روايتي الاولى : ولو اني انضفت لاشيائج غصب عنج طلي علي يا غناتي لا تخليني 2024.

تمسك فيها وهو لازال يدفن نفسه فيها .. لفها له وحضنها بدون مايقول ولا كلمة .. شدها بقوة له لدرجة انها تأملت منه .. حاولت تنفر بقوة بس كل شي فيها يستجاب له .. ارتخت يده على ظهره .. شدت قميصه بقوة وهي تبكي بصدره .. دفن وجهه بين خصلات شعرها الي انفكت من الحجاب وهو يبكي

: لاتــــروحـــيـــــن
قالت وهي تبكي بصوت مبحوح : لازم اروح انت جرحتني جرح ماراح انساه بحياتي
يتجاهل كلماتها ويهمس لها بصوت موجوع : لا تروحين
غمضت عيونها بقوة وهي تحاول تتماسك تحس انها بتضعف وبترضخ له .. لكن لاء والف لاء : هدني
شد عليها اقوى : تعرفين ؟ ودي ادخلج داخل فيني وما اخلي احد يطالعج غيري .. فهميني يا الريم فهميني .. اغار علييييييييييييييييييج
قالت بسخرية : انا شقلت ؟ بس مو لدرجة انك…. انك تتهمني جذي كأنك مو واثق فيني
ماعنده اي جواب .. غلط وايد لما اتهمها .. مشكلته الغيرة الكبيرة عليها .. ماراح يخليها تروح بعد ماعلمته شنو يعني الحياة وشنو يعني الحب وشنو يعني البسمة وشنو يعني الضحك .. ماراح اخليج بعد ماعلمته كل هذا لانها لما تروح راح يخسر كل هذا مرة ثانية
كملت بقهر : شكيييييييت فيني وتبيني اقعد معاك كرامتي فوق حبي لك يا نواف .. اتركني
نواف ارتخت يده عنها وطالعها بالم .. أما هي طالعته بعتاب وكأنها تجرحه بعيونها .. هالجرح والله مايساوي الجرح الي بقلبها .. الجرح الي اننجرحت من نوافها .. عطته ظهرها وجاهدت انها تتحرك .. تدري انهـ قاعد يطالعهآ .. توترها نظراته خصوصا لا كانت عاتبة ولا حزينة ..تكره الحزن .. الله يالزمن من بعد ما انهت الحزن وابعدته عنه رجعتك هي بيدها له لما قررت انها تبعد عنه .. وقفت ريولها جمدت مو قادرت تتحرك .. نواف كان يتأملها ويدعي بقلبه انها ماتروح وتخليه .. علمتيني شلون احب وشلون اعفو .. بتروحين وتخليني يا الريم ؟ ليش ؟
نواف قرب صوبها شوي شوي وحاوطها من خصرها وحضنها من ظهرها وهمس لها بصوته المبحوح من البكاء : لاتروحين
الريم بقهر من نبرة صوته قالت بحده : ماحب اشوفك ضعيف جذي تكفى
نواف : ضعيف بدونج والله ضعيف
الريم فكت نفسها بقوة وطالعته بعيونه بقوة : لاء .. سواء كنت معاك ولا ما كنت لازم ما تضعف
نواف بسخرية وهو يطالعها بألم : سواء كنتي معاي ولا لا ؟ السعادة هي وجودج واذا ما كنتي هني شنو يعني سعادة ؟
الريم بألم : تكفى لا تجبرني
نواف ابتسم : كنتي مجبورة علي .. وانا كنت مجبور علي وصرت من اشيائج غصب عنج .. وكانت هذي الحقيقة بس ماخلينا بعض صح ؟
الريم بهدوء : ماقدر اكمل معاك
نواف عقد حواجبه وهو ساكت يتأملها : بتروحين يعني ؟
الريم بقوة مصطنعة : ايه
نواف غمض عيونه بألم وهمس : طيب
الريم طالعته بصدمة .. بيتخلى عني ؟
كمل بألم : على راحتج ماراح اجبرج على شي يا سعادتي كلها روحي
الريم للحين تطالعه وهو يجرحها بكلامه الي بدى يأثر عليها !!

*سعد علوش

مواعيد البارتات

( الاثنين – الخميس )

