عالم الرجه أنا ملكته / بقملي 2024.

السلاااااااام عليكم ورحمة الله وبركاته
حبايبي أضع بين إيدينكم قصتي اللي كلها ضحك وفصله ورجه وأنواع المقالب والضحك
هي قصه شخصيااتها خياليه بس الصفات والمقالب واقعيه أغلبهم اللي سويتهم والباقي سمعتهم من قرايبي ورفيجاتي وكاتبتها أنا بخط إيدي مو منقوله ولاشي
وأتمنى أنها تعجبكم
أحب أنوه أن تعريف العايلات بيكون طويل حبتين<<شكلي بتسطر
المهم أتركم مع التعريف
–
–
قـــــصــــة :: عــــــالــــم الــــرجـــــه أنــــــا مـــــلـــــكـــــتــــــه
**تعريف الشخصيات**
1)عائلة أبو مشاري
*أبو مشاري (نايف):رجل غني راعي شركات شديد مع الموظفين والناس بس عند أهله حنوون وعطوف ومرح حيل وعياله وارثيين المزح عنه ماعدا واحد اللي هو رائد
*أم مشاري (بدريه):طيبه وحنونه وقت الجد جد ووقت المزح مزح بس عيالها مطلعين عيونها من مقالبهم اللي ماتخلص……الأولاد ::
*مشاري: عمره26سنه مرح حيل ومرجوج بس مو كثر خوانه ويشتغل مع أبوه بالشركه
*تركي:عمره 23 سنه مرح حيييل وعشقه المقالب ورجه بمعنى الكلمه ويشتغل نفس مشاري بشركة ابوه
*سعد:عمره 22سنه يحب الرجه والمقالب وتركي دايم يخطط ع المقالب وهو ينفذ وحلييييم لأبعد حد وصبور
*رائد:عمره 21 سنه هو أعقل واحد بالعايله ومايحب المقالب بس يمزح مزح خفيف بعيد عن المقالب أغلب المقالب تصير عليه لأنه الهادي فيهم
*الجود:عمرها 19 سنه وهذي أم الرجه والمقالب وهي دلوعة العايله ومحد يرفضلها طلب وتعشق أنها تشوي مقالب بأهلها وخصوصا تركي
2)عائلة أبو راشد
*أبو راشد(عبدالله):رجل لايقل عن غنى أبو مشاري وهو شريك لأبو مشاري بالشركات ورفيجه الروح بالروح من الطفوله طبعه هادي حيل بس مع أهله وأحبابه مرح وسوالف وضحك زوجته متوفين من خمس سنين وهم سكنوا جنب عائلة أبو مشاري……الأولاد::
*راشد:عمره 25 سنه رفيج مشاري وتركي الروح بالروح نفس شخصية تركي بس مايتفق مع تركي بالمقالب الكبيره اللي فيها التخريعات سريع بديهه وذكي وهو شغله بنفس الشركه
*هبه: عمرها 24 سنه بشوشه وخجووووووله حييييل وهاديه وهي ماخذه دور الأم والأخت الكبيره بالعايله محبوبه عند الكل فيها شوية رجه بسبة جود
*ريماس: عمرها 22سنه تموت ع المقالب وهي من شلة جود والمساعده لجود
*جاسم: عمره 21سنه طبعه عصبي بس بسرعه يهدى مرافج رائد لأنه نفس الشخصيه مايحب المقالب حييل بس يشوف من بعيد
*هنوف:عمرها 19سنه تحب شي أسمه موضه وهي ورفيجة جود الروح بالروح ونسخة جود بالرجه و الهبال بس بالمقالب مو حيل وهي اللي مسويه جو بالبيت من كثر ما تتحرش بأخوانها
3)أبو خالد (هادي): أخو أبو مشاري الثاني غني مثل أخوه هادي ورزين مع الناس وأهله يموت بجود وكل العايله تحبها وغلاها غير عند الكل
*أم خالد (عايشه):شخصيتها حلوه وذكيه وتحب المشاورات ودائما زوجها ياخذ رأيها بأشياء ويشاورها بأمور شغله لان عندها خلفيه بأمور الشركات ماعندهم إلا ولد واحد
*خالد:عمره 23 سنه أنولد بعد تركي بأسبوعين ولتعب أمه رضع من أم مشاري فصار أخو عيال ام مشاري يموت عالمقالب اللي بين جود تركي شخصيته طويل بال بشكل جنوني ويراعي اللي قدامه
4)أبو نواف(حمود):غني مثل أخوانه وراح لبريطانيا يأسس شركه هناك وقعد فيها من سنتين وترك عياله وزوجته بالرياض وشخصيته بعدين نعرفها لأن مو وقته
*أم نواف(الجازي):النفوذ عندها بحكم أن زوجها مسافر ومتسلطه شوي وتحب الفشخره
الأولاد :؛
*نواف:عمره 22سنه مزاجي لأبعد حد مره مفرفش ومره متقلب بس مو حيل عصبي وحيل حنون ع خواته
*رهف:عمرها 21سنه بنفس شلة جود وهي محيره لرائد من صغر وتموت فيه وهو نفس الشي بس تنتظر لما يتوظف ويمسك شغله بعدين يخطبها رسمي
*أحمد:عمره 20سنه حنون وحبوب ومرح لأبعد حد وهو مع تركي بكل شي
*سعاد:عمرها 19 سنه مجنونة مقالب وأخطر وحده بالشله لأن مقالبها خطيره ومتسرعه
5)ابو عبدالعزيز (سعود): عنده شركات بس أقل من خوانه وداخل شراكه مع أبو مشاري أخوه وهو مريض بالقلب بسبة صدمته بموتت عياله الثلاثه بحادث مطلق وماراح أذكرها لان مالها دور
الأولاد::
*أسيل:عمرها21سنه حنونه حبل على خواتها وشخصيتها قويه وماتسكت عن حقها مرحه وبشدة تحب تكون مع جود بالمقالب
*منار ومنال:عمرهم 20سنه راس الفتنه هالثنتين منال متزوجه وعندها ولد اسمه طلال عمره سنه ونص تعشقه جود
*ساره:عمرها 18 سنه مرجوجه بس خوافه ماتسوي مقالب وتحب الرعب فأكثر مقالبها تخريع
