أسعد الله مسائكم بالرضا والأفراح
كيبورديتين لعلهما أن ترتقيا منزلةً بذائقتكم ~
ماهمني من قال عاداتنا عيب |
| كلن على كيفه يصّدر فِعالي |
| عادات قلبي مايهاب المراقيب |
| ومن صغر سني ماحب الهزالي |
| ولاهمني إمفسر القول والريب |
| عندي وضوحٍ مايوازي الجبالي |
| اعيش كيفي غصب او كان بالطيب |
| حره اعيش بوكر من فوق عالي |
| وإن قلت أحبه ماني مسجون بغريب |
| مضطر اجاوب عن سؤالٍ وجالي |
| من هي كفوفه سالمه من لواهيب |
| رد الكفوف لخلف ظهرك توالي |
| كم لي بدنيا وصفقني المغاليب |
| يفرح بها بعض العداء والعذالي |
| مانيب من يفتح بارضه تراحيب |
| يبطي قصير الفهم يطلب وصالي |
| جموح عزٍ ماتهاب المعاقيب |
| ولاهو طرى بالخوف عندي بخيالي |
| مهره بداوه مهرة اهل المواجيب |
| متبختره بأوصاف ماهي تقالي |
| شربتني يابوي هالطيب تشريب |
| وحدك عزيز القدر يابوي غالي |
فاصل ؛
أحرفا تتمايل أحيانا لتعيش في داخلها وطنــا ~
وأحرفا تفترق لتتميز بما لديها ..
وأحرفا متضاده جمعها سهل وفهمهاا صعب ~
وغيرها جمعها صعب وفهمها سهل !
وأحرفا وأحرفا وأحرفا !
ا.ه.
#poem_558dbffa83bc0 td { font-family: ‘traditional arabic’, arial, helvetica, sans-serif; font-size: large; font-weight: bold; }
| فيني تمرد معنى اسمي العنيده |
| أنثى بطغيان الفعل تشهد جبال |
| كتبت من قلبي حروف القصيده |
| للي بوسط القلب ميّزته أفعال |
| كتمتها بالصدر نارٍ وقيده |
| من خوف لا خبل لهالحرف شيّال |
| يجيب حرفي وغير ميه عديده |
| ينشر من الأقوال بعضا ماينقال |
| وعندي خبر لهل العقول الرشيده |
| ماغيره الي جوف هالصدر يختال |
| وحده تمكن من زمام الفريده |
| وحده ملك مابين الأضلاع لا زال |
| يالي سألت من الخبر عن جديده |
| بين الكفوف يعيشها كف رحّال |
| وشلون أعبّر والمسافة بعيده |
| ماهي مسافة أرض من عدة أميال |
| وشلون أعالج جرح كفه تزيده |
| وشلون أعدل حالتي فوق هالحال |
| وشلون أكذب قول إني سعيده |
| وشلون يشرى الحظ من جمع الأموال |
| يالي سمعت بنبض قلبي وِريده |
| يشكي غيابك فارس القلب خيال |
| هيا عرفتوا قلبي تحت الحديده |
| وشهو علاج الي على قلب ميّال |
| من هو شكى بظروف وقتٍ نكيده |
| وشلون يفتح بيض صفحات بالبال |
بقلمـــــــــــــــــي
" آلْجِمُـًـًـًـًوحْ "
قصيدهـ واحدهـ منك تُلجِم حروف الثناء
كيف بـ يكون الحال مع هالدُرّتين ؟؟
كتبتِ وأبدعتِ
صح كلّك
,,
يعطيك ألف عافيـهـ
قصيده لا باس بها
تحمل الكثير من المشاعر و الاحاسيس ,, تضمنت عزه نفس و شموخ انثى
لكن الخلل في الوزن و ركاكه الابيات و غرابه بعض الصور البلاغيه هي ما يعيبها
صح لسانك و في انتظار جديدك
مانيب من يفتح بارضه تراحيب
يبطي قصير الفهم يطلب وصالي
وللعفه مقال
كتبتي وابدعتي
رااااااائعه كروعة كااااااتبتهااااااااااااا
مهره بداوه مهرة اهل المواجيب
متبختره بأوصاف ماهي تقالي
للاصاله عنوان
تقبلي مروري وتحياتي لك
وش احكي وش اقول بس
ابداااااااااع منقطع النظير
وشموخ ابى الا ان يستفرد القمه ويهتف بالجمآل
رائعه انتِ بلا مدى
كل الشكر لهذا الجمال
آملين تلقي المزيد والمزيد
لاهنتي يالشيخه
~
لاهنتي ولاهان منطوقك
كفوا كفوا قول وفعل يالجموح
وهذي الحروف عاندتني ع الوصف
وعجزت عن سرد مابي
كل وحده احلى من الثانيه ظلمتيها وانا اشهد بدمجهم
معاني قويه صعبه استسهلتيها بخبرة شاعر نبيه
يكسر عنفوان الحرف ويستصيغه
دام لي شموخ الجموح ودام لي حرفها
اسمحيلي لن اغادر
فهناء للجاذبيه رآي آخر
ودي وعبق وردي
معنى راقي
ونغمة عذبه
اجزم قاله انه منك
ايتها المهره الاصيله
لله درك على ذالك الابداع
في نسج الحروف وترتيب الكلمات
وسرد القصيده بكل سلاسه
صح لسانك غاليتي وسلم بنانك
عزيزتي متلهفين دوما لجديدك
لحين ملاقاته لك
اجمل باقات الجوري لقلبك وقلمك
| فيني تمرد معنى اسمي العنيده أنثى بطغيان الفعل تشهد جبال |
بيت عن قصيده كامله و ربي
و ما هوب بنقص بباقي الآبيات
آلآ ان معناه أعجبني ^_*
صح نبضك و كلك يالجموح
رائعه و أكثر و الشهاده فيك و في حروفك مجروحه
أرتشفت من بحر أبياتك حتى ارتويت شعراً
لحين معانقة جديدك سامكث هُنا
لِقلبكِ اليآسمين .gif "Msn (2)")
أسيــر نآيــف
| ولاهمني إمفسر القول والريب عندي وضوحٍ مايوازي الجبالي |
صح السانك
الجمـــوح
ابدعتي وامتعتي يالغلا
شهادتي فيك مجروحه وتقبلي تحياتي وتقديري
اخوووووووووووووووووك
أســــ الغنج ــــير
| عادات قلبي مايهاب المراقيب ومن صغر سني ماحب الهزالي ولاهمني إمفسر القول والريب عندي وضوحٍ مايوازي الجبالي |
| يالي سألت من الخبر عن جديده بين الكفوف يعيشها كف رحّال وشلون أعبّر والمسافة بعيده ماهي مسافة أرض من عدة أميال |
| يالي سمعت بنبض قلبي وِريده يشكي غيابك فارس القلب خيال |
كفوو يالجموح
النصوص غنية عن الكلام
استوقفني فيها ماقتبست
صح لسانك وعلا شانك
تحيتي لك على الامتاع
.,.