كيف الحـآآل .. انشآآء الله تمإأإم
هآآ انا آآريد آن اعَرضُ عليكم روايتِي الاخـَرى
قـَد تكون روايتي الآولى ( حبك كل يوم يكبر بقلبي ) قد نالَت اعجأإأب البعَض
والبَعـ~ض الآخر قد يكَون لآآآآآ
ولكـَن سأعـَود بروآآآيهـ آخرى يمُكِنٌ أن تحـ~ظى باعجآآآبكم
&&&
هذهـ المـــرهـ سأإأغييير طريـــقَهـ كتَــابتِي
ومـثـل ما كنــت عليــِه ســابقاً الاشـخاص ستتعرفوا عليهم بالروآآآيهـ …’’
&&&
أنــأإأ وروآآآيتي كآلكـتــأإأب المـفتــوح
ها أإنــ~ــا اقــدَم روايتــي
{{ذَآكـ إلـي تحَبـهـ حُب بـاكِر بعــدهـ غــآيب ..}}
brb
لــي بـــآآآك
مع البـــآآآرت الأوول
في احد مستشفيات الرياض
واقفه عند العنايه تنتظر احد يطمنها على اهلها
بعد
1 ساااعه
ساااااعتين
ثلاث ساعات
طلع الدكتور
جت تركض : ها بشر يا دكتور
دكتور: ان لله وان اليه راجعون
منال: وش قصدك يا دكتور
دكتور : امك وابوك ما توا
منال ترجع على ورى مسكت فمه وبدت تطيح دموعها على اهلها حاولت تمسك اي شيء مالقت الا الكرسي وطاحت بكي ومسكت راسه وجلست على هذي الحاله نص ساعه بعدها حاولت تصحصح شوي وقامت وصارت تمسك بالجدار شوي شوي ليـن وصلت نص السيب وما قدرت تكمل وطاحت مغشي عليها
&&&
اليوم الي بعــده
كان يمشي وكان لابس الباطو وحاط يدينه بالجيب ولابس نظارات سوده ورافعها ومعه الكوفي
قطع عليه جوه الرايق صوت صياح بنت والممرضات يحاولون يسكتونها
دخل عليهم
هو : وش سالفه الممرضه هذي
الممرضه السعوديه : لا بس اهلها ماتوا امس وطاحت مغشي عليها
هو : اها طيب اتركوها لي
الممرضه : ان شاء الله تامر على شيء ثاني
هو : لا خلاص
وطلعت وسكرت الباب
جلس على الكرسي وهي للحين مجمعه البطانيه بحظنها وتصيح
هو : لو سمحتي وش فيك
منال بصراخ : ما فيني شيء قلت لكم اهئ اهئ > وتقعد تصيح <
هو "شكل حالتها بالطول " : طيب احكي قصتك كامله ابي اسمعها
منال: وش تقصد بانك تبي تسمعها
هو : عشان اقدر اساعدك
منال وبدت تهدى : كيف يعني
هو : اقدر اساعدك تجتاوزين هذي المصيبه الي انتي فيها بس انتي احكي لي القصه
منال: احنا ساكنين بالشرقيه بس احنا من اهل الرياض وكنا بنرجع للرياض وفي الطريق صدمنا وجو الشرطه والاسعاف ونقلونا للمستشفى هذا وانا طلعت سالمه بس امي وابوي الي راحوا اهئ اهئ <تصيح >
هو : يووه رجعنا للصياح اسمعيني قال الله عز وجل في كتابه (كل نفس ذائقه الموت ) والي تسوينه ما يصير مفروض تدعين لهم وهم ما يبون منك الا الدعاء وكلنا بنلحقهم
منال : ما تقصر
هو : الا اسمك وش
منال : منال ال…..
