اتمنى تعجبكم الروايه وهي اول روايه لي…
في هذا اليوم البارد القارس والامطار الغزيره,جلس سليمان امام المدفئه ليدفئ يداه.فدخلت زوجته (موزه):سليمان انت هنا!
ردسليمان.ايه من شوي جيت من الشركه..
زوجته(موزه).يعطيك العافيه ياسليمان بس انت تدري العمر يخلص بس الشغل عمره ماخلص والعمر ثمين مايصير تضيعه كله بشركه صرت مأشوفك كثير
سليمان:شكلك اشتقتيلي يله اعترفي..
موزه:اكيد بشتاقلك مو انت زوجي وابو عيالي.
سليمان: الى ع طاري العيال وينهم مالهم حس
موزه:ههههه عيالك العن منك مايبينون ابد وهذا خالد من يوم ماطلع السياره ماعد شفناه,سليمان:الله يهديهم الموهم وين حبيب بابا.
موزه:قصدك طلولي ياجعل عيني ماتنامه حبيبي نام تصدق يسلمان ذا الولد هو الوحيد المسليني بذا البيت
سليمان:ابروح اشوفه احس اني مارتاح الا لمى اشوفه.
(نتعرف ع العائله)
(عبدالعزيز):ابنهم الاكبر عمره(28)عصبي جدا بس خاتم في يد زوجته متزوج مها بنت عمه ويشتغل بشركه عمه مدير للقسم الي هو فيه وعايش في جناح خاص بيت أهله.
(فهد):عمره(23)شخصيه جاده ومسئووليه وحريص جدا شعاره لاتؤجل عمل اليوم للغد ومايحب التفاهات ومش اجتماعي يدرس في كليه الضباط.
(سعود&سعد):تؤام المرح عمرهم(20)يتشابهون جدا بشكل ودوم مع بعض ونفس الكليه اداره اعمال يبون يشتغلون مع ابوهم اذا تخرجوا الفرق بينهم سعد عنده شامه بخده وسعود عنده غمازه في فكه
(خالد):عمره(17) طالب في الثانوي مستهتر وطلباته اوامر ودلوع .
(بندر)عمره(11):حبوب وطيوب وجوده مثل عدمه ودوم اذا راحو مكان ينسونه بسبب هدوئه حاطينه صفر ع شمال
واخيرا اخر العنقود(طلال):خمس سنوات دلوع امه وابوه وجده وسمين امه تفرشله الارض ذهب وتخااف عليه من نسمه الهواء الطاير وجده من حبه له سجل نصف املاكه بأسمه وأخوانه يغارون منه بسبب معامله الاهل له.
… (عائله السادي)…
عائله جدا غنيه في السعوديه ولها كلمتها وعائله مترابطه بشكل قوي جدا…
نعود للاحداث
ترررررن…تررررررررررن..ترررررررن
:اوووووووف…منذا الي يدق علي مايدرون اني نايم والله حاله
خالد: الووووو…وووووجع!!
فراس:والي يوجعك فقعت طبله اذني..
خالد:فراس ليش متصل ماتشوف الساعه اوووووووف…
فراس:ياعمي اي ساعه شكلك مضيع ساعه تسع اليل انت ماتشبع نووووم.
خالد:ايييش!من جدك يالله! لي يومين وانا نايم ولاحاس ..اوووووووف….
فراس:ياكثر ماتتأفف يله قوم وانزلي انا تحت بلمجلس.
خالدويقفل الخط :اووووووف والله حاله وقاعد يتمغط.
فراس:صدق مايستحي ع وجهه قفل الخط بوجهي ذا مايعرف انا مين بس شقول(اجرا الناس ع الاسد اكثرهم له رؤيه)
خالد وهو طالع من غرفته ويصارخ..ساااااااااندي ياحمااااااااره…ساااااااندي!
وجت ساندي ركض:يس بابا ايس فيه
خالد وهومعصب: وين ملابس مال انا
ساندي: بابا ملابس انتا في كرفه(غرفه)
خالد:لاوالله يعني ماااادري يبقره روحي طلعيهم انا بتروش..,
راحت الخدامه تركض لغرفته عشان تطلع الملابس
خالد وهومتنرفز ويكلم نفسه:صدق بقره ووواطيه…
:خااااالد!!!
