتين وكتبت فيهم كل الي فخاطرها اشعار واغاني كللله من قلللللللبها.
اليوم الثاني في المدرسه نور اول ماراحت الصف حطت الورقتين في درج غلا وكانت طالعه من الصف الا غلا داشه الصف وابتسمت لها ..كل وحده تنطر الثانيه تتحجى هههههه..
ماتحجو ليما رن الجرس..
نور كانت تستحي تكلم غلا حتى كانت تطالع الارض لي تحاجيها .. بس في التلفون تجوفونها انسان ثاني هههههه..
في المدرسه كانت تستحي تكلم غلا بس اول ماترد البيت تتصل في غلا وتهذر وياها ولا تسكت.. تقول كل الي فخاطرها .. وغلا مستغربه ليش في المدرسه تستحي تكلمني وفي التلفون عادي كأن انسان ثاني..
مرة واهمه قاعدين..
نور: غلا آنه وايد احبج وايد وايد صدقيني عمري ماحبيت احد هالكثر اصلا ماحبييت احد غير هلي .. آنه تعودت عليج ماقدر اعيش من دونج صدقييييني كل يوم حبج في قلبي يزيد واغليج اكثر من اليوم الي قبله ..
غلا: ايه عليج .. ليش تحبيني هالكثر.. اول مره احد يهتم فيني جذي ..حتى امي ماتحبني هالكثر.
نور: لاااا..لاتقولين هلون اكيد امج تحبج اكثثثر بس ماتقولج.. مايصير الام تقول حق بنتها هالحجي حتى لو كانت تحبها..
بعد في تكملة...gif "Graaam (11)")
من مساع وانا انتظرك تكمليها
بالإنتظار
خطوره
نور: غلا اذا ماداومت ماباجوفج ..ِلون بيمر يومي؟
غلا: معليه
نور: لاااا مو معليه تعالي باجر آنه باداوم عشانج انتي داومي عشاني
غلا: اوكي
نور:
وثنتينهم داومو ومحد داوم من ربعهم ..
بس كالعاده ثنتينهم ساكتين كل وحده تنطر الثاني تتحجي ههههه..
من الحصه الاولى لي السادسه تمو ساكتين .. غلا تمللت جافت نور ساكته ماتسولف..
غلا: نور امشي نروح نقعد في الحديقه عند البنات.
نور: اوكي امشي.
واهمه رايحين الحديقه
غلا: نور جوفي هاي البنيه الي واقفه هناك.
نور: شفيها؟
غلا: اسمها نور..مادانييييها تنرفزززززني..كانت معاي في الاعدادي وكله تتهاوش معاي كرهتها وكرهت اسمها .. عشان جذي ماحب اسم نور.
نور تضايقت شووي ومن ذييج اللحظة كرهت اسمها لأن غلا ماتحب اسم نور.
روحو وقعدو مع البنات شووي وقامو قعدوو بروحهم..
غلا كانت لابسه سلسلة على حرفها..فصختها وعطتها حق نور..
نور: ماباخذها هلون.. لبسيني اياها
قامت غلا ولسبتها السلسه… ومددده تمو ساكتين.
نور: اي شي تبين تعرفينه عني سأليني وآنه باقولج.
غلا: اعرف كلشي..قلتي لي آنه اول حبيتيني وماحبيتي احد قبلي.. حتى لو حبيتي مايهمني اهم شي الحين تحبيني
نور: اوكي براحتج
غلا: بس ابي اعرف ليش تتشردين مني؟
نور: اتشرد منج؟
غلا: اي لين اقعد يمج تقومين ولين حتى ماتبيني امشي يمج ولا جنه ربع.. جوفي الربع شلون كله يم بعض وميودين يد بعض بعد بس انتي حتى ماتبيني امشي يمج.
نور: آنه ماتعودت هلون ..ماحب ..احس مادري شلوون.. ووايد استحي منج
تصدقين آنه لي حد اليوم ماتجرءت ويودت يد اي احد من ربعي ولا حتى صبع ..
غلا واهيه زعلانه : ماتعجبني معاملتج ذي.
نور: لاتزعلين باحاول اصير معاج عادي.
غلا: احس تجامليني ماتحبيني تقصين علي .
نور: شفيج زعلتي آنه والله احبج قولي لي شلون اثبت لج حبي.
غلا: بس خلاص مب لازم.
كانو قاعدين نور لأن ماعلى الكراسي الي في الحديقه ..ونور لأن ماتقدر على زعل غلا قامت حطت يدها فوق يدها غلا واهيه مستحيه لأن اول مره تسويها.هههههه غريبه هالبنيه
غلا: شفيج ترتجفين؟ ههههه
نور: مادري اول مره فحياتي اجيس يد احد يمكن عشان جذي.
غلا: ههههه
نور: خنقوم نتمشى شووي.
قامو يتمشون.
غلا: ادري ليش قلتي تبين تقومين.
نور:ليش؟
غلا: لأن ماتبين يدج تتم فوق يدي.
نور:لاااااااا.
غلا واهيه زعلانه: امبللله.
قامت نور يودت يد غلا..
نور: مب هادتها لي الهده.
غلا: انزين ليش ترتجفين؟
نور: هههه مادري.
غلا: يدج عرقت.
نور: ختعرق مايودت يدج عشان اهدها..تونا في بداية المشوار.. وعــد امشي معاج في كل خطوة وباوقف معاج.
غلا طالعت نور وابتسمت لها ونزلن راسها.
واهمه يتمشوون يات وحده اسمها مريم سلمت على غلا ومشت معاهم. فشله نور وغلا ميودين يد بعض ومريم ضايعه بينهم ههههههه.
غلا: مريم عطيني يدج.
قامت نور وهوست يد غلا<< يعني غلا هدي يدها ليش ميودتها.
قبل لا غلا تهد يد مريم رن الجرس.. وكل وحده راحت بيتهم..
نور اول ماردت البيت كالعاده سيده اتصلت في غلا ..
غلا: الو
نور: فديت الصوت..
غلا: ولا جنه تووني كنت معاج.
نور: لااا في التلفون احلى لأن محد يسمعه غيري
غلا: هههه بسج مجاملات.
نور: والله ماجامل مادري ليش انتي كله عبالج اجامل واقص عليج.
غلا: مادري احسن هلون
نور: احساسج غللللط .. قولي لي شلون اثبت لج اني احبج؟ اي شي تبينه مستعده اسويه.
غلا: مب لازم خلاص صدقت انج تحبيني بس قومي الحين بسج وبعدين لاتنسين عقب جمن يوم الامتحانات.
نور: هههه انتي اهم من كلشي فحياتي.
غلا: بس لازم تدرسين.
نور: اي اوكي بادرس بس عشانج بس كل مافر صفحه من الكتاب باتصل فيج.
غلا: هههههه حلفي عاد
نور: يعني ماتبين اتصل؟
غلا: لااااا موقصدي هلون والله استانس لين تتصلين وتسألين عني بس لازم ندرس.
نور: اووكي.
غلا: يلا قومي الحين عشان آنه بعد اقوم ارتاح.
نور: اوكي تحملي بروحج.
غلا: وانتي بعد
نور: باي
غلا: باي
غلا: يلاااا صكيه شناطره؟
نور: لا ماحب اصكه احس اني صكيته فويهج.
غلا: هههه عادي صكيه.
نور: عااااااد صكييه.
غلا: اوكي باي.
نور :باي.
ايام الامتحانات تلفون غلا كان مقفول..ونور من كثر ماتعودت على صوت غلا ماقدرت تدرس واهيه ماكلمت غلا.. طول اليوم لاصقه في التلفون تتصل وتتصل بس تلفون غلا مقفول
الله يهديها نور لا تدرس ولا تخلي غلا تدرس
قبل الامتحان بيوم نور اتصلت في غلا وكان تلفون مو مقفول اكيد كانت مخلصه دراسه..
