روايتي الاولى: كل حظي لها 2024.

بسم الله الرحمن الرحيم
أضع اليوم إليكم روايتي الأولى {كـل حظي لـها..}
روايتي الأولى وبعد جهد طويل بيني وبين صديقتي التي ساعدتني في كتابتها والتي شكلت جزء مهم من روايتي انثرها إليكم.. واخيرا قبل ان ابدا لا احلل أي ناقله تنقل روايتي دون ذكر اسميTswa3yooony

مدخل
((مابنكسر صابر لو فرصتي تمضي والحظ لوعاثر بصبر على حـــــظي))
البارت الأول
((في المدرسة الثانوية))
تحديداًَ بالفسحة طيف ونوره يمشون مع بعض
طيف:أيوة شنو سويتي اليوم.؟
نورة بملل:يعني شنو بسوي اختبارات وحوسة وانتي.؟
طيف بمرح:وسعي صدرك ماباقي شي على الاختبارات.
نورة تتنهد:الله يعين ونفتك من الثانوي.
تررررررررررن ترررررررررررررن
نورة: يلا طيف أشوفك نهاية الدوام.
طيف:اوكي سي يو وادعيلي عندي اختبار رياضيات
نوره:الله يوفقك وحلي عدل
طيف ان شاءء الله
وافترقوا البنتين وكل وحده راحت فصلها
راح اعرفكم على كل وحده
طيف: بنت عمرها 18 سنه في ثالث ثانوي ((علمي)) انسانه هدفها في الحياة{طنش تعش} اجتماعية حبوبه بششكل كبير تحب ان يرتاح لها الناس من النظرة الاولى
نورة: بنت عمرها 18سنه في ثالث ثانوي((أدبي))انسانه انعزالية تحاول بقد ماتقدر تكون اجتماعيه مثل طيف الكل يشوفها مغروره من شكلها بس العكس صحيح.

نكمممل
جاء وقت الخروج وطلعت نوره تدور طيف لقتها عند المقصف جت نوره لطيف
نوره:ها بشري كيف الاختبار.؟
طيف بضيق:خليها على ربك
نوره:افا ليش ماحليتي عدل
طيف: يعني مو ذاك الزود
نوره:ليتك دخلتي ادبي ارحم لك
طيف:ياشيخه ذا ميولي العلمي
نوره:على راحتك بس انتبهي ذا علمي مايمزح
طيف ان شاء الله
نوره: يلا طيوف انا نادى علي اخليك اشوفك بكرا باذن الله
طيف: ان شاءء الله وانا بطلع معاك
طلعت نوره وطيف وكل وحده راحت لسيارتها
في بيت نورة
نورة اول مارجعت البيت على طول راحت لامها وباست راسها
نورة:احم احم يمه ممكن اطلبك طلب.؟
الام: اطلبي
نورة: يمه ابي هذي الاجازه نسافر الكويت مع طيف
الام: ان شاء الله على خير حنا فينا فينا بنروح الكويت بس شوفي صديقتك.
نورة بوناسة:ان شاء الله وراحت باست راس امها وعلى طوووول على راحت لغرفتها
راح اعرفكم على عائلة نورة
الام:عهد ,انسانه طيبه تحب عيالها وماترضى عليهم شديده عليهم لمصلحتهم بس تحبهم بشكل كبيير.
الاب:حمد, اب حنون وطيب بمعنى الكلمه مايرفض أي طلب لعياله .

نورة بعد ماغيرت ملابسها وصلت مسكت تلفونها البي بي
نورة: وكززز وكززز وكززز
طيف:هلا نورة شفيك توك شايفتني بالمدرسه امداك تشتاقين لي.
نورة:طيوووف بقولك شي ماينفع على البي بي بكلمك اللحين اوكي
طيف باستغراب: اوكي استناك
على طول دقت نورة على طيف وقالت لها على الي يدور ببالها من زمان
طيف بتفكير:اممم والله مادري اسال امي وارد لك
نورة:اوكي استناك
وسكرت نوره على طول طلعت طيف من غرفتها وتصارخ باعلى صوتها:يمااااااااااااااااااااااااااااااااااااااه
امها وهي بالمطبخ:نععم
طيف تركض لللمطبخ وتدخل:يماااه
امها: نعم شفيك تصارخين
طيف برجى:يمه بلييز بطلب منك طلب
امها وهي ترجع تكمل شغلها:اطلبي
طيف: يمه الله يخليك ابي نسافر بعد الاختبارات للكويت مع صديقتي نورة
امها تفكر: امممم طيب شوفي بشرط
طيف بفرح ماتوقعت امها توافق بسرعه: شنووو هووو
امها:تهتمين بدراستك وتجيبين معدل فوق90
طيف: ان شاء الله من عيوني من اللحين بشد حيلي. وراحت باست راس امها وركض لغرفتها تخبر نورة.
راح اعرفكم على عائلة طيف
الام: سارة, حبوبه وطيبه وهمها بالدنيا عيالها وبس .
الاب:فهد, اب بمعنى الكلمة حنون وطيب صحيح مايقعد مع عياله كثير بس يحبهم ويخاف عليهم.
فاطمه: البنت الكبيره طالبة امتياز تحب نفسها وتعتبر نفسها دكتورة وتحب الفلسفه وماتطيق شي اسمه جنس(ادم) عمرها 24
محمد: يدرس برا بكندا عمره 23 راح نتعرف عليه اكثر بالبارتات الجايه.
طيف: سبق وعرفتكم عليها
واخر العنقود فيصل: دلوع امه وابوه تغار منه طيف مرات عمره 14 ثاني متوسط.
انتهى البارت الأول واتمنى انها تعجبكم الرواية واتمنى بعد الاقي تفاعل منكم.