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
الجزء الأول<<ببيت أبو مشاري
تركي واقف عند أول درجه ينطر جود تنزل عشان يخرعها جت أمه وشافته
وقالت:تريّك وش عندك واقف هنا..؟؟
تركي:يمه وطي صوتك أبي أخرع جود
أم مشاري:حرام عليك خلها اليوم أول يوم دوام لها بالجامعه وأنت روح لشغلك واقف هنا تخرع أختك
تركي:يمه تكفين عشان تنفتح نفسيتي للشغل مو كافي خرعتها لي أمس ((جود خرعته قبل ماينام بأنها تطلع بوجهه فجأه وتصرخ وبعدين نحاشت وقفلت عليها الباب ونامت عشان مايخرعها))
أم مشاري:والله مردى منك إلا أختك مدري ليش أقابلكم وأعور راسي أروح أباشر زوجي أحسن لي
تركي أبتسم بخبث وغمز لها: هههههههههه شعليه الوالد الدلع له والسب لنا ههههههههه
أم مشاري حمر وجهها خجل :بس أسكت عالأقل هو اللي مريحيني بهالبيت مو أنتوا خلف الله علي مطلعين عيوني من مقالبكم
تركي:أصلاً هذا أحلى شي بعدين نخلي لكم الحياة حلوه مو ماسخه مالها طعم
أم مشاري طنشت وكملت طريقها لغرفة الطعام اللي الكل موجود فيها ماعدا تركي وجود
أم مشاري:صباح الخير
الكل: صباح النور
أبو مشاري:إلا وين جود وتركي راح نتأخر؟؟
أم مشاري:كالعادة كل واحد يبي يخرع الثاني قبل مايداوم
الكل:هههههههههههههههههههههههههههههههه
مشاري قال وهو يستهبل وكأنه متنرفز وعاقد حواجبه:ما أدري متى يعقلون هذول أوووووووف منهم بس
سعد ورائد عطوا مشاري نظره وأمه تطالعله مستغربه وهو شافهم وأبتسم ببرائه
أبو مشاري رفع حاجب :يعني تبي تقنعني أنك عقلت والله ياولدي لي حجت البقر على قرونها قرونها يمكن مو أكيد أصدق
الكل مات ضحك وخصوصا لما مشاري سوا نفسه يبكي وحط إيدينه عند عيونه وقال:إهئ إهئ حرام عليك صدمت
أحاسيسي وجرحت مشاعيري أنت قلبك قاسي إهئ أنا بروح لتروكي هو اللي يفهمني ..وسوا بحركه دراميه كأنه
منصدم:خلاص يايبا أنسى اللي بينا
قام وراح لتركي عشان يشوف شسوى والكل يضحك
عند تركي مشاري وراه:هاه بشر ما نزلت؟؟
تركي:يا خي مدري شتسوي كل هذا لبس ول والله لو أنا كان ألحين وصلت للشرقيه بدل النطره هذي أوووف
مشاري:ياليل شكلها مو ناويه تنزل.
عند جود اللي توها مخلصه مكياجها وكانت لابسه تنوره سوده لتحت الركبه بشوي وعليها كلام بالأحمر وبلوزه جابنيز سوده وعليها كلام بالأحمر وحاطه كحل تحت العين وماسكارا وقلوس خفيف أحمر ومسويه بفه لغرتها وشعرها لافته بشكل فوضوي ومثبتته بكلبسه صغيره وطايحه خصل بسيطه ومخليه شكلها يجنن وهي نازله الدرج سمعت صوت همس عرفت أنه تركي رجعت لغرفتها بشكل سريع وأخذت رغوه مخبيتها للضروره وحالات الطوارئ<<أمحق طوارئ خخخخخخخخخخخخخ
ورجعت تنزل للدرج وهي تنزل مبتسمه إبتسامة نصر للي راح تسويه وأول ما نزلت آخر درجه ومدت إيدها اللي ماسكه فيها الرغوه لقدام وجهها وتركي كان توه طالع بوجهها يبي يخرعها
وتتتتتتتتتتتتتتتتتتتتتتتتتتتشششششششششش<<يعني صوت رغوه خخخخخخخخخخخخخ
رشت الرغوه على نص وجهه وغترته وأنحاشت عند أبوها وهي تضحك طبعاً مشاري أول ماشاف الرغوه بإيد جود سكت وماقال لتركي ولما رشت على تركي أنسدح ضحك على شكله
جود وهي تبوس راس أبوها بعدين أمها وقعدت جمب أبوها:صبااااح الخير للموجووووودين -وعلت صوتها-والقهرررررر للي مو موووووجوووووديييين
أبو مشاري:هههههههههههههه شكلك قلبتيها عليه
جود:أفا عليك يبا ما أكون جود إن ما قلبتها عليه هاهاهاهاهاي
أبو مشاري ميل جسمه لها وقال:ماأقول إلا الله يعين اللي يبي ياخذك
جود توها تبي ترد على أبوها بس كانت قدام وفقعت ضحك:ههههههههههههههههههههههههههههههههههههههههههههه هههههههههههههههههههههههههههههههه
وأشرت بيدها على قدام وهي ميته ضحك لفوا كلهم وستقول تركي ونص وجهه رغوه وماتوا ضحك عليه:هههههههههههههههههههههههههههههههه ههههههههههههههههههههههههههههههههههههههههههههه
أما تركي كان يبتسم بخبث وهو يقرب لجود وكان ماسك الرغوه ومخبيها ورا ظهره أول ما وصل لها رش على شعرها ونص وجهها ومسك غترته بإيده ونحاش لما وصل سيارته ركبها وهو يضحك وحرك لشغله
أما عند جود الكل كان يضحك على تركي وعليها وهي قامت من الطاوله وراحت لغرفتها تعدل شكلها وهي تتحلق وتتوعد بتركي بعدها بعشر دقايق نزلت لأبوها وراحت مع أبوها ووصلها للجامعه وراح لشغله………..
يتبع
إذا شفت ردودكم وتشجيعكم راح أكملهاااا لا تحرمووووووني من الردود
وشكراًاً

