العائلة الأولى:
حسين (أبو علي ) صاحب أكبر الشركات وأضخمها صحيح انه جاد وقت الشغل لكن قلبه طيب مع الكل ويحب يساعد الناس وأهم شي عنده انه ما يظلم أحد.
أما الأم فهي مريم صحيح إنها زوجة صاحب أكبر الشركات لكنها متواضعة لأبعد الحدود تحب تساعد الناس وأهم شي عندها زوجها وعيالها.
نجي لعيالها إلا هم علي و زينب وخالد
علي هو أكبر عيالهم عمره 25 عازب ملتزم يحب القراءة لدرجة غير طبيعية يعني ما في كتاب ما قراه لووول أما من الناحية الشكلية فهو عادي جدا اسمر وجسمه مو مليان ولا نحيف ويلبس نظارة طبية >>> طبعا من كثر القراءة.
أما زينب عمرها 19 وهي البنت الا جت لعيلة ابو علي بعد علي زينب بنت وسيمة جدا أخذت من أمها بياض البشرة والشعر الناعم ومن أبوها العين الواسعة مع الرموش الطويلة وأنفها المنسل مثل السيف زينب بنت حبوبة وطيووبة حدها تموت ع دراستها و أمنيتها انها تكمل دراستها في الطب وتصير دكتورة .
ومثل ما يقولون لكل قاعدة شواااذ وفي هالعيلة الا شاذ عن القاعدة ومو طيووب مثل الكل هو خالد آخر العنقود وعمره 18 في سنة أخيرة ثنوي هو وسيم جدا مثل زينب أخته بس مو طيب مثلها مغرور وشايف روحه ودوومه يحس روحه فوق الناس.نروح للعائلة الثانية
محمد ( أبو عبدالله) الدكتور المشهور مزااجي واايد متزوج من استاذة لغة عربية واسمها حنان وأما شخصية حنان فراح تعرفوونها بعديين خلها مفاااجأة .
صار لهم متزوجين 12 سنة والله ما رزقهم بعيال .
بس تبنوا لهم بنت اسمها شوق وعمرها 16 سنة اي في اول ثانوي وحركاتها وعقلها ما يدل على انها وحدة في اول ثانوي دووم الناس تحسبها انها اكبر من سنها طبعا لما ياخذون من ناحية العقل اما من ناحية الشكل فالكل يحط عليها اصغر من سنها شوق بنت حنطااوية ((يعني مو سمرة ولا بيضة)) الا يميزها لون عينها العسلي الا مثل لون شعرها بالضبط رشييقة مثل ما نقوول وبس وطبعا شوق ما تدري انها مو بنت الدكتور محمد والاستاذة حنان.أما العائلة الثالثة
هي عائلة سالم ( أبو محمود ) شخصيته وااجد مقعدة فتشوفه بخيل ومو بخيل طيب ومو طيب بس دائما الجانب السلبي يكون طاغي على شخصيته وراح تتعرفون أكثر على شخصيته لما تقرون الرواية.
وهو متزوج ثنتين لأنه تزوج الأولى وهي زهرة والله ما رزقه بعيال منها زهرة شخصية طيبة لأبعد الحدوووود وتصل فيها الطيبة درجة الطيبة لسذااجة.
أما زوجته الثانية وهي رؤى أهم شي عندها صحتها والفلوس وما يهمها أي شي في الدنيا غير هالشيين تخاف ع روحها لدرجة غير طبيعية وتحب فلوس بدرجة أكثر .
وحتى عيالها ما يهمونها بس زرعت في عيالها الحقد والكره وحب الفلوس والدنيا .
وعيالها هم خلود الا مو خليه حد في حاله حتى زوجها وعندها 3 عيال حسام و محمد و هند , حسام عنده 7 سنوات بالصف الأول ومحمد 5 سنوات وهند الا عمرها بس شهر ونص.
ومحمود وعمره 21 الا النفاق منزرع فيه مناافق لأبعد الحدود.
أما العقل الشيطاني ابراهيم هم هذا راح تتعرفون عليه من أحداث القصة.
وعندنا هم العاايلة العراقية الا راح تكوون هي العائلة الكوميدية بالقصة راح تتعرفون ع هالعايلة من الرواية بس بعطيكم معلوومات صغيرة عنها :
الاب عباس (ابو مهدي ) وهو ساايق تكسي .
والام فخرية ( ام مهدي ) وهي ربة منزل وعندهم أماني عمرها 16 سنة وعندهم مهدي وعمره 17 سنة و ولدهم الصغيرون وليد عمره 7 سنوات.