غلا: الو
نور: شلونج وشخبارج وشمسوويه؟؟
غلا: بخير
نور: وحشتييييييييني ووحشني صوووووتج
غلا: وانتي بعد
نور: واخييييرا باجر باجووفج
غلا: هههه لهالدرجه ولهانه؟
نور: واكثررر بعد.
غلا: فديتج والله
غلا: ها درستي شي؟؟
نور: كل مايودت الكتب كتبت اسمج وحرفج .. مادري قاعده ادرس الكتاب ولا حبج
غلا: هههههههههه ايه عليييج آنه بعد كله اكتب حرفج
نور:
غلا: يلا قومي راجعي
نور: وانتي كله تطرديني؟
غلا: لاا ماطردتج بس ابيج تراجعين ادري مادرستي شي ..كنتي تدرسين حبي على قولتج
نور: هههههههه
غلا: يلا قوومي..عااد عشاني
نور: ماقدر اردج اوكي باقوم بس عشاانج باقوم
غلا: عفيه ع الشاطره
نور: ههههههه
غلا: 1..2..
نور: انزيييين باقوم..يلا باي
غلا: باي
نور استانست لأنها كلمت غلا وباجر بتجوفها.
اول يوم امتحان في المدرسه.. ولأن اسم نور تحت اسم غلا يعني مقعدها وره مقعد غلا..
رن الجرس و وزعو الاوراق ..والبنات يحلوون بس نور قلوب تطير حولها هههه لأن غلا قاعده جدامها.. وعلييه ولا قدرت تحل شي مو بس في هالامتحان في كل الامتحانات بس نور كانت وايد مستانسه.
قبل لا تخلص الامتحانات بومين نور عطت غلا سلسلة على حرفها..وغلا ابتسمت لها .
في ليلة الامتحان الاخير نور اتصلت في غلا.
غلا: الو
نور: تعبت وآنه اتصل وينج ماتردين؟..
غلا بدون نفس: كنت ادرس
نور: مسامحه عيل ماكنت ادري بس عادتا لين تدرسين تقفلبن تلفونج
غلا: نسيت
نور: شفيج تحاجيني بدون نفس؟
غلا: شلون تبين احاجيج؟
نور: يه!! شفيج؟
غلا: من عبير؟
نور: عبييييير؟؟؟!! اي عبير؟
غلا: مو انتي قلتي آنه اول وحده حبيتيني؟
نور: اي
غلا: عيل من عبير؟
نور: يه من وين طلعت ذي
غلا: معلمه عبييييير الي كنتي تحبينها في الاعدادي.
نور: هههههههههه كنت احبها؟
غلا: اي كنتي تحبينها وماتم احد ماقلتي له عنها وكل وحده تيي وتسألج عنها شمعناته؟؟ ها!!
نور: هههه من صجج انتي؟
غلا: كنتي تحبينها صح ولا لا؟
نور: اي كنت احبها بس كمعلمه
غلا واهيه معصبه: كمعلمه وهلووووون؟!!!!!! اوكي الله يخيلج لها ..باااااي
نور: غلاااا
غلا: نعم؟
نور: من صجج يعني تشكين فييني؟
غلا : هاي الصج وانتي تحبينها وخشيتي عني هالحجي والله يعلم شخاشه عني بعد.
نور: معلمه عبير معلمة رياضه وكانت وايد تحبني والله لأني اعرف العب.. حتى سألي اي وحده كانت وياي في الاعدادي بتقولج هالشي.. حتى المعلمات كانو يعرفون هالشي. وآنه كنت افضلها على باقي المعلمات.
غلا: اوكي الله يخليكم حق بعض.. عن اذنج باروح اراجع.
نور: مابي اعطلج بس اترجااج لا تشكين فيني وفحبي.
غلا: باي
نور : باي.
طول الليل نور تفكر في كلام غلا حتى ماقدرت ترقد..
(نور في قلبها: شفيها غلا تغيرت علي مره وحده وشدخل معلمه عبير بيننا الحين.. اكيد احد قايل لها شي .. بس من؟؟ من قاعد يحاول يفرق بيننا؟؟ .. بس المفروض غلا ماتشك فيني هلون .. حتى ماعطتني فرصه ابرر .. يلا معليه باجر بافهمها كلشي ولازم اراضيها لأن اخر يوم عقب اجازة )
نور وعلييه طول الليل مارقدت وثاني يوم راحت المدرسه من وقت عشان تروح قبل غلا وتنطرها عند الباب..
طلعت ورقه وكتبت فيها اغنيه "فقدتك" مالت الجسمي عشان باجر تعطيها حق غلا.
اليوم الثاني نور راحت المدرسه من وقت وكتبت على طاوله غلا "غلووي احببج صدقييني احبج وماقدر اعيش من دونج" .. وراحت وقفت عند الباب تنطر غلا.. ولما غلا يات..
نور: شلونج غلا ؟
غلا زعلانه على نور ماردت عليها ومشت عنها بس نور لحقتها ..
نور: شفيج؟ عالاقل سمعيني شابي اقول عطيني فرصه
غلا واهيه معصبه: شتبين تقولين؟
نور: تذكرين قلت لج اي شي تبين تعرفينه عني سأليني؟ قلتي لي اعرف كلشي ..مايصير الحين تعامليني الحين.
غلا: المفروض تقولين لي عن عبير
نور: مالت على عبييير من عبير عشان اقولج عنها؟؟ معلمه درستني شتبين اقولج عنها؟
غلا: كنتي تحبيييينها وخشيتي عني هالشي.
نور: والله معلمه عاديه ماحبيتها ولا شي آنه حبييييييتج انتي بس انتي حاطه فبالج ماحبج واقص عليج..شحادني اقص عليج واقولج احبج؟؟ شباستفيد؟؟ فكرررررري شوووووي.
غلا: متاكده آنه اول وحده حبيتيها؟
نور: اي والله العظييييم انتي حبي الاول وان شا لله الاخير.
غلا ابتسمت حق نور.. ونور استانست
ودشو القاعه يقدمون الامتحان.. نور خلصت وطلعت من القاعه قبل غلا ..
كانت واقفه تلبس دفتها ومعطه الباب ظهرها .. يات غلا ولمتها واهيه ماتدري.. نور استحت ماقدرت تلم غلا.. ودعو بعض ونور عطت الورقه الي كتبت فيها الاغنيه حق غلا وراحت.
بدت الاجازة ومع الايام زاد وله نور.. وكانت طول اليوم تتصل في غلا وتكلمها من غير ماتجوف الساعه ومن غير ماتفكر اذا اتصالاتها تضايق غلا ولا لا.. اهم شي اهيه مستانسه.. بس غلا عمرها مابييت لها انها تتضايقين عشان جذي نور كانت وايد تتصل فيها.
مرت اسبوع على الاجازة.
مره وحده ام وابو نور قررو يروحون يسكنون مع يدة نور في مدينة حمد.. بس نور ماتبي مع انها وايد تحب يدتها بس مدرستها في الرفاع واهيه ماتقدر تستغني عن غلا يوم واحد.. حاولت تقنع امها وابوها بس مافي فايده.
نور اتصلت في غلا..الا تلفون غلا مشغول.. عقب جمن دقيقه
غلا: الوو
نور:غلااااااااا
غلا: هلا شفيييج؟
نور: حدي متضايقه وانتي مادري من تكلمين ولا تردين..يعني اهمه اهم مني؟
غلا: لااااا والله كنت اكلم رفيجتي وليت جفتج تتصلين قلت لها عندي خط ثاني ..جوفي فضلتج عليها..
انزين شفييييج خرعتييييني عسى ماشر؟
نور: امي وابوي يقولون بنروح نسكن في مدينة حمد مع يدتي بس آنه مابي
غلا: خرعتييييييني عبالي في شي.
