روايتي الاولى:لا تغرك الضحكه ترى القلب مجروح 2024.

الشقـــــــا آه ياقلب الشقـــــــا
ياما دوّر مـــــا لقى الأحباب
مالقى غير نــــــارٍ تحـــرقــــه
نار غربه و نار حزن غياب

لي متى ياقلب خايف ؟!
ترتجف خلف الشفايــــف
ماكفاك تعيش ســــاكــــت
بيــــن هــــالجـــــــــدران ؟!
البارت الاول::
……………:ماتت
الدكتور:سوينا الي علينا لكن……..
………….:لا لا لاتخليني بروحي في هالدنيا
الدكتور مشا و خلها
………….:لا ليش تخليني
دخلت عليها الغرفه
جوان:يمه يمه لاتخليني كله سبتي كله سبتي
الممرضه غطت و جه ام جوان
جوان:لا امي ما ماتت ليش تغطين وجها الحين بجيب لها الدوه بس قولي لها لاتخليني "طاحت على الارض":لا تخليني
و هي ماسكه يد الممرضه و هي تبكي:قولي لها قولي لها ترى انا ما اعرف حد في هالدنيا غيرها
الممرضه طلعت عنها
جوان وهي تشهق:لا لتخليني كفايه ابوي خلانه بروحنه في هالدنيا انا ما اعرف حد غيرج لا تخليني.ابوي خلانه بروحنه و انتي الحين خليتيني بروحي
جو الممرضات و دكتور و حطوها على الفراش الابيض و ودوها الغرفه و هي تكرر:لا تخليني قولو لها ارجوكم
دخلوها الغرفه عطوها مخدر ورقدت
برع الغرفه
الدكتور:عطيني تقرير كامل عن حياة المريضه
الممرضه:طيب
راح الدكتو المكتب"الله يكون بعونها الحين من بياخذها من المستشفى لازم انخبر حد مايصير انتم ساكتين"
ادخلت الممرضه و في يدها ملفات:هاي التقارير الي طلبتهم.تبي شي ثاني؟
دكتور:لا مشكوره
فتح الملف و انصدم يوم شاف انها متزوجه المرحوم عبدالرحمان ال—— /هاي اسم عائلته كبير بالمملكه انا اظن عندي رقم راشد ال——- اخو عبدالرحمن ال—— بس يربي وين البطاقه دورها و ماحصلها مالي حل الى اني اكلم الضابط فتح الموبايل و كلمه
الضابظ:الو
الدكتور:هلا بغيت رقم راشد ال——
الضابط:ماعندي رقمه بس بطلبه لك و اذا حصلته بدزه لك
الدكتور:مشكور ماتقصر
الضابط:بس ليش بغيته؟
الدكتور:والله شقول لك"قال له السالفه كلها"
الضابط:الله يكون بعونها
الدكتور:آمــين
الضابط:خلاص عيل خل هالمهمه علي
الدكتور:مشكور ماتقصر
الضابط:واجبنا
و صكر
الضابط دور بملفاته حصل رقمه
"نسيت اعرفكم على الشخصيات"
(جوان:بنت خوافه و تعيش مع امها عمرها 18 سنه و ابوها توفه و هم حالتهم الماديه مب زينه" ابوها و عمامها في مشكله و هي ماتدري انها عندها عم"
من ناحبية الشكل:جميله ماشاالله عليها و بريئه ملامحها ملامح طفله ناعمه)
"قبل 22 سنه كان عبدالرحمن (ابو جوان) متزوج (ام جوان وكانت حامل)و محد يدري لانه عبدرحمان (بو عبدرحمن و راشد) مش موافق .شركتهم اربحة صفقه و عبدالرحمن خذ الفلوس و شرد و بعدها محد سمع عنه خبر بس اعرفوه انه تزوج"
<<راشد ال——>>
راشد:حنون طيب عمره 58 سنه و عنده ولدين(رعد,راكان) و 4 بنات(جنى,رنا,ريم,نور)
رعد: عصبي و اذا عصب مايعرف من امهو ابوه عمره 24 سنه مب متزوج مدير شركه من شركات ابوه
من ناحية الشكل:طويل , مجسم اسمراني اعيونه عسليه ناعسه و شعره الناعم لي ارقبته و خشمه سلة سيف و شفايفه محدده
راكان:18 سنه في ثالث ثنوي طيب و حنون و دمه خفيف
من ناحية الشكل:في جمال من اخوه بس جسمه مو مثل اخوه لأنه صغير و مب فاضي للرياضه

