(قراءه ممتعه )
( البارت الاول ) …
روايه رفضتك واهنتك وانا في الحقيقه اموت بهواك … تقوم عهد مفزوعه على صوت اخوها مشاري..
مشاري : عهد عهيييد قومي يالله المدرسه ماودها ترد عشان ماتقعد تتهاوش هي وياها على الصبح .
مشاري : قووومي على بالك مالنا الى انتي . قامت عهد من ازعاج اخوها مشاري وكل عاده زيي اي بنت قامت وتروشت وصلت بعدها نزلت عهد تحت تصحي الشغاله وسلمت على ابوها وجلست تفطر…
&&&&&&&&&&&&&&&&&&&&&&&
اول شي بعرفكم على عائلة ابو عبدلله
الاب كبير بسن عمره 50 سنه
الام متوفيه من حوالي عشر سنوات
عنده 4 اولاد و بنت وحده
اكبر واحد عبد الله35 سنه متزوج وعنده ولدين وبنتين..
الي بعده فهد 30 سنه متزوج وعنده ولد وبنت..
نايف 27 سنه متزوج تقريبا له 4 شهور..
مشاري 22 وهو الي اكثر واحد مهتم باخته عهد ومرره يحبها بس هو غبي مايعرف يوصل الي في قلبه ..
بعده اخر وحده واخر العنقود عهد عمرها 16 ،عهد عندها مرض السكر من كان عمرها 6 سنوات اخذته وراثه من امها ، عهد بنت جمييله لابعد الحدود لها شعر ناعم بني وطويل بيضاء وصافيه بشرتها طيبه ومفهيه وعلى نياتها تحب سليمان من هي صغيره واجتمااعيه مرره وحبوبه وكل الناس يحبونها وهي طالعه على امها بكل شي….
&&&&&&&&&&&&&&&&&&&&&
ثانيا عائلة ابو سليمان
الاب عمره 48 سنه
الام 41 سنه
عندهم 3 بنات وولدين
اكبر وحده ريم متزوجه 28 سنه وعندها طفل واحد ..
الي بعدها ساره 22 سنه مرجججوجه وخشنه شوي هي بويه بس مررره شكلها وملامح كيوت .
نوف 17 سنه صديقة عهد الروح بروح من هم بروضه كيوووت مرره بس تحب تستهبل وتفلها وتضحك بعض الاحيان ..
سليمان 20 سنه هاذا عاد الي تحبه عهد من هي صغيره هو جميييل + ثقل + جسم مررره كل شي حلو فييه هو مرره شايف نفسه لانه مرررذكي يجي للاختبار مافتح الكتاب ويحل ويخلص والطلاب باقي ماخلصو وهو يخاف من البسس بشكل مضحك هو الي يشوفه يقول يكره عهد بس عاد محد يدري عن ااي جوا قلبه .
الي بعده واصغر واحد خالد 14سنوات
هذولي العائلتين اصدقاء من 30 سنه من كان ابو عبد الله و ابو سليمان بالمتوسطه وهم اصدقاء .
&&&&&&&&&&&&&&&&&&&&&&!
نرجع لبيت ابو عبد الله
بعد مخلصت عهد من الاكل سلمت على ابوها وطلعت ركبت السياره انتظرت لين جاء مشاري .
مشاري : متى بتطلعون اليوم .
عهد : ثنتين ونص .
مشاري : يوووه كل هاذا دراسه مااقدر اجيبك عندي شغل خلي نوف ترجعك .
عهد ماصدقت خبر نطت على مشاري
عهد : صدق صدق ولا تلعب علي .
مشاري : ايييييه صدق وخري عن وجهي الي يسمعك يقول ماشافتها من سنه .
ضحكت عهد على مشاري ، قعدت عهد تفكر الله بشووف سليمان من زمان عنه ياااي واخيرا . قاطع تفكيرها مشاري .. وقال: يالله انزلي مدرسه ترحب بكم .
عهد نزلت وهي طايره من الفررحه شوي وتقلع بسماء، دخلت المدرسه تلفتت شافت نوف تصرخ عهد .
عهد : نوووووووووووف
نوف وهي مرتاعه : سمي هلا امري
عهد : نووف فللله اليوم برجع معكم و….
قاطعتها نوف وهي ميته ضحك : ونشوفين حبيب قلبك
عهد : ايييييه ياحظي
شوي يسمعون صوت الجرس عهد : يالله باي علي اول حصه تاريخ بتهزئني اذا تاخرت نوف : اوك حياتي باي ..كل وحده فيهم راحت لفصلها كانت عهد تتنظر متا بس تطلع متا اللمهم شوي ولا الساعه جت على ثنتين ونص قامت عهد بسسررعه ونطت اخذت اغراضه بسرعه وطلعت كل البنات متنحين مو من عادتها هاذا النشاط لانها سوداننيه ركضت ونزلت شافت نوف .
عهد : نوووووف بشري مين بيجيبك
نوف : حبيبك… هههههههههه
عهد : اماااااااانه واي فلله واخيرا بشوووفه يارب وش اسوي بنط من الفرحه . شوي قاطعم صوت المايك نوف ال(……) ..
نوف : يالله لايعصب حبيبك علينا . لبسو عباياتهم وستعجلو طلعت نوف بعدها عهد سليمان يوم شاف نوف بغى ينط من الفرحه بس هو مسوي ثقل وكذا فما تحرك دخلو السياره .
عهد : ام .. ام .. << متوتره مسكينه .. وش اخبارك سليمان .
سليمان ( احد يشوفك وما يشوف الخير ) الحمد لله بخير .
نوف : ياخي اسالها وانتي كيفك شي .
