اضع روايتي هذه بالمنتصف لتكون روايتي الثانيه باسم ( يعني كذا خلاص انتهينا؟ ) تجمع حب وصداقه واحلام وامال ونسيان والام وحقد وقهر واهمها الفراق والخيانه .
في بداية الطريق شعر بقلمي
ودي اسالك قبل ابداء العب
الحكم لاصار يحب اللاعب الثاني
بالحكمه يصير الغش بالحب؟.
–
قامت من النوم تجر نفسها وتحاول تقنع نفسها ان اليوم اجمل من الايام اللي فاتت اجمل وبكثير لبست الشبشب الاحمر اللي غطى على رجولها كان قطني ولما جت تدخل الحمام( اكرمكم الله ) غيرت الشبشب ولبست المخصص لدورات المياه ( الله يكرمكم ) بعد خمس دقائق طلعت وهي توها متحممه ولبست بنطلون وسيع ورد بس حلو لا تفكرونه حق اللحوج ولبست بلوزه بيضاء طويله وشاده عن الايدي راحت تشوف شعرها وشغلت ( الاستشوار ) عشان ينشف خلصت وخذت ( شباصه ‘ ترفع الشعر ) ورفعت خصلات شعرها اللي ققدام ولبست الشبشب القطني ونزلت تحت وهي تشوف امها وابوها جالسين بالفرشه ويتقهوون رسمت على وجهها ابتسامه وهي تقول بنفسها : ‘ ي رب يمر اليوم بدون مشاكل ‘، قربت منهم وهي تبتسم : صباح الخير .
امها وهي تاخذ التمره : هلا ي ريما، ابوك يبي الاعانه .
ناظرت لابوها وبدت اعصابها تتوتر خايفه بقوه خايفه لاتفقد سيطرتها وتفقد نفسها بنفس الوقت هي خايفه لحد الموت ؛ يبه، الله يهديك بعطيك منها 400 والباقي لي !.
الابو : ايه، يصيير خير ۔
غمضت عيونها بألم ‘ الحمدلله ي رب اني تمالكت اعصابي ي رب انه خير ي رب ❤️.
قاطع تفكيرها صوت امها : ريما؟ وش فيك واقفه يا امي تعالي اجلسي .
ابتسمت بخجل وراحت تجلس بجنب امها.. ناظرت لامها اللي تصب القهوه لابوها ابتسمت : يمه الله يعافيك، صبي لي انا بعد .
ابوها طير عيونه فيها : وش كبرك وش عرضك ! امك تصب لك القهوه!.
ريما بضجر : هاتي يمه، انا بصب لي ! .
مدت لها امها القهوه وبصوت مرتفع : الله يهديكم .
صبت لها وحطت الفنجال بالصينيه ومدت يدها تاخذ تمر وبدت تاكل وتسرح بعالم بعيد بعيد جدًا .
—————————–
+
..(♪̠) صار اللي صار ، وابتدينا على خير
عيوننا عاشت وشافت ودارت، مو كل شي بـ كيفنا لازم يصير اشياء كثيرة م نبيها و صارت ‘(!
——————————-
تتمشى بالمزرعه، تشوف الاشجار والنخل والعصافير والزرع الاخضر كانن الزرع خيال وماكانه بالسعوديه، واصوات العصافير تاخذهها لصديقتها وتفكر فيها قاطع تفكيرها صوت من ورى : بووو .
خافت ولفت وبعصبيه : حسبي الله عليك ي لما ي الفاسده .
ضحكت وهي تمشي بخطوات سريعه عشان تكون بجنبها : هها كيفك ي املوه؟.
امال بهدوء : الحمدلله .
لما وهي تناظر وجهها بتفحص وتشوف وجهها وتعابيرها الهاديه وبهدوء لا يقل عن هدوء امال : ايوه الحمدلله على كل حال، بس انتِ بخير؟ ❤️.
امال : تبين الصدق لا .
لما باستغراب : ليه خالتي مقصره بشيء؟.
امال باندفاع : لا لا ..
انتظرتها وهي تناظرها وتنتظر تكمل كلامها .
