شاعرك المفضل وقصيدة اعجبتك له 2024.

يسعد لي صباحكمـ/مساءكمـ,,

هنا راح يكون مرفئ لذائقتنا الشعريه,,,

كــل عضو يود المشاركه يذكر شاعره المفضل وقصيده واحده في كل مشاركه,,,

لنتعرف على الشعر الحقيقي

ويكون هذا

المرفئ مرسئ لي أجمل ما كتب من قصائد

يـا صدمتـي فـي أكثـر احبابـي .. ويـا خيبـة ظنونـي ..
يـا ضيـق صـدري لا ذكـرت انّـي عليهـم مـا كذبْـت ..

يـا طعنـةٍ خلتـنـي انـسـى مــن سبايبـهـا .. طعـونـي ..
يا جرح ماله طـبّ حتـى لـو أقـول :- اليوم طبْـت ..

الله يـكـون بـعـون إحساسي .. وعـونــي ..
أحـاول اهـرب مـن عمايلهـم ولـكـن مــا هـربْـت ..

مــا كـنـت احسّ اني أنا أنـا؟ وهـذا الكـون .. كونـي ..
أمُـرّ فـي حالـة ضيـاع.. وشـبـه غيبـوبـه .. وكـبْـت ..

أحــبــاب؟؟ أي أحباب ذول اللـي علـى موتـي خذونـي ..
الظاهـر انـي شبْـت ياعالـم .. وانـا مــا بـعـد شـبْـت ..

سألـت نـفـســي هـم يبونـي صـدق؟؟ ولا ّ مـا يبونـي؟
أجبْـت نفـسـي وليتـنـي عـلـى سـؤالـي مــا أجـبْـت ..

اللـي لهـم مُـدّه وهـم فــي داخـلـي .. واستغفلـونـي ..
يامـا استغـلـوا طيبـتـي معـهـم وكــل الـلـي وهـبْـت ..

وهبتهـم قلبـي .. وشعـري .. وكلمـا حـولـي ودونــي ..
تعبْـت معـهـم بــس مــا كـنّـي رغــم هــذا .. تعـبْـت ..

شـعـرت فـعـلاً بالـعـذاب وحـرقـة الـدمـع بعـيـونـي ..
قرّبتهـم مـنّـي وانــا الـلـي كـنـت احسْبـنّـي قـربْـت ..

عشانهـم قـررت ابيـع الـلـي مــن العـالـم شـرونـي ..
عشـانـهـم بـطّـلـت لـعــب .. وليـتـنـي والله لـعـبْــت ..

مادامـهـم مــا قــدّروا صـدقـي ومعـهـم جرجـرونـي ..
لـو ادري آخرهـا كـذا .. من أول الدرب انسحـبْـت ..

أحبابـهـم واجــد .. ولا ادري لـيـه فيـهـم علـقـونـي ..
مــع ان عـمـري ماجبـرت انســان فـينــي ولا غصبْـت ..

يـا قوّهـا صدمـه وانـا لــون الـغـدر مـاهـو بلـونـي ..
والله مــا أنــلام لــو بـعـد الــذي ســوّوه .. غـبْـت ..

مــاكـنـت نـاقـص صـدمه اخـرى في حياتي .. واصدموني ..
مصـدوم خِـلـقـه .. ليـن مـات الحـب فينـي وانعطبْـت ..

الحيـن مـدري كيـف اعاملـهـم وهــم مــا قـدّرونـي ..
مـا استـوعبـوا للّــي كتبـت مـن القصيـد .. ومـا كتبْـت ..

الله يجازيهـم عـلـى استـنـزافي .. وحرقة جفوني ..
ماكنـت حاسبهـم يبيعـون الـغـلا .. يـومـي حسـبْـت ..

اثْــر الغـلـط مـنـي لأنــي كـنـت معطيـهـم جـنـونـي ..
لكنّـي أعلنـهـا صريـحـه.. تـبْـت والله .. ثــم تـبْـت ..

مـا عـاد لـي رغـبـه أجــدّد فــي علاقتـهـم طعـونـي ..
خـسـرت فـي هـذا الـطريق اضعاف ضعف اللي كسبْت ..

أحســن لـي ابعــد واشـتـري نفسـي ولا خيبـة ظنونـي ..
إن طبـْت مـن جـرحــي .. وإلا ّ جَعلنـي مـا يـوم طبْـت ..

