حبيت انقل لكم رواسية سجن الحب لكاتبتها بنت الشرقية وعلى فكرة هي توها بالبداية وتنزل بارتين بس بالاسبوع يوم الاثنين ويوم الخميس..واتمنى تنال اعجابكم ورضاكم…
////////////////////////////////////////////////////////////////////////////////////////
كان رافع الستارة عن النافذة يناظر بالمحيط الخارجي واللي صاير فيه وباله مشغول في ذاك الرقم اللي بجواله واللي مخزنه باسم تؤام روحي,,,
دق لها اكثر من خمس مرات وهي سافطته ماردت عليه,,,
مرة تعطيه مشغول ومرات اصلا ماتعبره؟؟؟
شفيها؟ليش قاعدة تعاملني بها الامبالاة في ها الفترة؟؟؟
ياترى شافت مني شي خلاها تنفر مني!!!ولاهو دلع بنات مابعد استوعبته للحين؟ولاملت مني وتبي تقطع العلاقة ولاشسالفتها بالضبط انا موداري؟
تنهد بقوةبعد ماسمع صوت يناديه عند الباب وترك الستارة ووقف بملل وقال /نعم…
دخلت مشاعل وهي تضحك ومبسوطة كاالعادة,,
مشاعل/هلا والله…صاحي..؟
طلال بنرفزة/انتي شتشوفين بالله؟
مشاعل وهي تضحك/مدري قلت يمكن انت من الناس اللي يتمشون بنومهم….
سحبت الكرسي حق المكتب وقعدت عليه وسط نرفزة طلال وتحلطمه..
مشاعل ببراْة/شكلك متضايق من وجودي؟
طلال /مشاعل انا متضايق وابي اكون بروحي؟
مشاعل/ليش وصلك اخر خبر بسرعة؟والله ها البيت ماينعرف لهم؟
طلال/أي خبر؟
مشاعل/…………
طلال/سالتك أي خبر؟
مشاعل بارتباك/ليش انت علشان شنو متضايق؟
/////////////////////////////////////////////////////////////////
مريم/دانة..
لفت لها وتركت المجلة اللي بيدها..
دانة /خير…
مريم/ماتبين تتعشين؟
دانة/لا..
مريم/ليه؟
دانة/شبعانة….بقراْ شوي بها المجلة وبعدين بقوم انام حاسة اني نعسانة….
مريم/بكيفك…..
طلعت عنها وسكرت الباب…
رمت المجلة بضيق ووقفت عند النافذة….
احساس مر هذا اللي هي تعيشه من اربع سنين…كل شي حولها يحسسها بانها علة وانها هم كبير…بمداراتهم…بعطفهم وشفقتهم…باهتمامهم الزايد….
اه يادانة اه….ياليت الزمن يرجع ومايصير اللي صار….ياليتني عايشة في بيتنا وسط ناسي واهلي…بسك ياقدر تعذيب ماعاد فيني اتحمل اكثر….
دق الباب ومسحت دموعها ولفت بتقول منو بس الشخص اللي كان واقف يبتسم لها خلاها تشهق باسمه بقوة
دانة/سلطان!!!!!
//////////////////////////////////////////////////////////////////
خالد/وين معزمين ها الاجازة ان شاءالله؟
تركي/والله مابعد قررت….انت في بالك شي….
خالد/لا…
تركي/ضايق يارجال ومدري شسوي…
خالد/علامك انت دايم ضايق ومتضايق…
تركي بقهر/من زين الدنيا علشان افرح؟
خالد/الدنيا حلوة للي يحبها..
تركي/لاتقعد تتفلسف عليّ!! ترى مو ناقصك انت بعد.
خالد/اقولك فيك شي….
تركي/خالد….اذا تبي الصراحة انا ودي افك خطبتي من نوف؟
خالد بصدمة/تفك الخطبة؟؟؟؟ليه؟؟؟
تركي بتنهيدة كبيرة/مدري…بس حاس ان…..
خالد/تركي شها الكلام….انت لاعمرك شفتها ولاحتى قعدت معها كيف يجيك ها الشعور….
تركي بضيق/خالد انا مو للزواج والاستقرار والمسؤلية واذا اخذتها بتتعب معي وانا ماراح اكون طوعها وبتصير حياتنا كلها مشاكل…افهم عليّ!
