روايتي المهداه لكم ولكن اولا لأختي الغاليه مرام التي اتمنى ان تعجبها
اهدي لكم روايتي الأولى تدور حول عذال وبنت عمه غدير قصة ستجري على مدى سنوات بمافيها من افراح واتراح وتفريق واجتماع
الجزء الأول
دق منبه الجوال
غدير فتحت عيونها….حطته غفوة ورجعت نامت
بعد 10 دقايق دق مره ثانيه فتحت عيونها…وتناظر بالسقف مقهورة …
خلاااااااص خلاااااص لااشوتك بالجدار قايمه يابايخ…
مسكته وناظرت فيه
وقالت:لااحبك ماراح ارميك بالجدار انت هديه منى الغاليه بس ثاني مره لاتزعجني كذا
طفته وقامت من سريرها
تحت بالدور الأول ابوحنان وام حنان جالسين يتقهووون وجالسين عالأرض وبينهم القهوه والشاي والتمر
ابوحنان:ياام حنان متى تكلمين البنت وتقنعينها
ام حنان:ياابوحنان كم مره كلمناها من قبل بس البنت ماتبيه البنت تقول تبي تدرس وتشوف الحياة وبعدين توها بأول سنه جامعة وش مستعجلين عليه وبيني وبينك هي خايفة منه هو عصبي الله يصلحه
ابوحنان:بس هذا ولد عمها من بياخذها غيره وابوسالم يقول عذال اخر عياله ويبي يشوف ضناه قبل لاتغمض عيونه ولاتنسين ان عذال اغلى عياله ويبيه ياخذ بنت عمه مايبيله وحده غريبه
ام حنان:اسكت اسكت البنت نازله
غدير نازله من على الدرج ومسكه عباتها بيد وكتبها وشنطتها السوداء برسوم ورد فوشيه بيد ثانيه
كانت لابسه تنورة سوداء وكعب فوشي وبلوزه فوشيه بعد
وفاكه شعرها اللي واصل لأخر ضهرها وكانت ماسكه غرتها بمشبك اسود بفوشي
وحاطه كحل ناشف واي لاينر من فوق بس وعامله مسكره لعيونها
وقلوس وردي خفيييييف
وهي بيضاء طالعه لأمها
غدير:صبحكم الله بالخير
ابوحنان ,ام حنان: هلا صبحك الله بالنور
غدير: يبه وين السواق واقف برا؟
ابوحنان : والله ماادري هو متعود الساعه7.30يستناك اكيد هو برا
روحي روحي يابنيتي السواق يستناك برا
غدير: يالله يالله مع السلامة
لبست عباتها بسرعه وطلعت
ام حنان:افطري قبل لاتروحين
غدير:يمممممه افطر الساعة10 مع البنات بالجامعة واشرب قهوتي بالسيارة,الا على طاري القهوة
ساااانتي وين قهوتي سانتي وجع ان شاء الله جيب قهوة انا
سانتي: غدير غدير هدا قهوة انتي يالله انقلعي روحي زامعة
غدير:وجع ان شاء من وين تعلمتي هالكلام
ام حنان : منك الله يهديك
غدير : يالله يالله مع السلامة
غدير توجهت لباب الرجال لأن السواق يوقف قدامه
وقفت شوي غطت وجهها وفتحت الباب ومشت حاضنه كتبها وشنطتها وجوالها بين يديها
وبنفس الوقت كان ولد عمها عذال توه ينزل كرتون تمر عند باب البيت
هي ماشافته كانت تناظر قدام
وهو توه يبي يرفع راسه منزل الكرتون
ورفع راسه وصدم بكتبها وطاح جوالها وشنطتها
غدير :….!!!!!!!!!!!………
عذال: طاح شماغة ومسك راسه احححححح
غدير…..!!!!!!!!!!……….
عذال: غدير….
غدير:…….
عذال: فتحي عيونك مره ثانيه زين
غدير:…………
عذال ياخذ شماعة وينفضه
غدير بسرعة لمت اغراضها وفتحت باب السيارة وركبت ومشت للجامعة
على فكرة غدير ماعمرها شافت ولد عمها خبرها فيه وهم صغار وماتسمع فيه الا كل شي يخوفها منها
عذال: يلبس شماغة
شوي
وقام يضحك….على غدير بنت عمه
والا هذا عمه
ابوحنان:هلا والله بولدي عذال
عذال:هلا عمي..