التفت خالد وهو متوتر :ن..نعم
فهد وبكل صرامه:ليش تصاااااارخ…
خالد ويحس روحه طلعت من الخوف:ااا..ا..,.ابي ملابسي والخدام…
طرااااااااااااااخ…هذا هو فهد ماعنده تفاهم شديد بطبعه وهيبه لكن قلبه طيب وماتعجبه ابدا تصرفات اخوه الطايشه هو دايما يحاول يوقفه عند حده بس امه وابوه مانعينه من اي تدخل
فهد وبكل غضب الدنيا:ماتقولي وش موديك البحرين ياساااافل.
خالد وهو منصدم كيف عرف عن سفرته هومن طبعه وقح مع الكل الا مع فهد يخاف منه وفهد مسببله عقده من يوم كانو صغار كان دايم يضربه ويكسرراسه..
خالد:لارد…(مسكه فهد مع ثوبه وطررأااخ كف ثاني ..ماترد ياحقير وخالد المسكين ساكت لارد
قام مسكه فهد ضرب وترفيس..وبهذا الموقف كانت فيه عيون تراقب الموقف عيون الطفل المدلل طلال كان يراقب وهوخايف فماكات منه الاان دحل غرفته واغلق الباب وامسك جواله ألخاص واتصل ع امه بيدين ترتجف وعيون مليئه بدموع…(امه وهي في بيت الجيران
تررررررن…ترررررررن ام فراس:ردي ياموزه ذا جوالك
موزه:يووه والله مانتبهت اذا ماعليك امر ياخويتي عاطيني الجوال
مدت ام فراس لها الجوال
موزه:يساتر هذا طلولي متصل علي اكيد صحى من النوم ومالاقني..الو هلا يمه حبيبي..(طلال:مامي وينك اأأأهي..أأأهي.انجنت الام وهي تسمع بكاء مدللها طلال وقامت مسرعه تركض
ولحقتها ام فراس تعوذي من ابليس ياخيتي وش فيك موزه:ولدي ولدي طلال يبيني قاعد يصيح ..ام فراس: استغفرالله خوفتيني عبالي فيك شي واذا صاح يعني..هذولا الاطفال ووولدك ترى مدلع بزياده..
موزه(ام عبدالعزيز):اقول يام فراس وخري عن طريقي ترى الاعصاب تلفانه خليني اشوف ضناي ترى قلبي طاح من صدري ابعدي
ام فراس:طيب..طيب البسي عباتك الله يهديك ولا بتطلعين كذا…خذت عبايتها موزه وقامت تركض بشارع مثل المجنونه وتلحقها ام فراس بشارع وتفتح الباب بقوه الافراس جالس بالحديقه وقام مخترع من الكرسي وهو يشوف ام عبد العزيز تركض وتصارخ داخل فراس وهو يطالع في امه:يمه وشفيه ايش حصل.امه:شقولك بس الحرمه جنت وقعدت اتصل عليها ولده يبكي قامت طارت له مثل المجنونه
جلس فراس بكل ملل:يوووه يمه عبالي فيه شي أكيد ذا طلال الدلوع
لاحظت امه انه ماسك دخان بيده وطقته مع راسه فراسووه وجع تشرب دخان من وراي يالخايب
فراس وتوه منتبه ع نفس ويحاول يكذب بس ماضبطت معه: وشو يمه اي دخان..ايه تقصدين هذا ..هذا..مولي ..
قامت امه وسحبته وبعد تكذب علي امش وراي يله وطفه انا اوريك..وطلعو من البيت
نرجع للاخداث داخل البيت
ام عبد العزيز وهي تصارخ:حسبي الله عليك يافهد انت مو صاحي كم مره قلتلك ماتمد ايدك ع خالد وشفيك عليه….
فهد وهو يقاطعها:يمه شوفو دلعكم وين وصله الولد يسافر ويجي ع كيفه وانتوا ماتدرون عنه..هذا مستهتر ومش متربي
الايجيه كف من امه طراااااخ امه:وبعد تصارخ علي يافهد وشرايك تحطني فوق خالد وتضربني معه…فهد وهوندمان..قام باس راس امه :سموحه يمه الام:اطلع برى لابارك الله فيك مابي اشوف وجهك يفهد.