نور: هاي يعني ولا شي؟ باروح مدرسة مدينة حمد .
غلا: شنهووووووو
نور: والله
غلا: لاااااااا لا تروحين
نور: والله مابي اروح ماقدر اعيش من دونج.
غلا: لا تتضاقين حاولي تقنعين امج وابووج.
نور: والله حاولت بس مافي فايده يقولون محد بييبج لي الرفاع حق المدرسه .. في مدرسه في دواارنا
غلا: يعني خلاص بتروحين؟
نور: اي
غلا: اذا امج وابوج يبونج تروحين وتدرسين هناك سمعي كلامهم.
نور: ماااابي ادرس هناك .. والله حبيت المدرسه عشانج والله العظيم اروح المدرسه بس عشانج ..في الاعدادي كنت كله اغيب بس من يوم حبيتج ماغبت ولا يوم.
غلا: بس امج وابوج يبونج تدرسين هناك
نور: شاسوي انزين؟
غلا: سمعي كلام امج وابوج , وقومي رقدي الوقت متأخر.
نور: لا مابي
غلا: يلا عاااد نور عشاني
نور: اوكي باقوم بس عشاانج.. تحملي بروحج وايد.. احبج
غلا: آنه بعد احبج
نور: باي
غلا :باي
نطروو التكملة =)
هلآ وغلآ نورتي
والله يعطيكِ العآفيه
بالتووفيق
"
بسم الله
يعطيك العـــآفية
و يا ليت تخبرينـــآ بإسم الكـــآتبـ / ـة ؟!
موفقة بنقلك إن شـــآء الله
,’
آنه الي كاتبه هالقصه =)
اكيد بتقولين شلون متأكده ان هالقصه صجييه هههه لأن هاي قصتي آنه وآنه بنفسي كاتبتها =)
اتمنى تعجبكم =)
مر يوم كامل ونور ماتصلت في غلا.. وغلا تحاتي الساعه 9:00.. شفيها نور نور ماتصلت اليوم ..
غلا اتصلت في نور..
نور: الو
غلا: وينج احاتيج وحشتيني..
نور: اكاني
غلا: المهم قولي لي شلونج وشخبارج؟
نور: عايشين
غلا: شفيج متضايقه؟
نور: مابقى الا اسبوع وتخلص الاجازة.. يمكن باجر او الي عقبه ابووي بيودي اوراقي مدرسة مدينة حمد.
غلا: لاااا نور لا تروحين عني.
نور: آنه ابوي وايد حليوو وآنه متأكده مايردني.. بس امي مب راضيه.
غلا: معليه بتروحين هناك وبترافجين بنات يوم يومين وبتنسيني.
نور: لااااااا مستحيل انساج.. روحي روحي ولا انساج واذا قدرت انساج.. شنهي العيشه بدونج.. انتي ماتعرفين شكثر احبج.. انتي ماليه علي دنيتي.
غلا: صدقيني آنه بعد مابانساج.. بس انتي لازم تقللين اتصالاتج شووي عشان ماتكلميني وايد تتعودين علي.
نور: لااااااا ماقدر
غلا: انتي حاولي بتقدرين.. اذا ماسويتي هلون بتزعلين امج وابوج ومابتقدرين تركزين على دراستج.. انتي لازم تدرسين.. وتنتبهين حق دراستج.. عااد عشاني.
نور: انتي كل مره تقولين لي هلون ..تدرين اني ماقدر اردج.. تدرين ان حبج نقطة ضعفي.
غلا: ههههه فديتها الي ماتردني
نور: فديت الضحكه
غلا : افداج..ها الحين شبتسوين؟
نور: شنو شباسوي؟
غلا: شقلنا من شووي؟
نور: ماقدر
غلا: يترديني؟
نور: لااااا ماباردج ..ماقدر اصلا.. اوكي خلاص ما باتصل فيج وايد نفس كل يوم.. مايصير مره وحده.. شوي شووي.
غلا: اوكي
نور: مادري والله شلون باعيش بدونج.. شلون اروح مدرسه انتي مو فيها.. شلون اقعد في صف انتي مو وياي .. شلون اقعد على كرسي وانتي مو جدامي
غلا: معلييه بتتعودين..
نور: مادري متى باتعود .
غلا: جريب .. بس انتي قومي الحين.. ومثل ما اتفقنا مابتتصلين وايد.
نور: ان شا الله باحاول.
غلا: يلا انزين قومي.
نور: انزين باقوم.. تحملي بروحج
غلا: وانتي بعد
نور: يلا باي
غلا: باي.
اليوم الثاني نور كلمت غلا بس ساعتين وعقب 3 ايام ساعه وعقب 5 ايام نص ساعه وعقب اسبوع يوم كااااااامل ماتصلت خير شر.. وغلا بعد مااتصلت لأن ماتبي نور تتعود عليها ..تبي تساعدها.
مر يوم ونور ماكلمت غلا .. اليوم الي عقبه ماقدرت راحت واتصلت في غلا ..
نور: غلا احببببببببببببببج آنه احبج وماقدر ماكلمج تعودت عليج خلاص مابي ابتعد عنج.
غلا: لاااا لازم تنسيني ولازم آنه بعد اساعدج في هالشي مابي هالشي يأثر على دراستج.
نور: لا مابي تساعديني ولا شي ..آنه كل يوم باكلمج وباتم اكلمج هلون.
غلا: سوي الي يريحج.. اهم شي راحتج.
نور: اي كيفي آنه باتصل كثر مابي واذا تمللتي مني وحسيتي ماتبين تكلميني لا تردين.
غلا: ماقدر مارد ..لازم ارد .
نور: ايه عليج.. بس باخليج الحين لأن بنطلع.
غلا: اوكي تحملي بروحج
نور: وانتي بعد..
اممم قولي شي.
غلا: مثل؟
نور: كل مره قبل لا اصك التلفون شاقولج؟
غلا: اممم تحملي بروحج
نور: لااا.. كلمه غير
غلا: احبج
نور: كل مره آنه اقول.. خاطري اسمعها
غلا: احبج
نور: ها؟؟ ماسمعت..
غلا: احبج
نور: شقلتي؟ عيدي ماسمعت
غلا: احببببج
نور: بعد ماسمع رفعي صوتج شووي
غلا بصراااخ : احــــــــــبج
نور: آآي اذوني هههه
غلا: هههه ها سمعتي ولا اعيد؟
نور: لالا خلاص سمعت
غلا: يلا قومي الحين
نور: انزين باقوم كله تطرد.
غلا: هههه بروحج قلتي تبين تروحين عقب بتقولين عطلتج.
نور: هههههه انزين باقوم.. يلا باي
غلا: باي
قبل لا تخلص الاجازه ب 3 ايام ابو نور راح يودي اوراق نور واخوانها الوزاره عشان ينقلهم مدارس مدينة حمد.. بس الوزاره قالت لازم تغير عنوان البيت مانقدر ننقلهم الا اذا غيرتو العنوان..
بس ابو نور راح البيت وقال حق ام نور ان الوزاره قالو جذي وام نور قالت اذا بنغير العنوان لازم تغيير عنوان البيت كامل .. خلاص ماله داعي نسوي كل ذي.. والعيال بروحهم مب راضين يروحون هناك.
نور عقب ماسمعت الخبر استااااانست كأن ردت روحها.. وسيده راحت تتصل في غلا وتقولها..
(نور في قلبها: لالا ماباقول حق غلا باسوي لها مفاجأه.. اول يوم في المدرسه)
قررت نور ماتقول حق غلا وتسوي لها مفاجأه عشان لين تجوفها اول يوم في المدرسه وتنستانس وايد.