امال بضيق : ي لما انا وانتِ بخير اما غيرنا؟ غيرنا ي لما يحتاجنا.
لما وهي تتجاهل الموضوع : ي ربي، فقيره ومعها اعانه فقير ويشتغل لو زبال الشغل مو عيب خلاص يدبر نفسها وياخد فلوس!.
امال وهي تعرف ان لما مستحيل تفهمها : والبنت!.
لما بتفكير : البنت؟ تشتغل شغاله "." .
امال بقهر : استغفر الله العظيم !!.
————————–
-*
ساعات الكلام يختفي مننا، نبقى عاجزين كيف نعبرٌ عن مدى سوء هاللحظه! نكتفي ب يارب انت عالـمم بكٌل شيء، نظـــرهه للسماء يمكن تكفينا.
———————-
بمكان قريب
خلصو صلاةة العصر
كاظم : تقبل الله ❤️.
ابو تامر : منك ومنك صالح الاعمال يابوي 💙.
رمى قارورة المويه على ولد خالته بقوه .
تضجر بوجع : ههف، وش تبي خير ؟.
علي بضحكة : ابد ي نوح، سلامتك شفتك ساجد ومطول واحنا خلصنا قلت يمكن مات واللي ينشد لهم الخبر انا @: .
تامر : الله، تخيلو بس يموت !.
كاظم بضحكة : استغفر الله بسم الله عليك .
نوح بابتسامه : احم .
——————
اعرفكم ع العائله
الجد الاكبر جاهد شديد وكلمته وحده وبس .
الجده طيبه وشديده .
عيالهم
ام نوح طيبه وينلعب عليها بكلمتين.
نوح 25 مملوح وشوي عصبي، صديق طفولته وحاليًا علي ملامحه جذابه " تخيلوه ".
جهينه ولها عيال وكبيره !.
لما 23 مغروره وحلوه وحذابه وجسمها مخصر !.
ام كاظم قوية شخصيه
كاظم 28 سنه
تامر 26
توليب 24 سنه حلوه وجذابه ومملوحه
امال 23 متكبره ومغروره .
واختهم الكبيره بعد لها عيال .
وكل العائله كدا انتو تخيلوهم !.
———
بس حبيت انزل روايتي الثانيه اللي راح تكون قصيره وراح اكتب من الايباد عشان اطفش وكدا
اخر حدث
انفتح الباب بقوه الكل نايم يرتاح المغرب ! متاكده ان ابوها نايم ونومهم ثقيل خافت ماتقدر تحرك رجلينها ووضح عليها الارتباك ‘ ي رب عبدتك ريما مالها غيرك ي رب ساعدها ): ‘ .
طاح كاس الحليب من يدها رجلينها عجزت تمشي سحبت رجولها من المطبخ وانصدمت وهي تشوف !!.
————-
بالنهايه
–
ولأنني يا اللہ أجهَل ما ينتظرني من عجائب الوقت والزمان في حضرةِ خلقك استَودعتُكَ نفسي ونبضُ قلبي وبصيرة إيماني وحقيقَة ما أشعر بہ .
توقعاتكم تكفون حمسوني وانزل بارت ثاني اليوم او بكره على حسب الردود ❤️.
من اكثر شخصيه تحسينها اعجبتك من البنات ؟
ومن من العيال؟ .
ومن شافت ريما ؟.
وهل ابو ريما بياخذ اعانتها كلها؟
تسلمين يَ قلبي .. اعجز عن الوصف بصراحه ..
توقعآتي :-
من اكثر شخصيه تحسينها اعجبتك من البنات ؟ ممكن امال
ومن من العيال؟ . امممم مَ احد
ومن شافت ريما ؟. ابوها ..
وهل ابو ريما بياخذ اعانتها كلها؟ يب ..
وبث .. لا تطولين علينا ..
تحياتي ..
في امان الكريم ..
طاح كاس الحليب من يدها رجلينها عجزت تمشي سحبت رجولها من المطبخ وانصدمت وهي تشوف واحد واقف ملثم جسمة رياضي وعيونه حاده تجمدت رجليني مو قادره اسوي شيء طالعت فيه ابي اقوله وش تبي ؟ ليه جاي ؟ او انت غلطان ، حركت رجليني وجريت سحبني من شعري وحط ايده على فمي لحظات وغبت عن الوعي .
