قصائد اعجبتني واتمنى تشاركوني بالرأي 2024.

أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني

أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني

أبيهم يذكرون أني صرت بدمعتي غرقان
أبيهم يعرفون الهم هواللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني

أبي اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني

أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني

أبي شخص يجي يمي و يقفل للعنا بيبان
أبيه يكون لي خل وعلى حزني يواسيني

أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني

أنا ما أبيه يصبح ضلع أبيه يكون لي ضلعان
أبي لا من مشيت وطحت يحط يديه في يديني

إلامن خانني التعبير أبيه يكون لي لسان
أبي لامن سكت ألقاه ..يفهم من نظر عيني

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

أبي أشعل شموع الحب وبأعطي من الغلا بستان
أبي أهديه باقة ورد ..مسقيها شراييني .

———————————————————————————————–

لاصار وصلك من ذهب ومحبتك تنسام تسوم
رح أعشق ألي تبي تعشقه وأهمل ألي تهمله

لاشفتني ميت ضما وأشحذ من يدينك غيوم
في وقتها كل الكلام ألي تبي تقوله قله

لاجيت أبكي من سهر ولا أشتكي من قل نوم
من بعدها لك حق تعمل فيني ألي تعمله

أنا أنتظرك قبال بيتك وأتصل بك كل يوم
أنا أحتقر نفسي معك وأرضى ولوو بالمهزله

أنا أحلم بلمسة يدك أصحى على صوتك وأنوم
أنا أتحمل من جفاك الي محد يستحمله

على بششاشة طلتك والا على الصدر الكتوم ؟!
هو فيك ششي ينقبل ولارضيت أتقبله ؟؟؟

من زين قربك .. من حسن عشرتك .. من طيب السلوم
ناقص نظر .. هاوي كدر .. هاوي عذاب وبهذله

قدجيتك أبكي من سهر ولاأشتكي لك من هموم
قد مر يوم وشدني لمواجهك شوق ووله

عمري تكلمت بعتب ولانطقت بحرف لوم
بيني وبينك معرفة ولا أرتبطت معك بصله

ماتعرف الله .. مانت مسلم .. ماتصلي .. ماتصوم
مافيه أحد سولفت له عني ولا كذبت له ؟؟

هذا وأنا ألي ماعششقتك قلت فيني هالعلوم
أجل لو أني بعششقك وش الي كنت بتفعله؟

ماقول لك قلبي حجر ولا من العشق معصوم
لكن بعد ماني من الي كل من جاه هبله

تزين ولا ماتزين .. تروم وألا ماتروم
حنا رجال مانخلق فينا مع الثقل عجله

ودك ليا جيت تعششق .. تعشق معزز ومحشوم
أما تجي قد الغلا وألا أترك العشق لأهله

في هالزمن مايخضع لمكر النساء غير الرخوم
الذيب مايغفل ولايرضى حدن يستغفله

لو تبي تشوف المرجله في حب قرم من القروم
شفت غيرتي لامن عذلني عاذل ووقفت له

مثلي أليا من جيت له بالصبر والا بالعزوم
في ذمتي لا أنت ولا ألي خلفوك تغربله

مادام وياي القمر وششلون أطالع بالنجوم
ماتعرف أني أليا عشقت أعشق من الزين أجمله

(((ألي طرف جديلته .. تسوى شوارب روس قوم )))
هذا الي لامني بغيت أشتاق صدق أشتقت له

هذاك أحضر لموعده لو أني ع الموت معزوم
هذاك أحقر ألي يحقرة وأخذل ألي يخذله

ألي ليا كف المساء كأنه وكن ألشمس توم
وأن ضفة الصدر ورسى يايقـــتـــله يايــقـــتـــله

على كثر ماعشق عدله كثر ماعشقه ظلوم
وعلى كثر ماكنت أعرفه كثر ماكنت أجهله

أن عاتبك مثل الخوي وأن حاسبك مثل الخصوم
صعب أن بغيت أستصعبه وسهل أن بغيت أستسهله

وصلت له ولا وصلت الا بعد فرك الخششوم
ضيعت له عمري وهو ضيع معي مستقبله

حققت في محبته مافاق تحقيق الحلوم
وعملت معه الي ماحد من الناس قبلي عمله

مافيه عاشق دام صدقة مثل ماصدقي يدوم
ومابالرجال الي وصل ربع الذي وصلت له

أن ماوقف حظي عشانه جعل حظي مايقوم
في هالزمن من لايدسم شاربه لا يفتله

والا أنت لامني بغيتك جبت من شرواك كوم
أليا بغى بالزين والا لابغى بالمنزله

من خان مررة بالعمر ماهو بعيد يخون دوووم
ومن بادر الناس بزعل يسهل على الناس زعله

دام الغلا مايستحق من القلوب الا الرحوم
أن طعتني خلك لحالك وأترك العشق لأهله

من ماتستر بالحيا مايستره لبس الهدوم
ومن لايزلزله الخجل مافيه شي يزلزله

لاصار وصلك من ذهب ومقابلك ينسام سوم
روح أعشق ألي تبي تعشقه وأهمل ألي تهمله

لي شفت لي دمعة رجا بالجفن والا بالكموم
في وقتها كل الكلام الي تبي تقوله .. قله