هو : كم عمرك ؟؟
منال : 24 سنه
هو : العمر كله وانا اسمي نواف ال…. وعمري 26 سنه
منال : تشرفت
نواف : وما اشوفك صايحه مره ثانيه وعد
منال وتمسح دموعها وترفع عيونها لانها ما رفعتها ابد وفهت : و.عـ..د
نواف كمان فهى : انا طالع اذا بغيتيني ولا الممرضه دقي الجرس
منال: يعطيك العافيه
نواف وهو يطلع : الله يعافيك
طلع
&&&
عند منال
منال " والله انه حلوو .. الحين هذا وقته اقول حلو ولا مو حلو ما يهمني .. الحين ماعندي اهل الا عمي فهد الله يعيني يعني بعيش عنده آآآآآآه "
&&&
عند نواف
مشى لين الكافتيريا وجلس وهو يفكر بمنال وغرقان بعيونها
قطع افكاره طقت ريم من الظهر
نواف : وجع
ريم : وش فيك
نواف : بالله في بنت تخبط كذا
ريم : انا
نواف : اقول اكرمينا بسكوتك وسرح
ريم : وش عندي اليوم قاعد تسرح لا يكون عاشق من الدكتورات ولا المريضات
نواف: هذي اخت الحمدالله والشكر
ريم : المهم شفت المريضه الي بغرفه 157 اهلها ماتوا امس يا حياتي رحمتها
نواف : الله يعينها
ريم : الا انت الدكتور المشرف عليها صح
نواف : ايه ليه
ريم : لا بس الله يعينك تعبوا الدكتاره عليها
نواف : بيعيني ربي وخذ الكوفي وراح
ريم : وين وين
نواف : عندي مريض
ريم : طيييب
راح لمكتبه وجلس ودخل المريض عليه وكشف بس صحيح انه مو معه الا انه عقله وقلبه مع منال والعكس صحيح
&&&
احم احم
منال : انساانه حلووه جميله بيضاء وطويله وعيونها زرق عشان امها فرنسيه وجسمها حلوو واحلى شيء خصرها
وخشمها صغير وحلو شفايفها زي التوت وصغار وحلوين
نواف : ابيض له سكسوكه وشنب لون عيونه عسلس معضل وشعره ناعم وخشمه طوويل
ريم : سمراء فاتح عيونها كبار وخشمها طويل زي اخوها ومتينه شوي
&&&
اليوم الثاني
بـــــــــس
لما اشوف تفاعل اكمل وبتصير اكشنات بالبارتات الجايه
…
بسم الله
و عليكم الســــلام و الرحمة
يعطيك العـــافية
إطلعي على الرابط هذا بـ يفيدك النقــــاش
محتوى الروايات ! / دعوة لـ النقاش ؛
موفقة إن شـــاء الله
,’
موفقه إن شاء الله بطرحك
~
الـــيــــــــوم الثـــــانـي
جالسه وسرحانه بالي يصير فيها وانها كيف بتتقبل تعيش مع عمها
العصبي البخــــيل مع انه مستوى المعيشه كويس مررره وغير هذا ولد عمها عبدالله الي ما ترتاح له ما تدري ليه وقطع عليها وحده تدرعم بالباب ريم : هلا شلونك اليوم
منال بهدوء : الحمدالله احسن من امس وانتي كيفك
ريم :عال العال كيف خدمه المستشفى والممرضات
منال: كويســين
ريم : زين عجبك خدمه مستشفى جدي وعماني
منال : مستشفى اهلك؟؟!!
ريم : ايووه
منال : اهاا وانا اقول انك ما شاء الله
دوامك على كيفك
ريم : حرام عليك وربي انه ناشب اخوي لي على الدوام
منال : اخوك ؟!يشتغل هنا
ريم : ايووه ..بعد هو المشرف على حالتك
منال: الدكتور نواف ال…..
ريم : وصلتي خير ايووه اخوي
منال : والنعم فيك واهلك
ريم : الا ان خرجوك وين بتروحين
منال بحزن : بروح لعمي فهد
ريم : اهاا الله يخليه لك
منال بصوت خافت : آآمين
ريم : اي بعد بقولك ترى كل يوم بنشب هنا عند غرفتك
منال بضحكه : وش دعوه يا .. الا وش اسمك
ريم : اي صح ريم ال…..
