جميعنا نعلم ان لهجتنا في النطق تختلف وقد نرى كسور
والوزن طويل وقصير وهو اختلاف في اللهجه مايعيقنا
والحمدلله كلنا سعوديين هههههه
لن اطيل عليكم اريد النقد الهادف البناء ان وجد
وهذه القصيده من الوصف , اتمنى ان تنال اعجابكم
قصة نازح الغيد مع الجني والكنز
#poem_558db62d178be td { font-family: ‘times new roman’, times, serif; font-size: large; font-weight: bold; }
ابتدي بذكر الله … ويا سلام الله سلام |
| اللي ليا ذكرته يجلى كل شيطان ورذيله |
| العرب ترقى الطوال … ويجمعون حلوالمرام |
| وحين يجي نهار العد كلاً يدر ويعد حصيله |
| الكل سرا ليله يدور … قسمته من الحشام |
| وانا الشبوب اللي قدحته جابي قسمه مستحيله |
| جيتكم بمعلقه … من عقب ما طال الصيام |
| هي قصةً باقصها وماحصل معي في ليله |
| اترك بس اللي بيدك … وإستمع خيرالكلام |
| تجي معك من حيث تبي حتى ولو تبيها شيله |
| وانهٌ بإسم الله … رب العباد رب الانام |
| في ليلةٍ من الليال من الفقراجرتمويله |
| بالسريربوقتها… والغرفه مو مره ظلام |
| هازتني أغرب حالةً وصارت انفاسي ثقيله |
| أحس وهم يلوج الراس … ولا النظر صار بانعدام |
| خفت وفزعت وقمت اردد ذكرالله معا تهليله |
| المراد انه غشتني … غفوةٍ تملأها احلام |
| وزارني حلمٍ عجيب اللي ابد ماشفت مثيله |
| شفت زول ينادي اسمي … ياكريم يابن الكرام |
| رديت عليه يامرحبا وش عندكم ياهل الفضيله |
| قال ابيك تزورني … في وادي اسمه الحطام |
| سكت ومارديت عليه وعقبها اعلن رحيله |
| وبعدها تصحا جفني … وقلت هاه اضغاث احلام |
| وشلون ادور واديٍ وانا ماعْرّف احد عميله |
| اخذت افكر مدةٍ … اخذ تفكير ثلاثه ايام |
| افكاري تاهت واقلعت غيوم سمايا والمخيله |
| وباخر ليله جاء الفرج … وانعاد لي نفس المنام |
| ميرانه جاء لأجل اشوف في أي بقاع عشان اجيله |
| أخذني رحله لسماء … فوق السحب فوق الهيام |
| وشفت الدوله بكملها وماهو بس وادٍ ناويله |
| فقت وقلت ياولد … العلم اكيد ماهو باوهام |
| ولكن ليه انا بالذات اختارني من بين العيله |
| والاكيد راع السؤال .. عنده جواب .. اذاً لحطام ؟! |
| وثار بي ذاك الفضول حتى الفضول اشعل فتيله |
| أخم سيفي والسلاح … بمسلبا واشد لحزام |
| عزيلي فارس اعتلا ليا انطلق فوق سرج خيله |
| والديار اجوبها … مطلق عنان سرب الحمام |
| من التفكير اقول كنز عقلي يطير ياويل ويله |
| وكلّ ما طرا هالكنز … تجيني رعشه بالعظام |
| أسابق الخطوه بخطوه واقصر الخطوه الطويله |
| وبالأمل باني طموح … اقول الله يااااااسلاااااام |
| اخيراً صرت ملياردير واناطح الروس الهبيله |
| وحين وصلت وقمت انادي … بأعلى صوتي ياغلام |
| قال ياهلا توك وصلت مع فائق الشكر وجزيله |
| مانتهى من كلمته … الا وهجم هجمت مضام |
| احاول افهم كلمته وبستعد لكن فشيله |
| وابحصى حذف علي … ماشفتها مثل السهام |
| ولالحقت اسمعها صوت الا وفتتها ع الفنيله |
| جات في صخره من وراي … وأصرم القنه صرام |
| سلمني الله منها امداها اردتني قتيله |
| وانطلق مثل جواد … مكسر اطناب الخيام |
| من نظرة عينه مايهاب وانا بعد ؟ فارس قبيله ! |
| نط بالجو قفزت معه … كما ضله كما الحام |
| دام استقبلني بهذا اللون يبشر بعزه الثعيله |
| اشتبكنا فالهواء … بكتلت لحمّنا والاجسام |
| وحنا فوق شبكته هد يحبه قلبك ياحليله |
| ثم هبطنا على الأرض … ويجيك مراكح بالاقدام |
| رفسني وانا اردهاَ من تحت سره اتكيله |