يسلمو على الابداع
بالتوفيق في طرحك
أطلعي على قوآنين القسم
القوانين ، تحديث جديد ؛
وهذآ الموضوع بيفيدك
محتوى الروايات ! / دعوة لـ النقاش ؛
موفقه بإذن الله
~
نرجع لخالد امه ضامته في صدرها وهو جالس يبكي بحرقه يحاول يخفف ع نفسه بالبكاء وطلال واقف يبكي وبندر واقف صامت بدون اي تعبير مجرد مشاهد للاحداث كلعاده الام:بندر روح عند نجدي خله يجهز سياره ناخذ خالد المستشفى.بندر:حاضر وبكل غباء وبراءه ونروح باسكن روبينز بعد ,قامت الام مسكت شنطه وحذفتها عليه :رح الله لايبارك بك اقول مستشفى يقول باسكن قام بندر يركض,وفجأه اغمي ع خالد وصارخت الام:خااااالد,وبهذا الوقت تقابل بندر مع عبدالعزيز وزوجته في الحديقه
عبدالعزيز:بندر ليش طالع في الحديقه
بندر (مايحب يتكلم عن أحد يحس ماله حق):ولاشي بس ابي نجدي بروح باسكن,فقالت مها:والله حبيبي اجل جيبلي معك بعد,بندر:لارد ولاتعبير,احرج مها,عبدالعزيز:مها انتي روحي فوق وانا رايح اسلم ع الوالده راحت زوجته وهي تبتسم لبندر الي معاطاها وجه كلعاده طاح وجهها وطنشته وهي تقول في نفسها:هين اذا عبرته المره الجايه ,دخل عبد العزيز وهويسمع صراخ امه فركض في الدرج:يممممه!الايشوف امه ماسكه خالد وهو طاااايح وطلال يصيح ركض عند امه:يمه شفيه خالد ,الام:قم قم شيله نوديه المستشفى,شال عبدالعزيز خالد بكل سهوله نظر لجسمه الضخم والعريض ويشيل حديد وركض بسرعه وركبه في سيارته وراحوللمستشفى الام وعبدالعزيز وخالد وبندر وطلال الي جالس في حضن امه ويشاهد خالد الي وجهه امتلئ دم وجالس يون من الالم..
بالمستشفى:الام رايحه وجايه وراها طلال,عبد العزيز ينتظر الدكتور ,بندر جالس بالكرسي يشرب حليب وحاط رجل ع رجل وفجأه شاف ولد ضايع في المستشفى وجالس يبكي يدور ع امه وراح الدور الثاني,وبعد ربع ساعه الاتجي حرمه شكلها مبهذل وتصيح جت عند بندر :حبيبي شفت طفل صغير ضايع ومواصفاته….,..بندر طبعا كان شايفه بس يحس ماله حق يتكلم فهز رأسه بنفي,زعلت المسكينه وراحت طريق ثاني, وبندر بدون مباله يكمل شرب الحليب! فجأه طلع الدكتور..راح عبد العزيز والام له ,الام:وشفيه ولدي يادكتور, الدكتور:ماتخافيش يامدام بس عنده هبوط في السكر<<خالد مريض بسكر ,اكمل دكتور: والولد باين عليه مايهتم بتغذيه خالص ودا ماينفعش..قطب الدكتور حواجبه وصمت حس عبد العزيز ان الدكتور يبي يقول شي فقال:يمه ادخلي انتي وشوفي خالد وانا بكلم الدكتور.دخلت الام وهي متلهفه تشوف ولدها ودخل طلال معها وظل بندر الي مايحب يفوته شي ,عبد العزيز:تكلم يادكتور شتبي تقول ,دكتور:احنا لاحظنا انو تعرض لضرب مبرح بأماكن مختلفه من جسده وسياسه المشفى لازم نبلغ الشرطه,عبد العزيز:وهو مخترع شرطه! شحقه يادكتور هذا مراهق ومسوي حادث,دكتور ومش مقتنع:عموما انا ماليش دعوى فيك تكلم المدير دي سياسه المشفى,طلع عبد العزيز شيك:كم تبي,دكتور وهو متنرفز:لوسمحت ايه الكلام داء انا مابتعاملش بطريقه دي ,كتب عبد العزيز الشيك ومده لدكتور ,الي خانته عيونه وطالع في الشيك وابتسم غصبا عنه وحطه بجيبه.:اي خدمه ياباشا انا حاضر,اكتفى عبد العزيز انه يحرك له ايده وابتعد عنه ودخل غرفه وهو معصب:الحين ممكن اعرف شسالفه!الام: هذا فهد جعل يديه للكسر طقه ,عبد العزيز:ادري مو شي جديد فهد دوم يطقه بس ليش هذي المره يطقه كذا اكيد مسوي شي كبير,الام بعصبيه:عبد العزيز اقول رح لزوجتك احسلك وتركو ولدي بحاله الي فيه مكفيه,عبدالعزيز يهز راسه :انا مالي دخل فيكم عموما دكتور يقول ممكن طلعونه الحين ماله حاجه يقعد بالمشفى ،طلع خالد بعد يوم متعب ورجع لغرفته وطالع نفسه في المرايه كيف وجهه تشوه من كدمات فهد ولمس وجهه بكل حقد مسك الكاس وكسره وجلس وهو معصب ع اخوه الي يكرهه مووووت وده يذبحه عشان يفتك منه ومسك جواله وشاف30مكالمه من فراس وتسع مكالمات أخرى ورسايل احدها…1-خالد انا فراس اتصل عليك من جوال ابوي تأخرت لايكون نمت عموما لا تنسى موعدنا بكره,,,
2-حبيبي وينك خوفتني عليك ليش ماترد>>من بنت
رمى جواله وهو طفشان ومسك راسه يحسه بينفجر منشده الصداع,وبلاشعوريا نام وهو موحاس بنفسه.