سليمان : انتي الحين وش دخلك انا ماابي اعرف كيف حالها انني وش دخلك
نوف : سليييماااااان ت……
تقاطعها عهد لانها ماتحب انهم يتهاوشون
عهد : هههههههههه < مو من قلبها المسكينه يالله عاد وش فيكم عادي نوف انا مازعلت .
سليمان : ها سمعتي باذنك وش قالت فعشان كذا رجاء لا تتدخلين .
نوف بصوت خفيف : انت تدري انها تحبك ليه تعاملها كذا .
سليمان بصوت واضح : ايه ادري انها تحبني بس انا مااعطي البنات وجه < حقيير
عهد : ههههههههه خلاص حصل خير .
سكت كل من في السياره وصلو مدرسه خالد نزل سليمان : انا بنزل اجيب خالد .
اول ماصك الباب نوف لفت على عهد .
نوف : اعووذ بالله منه مدرري مين لاعب علييه وقايل له انه ازين واحد اف ينررفز بقوم اكفخه بعد شوي .
عهد : لا لا ل….. كان كلامها يتقطع بعدين انفجرة صياح نوف خمتها وقعدت تهديها .
نوف : يابعد عمررري انتي لاتضيقين خلقك عشاانه من زيينه اخوي ذا المعفن على بالله انه ملك جمال العالم ضحكت عهد من تعليقها.
دخل سليمان ومعاه خالد .
خالد وهو يضحك : معنا الخبله عهود عزا الله صبخنا باقرب عامود .
كفخته نوف وقالت : اقول وش رايك تسكت لاابوك لاابو هل عش الي براسك .
خالد : ياماما هاذا اسمه كدش ك دش ..
يقاطعه سليمان وبنوع من الشده .
سليمان : لاتكلم الي اكبر منك بذي الطرييقه فاهم .
خالد : طيب اسفين اوامر ثانيه .
سليمان : لا
سكتو كلهم وخيم سكون على السياره وصلو للبيت دخل السياره للكراج نزلو كلهم بس عهد كانت مستعجله لانها كانت مخنوقه شوي لانو كان السكر مرتفع بس ماحبت تخوفهم عليها رقو كلهم لغرفهم دخلت عهد الحمام ونوف نزلت تحط الغداء مع الخدامه نزلو كلهم قعدو على السفره ينتظرون عهد .
ساره : مو نوف قلتي عهد جايه وينها مانزلت
ام سليمان : يما نوف روحي شوفي عهوده وش فيها .
خالد : هووو وش فييكم كذا خايفين الي يسمعكم يقول فيها شي << هو الوحيد الي مايدري انو عهد فيها سكر .
محد رد علييه رقت نوف لفوق وهي تدندن باغاني دخلت الغرفه
نوف : عهووود ويينك كل ذا بالحمام والله لو انك……… تصرخ نوف جو كلهم ركض لقو عهد طايحه بلحمام وضارب راسها بالباب وتنزف كل الي فلبيت اخترع وش يسون بسرعه نط عليهم سليمان ومسكها وشالها وقال وهو يصرخ : دقيييتو على الاسعاف كلهم اي الحين جايين جو الاسعاف شالو عهد ركبت ساره ونوف وام سليمان جا سليمان بيركب دفته نوف ويين ياعمي ونخلي خالد لحاله بلبيت اقوول انزل .
نزل سليمان وكان باين من شكله انه مرتااع وخايف لاحظ خالد شكل اخوه وقال له : الحقهم بسيارتك .
سليمان : ما اقدر اروح واخليك .
خالد : وش شايفني بزر عندك بروح بيت خويي وانت الحق الي تحبها .
تنح سليمان كيف عرف .
سليمان : ههههههه اوك مشكوور اذا رجعت اوعدك بخليك تشتري 3 اشرطه للبلستيشن ودع سليمان خالد واسررع وراح للمستشفى &&&&&&&&&&&&&&&&&&&&&&&نرجع للمستشفى
دخل سليمان لقى امه ونوف وساره واقفين عند غرفة العنايه المركزه .
سليمان : ها بشرو طلع الدكتور .
نوف : للاسف لا . بس صح ترى ماقلنا لاهلها دق عليهم .
دق سليمان وجو اخوانها مشاري عبدلله وابوها وماعلمو البقيه عشان مايرتاعون ، بعد حوالي 5 ساعات ، طلع الدكتو قال : انتو اهلها .
ردو : ايييه
الدكتور : الحمد لله الخياطه نجحت وهي بخير بس تصحى من البنج وتصيير غزال قدامكم انشاء الله .
كلهم : الحمد لله ويسلمون على بعض ومبسوطيين .
&&&&&&&&&&&&&&&&&&&&&&&
هاذي نهاية البارت الاول اذا عجبكم وشفت ردودكم انشاء الله بنزل الباقي …
ترى الروايه من تاليف انا ..
روآآيتك بدآآيتها.. مره ححلوووه.. ورووعه..
سجليني من متابعينك يالغلا..
موفقه بإذن الله..
انتظر البارت الجاي واتمنى يكون طويل..
استمـري..
(( دمتي بوود))
يسعدني تواجدك في روايتي الاولى رغم انك اكثر شخص يبكيني الاانك اكثر شخص احتاجه
بلييييييييز كمليهااااااااااااا تكفييييييييييييييييين
عهد ياويل حالي شومسكينه
سليمان ياخي بتحبها ليش تكابر
خالد وه فديت اليفهم انا
ونااااااااااااااطريييييييييييييييينك عمري
تقبليني من متابعيكي وبحمااااااااااااااااااس
كل عآم وآنتي بخيير :*
.
.
~