جنى:متزوجه عمرها 23 سنه و عندها بنت عمرها 5 سنوات بنتها اسمها شهد
(شهد بنت السانها متبري منها ماتحشم كبير و لا صغير و هاي كله من دلال ودلع ابوها)
رنا و ريم و نور:كلهم توائم يشبهون بعض و ماتقدرين اتفرقين بينهم بس شي الوحيد انه ريم تلبس نظاره و رنا حاطه تقويم و نور ولا شي شعرهم بنى لين ارقبتهم كري>>حلو صح هههـ
و هم في ثاني ثنوي عمرهم 17 سنه

<<في احدى قصور المملكه>>
~قصر بو رعد(راشد ال——)~
في غرفة التوائم الثلاث
رنا:نورو وين حطيتي بنطلوني
نور و هي تسرح شعرها:فوق السرير
ريم:رنوي يالعميه ماتشوفين
رنا و هي تلبس البنطلون:انتي مالج شغل
البسو و جهزوا و حطوا ملابسهم في الشنط ونزلوا
رناو ريم و نور البسوا اسكني جينز ازرق فاتح و
train suit كل و حده لون
ريم وردي فاتح
رنا ازرق فاتح
و نور اصفر فاتح
انزلوا تحت حصلوا ام رعد تلبس عبايتها
ريم:وين رعد و راكان
ام رعد:برع يحطوا الشناط في السياره
نور و هي تنزل الشنطه:ماما في شنطه زياده
ام رعد: لبسي عباتك و عطيهم
رنا:قولي حق الشغاله
فجأأه
انفتح الباب دخلت جنى:يالله من هالبنت شيبت راسي وانا في العشرينات
شهد و هي تتهاوش مع امها و حاطه يدها على خصرها:اذا ماتبيني ليش جبتيني
رنا و هي تكلم جنى:شمسويا هاذي
شهد:هاي انتي ترى لي اسم شنو هاذي
ريم:اسفين عمتي شهد
نور:يالله من السانها
دخل رعد:يالله بنمشي

راكان في سياره و معه شهد و الاغراض
و رعد في سياره فيها البنات
و ابو رعد في سياره و ام رعد معاه
راكان مشا سيارته و راح و رعد ينطر ابو يمشي عشان ابو ساد الباب بسايرته ابو رعد جاته مكالمه من رقم غريب رد عليه
ابو رعد:الو من معاي
…………: معك الظابط——
ابو رعد:هلا امرني شبغيت
الظابط:ابيك اتمرني في مغفر —–
ابو رعد:ماتقدر اتأجله
الظابط:لا والله ماقدر
ابو رعد:طيب جاي
ابو رعد صكر الخط:رعد رعد خل السايق يوصلهم تعال معاي
ام رعد:خير شصاير؟
ابو رعد:مافي شي بس انتي الحين ركبي مع عيالج
انزلت ام رعد و ركبت في سيارة رعد و السايق خذ السياره و وصلهم
<<في سيارة بو رعد>>
رعد:يبا خير شصاير
ابو رعد:والله مدري شساله بس الظابط يبغينه
رعد:وشسالفه
ايو رعد:مدري
<<وصلوا المغفر>>
بو رعد دخل المكتب:خير شسالفه
الظابط: كل خير بس استريخ خلني اقولك السالفه
بو رعد قعد على الكرسي و رعد قدامه
الظابط:الصراحه اليوم جاتنه حالة وفاة
رعد بخوف:من متوفي
الظابط:خلني اكمل كلامي.اليوم جاتنه حالة وفاة ل منيره بدر ال——- (ام جوان)
ابو رعد مر عليه الاسم بس ما اذكر من اتكون
رعد سكت و هو يطالع ابوه الي واضح من شكله مصدوم من كلام الظابط و هو خايف انه تكون زوجة ابوه
الظابط:و بنتها في حالة انهيار من البكاء و هي مرقده في المستشفى و ابوها طلع عبدالرحمن ال——-
بو رعد بصدمه و صراخ:زين هي وين؟
الظابط:هي الحين في متشفى ———-
بورعد طلع بقصى سرعه و رعد وراه
ابو رعد رعد انت كلم السايق خل ياخدك من هن انا باخ السياره و بروح
رعد و هو مب فاهم اي كلمه قالها الظابط:طيب يبه لاتشيل همي
بو رعد توجه للمستشفى
<<في المستشفى>>
~جوان~
فتحت عيني لدنيا القشره
فتحت عيني لدنيا جرحتني
فتحت عيني لناس خلوني
فتحت عيني لعيش حياتي من جديد
لكن
لـــــــــوحـــــدي!

