امممم أولا مبارك عليكم الشهر < بدري 🙂 ..
المهم .. انا نزلت روايه بهالمنتدى من قبل .. لكن ماكان فيها أي تشجيع باني أكملها ..
فحبيت أني اكتب روايه جديده .. اشد حيلي فيها
وان شاء الله ألقى فيها ردود ..
بالمناسبة هذي مقدمه فقط .. بانزل البارت الاول اليوم بإذن الله ..
فانتظروني 3>
S5a2
ننتضر البارت وحاولي يكون طويل
لاتطولين غلاتي
تقبلي مروري اختك جذابه♥
اعتدت ان ارئ الدنيا فيك .. ان اسمع كل الأصوات وأميز صوتك !
أعتدت أن احبك كل يوم بجنونٍ أكبر .. لِما أخذتك الحياة مني وأنتَ كُل ما أريد !
—————–
أشرقت شمس الرياض .. معلنةً يوم جديد ..
فتحت الدولاب لتخرج شنطه السفر .. حلمها الوحيد ان تكمل دراستها بالخارج ..
التفتت لأمها لتردف : يايمه انا ماني صغيره ، عشان تخلين الحراس بعد يجون معي !
امها بحنيه : رتيل ! تدرين ان ابوك الله يرحمه لو عايش ماهو موافق بأنك تسافرين لحالك !
رتيل : الله يرحمه .. بس تخيلي الحراس يمشون وراي بالجامعة ! مابي يايمه .. بعدين رعد موافق اروح لحالي !!
ام رتيل : من يومك صغيره وراسك يابس
ابتسمت رتيل وباست راس أمها : بعد قلبي والله
ام رتيل : بانزل اجهز الفطور .. رتبي شنطتك بعد ساعتين طيارتك
رتيل : ان شاء الله
………………….
ابو رتيل : متوفي من سنتين ..
رتيل : سمراء اول جامعه .. بتكمل دراستها بباريس .. دائماً الي برأسها تسويه ..
ام رتيل : من بعد ما مات ابو رتيل وهي همها اسعاد عيالها .. طيبه وحنونه.. وبالنسبة لرتيل دائماً مدلعتها ..
……………….
صحى من النوم .. على ازعاج السيارات وضجيج الرياض .. دخل الحمام *اكرمكم الله*
اخذ شاور سريع ..
طرقت الباب ، مالقت رد منه ودخلت : رعد ؟
رعد طلع من الحمام ولبس ملابسه : هلا بالغاليه .. صباح الخير
ام رعد : صباح النور .. ها بتروح الشغل ؟
رعد : لا والله باوصل رتيل للمطار
ام رعد : زين عشان اجي معك .. الا ليه ماتخلي اي احد من الحراس يروح معها ؟ يعني راضي انها تروح لحالها !
رعد : يايمه ياحبيبتي .. رتيل كبيره وفاهمه وعن عشر رجاجيل ماشاء الله .. والشقه الي هي فيها معها بنت ..
ام رعد : بعد ! معها بنت ؟ لو ذبحتها وش نستفيد !
رعد ضحك على تفكير امه : هههههههههههه يايمه اي تذبحها وأي خرابيط .. البنت سعوديه ومسلمه !
ام رعد : قلبي مو متطمن من هالسفره
رعد ابتسم : تطمني رتيل رجاله
ام رعد : طيب الفطور جاهز يالله تعال
رعد : ان شاء الله
………………………..
في المطار
ام رعد : لا تروحين مع اي احد يناديك .. ولا تصاحبين الا سعوديات .. وكل ماطلعتي خذي معك جوالك واتصلي علينا كل شوي .. ولا تطلعين بالليل لحالك .. ولا
قاطعتها رتيل : ههههههههههههههه يايمه حسيتني بروح احارب! كلها ٤ سنوات وبارجع .. وكل اجازه بجيكم لا تخافين
.. ولا تنسين بنتك ذكيه وفاهمه
ام رعد : ولو .. الحرص واجب !
جاهم رعد : يالله رتيل
رتيل : الحين اروح ؟
رعد : ايه يالله
رتيل تحضن امها : يمه دعواتك .. وان شاء الله بس أوصل اتصل عليك ..
امها والعبرة خانقتها : استودعتك الله .. ان شاء الله تنجحين وترفعين رأسنا
رتيل ونزلت دموعها : ان شاء الله
رعد : لالا مانبي هالدموع يارتيل ! تشجعي .. وترى اذا صار عندي اجازه جيتك وجبت امي معك ..
رتيل ارتمت بحضن رعد : باشتاق لكم
رعد : واحنا بنشتاق لك ..
رعد أبعد رتيل عن حضنه : يالله عاد فشلتيني
رتيل ابتسمت من بين دموعها : يالله نمشي
نهايه البارت الاول الي مرهه قصير *.*
طبعا البارت الآول كله يتكلم عن رعد ورتيل وأمهم .. بتتعرفون على الشخصيات في البارتات الجايه ..
أتقبل نقدكم .. آرائكم .. تشجيعكم ..
