سنيني شقى ماظنتي لهم ابقى 2024.

السلام عليكم ورحمة الله وبركاته
هذي اول روايه لي
حاولت اني انسجها بطريقه تعجب القراء
واتمنى انها تعجب كل من يمر ع موضوعي..

باذن الله ببتدي بالبارت الاول واذا حصلت ع تعليقات
تحب تكمل هالقصه راح انزل كل مره بارت
تقبلو مني اجمل التحيات â‌¤ï¸ڈ

ما قبل البدايه..’

ورحل هذآ العام
بكل مافيه من مصادفات ، وذكريات ، وأحدآث
إنتهى~ ..

نطقت فيه حوآسي أسماء جديده بعضها استمر معي من " أحبه ، اصدقاء ، أخوه "
والبعض رحل إلى رحمه الله’
"والبعض خذلونا وإرتحلوا !

من بقوا معي وعرفتهم إعتزيت بهم وسأبقى معتزاً بهم ..
ومن رحل أغلقت گتابه وبقيت على ذكرياته الماضيه ‘ ولطالما ذكرته ‘ !

جل إمتناني وإعترافي بفضل كل من ساعدني ووقف معي يومآ وكلمه ‘شكر’ لآتفي!

سأرمي أوراق كل إساءه أو جرح أو تقصير وسأحتفظ ب أيام جميله مرت بي ..

من احتاجني ولم يجدني ..
من جرحته ولم أعتذر..
من قصرت معه ولم أووديه حقة ..

" أعتذر"

واليوم …
سأبدا بسرد مابدأت به .. أو بمعنى مختلف
سأنثر همسات قلب رأى الدنيا جيداً !
سأنثر شعوري واحساسي
بأحداث مررت بها ..!

سأنثر ~
فرحي ، حزني ، خوفي ، بكائي ، دمعي
سأنثر ~
مابين ‘ جروحي وعبراتي، ومابين آهاتي ودمعي ، وفرحي وضحكاتي ‘ !

سأسطر مواقف
لم ولن تنحمي من ذاكرتي ومخيلتي !
مررت بها مع أشخاص أقرب لي من روحي وقلبي

أناس تعلمت منهم ‘ صدق الحب والاخلاص’
أناس تصل روعتهم بحجم السماء ‘

وهنا البدآيه ..~

بليلة العيد,, قرر ابو صالح ياخذ عياله من زوجته الثانيه معه
لبيته الثاني عشان يجمعهم مع اخوانهم ويجمع العايله كلها مع بعضها
بس كانو رافضين فكرة انهم ينامو هناك لان كانت ليلة العيد بالنسبه للبنات اهم يوم
واحلى جمعه بالنسبه لهن هي جمعة بنات خوالهم..

ابوصالح بالسياره: نحن الحين بنودي امكم بيت جدتكم والبنات بتروحن معي
بتنامن بالبيت الثاني
كل وحده تناظر الثانيه بضيقه ومايقدرو يردو بالرفض ع ابوهم
منال عند اذن مها بصوت خفيف: احسني بنفجر
مها:ابي اعرف ليشي اخذنا هناك مع من بنجلس البيت فاضي مافيه الا افراح
اما ريم كانت الوحيده اللي فرحانه لكن مابينت هالشي لخواتها
لان ورا هالفرحه سر!!

ابو صالح عنده زوجتين:الاولى ام صالح وعندها 8 اولاد وبنتين (افراح و غصون)
الزوجه الثانيه ام هزاع عندها 6 بنات و ثلاث اولاد
ريم كانت علاقتها مع اخوانها من اب قويه وزياراتها لهم شبه يوميه تروح وتجي مع ابوها
وفرح كانت اقرب وحده ل ريم واقرب من خواتها لها
…………………………………………

اول ماوصلو بيت ابوهم
البيت فاضي الكل متجمعين ف مجلس العايله حريم ورجال
اريج بصوت عالي : هييييي يا اهل البيت
مها تضرب بالشنطه ع الارض: اففففففففف والله لو هناك كنا الحين رايحين مع البنات نضحك ونسولف ونتمشى
ريم دخلت الغرف تنادي ع فرح اذا موجوده: فرررحححححححح ي فففرررحححههه
فتحت فرح باب الحمام وطلعت راسها مستغربه الصوت: رييم!!!
ريم و بضحك: يسس يسسس ريم واخواتها
فرح لحظه لحظه كنت اتسبح بلبس وبطلع
ريم: اوك