اول يوم في المدرسه نور كانت تبي تروح المدرسه من وقت وتنطر غلا عند الباب.. بس الله مو كاتب عشان جذي يوم راحت كانت غلا رايحه قبلها.. نور دشت الصف وغلا كانت قاعده في الصف ويوم دشت نور..غلا حتى ماوقفت تسلم عليها.. نور وايد تضايقت.
( نور في قلبها: غلا حتى ما ابتسمت لي ,,حتى ماقامت تسلم علي.. يمكن كانت حاطه فبالها ان خلاص مابتجوفني ,,وتفتك مني.. لهالدرجه وجودي ثقيل فحياتها ))
راحت نور وقعدت على كرسيها وكانت غلا قاعده جدامها ..
غلا التفت على نور..
نور: شفيج غلا؟
غلا: مافيني شي.. احس انتي متضايقه
نور : لا مافيني شي
غلا فرت ويهها وعطت نور ظهرها وقعدت تسولف مع ربعها.. نور بروحها كانت متضايقه تضايقت اكثر بس ماقالت شي..
نور: غلا ليش معطتني ظهرج؟
غلا: يعني تبيني اهد ربعي واجابلج؟
نور: ماقلت لج هدي ربعج .. قط مره قلت لج ليش تحاجين ربعج وليش تروحين معاهم؟
غلا: لا ماقلتي
نور: عيل
غلا: خلاص ولاشي
(نور في قلبها: شفيها غلا تحاجيني هلون)
عقب نص ساعه تقريبا غلا وربعها قامو يبون يروحون يتمشون.
غلا: نور امشي نروح.
نور: روحو انتو مابايي.
غلا: اوكي
(نور في قلبها: غلا وايد متغيره علي.. اكيد احد تارس مخها حجي ..لااا اهيه مب ياهل يمكن في سبب ثاني..ليكون صارت تحب امينه .. اييي اكيييييد حبتها يوم قلت لها بااروح مدرسه ثانيه حبت امينه .. عبالهم باحط ريل على ريل ماباسوي شي ؟؟.. غلا ماتهون علي اسوي فيها شي بس ذييج اراويها.. ان كفختها ماكون انه بنت ابووووي .. آنه اغراضي ماخلي احد يجيسهم شلون اخلي ياخذون مني انسان اغليه هالكثر..
اراوييييييييييييها باطقها طققققق بانسيها حليب امها ))
نور راحت غلا واهيه معصبه..
نور: ادري ليش انتي ماغيره علي
غلا: شتقولين آنه مو متغيره عليج.
نور: امبببببببله واعرف السبب بعد
غلا: شنو السبب؟
نور: ادري حبيييييتي ذييج امييينه بس اراوييييييييها.
غلا: شنو امينه من صجج انتي؟ آنه ماحبها ولا شي
نور: امببببببله من البدايه اصلا كانت عاجبتج.
غلا: لا
نور: امبلللللللله لا تنكرين انتي تحبينها ويوم قلت لج باروح مدرسه ثانيه استانستي عشان تاخذين راحتج وياها .
غلا واهيه معصبه : ايييييي حبيتها انزين شعندج؟
نور: عبالج باحط ريل على ريل وماباسوي شي؟؟
غلا: شبتسوين يعني؟
نور: باااااااااطقها.
غلا: هههههه اوكي طقيها
نور: انزين
مشت نور عن غلا واهيه مستحمقه .. ومادشت الصف لي الهده.
نور اول ماردت البيت تمت تتصل في غلا بس غلا ماردت الا عقب 10 مكالمة تقريبا.
غلا:الو
نور: جان مارديتي بعد.
غلا: كنت حاطته ع سايلنت
نور: جان قفلتيه عالاقل تعبت وآنه ميوده التلفون.
غلا: في المدرسه كنتي معصبه ومادري شعندج .. ليش تبين تكلميني؟
نور واهيه معصبه: متصله اقووووولج قولي حق حبيبتج تدور لها كفن من الحين.
غلا: اي حبيبه؟
نور: امييينه
غلا: هههه الي تبين تطقينها؟
نور: اي باطقها
غلا: ههه اتحداااااااج تجيسينها بس
نور: اووووكي عيل نطري النتيجه.
غلا تبي تحر نور: ايه عليها كانت غايبه اليوم .. متى باكحل عيوني بجوفتها
نور بصراااخ: انتي بس جوفي شباسوووي فييييييييها
غلا: هههه اعصابج
نور: مشكووورة ايي منج اكثر .. مينونه آنه من شووي كنت ميوده صورج واحببهم.
غلا: العففووو .. والله محد قالج تيودين صوري وتحببينهم.
نور: اوكي خلاص ماباحببهم واذا تبين اردهم باردهم تره.
غلا: يكون احسن
نور واهيه متضايقه اووكي باجر باييبهم.
غلا: اوكي ييبيهم.. انزين آنه باروح عندي شغل..باي
نور: بااااااي
(نور في قلبها: حراام عليج تسوين فيني جذي.. حتى الصور تبين اردهم .. يوم عطيتيني اياهم قلتي لي توثقين فيني وعمرج ماعطيتي احد صورج وآنه اول وحده تعطينها صورج..والحين كل هالجروح ليييييش؟ اوكي الي يرضيج باسويه.. باجر باردهم لج))
نور عقب ماصكت التلفون قعدت تسوي خطه عشان توصل لي امينه وتكفخها.. طول الليل مارقدت قعدت تفكر وتخطط.
ثاني يوم اول ما جافت غلا سيده عطتها صورها ويدها ترتجف وعينها متروسه دموع.. حتى ماقدرت تحط عينها في عين غلا .. نزلت راسها ومدت يدها وغلا خذت الصور.
نورعقب ماعطت غلا صورها سيده راحت صوب صف امينه وطول اليوم راقبتها عشان تجوف وين تقعد ومع من تمشي..
يومين تمت تراقبها ليما جافتها مع بنيه من صفها يعني من صف نور.
طول اليوم قعدت تفكر شلون تهجم على امينه.. وشتسوي.
( نور في قلبها: باجر باروح عند البنيه الي فصفي الي كانت مع امينه وباسألها عن امينه وعقب باحاول اشووه سمعة امينه في الصف جدام هالبنيه عشان تروح تقولها؟))
ثاني يوم في المدرسه نور راحت عند البنيه الي جافتها مع امينه..
نور: تعرفين امينه خالد الي فالتوجيهي؟
البنيه: اي اعرفها.
نور: اوكي خلاص مشكورة.
البنيه: ليش تسألين؟
نور: ابيها في سالفه
البنيه: بس اهيه غايبه اليوم.
(نور في قلبها: افااااااااا ماغابت الا اليوم.. معليه باجر ان شا الله لي متى بتنخش في حضن امها)
نور راحت البيت وطول اليوم قعدت تخطط وتفكر شلون تكفخ امينه.. اول سبب القهر الي فيها وثاني سبب اهيه ماتبي احد ياخذ غلا منها وثالت سبب غلا كانت متحديتها.. ونور ماتبي تطق امينه تطلع اهيه الغلطانه وتحصل فصل ولا تبي غلا تكون في السالفه لأنها تحبها وماترضه البنات يتكلمون عنها.. عشان جذي ليل ونهار تخطط شلون تكفخ امينه بطريقه صح.
(نور في قلبها: باجر باروح عند امينه واكلمها بس قبل لا اروح عندها باقول حق الكل آنه رايحه اهددها لآن البنات مابيسمعون شباقولها اهمه بيصدقون وعقب باروح الصف عند البنيه الي تعرف امينه وباقولها آنه هددت امينه.. عشان تروح وتقولها.ان شاااااا الله تنجح خطتي ويصير كل الي فبالي)
نور راحت المدرسه واهيه بكااااااااامل الاستعداد..عشان تهجم على امينه لين يات عنها.. ماخذت معاها شي قصدي سلاح .. تعرف تطق ..مب هينه البنيه لاعبة تكوندوو.. بس غلا ماتعرفها عدل ليحين ولا تعرف عن الي يدوور في بال نور ولا تعرف عن الخطط الي تخططها نور ولا تعرف ان نور من صجها بتطق امينه واهيه مالها ذنب.. لأن امينه لا تعرف غلا ولا غلا تعرف شي امينه الا اسمها.
