روايتي الاولى : ما لم يكن متوقع 2024.

انا عضوة جديدة في ذا المنتدى وحبيت اشارك فيه بس عشان احط روايتي وتشاركوني ارائكم وانتقادتكم
امممممممم وبس مو حابة اطول عليكم و البارت الاول عبارة عن تعريف بالشخصيات

———————————————————————————————

صحيت من النوم توضت و صلت لبست عبايتها وراحت مدرستها تكمل روتنيها اليومي اللي بدأت تطفش منه
وهذا الشي يتكررعند كل صحباتها اللي قرفو زيها
امل : هلا روان
روان بدون نفس : نعسسسااااااااااننةة
سماهر تأشر : زي ذي يعني ؟! ( كانت تأشر على حنين النايمة )
روان تضحك : هههههههههههه بالزبط
روان كان شعرها اسود طويل ناعم مع فم صغير وانف واقف وعيون واسعه
مجملتها رموشها الكثيرة ، نحيفة وسمرا وقصيرة
امل تميزها عيونها الواسعه زي البومة مع شعرها البني و طولها الحلو
اما سماهر فملامحها كلها على بعضها صغيرة وشعرها البني الطويل الكثير اعطاها جاذبية
نروح لكيس النوم حنين كان شعرها اسود طويل وناعم مع غرة وملامح صغيرة مطلعتها كيوت
( دق الجرس ) قامو البنات و الطفش باين في وجه كل وحدة وقفو في طابورهم
طبعا هم كانو في اخر سنة في الثانوي ،
و طالعو في بعض في نفس اللحظة : ههههههههههه …
امل باستيعاب : ايش اللي يضحك ؟
سماهر : من الطفش
حنين : خلاص اضحكو وانتو ساكتين
رجعو لنفس حالهم بعدين ضحكو دفعه وحده بعدين سكتو وكملو وقوفهم في هدوء
بعد كم دقيقة مشي الطابور و طلعو فصلهم
ندى : بدري ههههههههههههههه احنا هنا من اول يا مساكين
انتو قاعدين في الحر واحنا فوق في الفصل متبردين
وكملت ضحكها
ملامح ندى كانت صغيرة وبالذات فمها
وشعرها بني طويل وخشمها زي السيف
جيداء بخوف : اااااه الحمدلله انكم طلعتم كنت مررررة خايفة انو تمسكنا وحدة من الابلات
بيضا وشعرها بني طويل وملامحها كلها صغيرة عدا فمها هذي كانت ملامح جيداء
روان : يا الله انتي مرررة خوافه
جود ببرود : لا تخافي احنا دايما نطلع ولا عمرنا اتمسكنا
جود كانت سمرا وخشمها واقف تقريبا وشعرها اسود ناعم
و عينها صغيرة لكن رموشها طلعتها حلوة
دخلت المعلمة و كل البنات راحو لمقاعدهم
وبعد 3 ساعات دق جرس الفسحة
امل : بنات ما تلاحظو اننا نسوي نفس الشي كل يوم
حنين : الا وحفظناه كمان اووف مررة طفشت
ندى : خلاص ايش رايكم الاسبوع الجاي نروح السوق ؟؟
البنات عجبتهم الفكرة و قررو انهم عالاسبوع الجاي بيروحون السوق
وكملو بقية وقتهم في الدراسه بعد 4 ساعات دق جرس الصرفه
و طلعو البنات من فصلهم ونزلو تحت
ندى : بطلع اشوف اذا فهد جا
سلمت عالبنات و طلعت وبعد كم دقيقو
امل : اوه عمر جا يلا اشوفكم يا بنات بكرة
البنات : مع السلامة
بعد ما خرجت امل طالبات المدرسة اصواتهم تعالت
وكان واضح انو الكل كان يتكلم في موضوع واحد
وهذا اللي جذب البنات : شفتو البنت اللي انصدمت برا والله مرة تحزن
جيداء : ايش اللي سار ؟
سماهر بخوف : الله يستر لا تكون وحدة من صحباتنا
جود : طيب امشو نشوف
روان : يلا
لبسو البنات عباياتهم وطلعو لقيو ناس متجمعين
راحو عشان يعرفون ايش سار و شافو :-
عمر : لو سمحتي انتي كويسة ؟ لوسمحتي
وبدأ الخوف في وجهه يبان والدموع تتجمع في عينه لأنو هو اللي صدمها
امل نزلت من السيارة وجلست جنب
راس البنت تحاول تصحيها فتحت غطاها و عرفت انها ……..
امل وهي تبكي وترجف : نــــــــدى
حنين كانت واقفه مع الناس
واول ما سمعت اسم ندى راحت تجري عند امل : ندى !!!
فتحت عينها بخوف والدموع بدأت تتجمع في عينها وجسلت تساعد امل انها تصحي ندى
وبعد ما عرفو صحباتهم دخلو معاهم يحاولون يصحونها بس ما هي راضيه تصحى
دخل عزوز لمن شاف حنين تبكي و عمر كان وما زال يحاول يصحي ندى
عزوز بعد ما حط يده على كتف حنين : حنين ايش في ؟
حنين وهي تبكي : هذي ندى يا عزوز خطيبتك ندى
عزوز بصدمة واثار الغضب بدت تبان في وجهه : ايش ؟؟!
طالع في عمر والغضب سيطر عليه : ايش سويت يا حقير ؟