منال: وانا منال ال…..
ريم : تشــرفت بك
منال : وانا اكثر
ريم توها بتتكلم الا قطع عليها دخلت السيستر
السيستر :دكتوره ريم عندك مريض
ريم : اي طيب جايه < وتناظر منال > بروح للمريض الحين باي
منال : بااي
وطلعت ريم
منال " يا حليلها والله انها خفيفه دم "
&&&
على العصر ,,
جت بنت تركض دخلت علطول للاستقبال
البنت : لو سمحت
الموظف : نعم
البنت : المريضه منال ال…. كم رقم غرفتها
الموظف ويناظر الكمبيوتر ويطقق على الكيبورد : غرفه 375
البنت : مشكووور اخوي
الموظف : العفو
وراحت جري لغرفه منال
طقت الباب جاها ردها تفضل
دخلت
البنت تبكي : منال وش صار لك انتي بخير
منال : شوفيني بخير ما فيني شيء
البنت : طيب وش صار لك اشرحي لي
منال : اسمعي يا ندى الي صار ………………………………………….. ……………………………………….
&&&
عند نواف جالس بمكتبه
دخل خويه الدكتور سليمان
سليمان : هلا
نواف بدون نفس : هلا
سليمان : لا الاخ راح فيها وش فيك ترد بدون نفس
نواف : يالله سليمان ضف وجهك
سليمان : لا والله وش فيك
نواف : ماني متكلم
سليمان وهو عارف انه نواف ان كان متضابق ما يتكلم : الا ماشفت المريضه الي بغرفه 375 جت بنت تزورها
نواف : والله جاء احد يزورها
سليمان : ايه دخلت عليها وهي الحين عندها
نواف : ما توقعت احد بيجي يزورها
سليمان : شفت اختك اليوم متى داومت
نواف : متى ؟.؟
سليمان : 1 الظهر وودامها العمه 9 ويوم سئلتها تقول راحت علي نومه
نواف :هههههههههههههه بروح اتناقر معها وقام راح لها
&&&
ندى :يووه كل هذا صار لك
منال : الشكو لله
ندى :طيب وين بتروحين اذا خرجوك
منال :طبعا لعمي فهد
ندى :يوووووه الله يعينك
منال تنهد بقوه
ندى بحزن : كان ودي اخليك تجين عندي بس انتي تعرفين
منال : اعرف اعرف
ندى : ما قلت لك ابوي تزوج مره ثالثه
منال شهقت : يؤ يؤ
ندى : بس تعرفين ناطلنا انا واخوي بالبيت لحالنا واهو مطلعها ببيت لحالها
منال : الله يعينك
ندى قاطعها جوالها :منال هذا محمد دق
منال :ردي
ندى : ردت
طيب بطلع …. فهمت ثواني وطالعه …….باي
وطلعت ندى وراحت لسياره اخوها
&&&
ندى : كبر منال انسانه طيبه بيضاء نحيفه ملامحها حاده
ماتت امها بجلطه فابوها عاش صدمه وتركهم ببيت لحالهم هي واخوها محمد وتزوج وحده وطلقها والحين تزوج الثانيه
&&&
صباح يوم جديد
وجاء اليوم الي بتخرج منه منال من المستشفى
دخل نواف عليها صباح الخير
صباح النور
شلونك اليوم
الحمدالله احسن
ترى جاء عمك امس وهو جاي العصر يخرجكـَ
تنهدت .طيب
وطلع
حطت راسها وهي تندب حظها
&&&
العصَصَر ..
