/
اي والله اني ماعليه من الناس=إن قللوا وإن كثروا مازعجوني
أنا عليه منك يافص الألماس=اللي تساوي في غلاتك عيوني
لامر لي طيفك وانا وسط جلاس=سبحت في بحر الغرام بسكوني
اهيم في واديك ياعذب الأنفاس=وأشتنشقك عطرٍ يحرك شجوني
واموت بك واحياك وتقول لاباس=والباس منك اليا لفا بشروني
انا بلياك انت ما عندي احساس=خمس الحواس اللي معاي اهجروني
ياشهرزاد الباس ما عاد بالراس=ضمي ظلوعك في ظلوعي وكوني
اما عسل صافي يداوي عن الياس=والا مجمع سم فيه اذبحوني
وشهي حياتي دون مستشعر الناس=لجيتهم معتوه ولا يجوني
لو حلمي اول جامعه كوم بكياس=هاللحين والله ما تشيله متوني
حلم الطفوله بين عشرات الاقواس=يبغا المحال يكون لو ما يكوني
ولا انتِ أحلامي وانا شايب الراس=في كامل احساسي وشكلي ولوني
ما نفترق في كلمة انسان بلاس=لو جمع جنونه وكل الجنوني
ما هو على كيف المنافق والانجاس=اللي مع الثلم البسيط يعدوني
لو يلعب الشيطان معهم على الكاس=للي يفرق بيننا يخسروني
بس إطمئني والعني كل وسواس=ما لي حياه ولا لك انتِ بدوني
انا وقلبي لك مزامير واجراس=وانتِ اخذيني من قريب وموني
وطرح عابق يزخر بالجمال
ممتنه لطرحك كما ارجو توضيح مصدر النص
بقلمك ام منقول ؟
تحيتي ~
شاكراً ومقدراً مروركم الجميل
ودامـ نبضك
قصيدهـ تفوووق الروعـهـ
راااقت لي من مبتداها إلى منتهاها
لك جزيل الشكر
مبدع اتمنى التوفيق
تقبل مروري ومية وردة
صح السانك
ومن طول الغيبات جاب الغنايم
صح السانك وتقبل تحيات
وتقدير اخوووووووك
أســــ الغنج ــــير