يحب على راس عمه
ابوحنان:جزاك الله خير ياولدي
عذال:عمي هذا التمر من مزرعتنا
ابوحنان:الا وش اخبار الشغل بالمزرعة
عذال:الحمدلله
ابوحنان:والمعارض كيف الشغل فيها
عذال:الحمدلله الرزق ماشي بمعونه الله ورضا الوالدين
ابوحنان:الا شرى ابوك المزرعة من ابوحمد
عذال: ايه ان شاءالله
ابوحنان:ايه ماشاء الله عليك ياولدي ترا ماغيرك احد يهتم بشغل ابوك هالحين مزرعة ثانيه بعد يبيلها اهتمام
واخوانك لاهين بعواليهم ووظايفهم مااحد غيرك يشوف امور ابوك
عذال:ايه ان شاء الله…ماعلي ووالله لولا الله ثم هالعمال اللي همهم اكبر من هم الشغل كان الله يعلم بالحال بس
ابوحنان: ادخل ياولدي تقهوى
عذال:لاوالله مشغول,وانت بعد وراك شغل,مع السلامة
ابوحنان يناظر عذال وهو يركب سيارته: عذال سلم على الوالد والوالده
عذال:ابشر
عذال:الا اقول عمي
ابوحنان:هلا ياولدي
عذال ينزل من سيارته ويتبع عمه لسيارته
عذال:ياعمي مايصلح تركب بنتك مع السواق لحالها لازم احد يركب معها
ابوحنان:أي والله ياولدي جزاك الله خير انا بنبه على الخدامه تركب معهم مره ثانيه
عذال:يالله مع السلامة
ابوحنان : مع السلامة
بالسيارة قريب من الجامعة
غدير لساتها في حالة صمت
دق جوالها
غدير:بسم الله
غدير : الوووو
منى: وينك يالخبله
غدير: هااااه ….هذا انا قربت اوصل
منى: غديروووه وش فيك مدلخة
غدير:يماااااااه…. منى…. صار شي عجيب بعذري لو اندلخت
منى:وش صار
غدير:اجي واقولك فيس تو فيس ماينفع كذا
منى:يالله استناك
منى رجعت ووقفت مع باقي الشله المكونه من
نورة وسارة وامل
شوي والا وصلت غدير وانضمت لهم
غدير:هااااااااي بنات
الشله:هااااي انتي وينك
منى:هلا بالطش والرش
غدير: يالله بنات شكل محاضرتي بدت منى يالله مشينا
وتسحب منى من يدها
منى : احححح شوي شوي
غدير: امشي معي خليني اسولفلك خمس دقايق وتبدا المحاضره
منى : يالله اختصري جيبي الزبده
غدير: يعني ماتبين تشربين اللبن…هههههه
منى………هههه….حلوووووة
غدير:حلوة بس مخطوبه
منى:هههههه لاامزح بايخة…..يالله قولي وش صاير معك
غدير:شفت واحد يهبل يجنن بس سويت شي غبي فيه
منى : من شفتي
غدير:ماادري بس وسييييم مره
منى:احلفي
غدير:والله
منى:طيب وش سويتي فيه
غدير:كنت طالعة مستعجله للسيارة وكان ينزل تمر عند بابنا وصدمت فيه وطاحت اغراضي وطاح شماغة
منى:ههههههههههههههههه
ليت اللي حاضره الموقف هههههههههههه
غدير:يمه يمه يمه بجد قام قلبي يرقع خفت
منى:طيب….!!
