طويت آخر ورق عندي بقا في دفتر أحزاني …
طويته .. وانكسر قلبي وصوتي بالمواجع ســال
ودريت إن الظلام اللي تحت كف السهر جاني !!
جلست أجمع مسافاتي وأغني للسفر موال
على صفحة من الماضي بها حلمي وعنواني ..
بها كم سافرت عيني ليالي والظلام أهوال
وبها كم سافرت روحي وأنا بالليل وحداني
((حبيبي كل ما أشوفك تجي بالذاكره تختال
نهر من فايض الذكرى يجي من داخل أشجاني)) !!
تخيل !!
تخيل يوم عانقني خيالك .. خاطري وش قال !!
تخيل قبل أسولفلك نشدني عنك وجداني!.
نشدني لين خلاني (( مدينه هزها زلزال ))
تخيل !! ماهدى حتى لقاك بوسط شرياني
أروح لسدرة الموعد معاي لموعدك مرسال
وأخاف إنك تجي قبلي وترحل قبل تلقاني ..
هنا كانت ليالينا ((غـــــلا)) والمقبلات(( آمـــــال ))
وهنا كانت مواعيدك مطر تخضر به أغصاني !!
هنا شف .. باقي آثارك على رمل الوعد مازال !.
وهنا شف دمعه طاحت من عيونك على شاني
حبيبي !!
حبيبي لا تنشدني عن أوضاعي وكيف الحال !!!
أنا بعدك سحاب أبيض ((أضم الريح بأحضاني))
تسافر بي الذكرى وأحسب إني وصلت آخــر وطن بالبال !!
واثرني ماوصلت إلا بدايـــة درب حرماني
وتبقى سيرة الذكرى قصيده تكتب الترحال ..
سوالف للعيون اللي صداها "دمعةأحزاني"
سحورهـ
يعطيك العافيه وهذي اول تعليق لي على اي موضوع بعد ردتي او عودتي من السفر وشدني العنوان وهو اول شطر انكتب في القصيده وهو/ على ذكرى المواجع والسفر
وفعلآ عنوان تداخل مع ذاكرتي واعجبني ولكني انصدمت حينما لاحظت حاجه غيرّت ماكنت اطمح اليه وهو الابداع في التعليق على موضوعك!!
فالذي غيّر اندفاعي للتعليق هو عدم تحديدك للمصدر
ومعنى ذلك ان تقومين بتذييل المشاركه بكلمة(بقلمي/منقول)
طيب راح اشرح لك اكثر لكي تتضح الرؤيا
معنى كلمة بقلمي وكلمة منقول هو//
اذا كانت المشاركه تخصك ومن ابداعك فتكتبين تحت النص كلمة بقلمي
واذا كانت لاتخصك وليست من ابداعك وانما اعجبتك وقمتي بنقلها فتكتبين تحت النص كلمة منقول
وهذا شرط من شروط قسم همس القوافي لاعدمتك والغرض من ذلك هو حفظ حقوق النشر
عالعموم اختي انتظر منك تحديد المصدر لكي يتسنى لنا التعليق على موضوعك لاعدمتك
وتقبلي تحيات وتقدير
اخووووووووووووك
أســــ الغنج ــــير
يعطيك 1000 عافيه على ها الابيات الرائعه
سواءكانت منقوله ام من ابداعك
خيال وحلم وافق واااااااااااسع جدا يعبرعن شعورصادق
على اية حال قصيده فيها من الدرراوبمعنى اصح كلها درر
تقبلي ودي واحترامي
د/ محمد
تقبلي مروري
تقبلي مروري
استمتعت بقراءتها
وسلمت ايديك
ويطيك العافية