لكم تحياتي العطره وبعد
اني عضوه جديده بالمنتدى وحبيت اقدم لكم اول روايه اكتبها (جرح الماضي ماله دوى ولو لقيته راح يبقى اثره)
راح تكون فيها اثاره وراح تكون حزيييينه وفيها شويه رومنسيه اتمنى تنال اعجابكم
قراءه ممتعه للجميع……
كانت في غرفتها مسترخيه على السرير تناظر السقف تفكر في حياتها ومستقبلها وتتدكر ماضيها ومن بين هده الافكار سقطت على خدها الناعم بعض الدموع بهدوء الدي لم تشعر بهم وكانت تتمعن في كلمات الاغنيه التى كان صوتها مرتفع جدا لدرجه انها لم تسمع صوت الباب وهو ينطق وعندما زاد الطق وكاد الباب ان ينخلع من مكانه انتبهت له وشعرت ببعض الخوف من كثر قوته قامت بسرعه واقفلت المسجل ونظرت في المراه رات بعض الدموع مسحتها بسرعه وعدلت من شكلها واخفت ضعفها واضهرت كل الشجاعه التى تملكها والجديه وفتحت الباب
ميار :اوفف خير اشصاير ليش اطقين الباب جدي…وهي تناظر الباب …زين مانخلع والله
لطيفه (امها):زين فتحتين الباب صار لي ساعه واني اطق بالباب وين كنتين
ميار بطناز: ابد والله كنت في الحديق اشم هوى فاتج والله
لطيفه: تتمسخرين مع وجهج اقول انزلي بسرعه اخوج يبي يكلمج
ميار:قولي له موفاضيه
لطيفه بعصبيه:يعني شنو موفاضيه انتي ماتستحين ماتخجلين ماتقولين لي كم صار لج ماكلمتي اخوج كله مو فاضيه مادري شنو وراج لا وراج لا عيال ولا رجل والشركه اخوانج الله يعطيهم العافيه هم اللي دايرينها والله انتي وين والشركه وين وبعدين المفروض تشكرين ربج لانه لولا اخوج مكانج هو…..
سكتت ماعرفت شنو تقول لها تدكرت انها ماتعرف شي عن الموضوع بس حبت تقهرها وتبجيها دم بس تدكرت ولدها وصاها ماتفتح حلجها بكلمه بس ماتدري انه ميار عارفه كل شي ومن زمان بس حابسه في نفسها ماتقدر تقول اني عارفه كل شي ماتبي تحس بالغربه والوحده مع انها طول الوقت حاسه بهلشي بس ماتقدر تقول شيء القدر كتب لها الحزن والتعب من طفولتها
ميار وهي تحاول تخفي حزنها لكن عيناها فضحتها تغطت بالدموع وكل انسان يراها يعرف مدى حزنها بس مو لطيفه حاولت قدر المستطاع ان لا تنزل دمعه واحده وتتظاهر بالامبالاه : لايكثر..وبعدين تعالي بقولج سمعتين بنت عمرها 14 سنه تشتغل في شركه الله يهداج بس مخج مادري في وين وبعدين اكلتيني بقشوري وينه العله خليني اكلمه بسرعه ترى حدي مشغوله موفاضيه له
لطيفه بملل : انزلي بسرعه قبل لا ينقطع الخط… اييي نسيت اقولج اخوج بيرجع من امريكا بكره جهزي نفسج ولا تطلعين من البيت لا تقولين محد قال لج وماتدرين ..
ميار اول ماسمعت انه اخوها راح يرجه بكره دق قلبها من الخوف ماتدري ليش تحس بالخوف تسلسل لقلبها
ميار:شنو ليش ومتى واشلون و….
قاطعتها امها لطيفه: اعصابج اعصابج اني قلت اخوج راح يرجع مو عزرائيل عسى عزرائيل اللي ياخدج ويفكني منج يالله انزلي بسرعه
ميار موفاهمه شي نزلت وشافت الكل متجمع وفرحانين لسمعاع صوت اخوهم وبشرهم انه بكره راجع وهدا الشي فرحهم اكثر واكثر عكس ميار اللي خلوها ترتجف لرجعت اخوها …
ميار هي تناظر اختها تنتظرها تخلص علشان تكلمه شدى (اختها) :هههه اي اي واخيييرا بنشوفك يالغالي اه ه ه ه ماصدق بكره بشوف اخوي حبيبي ههه يالعيار اي 4 سنوات مسافر ومخلينا مو شويه هه اي هي يمي لحظه ..نزلت التلفون من على ادونها وعطته ميار : هاج اخوي يبي يكلمج لوع جدي وهو يقول ابي اكلم وميار …
اخدت التلفون بكل هدوء عكس خواتها اللي اول ماسمعو انه نادر المتصل نقزو وصارو يتسحبون التلفون بكل دفاشه
ميار:هلا نادر
نادر: هلا بيج حياتي عاش من سمع صوتج نظر عيني شخبارج واشلونج وشنو مسويه يالعياره من متى ماكلمتج كله تتهربين لكن بكره راح ارجع واشوف اشلون تتهربين وحشتيني موت حياتي اشلونج عيني
ميار: اشفيك اكلتني اشوي اشوي علي اللي يسمعك يقول قاعد تكلم حبيبتك مو اختك وصار لك 10 سنوات ماكلمتها ….. نادر: ههههه انتي مو بس حبيبتي انتي حياتي وروحي وقلبي وبنتي واختي وامي وابوي و…
قاطعته ميار : لايكثر لايكثر بسك موجاملات والكلام اللي مامنه فايده انزين علي واجبات ماكملتهم وبروح اكملهم باي
نادر حز في نفسه كلماتها ليش تعامله جدي يحاول يدكر ادا هو زعلها في شي او ضايقها بس هي فجاه وحده صارت تكلمه بجفاء وكراهيه مايدري ليش
نادر بزعل : يالعياره قولي ماتبين تكلميني مو تتحججين بالواجبات عندج طول العصر كمليهم يعني بشغلج على دقيقتين . ميار : زين فهمت
نادر: ليش اشفيج قولي لي انا اخوج قولي شنو مضايقج صار لج جم يوم مو على بعضج ومو طايقه تكلميني ادا زعلتج في شي قولي لا تخلين شي في قلبج
ميار لما سمعت كلام اخوها زعلت على حالها في نفسها ( اه ه ه تدري من زمان محد سال عني ولا قال اشفيج ليش مضايقه حتى امي بس مالومهم معاهم حق هم زين منهم متحمليني للحين ماودوني دار الايتام بس حتى انت لا تمثل وتقول انت مهتم فيني لو مهتم ماتركتني وانت عارف مافي احد غيرك يحبني او حتى انت ماتحبيني انت كنت شفقان علي ومومن حقي اصلن الومك انت من علشان اقولك لاتروح وتخليني ماقدر امنعك انت موملزوم فيني ) دمعت عيونها اللي الكل استغرب هالشي بس محد علق
نادر : الوو حياتي وين رحتي
ميار مسحت دموعها : معاك
نادر حس انه صوتها مختفي وكانها كانت تصيح خاف على اخته :اشفيج شكلج كنتين تبجين ولي لي اشصاير
ميار ردت بسرعه علشان مايحس بشي : لا ابد ماكنت اصيح يمكن يتخيل لك
نادر ماصدق بس ماحب يعلق : اوكي بابا راح ارجع بكره اشوفج على خير سلمي على الكل وتحملي بروحج اوكي بابا
مياربعصبيه : اني مو بنتك لا تكلمني على اساس بنت صغيره
نادر: ههههه انشاء الله ياالله حبيبتي مع السلامه
ميار : الله يسلمك
ركبت فوق الدرج سمعت صوت امها اللي وقفها لطيفه : تعالي وين رايحه
ميار : جهنم اشتبين
لطيفه : جهنم اللي تحرقج انشاءالله قولي آمين ..تعالي قولي ليش كنتين تصيحين وشنو قال لج
ميار بعصبيه:موشغلج وبعدين مابيه يعرف ادا جه اني كنت اصيح واني اكلمه فاهمه
وصعدت عتبه وحده اله صوت لطيفه وقفها مره ثانيه : تعالي ياقليله الادب شكلي ماعرفت اربيج تعالي وبربيج مره ثانيه …..