وشخصيات كثيييرة راح تظهر اثناء الرواية منها من راح يكون من أبطال الرواية ومنها راح يكون شخصيات ثانوية …
أتمنى الاقي ردود و تشجيع عشان أقدر أكمل رواياتي…
تحياتي أختكم : عاشقة ابا هادي
حلوة الشخصيات وصفاتهم احلي واحلي
اعجبتني في وصف شخصياتك
تسلم اسدك انتظر المزيد
منتظــــــرينك بـأحداث الروايــــــــــهـ
مــوفقهـ بإذن الله
في انتظاار ردود وتشجيعات أكثر ..
تحياتي:أختكم عاشقة ابا هادي
وبانتظار البارت
تحياتى
في ذاك البيت الصغير ….
كان الأب (أبو مهدي) ومهدي و أماني ومهدي ووليد جالسين ينتظرون الفطور..
أبو مهدي:انتي صار لك ساعة تقولي الفطور جاهز…
أم مهدي:هسه..هسه راح أجيبه..
انتظروا هم ربع وساعة وللحين الفطور ما وصل..
أماني:ولج يمه صار لج ساعة واتقولي هسه وهسه…
وصلت أم مهدي بصينية الفطور بس بعد فواات الأوان..
لأنها أول ما حطت الصينية ع الأرض ..
قال أبو مهدي وعينه يطلع من الشرار:هسه وصل الفطور لكن أكليه انتي انا ماريد…وهو يطالع في عياله قال:انتو تريدون تروحون مدارسكم لحقوني ع السيارة والا ما يريد يروح المدرسة يجلس ياكل فطور أمه ..
العيال قاموا كلهم بسرعة ع السيارة وركبوا فيها..
أبو مهدي لعياله:رايح دقيقة اظاهر اني ناسي شي دااخل..
ونزل راح البيت لقى ام مهدي مقابلة صينية الفطور الا تفننت فيها كانت مقصصة الطماط والخيار والجزر ومسوتنه تشكيله بالصحن و مسويه بيض عيونه وهم مسويته تشيكلة …
راح لها وقال : ولج ام مهدي عيني شبييج زعلتي مني والله تأخرتي آني من هيج زعقت عليج خلاص عيني لا تزعلي…
ابتسمت أم مهدي تعبيرا عن رضاها..
قام أبو مهدي وخذ له خبزة وأخذ نص البيض وحطه فيها وحط الخيار والجزر والطماط …
وقال:ولا تزعلي يا أم مهدي…
تـــرى أم مهدي وأبو مهدي دوومهم جدي يتزاعلون وفي النفس الدقيقة يتراضون ..
وبعد ما أكل الخبزة رجع لعياله السيارة..
أماني:ها بوي أكيد رحت تراضي أم مهدي أعرفك آني ما تقدر على زعلها…
أبو مهدي:ولج انتي والله بلشة ما دخلج انتي يلا سكتي..
ضحكوا الولاد بصوت خااافت ووصلهم كلهم لمدارسهم..
في المدرسة الثانويــة في الصف الا تدرسه الأستاذة حنان بالتحديد ..
كان الكل سااكت ومنتبه الا لشرح القصيدة , كانوا الطالبات يحبون حصة حنان لأنها تشرح الدرس بشكل عجييب وع قولت البنات تخلي الدرس يركز في المخ ..
ومثل ما قلنا الكل منتبه في الدرس ما عاد وحدة كاانت سرحااانة وتطاالع معلمتها الا هي حنان بنظرااات مرييبة هالبنت اسمها سهآآ بس البنات ينادونها أو بالأصح هي مسمية روحها صطييف ..
سهآآ أو صطيف بنية من هالبنات الوااجد الا يعانون من مرض نفسي أو مثل ما يسمييه المجتمع بوويات…
سهآآ تمووت تعشق حنان ولدرجة انها حتى لما تطلع حنان من الصف وتنسى ورقة أو حتى كلينس كانت ع طوول تااخذه وتحتفظ فيه..
أما في بيت سالم ((أبو محمود ))..
سالم وهو يصارخ على ولد بنته:محمدوو انت شتسوي في الثلاجة مو كفاية أمك صآآر لها يومين باايته عنده يلا يلا خل الجبن من أيديك واذلف عند أمك..