جاء فهد عم منال وكتب خروج لمنال وراح لغرفة منال دخل
عمها فهد هيي انتي يالله بسرعه
طيب هذاني جايه
افف وسحب يدها ولسياره دخلها وراء بعنف وسكر الباب
ودخل السياره وهو يسوق ويدخن ويزين مرايه السياره
اسمعي من اليوم ورايح بتصيرين جاريه عندي وعند مرتي ســـامعه وشدد على السين
غطت وجهها ايــــه بكل حزن قالتها
وصلوا
فتح الباب وسحبها ودخلها ودفها على الارض وهي تصيح
جت مرته سمر
سمر : هذي بنت اخوك
فهد : اييه و تصرفي معها
سمر : من عيوني
فهد : خليها تروح للمطبخ تحط الغداء وعلميها شغلها
سمر : اكيييد انت رح غير ملابسك
فهد : يالله وصعد الدرج
سمر جت مسكتها من شعرها :هيي انتي
منال : نععم
سمر :نعاااااااااامه ترفسك انتي بنت اخوي زووجي
منال : اييييه
سمر : ويعييه
وتسحبها من شعرها للمطبخ
سمر : شوفي كل يوم انتي الي بتطبخين و تغسلين وتنظفين ولا كلمه اسمع منك فـــــاهمه
منال : ايييه
سمر : يالله حطي الغدا
اشرت منال بمعنى اييه
طلعت سمر
منال تبكي الضيم الي بتعيشه تبكي عزوتها الي راح واشتاقت له تبكي حنان امها
بعدها تمشي بتروح تحط الغداء براس مكسور
عند السفره
سمر : حطيه مثل الناس
منال : حاضر
سمر : اففف منك وهذا اول يوم كذا
حطت الاككل وراحت للمطبخ
دخلت شافت صحن صغير رز ومويه
هذا الي وافقت عليه سمر
وراحت تاكله
بعد الغداء غسلت المواعين وجلست بالكرسي سرحانه
دخلت سمر
سمر :تعالي اوريك غرفتك
منال سكتت ومشت وراها
دخلت الغرفه
كانت غرفه صغيره سرير عادي وكمودينه ودولاب صغير
حمدت ربها على النعمه وجلست وحطت اغراضها بالدولاب وانسدحت وغطت بنووم
&&&
انتهــــــى البااااااااارت
توقعــاتكم ..\
ندى وش بيصير مع ابوها وزوجته ؟؟
منال وعمها ومرته وش بيصير عليهم
نواف هل بيترك حبه يروح هباء منثورا
…..
تابعوني
اختكم : خذني بحضــنك
يعطيك العافيه
يا بــــــوي ..,,
ليــت يووم شالوك بالنعش شالوني بديلك ..×
…~
صحت الفجر 6:30
دخلت الحمام وتروشت ولبست قميص بيت عاااادي ورفعت شعرها وراحت للمطبخ تجهز الفطور
الا على نزله سمر وتدخل المطبخ
سمر : هيي انتي
منال : نعم
سمر : حطي الفطور الحين لان عبدالله وابوه بينزلون يفطرون بعدين تغسلين المواعين و تروحين
للغسيل وتخلصينه وبعدين تعاليلي اقولك الباقي
منال : ان شاء الله
سمر : يالله تحركي
راحت منال وحطت الفطور
فهد لاهي بجواله يكلم
سمر : مرره ثانيه حطي الصينيه مثل الناس
منال ساكته
عبدالله كان يناظر منال
وما فاتت على منال
خلصوا فطور
وخلصت منال شغلها الي قالتهم سمر
راحت منال لسمر ووقفت عند الصاله
سمر : انتي تدرين اني اطبخ وابيع للعزايم واليوم عندي طلبيه وابيك انتي الي تطبخين والشغالات يعلمونك عشان تتعلمين وهم مالهم شغله اسبوع ورايحين لديارهم والبقيه عليك واليوم الطلبيه الساعه 9 انتي مخلصه يويلك لو تأخرتي دقيقه