الشاعر/ محمد الشهري

نهـــّـآم الحنايــآ
.
.
تعال اسكـن مساحـات الخفـوق .. وودع الترحـال
…………. تعال اشعل كـلام الحـب .. واخمـد ثـورة سكاتـي

تعال وقبل ( كيف الحال ) .. ناظر .. هو بقى بي حال
…………. تعال وقبـل ( سمعنـي جديـدك ) .. أسمـع آهاتـي

تعـال وشيـل مـن بالـي اهجـوس ٍ كنهـن جبـال
…………. تعبـت اخضـع لهـذا الانهـزام .. ونكـس راياتـي

تعال وشوف ( نهّام الحنايـا ) واسمـع ( اليامـال )!
…………. حزيـن ٍ مثـل … دمعـات اليتامـي .. لانكساراتـي

لك الله .. مايقى جـرح ٍ بروحـي مانـزف أو سـال
…………. لك الله .. مابقـى هـم ٍ اعرفـه … ماملـى اوقاتـي

أجي لك ممتطي صهوة احروفـي .. شاعـر ٍ خيّـال
…………. أبوصل للعيـون اللـي .. مساهـا .. لملـم شتاتـي

على جال التعب .. أرمي جراحي .. واحسـب الآمـال
…………. ولالـي لالبـس … هالليـل ثوبـه .. غيـر وناتـي

وش أقسى من الذبول اللي تشوفـه .. لابكـى رجّـال
…………. وش آخر هالأفـول اللـي أشـوف .. بكـل نجماتـي

دخيلك هاتي لي ( قلب ) ومعه ( صبر ) ومعاهم .. بال !
…………. دخيلك حس بجروحي .. ( أمـا تُبكيـك أنّاتـي ) !!!

دخيلك اطعن غيابـك .. تعبـت احايلـك .. واحتـال
…………. دخيلـك .. ملنـي هـذا الطريـق … ومـل جياتـي

عشقتك مثل مايعشق شعـوري .. ضحكـة الأطفـال
…………. عشقتك مثل مايعشـق طموحـي … لمـس غاياتـي

عشقتك مثل ماتعشـق جروحـي .. صرخـة المـوال
…………. عشقتك مثـل ماتعشـق عيونـي .. حبـس دمعاتـي

عشقتك مثل مايعشـق غـرورك .. رغبـة الإهمـال
…………. عشقتك مثـل مايعشـق خفوقـي .. سجنـك بذاتـي

أنا بصبـر .. مـدام لكـل عقـده .. فالزمـن حـلال
…………. واذا اني مـت ياآخـر طموحـي .. عيـش فابياتـي
.
.
لـ الاحسآس../ بركــآت الشمري

الشاعــر المبدع…/فهــــــــد المساعــد..

كـل مافـي الأرض يـنـذر بالمـفـارق والغـيـاب
اللقا .. والشمس .. وحـروف الرسايـل .. والقبـور

وش بقى يوم أكتشفت أن آخـر الـدرب السـراب ؟!
والبحـر دمـع لسواحـل هاجـرت عنهـا الطيـور !

مالحزني صوت ؟ .. مدري هو خطـأ والا صـواب !
بس أعـرف أنـي حزيـن وصوتـي الليلـه جهـور

مـن يدّثـر صوتـي الليلـه ويكسـب لـه ثـواب ؟!
مالهـا يالشعـر غيـرك أنـت .. ياجبـر الكـسـور

يكفـي أنـي .. لابكيـت بدونـك أشعـر بإرتـيـاب
وكل ماأبكي فيك .. أشوفك لي .. عن اللي فيّ .. سور

أدري بيوتـك عرايـا .. لـكـن أوزانــك ثـيـاب
لبّـس جروحـي مـن أحزانـك وألبّسـك الصـدور

كـان يـامـا كــان والنسـيـان للعـشّـاق بــاب
عاشق ٍ لاشـدّ درفـة بـاب .. صـاح بـلا شعـور :

يقـدر النسيـان ينـزع غصـن مـن فـوق التـراب
بــس مايـقـدر يـقـرّب للـتـراب ولـلـجـذور

كيـف أبنسـى ذكريـات الطيـش الأول .. والشبـاب
ورفقـة الليـل العتيقـه .. وأول الفجـر الطـهـور

والمواعيـد وشغبهـا .. والـولـه قـبـل العـتـاب
وساعـة ٍ كـم كنـت أحـاول فـي عقاربهـا تـدور

والمكـان اللـي وهـن سقفـه مـن الفرقـا وشـاب
مـن بعـد ماكـان يحضّنـا مثـل طـفـل ٍ غـيـور

والمطـر لا لـوّن الشـارع .. وقلـنـا للسـحـاب :
بلـلّ أيدينـا .. تـرى العشّـاق أياديـهـم زهــور

كيـف أبنسـى والريـاض لسيرتـي مثـل الكتـاب !
حافظتني بيت بيـت .. و حـي حـي .. و دوُر دوُر

مـن كثـر ماكنـت أدوّر فـي شوارعهـا جـواب :
هو صحيح الحب أعمى ! أو عيـون النـاس عـور ؟!