الجزء الثاني

قبل يـومين

دخل البيت وهو معصب والود وده يذبحها اليوم قبل بكرا .. من بعد المكالمة الي استلمها .. دخل الغرفة وشافها تسرح شعرها الاسود بهدوء .. التفت له وابتسامة تزين شفاتها .. بدوره عقد حواجبه .. حست ان فيه شي .. وقفت على ريولها وقربت صوبه شوي شوي .. طالعته باستغراب .. مبين انهـ معصب .. خصوصا من عقدة حواجبه وعيونه الي تقوطر شرار وعضته على شفاته .. كان معرق حيل ويتنفس بصعوبة .. حطت ايدها على خده ومسحت عليه : نواف حبيبي شفيك ؟
نواف بدوره بعد يدها عن خده ومسكها من معصمها وشدها ناحيته وبعصبية احرقت كل مافيها : ليييييييش تسوي جذي ؟ لييييييش ؟
الريم عقدت حواجبها وهي موفاهمة ولا شي : شنو تقصد ؟
نواف بعصبية صفعها بقوة وهي طاحت على الارض بصدمة : كذاااابة ما تحبيني ولا شي .. قولي انج تكرهيني قووولي !!
الريم طالعته بصدمة وهي حاطة يدها على خدها الاحمر الي شوهه بصفعته
كمل : قلتيلي انج تحبيني وماراح تخليني تذكرين ؟ تذكرين لما قلتيلي اني كل شي بحياتج ؟ وين كلامج هذي ؟ خنتيني يا جذااابة يااا خاااااااااااينة
الريم وقفت على ريولها ودمعة حارة نزلت على خدها .. لسانها منربط تبي ترد عليه بس كل شي فيها منصدم منه ومن تفكيره
نواف ابتسم بسخرية : قلتيلي اني عشق حياتج الوحيد .. قلتيلي اني حبيبج الاول والاخير .. شفتج رحتي مع غيري ؟؟؟
الريم بعصبية صرخت عليه : نواااااااااااف انتبه لكلامك معاي !!..انت مستوعب الكلام الي تقوله
نواف قرب وهو بيحترق من قهره مسكها من شعرها وشده له وماسمع لترجايتها : انا شسويت ؟ لهالدرجة كنت غبي يوم صدقتج
الريم صرخت ودموعها تنزل على خدها : نواااف ماخنتك والله ماخنتك .. افهمني انا اح…
قبل ماتكمل الكلمة ماحست الا بكف يطيحها من طولها وبصرخة هزت كل مافيها : جذااااااااااااابة !!
الريم رفعت عيونها وقالت بهدوء عكس مابداخلها : طلقني
نواف طالعها بصدمة
الريم صرخت : طلقني اقووولك
نواف بسخرية : ليش عشان تروحين له ؟
الريم بصراخ وهي تدفن اصابعها بين خصلات شعرها : بسسسسسسس كفاااية جرحتني بما فيه الكفاااية .. لا تتهمني بشي ماسويته .. وماعندك دليل !!
نواف رص على اسنانه .. تذكر المكالمة .. والصور الي تسلمت له .. راح تحت ودقايق الا دخل عليها بظرف ورماه عليها وقال بسخرية : شوفي يا مدام !!
الريم طالعت الظرف .. مسكتها وفتحته .. شافت الصور .. تأملت الانسان الي يسلم عليها ويبوسها بخدها .. تنفست بصعوبة وهي تطالعه بسخرية : تأكد مني قبل لا تتهمني
نواف بصراخ بدون ماينتبه لكلامها : منووووووووووووو هذاااا ؟؟؟
الريم دخلت الصور بالظرف .. وقفت على ريولها ورمته عليه وقالت بهدوء : طلقني حق اهلي
نواف للحين مستغرب ليش تنكر ؟ .. والصور انا يبتها لها .. ليش تنكرين يا الريم : ماعندج كلام ؟
الريم بسخرية : لاء دام تفكيرك الغبي يقول جذبي
نواف عقد حواجبه وبعصبية : تكلمي معاي زين ~..
الريم : طلقني
نواف : لاء تحلمين
الريم : طلقني اذا باقي عندك شوي دم
نواف : تنكرين ليش ؟ يبت لج الدليل لريولج وانتي تنكرين ؟
الريم : لاني ماخنتك
نواف بعصبية صرخ عليها : من شنو مصنوعة انتي ؟ انا ليش حبيتج وابتليت فيج
الريم ماعطته اي اهمية وطلعت من الغرفة .. دخلت الحمام .. قعدت على ريولها وصارت تصيح بقووووة !!!!

اليـــوم الثـــآنـــي..الثامنة مسآءً

سمع صوت الباب .. لبس ثوبه وشماغه وتعطر .. فتح الباب وانصدم .. بطل عيونه على وسعهم من الشخص الي قاعد يشوفه .. شخص الصورة .. الغيرة بدت تعمي عيونه .. هذا الي اخذ حبيبتي مني .. هجم عليه بقوووة وصار يضربه
من جهه ثانية سمعت صوت صراخه .. نزلت بسرعه ببجامتها الموف .. قدرت تلمح الشخص الي يتضارب معاه .. ركضت بسرعه لهم وهي تمسك ايد نواف .. بعد عناء ابعدته
الريم بصراخ : بسسسسسسس
نواف طالعها بغضب : شلوون طالعه جذي ؟ ولا هه
الريم فهمت شنو يقصد رفعت يدها وصفعته كف : شقاعد تقول ؟
نواف طالعها بقهر .. كل شي فيه يثور : انا تضربيني ؟
الريم بضيق : اي لانك غبي واكبر غبي بعد
نواف : غبي ؟
الريم التفت وهي تأشر بصبعها السبابة للشاب الي سمح الدم من شفايفه : هذا يا نواف الجاسم يكوون اخـــــــــــــوي
نواف فتح عيونه بصدمة : نعم ؟
اتاه صوته الرجولي البحت : اي نعم انا اخوها الصغير .. واسمي خالد
نواف طالعه وهو بالع ريقه من القهر: اخوها ؟ ليش من متى الريم عندها اخو ؟ هي ماعندها الا اختين
خالد قرب صوبه : اخوها من ابوها .. ما كنت موجود بالبحرين .. ومن جم يوم وصلت البحرين وطلبت اتقابل مع الريم لانها هي الوحيدة القريبة مني .. يعني خواتي الثانيين مو يكرهوني بس اقرب وحده هي الريم .. عشان جذي طلبت اقابلها واسلم عليها لاني اشتقت لها حيل !!
نواف طالع الريم الي تطالعه بسخرية .. وبتعلثم : الريم ..
الريم قاطعته ووجهت كلامها لخالد : خالد بكرا الصبح ممكن تكون هنيه ؟ ابي اروح البيت مالي قعده هني
خالد الي ماوده يتدخل بين اخته وزوجها : طيب
الريم طالعت نواف بألم وصعدت دارها !!

