ريم

,

ياريم / وانتـي مثل غيمات الاحلام
.. .. .. تمــطر علـي / وافـيق مـن عــز نومي

واركي على كوعي وانا كلي هيام
.. .. .. و اســهى على طيفك / واشــد العزومي

اكتب عيونك بيت ورموشك انغام
.. .. .. وآزن عــلى انفاسـك .. تفــاصـيل يومي

يالنعمه اللي بـ / الشكر بعد الاسلام
.. .. .. يا جــامعة اضــداد / بـ اضــداد قــومــي

يالفتة الـــظبـي .. المــذير مـن العام
.. .. .. وعين الـــنداوي .. العطـيب الــجزومي

يا اطغى من السياف في وقت الاعدام
.. .. .. يا احــن من .. أمٍ / حنـونٍ / رحـومــي

يا اقسى من الطعنات من بين الارحام
.. .. .. يا اهون مـن التـهديـد بـين الرخـــومـــي

يا اوضح من التصريح دام الحكي عام
.. .. .. يا اغمض من السر وسط هرج الكتومي

يا انقى من استغفار فـي لبـس الاحرام
.. .. .. يا اغوى من الحسـناء .. بلـيا هــدومي

يا ابعد من الصـدفات في درب الايـــام
.. .. .. يا اقرب مـن المـوعد بوقـــت الـلزومي

بالله قــومي كل هــ العــــالـــم نــيام
.. .. .. مافيه غيري.. ؟ لا .. مـعــايه همومي

نغتاب حسنك والذنوب اكبر اجرام
.. .. .. في حق قلـبٍ بين الاضـــلاع يـومـــي

و ابل الوله اللي على شوفك حيام
.. .. .. وردتها صـدري وعـــرقي جـمومي

يحـدها الـحادي والمغـاتير صيام
.. .. .. طيفك ظـماها والـــطواري سمومي

ماني يتيمك لكن .. عيوني ايتام
.. .. .. همــلتـها .. والدمع بـلـل هدومي

تبرع بـ طله عسى الفقر ينضام
.. .. .. والرازق الله – فوق كل النجومي

انتي حكاية غيم من غيم الاحلام
.. .. .. تفرض وقــايعها تفــاصيل يومي

ياريم قـومي كل هالعــالم نيــام
.. .. .. قرب طلوع الفــجر تكفين قومي

يالبييييه
بجد روووعه
صح لسانك ضيم وعلا شأنك
شعر رائع وجزل
نترقب جديدك الرائع بشوووق

احترامي

ضيم .
قوافل من الشكر ولا تفيك بحق هذه الرائعه
ارق التحايا لسموك