السلام عليكم ورحمة الله وبركاته
اسميــ: love pulse … نبض الحب
انا كنت متابعه للقسم الروايات في هذا المنتدى الراقي
واعجبني جدا التفاعل فيه .. وتحمست جدا اني اضع بين ايديكم
روايتي الاولى .. لادخل في عالم القلم والحبر والسطور ..
يمكن تكون جديدة عليكم في نوعها من ناحية اللهجة "بالبحريني"
ومن ناحيه نمط الحياه الي متعودين عليه براويات ثانية
اذاً..
روايتي.. حب الاحباب .. بقلمــ.. love pulse
جميعــ الحقوقــ محفوظة ولا احلــ من ينسبها اليهــ …
** هذه الرواية ليست من نسج الخيال انما هي حقيقية وابطالها موجودين وانا الكاتبة عشت احداثها مع ابطالها وقريبة منهم بشكل كبيير ولا استبعد ان اكون انا احد ابطالها .. لن اضيف اليها اي شي من نسج الخيال انما بعض التعديلات .. فسأعتبر روايتي عبارة عن ذكريات احببت ان تخلد بين السطور.. ولا اعلم كيف سأنهي الرواية فما زالت احداثها في الحقيقة تمشي وتزيد .. ولكن سأبد بكتابتها واخطها
** هذه الرواية احداثها في البحرين ..وابطالها على ارضها .. فيها من الجرأه الشديدة و الغموض والغرابة .. فرح حقيقي وحزن بعذاب مؤلم .. والله اعلم بما في القلوب
** لن اطيل الشرح فما اريده فقط ان تعلموا انها حقيقية فخدو العبرة منها
اتمنى انــ ينالــ قلميــ رضاكمـــ,,
وانــ لمــ ينلهــ .. فأتقبلــ النقد البناء والمحترمــ..
ولا احبذ من يحاولــ تشويه محاولاتيــ او جعلي ملاك لا يخطأ..
كلنا لسنا كاملينــ والكمال لوجه الله..
..
همسه لكم احبائيــــ..
..
اتمنى ان اجد ردودكم وتشجيعكم وتوقعاتكم
وارائكم بالشخصياتـــ ..
فكم يسعدني ان ارى ارائكم وتوقعاتكم بدلا من كلمة الشكر..
انتم من يستحق الشكر ولست انا ..
لذا ارحب بتشجيعاتكم "الدسمة" ..
البداية ..
تعريف بأبرز ابطال الرواية وباقي الشخصايت نتعرف عليهم مع الرواية
– ملاك : بنت هادئة ويغلب عليها السكون في قلبها ولكن في في الظاهر مرحة "مرجوجة" تحب المقالب …. ولكن حساسة جدا..عاقلة.. ما تقتنع بالحب .. صديقتها الوحيدة قطوف..
– قطوف: صديقة ملاك الروح بالروح من ايام ابتدائي وبنفس الوقت جارتها " بيتها قريب من بيت قطوف" .. هادئة جدا حتى في تصرفتها .. بارده.. حركاتها و قراراتها دائما مع ملاك من بعد ما يتفقون على الشي الي يبونه .. وهذا الشي الي يحدسهم عليه الجميع .. مستحيييل تشوفون وحده منهم تمشي بدون الثانية ماسكين ايدين بعض ..
– نور :زميلة الصديقتين بالمدرسة .. بنت مرجوجة جدا .. تحب المقالب .. متسرعه .. حساسة
– ريم :زميلتهم ايضا..هادئة بس مو وايد .. حساسة وايد.. فيها من العقل ..
– وفاء: زميلتهم ايضا.. مرجوجة .. تحب تمزح .. وتحب ربعها وايد
– رغد :بنت خال ملاك واكبر منها .. حنونة وحساسة .. لكن الي في قلبها على لسانها ..والي تبي تسويه تسويه ..
** هاذي اغلب الابطال الي عندنا وفي ابطال ثانية راح تنذكر في الرواية **
همسه: جميع ممن في روايتي ليسو اغنياء ولا فقراء كمن في الروايات الاخرى بل هم متوسطين
ترى بعتمد على ردودكم في اني اكمل الرواية ولا لا
…
البــــــــــــــــــــــــــارتــــــــــــــ الاولـــــــــــــ
…
..يوم الجمعة في بيت جد رغد وملاك كانو كلهم مجمعين لان يوم غداء العائلة ..
ام رغد : اقول فاطمة اليوم راح تجي ام وليد الي تبي ولدها وليد لبنتي رغد تبي تسمع راينا في الموضوع ..
+ فاطمة : تصير خالة رغد كبيرة لكن غير متزوجة والكل يحترم رايها..
فاطمة: انزين وانتي وابوها وش رايكم ..
ام رغد: انا وابوها مانبي نزوجها واهي بعدها صغيرة في ثاني ثنوي ..