لـــــــــوحـــــدي!

لـــــــــوحـــــدي!
نزلت دمعتها بقهر وحرقت خدها الاحمر الناعم و تكرر بصوتها المبحوح من البكي:لا تخليني
^
^
فزة من النوم كررت الاسم:
يـــمــه
يــمــه
يمه
تذكرت الي صار و كملت بكيها
وفجاأه دخلت الممرضه المصريه:اخبار الحلو؟
جوان بصوت مبحوح:زينه
المرضه:دوم ياألبي>>هع هع

~في سيارة رعد الي فيها بو رعد~
"زين وين عبدالرحمن ليكون مات نزلت دموعه بيدون مايحس –لا يا اخوي لا- مسح ادموعه و وصل المستشفى "نسيت اجيب باقة ورد . اهم شي احصلها بس هي شسمها"
نزل من المستشفى راح عند الستقبال
ابو رعد:لو سمحتي عنكم حالة وفاة اليوم بالمرحومه(منيره بدر ال——)
الاستقبال: اي بس شتقرب لها؟
ابو رعد:انا اخو رجلها
الاستقبال:يعني انت عم المريضه (جوان عبدالرحمان ال—–)
ابو رعد:ايوه هي اي غرفه
الاستقبال:386
ابو رعد:مشكوره
راح لها ودخل الغرفه
لقى ملاك حاط يده على ويها و تشهق و يتكرر الكلمه على شفاته:
يـــــــــمـه
يــــمــــه
يــمـــه
يمه
بو رعد بدون مقدمات:احم احم السلام عليكم.حمداله على السلامه انا عمج راشد ال——
جوان ارفعت راسها شافت بو رعد تذكرت ابوها نزلة و جهها و حطت يدها على وجها و كملت بكاها
كانت مثل الطفل الحنون
كانت مثل الطفل المجروح
كانت مثل الطفل البريئ
حتى بكائها مثل الاطفال
كان كل شي فيها يدل انها طفله
جوان بعدم تصديق:عمي؟
بو رعد قرب منها:اي عمج
جوان:انا ماعندي عم
بو رعد :انا عمج
جوان صدقته لانه ملامحه من ملامح ابوها
قرب منها بيحضنها احضنته و بدة بنهيار من البكاء
بو رعد يبي يلطف الجو:يالله طلعي عشان اعرفج
على العائله الكريمه
جوان من بين دموعها:ابي اروح بيتنا
بو رعد بصرار: مافي بتجين تسكنين في بيتي
جوان تخاف اتثقل عليهم:لا عمي احنه عندنا بيت
بو رعد بصرار اكثر:ادري بس تسكنين معاي
جوان بستسلام:طيب
بو رعد قرب منها و مسح ادموعها:تبين تطلعين؟
جوان بصوتها الرايح:ايوه
بو رعد:الحين بروح عند الدكتور و بقوله يرخصج
جوان بهمس:طيب
طلع بو رعد من الغرفه حصل الدكتور في وجهه
بو رعد:دكتور لو سمحت ابي اسألك عن المريضه جوان عبدالرحمن ال—–
دكتور"شيصير لها؟":تعال معي المكتب و بشرحلك
بو رعد لحق الدكتور
الدكتور:"قاله السالفه كلها"
بو رعد:الله يكون بعونهايصير ترخصها ؟
الدكتور:ايوه اصلن هي مابها شي لاكن انا خليتها لين ايجي حد ياخا
بو رعد: مشكور .مع السلامه
بو رعد طلع من المكتب و كلم رعد
بو رعد:السلام عليكم
رعد: و عليكم السلام
بو رعد:رعد تعال مستشفى ——- انا انطرك هناك رعد فز من الفراش:انشالله دقيقه
طلع رعد من الغرفه ركض الكل اسأله شسالفه بس مارد عليهم
وصل رعد المستشفى و راح غرفة جوان بس قبل لايدخل لقى ابوه قاعد ينطره
رعد:هلا يبا امر
ابو رعد:"قاله كل سالفة عبدالرحمن و جوان"
رعد:والحين شلمطلوب
ابو رعد:ودها بيتهم تاخذ اغراضها
رعد:انشالله انا انتظرها في السياره
ابو رعد دش الغرفه وحصلها لابسه عبايتها
بو رعد بابتسامه:يلا جوان بنمشي
جوان اطلعت شافة سيارتين وحده ركبها بو رعد وقال لها تركب مع ولده رعد
جوان اركبت السياره مع رعد لكن وره
رعد:حمدالله على السلامه بنت العم
جوان و هي منزله وجهها و صوتها الرايح:الله يسلمك
رعد:ماعرفتينه
جوان برتباك:معك جوان عبدالرحمن ال—–
رعد :معاج رعد راشد ال—–
جوان:تشرفنه
رعد:الا ماقلتيلي وين بيتكم
جوان دلته و كأنها طفل:يمين , يسار ,لا لا ذلك الصوب
و هو يلف يمين و يسار لين مادوخته
وصلوه البيت الي كان صغير ولا في حديقه ولا شي و الباب مكسر و رايح فيها
رعد"معقوله هالملاك عاشت هني؟":يالله جيبي اغراضج
جوان ادخلت البيت خذت اغراضها كانت شنطه ضغيره فيها ثيابها لانها ماعندها واجد و خذت اغلى شي عندها الي هو الجيتار مالها
رعد شافها تأخرت دش البيت حصل ملاك معطي ظهره و ماسك جيتار و يغني بصوته المبحوح:
و الله ما يسوى اعيش الدنيا دونك
لا و لا تسوى حياتي بهالوجود
دامك انت الي رحلت
و كيف بصبر عالبعاد
و كيف بنثر هالورود
ماوعدت انك تقاسمني المحبة
و تبقى لي حبٍ و لدروبي دليل
بس حسافة الموت كان اقرب و ارحم
حسبيا الله و حده نعم الوكيل
حسبيا الله و حده نعم الوكيل
روح أنا راضي غيابك يا حياتي
هذي قسمة لي و هذا لي نصيب
كنت شمعة تضوي و تشرق حياتي
انطفيت و رحت في وقت المغيب
رعد:جوان يالله نمشي
جوان مسحت ادموعها و مسكت الجيتار:يالله
طلعوا و راحوا المزرعه