كنت أشوف الحب عذب .. وهـم يشوفونـه عـذاب !
كان هـذا الحـب سـر ! .. وقلتـه وكلـي سـرور

علمّونـي فـي المدينـه كـيـف لاحبـيـت أهــاب
لكـن القريـه قمرهـا قـال : كُـن للـحـب نــور

في بلادي كنت عاشـق .. بـس شاعـر بإغتـراب !
ليـن صـرت الشاعـر اللـي تعشقـه كـل البحـور

علمّينـي يالقصايـد هـو خـطـأ والا صــواب ؟!
لارفضـت أنسـى عيـون ٍ عشتهـا شعـر وشعـور

هذا أنا لحالي .. هزيـل الحـال .. وأشعـر بإكتئـاب
كـن قلبـي جـال بحـر ٍ هاجـرت عنـه الطـيـور

أجرع الفرقا وأقـول الحـب عـذب .. وللعـذاب ..
كـل قلـب ٍ لاحرمـه الوقـت مـن خلّـه .. يبـور

ولين هـذا اليـوم أدوّر فـي المدينـه عـن جـواب :
ليه في شرعك .. يكـون الحـب معنـى للفجـور ؟!!

سكـــه الذكــــرى الحــزينــــه’’

مرّني طيفـك .. وطيفـك صاحبـي مـدري عـدوّي
جايبٍ صوتك .. وصوتـك سكـة الذكـرى الحزينـة

قال أنا جوّي تكـدّر .. قلـت : ماهـو كثـر جـوّي
قال فرقانا غبينـة .. قلـت : وأكثـر مـن غبينـة

قال : أنا بأموت من غيبتك قل لـي ويـش أسـوّي؟
قلت : أنا أبغى الموت في غيبتك .. قل لي بس وينه؟!

قبل ترحل .. كنـت أقـول بيسـرح أيـام ويضـوّي
مثـل ماعودنـي اليـا اشتقـت لـه جابـه حنينـه

بـس هالمـرة ثمـان شهـور وضلوعـي تــدوّي
كل يوم أشتاق لك .. يلعـن أبـو الشـوق وسنينـه

كـل ماعشمـت قلبـي .. قـال ياضلوعـي تقـوّي
ورحـت أنـا ويـاه نرقـب رجعـة اللـي فاقدينـه

نوب أقـول اليـا رجـع بكـون فـي قمـة هـدوّي
ونـوب أقـول الا أبزعـل وأتلـى مابينـي وبينـه

كل يوم أجلس علـى جـال البحـر وأقـول تـوّي ..
.. لاسألني : مافقـدت الحلـم فـي لمسـة يدينـه ؟!

مادريـت أن البحـر ماقـال لأمـواجـه تــروّي !
و مادريت أن الغـرق هـو حجّـة غيـاب السفينـة

مادريت .. أو مابغيت أدري .. ولاأدري وش بسوّي
لو رجعت .. وشفت طيفك فـي الممـرات الحزينـة

وين ابنسى وانت طيفـك صاحبـي مـدري عـدوي
مارضى يتـرك لغيـره شبـر واحـد فـي المدينـة!

المبــدع../فهـــد المــساعد..