ميار انقهرت ونزلت : ادا ربيتي نفسج بعدين ربيني …
ميار مو حاسه لنفسها ولكلماتها ادا كانت معصبه محد يقدر يوقفها لا ام ولا اب ولا صغير ولا كبير تقول كلمات ماتثمنها وتندم عليها بعد ماتهدء وتفكر في كلامها بس هل المره امها خلتها تستوعب قبل لا تهدء من العصبيه ماحست اله بطرررااااق على خدها الناعم ومن كثر قوته لف وجها الى الجه الثانيه حطت يدها على خدها من كثر الالم اول مره امها تمد يدها عليها ولا قدام الكل بعد انحرجت ماعرفت شنو تسوي تجمدت الدموع في عيونها نظرت الى امها بكل حزن وقهر
لطيفه : هدا علشان تعرفين من تكلمين يــابـــنـــت الـــــــشـــــــوارع ..
ماحست لكلمتها لانه كانت معصبه وشوي وتقول لها كل شي بس ميار فهمت كلمتها وعرفت قصدها الكل كان ساكت ويناظر الموقف وكانه خيال ميار ماقدرت تتحمل اكثر ركبت على الدرج وبسرعه وصلت لغرفتها فتحت الباب بكل قوتها وسكرته بقوه اكثر اللي من قوته انسمع الصوت لتحت اللي الكل خاف من قوته.. ميار رمت نفسها رعلى السرير وتركت الدموع تاخد مجراها …
عند لطيفه: تستاهل اكثر من جدي هدا الشي المفروض يصير من زمان بس لولا نادر جان كل يوم مثله واعلمها من تكون بنت الشوارع ..^^.كان صوتها مرتفع وصل لغرفت ميار اللي انهارت اكثر واكثر كلامها كان مثل السهام اللي تجرح قلبها وقطعه ^^
شدى : يما شنو قاعده تقولين سكتي لا تسمعج وتحس بشي تدرين لو عرفت شنو بيصير يما هدي بعدها ياهل ماتفهم خديها على قد عقلها وبعدين مايصير جدي يما كل يوم تهزئين فيها وتسمعينها كلام يجرح كلامج عن الف طراق بصراحه انتي وايد قاسيه معاها سمعيها فهميها عطيها شوي حنان حسسيها انج امها ولا تنسين هدي بعدها ياهل صح عقلها اكبر منها بس بعد تعتبر ياهل لا تاخدين على كل كلمه تقولها وانتي عارفه انها كانت معصبه بس تهدء تعتدر منج بس انتي حتى لو تعتدر تسمعينها كلام يكسر الخاطرها الله يهداج بس
لطيفه : انتي سكتي اخر وحده تتكلمين وفري نصايحج لج وبعدين من يوم ورايح راح اخد هدا الاسلوب معاها ومحد يقدر يمنعني ….
غرام اختها الثانيه اصغر من شدى :الله يهداج بس ماقول اله الله يساعد ميار عليج بصراحه لو اني مكانها عادي امد يدي عليج حتى لو كنتي امي لانه الكلام اللي تسمعه منج ميار مو شويه وتلومينها ادا عصبت بعد او ادا قالت شي..
لطيفه: صج ماتستحون توقفون مع هدي ضد امكم صج ماعرفت اربيكم ….
محمد رجل شدى اخد ولده للغرفه علشان مايسمع كلامهم لانه كبير عليه…….
محمد :يابابا وين رايح اقعد ياحبيبي
ماجد وهو يسحب ابوه من ايده علشان يطلع من الغرفه يبي يسمع ويعرف جدته ليش قاسيه جدي
ماجد: لا بابا خلينا نتلع ابي اسوف ماما ولتيفه ليس يتهاوسون
محمد ضحك على كلام ولده:هههه ياحبيبي اشلك بالهواش وعوار الراس تعال منطالع توم وجيري
ماجد: انا مو هبيبك انا ماثد وبعدين انت كبيل (كبير) مايثير تتالع رثوم
محمد: هههه حياتي انت فديتك والله … حمله وباسه على خده
ماجد بعصبيه: اوووو لا تبوثني روح لماما بوثها نزلني مااهبك
محمد : افا ليش الحين انا بابا ماتحبني
ماجد : ايه لانه انت ماتثمع الكلام نزلني بروح اثوف ماما
محمد: مابي اقعد معاي خلينا نطالع رسوم عاد عاد والله خاطري اطالع رسوم عاد
ماجد: اوفف انت لا تثير زاهل وخلينا نروح
محمد: عاد ماجد بس شوي منطالع
ماجد بملل :اوكي بس سوي هاا
محمد: اوكي بس شوي .. نزله وراح يشغل التلفزيون شوي وتدخل شدى : اوفف هدي ماتمل مادري ليش تعاملنا وكانا صغار تخيل حتى اني مومحترمتني ولو تسمع الكلام اللي قالته لي والله يقوف قلبك
ماجد بحماس: سنو قالت لتيفه
شد انتبهت لماجد المفروض ماتقول شي قدامه علشان لا تزرع الكراهيه في قلبه .. شدى وهي تتقرب لعنده : حبيبي عيب لا تقول لطيفه قول جدتي وبعدين هدا سوالف الكبار الصغار مايصير يسمعونهم .. لفت لمحمد اللي كان يسمعهم وهو يبتسم .. صح بابا ؟
محمد: اي صح وبعدين ابي اعرف انت طالع فضولي جدي على من؟
ماجد : على ماما وبابا
شدى هههه الحين اني فضوليه ؟
ماجد: ايه واثد بعد
محمد : تدرين حياتي ماجد شنو سوى
شدى تمثل العصبيه :شنو سوى
ماجد: ماثويت سى
محمد : قلت له خلنا نطالع رسوم مارضى وترجيته بعدين وافق بس طلعت روحي على ماوافق الشيخ … ماحس اله بظربه على ظهره : آآآآييي .. لف لماجد .. اشفيك كسرت ظهري
ماجد : علشان مره تانيه تتادب وتثير رثال مايثير تتالع رثوم ولا بعد نفتن علي
محمد: والله حرام علي حلال عليك
ماجد: انا ثغير وانت كبيل (انا صفير وانت كبير) يعني لو جو هراميه شنو بثوي بتالع رثوم وهم يبوقون ماما وياخدوني معاهم سير رثال (صير رجال) علشان ماياخدون ماما ولا ياخدوني بعدين ماتحثل احد يقولك كلام هلوو ادا خدو ماما
شدى : ههههههه سمعت صير رجال مو تطالع رسوم ههه
محمد : لا والله وانتي وياه بعد …
عند ميار ..كانت منهاره من كثر الدموع مو قادره تستحمل اكثر خصوصن الكلمه اللي قالتها لها بنت شوارع كانت اكثر الام من الكف ترددت الكلمه في بالها
بنت شوارع
بنت شوارع
بنت شوارع
بنت شوارع
بنت شوارع
بنت شوارع
ماحست لنفسها اله بصوط الجوال يدق لما شافت الاسم ^^ احلى انسانه ^^مسحت دموعها وحست انه الروح ردت لها اشوي
وردت : هلا مريوم
مريم: اهلين شخبارج يالغلا ..