فاطمة: انزين ووش فيها ..
ام رغد : على الاقل لما تخلص دراستها بالمدرسة .. وانا صراحة راح ارفض بدون ما تحس رغد بأي شي .. مابي شي يشغلها عن الدراسة ..
فاطمة: انزين وام وليد راح تجي في بيتنا ولا بيتكم ..
ام رغد : لا والله راح تجي العصر اهنيه.. وانا استحي اقول لها انتي خبريها ..
فاطمة : اوكي .. نقوم نتغدى الغدا جاهز والكل تجمع ..
// نخليهم يتغدون لكن لما جا العصر ..
رغد بصرااخ: ملااااااااااااااك .. ملاااااااكوووه
ملاك طالعه من فوق درج بيت جدها: نعااااااااااااااااااااااام
رغد : امشي امشي نلعب اونو نادي الربع معاج .. يلا بسرعة قبل لا نمشي البيت
// شوي والا صوت الجرس ..
رغد بدون ما تفكر تعرف من ..تركض تفتح الباب: اوووووه ام وليد اهنيييييييه يا هلااااااا ومرحبااا وحشتيني اوي يختي
ام وليد : هههه هلا رغوود شخبارج ..
رغد : تمام
+ طبعا ام وليد تصير جارت بيت جدها ومتعوده رغد عليها
//ام رغد تصفع على راسها وهي تشوف بنتها طاقتها سوالف مع ام وليد خافت رغد تدري بشي
ام رغد : رغد روحي بسرعه المجلس شوفي ابوج شكله بيرجع البيت اخذي خواتج وروحي معاه
رغد: اووه خلينا نقعد شوي بعد نطقها سوالف مع ام وليد وش ورانا
ام رغد باقي شوي وتنفجر: رغد روحي قلت لج
رغد : انزيييييييين ..وتروح تركض لابوها
// ام رغد دخلت ام وليد الصالة ودخلت عليهم فاطمة وجلسوا يتكلمون شوي .. ولما كانو على وشك يتكلمون في موضوع رفض الخطبة .. الا وتدخل عليهم رغد وهي تركض
رغد : ويييييييين عبايتي
ام رغد وقفت وسحبت رغد من ايدها: ذلفي بسرعه من اهني..
رغد زعلت وعلى طول طلعت تدور عبايتها بمكان ثاني ..
// مر هاليوم بسلام وانرفض المعرس الرابع لرغد بدون علم رغد
+ رغد بنت جميلة حنطاوية وعيونها مكحلة طبيعية وخشمها سلة سيف .. ضعيفة وايد و مب طويلة وايد .. من جمالها هذا صارت تنخطب من واهي بهالعمر صغيرة .. لكن امها مستحيل ترضى تزوجها وهي بعدها بالمدرسة .. عمرها 18 بثاني ثنوي
..
.. يوم السبت وهو ايضا يوم اجازة في البحرين ..
.. في بيت ابو رغد ..
التلفون يرن .. وتجي رغد هجوووووووووم على التلفون غصب الا تبي اهي الي ترد << الجنون فنون وقلة العقل مصيبة
رغد : الوو
هدى : ها رغووود بتيين معاي السوبر ماركت ..
+ هدى بنت عم رغد وبنت خال ملاك .. جميلة .. بيضة وخشمها سلة سيف .. جسمها ضعيف وطويلة ..عمرها 19 خلصت ثالث ثنوي وما كملت جامعه
رغد : يس يس اكيييد بس لا يكووون بيي " يعني بيجي يعني يأتي" علاااوي
هدى: علاوي في عينج .. اسمه عليي .. وبعدين انطمي لحد يسمعج .. اي راح ايي ..
+علي: شاب مرح وحبوب ومرجوج شوي يسكن في فريج بيت هدى .. واهو من شاف هدى واهو معجب فيها ويحبها وهي كذلك.. واهم اثنينهم وراهم قصة عجييبه .. صار لهم الحين ثلاث اسنين يحبون بعض.. ومكان لقائهم السوبر ماركت << الحمدلله والشكر
//سكرو التلفون وطلعت هدى من بيتهم مشي ومرت على رغد وطلعو يمشون للسوبر ماركت لان بيوتهم قراب بعض وايضا السوبر ماركت قرييبة .. وهم يمشوون دار بينهم هالحوار..
رغد: هدى يعني الحين انتي مع علي شنو اخر حبكم صار لكم ثلاث سنين..
هدى الي الحب يشع من عينها وتبتسم واهي تتذكر قبل ثلاث سنين :
كانت تمشي على نفس الطريق مع رغد ولما وصلو لنفس السوبر ماركت مر عليهم علي ورمى عليهم رقم وقال : هدى بليز اتصلي لي .. واهيا الي خذت الرقم بعد ما مشى ظلت محتاارة لمدة اشهر .. لين قررت تتصل ..