صحى على نفسه من ذكريات اليومين السيئين .. لما سمع صوت الباب الي انصك بقوة .. غمض عيونه وهو يحاول يتزن بمشيته .. لازم اصير قوي .. من اليوم وساير ماعاد في الريم .. انسى الريم واشتغل لنفسك .. عندك شركات وعقارات .. بدال الريم تحصل مليون وحده .. انا شقاعد اقول .. بدل ثيابه .. لبس ثوبه وشماعه تعطر .. اخذ مفاتيحه ونظارته الشمسية وطلع من البيت

في بيت عادي .. صوت ضحكاتهم تعلى اكثر واكثر

وهي تفصفص الحب وحاطة ريل على ريل : عاد تصدقين كلش مادانيها هالخلود ويع حدها شايفه نفسها انها بنت الجاسم وجذي
ضحكت بقوة : عاد تدرين لو ماهي اخت نواف جان قعدت احش فيها بس يلا لاني وايد احب نواف واقدره باسكت
ضحكت هي الثانية : نواف على عيني وعلى راسي بس اخته صج صج وييييع .. يعني نواف شخصيته تعجبني اما هذي والله صرت اشك باصولها .. يعني اختها الصغيرة تنحب اما هي كلش غير .. ترا من صجي شموول شاكة !
شمايل ضحكت بقوة : على سيرة نواف والله وحشتني الريم .. من زمان ما جفتها
قالت بحماس : تدرين اخونا اليوم وصل ..
شمايل : اخونا الي من ابونا ؟ .. من صجج شعول ؟
مشاعل بفرح : هو صح مو قريب منه بس والله احبه ..
شمايل ابتسمت : بيي ؟
مشاعل : والله مادري
شمايل تلتفت للباب الي ينفتح .. وصوت امها من فوق يهتف : شمااااايل فتحي الباب
شمايل بحلطة : ياربي جنه مافي الا شمايل بهالبيت
مشاعل بضحكة : ذنبج انج الصغيرة
شمايل عقدت حواجبها : مالت عليج بس .. وقآآآمت
مشاعل سحبت تلفونها وصارت تطقطق فيه وفجاه طاح لما سمعت شهقة اختها .. قامت بسرعه وانصدمت بالريم وخالد
شمايل بضحكة : تصدقين ريوووم تونا انا وشعول نقول وحشتينا
مشاعل بفرحة راحت حضنت الريم : وحشتيني
الريم بنبرة تحاول توازن نفسها فيها : وانتوا اكثر والله
مشاعل وهي حاضنتها طاحت عيونها على الشنطة ..ابتعدت : شنو هذا
الريم بلعت ريجها : انا ونواف بننفصل
شمايل ومشاعل : شنووووووو ؟
خالد بمحاولة عن التخفيف على اخته : بس مابتسلمون علي
مشاعل قربت وحضنته : اسفين بس بعد تفاجئنا فيك
شمايل حضنته هي الثانية من الصوب الثاني : نورت
خالد بمرح : ادري وقسم بالله
شمايل بسخرية : يا شين الثقة
خالد : ههههههههههههههههههههههههه خلونا ندخل

في قصـــر كبــيـــر .. في غرفتها الكبيرة . منبطحة على بطنها وحاطة لابتوبها الوردي جدامها .. وفاتحة على شات وتسولف من الملل .. لا تلومونها .. تعيش بملل مو طبيعي خصوصا مع اوامر ابوها الي تنفرض عليها بشكل مو طبيعي والمفروض انها تلتزم .. سمعت صوت الباب وبصوتها الناعم : منو
الخادمه الهندية الاصل : انا حبيبي وجد
وجد ابتسمت : دخلي
الخادمه دخلت وفي يدها عصير البرتقال : انا في يجيب حق انتي هدا ولازم كمليه كله
وجد بشك : انتي ؟
الخادمة بتوتر : ايه
وجد الي فهمت توترها زين : ابوي صح ؟ قولي ما ابي شي
الخادمة : لا يسوي جي يلا شربي
وجد بضيق : قلت ما ابي الا عقب ما ينفذ لي الي ابيه