ميار في نفسها ( اخباري اه ه ه على حالي ) : الحمدالله بخير انتي شخبارج
مريم حست انه في شي من صوتها : ميار حبيبتي اشفيج شكلج كنتين تبجين صح
ميار:لا ابد مافيني شي يمكن تتخيلين
مريم:ميار معقوله تخشين عني شي عارفتج عدل يعني اني صديقتج وماتقولين لي شنو فيج
ميار بستسلام عارفه انها مهما حالوت تخفي ماراح تقدر مريم عارفتها : اه ه ه ه يامريم شقول لج تعبانه حيييل مليت من الدنيا ياريت لو ينقطق نفسي والتراب تحظني …
مريم: ميار وجع لاتقولين جدي تدرين لو صار لج شي شنو بيصير انتي مو بس صديقتي انتي اختي اللي ماجابتها امي …
ميار : هه ليش
مريم : شنو ليش
ميار: ليش تعتبريني مثل اختج وانا بنت شوارع
مريم: شنو هل الكلام تدرين اشلون الكلام على الجوال ماينفع خليني اشوفج وبعدين يصير خير
ميار ماصدقت احد يقول لها خلينا نطلع تبي تخلص من الجو المكركب
ميار:اوك في وين
مريم امممم مثل كل مره وين نتلاقي
ميار: اوك ثواني واكون عندج
مريم: اوك تامرين على شي
ميار : سلامتج .. ايي تعالي بقولج الساعه كم الحين
مريم : حتى الساعه ماتدرين عنها الساعه 4 ونص ياحظي
ميار : اها لا تلوميني من الهم اللي عايشه فيه منسيني كل شي مومخليني اتنفس
مريم حياتي لا تقولين جدي والله تقطعين قلبي
ميار ماحبت تتطول في الموضوع: انزين اني بروح البس يالله باي
مريم : باي
خدت لها شور سريع ولبست وطلعت لما نزلت ماكان في احد موجود غير امها مشت ولا كانها موجوده
بس لطيفه وقفتها: خير على وين انشاءالله
ميارمن غير ماتطالعها : جهنم تجين معاي
ومشت قبل ماتسمع ردها علشان ماتنسم من كلامها اكثر …
في امريكا
نادر: ماقدر ياعادل افهمني اقولك اختي ميار مو على بعضها فيها شي وشي جايد بعد لازم اكون معاها ومااتاخر ولا دقيقه
عادل: اي ماعليه ماقلنه شي اختك وتبي تعرف اشفيها وليش متغيره ومضايقه بس عاد اصبر لين بكره وروح
نادر: ماعدني صبر…….
نهايت الجزء الاول..
ياترى شنو السر الللي خاشينه عن ميار بس ميار كاشفتنهم ؟؟؟
ونادر بيرجع لو بيقدر عادل يقنعه يضل لبكره؟
ليش ميار خايفه من رجعت اخوها؟
ليش لطيفه قاسيه مع ميار؟؟
انتمى نالت اعجابكم وانتضرو الجزء الثاني
وتابعي وانتضر البارت الثاني
اهي درت بهالشي يوم سمعت امها تكلم نادر و
اهي حسبالها انة هو الوحيد الي يدري
فمن جدي اهي ما تبيه يرجع لانها ما تقدر تقابله
………………………
الرواية شكلها روعة و استمري .gif "Graaam (47)")
يارا : راح انزل البارت الثاني بس اشوف تفاعل اكثر راح انزل البارتات اسرع بس للحين ماشوف تفاعل:(
حياك الله حبوبه بغرام .. بداية تشد الانتباه .. ميار واضح انها مو بنت لطيفه
بس السؤال الي يطرح نفسه ليه الحين بس تغيرت معاملة لطيفه لها اذا كانت من البدايه
تعرف هالشي ؟؟ الا اذا كانت تحسبها بنت واحده واكتشفت بعد كذا انها بنت غيرها
وهي تكرهها او تغار منها يمكن لانها حب سابق لزوجها .. اتمنى فهمتي على كلامي : )
ميار ماتبي نادر يرجع تخاف ان نظرته لها تتغير بس يشوفها وهنا تكون صدمتها النهائيه فيه
لانه هو الامل الباقي لها .. واتوقع ان نادر من زمان يعرف بوضعها بس ساكت لانه يقدرها ويمكن يحبها
حبوبه حطي مسافات وسطور بين الكلام حتى تسهل القراءة ولو تكبري الخط شويتين يكون افضل
القوانين / الإطلاع هام و الإلتزام ضروري
ياليت تطلعي على هالموضوع اكيد بيفيدك
بالتوفيق ان شاء الله
.gif "Graaam (30)")
الجزء الثاني …
في امريكا
نادر: ماقدر ياعادل افهمني اقولك اختي ميار مو على بعضها فيها شي وشي جايد بعد لازم اكون معاها ومااتاخر ولا دقيقه
عادل: اي ماعليه ماقلنه شي اختك وتبي تعرف اشفيها وليش متغيره ومضايقه بس عاد اصبر لين بكره وروح
نادر: ماعدني صبر…….