//قطع عليها تفكيرها رغد واهي تضربها بكوعها عشان تنتبه لعلي وهو داخل السوبرماركت ينتظرهم
رغد : هداييو هذا علي وصل قبلنا يالله تحركي
// دخلو البرادة وكان علي شرى لهم البرادة بكبرها<< مستانس شاف حبيبة القلب .. ودفع الحساب وحط لهم الكيس عند الهندي حق السوبر ماركت .. ولما طلع من البرادة راحت رغد وهدى ياخذون الكيس ..
الهندي شريف : ها هدى هادا كيس مال انتي
هدى : ييبه بس بلا هدره
شريف: ايه انتي متى يسوي زواج ويا ألي الحين انتي جم سنة
هدى : هاذا الي بيفضحني اليوم .. ما لك خص ولا ترى بقول لعلي انك تتكلم معاي هاا
شريف خاف: لا لا بعدين يسوي حقي مشكل
+ شريف هذا هندي من زماان بالبحرين ويعرف اصحاب هالفريج كلهم ومرت عليه قصص الحب الي فيه كلهم << فديته
// بعد ما ردو البيت وصارو في غرفة هدى ..
رغد: ابي سنكرز عطينييي
هدى: مااااابي اعطيج قومي ذلفي يالله
رغد: شوف الحماره وهذا انه الي اعاونها واروح معاها
هدى : هذا من حبيبي .. يعني لازم اخذ الاكل واجمده واخليه تحفه ما ينلمس
رغد: ماااااااالت الا مااااااالت عليج ..
// ارتمت رغد على السرير وظلت هدى تحضن كيس الاكل << الحمدلله والشكر
..
بعد سنة وفي نفس الغرفة وفي نفس الوضع .. هدى مع كيسها ورغد على السرير .. ولكن كانت رغد معصبة ..
رغد: تخيلليييييي اتزووووجه .. اخذه اربيييه انا اربييه .. اخاف اظنه ولدي وانا ما ادري
هدى : انزييين وانتي ليش معصبة قولي ما ابيه
رغد وهي تنقز من السرير: مصدق روحه هاذا جااااااااهل وجاي يخطب .. شنو صاير في الدنيا .. لا ومو باطه جبدي الا امي .. قلنا ولد اختها بس عاد مو ترضى اني اتزوجه
// طبعا الي يبي يعرف ليش اهي معصبة .. السالفة وما فيها ان ولد خالتها اصغر منها بسنتين وبعد بالمدرسة .. وهو يحبها وايد لدرجة ان طلب من امه تخطبها له .. وهذا الي صار
// نسرع شوي الشريط.. نشوف ان رغد رفضت ولد خالتها
// نسرع الشريط بعد شويات ..
رغد : ماما ما عجبني المعرس اقصر مني
ام رغد : اوكي
// نسرع شوي بعد ..
رغد : ماما ما ابي هذا المعرس ما ارتحت له ولا عجبتني شخصيته
ام رغد : اوكي
// نسرع شويي ..
في بيت رغد..
رغد بصدمة وصراخ : شنهوووووووووووووووووووووووووو.. مستحيييييييييييييييل هذا الدب يجي يخطبنييي
في بيت هدى..
دخلت هدى غرفتها واهي تركض ودموعها على خدها : انا موااااااااااااااااااااااااافقة
شنو رايكم بالرواية من بارتها الاول..؟؟!
شنو رايكم برغد وهدى ..؟؟!
للحين ما شفنا باقي الابطال .. وش تتوقعون من باقي الابطال؟؟!
رغد ليش منصدمه..؟؟
هدى ليش تصيح…؟؟
اكمل ولا لا ؟؟!
|
المشاركة الأساسية كتبها روح زايــــد
 |
شكرا…على التنبيه
فراح انزل لكم نص البارت الثاني وياريت تخبروني اكمل ولالا
البارت الثاني.. الجزء الاول
..في المدرسة الاعدادية للبنات .. وبالتحديد اخر يوم في الامتحانات..
ملاك تنزل من الباص وبيدها الكتاب تدرس : قطوووف لاعت جبدي وانا ادرس ..