افاا ولا احد رد علي

البارت (2)
(في المدرسة الثانوية)
دخلت نورة فصل طيف بالفسحه وجلست جمبها وبدوا يسولفون ويضحكون ,شوي وتدخل بنت الفصل ناظرت طيف ونورة من فوق لتحت وصدت عنهم بغرور وراحت.
نورة بضحكه: هذي للحين ماتغيرت
طيف تهز راسها علامة النفي: ومبين ماراح تتغير ابد.
نورة: ابي اعرف ليش هي كذا متكبره على شنو مادري ولا تناظرك من فوق لتحت كان ماكلين حلالها.
طيف: طنشيها بس.
نورة: الله يعينك معاك بالفصل.
طيف: نوبربلم اصلا مطنشتها وهي دايم كذا مع البنات.
نورة: بس والله احسها بزياده علينا.
طيف: خليها تولي زين.
ترررررررررررررررررررررررن ترررررررررررررررن
نورة: يلا طيوف اخليك ترا بعد ةبكرا بغيب عشان اذاكر للاختبارات أي صح وشدي حيلك عشان السفره.
طيف: اوكي دامك بتغيبين حتى انا راح اغيب وان شاء الله بشد حيلي ولا اوصيك نبي فوق 90 .
نورة : ان شاء الله يلا سي يو.
طيف: سي يو.
نروح مكان بعيد شوي
قاعده بداومها تفكر(معقوله يحبني صددق ولا بس يلعب علي وعلى مشاعري لالا لا انا لازم ما اسمحله يلعـ….) قطع تفكيرها
…:حصه شفيج اكلمج ماتردين.
حصه: هلا زينه معليش ماكنت حولج.
زينه:الى ماخذ عقلج يتهنى به
حصه ردت تفكر:……
زينه:لالا شكلج طايحه طيحه غردي غردي اشوف.
حصه بتردد: شوفي زيون بقولج بس تراه سر بينا
زينه تحمست: اوكي قولي.
حصه: زيون تتذكرين هذاك الرجال الى ابوه تعبان وكان بقسمنا وكل يوم يجي اهنيه عند ابوه.
زينه تتذكر: أي واحد شنو اسمه؟
حصه: زيون هذاك الى اسمه(خالد محمد ال….) تذكرتيه.
زينه: أي أي تذكرته شفيه؟
حصه وهي تتذكر ذاك اليوم: تخيلي قبل يومين وانا طالعه لسيارتي شفته واقف جدام سيارتي ماعرفته لان كان لابس نظارات ويوم شافني فسخها وانصدمت انه اهو قلت اكيد غلطان ولا شي وجيت قلت له يوم شفته ماتحرك من جدام سيارتي: لو سمحت اخوي ليش واقف جدام سيارتي؟
خالد بابتسامه: هلا انتي حصه بسام ال…
حصه باستغراب: أي انا امر اخوي.
خالد بفرح: انا اسمي خالد محمد ال… الى كان ابوي هنـ…
حصه تقاطعه: أي عرفتك امر.
خالد: احبـــــــــــــج.
حصه بصدمه: شنوووو
خالد: أي وربي حبيتج واعجبت فيج من اول مره شفتج فيها .
حصه من صدمتها على طول ركبت سيارتها وطلعت من المستشفى وراحت لبيتهم وهي تفكر بكلامه.
اما عند خالد ابتسم بونااسه وركبت سيارته وراح
زينه بصدمه: اووف من صجه هذا
حصه بحيره: والله مادري
زينه: لا حصه اوعي تعطين هالاشكال وجه
حصه بشرود: طيب
راح اعرفكم عليهم
حصه: بنت عمرها 24 سنه حبوبه وعسل هالبنت الكل يعجب فيها باسلوبها واخلاقها بس اذا عصبت ابعد عنها راح نتعرف عليها اكثر بالبارتات.
زينه: صديقة حصصه بالدوام ترتاح لها حصه وتحب تفضفض لها حبوبه وقلبها ابيض.
نرجع للبنات
راحت كل وحده لبيتها وبدوا يستعدون للاختبارات وكل وحده تشد حيلها وجاء وقت الاختبارات ويمر ييوم ورا يوم لين ماخلصت الاختبارات وتحديدا في اخر يوم من الاختبارات بمدرسة طيف ونورة