منال انصدمت : حاضر على امرك
ودخلت المطبخ وبدت تسوي المفطح والحلا و الجريش و المرقوق
ما خلصت الا على 9 وربع
والسواق ودا الطلبيه
جت سمر وهي معصبه
: مفشلتني عند الناس اقولك 9 يعني تسع وحضرتك 9 وربع
منال: والله ان الشغل كان كثير
سمر : وتراددين بعد صدق ناس ما تستحي وعشاء منتي متعشيه ويالله اشوه غسلي الحوش ونظفي البلاط عقابا لك
منال: طيب
الساعه 11
توه مخلصه تنظيف بلاط
دخلت وهي مكسره وانسدحت على السرير وهي تفكر بنواف
" وحشتني سواليفه وتخفيفه لحزني يااه هذا الانسان صدق شكلي حبيته بس وربي يستاهل انسان والنعم بس يا منال حظك مو زين حبيتي شخص ما في امل يحبك "
&&&
ندى : حموودي
محمد : نععععم
ندى : وش فيك علي
محمد: الحين حنا ساكتين
ندى : طيب طلعني
محمد : وين اطلعك مثلا
ندى : المطعم مثلا < تتمسخر عليه >
محمد : تتمسخرين علي ها اجل ما كو طلعه
ندى : لا حمودي مو قصدي
محمد : الا قصدك ويالله ما في طلعه واطلعي من غرفتي
ندى : وهي تطلع وتتحلطم : اصلا هو يبيها من الله
محمد :هههههههه
&&&
في بيت ابو نواف
جالسه ريم متربعه على الكنب ومعها بوب كورن
نواف جالسه معها
نواف : ما تستحين انتي قبالك اخوك وتجلسين كذا
ريم : لا انا اقلدك
نواف : تستهبلين انا جالس عادي وتقول اقلدك
ريم : لا اقصد انك متربع بقلبي فقلت يا بنت الناس قلدي جلسته واجلسي متربعه
نواف : تتمسخرين علي انتي
ريم : لا حشــى
قطع دخلت امهم
ام نواف : وش فيكم بس تتناقرون تتهاوشون
نواف : بنتك شوفي شلون جالسه خليها تحترمني
ريم : افا يا ذا العلم ما هقيتك تقول هذا الحكي عن اختك
نواف قام : انا لو اجلس عند هذي بيجن جنوني
ام نواف وريم : هههههههههههه
&&&
اليــــــــــــوم الثـــآآني ..,,
العصر ..
قاعده تشتغل بالمطبخ ومركزه بالشغل
جت مرت عمها
سمر : اليوم في طلبيه حلا 7 صياني و جريش بحافظه كبيره على الساعه 6 المغرب انتي مجهزه كل شيء وتطلع
خلصت الطلبيه مبكر
وسالمه هالمره
&&&
في بيت ابو نواف
ام نواف تصوت من الدرج : رييييييييييييييم رييييييييييييم
ريم : نعععععععععم
ام نواف : تعالي ابيك بسالفه
ريم : يالله قولي
ام نواف : ترى بكره في عزيمه عند عمانك تجهزي
ريم : بتجي ميم نقطه نون
ام نواف : مين ذي بعد
ريم : اووه اقصد جمانه
الا دانه من وراها
دانه اخت ريم ونواف بثالث ثانوي مزززززززززاجيه
دانه وهي تتخصر: اعلمك يمه ليه < وتناظر ريم بنص عين >
ريم : قولي ما هميتيني عاد مت من الخوف < وتسوي نفسها ترتجف >
دانه : طيب طيب <وتلف على امها > قصدها ميم يعني معجبه ونون يعني نواف بالعربي الفصيح معجبه نواف