خلص البارت

اتمنى تعجبكم البدايه وان شاء الله احط البارت الجاي في اسرع وقت ممكن

اقتباس:

المشاركة الأساسية كتبها آسيره آلصمت يسلمووووووووو موفقة اتاابعككك .. نوري روايتي بردك آلرآقي رواية جبروني عليها وحبيتها وبوسط عيوني حطيتها وبأحضاني ضميتها / بقلمي

شكككرا عالتشجيع والمتابعه
ان شاللله ولا يههممك

تكفــين كملي

ابي اعرف وش بيصير بندى وعزوز وعمر قسمم رحمت عمرر المسكين :"(

بأنتظاررك

اقتباس:

المشاركة الأساسية كتبها فاتنه ك امي السلام عليكم .. موفقه حبيبي في روايتك .. انا حاسه ان روايتك جميله و فكرتها حلوه و احداثه جديده .. بس حبيبي عندي ملاحظه صغيره .. حولي ي قلبي تكثير من الوصف السردي.. و تتطولين البارتات .. استمري و اعتربيني من متبعايك .. تمنى ي قلبي تنزلين البارت باسرع وقت لاني متحماسه ممررا .. ودي .. سوس الخطابي

وعليكم السلام
شكرا عالرد والمتابعه وملاحظتك جدا افادتني
وان شاءالله البارتات اطولها بس هذا قصير عشنو كان عبارة عن تعريف بالشخصيات

اقتباس:

المشاركة الأساسية كتبها مراهقة عجوز بدايــهه حلووة تكفــين كملي ابي اعرف وش بيصير بندى وعزوز وعمر قسمم رحمت عمرر المسكين :"( بأنتظاررك