خالد/شها الكلام اللي مايدخل العقل؟سكران انت يارجال؟؟؟اوعى تفكر بها الشي مرة ثانية ياتركي…
//////////////////////////////////////////////////////////////////////ناصر/نوف…
نوف/هلا…
ناصر/متى تتوقعين تتزوجون انتي وتركي؟
نوف بهدوء/مدري…
ناصر/ومنو اللي يدري اذا انتي العروس ماتدرين؟
نوف بنفس الهدوء/اذا هو ماقال أي شي عن الموضوع وظل ساكت بالله شسوي انا؟
ناصر حط رجل على رجل وقال/انتوا غريبين فعلا؟
نوف/من تقصد باانتوا؟
ناصر/انتي وهو…
نوف/………..
ناصر/تدرين ساعات احس انكم ماتناسبون بعض؟
ظلت ساكتة وماردت عليه واحترم سكوتها فترة طويلة لين دق جواله ورد عليه وقام من مكانه……
اول ماقام من مكانه مسحت دمعة كانت حابستها طول ماهو قاعد ويتكلم عن تركي….وظلت ترن في اذنها كلمته(ساعات احسكم ماتناسبون بعض)
قامت من مكانها وهي تكلم نفسها…/مو بس انت اللي تحس بها الشي ياناصر….انا واثقة منه مية بالمية؟؟؟
///////////////////////////////
هذا البارت الاول من روايتي (سجن الحب)وبالبارتات الجاية بتتعرفون على الشخصيات بالكامل واتمنى تحوز على رضاكم…اختكم بنت الشرقية
يعطيك العافيه
/size]**********************************
سلطان وهو ضامها لصدره/دانة وش فيك ياقلبي؟
دانة وهي تمسح دموعها/تعبانة ياعمي تعبانة…
سلطان/احد مضايقك هنا ولامزعلك؟
دانة/لا…
سلطان/متاْكدة؟
دانة/أي متاْكدة….
سلطان/اجل وش اللي متعبك ياعيون عمك؟
دانة اكتفت بانها تتنهد وتبعد عنه وتقعد على سريرها….
سلطان وقف قبالها/دانة وش فيك؟
دانة/ولاشي……بس حاسة نفسي متضايقة شوي…
سلطان/ماغيرتي رايك وبتجين تقعدين عندي بالبيت؟
دانة ضحكت بمرارة/تدري اني اتمنى اسمع ها الكلمة من سعود مو منك ياسلطان؟
سلطان بلطف/دانة انتي عارفة سعود وعارفة ظروفه ومرته…
دانة بضيق/عارفة وحتى لو قال لي مستحيل اروح عنده!!بس ياليته يقولها ويحسسني اني اخته على الاقل؟
سلطان/شلونك مع البنات؟
دانة/عادي…حالنا من زمان مو توه ياسلطان…مهاوي ماتواطني بعيشة الله ومشاعل يوم معي وعشرة ضدي ومريم الوحيدة اللي دايم بقربي….ماعلنا انت شلونك مع وضحى؟
سلطان/ حالنا مثل حالك انتي ومشاعل يوم عايشينا بسلام وعشرة كله مشاكل ….
*****************************تعالوا نتكلم عن دانة شوي…
دانة بنت مملوحة بثالث ثانويتوفى ابوها وامها بحادث قبل اربع سنين وماعندها اخوان غير سعود اللي اكبر منها بعشر سنين واللي مرته ماتحبها وماتبيها تقعد عندها فااخذها عمها ابو خالد علشان تعيش معه بالبيت بما انه عنده ثلاث بنات….
اقرب شخص لها عمها سلطان لانه حنون عليها ويحبها ومريم بنت عمها اللي كانت علاقتها فيها قوية قبل لايصير حادث اهلها وزادت بعد ماسكنوا مع بعض وطبعا صديقة عمرها شذى….تحب طلال ولد عمها بس محد يدري غير شذى.
**عيلة ابو خالد مكونة من…
ابو خالد وام خالد…
خالد/الولد الكبير والشاب الوسيم عمرها سبع وعشرين سنة وموظف بشركة خاصة…يفكر بدانة بنت عمه بس مو قادر يصارحها….
مهاوي/البنت اللي تجي بعد خالد بالبيت وعلاقتها بدانة سيئة للغاية ودايم بينهم مشاكل رغم انها متزوجة وعندها ولد بس ماتتواطن مع دانة بعيشة الله..