لبست فرح ع السريع تبي تفهم سالفة جيتهم ليلة العيد مو بالعاده يجو الا ثاني يوم
فرح وببببفرحه : ي هلا ي هلا
اسسسفرت وانوررتتت
راحت تسلم على كل وحده فيهن
منال اكبر خواتها بشرتها بيضا ضعيفه شوي و طولها متوسط.شعرها اشقر
ريم بشرتها حنطاويه رشيقه و عليها خصر و طولها متوسط شعرها اسود
مها بشرتها بيضا جسمها مليان شوي وشعرها اشقر
اريج طويله بشرتها حنطاويه مايله للسمار جسمها وسط
افراح قصيره شوي بشرتها سمرا شووووي وضعيفه

……………..
بعد ماسلمت ع خواتها سالتهم ع زيارتهن المفاجئه
اريج: لا ي حبيبتي نحن بننام عندكم الليله ماهي زياره يوووخختي
افراح بفرحه: حلفي
مها :بالله وش تسوي هنا وحدك ليش ماتتجمعي انتي و بنات عمي و بنات عمتي
فرح: كنت شوي وبروح
منال: اوك بنصلي وبنروح بيت عمتي
لما قامن للصلاه
ريم مسكت افراح ع صوب: بدي شوفه
فرح بصوت خفيف: انطمي والله مابساعدك وخواتي هنا
ريم بتوسل: امااااانه ي اوووخختي القميله
فرح : قلتلك والله مابساعدك
من صدقك انتي تبي تتوهقي
ريم : مابنتوهق بنتصرف هاتي طريقه
فرح: استريحي بتشوفيه باكر بالمجلس
ريم: ياربي مقدر ابا اليووم
فرح: اوك بيتهم قريب روحيله ولميه بالاحضان بعد
ريم بملل : ها ها ها
افف خلاص روحي صلي بكلمه شوي ع مايخلصن
فرح تخزها بعينها: حتى الصلاه بتخليها عشان تكلميه
ريم بضحكه: لا ي غبيه ماعلي صلاه توكلي يلاه

مسكت تلفونها واتصلت ع ولد العم جاسم
هلا وغلا
ريم: احم احم
انت وين الحين
جاسم: بالبيت متجمعين وبنروح المجلس بعد شوي
ليش؟
ريم وهي ترمش عيونها باستهبال و كانه يشوفها: لا بس يعني انا وخواتي بننام ف بيت ابوي الليله
وباكر بنكون عندكم بالمجلس يعني بنلتقي بحضرة جنابك
جاسم ب فرحه :من متى هنا ي غبيه ليش ماخبرتيني
ريم وهي تضحك: قبل شوي واصلين وقلت بخبرك اول مانوصل وكذا يعني
جاسم: بقدر اشوفك الحين؟
ريم: حاولت ب افراح تساعدني مارضت عشان معنا خواتي بيفقدونا لو طلعنا
جاسم بتفكير: صح كلامها
خلاص بكره نشوف بعض ان شاءالله

جاسم طويل وجسمه رياضي عليه هيبه
وشخصيته قويه وجدا جميل يحب ريم من فتره طويله
و حاول يوصل لها ب كل الطريق لين صارو يتواصلو وتعلقت فيه اكثر مما هو فيها متعلق
عمره 26 مهندس
وهي عمرها 19 سنه اولى بالكليه
,,,,,,,
بعد ماانهت ريم مكالمتها
طلعن هي وخواتها لبيت عمتهم يتمشو وضحك وسوالف
قضو وقتهم مع لمة البنات ورجعو بوقت متاخر للبيت
وريم تراسل جاسم طول الوقت
اول ماوصلن البيت كل وحده مسكت شغله تسويها
فرح تعدل اظافرها وتحط لها ولخوله المناكير ومها ماسكه الحنا وفطوم تجهز ملابسها
وريم ع تلفونها تراسل جاسم اللي يوصيها ع بكره لازم يشوفها بالمجلس
وخواتها كل وحده نامت بصوب بعد ماخلصو اللي بيديهن و خلصن سوالفهن ع ساعه 2 بالليل

وهي وجاسم بعدهم يراسلو بعض لان ماتقدر تكلمه وخواتها موجودات
طرش لها مسج كاتب فيه طلعي بسرعه
ردت عليه: وين اطلع؟
جاسم: تعالي عند الباب اللي عند المزرعه
ريم: من صدقك انت!!
جاسم : بسرعه ريم انا عند الباب والله
ريم قامت بخوف لاحد يشوفها لمت شعرها ع فوق وعدلت شيلتها
وسحبت خطواتها للباب اللي برا وهي ترجف م الخوف
دخلت ع المزرعه ورفعت تلفونها عشان الضوء تبي تدور عليه