واصلي…..
تقبلي مروري
فهدبكل برود الدنيا:انا بشقه شتبي عثمان
عثمان:شكلك معصب بس حبيت اقولك بكره انا وعيال اعمامنا طالعين المخيم حاب تجي معنا
فهدوماله خلق اي احد:بكره عندي اختبارات مأقدر
عثمان وهو مصر:مو بشرط بكره تعال اللي بعده
فهد وفي باله(ياليل مأطولك):مأقدر!
عثمان:ليش,فهد:بس مأقدر,عثمان:طيب قول مأبي مو مأقدر.فهد:عثمان تبي شي ثاني ولاسكر,عثمان وعارف اطباع فهد:لاسلامتك,سلملي على الوالد والوالده,قفل فهد ورمى جواله من هنا وامسك قلمه من هنا وكتب بدفتر ملاحظاته(اشتدي ازمه تنفرجي)
وطلع شيشه (المعسل) جلس يشرب وهو يفكر بملايين الافكار لكن ليس احدها خالد.
بندر وهو يحرض طلال لانه مشتهي باسكن طلال روح عند امي قولها ابي باسكن.طلال:مااااابي,بندر:طلال الله يوفقك ابي باسكن,طلال:روح قولها انت يووووووه!,بندر:امي ماتسمع الاكلامك روح الله يخليك,طلال جالس بملل:مااااابي,بندروهو منقهر كيف يترجى طفل صغير ,جلس بالارض عند رجول طلال,:الله يخليك طلال قل لماما
طلال بنذاله:قول بندر غبي 3مرات,بندر وعادي عنده:بندر غبي,بندر غبي,بندر غبي,طلال يضحك برأه اطفال ع غباء أخوه:هههههههه,بندر:ياله طلاااااال
طلال وطلع جواله ويتصل على ابوه وبندر متابع ومنقهر كيف طلال عنده جوال ومايعرف يقرأ وهو ماعنده.طلال:الو باباتي ووينك.الاب:حبيب وروح وعين بابا كيفك بابا ,طلال بملل ونذاله:بابا شف بندر يضربني,الاب عصب:من من والله لاضربه الحمااااار انا الحين بطريق,بندر طلعت عيونه:كذاب بابا لاتصدقه,طلال:هههه لابابا اقص عليك مايطقني بس انا ابي من باسكن,الاب:هههه طيب ياطلولي اجيبلك محل باسكن كله,طلال:وبندر بعد يبي,الاب وهو مومهتم:حبيبي شريتلك هديه مره حلوه,طلال:وااااو صدق بابا انا أحبك بابا,الاب:وانا بعد احبك ,وبندر يسحب الجوال يبي يعيش معهم الموقف:وانا بعد احبك,الاب: بندررررر وجع ليش مانمت,بندر طاح وجهه:لارد,طلال:خلاص بابا مع السلامه
نروح عند عبد العزيز:
مها وهي مولعه شموع بالغرفه ومعطرتها تحرك رجلها بكل توتر وتقظم اظافرها,دخل عبد العزيز قامت مها والشراير تتطاير من عيونها وبكل صراخ:وووين كنت,عبد العزيز:خوفتيني,,خالد كان تعبان وديته المستشفى,مها:كذاااب انت استغليت الفرصه واكيد رحت لها,عبد العزيز وهو عارف هبال زوجته وغيرتها العمياء وحب يلعب بأعصابها:ايه رحتلها,,مها وتجمعت دموعها:ايششش ,,طلقني!
طلعت عيون عبد العزيز وانفجر من الضحك:هههههها انتي مو صاحيه,مها قامت تصيح واتلفت اعصابها:عبد العزيز!