طلال/الولد الثاني بعيلة ابو خالد عمره خمس وعشرين سنة مملوح وماخذ من وسامة اخوه خالد يحب عبير بنت جيرانهم وهي يوم معه وعشرة ايام بايعته ومايدري ان دانة تفكر فيه ويعتبرها مثل اخته…
مشاعل ومريم/تؤام بس اختلاف بكل شي بالسنة الاولى بالجامعة ..مشاعل طيوبة وتحب الكل ودايم تضحك والدنيا عندها وناسة وساعات تنقلب على دانة عكس مريم اختها الهادئة اللي كانت ومازالت تحب دانة وماترضى عليها,,,
************************************نوف/هلا والله…
وضحى بدون نفس/اهلين…
نوف/نفسي يوم تجين وانتي شكلك رايق ومبسوط؟
وضحى بقهر/وليش ان شاءالله تبيني اضحك وانبسط في شي يستاهل؟
نوف/يالله عاد وضيحي نفسنا نشوفك يوم فرحانة دايم كدر بكدر..مااقول الا الله يكون بعونك ياسلطان؟
وضحى بعصبية/تقدرين ماتطرين لي اسمه؟
نوف/اكيد متهاوشين؟
وضحى/طبعا؟
نوف/وليش بعد اليوم متهاوشين؟
وضحى/اقوله بروح السوق يقولي بمر بيت اخوي بشوف العيال لاجيت وصلتك؟
نوف/طيب وين المشكلة؟
وضحى/ياسلااام يعني هم اهم مني؟
نوف/ليش تاخذينها بها المنظار عاد ياوضحى؟انتي عارفة انه بعد ماسكنت دانة معهم صار يروح هناك بكثرة علشان يتطمن عليها؟
وضحى/وليش مايجيبها عندنا البيت علشان ماتصير عنده حجة؟
نوف/انتي تبينها تجي من صدقك وتسكن معك؟
وضحى/أي…انا احبها وعلاقتنا مع بعض حلوة ومابيه ياخذها حجة حق روحته هناك كل يوم بس هي ماهي راضية تجي….
نوف/والله عاد ساعات مدري انتي شلون تفكرين؟
وضحى/ماعلينا صار شي بموضوعك انتي وتركي؟
نوف بضيق/لا…
وضحى/يعني عمتي للحين ماقالت شي؟
نوف/لا….
////////////////////////////////////////////////////////////
خلونا نتكلم عن بيت بو ناصر….
امهم متوفية وابوهم تزوج بعدها وحدة بس ماجابت عيال وعلاقتهم فيها عادية يوم زينة ويوم شينة,,,
وضحى/البنت الكبيرة اللي تزوجت من سلطان من قبل سنتين وماجابوا عيال للحين…حياتها مضطربة يوم يحبون بعض ومايستغنون عن بعض ويوم هواش ماينتهي لااتفه الاسباب…
نوف/بسنة ثانية بالجامعة خطبها تركي ولد عمتها وابوها وافق من دون مايشاورها رغم انها عارفة ان تركي مايبيها وهي بعد ماتبيه لانها عارفة عن حركاته وعلاقاته بس ماتقدر تعارض ابوها اللي مايبي يرفض ولد اخته…وتدري انها انفرضت عليه علشان عمتها…
ناصر/الشاب الوحيد بها البيت واللي دايم هواش مع جده ومع زوجة ابوه بسنة ثالثة بالجامعة بس طيوب وحنون ويحب خواته ومايتواطن مع تركي ولد عمته كثير,,,
////////////////////////////////////////////////////////////
تركي/الو..
خالد/هلا…
تركي/وينك فيه؟
خالد/وانت شعليك مني؟توني كنت معك قبل ساعتين شتبي فيني؟
تركي/راجع البيت علشان تشوفها صح؟
خالد بنرفزة/لا..
تركي/بلى..اعرفك وش اللي مرجعك البيت غير ها الدانة؟
خالد/اخلص وش بغيت؟
تركي/اوووف..قوية هاذي…انا صاحبك تقولي اخلص وش تبي؟
خالد/سلطان عندنا بالبيت وبروح اشوفه؟
تركي/لا…سلم عليه اجل؟
خالد بخبث/واقوله يقول لمرته تسلم على نوف؟
تركي/اقول يالله ترى مو فاضي لك انا….
تركي/الولد الوحيد بين خمس بنات وكان مرتبط من قبل بس فشل ارتباطه وتطلقوا علشان كذا هو خايف من تجربته مع نوف بنت خاله لاسيما انه راعي سوالف وحركات بس مو قادر يرفض رفض كلي علشان لاتزعل امه منه ..وسيم لاابعد حد وصديقه الوحيد هو خالد واللي عارف كل اسراره ,,,,
///////////////////////////////////////////////////////////////////////////////
البارت الثالث ان شاءالله بيكون يوم الاثنين…
بانتظاار الباارت اليديد
///////////////////////////////////////////////////////////////////////////
البارت الثالث,,,,
سلطان/يالله انا واقف انطرك بره…
وضحى بدون نفس/طالعة…
بعد ثواني قصيرة طلعتوهي مكشرة …
جلست جنبه بدون ماتسلم…
لف لها…
سلطان/مافي سلام…..