شوي ومسكها من ورا وشهقت بخوف
مسكها م ايدها وسحبها بعيد شوي ع الباب وهي تتكلم شوي شوي: بتودينا بستين داهيه انت
مايلتفت لها يشوف ع مكان مناسب يجلسو فيه وبضحك: ستين داهيه ي مصريه انتي
وجلس ع الارض وهو ماسكها وجلسها
وهي دقات قلبها تزيد م قربه
كل واحد يناظر ع الثاني وفيهم ضحكه

المشآعر روح بآحسآس الحروف
ترجمتها أحسآس في وسط الگلام
گم يذوب القلب من ضم الگفوف
وگم يذوب الشوق بعيون الهيآم……

جاسم: والله مابغيت انتظر لي بكره
جيت اسلم عليك سلام العيد اول وحده قبل حتى امي وابوي
ريم خجلانه ومرتبكه ولاتعرف ترد بشي
انا بدخل لاحد يشوفنا بعد
جاسم: تونا جالسين صبري
وهي كلما تحط عينها بعينه تسكت

كان المكان هادي والقمر مكتمل مسوي ضوء بوسط الظلام
لان المكان اللي عايشين فيه مافيه الا كم بيت بعيد ع الشوارع والضوضاء
جاسم وهو يقرب من وجهها
وبحركه سريعه منها حطت ايدها ع شفايفه وبعدته عنها
جاسم وبضحك: ي غبيه بسلم عليك
ريم: خلاص هذي ايدي وسلم بايدك
ووقفت
وقوم يلاه اررجع بيتكم لا تصيرلنا مصيبه
وقف بعدها : طيب اكشخي بكره وخليك قريبه لاتتخبي مكان عشان اقدر اشوفك
ريم: خلاص ان شاءالله يلا روح
كان بخاطره يبوسها ع الاقل بخدها بس كانت كل مره تمنعه سلم عليها
ووقفت تنتظره يروح
ومثل مادخل المزرعه طلع منها من فوق الجدار وهي تضحك ع الجنون اللي سواه
بعد ماشيكت ع المكان محد موجود دخلت وايدها ع قلبها
خايفه وبنفس الوقت ارتاحت لشوفته
حطت راسها ع المخده وهي مبتسمه تتخيله
شوي ووصلها مسج : احبك،

اعشقك واحن لك واحيا بقربك
​وكل ما جيت انتهي شفتك بدايه
​كيف ما احبك وانت حدود حبك ​
​من هنا ل هناك الى ما لا نهايه؟!!

ياهلا والله فيكك خيتي

بارت حلو ….
عندي بعض الملاحظات …. اتمنى تقبلينها
اولا البارت مرههه قصيييير وووو مايقدر القارئ يحكم على الروايه من اول بارتت
الحوار غالب كثير على الوصف والسرد .. كبري الخط على رقم 4, 5 لان بعض القراء مايقدرون
يشوفون الخط الصغير

حبيبتي لاتزيني العلاقات المحرمهه بعيون القراء … كيف لريم تجيها الجراءهه انها تقابل رجال
غريب عنها ولايربطها فيهه اي صلهه وفي مكان متواجد فيهه اهلها …!!

خلي الاحداث واقعيه ولاتزيني العلاقات المحرمه بعيون القراء لان اغلبية القراء {{مراهقات}}

ووووو اتمنى لكك التوفيق يااااارب

فكرهه+اسلوب + حبكهه=رواية مكتملهه

عنادها سر غلاها .. عنادي سر حياتي

اول شي تسلمي ع تعليقك ومتقبله ملاحظاتك بقلب رحب

المشكله ان هذي قصه واقعيه ههههه وهالشخص يكون ولد عمها
وعلى البارت هو صح قصير بس لان اول مره وكذا بس يالله ماعليه
والبارتات الجايه راح تعدل رايك بالبارت الاول لان بتتصحح امور
عندها وبيتغير راي القراء اذا انحرف تفكيرهم ششوي وتسلمييي

البارت الثاني،،

[b]

b]

شسمه -.-

رايكم ب اول بارتين عشان اقدر اكككمممممل (0.0)

كيف احذف الموضوع م المنتدى اللي يعرف يفيدني -.-

الروايه رائعه
اكمللليي

راح اكمل لعيونك هههه

مع العلم هذي قصه واقعيه فيها مواقف كثيره
اتمنى اني اقدر اصيغها لكم بطريقه مشوقه وتعجبكم ،،،

البارت الثالث

،،

تفاجأت م اللي كاتبه كيف يعني!؟
عيل وكلام ابوي؟!
يعني ايش الغرض م كلامه
انزين ليش؟!