غدير:طيب!!طيب وش قصدك
منى:اوصفيه يالخبلة
غدير:طويل لاسمين ولانحيف وله عوارض خفيييفه وحواجه يوووه مره طويله ومرسومه رسم وخشمه كنه سله سيف وعيونه مررره تبين نظراته حارة صدق هذا اللي يقولون عليه رجااال من هيئته ماشاء الله …
منى:اقوووول يالله يالله امشي عالمحاضره لانتسجل غياب
غدير:يالله…بس على فكرة هو كأنه ناداني بأسمي وش عرفه فيني؟؟؟؟….يالله يالله المحاضره راحت علينا
عذال يدخل بيتهم
ابوسالم واقف يسقي شجر الحديقة
عذال:صبحك الله بالخير يبه
ابوسالم: هلا ولدي وينك ماشفتك اليوم ولا صليت معنا الفجر جماعة
عذال:والله يايبه راحت علي نومه ماقمت الا ورايح علي الوقت للمسجد ورحت على طول للمزرعة
ابوسالم:الله يقويك ياولدي بس لاتعودها وتترك صلاة الجماعة
عذال:ابشر….الا يبه … عمي ابوحنان يسلم عليك…وديت لهم تمر وشفته
ابوسالم:الله يسلمك ويسلمه
عذال: يالله بروح اتسبح واروح للمعارض
ابوسالم:زين ياولدي اشوفك على الغدا
عذال:ان شاءالله
دخل البيت
وعلى طول توجه للصاله التفت ام سالم وتشوف ولدها عند الباب
ام سالم:هلا بولدي الغالي
عذال:هلا بست الحبايب هلا بمي هلا بدمي اللي يمشي بعروقي هلا هلا وش هالنور اللي بالصاله
ام سالم : تعال تعال هلا هلا من بعيد تعال اجلس مع امك
عذال: ابشري يمه بس استنيني على الغدا اجلس واسولف معك
ام سالم: ايه ايييييه على الغدا امش امش وراك مابي اشوفك
عذال:هههههههههههههههه
زعلتي يالغاليه
وقرب منها وباس راسها
ام سالم:…
عذال:افا يالغاليه
ام سالم:…
عذال يبوس راسها مره ثانيه
ام سالم تضحك
وطلع عذال من عند امه لغرفته يتسبح
بهالوقت جواله كان يدق على التسريحة وهو مايسمعه
طلع وقعد يتنشف ولبس ملابسه
واخذ جواله من على التسريحة
والا شاف مكالمة لم يرد عليها
وطلعت هدى او اللي مسميه نفسها هدى وهي بالحقيقة بنت جيرانهم سهام وتحبه وتموت فيه وكل مايغير رقمه تجيبه بأي طريقة وطول الوقت عند دريشتها تستناه وهي بآخر سنه ثالث ثانوي وراعيه شباب بس من صارو جيران ابو سالم وهي حاطة عذال براسها وحالفه لصديقاتها الا تجيب راسه
هنا سالم انقلب مزاجة 180درجة وعقد حواجبه
وتكدر خاطره…ودق جوله مره ثانيه ورد عليه
سالم:خيييييييييير
هدى:الوووووو
سالم:خيييير
هدى:حبيبي انا هدى ماعرفتني
سالم:انا ماني حبيبك ولااعرفك اصلا وش تبين
هدى:حبيبي ليش معصب على هالصبح
سالم:انا بفهم شي واحد شلون افتك منك
هدى:مااحد يفتك من روحه الا لحد مايموت
سالم:يوووه اللهم جيبك ياطوله البال
هدى :انا كنت بصبح عليك بس لهدرجة ازعجتك
سالم:يابنت الناس انتي مزعجتني من تدقين علي
الله يستر عليك انك تتركيني بحالي انا مو يم هالسوالف
هدى : اجل لأيش… انا مو طالبه منك شي بس ابي اسولف معك…
عذال: اقول الشرهه مو بعليك الشرهه على اهلك اللي ماربوك…
وقفل الخط بوجهها
سهام:انا مو متربيه طيب طيب ياعذال والله لااجيب راسك
ههههههههههههههه بس ياحلوك وانت معصب فديت هالعيون صدق انك رجال
