روايتي الأولى : المجهولة 2024.

المجـــــــــــــــــــــــــــــــــــهولــــــــ ــــــــــــــــــــــــــة
بعد تردد كبير قررت اني اكتب رواية طبعا هادي اول رواية ليا والرواية خيالة وعشانها اول رواية ليا حيكون اكيد فيها اخطاء فالي حاب ينقد اهلا وسهلا ولكن ينقد نقد بناء وباحترام وبدون تحطيم لو سمحتو .
اللي حاب ينقل الرواية ينقلها لكن مع ذكر اسمي (khlood14) وما رح اسامح أي احد ينقلها بدون اسمي .
روايتي مافيها حب الا يمكن 1% يعني اللي يدور حب وجراءة ما رح يحصلو في روايتي .
الرواية مش طويلة مكونة من اثنين وعشرين جزء والشخصيات برضو مش كتير .
الرواية مكتوبه كاملة عندي بس الباقي اني انزلها .

الجزء الاول /
بعد ماخرج من المسجد وهوا راجع البيت فجاة سمع صوت بكى يجي ويروح ولما وصل لمصدر الصوت ولاقى بنت جملية مرميه على الارض ومعلق عليها سلسال وفيه صورت البنت ورجال وحرمة وفيه وشم على رقبتها باسم ديانا اخذها للبيت اللي يسكن فيلو هوا وزوجتو " فاطمة "
فاطمة : عبدالله من دي البنت ؟
عبدالله : لما خرجت من المسجد ….وحكاها القصة ، ايش رايك نربيها وخصوصا انو احنا ما نجيب عيال ؟
فاطمة : فكرة حلوة ولكن ايش رح نسميها ؟
عبدالله : اظن انو اسمها ديانا لاو موشوم على رقبتها
فاطمة : طيب وايش فيه في ده السلسال ؟
عبدالله : يوجد صورة لها مع حرمة ورجال واعتقد انهم ابوها وامها
فاطمة : اعطيني السلسال رح اخبيه
عبدالله : تفضلي ، وانا رح اروح بكرة عشان انسبها لاسمي
فاطمة : ما يجوز واصلا مافي احد رح يسويلك ده الشيء
عبدالله : انا اعرف شخص رح يسويلي اياه وانا ما ابغاها لما تكبر يكون مالها نسب وخصوصا انو احنا مش عارفين عنها شيء ومامعاها اوراق ثبوتية
فاطمة : طيب اعمل اللي تبغاه رح اروح انام وانيم البنت
عبدالله : طيب
وفي بيت ثاني…
كانت تجهز اغراضها والدموع في عينها واسئلة تدور في بالها ليش سوى فيها كذا ؟ ليش تركها وهيا محتاجتو ؟
وفي الصباح …
راح عبدالله عشان ينسب البنت له
وفي المطار…
كانت سيلينا طالعة الطيارة المتجهة الى بريطانيا وكانت طول الرحلة تردد " يارب احفظها " .
في مكان اخر …
في شركة كبيرة كان يجلس على مكتبه ويشرب القهوة ويفكر في النقاش الحاد اللي صار بينو وبين ابوه
والده : اختار يا انا وامك يا هيا .
محمد : ابويا انا م اقدر اتخلى عنك انتا وابوا وكمان هيا زوجتي وبتصير قريب ام لبنتي او ولدي
والده : اجل روح معاه وما ابغى اشوفك بعد اليوم
سامحيني ما كان عندي خيار غير كده عشان ارضي ابويا
[/FONT][/FONT][/FONT][/FONT]

بداية رائعة ومشوقة وحماس بانتظار التكملة على نار ﻻتتاخرى علينا يا قمر بليييييز واعتبرينى من متابعينك .

حبيبتي واضح القصه حلوو ،، كلنا كنا مبتدئين ،، اتمنى لو تزيدي السرد شوي عشان تصير الاحداث احمل وركزي ع الدقه في االاحداث والافضل تكون الاحداث مفصوله فـ كل شخص اعطيه مساحه خاصه فيه ،، كمان لا تنسي الواقعيه قبل مايتبناها لازم تكون في امور زي لازم يبلغ الشرطه عنها اول لانها ممكن تكون مخطوفه او شيء زي كذاا ،، وصعب احد يقبل شخص مو من صلبه وبالاخص في السعوديه ،، يعني ركزي شوي واشتغلي شووي ،،
واضح انك بتكوني كاتبه ممتازه وان شاء االله اكون من متابعينك واتمنى عدم التقليد في الاحداث زي البنت الاجنبيه وغيرها من هالامور لانه هالقصص صا ت مستهلكة ،، اشطحي بخيالم واتمى لك التوفيق ..

لبدايه حلوه لكنك استعجلتي ب السرد

وقصة انه راح ينسبها له ماتنبلع
ومل ماقالت الي قبلي مستحيل شخص في السعوديه يقبل ولد لقاه ب الشارع

تسلمي حبيبتي هدا من ذوقك
وشكرا لكي

شكرا لكم ولكن انا زي ماكتبت في البداية انو روايتي خيالية
وكمانا السرد والله حاولت قد ما اقدر اني ازيد فيلو
وشكرا لكم مرة تانية

بداية مشوقة
تسلم اناملك

الله يسلمك
وشكراً على مرورك

وكمان في شغلة ابغا انبه عليها
الناس اللي يقولوا ماحد يتقبل عيال من الشارع
المحروم من الضنى حياخذه حتى لو من زبالة
وخصوصا انه لسا بيبي فاخلاق الولد حتتكون مع التربية
يعني زي مايربوه راح تطلع اخلاقه
بس اهم شي الناس مايدروا عشان لايقروشوا راسهم بالكلام
..وجهة نظر..

بدااايتك رووعة
انتظرك
وحتى انا سجيليني في متابعيك
بس انا لاحضت انو الرواية مككررة مرتين هذي والثانية على مااضن رد واحد بس لو تروحي لثانية وتغلقيها افضل عشان الناس ما يتلخبطو