^
^
^
نرجع قبل نص ساعه
~في المزرعه~
بو رعد اول مادخل
ريم روحي نادي كل اخوانج و امج
ريم راحت غرفتها لقت رنا و نور يشوفون مسرحيه ويضحكون
ريم:يالله ابوي يبينه تحت كلنا
رنا و نور اطلعوا من الغرفه و انزلوا
اما ريم راحت غرفة راكان
اول مادخلت لقت راكان ماسك اكتاب
و يقول:في عصر ال…….. شنو نسيت
يجوف الكتاب و يقرا الفقرا و يحك راسه و القلم ورا اذنه
ريم:راكان
راكان ماسمعها
ريم:ركاانوو
راكان ماسمعا
ريم حذت علبة المناديل و حذته عليه
راكان:وجع
ريم:توجع العدو يالله ابوي يبينا كلنا تحت
راكان:طيب الحين جاي
ريم اطلعت و نزلت تحت
بعت ما اجتمعت كل العائله
بو رعد: انا بقولم عن شي خبيته عنكم من سنين
ام رعد بخوف :خير اشصاير
بو رعد:لاتحاتين مافي شي,انا عندي اخو اسمه عبدالرحمن و هو توفه وعنده بنت و امس مرته توفت و بنته كبيره و ماعندها غيرنه فبتكون ساكنه هني (لاحضوا انه ماقال لهم انه اخو اسرقه)>شفتوا شلون بو رعد من ذهب
(ملاخظه:بس رعد و ابو رعد و جوان يدرون انه عبدالرحمن سرقهم)
فجأا انفتح الباب و دخل رعد ومعاه جوان
و…………………………………………. ………………………………………….. .
نهاية تكملة البارت الاول