——————————————–
بالمزرعه
بالجلسه عند الحريم والرجال كانو جايين عند الحريم
ابو كاظم : يالله حييهم .
ام تامر : الله يحييك .
توليب : تو مانورت المزرعه بوجودنا .
ابو كاظم بابتسامه ماغابت عن وجهه : انا اشهد .
نوح بابتسامه : يقولون ان مادح نفسه كذاب .
ابو كاظم يرفع حاجب : توليب تكذبب ! تخسون والله !!!!!!!.
نوح : اججل صادق تامر تحب توليب اكثرهم !.
ابو كاظم : الله لايبين غلاهم ي وليدي (:.
جهينه : ي عمي علي وينه ؟.
كاظم يغمز لها : اعلم زوجك؟.
جهينه : خبره، تراه يقرب لي .
نوح يسوي نفسه مصدوم : اشوف طاق ميانه مع اختي !.
كاظم يطلع لسانه وبعفويه : الله واكبر ! عجوز وش نبي بها!.
الكل ففطس ضحك .
ترنيم : يممه وصرتي عجوز هههههههههه .
جهينه : حسبي الله على ابليسك ي كاظموه ماتنعطى وجه .
بيببب .
نوح : ههف جاء عليوي ان لله وانا اليه لراجعون .
لما تطلع لسانها بتكذيب : كانك ماتبيه، الا والله متشفق عليه !.
نوح عطاها نظره خلاها تسكت .
ع فكرة البنات متغطين .
علي باستهبال : شفتي ي جدة جالسين مع بعض حريم وعيال !.
الجده : ان لله ي علي، ابلع لسانك لا ابلعك اياه .
ترنيم & توليب : ههههههههههههههههههه .
علي يناظرهم بابتسامه : عادي تمزح معاي .
ترنيم : اخس من وين طلعت الاخلاق !.
الكل ناظرها بصدممه .
ترنيم بدفاع : الله واكبر بمثابة خالي !.
نوح : يخسي يصير اخوي عليويه .
علي يرفع حاجب ويقرب منه : خاقنن عليك تكفى .
الجده تطقه على راسه : ابعد عن وجهي خل اشوف من ذي !.
علي بعناد لف راسه لها وقام يهزه قداممها .
طقته على راسه بقوه : ابعد لاتنثر القمل علينا !.
الكل ماعاد علي اللي عصب : ههههههههههههههههه .
علي رفع جواله بكذب : هلا، ايوه جايك الحين، جاي جاي مانيب متاخر .
الجده بضيق : وش فيك وين بتروح وتخلينا يابوي .
علي باس راسها : ابد يمه بس واحد من الربع يبيني بموضوع .
الجده بضيق : قله ياجله يابوي وش يبي بك الحين، بذا الوقن انحن نبيك .
علي قام وباس راسها ثانيه : ماعليه مره ثانيه ي مزه .
الجده ناظرته : وش موزته ي قليل الادب. الحين انا موزه كل زقيق ي وصخ يالله انقلع لابارك الله في ابليسك يالله !!.
علي بضحكه : طيب .
طلع وهو مايدري وين يروح قرر يجلس بالمزرعه بس بقسم الشباب دام ان الشباب بقسم النساء .
دخل نوح عليه باستغراب : وش مجلسك في ذا؟.
علي وهو يتافف : ههف، وش جابك ؟.
نوح : حلا عطشت وجيت اجيب لها مويه بس .
علي بقهر : اخلص خذ المويه وانقلع .
نوح جلس بجنبه : هذا انا جلست ومانيب منقلع .
علي جاء بيقوم بس مسكه نوح : وش فيك انت متغير ؟.
علي يجلس : ابد مافيني شيء .
نوح بضحكه : تبي تبعد عني عادي اخاف الاشاعه صدق .
علي عدل جلسته ولف لنوح : اي اشاعه؟!.
نوح فطس ضحك وقام يصفق : القممل .
علي يقلد ضحكته : هاههااهها .