فجأه جوالها دق ….تناظر فيه
سهام:مالت وبعد مالت عليك
ردت: الووووووو
احمد:الو حبيبتي ريناد وينك
ريناد:هلا بنور عيني موجوده حبيبي بس كنت تعبانه شوي هاااه وين الشحن ماجاني شي
احمد : والله نسيت
ريناد: لاتذكرت دق علي لها الدرجه مو غاليه عليك … وتقفل الخط بوجه احمد
ام سهام تطق الباب على سهام
ام سهام:سهااااام انتي فيه
سهام:ايه فيه
ام سهام:ليش مارحتي المدرسه
سهام:تعبانه يمه ماقدرت اداوم شوي واجي افطر معك
………………………………………….. …
يـــــــــــتبـــــــــع
اتمنى ان يعجبكم الجزء الأول والأجزاء القادمة بأذن الله
الله يوفقك بالباقي
تشكرات
متاااااااااابعينك ياقمر
الجزء الثاني:
غدير تدخل بيتهم على وقت اذان العصر وتتوجه للصاله بعد يوم طويل وشاق بالجامعة طبعا مو شاق من المحاضرات والتركيز شاق من السوالف والطلعة والنزله في مباني الجامعة
غدير:السلام عليكم
وترمي عباتها وكتبها بجنبها وتنسدح على الكنبه
ام حنان:وعليكم السلام
غدير:يمه وين ابوي
ام حنان وهي تتقهوى: راح للمسجد
غدير طاحت عينها على التمر وتذكرت اللي صار لها الصباح
غدير:يمه من وين هالتمر
ام حنان:من مزرعة عمك ابوسالم
غدير صفنت شوي
غدير:ومن جابه لكم
ام حنان:ابوك دق علي يقول خلي الخدامة تطلع تشيل التمر جايبه عذال
غدير: عذااااااااااال؟؟؟؟
ام حنان:ايه عذال وش فيك
غدير: لا ولاشي
غدير راحت في عالم ثاني
شالت اغراضها وراحت غرفتها ورجعت تذكرت الموقف بكل تفاصيله
تذكرت الموقف الغبي اللي سوته فيه
وتذكرت الملامح اللي تحمل كل معاني الرجوله
وقالت في نفسها :حلووو طوله وكتوفه اللي لو كان ظابط ولاعسكري كان يطلع شكله احلى من شكل المزارع
بس قراده حظه وشغبه بالمدرسه لحد مافصلوه ولاكمل دراسته وفضل الشغل مع ابوه على انه يكمل دراسته كرهتني فيه
وبصوت اعلى قالت: اجل هذا عذاااااال بس جماله مايشفعلة ويخليني اوافق عليه هو عصبي وحار وبيحكرني ومابيخليني اعيش حياتي وش ابي فيه
انا ابي واحد يعيشني حياتي واحد منفتح عقليا
مو هذا اللي يقضي يومه بالمزارع والمعارض
بين الطين والغبره والحيوانات والشجر
لا لا… الله يهنيه مع وحده غيري مو انا
وصلت غرفتها وفتحت الباب تبي تنام كالعاده لحد مايأذن المغرب
بالوقت هذا عذال طالع من البيت وفيه الف فكره وفكره براسه وناوي نيه مو بزينه على واحد واحد من اخوانه يبي يطلع اللي بخاطره عليهم
وصل لأول بيت فيهم بيت سالم الولد الكبير لأبو سالم
وقف بسيارته ا لبي ام البيضاء عند باب بيت اخوه
وقعد يناظر لباب البيت ويشوف ولد اخوه اسامة يلعب عند الباب
نزل من السيارة وقرب لعمر ومد يديه يبي يشيله ويسلم عليه
عمر لما شافه ماعرفه وقعد يصيح وهرب لداخل البيت
عذال: يادافع البلا وحش انا مو عمه
اييييه هذا من سبايب ابوه مايجيب الولد لبيت اجداده شرط ان عياله مايعرفونهم
طلع جواله ودق على اخوه سالم
سالم:الووو
عذال:الو هلا كيف حالك وينك ياخي انا عند باب بيتك وماشوف سيارتك
سالم:جاي انا بالطريق ثواني واوصل البيت