مرررة شكرا رفعتي معنوياتي بحمماسك وان شالله انزل البارت الجديد الحين

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

دخل عزوز لمن شاف حنين تبكي و عمر كان وما زال يحاول يصحي ندى
عزوز بعد ما حط يده على كتف حنين : حنين ايش في ؟
حنين وهي تبكي : هذي ندى يا عزوز خطيبتك ندى
عزوز بصدمة واثار الغضب بدت تبان في وجهه : ايش ؟؟!
طالع في عمر والغضب سيطر عليه : ايش سويت يا حقير ؟
عمر بعينه العسلية رد له نفس النظرات : هذا مو وقت المضاربات لازم اودي البنت للمستشفى
ودفه عنه لأنه كان ماسك عمر من ياقة ثوبه
عزوز باستحقار : مستحيل يدك هذي تلمسها
راح عزوز و شال ندى و دخلها سيارته ومعاها حنين وبقية البنات يبكون
عمر مسك يد امل : امشي يا امل لازم نلحقهم للمستشفى و نتطمن عالبنت
امل تحاول تهدي نفسها : طيب
روان مسكت يد امل قبل لا تمشي : دقي علينا و علمينا ايت مستشفى و رقم الغرفة
امل ابتسمت :ان شاء الله لا تخافين
وراحت مع عمر و رجعو البنات على بيوتهم
في المستشفى :-
ندى في غرفة العمليات وعمر وعزوز يستنون عند الباب والبنات جالسين في غرفة الانتظار
و الدموع ما تركت مكان الا وجات عليه ، بعد ساعه طلع الدكتور والشباب قربو منه
و عزوز اعطى عمر نظرة خلته يكتفي بالوقوف من بعيد بس عشان يعرف حالتها
, كان الدكتور يكلم عزوز اللي اثار الصدمة باينة على وجهه والدموع تجمعت في عينه
و بعد ما راح الدكتور راح عزوز عند عمر
زي الثور الهائج ومسكه من ياقة ثوبه وهوا يصرخ : كلو بسببك الله يرجعها فيك
انت ماعندك قلب ما تشوف ؟! الله ينتقم منك
امل وحنين سمعو صوت الصراخ وعرفو انهم اخوانهم و طلعو عشان يهدون الحال
عمر : ليش ايش سار لها ؟!
اول ماطلعو البنات و شافوهم راحو يجرون عندهم
حنين تمسك عزوز من يده : عزوز خلاص هدي بالك اهدى يا عزوز
احنا في مستشفى عزوز خلاص عشاني
عزوز صرخ في عمر : سارت مشلولة … ندى انشلت بسببك
عمر : إيـــــــــــــــــــــش !
امل بصوت متقطع : أ ….. ند …..ندى انشلت
وجلست تطالع في عمر بنظرات مليانة حزن و كأنها كانت تقله : كلو بسببك ندى صحبتي
و اختي اللي ما جابتها امي انشلت بسببك بسبب اخويا الكبيرعمر ؟!
عمر راح يجري لها و ضمها لحظنه : انا اسف يا امل صدقيني ما كان قصدي انا اسف
سمع صوت من وراه يقول :انت عمر ال…. ؟
عمر ترك امل ولف باتجاه الصوت وقال بكل ثقة : ايوة انا عمر بغيت شي ؟
الشرطة : لازم تجي معانا لقسم الشرطة عشان التحقيق
عمر بنفس الثقة : طيب
وبعدها راح و اخذ معاه امل لأنو ما يقدر يتركها لحالها
عزوز وهو يحرك شعره الاسود الناعم بيده وكان باين عليه التعب : حنين ممكن اطلب منك
تجلسين عند ندى لوقت ما تقوم ؟
حنين بابتسامة : اكيد راح اجلس هذي صحبتي في الاخير
عزوز رد لها الابتسامة : الله يخليك لي ولا يحرمني منك ( تنهد وسكت شوي بعدين قال )
عزوز يتنهد: انا لازم اروح عند اهل ندى وافهمهم ايش سار لها
حنين: اها طيب
عند البنات:-
سماهر: عـــــمـــــااار
عمار: هــــااا
سماهر: تعال بسرعة بسرعة الحق
جا يجري متحمس:اييش في!
سماهر: اتصل على عزوز
عمار: ليش يعني ايش المناسبة ؟
سماهر: ياكثر اسالتك اسألو هو في اي مستشفى وغرفة رقم كم ؟
جلس جنبها وقال بخوف: ليش سار له شي ؟
سماهر: بطل اسأله ودق عليه انا مررة مستعجله
عمار: طيب روحي البسي عبايتك بس في السيارة تقولي لي كل شي
سماهر وهي طالعة: طيب
عند روان:-
روان: ماما ماما ماما
ام روان: ها ايش في ؟!
روان: فين سلطان؟؟
ام روان: فوق نايم ليش بغيتي منه شي ؟!
روان: ايوة
وحكت امها اللي سار