قطوف وراها تنزل من الباص : انا وحده صكيت الكتاب من اول ما ركبت الباص.. مخي عورني وانا ادرس
ملاك : انزين امشي ندخل المدرسة واخذ لي راحه شوي من الدراسة لما ايي وقت الامتحان ساعه 12
قطووف: امشي نروح نقعد عن كفتيريا المدرسة توها ساعه 7 ناكل لنا شي بعدين نبدي ندرس من يديد
// دخلوا ملاك وقطوف الكفتيريا شوي والا تطلع في وجهم وحدة تركض وتحضن ملاك بقوه وادور فيها
ملاك : آآآآآآآآآآآخ .. ورييييح انشالله .. كسرتيني
نور: وناااااااسه وناااااااااااسه امشوو صديقني اشتري لج فطيرة زعتر وانتي يا قطووف بيتزا علا حساااااابي نيهاهاهاههاها<< حشى مو ضحكة
قطوف : نور وش صاااير عافسة روحش من صباح الله خير
//نور واهي ترفع مريولها"لباس المدرسة " لنص ساقها وتمسك ايد ملاك وقطوف وتسحبهم للزاوية في الكفتيريا وتقعدهم معاها على الارض
نور: شفته شفته .. عاااااادل شفته
+ عادل هذا رجال عمره 25 وساكت قريب بيت جد نور .. ونور معجبه فيه اعجاب لحد الجنون .. عادي عندها تلحقه وتقلده في كل شي ..
ملاك: صدق !… ليكون مهببة شي بعد
نور ببتسامه عريضة: ولا شي بس جلست اراقبه لما دخل بيتهم وبعدين طلعت اركض وربطت خيط وردي على منظرة سيارته تذاكر مني
قطوف بصدمة: يا المجنونة لو عرفج او شافج
نور بلامبالاه: عااااااادي وبعدين وش عرفه فيني
ملاك: وانتي لمتى يعني اتركي الريال في حاله انا حاسه انه يدري ان في وحده هبله تراقبه في كل شي حتى لو بيكح كحت وراه
نور وكنها مكتشفة شي جديد: يوووووووه ذكرتيييني ما اعرف شلون يكح يبي لي اسوي تحرياات انا شفته وهو يعطس
قطوف: تافهه حدج
نور: جب ما بشتري لكم شي غيرت رايي بدرس احسن ليي
ملاك: جب الله حظج والفار يحبج والليله عرسج << اطفال من قلب
// شوي والا تدخل وحده الكفتيريا تصيح ووجهال احمر
..
في بيت هدى..
دخلت هدى غرفتها واهي تركض ودموعها على خدها : انا موااااااااااااااااااااااااافقة
// راحت هدى بتفكيرها البعيد ودموعها بعدها تنزل .. مو مصدقة انها اخيرا بتتزوج علي .. اي نعم علي تقدم لها"يعني خطبها" بعد ما حصل له شغل يقدر منه يصرف عليها ويعيشها اخلى عيشه.. وراحت بذاكرتها لما اتصلت على رقمه وهي متوترة خايفه منه لكن في شي خلاها تتصل .. وصارت تسمعه يتكلم ويعبر له عن مشاعره .. ظلت على هالحال مده طويله لما بدت تحبه
.. وعاشت على حبه اربع سنين كلها شوق لقربه ..
هدى تصرخ: موااااااااااااافقة والله موااااااااااافقة .. واخيرا بعد اربع سنين
// سكتت لما سمعت صوت الجوال يرن وابتسمت لما عرفت ان علي الي متصل .. قطعت التلفون .. وبدت تكتب مسج
(( علاوي .. ما راح تسمع صوتي الا بعد الملجة "الملكة" .. بتوحشني))
// طبعا علي انقهر منها لكن عسل على قلبه يوم انه فرحان انها بتصير حلاله …
…
نرجع للمدرسه ..
// شوي والا تدخل وحده الكفتيريا تصيح ووجهال احمر
ريم مبوزة والدموع مجمع في عيونها : سلام
وقعدت بعصبية مع نور وملاك وقطوف على الارض ..
نور تحضنها بدفااااشه: وا على قلبيييييييييييي حبيييييييييبتي ماي فررنده شفييج يا بعد اهلي
ملاك تدفع نور بعيد وتحضن ريم : ريموو شفيييج
قطوف هادئة طبعا اكتفت بأن تسالها شفيج وهي مكانها
ريم : الجلب الحمار خاااااااااااالد .. راعي البنات المغازلجي .. شايف روحه حليو بيتفلسف
+ خالد ولد جمييييل حنطاوي وعضلات والجسم مشدود والعيون عسلية وشكله ستايل عمره 20.. يحب يغازل البنات .. والمشكلة ان ريم تحبه بس هو موداري عنها .. واهي بنت خاله
ملاك: وش مسوي بعد
ريم وهي تلف بوزها: البارحة متصل لي يقول لي بعطيج هديه توصلينا لسناء الي معانا بالمدرسة
نور : نعم نعم نعم .. ويزعم الحين هو يحب سناءووه الحوله .. هادي اخس بنت في المدرسة راعية شباب هاذي
قطوف: انتين ليش معوره قلبج خليه يولي عنج
ريم وهي تحاول تقنع روحها : انا خلااااص ما بفكر في اني احبه من اليوم ورايح مالت عليه ..حليو واحد<< حلفي عاد يزعم سبته
ريم: انجبووو انزين بدرس << الي يسمع مو انتي الي عافسة المكان