سكر كل منهم الخط
التفت عذال لآخر الشارع ويشوف اخوه على سيارته قرب يوصل
وصل سالم
نزل من سيارته
سلم على اخوه عذال سلام بااااااااااااااااااااااارد
مو كأنه من شهر واكثر ماشافو بعض
حتى ماطرا على باله يسأل عن امه وابوه
سالم:حياك تفضل
عذال:الله يحييك
ودخلو لداخل البيت
فتح باب المجلس لأخوه
دخل عذال وجلس
عذال انكتم من ريحه المجلس المغببببر
اللي يمكن من العيد مافتحه سالم
سالم راح لداخل البيت ينادي لزوجته العنود
سالم:العنود….يالعنووود
العنود جت طايره وشايله ولدها على كتفها ولابسه عباتها
العنود:هاه مشينا لأهلي
سالم:وين اهلك يابنت الحلال..صلحي القهوه اخوي عذال فيه
العنود:ياعذال اخوك هذا من وين طلع لنا هالحين مووو وقته…صرفه تكفى
سالم:مايخالف اصرفه بس سويلنا قهوه
العنود:حاااااضر
راحت العنود للمطبخ تصلح القهوه
وسالم راح يبدل ملابسه
وعذال جالس يناظر لجدران المجلس
دخل سالم والا لابس ومتكشخ وريحة عطره صكت راس عذال
سالم:يالله حي عذال
عذال:الله يحييك
سالم قبل حتى لايمد الفنجال لأخوه:اعذرني بس الأهل متزهبين ويبونا نسير على خوالهم
ويمد الفنجال لأخوه
هنا عذال قفلت معه
عذال:بالله تدل يعني بيت خوالهم
سالم:بضحكه استهزاء شلون ماادله
عذال:ماادري قلت يمكن مضيعه ومضيع بعد بيت اهلك….
ويشرب الفنجال وينزله
سالم:….
عذال:ليش ماتجي وتجيب عيالك لبيت اجدادهم
ابوك وامك مالهم حق عليك؟؟؟
سالم يصد للجهه الثانيه
سالم:وانا قايل مالهم حق علي
عذال:ووينه حقهم ليش ماتقوم فيه
سالم:ايه هذا انا قايم باللي اقدر عليه واجيهم كل ماسمحت الظروف
عذال:والحين ظروفك تسمح اشوفك تبي تروح لأنسباك…ياخي اذا اهلك مايبون يجون بيت امك وابوك…نزلهم عند خوالهم وتعال انت لأهلك شق عليهم سلم خلهم يشوفونك ويطمنون عليك
سالم:ايه خير ان شاء الله
كل هالوقت وكان عذال يتكلم بهدووووء لكن بعد ماسمع رد اخوه وصلت معه
عذال رفع ناظره وعقد حواجبه ويطالع باخوه سالم
عذال: لابارك الله بالعدو لعنبو ابليسك ترا كل هالوقت وانا اقول اخوي الكبير وواجب اني احترمه
يالعفن اهلك هذولا اهلك..
سالم:عذااااال احترم نفسك ولاتطول صوتك علي
وتعالت اصواتهم
والعنود تتصنت عند الباب
وحست بصوت عذال قرب للباب
هربت لداخل
طلع عذال وركب سيارته ومشى مسرع
واتجه لبيوت اخوانه محمد واحمد وكمل عليهم اللي بداه مع سالم
في نفس الوقت في بيت ابو سالم
ابوسالم:ياأم سالم حنا لازم نتحرك ونزوج عذال من بنت اخوي غدير
ام سالم:بس احنا متكلمين بهالأمر من زمان وابوحنان وام حنان والناس كلها عارفين ان غدير لعذال..وعذال مالمح ولاقال ابي اتزوج الحين
ابوسالم:يااام سالم الواحد مايدري وش يصير بالدنيا..وودي ازوج ولدي واشوف عياله قبل مااموت
ام سالم:الله يطول بعمرك…وش فيك ياابن الحلال لاتقول هالكلام
ابوسالم:ولاتنسين انها بنت عمه …هذا حنا خلينا اخوانه يختارون على كيفهم وشوفي كيف ماتهين عنا ولابالهم يمنا