عبد العزيز:نعم,مها:طلقني!قام عبد العزيز مسكها مع خصرها وجلس يدور فيها :مجنون اطلقك وانا امووووت بالارض الي تمشين فيه,مها:انت كذاااب
عبد العزيز ويكلمها مثل الاطفال شالها وحطاها في حضنه:افااا انا كذاب انا لو تصفين لي بنات حووواء مابيهم انا مابي غير حبيبتي مهوي,مها وغير مقتنعه من طبعها العناد والدلع :كذاااب وتبكي مثل الاطفال وجهها صار احمر,عبد العزيز مايحب يشوف دموووع زوجته لو ايش وعارف اطباعها مثل الاطفال هبله تصدق بسرعه ,طلع من جيبه ورقه المستشفى الي تثبت كلامه:شوفي أنا عارفك زين خبز يدي عشان كذا جبت الورقه عشان تشوفينها,مها:اكيد الورقه مزوره اكيد حبيبتك جابتها لك وتحسبوني غبيه,عبد العزيز طلعت عيونه وضربها مع راسها:اقووووول مهوووووي,مها وعرفت انها زودتها وحابه تغير الموضوع لانها اقتنعت بكلام عبد العزيز وبصرااخ:عبد العزيز!عبد العزيز تخرع:نعم!,مها:الفلمممم جاااااء نسيته
عبد العزيز سحبها مع يدها وبعصبيه:ماخرب مخك غير الافلام يله انخمدي خرعتيني,مها وتضحك مثل الاطفال:ههههههه!عبد العزيز انجن على ضحكتها يمووووت فيها بحد الجنوووون وسعادته اذا شاف مها سعيده ابتسم لها ابتسامه عذبه,وسرح بعيونها الي ساحرته برموشها الكثيفه وسعها وردت له الابتسامه ,عبد العزيز بكل حنان ورومانسيه .مها احبك,حمر وجه مها بشده ومن شده الاحراج والحياء عندها دمعت عيونها واكتفت بالابتسامه له
مسح عبد العزيز دموعها بيده,:مها اوعديني ماتتركيني ابدا لو ايش ماصار صدقني لو بتتركيني ابموووت حياتي بدونك ولاشي,تأثرت مها من حب عبد العزيز لها وفقدت السيطره على مشاعرها وجلست تبكي ,قدر عبد العزيز مشاعرها وضمها بصدره…..وهكذا انتهت هذه اليله الشاقه والقاسيه على البعض وسعيده للبعض الاخر,,مثل بندر بعد ان اكل باسكن وانتهاء استلقى بسريره وبدا يفكر الحب الغريب لاهله لطلال من والديه وجديه,وانه منبوذ,,لكن نفض هذه الافكار بسرعه وبدا يفكر بامتحان الرياضيات غدا وهل هو مستعد له وماحس الا وهو نائم,,حس خالد بيدين تمسح على شعره وفتح عينيه بكسل ورأى شقيقه طلال,ابتسم له:طلال حبيبي شتسوي,طلال برأه:قاعد امسح في مكان الالم عشان مايوجعك,ابتسم خالد وحمل شقيقه وضممه:حبيبي انت طلال:خالد للحين تتوجع,خالد وينفي الامر رغم الالم الذي يشعربه:هههه لاالالم رااح من زمان,طلال:خالد ليش فهد كل يوم يضربك انا ماحبه فهد شرير
خالد مهما سوى فيه فهد فهو اخوه ويحترمه:لا حبيبي مايصير تقول كذا فهد اخونا الكبير وكل الي يسويه من مصلحتنا عيب تقول عنه مثل كذا,سكت خالد للحظات وهو يسترجع احداث اليوم وتنهد تنهيده قويه وابتسم,هذا خالد الابتسامه ماتفارق وجهه ويسامح بسرعه ,وحزين للحاله اللي وصلها مع فهد,حاول اكثر من مره انه يتقرب لفهد لكن للاسف حس فهد مايعطيه وجه دايم مشغول ويحب العزله.طلال:خاااالد ممكن انام معك اليوم,خالد:امممم صراحه انا مافيني نوووم وانت ماشالله عليك توك صاحي شرايك نلعب بلاي ستيشن,طلال:يس ونااااااسه,ضحك خالد:ههههها والله خطير تعرف انقليزي,طلال:وشرايك انا طلال مو حي الله,خالد:اوووووه وشايف نفسه الاخ بعد يله حبيبي انزل تحت وانا بتروش والحقك…
البارت خطيير
يعطيك العافية