كانت طيف توها طالعه من قاعة الاختبار شافت ان نوره مخلصه قبلها وراحت لها
طيف: ها نوورة بشري كيف الاختبار؟
نوره بحماس ووناسه: الحمدلله سهل الاختبار وانتي كيف اختبار الاحياء
طيف بفرح: الحمدلله سهل وحلو وخفيف ماتوقعته كذا ابد.
نورة: اجل ها ان شاء الله اضمن فوق 90
طيف: ان شاء الله
وتمر بنت من جمبهم وتناظرهم وتضحك باستخفاف وتروح
نورة بعصبيه: لا ذي اكيد مجنونه خير ان شاء الله ليش تضحك شنو شايفتنا.
طيف تضحك: يا اختي اكيد ذي مب صاحيه
نورة بنرفزه: اوف الله يقلعها
طيف: استغفري خلاص هانت اليوم اخر يوم وماعاد بشايفينها
نورة: اووف استغفر الله ياليت والله انها مكرهتني حياتي هالشيخه.
طيف: وسعي صدرك ويلا بطلع باباتي برا.
نورة: اوكي وانا بعد بطلع ووضموا بعض وكلهم حماس للسفره مع بعض وودعوا بعض وكل وحده راحت لسيارتها
راح اعرفكم على شيخه
شيخه: بنت عمرها من عمر طيف ونورة في ثالث ثانوي علمي انسانه غريبه غيوره ماتحب احد يكون احسن منها او اجمل منها وتحب تكون الكل بالكل راح نتعرف عليها اكثر بالبارتات الجايه.
في بيت ابو عبدالله
دخلت نورة البيت وهي فرحانه انها لاص افتكت من الثانوي
وتروح غرفتها تغير ملابسها وتشغل جوالها لان من فترة الاختبارات وهي مسكرته شوي وتدخل عليها رند اختها
رند:ها مبروك خلصتي اخيرا.
نورة بفرحه: أي الحمدلله افتكيت من الثانويه.
رند باستهبال:عاد ياحظك افتكيتي اللحين من المدرسه مو مثلي باقيلي متوسط وثانوي.
نورة:ههههههه يادبه قولي ماشاء الله اللحين اسقط ولا شي.
رند: هههه ماشاء الله لا تخافين عيني بارده وتفتح عينها لنورة شوفيها
نورة تضحك: مجنونه والله
رند تبتسم: الا اقول متى تطلع نتيجتك؟
نورة: الاربعاء نروح مع بعض نشوف نتايجنا.
رند: اوكي
مدرسة نورة ورند جمب بعض متوسط وثانوي
نورة: يلا اشوف فليتيها اطلعي وسكري الليت والباب بنام
رند تكش على نورة: مالت عليك وانا اقول جايه اسولف معك نامي نامي.
نورة ترسل بوسه بالهوا لرند: فديتك يا احلى اخت اذا قمت سولفنا .
رند: اوكي وتطلع من غرفة نورة.
عند طيف
كان جايبها اخوها فيصل مع السواق ويلا عاد اجتمعوا طيف وفيصل وانواع الهواش والصراخ والاستهبال لين ماوصلوا البيت
طيف: اقو ليلا عاد عطيتك وجه بروح انام.
فيصل: روحي روحي ياغيوره
طيف طلعت عيونها: انا غيوره
فيصل: أي وتغارين مني كثير بعد
طيف تناظره بنص عين: اذا قمت علمتك مين الغيوره.
فيصل يبتسم: روحي روحي نامي حبيبتي طيوف الله يحفظك.
طيف تناظره: لا بالله انك منت صاحي يلا سي يو
فيصل: سي يو.
انتهى البارت اتمنى انه يعجبكم وعطوني توقعاتكم

موفقة يَ جميلةة

ܓܛܟ

مووووووحلوه وععععع

حبييتي امزح معج حمقووووونه��������

رووووووووعة حلو كتيييير

بس مافيني اعطي توقعاتي لسة الرواية ببدايتها

حبيبتي انتي اسعدني ردك علي وانتي الاجمل

تسلمين حبيبتي عيونك الحلوه