ام نواف : هووو من قال ذا الكلام
ريم تحط رجل على رجل : من دون احد يقولي انا لي عيون واشوف
دانه : ايه جتكم الخبيره
ريم : خبره تفتح العينين <وتلعب بحواجبها >
ام نواف : الحمدالله والشكر
ريم : يممه تتحمدين علي
الا نواف يفتح الباب
نواف : من حقها تتحمد .. السـلام
الكل : وعليكم السلام
ريم : بعدين وش من حقه تتحمد < وهي تقلده >
نواف : وانا عند ربي صادق
ريم : لا والله صادق بالطل
نواف : اقول اهجدي بمكانك بعد حتى المبزره يحكووون
ريم توها بترد
ام نواف: احترموني ولا صرت انا والجدار واحد
نواف : الا الغاليه محد يزعلها امري تدللي
ام نواف تتنهد : يا جعلي اشوف
عيالك ومرتك قبل اموت
نواف : الله يطول بعمرك يا يمه وذا الطاري ما بي اسمعه وبعدين تتنهدين ليه هم عليك تبين تزيحينه
ام نواف : حشى والله بس انت يا وليدي غير ابي اشوف عيالك
نواف : زوّجي حمد
ام نواف : حمد مسافر برآآ يكمل دراسه
نواف : يمه انا لما اشوف اني ابي اتزوج اجي لمك واقولك بس الوقت الحالي لا
ام نواف : ليه
نواف : ما ني مستعد نفسيئآآ ولا معنويآآ وبعدين ما بي اجيب مرره تزعجك وبعدين كل الي قلتي عنهم مبزره وعقولهم صغيره وانا انسان ما ابي اربي بنت الناس وهي تبي تربي عيالي
ام نواف : الله يرضى عليك يا
جعل عيني ما تبكيك
نواف : ابتسم
ريم : اللــــــه كل هذا حب لولدك عطينا لو نص اول ما شفتي قمتي تهلين وترحبين انا اول ما تشوفيني سويتي محاضره شكبرها وعرضها
الكل : ههههههههههههههههههه
&&&
السآآعه 3 الليل
صحت منال على ازعاج بالصاله
طلعت تشوف
شافت عبدالله سكراان
وقاعد يغني ويقول كلام مو مفهوم ويترنح ويوم شاف منال قرب منها مسك يدها وباسها
وخرته بقووه
منال : يا حقير
عبدالله : لا يا حبيبتي وهو يترنح مو كدا خليك رايقه
قعد يتلمس وجهها بيده وخرت بيده ودفته بقوه وهي تصيح
منال : بعد عني يا نذل
وتركض وهي تصيح
عبدالله بصوت عالي : ما ردك لي وتشوفين
زاد بكاها مع ذي الكلمه
……نهايه البـآآرت
توقعـــــــآآآتكم ..؟؟!!
منال كيف بيكون حالها من بعد الموقف ؟؟
….
عبدالله وش ناوي عليه ووش قصده بالجمله الاخيره ؟؟
….
نواف وش بيصير عليه وتلزيم امه على الزواج ؟؟
….
((جمآآنه )) ومعنا اللقب ميم نقطه نون ؟؟
….
ندى واخوها وحالهم من دون ام واب بيتغير ولا يبقى كما هو ؟؟
….~
يالله السؤال
اكثر موقف عجبكم ؟
..{
تابعوني
اختكم ..خذني بحضـــنك
عشت حيــآآتي كلهـاآ صدمـــآآت ..
وهم وراء هم شلته كـــل الآوقــآآت ..
……..
دخلت بسرعه جنونيه وسكرت البــآآب
وراحت تقفله كم قفله ومسكت صدرها وغطت وجهها وقعدت تصيح وتحمد ربها انه حماها من عبدالله وراحت للفراش ونــآآمت
…….
