على لحن الألم ناديت يا يمه أنا تعبان / بقلمي

أستطـيع وضع ليلتين في الأسبوع , أعتـذر .

لا أسامح نقل الـرواية دون إسمي " غيمـة " , كما يسعدني نقلكم

أن تتحمسّوا معي .

إلى اللقـــاء ( )

يتصادم مع بعضِه مكونًا أصواتًا تعشقُها بعضُ النفوس , و هدوءً في
المكان .

تتأمل البحر , بملامح لا يُعلم من يرَاها , فرحَة , أم حزينة ؟

نظراتها كانت لـ اللا شيء , و هدوء طاغِ عليهَا .

أتاها صَوت يحملُ نبرة الجديّة : معزّمة على الّـي بتسوينَه ؟

أومأت بالإيجَاب دون أن تنظُر للخَلف .

: حتى لو كان الشيء بيأثر عليك ؟

قالت بنبرة تحدي : حتى لو كَان , الإنتقام هو الّـي أفكر فيه هَاللحظة .

: مجنُونَة !

-للأبد مجنُونة , ما همني .

: مصلحة نفسك أولى .

-ما يحق لك تتكلم عن مصلحة نفسِي و أنت مو عارف شَيء .

: مو عارف شيء ؟ متأكدة .

-ومن وين بتجيب الأخبار ؟ أيوه متأكده .

:سعـد صديقي , كيف ما أعرف ؟

التفتت عليه بصدمَة : و للآن صديقك , بعد كل الّي صـار لي لا زال
صديقك ؟

:قلنا لك عطيه فرصـة , بس رأسك يابس ما ينفع معاك .

ضحكة بسخرية مع ألم : ما ألومك تتكلم عنه بهالشكل أكيد غير لك
مغزى الموضوع .

: أرحمي الولد , كم مره جايك يتفاهم و أنتِ رافضـة .

-وللأبد برفض .

: تدرين بكلامك هذا أنتِ الخسرانة .

-وتدري بكلامك هذا ما تفيدني ولا تهمني بـ شَيء .

:أن كنتِ بتنتقمين , بتلقيني ضدك .

-مو محتـاجتك !

مسك أعصابه و قال : مو مهم , بس اعرفي .. طال الزمان و الا قصر

الكل ضـدك ! .

ضحكت بألم : أكيد لأنكم ما تعرفون الحقيـقة و حاطينه على هيأة ملاك

ما يخطأ .

: ما حطيناه على هيأة ملاك مثل ما تقولين , وله أخطاءه أكيــد ..

بس من هالناحية , صديقيني ما غلط .

لفت عليه بغضب : شلون أصدقك , ما تعرف الحقيقة أصـلًا .

: أنا نواف يا حبيبتي , عشرة عمر أنا وسعد , أكيد بعرف الحقيقة منه.

– هَه , حقيقة مزيفة .

مسحت دمُوعها وهي تتذكر الحوَار الّـي صار مع أخوها الليلَة , الكل
ضدها و مو راضي يسمع لها.

و حتى لو قالت الصدق , هم برأيهم هي غلـط .. و هو صحْ !

ما تدْري ألحين وش تسوي , غير انها تدعي ربّ العالمين ينصرها ,

و يـبين الحقّ .

استرجعت ذاكرتها تلك الليـلة الحزينة , مسكَت رأسها و دفنتهْ في

وسادتْها , الّـي شاركتها دموعها و أحزانها و شهْقاتها .

قامت و هي حاطه فـ بَالها شيْ واحدْ , الإنتقـامْ .

: هلا والله أبو فيصل , شلونك وش أخبارك ؟

أبو فيصل : بخيرْ الحمدلله , أنت وش أخبارك و أخبار سعُود .

أبو سعود : ولله الحمد طيبين , أما سعود يا حليلَه متقطّع قلبه على أهله.

أبو فيصل بضحكة : ما ألومه الله يرجعه بالسـلامة .

أبو سعود : آمــين, الا وش أخبار الأوضاع ان شاءالله رجعت زي مَاهي؟

تنهد أبو فيصل : لا والــله للأسف , ما نعرف الحقّ من مِين , مرات أقول
بنتي بعدين أغير و أقول انها دلوعـة ,

و مرات أقول الولد بس أشك ,

الود ودنا نرجعهم بس معيّة بنتي .

أبو سعود بهدوء : أنت شاور بنتك شف يمكن

معاها الحقّ .

أبو فيصل : بإذن الله , تعال أقلط عازمك على العشـاء .

أبو سعود : ودي بس مشغول شوي , مرة ثانية إن شاءالله .

أبو فيصل : ان شاءالله , عن أذنك .

أبو سعود : أذنك معك , مـع الـسلامة.

جالـسة على أعصابها وهي تسمع كَلامه , قالت بعصـبية

إمتَلكتها : ما بقـى إلا هي تنتقم منّـه .

نواف بإستهزاء : لا و ضايق صدرها إنّي للآن صديـقة , نسـت صلة القرابة بيننا شكلهَا .

سعيدة بخبث : ما علينا , لازم تفر رأس أبوك عليها لين ما يقتنع .

نواف : اقتنع يا يمه , بس العلة فيـصل دايم يخرب علينَا .

سعيده بقرف : وعّ فيـصل , أشوى أنه متزوج والّا كـان رحت فيهَا .

نواف يتنهد : تعرفينه الكبير و أبوي يأخذ بشوره على شورِي .