وبعدين اتطمن عليك من بعد مااموت ان عندك زوجه ولد ترعاك وتهتم فيك كأنك امها
ام سالم:الصراحة هالبنت ماشاء الله عليها ماعليها كلام جمال واخلاق ودين
انا بكرا بروح واكلم ام حنان بالموضوع رسمي
في بيت مظلم يتكون من كم غرفة ومجالس صغيرة
هذا البيت اللي مقطوعة عنه الكهرباء من يومين
تعيش حنان
بكر ام حنان وابو حنان
تعيش في محافظه تبعد عشرات الكيلو مترات عن امها وابوها
عمر ولد حنان عمره 6سنوات وضناها الوحيد
جاي لأمه يبغى يتخبى في حضنها
عمر:ماما راحت الشمس وجانا الظلام
حنان:يالله ياماما بيجى بابا الحين ويجيب معاه شمعات تخلي الشمس كأنها داخل في بيتنا
ابوعمر فهد يدخل البيت وبيده ثلاث شمعات
فهد : حنان
حنان: سم جايه
فهد: خوذي هالشمعات وولعيهم علشان عموري
عمر: بابا بابا
فهد: يحضن عمر ويشيله على كتفه
ويناظر لحنان من بعد مااخذت الشمعات وراحت تولع وحده منهم
فهد: عندك شي تسوينه على العشا
حنان:وقفت حنان وتناظر في الأرض من غير ماتلتفت لفهد ايه عندنا خير من الله الحمدلله
راحت للمطبخ مالقت شي تسويه غير تطبخ من كيس الرز وتقدمه لهم من دون شي حتى من دون دجاج
وهي بالمطبخ تغسل الرز
صارت تبكي
وتبكي
ماهي عارفه وش تسوي
زوجها مسكين كان جندي وتقاعد من بعد ماصار عليه حادث وصار يعرج
وصار يشتغل كل شهر بشغله من هنا ومناك
هي تحبه وتموت فيه
وتحب عيلتهم الصغيرة
ماهي عارفه وش تسوي
غير انها تمنع نفسها عن الحمل لحد ماتتحسن اوضاعها
طبعا اهلها مايدرون عن حالها لأنها ماتقولهم شي
هي تخاف على مشاعر زوجها
في بيت ابو حنان
ابو حنان يدخل البيت راجع من المسجد
يتوجه للصاله ويلاقي بنته وزوجته
ام حنان:هلا والله
اخيرا جيت بنتك ذبحها الجوع
ياسانتي حطي العشاء
سانتي من المطبخ: أيــــوه ماما…
غدير: ياناس انا اكره هالخدامه اكرهها ايووووه ماما وجع…وبعد وجـــع
ابوحنان:حسني الفاظك يابنتي
غدير تفشلت من ابوها
غدير: ان شاء الله يبه
ولفت على التلفزيون وصارت تقلب بالقنوات
سانتي جت طااااايره وبيدها صحن
ام حنان : شوي شوي لاتطيحين
سانتي: اوووه ماما حار كتيييييير
وتنزل الصحن على طاوله الأكل
اثاريها مسويه لهم كبسه لحم على حسب رغبة ابوحنان
غدير: لا لا حرام عليكم كبسه لحم في هالليل لا لا…مابي اكل
ابو حنان:بتاكلين وغصب عليك ههههههههههه
ولا ترا ابوك ماراح ياكل
ام حنان:اقول قومي قومي وجيبي السفره ونزلي لنا الأكل عالأرض
جالسين ابوحنان وامها وغدير يبون ياكلون
سمو بالرحمن وبدو يتعشون
الا ام حنان
حست ان كل لقمه جمر بحلقها
قامت من على السفره
ابوحنان يناظر فيها
ابوحنان:تعشي
ام حنان : ايه بس بروح لسانتي تجيب لنا لبن او مويه
راحت غسلت يديها بالمطبخ وقالت لسانتي تجيب لهم شي يشربونه مع الأكل
في حين ماراحت سانتي
هي راحت لجوالها وتدق على بنتها حنان
لقت جوال حنان مفصول عن الخدمه
دقت على جوال فهد
فهد:الووو..هلا والله
ام حنان:هلا بالنسيب,,شلونك عساك بخير
فهد : والله ابد الحمدلله
انتم وشلونكم