ام روان: طيب ايش تستنين روحي صحيه
راحت روان لغرفة سلطان جري وفتحت الباب بالقوة
سلطان: نط من السرير: اعوذ بالله من الشيطان الرجيم
روان: سلطان سوسو وديني المستشفى بروح اللبس
سلطان وهو يفرك عينه: سوسو في عينك، ليش تعبانة؟!
روان: لابس صحبتي سار لها حادث ترى بتلاقي عمر وعزوز هناك
سلطان: ليش ايش عندهم بعدين من متى يعرفون بعض ؟
روان : اذا وديتني اقلك
سلطان بنص عين : خلاص طيب واذا ماقلتي بارميك من السيارة
وراحو يتسابقون عالسيارة ودخلوها في وقت واحد
سلطان يطالع في روان : ………..
روان : خير في شيء؟!
سلطان : لابالله يلا قولي
روان :طيب حرك السيارة عالاقل
حكتو ومشيو
عند جيداء :-
جيداء وهي تجري :محمد محمد محمد محمد محمد محمد
محمد : نعم
جيداء :وديني المستشفى الله يخليك
قام من الكنبة : ليش ايش في ؟
جيداء : ندى سار لها حادث
محمد : اخت فهد ؟
جيداء : ايوة
محمد : خلاص طيب روحي البسي عبايتك
لبست عبايتها وراحت للسيارة وبعد نص ساعه
جيداء : ايش رايك تمشي ! ايش تستنى
محمد : استني خلي السيارة تحمي
جيداء : اه الله يصبرني عليك
محمد يضحك : خلاص طيب بأمشي
عند جود :-
جود :ماما لازم اروح المستشفى ندى سار لها حادث
ام جود : منجد ؟ كيف سار لها ؟
قامت جود حكتها
ام جود : الله يعينها يلا روحي لها و سلمي عليها
جود : يوصل ان شاء الله … السواق تحت ؟
ام جود : ايوة من اول قاعد يستنى
جود : خلاص طيب ذحين نازلة
راحت جود تجري للباب تبغى تطلع
ام جود : فين رايحة ؟!
جود : السيارة
ام جود : كذا؟!
قامت جود طالعة في ملابسها واستوعبت انها ما لبست عبايتها
جود تضحك : كويس انك نبهتيني ولا كان طلعت كذا احس عقلي مشتت
ام جود : روحي اللبسي عبايتك وانتبهي لنفسك
جود : طيب
راحت لبست عبايتها وطلعت مع السواق ومشيت السيارة
في المستشفى:-
وصلوا كل البنات المستشفى البنات كلهم دخلوا عند ندى في الغرفة
والشباب راحوا اتجمعوا مع بعض عند باب الغرفة وسلموا على بعض وكذا
واول مادخلوا البنات كل وحدة حظنتها بالدور وحتى امل اللي اصرت انها تجي
روان : يلا ولايهمك بعد كم اسبوع تطلعي ونروح السوق
وقاموا البنات يضحكون غير امل وحنين وندى وسماهر اللي حست انو فيه شي
سماهر : ايش في ليش اشكالكم ما تطمن
ندى وهي تبتسم بسخريه : انسي الطلعه خلاص كنسليها
جيداء : ليش ؟! لاتزعلين من اللي سار خلينا نفلها بعد ماتطلعين
ندى : لو عليا كان رحت بس ما اقدر اروح
امل نزلت راسها وجلست تطالع في الارض
عند الشباب برا :-
عمار : إيوة كيفك عزوز
عزوز ببرود : الحمدلله تمام
سلطان : في شيء ضايقك ؟!
محمد يغمز : تلاقي قلبو يعورو على خطيبتو ههههههه 🙂
كان محمد جالس يضحك مع نفسوا بس سكت لمن حس بيد
تضغط على كتفو بقوة ولمن لف لقا فهد اخو ندى و ما اعطاه وجه
عمار ساب عزوز وراح عند فهد : في شيء ؟!
فهد : اقلكم بعدين
سلطان مسك عزوز على جنب عشان يكلمو
سلطان : ياخخي اشبو شكلك مررة باين انو في شي مضايقك
عزوز بحزن : ندى
سلطان : ايش فيها
عزوز : سارت ماتمشي
سلطان انصدم : إيـــــــــــش
عزوز طالع فيه بعيون مدمعه
والشباب من الناحيه الثانيه عرفوا انه جالس يقول له
سلطان : خلاص لا تحزن هذا قضاء الله وقدره بعدين اكيد فيها خيرة لها ولك
عزوز وقف : إيوة اكيد فيه … عن اذنك رايح وبأرجع
سلطان : طيب
ورجع سلطان للشباب
فهد : ها ايش سار ؟!
سلطان : مع انه كان باين عليه انه حزين بس حسيتو انه اقتنع بكلامي
فهد : إن شاء الله
في هذي اللحظة كان عزوز واقف قدام غرفة ندى ودق الباب

[/u]انتهى البارت اتمنى يعجبكم ^^[u]