..~
تنوية : لا احلل نشر روايتي دون ذكر اسمي ( عيونك تدوخني ~ )
* مقتطفات البارت الاول *
: اسمعي زين ولا تقاطعيني تراني اعرف عاداتك ..
: المهم قالو لي بالموضوع انتي وش رايك فيه ؟! ..
: نعم ؟ لا ماني بايعة عمري ..
تطالع يمين ويسار : لا يكون احد سمع ..
صقعه على كتفه بخفه : كيفك يا رجال لك وحشه ؟! ..
بارتباك : هاه ؟! .. لا . ااء .. لا بس تعبانة ..
ياريت لو تكبري الخط
وبالتوفيق حبيبتي
.
.
.
{ الخميس ، بعد صلاة المغرب }
كآنت جآلسة بـ غرفتهآ تكلم .. الأنوار طافية تنور الغرفة اشعة الشمس .. منسدحة في سريرها على بطنها وتحرك رجولها ..
: من جدك آنتي ؟! تكفين قولي لي الموضوع ما اقدر اصبر لما يكلموني اهلي ..
: ايوه صح اهلك ما قالو لك شي ؟! ..
: لا ..
: غريبة طيب معليه آكيد راح يقولون لك لآ تستعجلي .. سمعت صوت أمها تنادي : لــــمـــيـس .. تعآلي بسرعة ..
لميس : آوكي ريم أكلمك بعدين الحين امي تناديني { وقالت بصوت عالي } طـــيـــب ..
ريم : تهقين انها بـ تكلمك بالموضوع ؟! ..
لميس : مدري والله خليني أشوف وش يبغون وارد لك .. مع السلامة ..
ريم : مع السلامة .. { نزلت لميس للصالة وشافت أمها وأبوها جالسين } ..
ابراهيم : تعالي لميس حبيبتي بأكلمك بموضوع ..
لميس باست خد ابوها وامها وجلست جمب ابوها : هلا يبه ..
ابراهيم : اسمعي زين ولا تقاطعيني تراني اعرف عاداتك ..
لميس : اوكي ..
ابراهيم : انتي تعرفين ان جدة لمار ام امها ماتت عشان كذا قررت انا وامك واحمد وعوض وتغريد نسافر الى باريس عشان نفسيتها تتحسن ما شاء الله لمار بنت صبورة ونفسيتها ممتازة .. احنا راح نخليك انتي وريم ولمار بشقة راح نستأجرها لكم والفلوس راح ندفع لكم كل شهر .. مراح ناخذكم عشان الجامعة ما بقى الا يومين عليها تقريبا .. خلاص ؟! ..
{ باسها على خدها } : الله يحفظك حبيبتي ..
لميس : اوكي بابا ان شاء الله تتغير نفسية خالة نوال .. بس كم بتقعدون هناك ؟! ..
ابراهيم : مدري والله على حسب حنا بنروح معها لـ برايس منها تتغير نفسية خالتك ومنها نغير جو ..
لميس بحزن : بفقدكم ..
نورة : واحنا بعد بنفقدك ياقلبي ..
لميس : طيب المصاريف ؟! ..
ابراهيم : احنا بنرسلها لكم ..
لميس : ومتى بتروحون ؟! ..
نورة : بكرا ..
لميس : اوكي بطلع لغرفتي ارتاح
نتعرف على عائلة لميس :
لميس " عمرهآ 19 صف اول جامعة عيونهآ عسلية وسيعة شوي فمهآ صغير تقريبآ خشمهآ سلة سيف طولهآ على عمرهآ تقريبآ نحيفة بـس مو مره شعرهآ اسود طويل ، فله وتستحي مرحة وخوافة "
آم لميس " اسمها نورة عمرهآ 37 ، صديقة تغريد ونوال طيبة وحنونه ومتفهمه "
آبو لميس " اسمه ابرآهيم عمره 41 ، صديق عوض واحمد من المتوسط طيب وحنون " ..
.. { طلعت لميس لغرفتها وجلست في السرير } ..
لميس " شكثر بفقدهم والله بشتاق لهم حـــيـــل " تمردت دمعه من عيون لميس ومسحتها بسرعة : يوه شكلي سحبت على ريم بكلمها ، دقت على ريم مره بس ما ردت ودقت مره ثانية وردت : هلا ريم ، كيفك ؟! ..
ريم : هلا لميس .. هههههههههههه توك سألتيني قبل 30 دقيقة ..
لميس : المهم قالو لي بالموضوع انتي وش رايك فيه ؟! ..
ريم : هو صعب بس يستحق التضحية ..
لميس : تضحية ؟! .. وشو تضحية كأننا بندخل حرب ؟! .. خلينآ من هذآ الحين لمار تدري ؟! ..