عادل : اشلون يعني ماعندك صبر كلها كم ساعه ياخوك وبعدين انت صابر 4 اسنين ماتصبر كم ساعه
نادر: 4 اسنين بس كنت اكلمها على طول واعرف اخباراها وكانت في احسن حال بس مادري شنو اللي غيرها
عادل : بس تدري ياخوك في مؤتمر اليوم للاطباء الجراحه وراح يرشحون افضل دكتور ويعطونه شهاده و…
نادر : صرت دكتور وخلاص شسوي في الشهاده افضل دكتور وبعدين معروفه من افضل دكتور يعني اكيد انا مو اي دكتور انا دكتور نادر ياخي تحس في اسمي هيبه
عادل: وليه صدق روحه الاخ
نادر: هههه اقول بلا هدره زايده وساعدني في حمل الشنط
عادل: يعني خلاص مافي امل
نادر: لا مافي امل في احلام اختها تبيها
عادل : وين الشنط تكفى بسرعه جيبهم
نادر: ههههه انزين يعني يهون عليك تترك صديقك واخوك وحبيبك و…
عادل: اخلص اخلص اشتبي
نادر: سلامتك بس ابيك ترجع معاي ادا ماعندك مانع
عادل بهباله : وين لايكون تبي ارجعك السوق تشتري هدايا ترا صدقني ادبحك لانه لما سالتك قلت شريت وايد بعد
نادر: لا وين راح مخك لا وهدا دكتور بعد الله يساعد مرضاك ابيك ترجع معاي البحرين يالفهيم
عادل: يعني بتروح عليك المؤتمر وبتروح علي بعد لكن تدري اشلون خلاص راح ارجع وحشتني مياروه اخر مره شفتها كانت ياهل عمرها 10 سنوات
نادر: لا يعني الحين هي كبيره اقول قوم جهز اغراضك وخلصنا لاتروح علينا الطياره
عادل : انت اشفيك اليوم ماكل فلفل
نادر: لاماكل تفاحه
عادل: اوووه هدي التفاحه حبيبة نيوتن سلم عليها وقول ليها حبيبج غربلنا يعني هو يحبج واحنا نبتلش مايصير جدي
نادر اخد المخده اللي على السرير ورماها على عادل : ههه تستهبل بعد اقولك مافي وقت بسررعه جهز نفسك
عادل اخد المخده ورماها على نادر: تو الناس باقي3 ساعات بعد خليني استهبل على راحتي ياخي شلي قاهرنك … تصدق بتوحشني امريكا والفندق والسرير والمخده … ,,اخد المخده وحضنها وقعد على الارض,,
نادر راح قرب لعنده ونزل لمستواه .:
قوم حبيبي لاتصيح الحين بوديك الحديقه خلاص حبيبي
عادل يطالعه ومجود ضحكته :لا مابي اروح الحديقه ابي حبيبتي اللي خانتني مع ولد جيرانه على حلاوه ليش لو طلبت مني حلاوه كنت راح اجيب ليها كاكو ولو طلبت عصير اجيب ليها ماي ليش ااااه خنتيني ليش …وهو حاط يده على وييه ويمثل الصياح
نادر: هههه خلاص حبيبي هدا قضاء وقدر
عادل :لا لا لا … وهو يمثل الانهيارر من الصياح وهو يحاوط ويه كامل بيده ويده الثانيه ماشر في الهوى بمعنى لا ..لاااا
نادر: بسم الله الرحمن الرحيم دخل فيك جني والله شنو
عادل: لا لا لاتقول حبيبي كانت تقولها لي لا لا
نادر ضربه على كتفه :يارجال خلاص انساها
عادل : ماقدر انساها احبها اكثر ممن نيوتن يحب التفاحه
نادر: والله تصدق في سؤال محيرني من زمان كنت ابي اسالك بس كنت متردد
عادل: قول قول اسمعك يمكن انسها وافكر فيك وفي سؤالك
نادر وهو حاط يده على عادل ودزه على خفيف : شدخل شدخل .انزين بقولك السؤال .. وهو يحك راسه
عادل: شنو لايكون فيك قمل
نادرضربه على راسه على خفيف: التفاحه حبيبة نيوتن كانت خضره لو حمره
عادل : هدا سؤالك الحين صار لك ساعه تحك راسك وعافس عمرك اخر شي طلع هدا سؤالك اقول وخر عني لا اجيبك بكف خلني اقوم اجهز نفسي بس
نادر: اووه اشفيك يالحبيب عصبت
عادل وهو يقوم : اقول قوم بلا ماتقلبها دراما
نادر: اوو يعني احنا للحين ماقلبناها دراما اهاااا
عادل : هههه اقول بره خليني اجهز نفسي واخد شور يالله من غير مطرود
نادر: افا الحين صار لي ساعه مجابل ويهك ومتحمل ثقالة دمك اخر شي تقول بره
عادل مسك نادر من ايده وطلعه بره الغرفه
نادر : انزين بقولك شي بس اسمعني
عادل وهو يسكر الباب في ويه: اشش ولا كلمه يالله فكنا بره
وطلع وسكر الباب وراح اخد له شور وهو يضحك على هبالتهم جهز نفسه واغراضه وطلع من الغرفه ونزل لقاعه الاستقبال يشوف نادر اللي كان في عالم ثاني سرحان ومو داري بالدنيا
عادل : هااا وين وصلت
نادر: هاااا شنو
عادل: ادري تفكر فيني بس تاخرنا على الطياره قوم لا تاخرنا ااكثر
نادر: اقول امشي امشي انت شفت ويهك من حلاتك افكر فيك
عادل : شكلك تفكر في بنوته
نادر: لاوالله انت نسيت تجربتي يارجال توبه خلاص حلفت ماكلم بنت او احب بعد وزواج never
عادل: صحيح اول تجربه لك ماكانت ناجحه بس مومعناته انه كل البنات حقيرين مثل اللي كنت تحبها ال…
نادر: اقول لا تاخد حسناتك بس تراها ماتستاهل وبعدين من قال انه كل البنات حقيرين اصابعك موسوى ادا كانت هي حقيره مو من حقي احكم على كل البنات بسبب وحده تافه واكي ميورتي احلى بنت في العالم
عادل: اشك انهي اختك
نادر: ههه يعني هي اختي صج انت تدري ان احنا لاقينها على باب البيت مقطوطه وانا اخدتها وربيتها واعتبرتها اختي وبنتي تدري مع اني احب الجهال بس بسرعه امل منهم بس هدي مادري اشلون دخلت قلبي اعتبرها بنتي
عادل: الله يديم المحبه بس هي ماتدري انكم لايقينها على الباب صح
نادر : اكيد من صجك تبيها تعرف
عادل: بس لمتى بتخشون عنها يعني الحين لو بعدين بتعرف بتعرف لو شنو تسوي
نادر: واشلون راح تعرف ماراح تعرف طول ماانا عايش
عادل: بعد عمر طويل بس انت مو قلت ان اهلها كانو يتركون كل شهر مبلغ كبييير لها ومن هل المبالغ بنيتو الشركات والفنادق والعمارات
نادر: اي
عادل : يعني اهلها موجودين بس مجهولين
نادر: انزين
عادل : يعني في اي وقت ممكن يجون ويرجعون ميار لهم
نادر: نـــــعـــــــم !! ليش السالفه لعبه هي متى ماحبو يتركونها يتركونها ومتى ماحبو يرجعونها يرجونها لا ماراح اسمح لهم ولو على جثتي وبعدين احنا تركنا البيت القديم ومستحيل يعرفون بيتنا الجديد ولو يعرفونه كان للحين يدفعون فلوس لبتهم ناس ماعندهم كرامه يفكرون كل شي بالفلوس يبيعون ويشترون حتى في ولادهم ماعندهم رحمه واحساس لو انا كنت اقدر اعيش ميار مثل ماكل بنت تحلم تعيش مااخت ولا دينار منهم بس شسوي مجبور تدري اشلون كان حالنا قبل ياخوك وحتى الشركات والعمارات والفنادق والبيت سجلتهم باسمها مااريد شي منهم
عادل : الله كريم …. وهو يناظر ساعته … اوووه مابقي اله نصف ساعه على الطياره
نادر :شتنتظر يالله بسرعه خلي احد يطلع الشناط …
وصلو المطار ولو اتاخرو دقيقه كان الطياره راحت عنهم
^عند ميار ^
وصلت للكوفي شب اللي معتادين يروحونه ويتقابلون كل مره هناك شافت مريم قاعده تنتظرها
ميار: سلام
مريم :وعليكم السلام
خدت كرسي جنبها وقعدت واخدت نفس طويل
مريم: قولي بسررعه تراج خرعتيني
ميار وعيونها مليانه دموع : شقولج ااااه تعب من الدنيا والله تعبت