ام حنان :والله ابد … بخير ونعمه,,شلون الصغير وامه
فهد: الحمدلله..بخير,,,عمي شلونه
ام حنان: يسأل عنك وينكم ماتجون ولاتسيرون
فهد: ان شاء الله عن قريب
ام حنان: لا لازم تسيرون ترا الصغير من زمان ماشفناه
فهد: ابشري ياخالتي
ام حنان : حنان وينها ابي اسلم عليها
فهد يمد الجوال لعمر :وده لماما
عمر يركض بالجوال لأمه
يدخل على امه بظلام المطبخ
حنان:عمر حبيبي انتبه
عمر:ماما بابا يبغاك تكلمين
حنان:الووووو
ام حنان:هلا بنيتي
حنان نزلت دمعة من عينها….:هلا يمه شلونك وشلون ابوي عساكم بخير وغدير شلونها
ام حنان: الحمدلله انتي شلونك
حنان : الحمدلله
ام حنان: ليش ماتجين تسيرين علينا وتقعدين يومين في بيت اهلك نشبع منك ومن هالصغير
حنان:والله ودي بس اشوف عن فهد
ام حنان: شوفي عنه وتريني استناك بكرا
حنان:ان شاء الله
رجعت ام حنان تتعشى مع زوجها وبنتها
وحنان حطت العشاء الرز الأبيض مع مويه لولدها وزوجها وجلسو يتعشون علىضو الشمعة
حنان:حبيبي فهد
فهد:هلا
حنان:ودي اروح واجلس يومين عند اهلي انا وعمر
فهد دنق وبخاطره يقول بوديهم عساهم يلقون شي ياكلونه لحد ماادبر مبلغ يكفينا هالشهرين
حنان:فهد….حبيبي فهد شقلت
فهد:لا لا بوديكم ان شاء الله تجهزو بكرا الصباح وانا رايح للشغل اوصلكم بطريقي
حنان:الله يجزاك خير….
في بيت منى صديقة غدير س1 الفجر
منى جايه من المطبخ وهي تركض على الدرج تفتح باب غرفتها وهي تبكي وتحط ايدها تكتم صوتها علشان ماتسمع امها
تسكر باب غرفتها وتقفله بالمفتاح
في حين زوج امها يحاول يفتحه
غانم:منى افتحي ياحلوووه شفيكي خايفه من عمك زوج امك
منى : بعـــد عنى ياحقييييير والله لصيح واقول لأمي كل شي
غانم:تقولي لأمك هههههههههههههآآآآآآآآآآآآي
ايه قولي لأمك
انا بس ابي اجلس واسولف معاك ونسهر سوااا طفشان اسولف مع الجدران يعني,,,والا امك النايمه اروح اسولف معها
افتحي افتحي…
منى تصيح: روووح رووووح راحت روحك..
غانم:ههههه ايه هين ياورده اشوفك بكرا الصباح واصبح عليكي
منى اليتيمه اللي فاقده حنان الأب
وامها سلمى مديرةالمدرسه اللي تزوجت غانم وكذب انه متوظف واكتشقت انه مو موظف بعد الزواج ويسكر ويحشش بس سكتت وسمحت انه يعيش في بيتها لكن ايضا يتحرش في بنتها من دون علمها اللي البنت حاولت تلمح لأمها عن زوجها ومرات تقول لها بصريح العبارة لكن امها سلمى ماتصدقها لأن منى بنت منطويه على نفسها من وفاة ابوها وصارت فيها حاله نفسيه لكم سنه وتحسنت من دخلت الجامعة وتعرفت على غدير لكم مع ذلك من توفى ابوها وصارت امها تتزوج أي واحد يتقدم لها ومن تتطلق وتطلع من العده تتزوج واحد ثاني وهي صارت تنتكس حالتها النفسيه من زواج لآخر وغانم لما يتحرش فيها صارت ماتقول لأمها لأنها ماتصدقها
يتبـــــــــع
وبداية موفقة ياقلبوووووووووووووووووووو بنتظارك&
|
المشاركة الأساسية كتبها رحلـــت بعذر,,,
 الله يسلمك ياقمر14 🙂
|
يسلموو الغالية ترا منتظرين الباقي..تقبلي مرووري
بارت حلوووو وتسلم الايادي