اليوم الثاني في المدرسه.
نور تكلم شوق: آنه باروح اهدد امينه.. جوفوني من الدريشه انزين.
شووق: تعالي وين بتروحين؟ شتقولين انتي؟
نور: الي سمعتيه.. ومحد يقدر يمنعني.
مشت نور بتروح عند امينه وبنات الصف كلللهم قامو تيمعوو عند الدريشه يطالعون..
نور راحت وكلمت امينه واول ماردت الصف راحت عند البنيه الي تعرف امينه..
نور: آنه رحت وهددت امينه.. خافت وعلييه هههههه.
(نور في قلبها: الااااااي ان شا لله كلشي بيصير اوكي ويصير الي فبالي بالضبط.. شفيها ذي ليحين ماراحت تقولها مابي خطتي تفشل.. من 3 ايام اخطط وماقدرت ارقد عدل ))
غلا: نوووور شقلتي لها انتي؟
نور: روحي سألي حبيبتج بتقولج.
غلا: يلااااااا عاد قولي
نور: رحت هددتها وييت بس ليحين مابردت حرتي عقب نص ساعه او ساعه باذذذبحهاااااا.
غلا: مينونه انتي؟؟
نور: تحديتي الحين جوفي شباسوي.
واهمه يتحجون امينه كانت رايحه صفها وغلا نقزت عشان تحر نوروطلت من الدريشه : اكيه اكيه
(نور في قلبها: باخلييييييج تصيحين على مووووووتها )
نور تنطر البنيه الي تعرف امينه تروح تقولها ان نور قاعده تشووه سمعتها وتقول ان اهيه هددتها.. بس البنيه مب راضيه تطلع من الصف..
اول ما رن الجرس البنيه قامت وراحت تقول حق امينه.. نور استااااااانست لأن 3 ارباع خطتها نجحت ماباقي الا الطق والتذابح..قعدت نور تطاله البنيه من الدريشه ليما راحت عند امينه وقالت لها.. نور مستانسه وتنطر امينه تيي عندها عشان نور تكفخها وتبرد حرتها.
عقب 10 دقايق تقريبا يات امينه ومعاها تقريبا 6 او 7 من ربعها هههه من الخوف يايبه وياها جيش ككككك.. ووقفت عند الباب واشرت على نور وقالت حق المعلمه ابيها شووي..
نور مستااااااانسه ومستعده.
قامت نور ورفعت يد قميها وطالعتها بنظرررة وطلعت برع الصف..
امينه ماده يدها في ويه نور: شفيج انتي قاعده تشوهين سمعتي؟
نور بصراخ: اوووول شي نزلي يدددددج لا كسرها لج واحطها في يدج الثانيه.
امينه: باكسر لج راسج.
نور: يلاااااااااااااا اتحدااااج تجيسيني.
امينه: جوفي آنه مو يايه اتهاوش يايه اتفاهم.. انتي قاعده تشوهين سمعتي وآنه ماسويت لج شي.. تقولين حق البنات انتي مهددتني وآنه خفت منج.. متى هددتيني؟؟؟؟
نور: اي هددتج شبتسوين يعني؟
امينه: انتي ماتعرفين من آنه باوديج لي الاداره وماباخليهم يفصلونج.
نوربصرااااخ : تهددين من انتي؟؟ تهدديني آنه؟ هه تعرفين من آنه؟ الحين باراويج من آنه.
رفيجة امينه قالت حق امينه امشي عنها.. ختولي..
نور عصببببببت امينه كانت ماشيه.. نور يودت يدها وفرتها وطرررررراق بوكس على وييهها طييرت نظارتها الطبيه وزنطتها بطريقه ماعرف شلون اشرح لكم.. هاي حركه من حركات تنشنكان في التكوندوو يسوونها .. الي تيودونه مايقدر يتحرك ولا يقدر يتنفس.. المهم ربع امينه كلهم ياو وقامو يطقون نور.. وحده ميود يدها ووحده تسحب شعرها ووحده ترفسها بس نوور محد قدر عليها تمت زانطه واهيه معصببببه وتصارخ :تحرررركي لا يلا كسري راسي اذا انتي بنت ريال.. ييتي تتهاوشين ويايبه وياج جييييش.. يلا طقووووني.. محد يقدر اييووووووووودني ممممممحد.. موتج مكتوب بيدي.. وامينه ميته من الصياح.. قامت نور وداشت على نظارتها وكسرتها..
عقب جمن دقيقه ما وعت نور الا امينه اغمه عليها.. نور عبالها ماتت.. قامت نور وشردت ههههههه..
دشت نور الصف واهيه خايفه لأن عبالها امينه ماتت هههههههههه.. ويات غلا : نوووووور شفيج هلون؟
نور واهيه معصبه : روحي لحقي على حبيبتج ..رووووحي جوفي شسويت فيييييها قلت لج لاتحديني.
زنطتها وطقيييييتها طق ماتت.. وآنه تحرك ريلها ويدها كأنها فرخه قاطينها في الماي تحرك يناحها هههههههههههه..
غلا:
قبل لا غلا تقول شي ياوو ربع امينه وقالو ان المشرفه تبي نور.
نور في قلبها: اشتككككككككت علييييييييي؟ امبيييييييه رحت فييها الحين بيتصلون في امي وابوووي =(.. شاسوي الحيييييين.. مااااااااالت علييييها يزعم بويه وتسوي روحها كلش وماتخاف مني بعد اشتكت))
نور: غلا لين رديت باقولج كلشي .
نور سووت روحها عادي ماتخاف ..قامت واهيه مستحمقه ودزيت الكرسي الي كان عند الباب بقووه وطلعت من الصف.
في حجرة المشرفة.. كانت امينه داخل عند المشرفه وويها منتفخ من الصياح وواااههههه..
(نور في قلبها: اشوووووه ما ماتت جان الحين آنه في السجن ))
مشرفة نور: تعالي نور دشي
نور: ان شا الله
المشرفه : ابيج تقولين كل الي صار.
نور: ماعندي شي اقوله.. بس الي باقوله لا تتصلون في امي وابووي ..تبون تعاقبون؟ عاقبووني اي عقاب داخل المدرسه ..حتى اف ماباقول.
المشرفه: لا ما اتصلنا في امج وابوج وخلي العقاب الحين قولي لي شسويتي في امينه؟ زنطتيها شووي وتموت.
نور: بس ما ماتت.
المشرفه: لا تراددين وقولي لي كل الي صار وليش قلتي حق البنات انج مهددتها ومادري شقايلتلها.؟؟
نور: لااااا ماااااقلت جذي.. آنه اصلا ماعرفها ..اهيه الي كانت مشتطه ويات تبي تتهاوش..
المشرفه: ما هددتيها؟
نور: لاااا
امينه: مشرفه بانادي لج بنات من صفها اعرفهم .. اهمه الي ياو وقالو لي ان نور قاعده تقول هلون حق المدرسه كلها.
المشرفه: اوكي ناديهم..
راحت امينه ونادت بنتين من صف نور وحده اسمها منيرة والثانيه فاطمه.
المشرفه: نور يات شقالت لكم؟
فاطمه: امس يات عندي وسألتني عن امينه.. قلت لها غايبه واليوم قالت حق البنات باروح اهددها.. راحت ويات قالت لي انها هددت امينه وامينه خافت منها.
المشرفه: هددتها على شنو؟ شقالت لها؟
فاطمه: في وحده اسمها غلا في صفنا ونور عبالها غلا تحبها.. قالت حق غلا ان اهيه راحت وقالت حق امينه ابتعدي عن غلا.