 

بداية موفقة

بسم الله الرحمن الرحيم

كثرت هذي النوعيه من الروايات ..إن شاء الله يكون لهآ هدف في النهآيه غير الضحك والفرفشه
بالتوفيق في طرحك

أطلعي على قوآنين القسم
القوانين ، تحديث جديد ؛

وهذآ الموضوع بيفيدك

محتوى الروايات ! / دعوة لـ النقاش ؛

موفقه بإذن الله

~

بدايه موفقه وننتضر البارت الجديد على احر من جمر بصرحه عجبتني جود وتركي مراااااااااااااااااااااااا

صراحه ترررركي شي
وجود بعد
روايتك رووووووووووووووووعه
ووناسه
الله يوفقك
ننتضرك

تسلمين خيتو
والله أنتي الروعه

شوووفي هيا القصه حلووة اهنيكي يعني هدفها الضحك والوناسه وعجبتني ثلاث شخصيات (جود ~وتركي) وبالأخص رائد لأنه مرح بس في نفس الوقت هادىء
يسسسسسسسسسسسلموـآآآ .. تقبلي مروري

تسلميييين خيتو ع مرورج
وإذا على الشخصيات للحين ماشفتي المقالب
وهذا شي عادي بالنسبه لهم
مابي أطول عليكم وترقبوني قريباً
ومع التتبعه<<إذا جذي تكتب ههههههههه

,’

بسم الله
و عليكم الســـلام و الرحمة

يعطيك العــافية
موفقة إن شـــاء الله

,’

هلا أختي الزعيـa.8k ـمه
والله يعافيج وتسلمين
وإنشاءالله تعجبج الروايه وتعجب كل من يقرأ لي
وشكراًاً