وضحى/……………
مشى بالسيارة وسالها/وين بتروحين؟
وضحى/…………..
سلطان/انتي مو قايلة بتروحين السوق اليوم….وين تبين تروحين؟
وضحى بقهر/صباح الليل؟؟؟
سلطان بعصبية/شنو يعني؟
وضحى بعصبية/يعني مالها داعي مااحب اكون بااخر القائمة؟
سلطان بنفس العصبية/قايل لك بروح بيت اخوي واذا رجعت بوديك السوق صار شي؟
وضحى بلامبالاة/سلامتك…بس انا ماابي اروح…
سلطان بتنهيدة صبر/وضحى انتي ليش كذا؟
وضحى/شفيني؟
سلطان/ولاشي…..
مرت ثواني صمت بينهم وكل واحد لاف بجهة ثانية…..
سلطان/اللحين وين تبين تروحين؟
وضحى باصرار/البيت…
سلطان بهدوء/اكسري الشر ياوضحى…..مافرقت رحتي العصر ولا اللحين….قولي حبيبتي وين تبين تروحين؟
وضحى بثقة/البيت….اذا صرت في قائمة اولوياتك ساعتها بروح….
//////////////////////////////////////////////////////////////
اليوم الثاني الصباح…
مريم/قاعدة ولانايمة؟
دانة بهدوء/انتي وش تشوفين؟
مريم/يوم انك قاعدة ليش مالبستي؟بتتاْخرين على المدرسة؟
دانة بدون نفس/ماابي اروح…مالي نفس…
مريم جلست على طرف سريرها/دانة وش ها الحكي….
دانة/وش قلت انا؟
مريم/مو كفاية السنة اللي فاتت ضاعت منك كان اللحين انتي معنا بالجامعة …
دانة/……….
مريم/مايصير كل يوم مالي نفس ومالي نفس…كل شي ملكك يادانة الا مستقبلك لاتلعبين فيه…بيمشي عمرك وانتي ماتحسين….
دانة/……………
دق الباب بها اللحظة….
مريم/منو…
خالد/انا خالد…..
اخذت دانة طرحتها ولفتها على شعرها…
مريم/حياك يابو محمد…
خالد/السلام عليكم..
وعليكم السلام…..
خالد/مو على اساس اني بوصلك الجامعة انتي واختك…ولاناويين تاْخروني؟
مريم/مدامك هنا تعال احكي لك كلمتين مع ها الدلوعة؟
خالد/دانة…
مريم/وفي غيري وغيرها قاعدين بها الغرفة؟
خالد ببتسامة/وانتي ليش غيرانة منها لانها دلوعة..
ابتسمت له دانة…
مريم/طالع هذا بعد وين قاعد؟؟؟خالد الصدق قول لها شي…
خالد بحنان/وش فيها دانتنا؟
مريم/ماتبي تروح المدرسة تقول مالها نفس….
دانة/……….
خالد/…………..
مريم/خالد….قول شي لاتسكت؟
خالد/هي عارفة وين مصلحتها يامريم لاانا ولاانتي ولااي احد بها العالم بيقدر يجبرها تسوي شي هي ماتبيه وهي عارفة ها الشي…احنا يهمنا انها تكون مرتاحة وقرارتها بتمشي علينا لو مهماكانت…
دانة بارتباك/خالد….السالفة ماهي سالفة قرارات…انا بس حاسة اني..
خالد/منتي مجبرة تبررين لي ولا لغيري أي شي تبينه يادانة…
دانة بنفس الارتباك/بس ياخالد انا ماابيك تقول عني ولاتفهمني غلط….يعني…
خالد/معقولة انا بفهم دانة غلط؟دانة طول عمرها معنا وربت بها البيت اذا ماتذكرين يادانة؟
دانة وهي تمسح دمعة نزلت منها/انا حاسة اني مخنوقة ياخالد مو قادرة….
خالد/عارف ان اللي صار لك مو قليل بس انتي اقوى يادانة….عموما نامي ارتاحي ولنا قعدة اذا رجعت اليوم…
مشاعل دخلت الغرفة/ياسلام….انا قاعدة انتظركم من زمان وانتوا تسولفون…
خالد/بس قاعد اقول للبنات ان الليلة بنروح البحر؟
مشاعل بصدمة/وانا ماتبوني؟
خالد/مااعتقد؟
مشاعل/دانوه توسطي لي الله يخليك؟
مريم وهي تدفها /دانوه للمصالح بس ولاانتي طول وقتك ماتعرفينها؟
/////////////////////////////////////////////////////////////////////ناصر/فطوري جاهز..