ريم : ايوه .. وما اعترضت ابد لأن حالة امها مره مو عاجبتها وتبغى تطلعها من الكأبه بأي طريقة ..
لميس : مسكينه خالة نوال .. والله صعبة تفقد امها .. الله يصبرها ويثبتها ..
ريم : امين ..
عائلة ريم :
ريم " عمرها 19 صف اول جامعة عيونها سودا وخشمهآ قصير شوي وشفآتهآ مآيلة على اللون الوردي طولها اقصر من عمرهآ بشوي مو سمينه ولا نحيفة شعرهآ اسود على نص الظهر، مرحة وتسوي نفسها ما تخاف بس هي خوافة نآدرا ما تكون جريئة .. تحب المغامرات .. وتسوي الشيء بدون ما تفكر فيه ، يعني متسرعه ، عندها قدرة عجيبة بالاقناع "
ام ريم " اسمها تغريد عمرها 37 ، صديقة نورة ونوال "
ابو ريم " اسمه احمد عمره 41 ، صديق ابراهيم وعوض "
اخو ريم " اسمه رآئد عمره 21 ، عيونه عسليه معضل شوي طويل ، يحب المقالب يدرس في بريطانيا "
{ الله اكبر الله اكبر .. اشهد ان لا اله الا الله . اشهد ان محمد رسول الله .. حي على الصلاة .. حي على الفلاح .. قد قامت الصلاة .. قد قامت الصلاة .. لا اله الا الله } ..
ريم : يلا مع السلامة بصلي وبجهز اغراضي عشان بكرا نروح للشقة وبعدها بنام ..
لميس : مع السلامة ..
{ صلو صلاة العشاء واستعدو البنات للحياة الجديدة الي راح يعيشونها بعيد عن اهلهم .. ونامو } ..
{ الجمعة ، الساعة 10 الصباح } ..
{ في بيت اهل لمار } ..
عوض : لـــمــار .. يلا حياتي الحين بنوديك الشقة ريم ولميس في الطريق لها يلا قلبي عشان ما نتأخر ..
لمار : اوكي بابا انا جاهزة .. بس لحظة ..
عوض : ياليل اللحظات هذي ..
لمار : نزلت نزلت خلاص اصبر ..
{ نزلت لمار وركّب عوض الاغراض في السيارة ومشو متجهين الى الشقة وبعدها للمطار عشان الرحلة } ..
عائلة لمار :
لمآر " عمرها 19 صف اول جامعة عيونها سودا صغيرة وخشمهآ سلة سيف فمهآ عادي طولها على عمرها نحيفة شوي شعرهآ على كتوفها ، خوافة بس تحاول ما تبين تعرف تمثل ذكية وقت الحاجة "
ام لمار " اسمها نوال عمرهآ 37 ، صديقة نورة وتغريد "
ابو لمار " اسمه عوض عمره 41 ، صديق احمد وابراهيم "
وصلو البنات الشقة ورتبو الاغراض في غرفهم واخذو لهم شور .. وفي المطار نادو على رحلة باريس وركبو الاهل وبدت حياة لميس .. ريم .. لمار .. وش بيسون ؟ وش بيصير فيهم خلال هذي الفتره ؟ ..
في الصالة ..
ريم : عندي فكرة ..
لميس : وش هي ؟ ..
ريم : بما ان اهلنا مو فيه لازم نغامر ..
لمار : طيب شلون نغامر ؟ ..
ريم : انا اعلمكم بندخل جامعة ..
لمار : طيب وش الجديد في الموضوع ؟ ..
ريم : ماخلصت كلامي ..
لمآر : اسفه كملي ..
ريم : عادي بندخل جامعة عيال منها نعرف حياتهم ومنها تهور ..
لمار : نعم ؟ لا ماني بايعة عمري ..
لميس : حتى انا مراح ادخل ..
ريم : بنات بليز ..
وصارت تلعب في مخهم لما وافقو وراحو للمشغل عشان يقصون شعورهم ..
{ طلعو مع تاكسي للمشغل وصلو وبدت لميس تقص شعرها مثل الاولاد ولما خلصت } ..
ريم بأعجاب : يجنن .. والله رهيب عليك مره ..
لميس وقفت عند المراية ومسكت شعرها وبدت تفكر : جد ؟! ..
لمار : ايوه جميل عليك والحين دوري بروح اقص .. { راحت لمار ولما خلصت } ..
لميس : وش هذي الكشخة غطيتي علي ؟! ..
ريم : والله يجنن عليكم عاد انا الله يستر لا اطلع شيفه ..
يلا بنات بروح الحين دوري .. { راحت ريم ولما خلصت } ..
لمار : والله يجنن صح لميس ؟! ..
لميس : ايوه جميل .. الحين خلونا نروح للسوق ..
