روايتي الاولى : من يقول انك تحب من يقول انك وفيت 2024.

شكلها الرواية ما عجبتكم ..

راح اوقف الروااية ..

ابغى تشجيعكم و تووقعاااتكم..

في المستشفى ..قسم الطوارئ ..
الممرض : وش حصل لها ؟
وليد : والله مدري ..
الممرض : انتظروا هنا عشان
الدكتور بيفحصها ..
وليد : طيب بس طمننا ..

بعد انتظار دام 30 دقيقة ..
طلع الدكتور ..
وليد : وش فيها دكتور ..
الدكتور : انت تعرف ان اختك فيها مرض القلب !!
وليد : اي اعرف دكتور ..
الدكتور : هي حصل لها ضعف نتيجة اجهاد او ارهاق و اغمي عليها ان شاء الله بتطلع من هنا بعد 24 ساعه عشان نطمأن على صحتها ..
وليد : شكرا دكتور ..
الدكتور : العفو ..

وليد : يمه خلاص نروح البيت و بوكرا نجي هنا ..
ام وليد : طيب ليه ما اتصلت بابوك ..
وليد : اذا رجعنا البيت نقول له ..

في البيت
ابو وليد : انتوا وينكم اتصلت عليك يا وليد مغلق ..
وليد : كنا في المستشفى ..
ابو وليد : ليه ؟؟؟!!!
وليد : ما في شي يبا بس رناد تعبت شوي ..
ابو وليد بخوف: وش فيها ..
وليد : تطمن يبا بس تعب خفيف و بوكرا بتطلع ..
ابو وليد بشك : اكيد ؟
وليد بابتسامة يطمن ابوه : اكيدين ..
يلا تصبحون على خير ..
رغد : و انا بعد بروح انام .. تصبحون على خير ..
ام وليد + ابو وليد : وانتوا من اهل الخير ..

في اليوم الثاني ..
صحت رناد .. واهلها عندها ..
رغد : رنود خفت عليك يالدبه ..
ام وليد : الحمدلله على سلامتك يا بنتي خوفتينا عليك ..
رناد : ابغى اعرف وش كثر تحبوني ..
ابو وليد : والله انك غالية ..
وليد : اشتقنا لك رنود ..
الا صحيح وش صار عشان صار كذا ..
رناد : انتوا السبب ..
الكل باستغراب : ليه ؟!!
رناد : سمعت صراخ رغد في الجوال و انقطع الاتصال و اتصلت كثير يطلع لي مغلق خفت انه صار لكم شي
( دمعت عيونها )
ام وليد : خلاص حبيبتي انتي ..
ابو وليد : خلاص رنودة ما صار الا الخير ..
رغد : رنود يالدلوعة بس لا تبكي ..
رناد : طيب خلاص سكتت ..
ابو وليد : انا عندي شوية شغل
بروح وبنتظركم في البيت ..
وليد بابتسامة: خلاص انا بروح مشوار وبرجع عشان اكمل اجراءات الخروج ..
ام وليد : وليد وين بتروح ؟
وليد : بروح اخذ جوالي ..
ام وليد : طيب بس لا تتأخر ..
وليد : ان شاء الله يمه ..

في بيت ثاني بعيد عن عائلة رناد
في وسط الضرب و الاهانات
كان حابسها في ركن من اركان الغرفة بدون رحمة
……. : يا حقيرة و الله لأذبحك
……. : آآآآه يمممه بعد عني انت مو ابو انت ما عندك احساس ..آآآآآآآآآآآه اترك شعري آآآآآآآآآآآآآآآآآآآآآآه
……… : ايي انا ما عندي احساس انا مو ابوك يالوسخة والله لاذبحك يالواطية ..
…..: يبا اتركها انت وش جالس تعمل بتموت بين يديك ..
الاب بصراخ : فيصلوو بعد عني و لا اذبحك معاها ..
مسك ابوه بقوة عشان يوقفه
فيصل : رانيا روحي غرفتك ..
رانيا و هي تأن من الألم : طيب
فيصل اخذ ابوه لدورة المياه و غسل وجهه لجل يصحى من السكر الي هو فيه و اخذه للسرير و راح الاب في سبات عميق ..

فيصل ينادي : رانيا .. رانيااا
رانيا و اثر البكاء و الالم على وجهها : نعم فيصل ..
فيصل : بسرعة البسي عشان اوديك المستشفى ..
رانيا : لا ما يحتاج ..
فيصل باسها على خدها : اعرف انك خايفة من التحقيق لا تخافين انا عندي صديقي دكتور ما راح يقول شي ..
رانيا دمعت عينها ..
مسح دموعها بحنان ~
فيصل : يلا روحي البسي انتظرك في السيارة ..
رانيا : طيب ..