شيخة زوجة ابوه/كل الفطور على الطاولة ليش ان شاءالله بيكون لك فطور خصوصي بروحك؟
ناصر بحدة/انتي محد كلمك؟
شيخة/ناصر انا بحسبة امك ولازم تغير اسلوبك معي؟
ناصر/وش اللي يجبرني ان شاءالله اغير اسلوبي معك؟وبعدين مليون مرة قايل لك لاتحطين مقامك بمقام امي الله يرحمها….
شيخة/ترى انا ساكتة وصابرة عليك وعلى طوالة لسانك علشان ابوك وبس؟
ناصر/أي وفلوس ابوي بعد؟؟
شيخة/تاْدب وانت تحاكيني ياولد؟
ناصر بصراخ/انا ولد يللي ماتستحين على وجهك….
نوف/شصاير؟
لفوا لها اثنينهم..
ناصر/ماتشوفين ها الانسانة المحترمة كيف تحاكيني وشنو تقول؟
شيخة/اذا تاْدبت بيكون بينا كلام اما اذا ظليت كذا انا بعلم ابوك عليك لاني ماعدت اتحملك؟
نوف/ناصر….خلاص…
ناصر/لامو خلاص…على بالها بسكت لها…..
نوف/يالله لانتاءخر ولاانت ناسي انك بتوصلني الجامعة اليوم؟
ناصر/وين السايق؟
نوف/طلع مع ابوي من الصباح وبيتاْخر….
/////////////////////////////////////////////////////////////
كان قاعد بفراشه وعيونه على السقف وهو غرقان بتفكيره وقطع عليه حبل افكاره صوت راشد الماجد وهو يعلى من جواله اللي كان حاطه نغمته…
جيت وش جابك حبيبي….من بعد طول المغيبي…ولاناوي ياحبيبي تغرق الغرقان اكثر,,,,
فز بسرعة واخذ جواله ورد بلهفة…
طلال/الو..
عبير برواق/صباح الخير..
طلال /وينك انتي؟
عبير/اللحين انا اقولك صباح الخير تسالني وينك انتي؟يعني وين بكون بعدني مارحت الجامعة؟
طلال بهدوء/انا اتكلم عن امس مو عن اليوم؟
عبير/امس؟؟
طلال/كم اتصال جاك مني!!!ومافكرتي تردين لي لو بمسج؟
عبير بتنهيدة/كنت مشغولة؟
طلال بتاْنيب/وش ها الشي اللي شاغلك من الصباح لليل وماخلاك تقدرين تردين عليّ!!
عبير/………………
طلال/ردي…
عبير بنرفزة/تحقيق هو ياطلال؟
طلال/ماهو تحقيق بس من حقي اعرف على مااعتقد؟
عبير/شكلك منت رايق…ادق عليك بوقت ثاني؟
طلال/اذا بتقولين لي عن الشي اللي شاغلك لاني ابي اعرفه بقوة ….
////////////////////////////////////////////////////////////////////مهاوي بهمس/يمه..
ام خالد/هلا يمه….
مهاوي/ليش ماراحت اليوم مدرستها؟
ام خالد/تقول مريم انها مالها نفس..
مهاوي بضيق/وش ذا بعد مالها نفس؟
ام خالد/والله هذا اللي قالته؟
مهاوي/يمه انتوا تاركينها على راحتها….كل يوم وغايبة..مو كفاية راحت عليها سنة حتى ها السنة بتضيعها بعد؟شكلها ناوية تعمر بثانوي…
ام خالد/الله يعينها يابنيتي…الله لايحطكم بها الموقف…
مهاوي/لايمه تراكم عاطينها وجه بزيادة وها الشي مو من صالحها….انا قايمة اكلمها..
ام خالد/بشويش عليها يامهاوي تراها برقبتي…
راحت لغرفة دانة ودقت الباب ودخلت…
دانة/هلا مهاوي..
مهاوي/يقولون غايبة…
دانة/………..
مهاوي/شوفي دانة التسيب الدراسي ماهو حلو ويضر بسمعة البنت ولاانتي عادي عندك؟
دانة/بعدين انتي متى ناوية تخلصين ثانوي على ها الحال اذا يوم رايحة وعشرين يوم غايبة…..
دانة/انا بس..