سعيدة بشرّ : لازم تترقّب للفرصـة الّي ما يكُون موجـود فيهَا .

نواف : حاولت بـس كل مرّه يطـب علينَا ! .

سعيدة : على الأقل أهون من أول , أشوا أنه تزوج و فكنـا

نواف : وأنـا متى دوري ؟

سعيدة : توك , خلص الجامـعة و بعدين فكّر .

نواف : أجل مطولـــين!

سعيدة بقهر : أنجح و أرفع راسي و شف أخوك و أختك
حسبي الله ماخذين أحسن الدرجات , و " كشّت عليه " مُب
أنت منزل رأسي ! .

قَامت من النوم بعـد ما غفت شوي , مشت لدورة المياه و

هي تتأوه من شدّة الجوع , شافت نفسها في المرايَة و

أنصدمت , عيونها متفخَه من البكَاء , و خشمها محمّر .

غسلت وجهها , و جت بترفع السـماعة تطلب من الخادمـة تجيب

لها شـيء تأكلـه , ما لهـا نفس تنزل .

توها بترفع السـماعة الّا يدق جوالها , رفعته و شافت

المتصل و ابتسمت بحب و هي تقول : هـلا و غلا .

المتصل : أهلين و سهلين بالقاطعة , شلونك ؟

تنهدت : الحمدلله على كل حال , أنت وش أخبارك و أخبار فيّ ؟

فيـصل : بخير الحمدلله , وش فيه صوتك مبحوح .

: إيه توني قايمه من النوم .

فيصل بهدوء : لا تحملين نفسك أشياء فوق طاقتها , كفاية حزن يا سارة

سارة و هي تبكي :ما أقدر ما أقدر , شعور أن الكل ضدي يقتلني .

فيصل بحزن : بسم الله عليك يا قلبي , أسمعي بمرك و

نطلع لمطعم نغير جو و نسولف .

ساره بحزن : لا ما ودي , الا وين في ؟

فيصل بصرامـة : غصــب, تحسبين حالك عاجبني , أمشِي

معي و في فـبيت أهلها .

ساره بهدوء : طيب , متى بتجي .

فيصل : عشـر دقائـق و أكون عنــدكْ .

سارة : طيـب , مع الـسلامة .

فيصل بحنان : مع الـسلامة .

أشغًاله , تذكر ذيك اللـيلة الّي ما قدر ينام فيها من إنشغاله بالّـي سمعَه !

مُنتـصف اللـيل , مشى بهلع يشوف وش مصدر الصراخ و

الصُوت , لـقاه نابعْ من الدورالثـاني , مشـى و شاف رجـال

قـدامه حرمه تصارخ بحرقـه , متغطيـة بالكـامل

تقُول : ليه الـخيــانه لــــيه ؟ وش ســـويت لك أصلًا !

الرجال وهو يحاول تهدئتها : أسمعي الـسالفة بالأول يا بنت !

الحُرمـة و هي تبكي : وش أسمــع ؟ الّي شــفته يكـفي !

الرجـال وهو يصارخ عليها : وش شفتِ قولي ؟؟

الحرمـة بصراخ أعلى : حرمَة معاك و ماسك يدها بعـد , كل هذا و عادي عـندك !!

مشـى لهم بهدوء و توتر وهو يقول : هدو يا جمـاعة , أخاف تزعجون النـاس و الحين السـاعة متأخرة .

قالت الحرمـة بهدوء مع بكـاء : ما راح أخليـك , حسبي الله عـــليك .

و من ذاك اليوم و هم مختفيـن , يا سافـروا , يـا غيروا مكانـهم ,

تنهد بقهـر ووده يمسك الرجال و يضربه , هو شايفه أصلًا بالإستقبال لا ويسوي نفسه بريء ,

تنهد و قال : الله يعينـهَا .

الفـاتح ليعبر عن نشاط فتاتـه التي تسكنه , و عفويتهـا ..

لكن تغيرت أحوالها إلى الحزن و الكـآبة , مستلقية على

سريرَها الناعم الأبيـض ضامّـة وسادتها بحزن و تبكي , من

أول ما سمعـت الخبر وهي في هالحـالة , و محد يعرف

وش الّي صـار غير أبوهَا . .

سمعت طق البـاب و لكن كالعادة تطنش , لكن هالمرة قررت تفتحـه ..

تعبت و تعبها ما راح يفيدها , تألمت و ألمها ما راح يبعد الّـي ما تبيه . .

بكت و بكائها ما راح يفيدها و يفرحهـا .

مشت بهدوء و شعرها منثور على وجهها , فتحت الباب و رجعت

للسرير , مشـت لها أختها بهدوء مع مزيج من الحزن على حالهَـا

: وش فيك يا عمري؟ ليه الحزن و الكل مو عارف حالك ؟

رفعت راسها و ضمّـت أختها و بكت و هي تقول : ما أبيـــه قولي لهم ما أبيـــه !

سمّـت عليها وقالت : أبشري , الّي ما تبينه ما نبيـــه , بس قولي

وش ما تبين ؟ اشتقــنا لبسمتك و لفرحتك يا عبيرْ .

عبير بألم يعتصر قلبها : قوليلهم ما أبـــي أتزوجه .

فتحت عيونها بصدمة و هي تسمع هالكلمة الّي اخترقتها مثل السهم !

زواج ! ! !