أعرفكم على الشخصيات
رانيا 17 سنه صف ثالث ثانوي منقطعة عن الدراسة بسبب ابوها .. جميلة بشكل لا يوصف

فيصل 25 سنة اخو رانيا يعمل كمعلم .. طيب و حنون

ابو فيصل كان من التجار المعروفين في المملكة لكن خسر جميع امواله بسبب البورصة و احتيال بعض التجار عليه و صار مفلس وصاحب خمر و تعرف على اصحاب سوء .. زوجته كانت ام فيصل وتوفت وتزوج بعدها لبنانية لما صار مفلس تخلت عنه و راحت لبلدها و اسمها جوليا و هي ام رانيا
يعني فيصل و رانيا اخوان من الأب فقط
كانوا يعيشون في الرياض ثم انتقلوا الى جدة 3 سنوات ثم رجعوا الى الرياض مره ثانية

في المستشفى
وليد : السلام عليكم ..
ام وليد + رناد + رغد : و عليكم السلام ..
وليد : الحين رنودة الحلوة شخبارها ..
رناد : تمام ..
وليد : يلا الحين انا بروح عشان اجراءات الخروج ..
رناد : طيب ..
رغد : وليد ..
وليد : نعم ..
رغد : وش اخبار جوالك ؟
وليد بضحك : يسلم عليك ..
رغد تدلع : هاهاها باايخة ..
وليد بنذالة : هههه ما يليق عليك الدلع .. كونداليزا رايس احلى منك ..
رغد بوزت : صدق يمه ؟
رناد + وليد + ام وليد : هههههههههههههه
طلع وليد من الغرفه .. راح لغرفة الدكتور عشان يكتب له تصريح للخروج ..
دق الباب ..
الدكتور : تفضل ..
وليد : مرحبا دكتور ..
الدكتور : مراحب ..
وليد : دكتور انا هنا عشان تصريح ……….يقطع كلامه جوال الدكتور يرن ..
الدكتور : عن اذنك دقيقه ..
وليد : خذ راحتك ..

الدكتور : هلا والله
المتصل : وش اخبارك ..
الدكتور : تمام ..
المتصل : والله يا دكتور طالبك ..
الدكتور : عيوني لك ..
المتصل : بعد شويات بجيك انا واختي ..
الدكتور : خلاص انتظرك .. باااي

الدكتور : اعتذر عن التأخير ..
وليد : خذ راحتك ..
الدكتور كتب التصريح و اخذه وليد ..
وليد : شكرا دكتور ……..
الدكتور : مازن محمد المالك..
وليد : محمد المالك ؟!
د.مازن: ايوا في شي ؟
وليد : لا بس الوالد يشتغل عندكم في الشركة ..
مازن : وش هالصدفه الحلوة ..
ذكرني باسم ابوك ..
وليد : حامد الصالح ..
مازن : اهااا عرفته ابوك من افضل الموظفين عندنا لا و عندي بشاره ابوي كتب ترقية لابوك بس بقى التوقيع ..
وليد بفرحة : الله يبشرك بالخير والله فرحتني ..
مازن : تستاهل كل خير تصدق اني حبيتك .. سجل رقم جوالي عندك ********05
اذا احتجت شي انا بالخدمة ..وليد : خلاص بعطيك مس كول وسجل رقمي ..
مازن : اوك ..
وليد : سي يو ..
مازن : لحظة لحظة اخ وليد ..
وليد انتبه : هلا ..
مازن :راح افحص اختك عشان اتطمن ..
وليد بابتسامة : طيب ..

في غرفه رناد ..
وليد نادى امه و رغد لجل الدكتور يفحص رناد ..

د . مازن : السلام عليكم ..
رناد اول مره تشوف مازن :
و و .. عــ .. عليــ ـ ـ ـ ـكم ..الـــسلام .. تخبلت على عيونه الواسعة و رموشه و عضلاته و شعره الاسسسود ..
مازن شافها مرتبكه ابتسم لها
رناد تخخخبلت عليه و صار قلبها يدق بسسرررعة
مازن بابتسامة : ممكن تساعدينـــي عشان افحصك بسرعة ..؟
رناد و هي سرحانة فيه هزت راسها بإيجاب ..
مسك يدها عشان يشوف النبض ..
وهي خلااااص ما تقدر .. تحس نفسها من جد انهبلت ..
خلص فحص وصل جنب الباب بيطلع ..
رناد : آآآآه قلبي يألمني آآه ..
مازن مشى لعندها مسرع : وش فيك انا تو فاحصك ما فيك شي ..
رناد ؟ رناد ؟!