المشرفه: من غلا؟
فاطمه: رفيجة نور.
المشرفه: انزين روحو نادووها.
نور: لااااااااااا مشرفه لا تنادين غلا.. لا تييبون غلا لي الاداره..شبيقولون عنها؟؟ آنه مارضه عليها.. بعدوها عن السالفه لا تدخلونها في السالفه اهيه مالها خص.. آنه مابي باجر البنات يتكلمون عنها وسمعتها تتشوه.
المشرفه: لا.لازم غلا تيي
نور: لا مشرفه عااااااااااد اترجااااج لا تنادين غلا.. آنه الي متهاوشه عاقبوني آنه سوو فيني الي بتسون بس غلا لاتدخلونها في السالفه.
المشرفه: اوكي خلاص مابناديها..بس بشرط.
نور: مستعده اسوي كل الي تبين بس بعدي غلا عن السالفه.. باجر اذا احد تكلم عليها بتكرررررهني ولا مابيها تكرهني آنه وايد اعزها.
المشرفه: اوكي قولي لي كل شي بالتفصيل.
نور: مره عصبت على غلا وقلت لها ادري انتي صرتي تحبين امينه وماخذه عقلج.. ابتعدي عنها آنه مابيج تحبين بويه.. بس لأن آنه عصبت عليها وقلت لها هلون.. اهيه بعد ردت بنفس الاسلوب وقالت اي احبها عشان تحرني.. وآنه قلت لها اذا ماابتعدي عنها باروح اهددتها.. بس مو قصدي صج يعني اروح اهددها بس كنت ابي اخرع غلا.. وغلا كانت معصبه قالت لي اتحداج تجيسينها.. رحت آنه وقلت حق غلا ان آنه هددت امينه.. بس فاطمه سمعتني وراحت قالت حق امينه وامينه اشتطت ويات تبي تتهاوش.
المشرفه: انزين وامينه شذنبها انطقت؟؟
نور: اهيه الي يات تبي تتهاوش.
امينه: آنه ييت اتهاوش؟ آنه قلت لج يايه اتفاهم بس انتي الي صارختي ومره وحده هجمتي علي وزنطيني.
نور: انتي يايه
ويايبه معاج جيش وتقولين يايه اتفاهم؟؟!! هلون يتفاهمون؟
المشرفه: انزين نور انتي ليش ماتبين غلا تكلم امينه اذا تبي تكلمها.
نور: لأن امينه بووويه.
المشرفه: بس انتي لا امها ولا ابوها عشان تقولين لها لا تكلمين ذي ولا تمشين مع ذي
نور: آنه رفيجتها .. آنه اختها.. ومارضه رفيجتي تكلم بويه..
المشرفه: ليش؟
نور: ترضين بناتج يكلمون بويات ويرافجونهم؟؟؟ ترضييين؟
المشرفه: لا مارضه.
المشرفه: نور تدرين ان امنيه يات عندي تصيييح كسرت خاطري بس ماقدرت المها واسكتها.
نور: لأنها بويه صح؟
المشرفه: اي
امينه: بس البنيه غلا آنه ماعررررفها وتيين تطقيني وتزنطيني وآنه مالي ذنب ولا اعرف شسالفه.
المشرفه: انزين بس خلاص لا تتهاوشون مره ثانيه..
تعالي نور وقعي التعهد.
نور: بس آنه الي اوقع؟ وامينه يعني مابتعطونها تعهد؟
المشرفه: تامريني يعني؟
نور: لا مامرج بس مايصير آنه بس احصل تعهد وامينه اهيه الي يايه تتهاوش وماتحصل تعهد.
المشرفه: امينه بعد بتوقع.
نور وامينه وقعو التعهد .. وكل وحده ردت صفها.
نور راحت عند غلا: الحين ماقدر افمهمج واقولج كلشي جدام البنات والله لين رديت البيت باتصل فيج وباقولج كلشي وبالتفصيل.
غلا: شبتقولين لي؟ الي سويتيه؟
نور: ماسويت شي غلط
غلا: عطوج تعهد؟
نور:اي
غلا: مستانسه بعد؟
نور: اي مستااااانسه وطايره من الوناسه لأن طقيت حبيتج الفرخه وكفختها وصييحتها وكسرت نظارتها ومحد قدر علي ليما اغمه عليها ههههههههههههههه.
غلا: حدج مينونه.
نور: اي مينووووووووووووووووونه فيج.. وخل العالم كله يعرف.
نور راحت عند ربعها.. الا وحدة يايه تقول المشرفه تبي نور.
(نور في قلبها: افففف شتبي بعد)
نور قامت ورحت عند المشرفه.. اول ما دشت حجرة المشرفه انصددددددمت .. جافت غلا داخل عند المشرفه وامينه بعد وياها.
(نور في قلبها: ماهقيت والله مااااهقيت .. رحتي تراوين امينه ويهج رحتي وقلتي لها آنه غلا جوفيني؟.)
المشرفه: تعالي نور.. انتي قلتي ماتبين انادي غلا..بس غلا يات بنفسها وقالت لي كلشي..
انتي مضايقه غلا بللي تسوينه اهيه يات وقالت لي كلشي.
نور: شقالت لج؟ شسويت لها؟
المشرفه: اتصالاتج الزايده و تقولين لها لا تكلمين ذي و لا تطالعين ذي.
نور منصدمه شلووون غلا تروح تقول حق المشرفه هلون.. شلون تقولها تتضايق من اتصالي .. وجداااااااام الفرخه امينه.
(نور في قلبها: آنه لو ماحبج جان الحين قلت حق المشرفه انج كنتي تبين تكتبين لها رساله .. بس آنه لأني احبج رغم كل الي سوييييتييييه بعد اخاف على سمعتج)
المشرفه: غلا انتظري برع شووي وباناديج.
غلا: ان شا الله
نور: مشرفه قبل لا نقول شي آنه ابي اعرف ليش تسألون غلا عني وعنها؟ هاي شي بيني وبينها.. اهيه زعلانه علي الحين عشان جذي قالت هلون.
المشرفه: غلا بنفسها يات احنه ماناديناها.
امينه: ربع غلا يقولون غلا تبيني آنه وتخاف منج.
نور: تخاااااااااف مني؟؟؟؟؟؟؟؟ .. ليش شبح آنه؟
المشرفه: ربعها الي قالو ومابيقولون شي من عندهم اكيد اهيه الي قايله حق ربعها.
نور: اكا غلا هني عند الباب ناديييييها وسأليها.. ليش تخاف مني؟؟ غلا رفييييييجتي وتحبني.
المشرفه: ماله داعي مو هاي موضوعنا.. الحين موضوع الهوشه خلصت بس الحين ابي حاجيج انتي.
نور: تفضلي.. بس يصير اعرف ليش امينه قاعده والموضع يخصني آنه؟
المشرفه: امينه روحي صفج.. ونادي غلا.
امينه: ان شا الله.
دشت غلا وقعدت.
المشرفه: عندج ميول تبين تصيرين بويه؟
نور: لااااااا اسم الله علي.. ليش يعني؟
المشرفه: من قعدتج يبيين.
نور: شفيها قعدتي..آنه بنيه ومستانسه لأني بنيه.. بس رياضيه من يوم وآنه صغيره العب رياضه.. احب.. حرام؟
المشرفه: هاذي مب موضوعنا ..
نور: اكا غلا جدامج سأليها.. قولي لها قط مره جستها؟ ماتذكر اني جست اشعره من شعرها.. غلا تحجي قولي شي.
غلا: لا.. بس آنه قلت لج ماحبها ولا تعرفني اهيه راحت وطقتها.. لو قايلتلها احبها شبتسوي.