صبــآح يوم جديد ..^^
صحت وهي تشوف نفسها ناحفه وعيونها تحتها هالات وضحكها قل وصارت بس تصيح
وراحت بسرعه للمطبخ وبدت تجهز الفطور
بدوا ينزلون واحد وراء واحد
لين اكتملوا
وعبدالله يناظر منال في كل حركه
ومنال تتحاشى نظراته والرعب والخوف بداخلها
وحطت الصياني وهل المره سلمت من تتناقرها هي وسمر بس ما سلمت من نظرات عبدالله
&&&
في بيت ابو نواف
على طاوله الفطور
كلهم على الطاوله ما عدا البنات
نزلت دانه بابتسامه كبيره : صبــــآح الخير
الكل : صباح النور
نواف : عساه دووم الفرحه
دانه : تسلم خيو
نواف :يا شين حكي اهل الشام منك
دانه سوت نفسها ما تسمعه
ام نواف : وين اختك
دانه : شيء جديد زي العاده
ام نواف : الله يعيني عليها
دانه : الا وين ابوي
ام نواف : راح مبكر
دانه : وانا اقول ما شفته اليوم
نواف: يعني جبتي انجاز
دانه : اقول ما ودك تاكل
نواف : وين ريم ودي اناقرها قبل ما روح
الا ريم تمشي بتكاسل في الدرج
وتجلس على الكرسي
ريم : يمه صبي حليب
نواف : لا سلام لا كلام على طول صبي حليب < يقلدها>
ريم : ترى مقفـــله معي ومالي خلقك
نواف : يالله عجلي بوديك انا
ريم وهي تشرب شرقتت : كح كح لا مـــــآ بي
نواف: لييه ان شاء الله
ريم : ويين بدري احد يروح ذي الحزه
نواف : طيب عادي وش الفرق اذا رحتي بدري
ريم : الآ اووم الفرق وانا وراي شغل
نواف: بالله وش ذا الشغل
ريم وهي تعد بيدها : وراي لبس واستشوار واحط كريماتي و بشوف اعاده مسلسلي بيجي بعد شوي و وو..
نواف : خلاااااااااااص تكفين فهمت وترى يويلك الساعه 9 اشوفك بالمستشفى
ريم : اييه ان شاء الله
نواف : يالله يمه طالع وحب راسها وطلع
ريم : كملت فطورها وراحت تتابع اعاده مسلسها
والســآآعه 9 راحت للمستشفى
&&&
عند ندى واخوها
ندى جالسه تاكل بهدوء
محمد : اليوم بيجي ابوي ومرته
ندى : كشرت : ماني طالعه لهم
محمد : اطلعي احسن مالي خلق مشاكل
ندى : بس مابي اشوفهم
محمد : تحملي يا ندى اليوم بـس
ندى تنهــــــدت : آآآه طيب يا محمد وراحت لبست عبايتها وراحت مع السايق للجامعه
&&&
عند بيت فهد ..
سمر بالصاله وجالسه تشوف التلفزيون ومعها حب ومكسرات
سمر : منـــال ..منـــأألوه .
جت منال : نعم
سمر : نظفتي المطبخ والحوش
منال : ايه
سمر : ترى عمك قال بيجوبون اغراض اهلك من البيت المهمه والباقي بيخليها لانه بيبيع البيت
منال دمعت عيونها يوم تذكرت
اهلها
سمر : يــالله بتسوين مناحه ومسلسل هندي ذلفي عن وجهي فــآآهمه
وراحت منال لغرفتها وتصيح لذكرى اهلها
&&&
في العصر
راحوا اهل بيت عمان نواف
في صــآله البنات
ريم : هلا صبـــــآيآ
الكل : اهلـين
ريم : كيفكم
الكل : تماام
ريم : في مدرسه حنا كلكم مع بعض تردون
ربى : حلووه بس لا تعيدينها
ريم : اكرمينا بسكوتك
ميـآر : شلوووووووونك
ريم : تمام
هنادي : كيف الدوام
ريم تنهدت : لا تزيد المواجع دامني قد نسيت
يارا : والله انك مسخره
ريم :هيه انــآ مسخره وش تصيرين انتي
يـآرا توها بترد
الا قطع هنادي
هنادي : خلااص ما تركدون بدون هواش
ميـآر : وين جمانه
كلهم بوزوا
الكل : ما ندري
جمانه دخلت وهي تتمخطر
جمانه : هآآي قيرلز
الكل : هااي< بدون نفس >
جمانه : افف حرر وتهوي نفسها بالبلوزه
ريم : اوما عاد حر وانتي لابسه كذا
جمانه : شقصدك
ريم : الي على راسه بطحها يتحسس عليها
جمانه : جتكم الحكيمه عـأد <تضحك استهتار >
ريم تنرفزت : امسكي لسانك لأجي واقصه لك
جمانه : اعلى ما بخيلك اركبيه
وطلعت
ريم : انا اوريها مآ اكون انا بنت ابوي لو ما اخليها تصيح
البنـآت : مسويلي فيها ثقيل اقول بس استريح
الكل : هههههههههههههههههههه
ريم : وين دانه واثير
ربى : راحوا يتمشون بالحديقه
ميار : تعرفين كبر بعض
هنادي: كيفهم خلينا نرقص
ورقصوا
&&&
على المغرب ..