مريم: ميار حبيبتي قولي لي اشصاير
ميار: تخيلي امي ظربتني سوري اقصد لطيفه
مريم: شنو ليش ومتى واشلون
ميار: لا تساليني عن شي مادري مادري اني للحين مومصدقه اللي صار خلاص تعبت ماقدر استمر اكثر كل يوم اهانات وصراخ واليوم تمد يدها علي بعد قبل كنت اسكت ومحترمتنها لانه فكرتها امي الحقيقيه ماكنت ادري انها موامي قلت مهما كان هدي امي ولازم احطها على راسي مهما سوت بس خلاص ماقدر اسكت الحين مافي شي يخليني احترمها واصبر عليها وادا على التربيه فهي موداريه عني كل يوم اطلع ولا تسالني وين رايحه او من وين راجع ولا كانها تشوفني واخوي هو اللي رباني والحي تركني للقدر يلعب فيني وبكره راح يرجع ويدمر حياتي اااااه ارحموني تراني مولعبه اني انسانه لو حجر كان تكسر
مريم: وانتي ليش مضايقه من رجعت اخوج بالعكس المفروض تكونين فرحانه لانه هو يحبج
ميار: هه قصدج هو شفقان علي هو تركني والحين بيرجع يتحكم فيني لا ماراح اسمح له اني حره نفسي اللي ابيه اسويه محد يقدر يمنعني
مريم عارفه انه ميار افكارها مشوشه ومو عارفه شتقول ومومنتبها لتصرفاتها تطلع نص الليل وماترد اله افجر وعارفه انه نادر بيوقفها عند حدها ومتاكده انه ماراح يجرحها ..ابتسمت لانه اطمانت على صديقتها برجعت نادر مع انه ميار كانت مضايقه وخايفه
ميار: اوفف اشفيج تبتسمين لايكون قايله نكته.. طلعت علبت السقاره واخد وحده وحطتها في حلجها وتوها بتشغلها اله مريم سحبتها من حلجها وكسرتها
مريم: وياي انسي ادخنين ماراح اخليج
ميار : اووفف يامعوده خليني يمكن اقدر انسى وارتاح
مريم: نعم حلفي بس يعني بكل عقلج هدا بينسيج هدا بيضرج مابيفيدج بشي لكن مالومج كله من اللي تماشينهم خربوج قبل ماكنتين جدي اشصار
ميار: هههه وتساليني بعد اني مالي احد في الدنيا اهلي رموني واللي تبنوني مجبورين فيني ومايحبوني ماعندي شي اخسره او اعيش علشانه عادي عندي كلشي عادي مايهمني شي لو شنو
سويت وبعدين اشفيني اشحلاتي عن الف رجال محد يقدر يتعد الحدوده وياي لا بالكلام ولا بشي ثاني ..وغمزت لها ..تدرين شسوي ادبحه اعدمه وعلى همومي ومشاكلي محد شاف دمع في عيوني خلهم يقولون عني عديمه احساس مايهمني وخلهم يقولون عني مسترجله بعد مايهمني لانه في الدنيا ماتفيدني انوثتي والنعومه راح يدوسوني وياكلوني لاني موعايشه مع بشر عايشه مع دئاب
مريم : يعني تبين تقنعيني انج ماتبجين شوفي ويهج اشلون صاير من البجي
ميار: لا ماقلت مابجي بس مابين لأحد
مريم: هه مهما حاولتي تخفين انوثتج وطيبه قلبج وجمالج ..غمزت لها..ماراح تقدرين شوفي شحلاتج تهبلين
ميار: احم احم .. نادت على القرسون
ابو ناصر: هلا ميار شخباج وينج من زمان مايتي..
متعود عليهم كل يوم يشوفهم وحتى حفظ اساميهم
ميار: هلابيك الحمدالله عايشين انت شخبارك
ابو ناصر : الحمدالله بخير وينج يابنتي
مريم : احم احم نحن هنا
ابو ناصر: هلاااا بمريوم شخبارج سوري مانتبهت لج
مريم : لاعادي مالومك احد يشوف الجمال هدا كله ويتركه ويطالع فيني
ميار: اقول بسج لا دفتنج اهني اللي يسمعج يقول هيفا وهبي جايفه
مريم : ويييع هدا السخيفه انتين احلى منها
ميار: عن المغازل اللي يقول خطيبي قاعد يمي مو صديقتي وبعدين انتين احلى يالغلا
ابوناصر: ههههه توج تقولين عن المغازل الحين يالغلا
مريم +ميار: ههههه
ميار: شسوي ماقدر ماغازل القمر
مريم : استحي
ميار : لا تصدقين روحج بس
مريم: مالت
ابو ناصر: هههه هاا ماقلتو لي اشتبون
ميار: ايي صح نسيت كله من العله ماتسكت
مريم: الحين اني عله وماسكت
ميارماهتمت لمريم:عطني عصير برتقال وكوكتيل لبناني
ابوناصر : من عيوني تامرون على شي بعد
ميار: سلامتك
ابو ناصر: الله يسلمج ويسمنج
ميار: لالا يمعود بكبري متنانه
ابو ناصر: اي متنانه مافيج شي بس عظم
ميار:ههه يعني هيكل
ابو ناصر: ههه تقريبا
تركهم وراح يجيب لهم العصير
ميار: اشفيه الحلو زعلان
مريم : مافيني شي
ميار: افا الحين كل هل الحلج اليي مادته وموصل لدبتج وتقولين مافيني شي
مريم: وتساليني بعد تقولين عني عله وتبيني ماازعل حتى العصير ماطلبتي لي
ميار: مالت عليج عيل عصير البرتقال لمن
مريم: اشدراج ابي برتقال تقرين افكاري والله شنو
ميار وهي تقلد صوتها: تقرين افكاري والله شنو .. يعني معروفه كل مره عصير برتقال مايتغير مادري
شتحبين فيه
: كيفها تحبه مثل ماانا احبج
ميار لفت لورى : اوفففف خير اشجابك
حاتم: امي جابتني
ميار: تتخيفف بدمك
حاتم: لا بصوتي ..وهو يقلد صوت ميار ..تتخيفف بدمك
ميار : لاحول الله هدا اللي بدبحه اليوم
حاتم : لا خليه بكره احسن
مريم : اقول اخوي حبيبي ادلف عن ويهي لا صطرتك
حاتم : والله كيفي بقد معاكم مدام مافي رجال يحميكم انا موجود مايصير بنات بروحهم.. سحب الكرسي يم ميار وقعد
ميار: اقول يالجاهل قوم لا تسوي فيها طرزان على الفاضي
حاتم : انتي جب ولا كلمه انا جاي لختي مولج
ميار: لاوالله يعني باكل اختك اني
حاتم: خشني صوتج اكثر ترى للحين ناعم هدا موصوت رجال ياماما هه لا تحاولين ماتقدرين تغيرين طبيعتج الحلوه وانوثتج
.. وهو يقرب لعندها
ميار بخوف وخجل تحاول تخفيه: صج سخيف محد طلب رايك ولو سمحت بعد لاوالله ماراح يحصل خير فاهم
حاتم بعد شوي: هدي اعصابج خدي نفس عمييق ريحي اعصابج انا مابعتدي عليج كلها كم كلمه قلتها ماسويت جريمه
مريم: حاتم خلاص عاد بلا سخافه انت ماتفهم ميار ماتبيك وبعد عنها ترى هي رفيقتي ماراح اسمحلك تلعب عليها مثل باقي البنات فاهم ولا تحاول تقنعني انك تحبها انت ماتحب اله نفسك
توه بيرد اله ابو ناصر جاي ومعاه العصير
ابو ناصر: تفضلو هدا احلى عصير الى احلى بنوتين في العالم
حطاهم على الطاوله ومشي
حاتم: اللااااي هدا كوكتيل لبناني … يعرف هدا لميار فحب يقهرها وشرب منه بس ميار ماهتمت وضلت تلعب في تلفونها وشافت مكالمه لم يرد عليها فتحت وشافت رقم لطيفه…
مريم : حاتم وجع هدا لميار
حاتم : عادي انا ماشربته كله شربت شوي .. تفضلي بالعافيه
ميار تركت من يدها التلفون على الطاوله : وعوع هدا اللي ناقص اشرب من نفس الكوب اللي شربت منه يالله انا تاخرت لازم اروح البيت لطيفه دبحتني من الاتصالات يالله باي
حاتم : خليني اوصلج ياعسل
ميار: اقول استريح مكانك
وطلعت بسرعه
مريم : انت اشفيك ماتفهم اشلون جدي تحرجني مع صديقتي ادا تفكر تلعب عليها صدقني ماراح اسكت لك واقول لبابا عن كل سوالفك خدت تلفونها ودقت على ميار تعتدر منها وقالت احتمال تزورها اليوم ..