المشرفه: انتو ربع وهالشي بينكم وآنه انهيت الموضوع والحين كيفها غلا ترافجج ولا ماتبي ترافجج شي راجع لها.. ويبيين عليكم بنات حليوين وشحليلاتكم.. ونور سميتي بعد ..
نور: ماحب اسمي.
المشرفه افا ليييش حلو اسمج نور.. آنه الصراحه وايد احب اسمي.. ليش ماتحبينه؟
نور: بس ماحبه.
قبل لا المشرفه تقول شي رن جرس الهده.. ونور طلعت من عند المشرفه واهيه معصبه على غلا..حتى ماطالعت صوب غلا.. راحت الصف وخذت اغراضها وطلعت.
نطروو باقي التكملة
كملي البارت الجاي سريع
غلا: الوو
نور: ويعوو
غلا: شفييج؟
نور: عقب الي سويتيه وتقولين شفيج؟
:غلا: شسويت؟
نور: ماااهقيت
غلا: قولي لي شفيج؟
نور واهيه معصبه : آنه قلت لج اول مارد البيت باتصل فيج بافهمج السالفه وباقولج كلشي وانتي شتسوين عند المشرفه؟؟ قلت حق المشرفه لا تدخلون غلا في السالفه.. وقعدت اترجااااااها ..شووي واحب ريلها وانتي رحتي تراوين امينه انج غلا؟؟
غلا: آنه مارحت ربعي الي ودوني.
نور: خل ربعج ينفعونج.. باجر اذا احد قال شي عنج لا تلوميني لا تقولين بسبة نور.. كنت خابفه على سمعتج اكثر من سمعتي.. هاي يزاي؟ تروحين تقولين حق المشرفه والبنات وجدام امينه بعد انج تخافين مني وتتضايقين من اتصالي واقولج لا تمشين مع ذي ولا تكلمين ذي؟؟ هاي يزاي؟؟ مشكورة غلا
غلا: آنه ماقلت لها اخاف مننننج وليش اخاف اصلا. . اهيه سألتني شبينكم وقلت لها ربع بس انتي وايد تتصلين وتقولين لي لا تكلمين امينه واهيه اصلا ماتعرفني ولا آنه اعرف شي عنها غير اسمها.
نور: مو انتي قلتي ايه عليها متى باكحل عيني بجوفتها؟ ماطليتي لها من الدريشه؟؟
كنت اقدر اقول حق المشرفه كل هالحجي بس اخاف على سمعتج ومابي المشرفه تقول عنج بنيه مب زينه.. وانتي شسويتي؟ هه ماله داعي اعيد واكرر نفس الحجي.. انتي ادره شسويتي.. خلي الي ودووج عند امينه ينفعونج.
ومشكورة على الي ياني منج مقابل الحب والاهتمام.
ثاني يوم في المدرسه نور كانت زعلانه على غلا وماكلمتها طوول اليوم..
واليوم الي عقبه نور كانت قاعده مع ربعها ياو بنات يعرفون نور: نور نور تره غلا قاعده تصيح.
نور: شنهووووو غلا تصييييييح؟؟؟
نور قامت ركيييييض حق غلا ..
نور واهيه تنافخ: غلاا.. غلاا.. شفيج؟
غلا ماردت على نور.. قامت نور حطت يدها على جتف غلا..
غلا: قولي لي شفيييج؟
قامت غلا واهيه تصيح ووخرت يد نور وقالت لها لا تجيييسيني..
نور دمعت عينها وراحت قعدت وره الصفوف بروحها واهيه متضايقه.. ولين رن الجرس قامت راحت الصف.. وسألت شوق..
نور: شوق غلا ليش كانت تصيح؟
شوق: لأن البنات تحجو عليها وقالو ان اهيه حبيبة امينه وغلا تضايقت..
نور: شقالو عنها؟؟
شوق: مادري .
نور: شوووق عاااااد قولي لي غلا زعلانه علي ماتحاجيني.
شوق: كل وحده تقول مادري شنو بينهم .. وشصار بينهم ومادري امينه شمسويه حق غلا وليش اهمه كانو عند المشرفه.. عشان جذي غلا صاحت.
( نور في قلبها: زين هلوون؟؟ انتي الي يايبه حق روحج هالحجي.. آنه قلت باخليج برع هالسالفه بس انتي الي رحتي عند امينه وعند المشرفه.. وشذنبي الحين زعلانه علي انتي .. حتى ماقدر اكلمج لأنج زعلانه ومتضايقه ولا اعرف شلون اراضيج )
نور اول ماردت البيت راحت اتصلت في غلا بس غلا ماردت.. طول اليوم تمت تتصل وتتصل بس غلا ماردت..
اليوم الثاني في المدرسه.
ريم رفيجة غلا: نور غلا قالت لي اقولج شي
(نور في قلبها: اكيد غلا قالت لها روحي قولي حق نور لا تزعلين لأن امس كلمتج باسلوب خايس ومارديت على التلفون)
نور: انزين قولي.
ريم: غلا تقولج لا تتصلين فيها عقب الي سويتيه فيها كلشي صار بسبتج.. وامها يوم جافت مكالماتج 48 مكالمه قالت ليش تتصل هالكثر ومن ذي؟.. وقالت اذا تمت نور تتصل فيج هلون باغيير صفج.
نور انصدددمت وضاقت عليها الدنيا..
((نور في قلبها: هاي يزااي كنت احاتيج وابي اتطمن عليج ))
نور راحت تكلم غلا لأن ماتقدر تسكت واهيه مظلوومه ماسووت شي.
نور: غلا
غلا التفت على نور وقالت لها نعم؟ وفرت ويهها.. وعطت نور ظهرها.
نور: ادري انج زعلانه علي وماتبين تجوفين رقعة ويهي بس آنه ماسويت شي ..مالي ذنب في الي صار .. حرام علييييج تسوين فيني هلووون آنه احبج ..
غلا بصراخ شووي وجدام البنات: سويتي لي مشاكل.. بسببببتج انتي البنات يتحجون عني انتي الي شوهتي سمعتي.
نور: .. بسبتييييييييي؟؟؟ ليش شسويت؟.. اكيد احد تارس مخج حجي عني.
دانه: نور روحي عن غلا..اهيه ماتبي تحاجيج.
نوف: مادام ماتبي تحاجيج ليش تغصبينها.
شوق: اذا ماتبي خليها على راحتها.
طول اليوم نور كانت متضايقه..
ردت البيت
(نور في قلبها: شاسوي الحين شلون اراضي غلا ..اهيه ماتبيني اتصل فيها..مابي اسوي لها مشاكل مع بيتهم.. باروح اتصل في رفيجتها.
واتصلت في شوق..
شوق: الو
نور: شلونج؟
شوق: الحمدلله بخير
نور: يصير اطلب منج شي؟
شوق: امري
نور: ابيج تتصلين في غلا وتقولين لها ابي اكلمها.. يصير اتصل فيها؟
شوق : اوكي باقولها وارد عليج.
نور: ماتقصرين والله.
شوق: حاضرين.
نور:باي: شوق : باي..
عقب 10 دقايق تقريبا ..رن التلفون..
نور مشتطه : الو شووق ..ها شقالت غلا؟ رضت ؟ اقدر اتصل فيها؟
شوق: اي
نور: مشكووووووووره والله ماقصرتي
شوق: العفو
نور: اوكي باخليج الحين باتصل في غلا.
شوق: اوكي.
نور اتصلت في غلا ..
غلا: الوو
نور: شلونج؟
غلا: اوكي
نور: ليحين زعلانه علي؟
غلا: ليش ازعل واعور قلبي وياج.