مهاوي بصرامة/من غير بس…كلنا تمر علينا ظروف صعبة وهذا مايعني ان احنا نرمي كل شي ورى ظهرنا….دراستك وانضباطك بالمدرسة اهم من ها الفلم اللي انتي عايشته سمعتيني!!
دانة بصدمة/فلم!!!فلم!!!
بس ماسمعتها مهاوي لانها قالت اللي عندها ومشت بسرعة….
دانة وهي تبكي/انا مسوية فلم!!الله يسامحك يامهاوي…..وينك يايبه..وينك يايمه……انا ماابي اقعد هنا بعد اليوم….
رفعت راسها بعد ماسمعت دق خفيف على الباب المفتوح وصوت حمحمة…
اخذت طرحتها ولفتها عليها…
طلال/دانة…
دانة صارت تمسح بدموعها..
طلال/كنت مار من هنا وسمعت صوتك تبكين….عسى ماشر؟
دانة وهي تمسح دموعها/ولاشي سلامتك..
طلال/قولي الصدق….وش اللي خلاك تبكين كذا….
دانة/طلال انا…
طلال/انتي شنو يادانة؟
رفعت راسها تناظره بعيونها الغرقانة دموع…وهي تقول بنفسها شوفتك بس ياحبيبي هي اللي مصبرتني على القعدة بها البيت؟؟
طلال/دانة…
رجعها صوته للواقع…
ردت عليه بنعومة ماتناسب موقفها وشكلها الباكي/هلا…
طلال/علامك…
دانة/لاتشيل هم ولاشي…
طلال/اكيد…
دانة/أي…
طلال/طيب ليش مارحتي المدرسة اليوم؟
دانة/………..
طلال ابتسم لها/ماحليتي الواجب؟
دانة وهي تضحك له/طلال وش ها الاساليب القديمة؟
طلال وهو يضحك/انا ادري عنك….ترى غيابك كثران…
دانة بجدية/ان شاءالله اليوم يكون اخر يوم…..
/////////////////////////////////////////////////////////////////////////
اشوفكم يوم الخميس ان شاءالله في البارت الرابع…
الله يعطيييييك العافيه
//////////////////////////////////
متعب/وش فيك اليوم ياطلال؟
طلال تنهد وماقال شي…
متعب/ها…..علامك يارجال متضايق اليوم؟
طلال بنرفزة/عبير يامتعب عبير….
متعب/شفيها؟
طلال/قول شنو تغير فيها؟
متعب/تقصد لامبالاتها وتطنيشها؟
طلال بالم/أي…..
متعب/وش الجديد انت من عرفتها وهي كذا ماتغيرت؟
طلال بقهر/الجديد اني مو قادر اتحمل…..مو معقولة تكون بها المشاعر الباردة؟مااصدق!!!!وقت اللي نكون رايقين مع بعض ماتصدق انها هي نفسها اللي تطنش وماتشيل أي هم؟
متعب/تدري ليش ياخوك ياطلال…….لانك عاطيها وجه بزيادة ورامي حالك عليها,,,,,يااخي اثقل شوي عليها خلها تحس انك تتصدد مثل ماهي تتصدد مو بكل مرة تطنشك وتصد تقوم تكلمها طبيعي وترجع وكاْن شي ماصار؟
طلال/هاذي بروحها مشكلة….مقدر اغيب عنها كثير يامتعب ومااسمع صوتها؟
متعب/اذا بتظل على ها الحال ماراح يتغير حالكم ابدا ياطلال لانها حاسة انك انت اللي تبيها وماتقدر تستغني عنها لو شسوت؟
طلال/ياربي شسوي انا شسوي……
////////////////////////////////////////////////////////////////////نوف/جدي شلونك؟
الجد/هلا وغلا……توك راجعة من الجامعة؟
نوف/يعني من وين بكون راجعة ياجدي اكيد من الجامعة…..
الجد/واخوك الشين وينه؟
نوف/جدي…شوي شوي عليه ترى ماارضى عليه…
الجد/من زينه عاد علشان ماترضين عليه؟
ناصر من وراهم/منو هذا اللي من زينه!!
لفوا اثنينهم له…
نوف وهي تضحك/في غيرك يابو عبدالله…..
ناصر/ومن قال لك اني بسمي عبدالله؟
نوف/وش تبي تسمي حضرتك اجل؟
ناصر/مافكرت بس يمكن فلاح ولا سالم ولا…
الجد/ووجع اللي يوجعك خير الاسماء ماحمدّ وعبدّ؟
ناصر/عيالي وكيفي!!!