ميار وصلت البيت
كان الكل متجمع وباين عليهم فرحانين استغربت بس ماحبت تعلق مشت ولا كانها تشوف احد
لطيفه : وين وين
ميار: اشتبين
لطيفه: وين كنتين اخوج يه من السفر حب يسوي مفاجاه بس حظرتج ماكنتي موجوده
غرام: وين كنتين اسمعي قبل كنتين تطلعين وتدخلين وكانج في فندق ومحد يقولج شي ولما نادر يسالنا عنج كنا نغطي عليج بس الحين مانقدر نغطي نادر رجع خلاص يعني انسي طلعات نص الليل وحركات ماليه معنى ياما نصحناج بس ماكو فايده الله يهديج بس نادر ترى مومثلنه بيمشيها تعرفينه مايحتاج اقولج
ميار: لا خوفتيني يعني لاحبيبتي محد يقدر يمنعني ماليكم دخل فيني هدي حياتي واني حره فيها ..هو وين الحين
شدى حامله ماجد على جتفها: هااج مسكي ماجد شوي ..اخدته ميار وحطته على جتفها ..اوه ه واخيرا تعبني الدب.. نادر في غرفتج روحي له هو ينتظرج
ماجد:انا مودب انا اثد
شدى: اي اوكي انت اسد وابوك شبل ولا تزعل
ميار: انزين يالله حبيبي انزل بروح اشوف نادر
ماجد: بروح معاج خالوو
ميار: اوكي تعال
شدى : لاوين انت توك شايف خالك بعدين ابوك بنتظرنا بره يالله لانتاخر ويهون مايطلعنا
لطيفه: وين يما
شدى: لا يما بس بنروح نتعشى بره
لطيفه:اي والساعه كم بترجعون
شدى : مادري لا تنتظرينه لانه منتاخر
ميار:يالله اخليكم عن ادنكم
شدى+غرام: ادنج معاج
لطيفه: روحه بلا رجعه
طنشت وركبت فوق ببطء شديد وخوف خايفه تواجه وخصوصن بعد ماعرفت انه مو اخوها وجدب عليها…
شدى: والله حرام يمه مسكينه مالها احد غيرنا بالدنيا حرام تسوي جدي معاها
ماجد: وع عليت لتيفه ماحبت(وع عليج لطيفه ماحبج)
شدى: عيب ماما مايقولون جدي
لطيفه: هدي اكيد منها ميارو علمت الياهل الله لا يبارك فيها
شدى: لا تحطين في دمتج وبعدين متى ميار تشوف ماجد علشان تعلمه قليل ادا شافه بس الياهل يعرف يميز بين الزين والشين شيلي الحقد اللي في قلبج ترى الدنيا دواره ماتدرين شيصير
لطيفه: شقصدج ياقليله الادب انا الحين اطلع شين وميارو تطلع زين وانا حقوده صج ماتستحين
شدى: كلام الحق ينزعل منه .. عن ادنكم تاخرت على محمد
غرام: ادنج معاج
شدى وهي تطلع مع ماجد اللي على جتفها ياشر بيده :باي رام بايي لتيفه يالشريره باييي
غرام: ههههه باي
ميار وصلت عند باب الغرفه وفتحته وايدها ترجف ولهانه على نادر من زمان ماشافته بس خايفه انها تواجه بعد ماعرفت انه جدب عليها وماكان اخوها الحقيقي
نادر كان يتامل الصوره اللي على الطاوله كانت صوره العائله كلها في بيتهم القديم كان في عالم ثاني
ميار:احم احم
نادر انتبه لصوت وقام شاف ميار راح لعندها بسرعه وحضنها وحملها : وحشتيني واخييرا شفتج حبيبتي وين كنتين … وباسه على راسها
ميار ودموع تجدت في عيونها من الخوف وتحاول تبتعد عنه: نزلني اوفف بعد عني
نادر: تحلمين انزلج اولشي عطيني بوسه..,,وهو ياشر على خده,,
ميار: بليز نزلني
نادر لاحظ خوف ميار نزلها : ميار حبيبتي اشفيج
ميار عطته ظهرها : مافيني شي اطلع ابي اقعد ابروحي
نادر قرب منها ومسك ايدها ولفها لعنده واستغرب وجود الدموع على خدها مسح دموعها بطرف ايده : وين كنتين اشفيج قولي من مضايقج والله اروح وادبحه
ميار مزله راسها وغارقه وسط دموعها وشهيقها نادر رفع راسها وبصوت هادئ : ميار حبيبتي اشفيج قولي شنو مضايقج
ميارتحاول تبتعد عنه بس مسكها من يدها بقوه شافه ترتجف ضغط عليها اكثر علشان تهدء واخدها للسرير قعدها: تعالي قعدي وقولي اشصاير
ميار كان قلبها يرتجف تبي تقوم من على السرير بس نادر ماخلاها:وين ماراح تروحين الى اي مكان منغير ماتقولين لي اشفيج..وباسها على راسها.. حياتي قولي اشفيج لا تخوفيني عليج
ميار: خلاص بعد عني قلت لك مافيني شي لاتكبر الموضوع
..نادر: اكبر الموضوع شوفي حالتج اشلون وكل هدي الدموع ومافيج شي
مياربعصبيه: يعني اشتبي تعرف ..,,.ماقدر تكمل استسلمت للدموع ,,
نادر قعد على الارض يمها صار في مستواها رفع راسها ناظرته بنكسار ماقدر يتحمل حضنها بقوه
ودموع ميار تنزل اكثر تحس نفسها تبي تطلع كل الدموع اللي حابستها علشان ماتبين ضعفها مع انها كل يوم تنام والدمعه على خدها بس هدا مو كافي علشان يعبر مدى حزنها والم قلبها … وسط دوعها اللي كانت تنزل مطر غزير : اشتبي مني بعد عني
نادر موفاهم شي ..بس ميار ماقدرت تحبس في قلبها هم اكثر قالت له كلشي: اني ادري انك مو اخوي ليش تعاملني جدي اشتبي مني خلاص مااقدر استحمل اكثر ارجوك بعد عني ….