في بيت فهد
جابوا اغراض اهل منال المهمه
جلست منال تناظر
شافت صوره لابوها خالد وهو لابس الشماغ والثوب وسكسوكه وملامحه الحاده والطيبه مع بعض وكان بالعشرينيات ضمت الصوره وهي تتذكره
والصوره الثانيه امها وابوها وهي بحوش بيتهم كانت امها لابسه تنوره وبلوزه عاديه وابوها بالثوب وهي بالفستان الوردي الطفولي وقعدت تبكي وتناظر اغراض امها
لين لفت نظرها بين الاغراض ظرف بني كبير شوي فتحته
شافت ثلاث جوازات
فتحت الاول شافت ابوها
وهو بالثوب والغتره << هالمره غير هع
ابتسمت وكان له هيبه مع انه مرره طيب
فتحت الثاني
شافت امها ساره متحجبه وملامحها الطيبه وعيونها الكبار شوي وتجذب وغريبه شوي
فتحت الثاني
شافت نفسها ايه نفسها
كانت متحجبه وملامحها بريئه للغايه << متعوب عليها
ابتسسمت لذكرياتها
كملت تشوف الباقي
شافت ظرفين رسايل فتحتهم
الاول :
بسم الله الرحمن الرحيم
السلام عليكم
بنتي منال ..
هذي الرساله بتكونين شايفتها وانا ميت وكنت موصي المحامي ما تشوفينها الا بعد موتي
انا داري انك تبكين الحين بس وش بيفيد البكي وانا اوصيك يا منال لا تضيقين خلقك انا ما كنت ابيك تتضايقيين وانا موجود فما ني راضي تتضايقين بعد موتي وحطي كلامي حلق باذنك
الكلام الي بقوله هو الحقيقه
امك ساره ماهي امك الحقيقيه
امك الحقيقيه حيه تطلقت انا وهي بعد مشاكل صارت اصرت انها تاخذك بس انا رفضت رفض ورضت بالامر الواقع وراحت لبيت اهلها وتم الطلاق وانا بعدها تزوجت من ساره واتفقنا نخبي السالفه ولما اشوف الوقت مناسب بقول لك امك اسمها نوره ناصر ال……
وقفت عند الاسم وشهقت شهقه طويله
منال " معقوله الي ببالي صح معقوله اكون انا اهئ اهئ "
*
*
*
ماني قايله لكم لما اشووووووف الردود والتوقعات الي تثلج الصدر واطيح من الكنب من الفرحه هع
نهــــــآيه البــــــآرت ..
توقعاتكم :-
منال ليه شهقت يوم سمعت اسم امها ؟؟
*
ندى ومحمد وش بيصير بجيت ابوها ومرته ؟؟
*
جمانه وش بتسوي ذي الانسانه ؟؟
*
الشخصيات الجديده ورايكم فيها ؟؟
…….
ابي توقعات ترى والله اليوم مارحت مع اهلي للسوق وجلست اكتب من العصر لين الحين ^_^