نور: حرام عليج والله آنه ماسويت شي مالي ذنب
بنت عمة غلا خذت التلفون: الوو
نور: الو من؟
بنت عمة غلا: آنه بنت عمتها ..سمعي هاج خلي غلا فحالها واذا حاولتي تكلمينها او تتصلين فيها باييب لج الشرطه.. ف ابتعدي عنها احسن لج.. يلا باي
نور: لحظة .. ابي اسمع هالحجي من غلا
بنت عمة غلا: بس غلا ماتبي تحاجيج وآنه خذيت رقمها يعني اذا بتتصلين آنه باشيله مب اهيه.. يلا باي.
نور تضايقت بس ما استسلمت .
اليوم الثاني في المدرسه نور حاولت تكلم غلا بس غلا ماعطتها فرصه.
ردت البيت اتصلت في غلا.. اول مره غلا ماردت ولين اتصلت فيها مره ثانيه بنت عمة غلا ردت..
(نور في قلبها: ادري بنت عمتج ماخذت رقمج انتي حولتي مكالماتج عليها.. وتقولين انها خذت الرقم بس عشان ماتصل)
بنت عمة غلا: الو
نور: شخبارج؟
بنت عمة غلا: ماقلت لج اذا اتصلتي آنه الي بارد مو غلا؟
نور: قلتي
بنت عمة غلا: اول مرة كلمتج بالطيب بس مانفع معاج.. شفيج انتي؟ حاله نفسيه حمدلله والشكر ..روحي قولي حق امج توديج الطب النفسي .
نور: هاي اخر مره اتصل آنه الغلطانه ..باي
بنت عمة غلا: احسن.. باي
اكبر اهاااااانه حق نور.. لي حد اليوم محد تجرء يقول حرف واحد حق نور واليوم كل هالاهاااااانه وبسبة غلا.
(نور في قلبها: استاهل الي صار فيني.. آنه غلطت وحبيتها ولازم اتحمل النتيجه)
ثاني يوم في المدرسه نور كتبت اغنيه خلهم ينفعونك وطرشتها حق غلا وغلا شقتها في ويهها وردتها.
هني نور قررت خلاص تبتعد عن غلا.. وتنتقل صف ثاني .. وراحت كلمت مديرة المساعده وفي نفس اليوم انتقلت صف ثاني..في الفسحه راحت وكتبت على طاولة غلا >> باي .. باروح بعييييد عنج وعن دنيتج..
عقب الفسحه نور راحت الصف عشان تاخذ اغضراضها.. خذت اغراضها واهيه طالعه من وعينها متروسه دموع..
(نور في قلبها: ذاك اليوم يوم قلت لج بارد مكاني صحتي وماخليتيني اروح واليوم رايحه صف ثاني.. رايحه عن دنيتج وانتي قاعده تطالعيني )
نور لين وصلت عند الباب التفت على غلا ومشت.
(نور في قلبها: خلاص بافكج مني ومابتجوفين رقعة ويهي مره ثانيه )
نور انتقلت صف ثاني وابتعدت عن غلا كلشي في حياتها تغيير كانت ماتدش الصف كللش ولا تدري عليها اختبار مجموعها نزل من 85 لي 81 ..
فكرت ترد حق حياتها القبليه وتلعب كووره عشان تنسى غلا بس ولا دقيقه مانست غلا.. طول الوقت غلا كانت فبالها وكانت تطالعها بالخش من غير ماتدري غلا..
وغلا كلش مب مفتكره في نور حاطه فبالها نور بنيه من البنات الي يلعبون بمشاعر الناس.. وكانت مستانسه لأن عبالها نور كانت تبي تلعب في مشاعرها واهيه ماخلتها.. لأنها ماتدري نور صج تحبها والي صار في نور.
3 اسابيع مرت ونور مو قادره تنسى غلا .. وفراقها وايد مأثر فيها ..لا تاكل ولا ترقد ولا تدرس.
(نور في قلبها: مب حاااااااااله يعني طوول عمري باتم هلون؟ ..
ليش ما حاول اكلم غلا يمكن بتحس فيني وبتفهمني .. اي يمكن الحين مب زعلانه علي.. باكتب كل الي فقلبي في ورقه وباحطها في درجها .)
نور كتبت حق غلا >>" كذاب انا لو قلت ابساك وجيت يوم وقلت مابيك.. صدقني بأني والي سواك لو انسى اسمي ماني ناسيك"
" جيت ابي انساك ولاكن جفت حبك فيني ساكن .. وين اروح وكيف بنساك وانت في كل الاماكن .. كل ما انسى وصوفك لاحت بعيني طيوفك ..
كنت ابي ابعد لأني كثر ماحبك سكني..صرت اخاف اتعلق اكثر والقدر يبعدك عني.. وآنه ياقلبي يا وداده كل ماحبك زياده.. .. من عرفت وهاذا حالي وانته في كل لحظة في بالي ..كأن مافي الدنيا اي شي يا غالي.. مادري وشمسوي فيني ..ساحر قليبي وعيني.. هااذا واحنه في البدايه وكيف لو مرت سنيني."
حزة الطابور غلا طلعت من الصف ونور راحت وحطت الورقه في درج غلا..
مر يوم وغلا ليحين ماردت.
(نور في قلبها: يمكن تفكر شترد..معليه فكري وفكري عدل بعد ..بس لا تطولين حسي فيني)
ثاني يوم غلا ردت الورقه نفسها بس معفسه وحالتها حاله..نور خذت الورقه وشققتها وقطتها.
(نور في قلبها: عمري ماسمحت حق احد يلعب بقلبي وانتي اليوم تسوين فيني جذي ..المشاعر مو لعبه..ليت كل الناس باعونا مو انته..
اصلا انتي لا تستاااااااااااهليني ولا تستاهلييييين حبي واهتمامي.. انتي اكبر غلطه فحياتي.. اكرررررهج اكررررررررررررررهج من قلللللللللب.. والمفروض اقولج هالحجي فويهج بس آنه مو مثلج ..ماقدر اجرح احد..
حسبتونا عليكم مانتغير .. نسيتو دمعنا اللي قد تحدّر..اسف جرحٍ معاكم صار اكبر .. هدم كل اللي في حبك بنينا تغربنا عن الفرحه معاكم .. وذبلت وردة العمر بهواكم …
وعدددددد مني بيي يوم وبتذكريني.. وان شا الله ايي يوم فحياتج وتحسين بلي آنه حسيته والي صار فيني بسبتج وبتتحسفين على الي سويتيه.
والله لو ابي اقدر انتقم منج..بس ماباقول الا الله يسامح..بادووس على قلبي وبانساج واذا رد قلبي وحبج.. مالت علي وعلى قلبي فوقي)
اليوم الثاني نور خذت السلسه الي غلا لبستها حق نور ودشت صف غلا واهيه معصبه.. كانت غلا قاعده على طاولتها عند الدريشه.. نور راحت وحطت السلسله على الطاوله بقووه ..حتى ماطالعت صوب غلا ومشت.
نور طلعت غلا من قلبها ومن حياتها..وردت لعبت كووره وعاشت حياتها القبليه الي كانت عايشيتها قبل لا تتعرف على غلا.
مرت الايام هلون .. شهرين كاملين نور ماكلمت غلا حتى ماطالعت صوبها .. بس طوول الوقت مانست الي غلا سوته فيها..
الحين اجازة اسبوع قبل الامتحانات النهايه.
نور كل ما مرت صوب التلفون تذكرت غلا وتضايقت.
(نور تكلم روحها واهيه تصيح : وين انته عني انا وكلتني للعنا ماكني الي هويت..
بعد حب وبعد عشرة اشوف الحين تتبره وانا الي كان في ظني احطك عالجرح يبره..
بانساك دام انك عن القلب صديت ..قلبي وانا اعرفه صبور بفراق ..صحيح في حبك من القلب غنيت .. يا للاسف في زلتي يوم انا اغليت.. روح دور مثيلك وشرواك. واعرف قدر منهو نسيته في دنياك.)
لي رجعه بعد .gif "Graaam (272)")
بليزلاتطولين علينا
يعطيك العافيه