نادر بعد عنها بصدمه وكانه احد كات عليه ماي بارد: اشدراج اشلون عرفتي من قالج
مياروسط دموعها وشهيقها : مومهم من قال
نادر بعصبيه: لامهم ميار قولي من قالج
مسكها من يدها يتراجها تقوله
ميار خايفه لا تتعلق فيه وتتعود على حنانه وبعدين تفقده ويكون صعب عليها وخايفه ليش يعاملها بحنيه وهو مو اخوها شيبي منها
ميار: قلت لك مومهم عرفت وخلاص
نادر: ميار حبيبتي بليز قولي من قالج ارجوج
ميار: محد
نادر وهو يكلمها مثل الاطفال: اشلون يعني محد
ميار: سمعت ..سمعت لطيفه تقول…
نادر: شقالت
ميار: تقول …….اني
نادر: ميار بابا تكلمي بوضوح اكثر وبصراحه لا تخافين من شي ماراح اسوي لج شي ولا اخلي احد يقرب يمج وياديج بس قولي
ميار: …من شهرين….قالت اني بنت ش …شوارع ووانتو لقيتوني على الباب مرميه اهلي ماحبوني وماستحملوني اشلون انتون اختوني وربيتوني اشتبون مني ادا على الفلوس مستعده اعطيكم كلشي مابي شي بس لا تجرحوني اكثر …(ودموعها تنزل بغزاره اكثر واكثر)..الكل كارهني حتى انت انت كنت شفقان علي مواكثر خلاص ماقدر استحمل ليش تركتني للقدر يلعب فيني والحين جاي وبكل برود تسال عني اشسويت علشان تعاقبوني جدي ….سكتت تركت الدموع تكمل كلامها
نادر مومصدق اللي قاعد يسمعه كان ماسمك يدها يهدء فيها بس ميار كانت تزيد حط يده على كتفها يمسح عليه : خلاص حبيبتي لا تقولين جدي والله كلنا نحبج
ميار: خلاص لا تجدب اكثر كفايه معيشني 14 سنه في جدبه
نادر مسح دموعها وحضنها وظل يهدء فيها لما هدئت شوي كلمها
نادر: ميار حبيبتي سمعيني انا صج لقيتج على الباب بس والله حبيتج مثل بنتي واكثر ربيتج وعلمتج وكنت مجبور اروح واخليج علشان اكمل دراستي ماكنت ابي هدا الشي بس امي جبرتني واقنعتني انها بتحطج في عيونها ورحت وانا مطمن عليج
ميار وسط الدموع: هه امك كل يوم تدلني بس محد يدري عني وتقول بتحطني في عيونها داست بكرامتي اهانتني …
نادر باسه على راسه: انا اسف لاني خليتج بس ليش ماقلتي لي انا كل يوم اتصل ليش ماخبرتيني كل هدا يصير فيج وانا مادري
ميار: يعني لوقلت لك بترجع
نادر: اكيد
خدت نفس طويل
نادر: حبيبتي مابيج تضايقين من اي شي ابيج على طول سعيده وفرحانه والبسمه ماتفارق ويهج اوعدج راح اعوضج عن كل اللي راح
ميار مسحت دموعها وقامت من على السرير: لا تعاملني جدي
نادر:اشلون تبيني اعاملج
ميار: لاتهتم فيني انت مواخوي ليش تهتم فيني بصراحه اخاف اتعود على الدلاعه
نادر ابتسم :اتعودي وشنو المشكله عادي ادا انا مادلعت حبيبتي وبنتي ادلع من
ميار: لا تدلع احد
راحت عند التسريحه وخدت علبت السقره وطلعت وحده وشغلتها وشربت منها ..نادر يطالع فيها مستغرب
نادر: شتسوين شنو هدا
ميار: صاروخ ..شنو هدا يعني سقاره
نادر اخدها بسرعه وطفاها واخد العلبه وفتح الدريشه ورماها ورجع سكرها ويطالع ميار بعصبيه : انتي من متى تشربين
ميار : مومهم
نادر: لا مهم قولي من متى تشربين
ميار: من لما عرفت بالحقيقه
نادر: نعم يعني شهرين وانتي تشربين
ميار بكل برود: اي
نادر: هدي اخر مره اشوفج فيها تشربين سامعه
ميار: ليش
نادر: شنو ليش انتي ينيتي في احد بعمرج يشرب سقاره ولا بنت بعد
ماتدرين هدي مظره
ميار ماحبت تناقشه : يصير خير
وطبعا هي عندها غير العلبه اللي رماها فــ عادي عندها لو رمى وحده
ونادر على نياته يفكر ميار ماعندها غيرها وبسمع كلامه من اول مره
قرب لعندها وحاوط ايده على جتفها : حبيبتي انا خايف عليج تدري هدا يسبب امراض خطيره
سمعو طق الباب
نادر : مين
من ورى الباب: اني لطيفه يما
فتح نادر الباب وفي عيونه عتاب وقهر
:نعم
لطيف : العشى جاهز يما انزلو تعشو
نادر: اوكي..