مثل ما قلت لكم أبو محمود شخصيته وااجد مقعدة لدرجة انه عنده ان اي بنت من بنااته تتزوج خلاص ما يعطيها ولا شي ولا يحب بنااته يزورنهم وياكلون من عندهم لما وحدة من بنااته بتجي لازم حتى أكلها تجيبه معاها أما لما تباات أي وحدة من بنااته عنده لو يوم وااحد يظل يحن ويهذر لما ترجع بيتهاا …
خلود تقول لأمها:شفيت شلون ريلج يصرخ على ولدي ليش انه اخذ جبن من الثلاجة هذي موو حاالة ….
أم محمود:اولا هو ابوج بعد ثانيا انتي تعرفيننه انه ما يحب لما تجوون تباتون واانتي الله يهداج صار لج يومين عندنا موو ناويه تردين بيت ريلج..
خلود:خله أول يتأدب عجل أقول له عطني فلوس بروح السوق يقول ما عنده..
أم محمود: أقول ردي بيتج وزعلي هناك ع كيفج تراني صدعت أبوج يومين وهو يحن ع راسنا ..
خلود:أففف انزين اليوم العصر برد بيتنا..والله لكن برااويه..
في شركات حسين ((أبو علي ))…
أبو علي يقول لسكرتيرته:أجلي لي الموعد عشان اليوم ما راح أقدر اروح تعباان..
السكرتيرة لبنانية:حآضر أستااز بس ما ألت ((قلت)) ليي بأجلو لبكرى ولآلآ..؟
أبو علي: لالا وقالها بلهجة لبنانية أجليه لبعد بكرى.. بعدها قام يضحك وقال: حسبي عليج يا ريتا خليتني اتكلم مثلج..
ضحكت السكرتيرة وقالت:حااضر استاز تامريني ع شي تاني..؟
أبو علي : لا تسلمين بس روحي شوفي شغلج…
الحين بنروح من الشركة الا الجامعة عند زينب..
هنادي >>>>> ربييعة ((صديقة )) زينب الروح بالروح…
هنادي:أقول زينب الا من زمان ما قلتي لي شخباار الحب.؟؟
زينب:قصري صووتج أقوول..
هنادي:هههههههه لا تخافين محد يسمعنا..
زينب:تصدقين من زمان ما شفته وحشتنيي مووت..
هنادي:انتي ليش ما تقولين له..
زينب:لا والله تبيني اروح أقول له رااشد أني أحبك أموت عليك وين قاعدين …
هنادي:زينب جم مرة اقول لج الحب ما فيه مذلة ..
زينب:هو جاية ع المذلة بس استحي تخيليني يعني بكل ثقة راايحة أقول له أحبك..
هنادي:أمــم شنسوي يختي يمكن هو بعد يحبج وانتي ما تدرين يااسلام زينب تخيلي..
زينب وهي تقول هالكلمة من قلب:يــــــــا ريييت…
طبعا تبون تعرفون شسالفة رااشد…
راشد هذا ولد خالة زينب وزيينب تحبه وتموت عليه ع قولتها يعجبها ستاايله وتعجبها طريقة تفكرييه بس هو ما يدري انها تحبه يعني مثل ما نقول حب من طرف وااحد ..
بس لآآآ مو حب من طرف وااحد لانه حتى رااشد يحب زينب بجنوووون وبدوون ما هي تدري انه يحبها..
يعني لثنين يحبون بعض بس ولآآ واااحد متشجع يصرااح الثاني بحبه…
نروح لأبو مهدي في التكسي..
شاف أبو مهدي مرة عجووزة تأشر له فوقف لها ..
العجووز:سلااام حجي فااضي ..؟
أبو مهدي:عليكم السلام فاضي فاضي حياج حجية..
ركبت الحجية بس ما ركبت ورى ركبت قداام..
أبو مهدي تسغرب شوي بس بعدين سلك الموضوع..
أبو مهدي:امريني حجية ع وين؟؟
العجوز:ع البر
أبو مهدي:البر وش بتسوين فيها ..؟
العجوز:انت ما يهمك ودني هناك وانت سااكت …
أبو مهدي:ان شاء الله ان شاء الله..
شنو سالفة العجوز مع البر..؟
وبتروح هناك شتسوي..؟
تابعوني في الجزء الثاني عشاان تعرفون سالفة العجووز..
والتطورات الا بتصير في القصة..
اتمنى الجزء عجبكم والاقي ردود أكثر من أول مرة…
تحياتي:أختكم عاشقة أبا هادي
تسلم ايدك روعه
انتظر القادم
تسلم ايدك روعه
انتظر القادم
الله يعطيكِ آلعآفيه
بداية رووعه
موفقه آن شاء الله
"
هالعجوز امررها مريب الله يستر منها
بانتظار البارت القادم
تحياتى