بانتضاركم٣>
قراءة ممتعه $>
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
|
المشاركة الأساسية كتبها وردة الزيزفون
 صباح الخير .. ياهلا فيك بغرام … موفقة بطرحك … بداية قصيرة جدا ومافيها احداث ملفتة طولي البارت حتى تلاقي تفاعل وكثفي السرد والوصف لمكان الحدث وللشخصيات
القوانين / الإطلاع هام و الإلتزام ضروري وهذا الموضوع راح يفيدك ياليت تطلعي عليه |
ان شاء الله باحاول اني اطول البارتات و احط احداث ملفته اكثر ..
مشكوره نورتيني < 3
—————-
صعدت الطياره بكل خوف .. لاول مره تسافر بدون امها واخوها ..
دعت ربها ان يسهل عليها الدراسه ويبعدها عن كل شر ..
جلست مكانها بجانب بنت متحجبه : السلام عليكم
..: وعليكم السلام
..: مبين عليك سعودية ؟ .. اعذريني اذا يحرجك ..
رتيل : لا وش دعوه .. انا من الرياض بس جيت اكمل دراستي ..
مدت يدها لتصافح رتيل : اسمي غاده
رتيل بابتسامه : وانا رتيل
غاده : اسمك يعجبني .. انتي جاييه لحالك ؟
رتيل : ايه .. وانتي؟
غاده : ايه اصلا دائماً اسافر لحالي
رتيل : تسافرين كثير ؟
غاده : ايه .. اصلا ماعندي الا اخو واحد .. وكله مهتم بشغله ..
رتيل : اي مثلي عندي اخو واحد ..
غاده : كويس
—————–
دخل بيتهم الصغير جداً .. بيت قديم ومهترئ ..
وحاره صغيره وهاديه وعلى قد حالهم ..
دخل الصاله الصغيره ليصرخ : ممهااااا .. ممهههااا وجع ان شاء الله
مها جت تركض : ها ببغيت شي ؟
.. : افصخي جزمتي *اكرمكم الله*
مها جلست لتخلعها : وش تبي غداء ؟
.. : هه ! ليه انتم عندكم غير الرز ياوجه الفقر ؟
مها : استغفر الله .. ريان انت لازم تتغير ! مايصير كذا ! .. تعاملنا كاننا خدامات ؟
ريان : خلصتي كلام ماله فايده ؟ والحين يالله روحي نادي اختك هالزفت خليها تغسل ملابسي
مها : غاده سافرت وش فيك انت !!
ريان بصوت خفيف : احسن روحه بلا رده ان شاء الله
مهاى: قول استغفر الله حرام عليك !!!
ريان : وخري بس عن وجهي
——————–
رجعو من المطار يدعون انها تنجح وترجع بالسلامه
ام رعد : اقول يمه ، عيال عمك لين الحين ترسل لهم فلوس ؟
رعد : ايه بس بدون مايدرون انه انا
ام رعد : ليه يايمه ؟ انت ماتشوف حالتهم ! منتفين ماعندهم شي ..
رعد : عندهم ام
ام رعد : هه امهم ماتدري عن هوى دارهم
رعد بضيق : يمه وش علينا من الناس ؟
ام رعد : هذول صارو ناس ؟ هذول عيال عمك .. بعدين ابوك الله يرحمه وصاني فيهم
رعد : وإحنا ان شاء الله الي نتكفل فيهم ؟
ام رعد : مالت عليك طول عمرك تفكر في نفسك
صعدت وتركته
رعد : ياليل هذا وقت الزعل ، اففففففففف !
جت الشغاله : هذا في واحد يبغى انتا في تليفون
رعد بتكشير : طيري انتي الثانية ماني فاضي لك
الشغاله : ايش تقول بابا ؟
رعد يصرخ عليها : اقولك انقلعي
الشغاله راحت بدون ماتقول ولا كلمه ..
————-
.. : ابغاك تراقب لي كل حركاتها لا تغيب عنها دقيقه وحده .. فاهم ؟
.. : ان شاء الله
^ نهايه نص البارت الثاني *-*
يمكن الاحداث مو ملفته كثير .. والبارت قصير مره
بس عشاني الحين كتبته ونزلته .. ومخي فاضي
عالعموم اذا فيه اي ردود راح اشد حيلي اكثر < 3
قراءة ممتعه < 3
نتظر البارت الجاي لا طولي حبوبه
|
المشاركة الأساسية كتبها بنت خققه
البدايه خوقاقيه روعه
نتظر البارت الجاي لا طولي حبوبه |
ياهلا فيك .. نورتي صفحتي ياجميله< 3
تسلمين انتي الاجمل
ان شاء الله بحاول ماتاخر بتنزيل البارتات ..
نورتيني < 3
ااممم كيفكم ياعضاء المنتدى القميلين *-* ؟
الى الان مافي اي تفاعل اشوفه -.-
بسس بضل اكتب لين مالقى تفاعل بإذن الله
عالعموم مواعيد البارتات كل سبت & ثثلاثاء
وإن شاء الله اطول البارتات واحط احداث ملفته
تحياتي ..