متردده ترد عليه
وخلت الفون من ايدها
شوي واتصل جاسم
بعد تفكير ،،ردت بس ماتكلمت

،،
جاسم: يعني معقوله تحسبيني اقدر اخليك
بهالسهوله؟

"ريم تسمع كلامه ولاعندها رد"
جاسم : صدقيني ي ريم وغلات امي وابوي
وغلات كل غالي عندك مااخليك

نزلت دموعها بعد ماسمعته
وماهي قادره توصف موقفها له : ماعمري شكيت
بحبك لك وربي بس مادري وش سالفة ابوي
وبعدين ع موضوع احمد انا رافضته مليوون مره
كيف يقول اني محجوزه له؟!

جاسم وهو يهدّيها: تطمني ببقى احاول فيه لين تكوني لي
باذن الله

جاسم؟
جاسم: ي عيون جاسم وروحه
ريم : انت وعدتني ماتخليني خلك ع وعدك
لان ماتخيل حياتي بدونك
جاسم ببتسامه : وانا عند وعدي لاتحاتي

بعد ماقفلو كل واحد فيهم يحاول يفسر اللي صار
مع ابو صالح في شي مو فاهمينه اثنينهم
جاسم رجال مكون نفسه ومافيه سبب يخلي
ابو صالح يرفضه عشان يوافق ع احمد ولد عمها الثاني
احمد بعده يدرس ولاعنده شي عشان انه يوافق عليه

بقت ريم تدور ع طريقه تفتح الموضوع لابوها
وتأكد له ع رفضها لاحمد عشان يوافق ع جاسم
تحسب انه شي هيّن وبتقدر عليه ،،،
،
،

بعدك انا..ابد لغيرك مااكون
لا تخاف #قلبي اللي يحبك.. فيه يحلمون ¦§¤~!
،
،
مع مرور الايام اتفق جاسم مع ريم وعطاها
فكره واللي هي
تصارح احمد برفضها يمكن يقتنع ويخليها،،
لان ابو صالح عطى ابو احمد كلمه
مايبي يرجع فيها بس اذا احمد رجع عن قراره
وخلى ريم بحالها يمكن يمكن ينتهي موضوعه ويوافق ع
اللي اختاره قلبها !

كانت زيارات ريم لاختها من اب اللي هي فرح
تكثر بحكم انه بيت اهل جاسم قريب منهم ويمكن تشوفه

,,,,,,,,,,,,,,,,,,,,,,,,,,,,,,,,,,,,

بالطريق وريم وفرح يتمشو بالليل ع الساعه 8
المكان هادئ لان بيوتكم كانت متباعده ع بعض
ولا عندهم ضوضاء…

تصدقي جاسم طلب مني اصارح احمد اني رافضته
فرح باستغراب: وكيف بتصارحيه بالله!

ريم وهي تحك ايديها .. والله ماعرف يمكن
هالشي يبعده عني بس كيف ماعرف

قاطعهم صوت السياره وهي جايه مسرعه
وصاحب السياره مركز الضوء عليهن

فرح: هذا السسسخيف اعرفه
ريم تعرفه وتضحك وهي مسكره عيونها ع ضوء السياره

وقف السياره ونزل
غيث : السسسسلاااممم علييكم صباايااا

غيث اخو احمد اصغر منه بسنه
من عمر ريم وهم مثل الاخوه من صغرهم مع بعض
عشان كذا علاقتهم معه محد يمنعهم عنه لانه بمكانه الاخ
طويل ، عليه جسم شوي، عليه بياض وملامحه فيها براءه وجميله،،

ريم: اهلاً اهلاً الشيوخ شخباركم
غيث: والله ابشرك اشششقححح وانطططحح

فرح : هيه لازم بتنظح م زمان قايله انه
ثور محد صدقني ههههههههه

ريم: هههههههههه

غيث: ها ها ها اااا

المهم عندي موضوع ضضروووري
ريم وفرح وقفن م الضحك لانه تكلم بجديه
اللي هي مو م عادته

ريم : خير ان شاءالله
غيث:سمعي ريم
احمد قايل لي اذا شفتك جايه مع فرح اخبرك
انه يبي يكلمك بموضوع ضروري جددا
فرح مسكت ايد ريم وكانها تذكرت فكرة جاسم

ريم: وش عنده !!
غيث: ماعرف بس هو وصاني اقولك
المهم بروح اجيبه وانتن روحن بيتنا
وفهمي منه وش يبي