| واتكيله واتكيله … صار احول من الالام |
| وقام يعافر باليدين عرفت اني هديت حيله |
| ولاخرشها يقول فك … قلت انت فك يابن الحرام |
| محدٍ يغوص وسط البحر الا غواص يابو قذيله |
| ولا انت باليعرُبي … ابد منته بقد المقام |
| واجره مثل الهندي اللي يجره مع اذنه كفيله |
| مايسوي ياصديق … كذا كراب معلوم كلام |
| نقزت بلوفه وتل يدي ركض لسيفه يحتميله |
| حتى انا سليت احمّيه … صالي الحد الحسام |
| وإنتقارع بالسيوف اخذنا جوله جد هويله |
| معركتنا داميه … اربع ساعات في التحام |
| تسمع فحيح صدورنا مابه نفس مقطوع سبيله |
| وكل منا يبطش بطش … لكن انا اكثر اجرام |
| وعندي خبره بهالاشكال ومسبقات واعطيك دليله |
| ونص ساعه مامضت … الا وحدث امرٍ قوام |
| بعد بعيد عني مسافه يرهج ابصرخه صقيله |
| ذاع خبرها بكل جهه … وقفز على جبل قدام |
| والتفت يمين يسار افا لايكون خطه بديله ؟ |
| والله يوم اقفى وغاب … وقلت ايه تمام تمام |
| رحت اتناول رسن الخيل ومن الغبر رمشي كحيله |
| واعطي دربي من بعد … مني ماشاف عكس احترام |
| ابك الموضوع وله تفسير وقد ذكرت قبل دليله |
| طلع بياخذ ثار الشيخ … اللي قتلته قبل العام |
| هي هات ياحظٍ دفين وموّت احلامٍ جميله |
| الحظ شاعر كيف ماجاء … إن طاح طاح وإن قام قام |
| وانا رجل حظه معيي من قديمٍ يستويله |
| وارجعّ بيت امي وانا … مدرعمٍ راسي درعام |
| والله لا كنزي ولا كنزك ميراكلنا بطحاء كيله |
وسلامتكم ,,,
العرب : المقصود فيها شعراء المنتدى
التمويله : تصغير الموال
بمسلبا : باقي السلاح من خنجر وسكين ولها معنى اخر يسمى الفشق اوالرصاص
الثعيله : صاحب النفس الضعيفه اوالدنيئه
يرهج : القويه
تنويه بأن الحلم صحيح وبنفس الطريقه التي وصفتها
لكن لم اذهب الى هناك ولا اعلم ماذا يريد ,,,
وباقي القصيده من نسج الخيال
الحقوق محفوظه ,,, لـقـلـمـ نـــ الـغـيـد ـــازح
لا هنت
على طرحك الراقي دمت سالم
يأيها الأنيق
|
المشاركة الأساسية كتبها محمد الحادي
 أخوي نازح…صح لسانك قصيده كوكتيل في بحورها
لا هنت على طرحك الراقي دمت سالم يأيها الأنيق |
اخوي محمد الحادي انا شفت تعليقك على قصيدتي ورجعت غيرت مدري ليش لكن اعتقد اني فهمت القصد
لكن اللي احب اوضحه لك ان القصيده على بحر واحد وانت تقول بحور
يمكن انت تقصد تنوع في الخيال والدخول من شيء الى شيء الله اعلم
مع ان الفكره وحده على نفس الخط ماخرجت وتطرقت الى موضوع ثاني
وثاني شيء موعيب ان الشخص يسئل انا عندك مثلا فيه اشياء ماعرفها
صراحه عادي اسئل وارسل رساله خاصه موعيب السؤال
انا كنت برسلك رساله خاصه لكن ماعندي صلاحيه ولا اقدر اكتب لك تقييم واضطريت اني اكتب هنا
لكن الجواب اللي تبيه هو البحر الطويل اعتقد كذا وصلت المعلومه
واشكرك على مرورك
سلمت يمينك وصح لسااااااااااااانك،،
ابداع منقطع النظير تجسد بهذه الملحمه
نص باذخ اشكرك عليه واعججبني تشبيهك حين شبهت الحظ بالشاعر *_^
لحين معانقة جديدك نستودعك الحي اللي لايموت
تحيتي ~
ختييييييييييييييره يعطيك ألف عااااااااافيه **
في انتظار جديدك $
لاهنت$
وأنا أشهد انك أكرمتنا بحضورك الطاغي
طرح يستحق الثناء حقيقه
صح لسآنك حتى ترضى
تحيتي /~
ونبضك
قصيدهـ تفوووق الروعـهـ
كل الشكر لك
يعطيك العاافيه
صح السانك
بس وين وادي الحطام هذا فيه؟؟
ماودك نزرق له ونشوف آخرتها؟؟هههههههههه
صح السانك وتقبل تحياتي
اخووووووووووووك
أســــ الغنج ــــير