ليه المسا عوق الشقاوي وطبه؟

وليه الهبوب تصحي القلب لا بات؟

وليه القمر يدعي جريح المحبه؟

ويقول له يا هيه..ما فات ..ما مات

جرحك ظهر لو قلت للوجه خبه

وللحزن في ضحكك رسوم وعلامات

وليه المطر بالذات ريحه.. وصبه

كنه رسول بين الاحباب بالذات؟

اشتاق فيه لشوفتك واتنبه

للي نسيته من مواقف ونظرات

لا استانس الخافق ذكر من يحبه

ورجع يراجع فالوناسات ما فات

يا مرتع القلب الحزين ومربه

يزيين بك مثل الذهب صدر الابيات

هيهات ينسى القلب شخص لعبه

وهيات يدله خاطري منك هيهات

سبك مديح ومدح غيرك مسبه

تقول واذني صوتها تقول لك هات

ونبع الغلا عندك وعندي مصبه

ومن الولا .. في خافقي لك ..ولايات

وطيفك حطب عيني..وعيني مشبه

والشوق برد ما انقطع لو للحظات

ومكانك الصدر ولك القلب شبه

بين الظلوع اللي فردها التنهات

ولك بيرق فالقلب حبك يهبه

شامخ ولا هزه من العذل غارات

محبتك فالوقت ذا ما تشبه

الا بخيمة بدو بين العمارات

ان شفتني ضايق واهوجس واسبه

اخاف غدر الوقت.. والوقت دورات

لا تحسب ان دمعي نزل دون سبه

ابكي من الفرقا وهي مابعد جات

اليوم كل امورنا..مستتبه

وبكره ماندري وش معه من مسرات

ارب قلبك مثل قلبي اربه

ما يخلفه شور العرب والمسافات

الشاعر/ محمد بن فطيس

هــذاك لو قـــال الشتـــــاء صيـــــف.. عرقـــت
ولو قال صيفـــــي بــــــرد.. شبـيـــت نـــــاري

هــذاك لو قـــال الجمـــل طيـــــر.. صدقــــــت
واقــــول ريشــــــه بعثرتــــــــه الصحـــــاري

هــذاك لو قـــال المطـــر كــــذب.. وافقـــــــت
وادور الاعــــــــذار حـــــــــــق الخـــــــباري

هــذاك لو قـــال القمـــر طـــــاح.. صفقــــــت
واقـــــول مللتــــــــه كثيــــــــــر المســـــاري

هــذاك لو قـــال النظــــر عــيب.. دنقــــــــــت
يصيـــر لي كـــــفٍ علـى اللمـــس ضـــــاري

هــذاك لو ينفـــــــــــي وجــــــودي توهقــــــت
ما عـــاد ليــــّــــه حـــل…غيـــر انتحــــــاري

الشاعـــره الكويتيه../

عــابرة سبيل..رحمها اللــه

ياهيه إلتفت لي وإسمع دعاي لك يا هيه
ترى عادتك تشبع من البعد واتواجه

دعيتك بصوتٍ ياصلك ليه ما توحيه
وأنا أسمع ضلوعك من صدى الصوت لجاجه

عليك الفؤاد إخلاجه مصمخ راعيه
خف الله في راعيه ما تسمع إخلاجه

ترى العفو قد جاك أوله وإغتنم تاليه
وترى الحلم بحرٍ غير لا تامن أمواجه

وترى الود ليلٍ مظلمٍ جيتلك ساريه
سراجه وصالك والجفا ينفخ سراجه

وترى قصرنا اللي كم سنة نجمع ونبنيه
هوى العذل طيح بابه العود وسياجه

لي أيام مدري وين دارك ولا أدري ليه
وأنا خابر إني باب شفك ومزلاجه

غيابٍ بلا سبة هجادٍ بلا تنبيه
وجفا أغلى العرب نارٍ على الكبد وهاجة

نضج قلبي من البعد وش حاجتك تكويه
جفاك الجمر والصبر في بعدك الصاجه

وطبع حبك بقلبي والأيام ما تمحيه
هذا هجرك يحاول يموجه ولا ماجه

يموت الأمل لكن ظنون الغلا تحييه
وعروق الوفا فالروح والقلب وجاجة

خبرتوا حدٍ يبكي على واحدٍ يبكيه
وخبرتوا حدٍ مسجون ما يبغي إفراجه

أحبه ولا أبغضته على شيٍ يسويه
ولا زالت رقاب الرجا فيه منعاجة

عسى منزلٍ ضمه حقوق الوسم تسقيه
وتضحك له الدنيا وهو يضحك حجاجه

فقد خاطري شي من الضيقة مسليه
وغدت روحي من الناس والليل هجاجة

أروح لمكانٍ خابره .. خابره يأتيه
أسوق القدم صوبه وهي مالها حاجة

مكانٍ نزيه وأول مواجهي له فيه
وأنا خابرٍ ما رجل مثله بدواجة

لعل وعسى ما حدني للمجي يدعيه
وأشوفه وأنا ما ودي أسبب إحراجه

يحب الجريح آخر دروب اللقى ويجيه
وتحب القدم جية مكان أول مواجه
الشاعر/ محمد بن فطيس

دن القلم جيب الحبر جيب الأوراق — فكيت من خزن شعر باب صندوق
ابداع ابيات القيل واكتب بما لاق — على حبيبتي فارقوا بها النوق
هاض الغرام وزاد بالحب الأشواق — اهل الهوى مابين عاشق ومعشوق

لشاعر من قبيلة البوكوارة القدماء