الجد/لاماهو بكيفك…
ناصر/ياسلام بكيف منو اجل؟انا اللي بجيهم ان شاءالله انت اللي بتسميهم وانا مدري؟
الجد/تعال انت….مو كاْنك ماسلمت يوم تدخل علينا!!!لايكون داخل على كفار وانا مدري؟؟؟
نوف شالت اغراضها وهي تضحك/انا بقوم اركب غرفتي وابدل ثيابي..
ناصر/وتتركيني هنا بروحي مع جدك؟
الجد/وش قالوا لك ان شاءالله باكلك انا!!!
نوف وهي تغمز لناصر/شكلها بتولع بينكم خلني اقوم ابرك….
//////////////////////////////////////////////////////////
وضحى/سلطان…سلطان…يالله قوم لاتتاْخر انت قايل لي صحيني الساعة ثلاث…قوم لاتتاْخر…..يالله سلطان…
فتح عيونه بشويش…وقال بثقل/كم الساعة اللحين؟
وضحى بدون نفس وهي لافة بوجهها عنه للجهة الثانية/ثلاث….
اعتدل بقعدته وحضنها من ورى وهي كانت تحاول تقوم…
سلطان بهمس/ولمتى بتظلين قالبة عليّ كذا!!!
وضحى/………..
سلطان/يالله قومي لبسي …
وضحى/ليه؟
سلطان/طالعين نتمشى بالبحرين انا وانتي؟
وضحى/وش اللي صاير بالدنيا….انت هنا مو قادر توصلني مشوار ها الساعة بتوديني البحرين؟
سلطان/حرام عليك ياوضحى انا مقصر معك!!!
وضحى/قول الصدق سلطان ليش بنروح؟في احد بيجي معنا يخاوينا؟
سلطان بنرفزة/وضحى علامك يعني عمرنا مارحنا بروحنا الا ومعنا احد يخاوينا؟؟؟
وضحى/…………………
سلطان/انا ابي افهم ليش انتي تدورين النكد دوارة؟؟
وضحى بعصبية/انا ادور النكد!!!!بعد طلع وش عندك تبي تقوله؟
سلطان قام من الفراش وقال بعصبية/اذا تبين تروحين قومي جهزي خلصيني؟
وضحى بعصبية/مو رايحة ارتاح؟؟؟وروح مع اللي تبي تروح معه؟
//////////////////////////////////////////////////////////////
مريم/سبحان الله الصبح تركتك بحال واللحين بحال ثاني …
دانة كانت تبتسم بدون ماتقول شي….
مريم/قولي شا السالفة؟
دانة/أي سالفة…مافي شي سلامتك….
مريم/مااصدقك……في شي صار؟
دانة/بكيفك تبين تصدقين ولابكيفك؟
مريم/دانوه قولي الصدق شللي صار بغيابي…
دانة/خليني افكر وش اللي صار …وش اللي صار يادانة…..اي…جت مهاوي الصبح؟
مريم/مهاوي!!!بس مهاوي ماوراها وناسة ماوراها الا هواش وكدر..
دانة وهي تضحك/والله عاد هذا اللي صار…
مريم/انتي تبين تجننيني…..قولي الصدق؟
دانة/هههههههههههه
مريم/قولي الصدق…….لحظة هذا خالد داق لي اكيد بيقولي جهزوا انا جايكم اللحين….
دانة/بدق على شذى اذا وصلنا علشان تجينا هناك….
///////////////////////////////////////////////////////////////////متعب/جوالك يدق ياحظي…
طلال/أي سامعه هاذي اختي…
متعب/أي وحدة فيهم؟
طلال/وانت شكو؟
متعب/التي يقال لها مشاعل ولا اللي يقال لها مريم؟
طلال/اقول لاتجيب اسماء خواتي على لسانك لااذبحك؟
متعب/وانا وش عرفني باسماء خواتك لو ماانك طاريهم من قبل قدامي!!!!
طلال ناظره بدون مايقول شي ورد على مشاعل..
طلال/هلا ميشو……اي…..وش بغيتي…..بعدين تعالي انتي مو قايلة لي في خبر صاير مدري سالفة صايرة وراك ماقلتيها يازفتة؟….طيب……اذا بغيت ارد البيت بدق لك بشوف وش تبين…..
متعب/شتبي؟
طلال/وانت وش يخصك؟اختك ولااختي؟
متعب/اختي واختك واحد مافيها شي يابو الشباب…..
طلال/لافيها ومو رايق لك اليوم ابدا يامتعب…..