ريم و لمار : يلا .. { في السوق ، دخلو محل رجال واشترو بناطيل كثيرة وبلايز معاها وساعات وجزم واشترو ثوب وشماغ وعقال وسروال عيال وفنايل ومشد الصدر …. كل شي اشتروه } ..
بنت تكلم وحده معاها : شفتي هذا المحل يبيع كريم يسمر الوجه شوي ..
البنت الثانية : ايوه رهيب وبعد لفترة مؤقته يعني اذا غسلتيه يروح ..
ريم : سمعتو الي سمعته ؟! ..
لمار ولميس : ايوه .. خلنا نروح له .. { اشترو 10 حبات عشان تكفيهم } ..
رجعو البيت مرهقات تقريبا على العشاء وراحو بزورون ملفاتهم وذي الاشياء رجعو للبيت ونامو ، مر السبت على البنات يوم عادي مليء بالتجهيزات والحركات هذي ..
{ يوم الاحد بداية الفصل الدراسي الاول ، الساعة 5:30 } ..
كان جو متوتر في شقة البنات وكل وحدة بدت تجهز وطبعا خلصو الساعة 5:50 وركبو تاكسي للجامعة .. ولما وصلو لها طاحت قلوبهم من الخوف بس يحاولون يخفون توترهم ~ ..
ريم : اوه نسيت .. ما اخترت اسم .. اوكي انا تركي ..
لمار : انا سالم ..
لميس : انا طلال .. حاولو تفخمون اصواتكم وتتكلمون بلهجة عيال ..
لمار وريم : ابشر يابو الشباب ..
لميس : ههههههههههههه بعدي والله ..
ريم تطالعها بنص عين : اقول بس اهجدي .. اءء .. اقـ اقصد اهجد ..
لمار : ههههههههههههههه بالله عليك اكرمنا بسكاتك يا اخ تركي ..
لميس : يلا بنات امشو ..
لمار طالعتها : انطم انت بنات بعينك { وهمست لها } فضحتينا ..
ريم تطالع يمين ويسار : لا يكون احد سمع ..
لميس : اسف ..
لمار : خلاص لا تتكلمون اسكتو .. شافو كراسي وجلسو فيها .. لمار وريم ولميس جلسو بكراسي جمب بعض اما لميس جلست بين ريم وواحد كان جالس ع الكرسي ..
الي بجمب لميس : هلا والله .. شعلومك يا ؟ ..
طلال : طلال .. اسمي طلال .. طيب الحمدلله ..
الي بجمب طلال : والنعم والله ..
طلال ( لميس ) : ينعم بحالك ..
الي بجمب طلال : اسمي فيصل تشرفت بمعرفتك ..
طلال ( لميس ) : الشرف لي .. { فيصل مد يده يصافح طلال } ترددت لميس بس ما بينت وصافحته ..
فيصل " يده ناعمه شكله يحط كريمات " ..
{ فيصل عمره 23 صف اول جامعه وسيم عيونه سودا طويل شوي اسمر تقريبا حواجبه مو عريضة مركب تقويم خشمه عادي .. طيب مره وحنون وفلاوي ويحب يمزح } ..
جاء شاب وقف عند فيصل وصقعه على كتفه بخفه : كيفك يا رجال لك وحشه ؟! ..
فيصل : الحمدلله طيب وانت كيفك ؟! ..
ماجد : بخير .. انتبه ماجد لـ لميس وصار يناظرها لاحظت لميس نظراته وارتبكت ..
ماجد بـ هدوء : شفيك ؟! ..
لميس بارتباك : هاه ؟! .. لا . ااء .. لا بس تعبانة ..
ماجد وفيصل عقدو حواجبهم وقالو باستغراب : تعبانه ؟! .. ريم ولمار حبسو انفاسهم ..
* نهاية البارت *
واتمنى مازعلتي من كلاممي
|
المشاركة الأساسية كتبها هيون القحطاني
 روايتك احسها نفس الروايات اللي تتكلم عن البنات يسوو نفسهم اولاد وهذي ماتجذب القارئ والبنات كان المفروض اباءهم حطوهم في بيتهم امن وافضل مو في شقهه وبدون رجال واصلا كيف دخلو جامعه بدون بطاقه؟؟ للاسف الرواية غير واقعيهه وماتقبلتها
واتمنى مازعلتي من كلاممي |
اهلين حبيبتي بالنسبه للبطاقة انا ذكرت انهم زورو كل شيء .. اما انها م تجذب القارئ بصراحة انا قريت كذا رواية عن بنات يسوو نفسهم اولاد وتمنيت اني اكتب عن ذا الموضوع وروايتي م تتعلق بهذا الموضوع فقط لها مواضيع ثانية تبتعد كل البعد عن هذا الموضوع .. وبما ان عائلة البنات متفتحة م فكرو يحطوهم مع رجال ..
شكرا لمرورك