—————————————
✖
ما يھمني صآاحب المال ولا يهمني صآاحب الشهرهہ انآ يهمني صااحب لا رآفقني اليوم ، يذکرني بآلخير بکره .
–
ترنيم بخوف : يممه ماترد وش اسويي 0.0.
جهينه : لا اله الا الله، يمكن نايمه او لا سمح الله ابوها مسوي شيء ورايحين الشرطه ترى مو غريبه عليه .
ترنيم : بدق على امها .
جهينه : ايه يالله .
ترنيم دقت بسرعه، مره ومرتين وثلاث واربع وخمس وست وسبع وردت .
ترنيم : احمم، هلا والله وشلونك وش اخبارك عساك بخير ؟ كيف ريما وابو ريما؟ الحمدلله، والله اعذريني ياخالتي على قلة الاتصالات بس تعرفين الدنيا تشغل وكذا. بسالك والله عن ريما من اليوم وانا ادقدق عليها ولاترد شوفي لي اياها تكفين ، شكرًا الله يعطيك العافيه يالله فمان الله .
جهينه : هاهه بشري؟.
ترنيم : تقول كنت نايمه ومالاحظت مكالمتك.
جهينه : ايه ماعلي، بش اقصد بشري عن ريما؟.
ترنيم : تقول بروح اشوفها .
——————————–
#
شدوا من الدنيا وحنا بقينا
راحوا وخلوا فالحنايا لهم بوح .
——————————-
تنادي باسمها رقت الدرج وهي لازالت تنادي باسمها : ريمما يامي تعالي .
كملت مشي الا ان وصلت غرفتها مرتبه والدريشه مفتوحه ونسيم الهواء البارد يدخل، فتحت عيونها بصدمه معقول بتكون تحت ! نزلت بسرعه وهي تنادي عليها : ريما ي ريما .
راحت المطبخ وانفجعت وهي تشوف الكاس مكسور وموية الحليب متبعثره نزلت دمعتها : ي ربي ي ساتر وين راحت بنتي ي رب احفظها ي رب .
ركضت للصاله ومسكت التليفون واتصلت ع السواق اللي يوديهم المشاوير احيانًا : الو، اهلًا كريم، كيف حال انت وكيف حال بيبي مال انت؟ كلو بخير الحمدلله طيب انت يودي بنت مال انا مكان ايوه ريما يودي انت مكان ؟ لا ؟ طيب انت مايشوف ؟ شكرًا مع السلامه .
طلعت برى وطقت على بيت الجيران
طلع لها ولدهم نواف : هلا ياخاله حياك تفضلي .
ام ريما : لا يانواف الله يكرمك، ريما مختفيه تكففى تكففى تعال ندورها قبل يصحى ابوها !!.
نواف بصدمه : ريمما !!.
ام ريما بوجع : ايه يابوي ريما .
نواف يحاول يصير طبيعي : بنادي نوف وجاي .
دخل البيت يركض : نوفف نوفف .
نوف : هاه هاه نعم خير وش تبي جعل نوف الموت اللي يفكها منك .
نواف بصدمه : بل بل بل، اخلصي ريما مختفيه وامها جايه تبكي اخلصي .
نوف قامت تركض للغرفه ولبست عبايتها وطلعت وراه .
————————————
فتحت عيوني احس الدنيا تدور ملابسي متغيره اذكر كنت لابسه بيجامه زرقاء وش غيرها الحين! ووش ذا المكان الغريب لحظه تذكرت قاطع تفكيري صوت رجال يضحك وهو ماسك التليفون كانه جني اعوذ بالله مالت عليه بس، اتجهو لي رجالين واضح انهم كبارر ومعضلين شدوني من كتوفي تالمت الاول لفني له وعطاني كف ودزني ع الرجال الثاني وراح، مابكيت انتظرت الكف الثاني يجي من الرجال الثاني بس انصدمت لما جاء وراي وعكف يديني ومسك يديني وخلانني امشي وهو وراي كانه خدامي هههههه، مع انه يعور بس ماعليه والله لاوريه قوتي .
