طريقة تحضير العيش الصيني 2024.

يبت لكم اليوووووم أحلى طبخة
و لو طبقتوها بمافيها بالضبط إن شاء الله تطلع شهية و حلوة ..

اللي هي :

::العيش الصيني::

*المقادير :

– زيت – دجاج قطع صغيره – فلفل أحمر – حلبة – مكعبات ماجي
–خضروات مشكلة مثلجه – ماي حسب الرغبة ( كل ما حطينا ماي أكثر كل ما كان العيش ليّن وأحلى ) .. – ملح حسب كمية العيش – بيض مقلي و مقطع لقطع صغار ..

* طريقة التحضير :

نحط شوية زيت في قاع القدر بعدين نحط الدجاج ونحركه ونتم نقلبه ..
نحط شوية فلفل أحمر مطحون وشوية حلبة ونخليه لين ما ينشف الزيت من الدجاج و نحركه … نحط 3 مكعبات الماجي مع الخضرا المشكلة و نحرك لين ما يذوب الثلج اللي على الخضرا .. و نحط فوق كل هذا ماي .. بعدين ملح على حسب كمية كيلات العيش وبعدين نسوي البيض في طابي ثاني و نقطعه قطع صغار و نضيفه على المزيج .. ننطر لين ما يستوي الدجاج عشان نحط معاه العيش .. نضيف العيش وننطر لين الماي ينشف و ما يكن في الطبقة السطحية .. و نحط القدر على حديدة و على نار هادية و نسكر غطا القدر ..

وووووووووو هني و عافيه إن شاء الله

مٍَآ‘نًٍٍنٍحًٍرٍمٍشٍْ مٍَنٍّكٍْ ..