ريم: لالا وش تجيبه استريح مابا
اكلمه ولا ابا اسمع مواضيعه

فرح وهي تقاطع كلامها: غيث ؟
روح جيبه بنكون هناك

ريم التفت ع فرح ع طول
,,انتي علامك تسمعيني اقول مابا اكلمه

غيث : والحين يعني كيف!
فرح : انت روح جيبه نلقاكم هناك

و ع طول غيث ركب سيارته وراح بسسرعه
يجيب احمد من بيت ابو صالح اللي متجمعين ف
يه الشياب والشباب للرمسه

ريم: فرح م صدقك انتي تبيني اروح لهذا
فرح: ريم سمعيني عشان تفهميه انك ماتبيه
فتحي له هالموضوع بعد ماتسمعي كلامه
ريم: مستحيل مسسستتحححيل اروح لهالغبي
فرح: ريم عشان جاسم مو هو اللي وصاك ع هالشي!

ريم مرتبكه وخايفه م هالشي بس
فهمتها فرح انه يمكن تنتهي سالفته
وترتاح م طاريه واهم من هذا كله عشان اللي تحبه ،،

اخر شي خضعت لكلامها وشرطت انها تكون معها هي وغيث

……..

جلست ريم وفرح بالحوش ينتظرو
جية غيث واحمد

شوي،،وجاهم غيث
ريم تعال احمد ينتظرك بالمجلس

ريم!!! احلف بس وتبيني اروحله بروحي!
انت وفرح تروحو معي واذا ماجيتو
حامض ع بوزه اروحله

غيث بضحكه: خلاص بنجي معك
بس اخاف ياكلنا احمد ويطردنا

ريم: سلامات ياكلكم انا اللي طلب منكم هالشي
مايقدر يسوي شي
يلا قدامي

مشو صوب المجلس بس كان ارتباك ريم
يزيد وماتعرف كيف بتفتح موضوعها هي بعد

السلام عليكم
احمد وهو يقوم واقف: عليكم السلام
تفضلي

ريم: لا ماجايه اتفضل انا
غيث فرح استريحو لين يخلص الاخ موضوعه

احمد وهو مستغرب تصرفها : طيب
ع راحتك

ريم:: هات موضوعك
احمد: ماعندي موضوع
بس عندي سؤال وابا اعرف اجابته منك انتي

ريم: واللي هو!
احمد: انتي ليش مو موافقه علي؟
غيث خبرني انك قلتيله يوصل لي
انك رافضتني ! ممكن اعرف اسبابك!

ارتبكت ريم وانصدمت كلامه لانه هذا اللي
كانت تبي تكلمه عنه جاوبت عليه وهي تحاول
تخفي توترها،،
انا اعتبرك مثل اخ وماشفت منك شي ولا اعرف
عن زينك وعيوبك اساسا بس مجرد اني اعتبرك
اخ لا غير ماتخيل انك تكون زوج
واتمنى انك تكلم ابوي ع هالموضوع وتقول له انك
ماتبيني خلاص لان انت عارف موقف ابوي مع عمي
واحتمال كبير يغصبني عليك

احمد ساكت يسمع كلامها اللي مستحيل يدخل راسه
وعارف ومتاكد سبب رفضها بس كان يبيها تقول
يعني ماتبيني عشان انك تشوفيني اخ!
او؟
ماتبيني عشانك تبين واحد ثاني!

قاطعته بعصبيه ع طول من كلامه اللي رفع ضغطها
اسمعني اخ احمد ان كنت ابا حد ثاني ولا ثالث ولا رابع
مالك دخل فيني
المهم انك عرفت اني رافضتك وخلاص
واتمنى تحترم قراري وتنهي الموضوع مع ابوي

قام احمد بعصبيه ولا رد ع كلامها
وهو ماشي ضحك لها ضحكة استفزاز
: هــه صدقيني بنتفاهم بنتفاهم بعد مانتزوج

كانت هي واقفه ماتحركت م مكانها ولما راح
انفعلت م كلامه اللي استفزها وبقوه حاولت فرح تهديها

ريم: هذا قليل ادب ولا فيه ذرة دم ولا رجوله
كيف يرضى لنفسه يتزوج وحده ماتبييه كككيف

وغيث حاول يفهمها ان مصيره يقتنع : انتي انتظري شوي
وان شاءالله اقدر اغير رايه انا بكلمه بموضوعك دايما وبحاول فيه يبتعد عنك

ريم: طيب ي احمد بنشوف اخرتهامعكككك