سويسرول الدجاج و تارت البيتزا |مطبخي| 2024.

المقادير:

#العجينة:

4شرائح توست منزوعة الاطراف مقطعه مكعبات صغيره + 3 بيضات + علبة قشطه + ملعقة صغيره بكنج باودر

#الحشو:

بصلة كبيرة مقطعة صغير جدا

+ جزرة كبيره مشوره ناعم + جبه فلفل أخضر بارد مقطعه مكعبات صغيره

+ صدر دجاج مسلوق ومفكك خيوط صغيره

+ مكعب ماجي + ملح +فلفل اسود + ثوم بودره

#للتجهيز:

ملعقة كبيرة مايونير + علبة صغيره جبن كرفت مبشور + 3مكعبات كيري مقطعه كل وحده الى 9 قطع

طريقة التحضير:

#العجينه:

1نخفق البيض الى ما يرتفع شوي

2نخلط البيض مع القشطه والبكنج باودر في خلاط العصير وثم نضيف لهم مكعبات التوست

3نبطن صينيه بالقصدير وندهن القصدير بزيت حتى لا تلزق العجينه عليه (تقريبا مقاس صينيتي 40*40 سم)

4 تخبز في فرن على درجة حرارة 200 لمدة 10 دقايئق او اقل
5 بد ما نطلعها نتركها تبرد ونقلبها ونفك القصدير عنها بنفس الطريقه الموضحه بالصورة

#الحشو

1نحمر البصله مع شوي زيت واحيانا ما يحتاج حسب نوع القدر.
2 نضيف التوابل والماجي

3 نضيف الدجاج والجزر والفلفل ونقلب الى ما تستوي واذا احتاجت مويا (الجزر كان قاسي) نضيف فنجان مويا

#التجهيز:

1 ناخذ العجينه بعد ما فكينها من القصدير الجانب المحمر هو اللي بيكون للخارج
2 ندهن العجينه بالمايونيز ونوزع الحشوة مع الجبن ونلفها

3 نتركها ترتاح شوي وبعدها نقطها شرايح.

الكمية تكفي لصنع 24 قطعه.

المقادير:

# العجينة:

2 ونصف كوب دقيق + ملعقة صغيرة بيكنج باودر + نص اصبع زبده + علبة زبادي + رشة فلفل اسود + رشة بصل بودرة

#الحشو:

*صلصلة الطماطم: حبتين طماطم + عصير ربع ليمونه + بصله صغيره
+ ملح + فلفل اسود + كمون + ملعقة كبيره زيت زيتون + ملعقة صغيرة صلصلة الطماطم
*الخضروات: شرايح فلفل اخضر بارد + شرايح طماطم

*نقانق مسلوقه ومقطعه دوائر

*جبن شيدر مبروش

طريقة التحضير:

#الصلصلة:

1 نخلط جميع مقادير الصوص بالخلاط عدا صلصلة الطماطم
2 نسخن الخليط ع النار ونضيف له صلصلة الطماطم
$السبب في اننا نأجل وضع الصلصلة لان احيانا ما نحتاجها تكون الطماطم حمراء
واذا بدا يغلي الخليط يتحدد لون الصوص فاذا حبينا اضفناها واذا ما حبينا مو ضروري

#العجينة:

1 نفرك الدقيق مع الزبده

2 نضيف التوابل والبيكج باودر

3 نضيف الزبادي شوي شوي لان احيانا ما ياخذ العبة كاملة (الاختلاف حسب نوع الدقيق)

4 نترك العجينه ترتاح 10 دقايق

5 نمد العجينه ونقطعها دوائر

6 نبطن قوالب الكب كيك بالورق ونجهز العجينه في القوالب
7 نبدأ اول شي بصلصة الطماطم وبعدها النقانيق وبعدها طبقه من الخضروات وطبقة اخيرة من الصلصلة ونرش الجبن ع الوجهه

8 تدخل الفرن من 15 – 20 دقيقه