لطيفه:…
نادر: بغيتي شي ثاني
لطيفه فهمت:لا انتظركم تحت
وطلعت وسكرت الباب وراها
نادر: يالله حبيبتي انزلي تعشي
ميار:مابي
نادر:موعلى كيفج شوفي اشلون صايره ضعيفه ماتاكلين شي ..نادر بامر وهو ياشر بيده على
الباب..يالله بسرعه قدامي
ميار: قلت لك مابي
نادرسحبها من ايدها وطلعها من الغرفه غصبا عنها وهي تحاول تبعد عنه بس نادر ماعطاها فرصه
نادر قعدها على الكرسي غصب
ميار: اوفف نادر لا تصير ياهل قلت لك مابي
نادر: ادا ماكلتي بزعل عليج
ميار:بس
نادر: اشش ولا كلمه اكلي وانتي ساكته
ميار استسلمت ماعندها خيار ثاني
واكلت بكل هدوء ونادر كان مقابلها وكل اشوي ياشر لها علشان تاكل
عادل:اشفيك اعقل اشوي
وائل(ولده): اوف يبا الحين انا ولدك الوحيد وحبيبك ترفض لي طلب
عادل: ياحبيبي مارفضت طلبك بس موالحين انا تعبان راجع من السفر وهو بعد تعبان ويبي يقعد مع اهله اشلون انروح له والحين الوقت تاخر خلها لبكره
وائل: والله مشتاق لنادر خليني اروح اشوفه وصدقني ماراح نطول وبعدين توها 9
طلعت ام وائل من المطبخ علشان تناديهم يتعشون وسمعت كلامهم
ام وائل: العشى جاهز بس اقولك حبيبي وائل مابيخليك في حالك اله ادا راح لنادر ..وهي تطالع في وائل اللي خايف تغلط بكلمه وتفضحه كتمت الضحكه على شكله وحاولت توتره اكثر. يحبه شيسوي الله يدوم المحبه والله اخاف يجن الولد من حبه
عادل: هاا ..وهو يطالع وائل بنظرات ماعرف يفسرها..اعود بالله انا صديقه وعلى طول معاه موجدي انت اشلون تعلقت فيه يعني انت متاكد انك رايح لنادر مولغيره ؟
وائل : هااا لا اي اي يبا اشفيك انا من يوم كنت صغير كله ويه نادر كنت تاخدني وياك وين ماتروح انت ونادر من جدي حبيته اعتبره ابوي الثاني واخوي الكبير وحتى صديقي
ام وائل ماقدرت تكتم ضحكتها عليه : هههههه
عادل: شوف انت وامك بتجننوني اقوم اجهز نفسي واحتفض ببقايا عقلي احسن لي وقوم لا تاخرنا
وائل ماصدق اللي سمعه: صج يبا بتوديني الله يايبا اشكثر احبك احبك موت.. وحب ابوه على راسه
قربت منه ام وائل وبهمس بدون مايسمع عادل: كل هدا حب شمسويه فيك ميار عيل تحب ابوك موت هاا يعني موقصدك ميارو
عادل:شتقولون من وراي هاا اي متفقين علي تبون تجننوني
وائل: لا يبا انت العزيز الغالي وين نتفق عليك افا بس يبا ماعاش اللي يجننك
راح عادل عنهم وهو عارف انه يحب ميار ورايح علشان يشوفها موعلشان نادر مثل ماقال وسوى كل هدا علشان يشوف ميار بس
ام وائل ضربته على جتفه على خفيف: عجل مشتاق لنادر هاا
وائل: يما بغيتي تفضحيني جدام ابوي …الله يايما اشكثر مشتاق لها واحبها احبها ياعالم والله احبها
ام وائل وهي تقلد صوته: احبها مشتاق لها..رجعت لصوتها الطبيعي..يعني تو من شهر شايفها مداك تشتاق لها
وائل: هدا الشهر مر علي كانه سنه ..حط يدينه على قلبه..لو تسمعين دقات قلبي وانا انطق بحروف اسمها
ام وائل:الحمدالله والشكر العقل نعمه
^عند ميار ^
ميار: خلاص والله شبعت مابي
نادر هو ماسك قطعت اللحم ويحطها في حلجها غصب : اخر وحده علشاني
ميار:والله ماقدر شبعت
نادر خله قطعت اللحم من ايده: انزين برحمج هالمره بس مره ثانيه ماخليج اله وانتي مخلصه صحنج
مفهوم
ميار: اوفف من اولها قاعد تتشرط اقول ادلف عن ويهي
.. قامت علشان تركب فوق الدرج سمعت صوت الباب وقفت فكرتها مريم وركضت وفتحت الباب
ميار: وااخييرا شرفتين
انصدمت لما شافت عادل و وائل وامه
ميار بتوتر وخجل: سوري فكرت صديقتي جايه ..هلا عمي عادل شخبارك الحمدالله عـلى السلامه تفضلو
دخلو وراحت على طول للدج بتتوجه لغرفتها بس عادل وقفها
عادل : هااا وين
ميار: ها لا بس بروح غرفتي تامر على شيء
عادل : مايامر عليج عدو بس ابيج تقعدين معاي انا جاي علشانج تخليني وتروحين
لطيفه سلمت على ام وائل وخدتها للمجلس
عادل ماترك ميار تروح معاهم خلاها تقعد في الصاله وياهم طبعا وائل كان طول الوقت يطالع ميار بس ميار مومنتبه له
نادر: شخبارك وائل والله كبرت وصرت رجال
عادل: اي رجال وهو صاير لي ياهل قعد يحن يبي يشوفك لو ماجبته ماتركني صاير مثل الحريم ادا تكلم مايسكت اقوله لا تقعد مع امك وايد بس ماكو فايده
وائل: احم خلاص عاد كانك فشلتنا
نادر: هههه
عادل : اي كاني
ميار:هه
عادل: ماقلتي لي ميار شخبارج وشخبار دراستج
ميار: الحمدالله عمي آني بخير ودراستي يعني ماقدر اقول زينه بس بعد مو زفت يعني وسط
عادل: افا ليش انتي كنتي شطاره وعلاماتج كلها ممتاز
ميار: هه تقدر تقول مخي ماخد اجازه كم يوم
عادل: ههه بس اتمنى ماتتول الاجازه علشان مااجي بكره واشوفج بكشتج وتركضين وتضارخين مثل المجانين ههه ^^ عادل مسك شعره وعفسه وهز راسه ويصارخ^^
ميار:هههه لالا انشاء الله مااوصل لهدي المرحله هههه
وضلو ساعتين سوالف وضحك حتى عند الحريم بعد سوالف وضحك وحش في الاوادم ماضل احد ماتكلمو عنه
عادل:نادر كانه عطيناك وجه ازياده قوم يالله من غير مطرود بنام بكره ورانا اشغال
نادر: ههه لا وين بكره الجمعه يعني مافي شغل خليني قاعد اشوي
ميار موفاهمه شي: اشفيكم خرفتون ؟؟
عادل : ههه اظاهر مخي غار من مخج واخد اجازه بس اجازه مفتوحه يعني احتمال الرجوع 1%
ميار :ههه
عادل قام من على الكرسي وقام وراه وائل اللي ماوده يقوم ويضل للصبح يطالع شكل ميار وميار ابد مو حاسه بشيء ومومحطيته ويه: يالله احنا نستادن
نادر: وين تو الناس خلك والله ماينمل منكم
عادل: ادري مايحتاج تقول
نادر: اقول اطلع بره لا بالعقال يطلعكم
عادل+وائل:ههه
ميار كانت ساكته ومنحرجه اشلون يقولهم جدي مومتعوده على مزحهم الثقيل
سلم عادل على الكل وطرش الخدامه تنادي على ام وائل وائل كان يتامل شكل ميار كان يبي يرسمها في باله كانت طالعه حلوه بملابس صبيان وشعرها الناعم المتناثر على رقبتها وعيونها العسليه وانفها الطويل وشفايفها الصغاروبشرتها الصافيه البيضه كان شكلها جنان وبريئ
عادل يوجه كلامه لوائل بصوت هادئ بحيث مايسمعه اله وائل : عيونك لا تتطلع من مكانها
وائل انتبهى لنفسه: هاا لا بس ..
عادل: اقول امشي امشي تاخرنا
سلم وائل على نادر ولما سلم على ميار طاحت عيونهم على بعض ميار حست بالاحراج وبعدت نظرها عنه وسحبت يدها منه بسرعه
ام وائل سلمت على لطيفه وغرام وصت لطيفه توصل سلامها لشدى
وصلو عند الباب اله بجيت شدى وماجد ومحمد سلمو عل بعض شدى ترجتهم يقعدون اشوي بس مارضو لانه كانو متاخرين وطلعو من القصر ورجعو الى الفيلا ..