ركبوني سياره سوداء طويله بداخلها رجال ماقدرت اشوفه كان شماغه مغطي عليه حطيت راسي عالمرتبه بالم وانا افكر بحال ترنيم وامي ونوف ونواف لو يدرون انا وين والله ان تتعب امي ابوي بيذبحني لو يشوفني
تجرأت وقلت : ابي مويه.
كان لاف ع الدريشه طلع مويه من جيبه ورماها بدون مايناظرني اصلًا ، كنت افكر ان ابوي لو شافني بيذبحني خلني اخذ شوي من حقي انا بعد فتحت المويه وكبيتها كلها ع الرجال اللي كان لاف ع الدريشه لف علي بصدمه انصدمت تعلقت عيوني بعيونه كان مملوح وجذابب وربي حلو، نظراته كانت عصبيه ضحكت وضحكت واخيرًا لفني كف الغبي سال الدم من فممي حطت ايدي على مكان الدم كان سايل بيدي كان لازال يناظرني ويراقب حركاتي حطت ايدي اللي فيها دم كلها على ثوبه بعد عني وهو يصارخ بصوته المبحوح : ي الوصخه .
ريما بضحكه : انت اللي جنيت على نفسك !.
حاول ياخذ ويعطي معها وبهدوء : كيف؟.
ريما بغموض:حاولت تذبحني.
انصدم من تفكيرها : اننا !! حاولت اذبحك !.
ريما بالم : ايه، انت ماغيرك احد .
كان حاس بالمها وده يتسال زياده ويعرف كيف حاول يذبحها .
نطق وهي مغمضه عيونها وحاضنه رجولها : وقف هنا وعطني الملابس اللي قلت لك عليها .
ناسرت لها مارفعت عيونها متجاهلتني نزلت ولبست ورجعت ركبت قلت له يحرك لحد ماوصلنا نطقت لها بهدوء : ريما وصلنا قومي .
ماقامت واشرت للخادم يقومها دزها بعنف على كتوفها قاممت ناظرت له بابتسامه رغم عنفه، نزلت من الباب اللي نزلت معه ووقفت بعيد عني بس شافت الخادم ركضت لي وتمسكت فيني ناظرته بابتسامه : خل ريما معاي .
ناظرتني بعيونها البريئه عسلي تميل على بني : كيف عرفت اسمي ؟.
ابتسمت لها : بعديين اعلمك، يالله بسرعه قبل لاتفوتنا الطياره
ناظرتني مصدومه الدموع تحجرت بعينها بس منعتها من الحريه والنزول !: مابروح ابي امي وابوي مو على كيفكك روح انت انا مابيك مابيك مابيك !.
حاولت تهرب بس مسكتها مع ذراعها بشده وناديت البودي قارد مسكها بعنف ودخلها المطار اساسًا ماكنت ابيها تمشي بالهداوه بعلمها من اكون والدموع ماتمشي عندي .
—————————-
–
امام صورتك اشكو مرارة الوحدة و التعب اشكو لها كيف قسى زماني و كيف عشتٌ الألم احدثٌها عن سبب غيابك و ماذا حل بي بعد ذلك ابكي لـ اعبر لها عن كلام صعب يقال باللسان اخبرها بأني اشتاق إليك واني مازلت احبك و اني لم انساك يوماً وبعد ذلك احتضنها و انام ‘
–
نامت وهي حاضنه جوالها كانت داخله صورة ريما .
نوف بضيق : نامت خالتي ي نواف .
نواف بقهر : نوف اول مانلاقي ريما ………… سامعه ؟.
فتحت فمها بصدمه : صاححي !!.
نواف : ايه صاحي .
نوف بصدمه ثانيه : وين احنا بالمطار !.
نواف بصدمه نزل يركض .
وش قال نواف لنوف وقالت له صاحي ؟.
وليه نزل يركض وهو مصدوم ؟ .
مين احسن بنت ومين احسن ولد ؟.
كيفك حبيبتي ؟
روايتك حلوه وأسلوبك أحلى
بس ينقصها شويه أحداث تحمس….!
أقدر أقول مبدئيا فكره الروايه جديده
ننتظرك حبيبتي
وبالتوفيق..*_^