متعب/ياهي علينا…اذا تنتظر عبير تدق ترى خذها من قاصرها مابتدق لك بتنتظرك انت تدق لانك عودتها على كذا…بس لازم تغير القاعدة وماتدق عليها وتخليها تدق هي عليك…
طلال/…………….
متعب/………..
طلال/………..
متعب/تصدق وش قاعد افكر فيه ياطلال؟
طلال بجدية/شنو؟
متعب بجدية اكبر/سندباد…..كيف كنا نشاهده واحنا صغار ونصدقه…يااخي كذاب مثله ماشفت؟انت تصدق سوالفه اللي كان يسويها لاوتغلب على الزعيم الازرق بمرايا؟؟؟ماتحسها ماتدخل العقل؟
طلال ناظره وقام عنه بدون مايقول شي….
متعب/وين رايح تعال قولي شرايك بسندباد حاقد عليه مثلي ولا نظرتك له مختلفة عني!!!
////////////////////////////////////////////////////////////////////على كورنيش الدمام….
مريم/باخذ لي شي اشربه قبل لايسكرون صلاة احد يبي شي..
خالد/لا
دانة/لا..
مريم/وفرتوا…..
مشت عنهم وظل خالد يناظر بدانة….
دانة/شفيك تناظرني وكانك تشوفني لااول مرة بحياتك؟
خالد ابتسم/يعني ماتبيني اناظرك …ها لفينا للجهة الثانية؟
دانة/مو هذا القصد بس احس نظراتك اليوم غريبة….
خالد بحنية/وش الغريب فيها من زمان ونظراتي لك ماتغيرت؟
دانة/خالد…..
خالد/قولي….
دانة/انت تشوف سعود اخوي؟
خالد/اخر مرة شفته الاسبوع اللي فات يوم يجي مع مرته البيت؟
دانة بتنهيدة/دقيت له مرتين ها الاسبوع ومارد عليّ…
خالد/وانتي علشان كذا متضايقة؟
دانة/انا ادري ان مرته ماتبيني اقعد معهم بنفس البيت بس انا ابي اسمع صوته واشوف عياله……
خالد/هاذي ماله حق فيها ابدا ….
دانة/اذا السالفة انها تبيه يقطعني ما المفروض انها تدخل العيال بالسالفة…انا عمتهم واحبهم…..
خالد/لاتزعلين نفسك يادانة بكرة كل شي بيتغير….
دانة/بيتغير…خالد انت مو حاس فيني…مو حاس كيف تكون علة على احد وان اللي حوالينك شايلين همك…وبعضهم متضايق منك؟
خالد/لايادانة لا…انا مااسمح لك تقولين ان في احد متضايق منك…….كلنا نحبك وحبنا لك ماتغير لامن اول ولامن اللحين….ولاانتي عندك شك؟
دانة/خالد لاتتكلم عن شعورك….انا ادري انك ماتفرق بيني وبين خواتك وكلنا واحد عندك بس غيرك متضايق مني وانا شايفة بعيوني محد لازم يقولها لي بصراحة…..
////////////////////////////////////////////////////////////////////طلال/سلطان…
لف له سلطان…..
سلطان/هلا طلال….
طلال/ماخبري فيك تحب تمشي على الكورنيش حزة الغروب…الا اذا قلبت رومنسي اخر عمرك؟
سلطان تنهد وماقال شي….
طلال/فيك شي…
سلطان/ضايق ومو عارف وين اروح؟
طلال/اكيد متهاوش انت ومرتك؟
سلطان/طبعا وهاذي يبيلها سؤال؟
طلال/………..
سلطان/تعبت ياطلال….دايما انا اللي احاول انهي أي سالفة تصير بينا واضغط على نفسي بس مو ملاقي منها أي ترحيب بالعكس دايم تزيد الامور نار وتشعللها….
طلال سرح بفكره بعيد لوضعه مع عبير…
سلطان/تسمعني؟
طلال/أي….
سلطان/مدري شقولك ياطلال…انا احبها وماودي تكبر بينا الامور عشان كذا بكل مرة احاول انهي أي مشكلة في وقتها بس هي الله يهداها اذا بغت تحطها في بالها ماتتنازل؟
طلال/لاتعطيها مجال…
سلطان/شنو يعني؟
طلال/يعني ها المرة اعطي نفسك راحة وشوف هي وش بتسوي اذا انت زعلان منها وهل ممكن تصالحك؟
كان يقولها لسلطان وهو يقصد نفسه مع عبير
///////////////////////////////////////////////////////////////////////
اشوفكم مع بارت يوم الاثنين
يسلموووووو خيتوووو