هاهي روآيتي الأولى بين ايديكم
ثقتي بكم هي من عطتني الدافع القوي لاطرح روايتي عليكم
يمكن روايتي ماراح تكون طويله كثير عشانها الرواية الأولى لي ..
بسم الله
في أول يوم دراسي جديد
في بيت بو زياد الاخ الأصغر من عائلة ال .. …. :
ام زياد جواهر : نورما … يآ نورما روحي صحي ريمو وزيود للمدرسة
نورما : ان سالله مدام (ان شالله مدام)
ام زياد اللي عرفتوا اسمها تشتغل معلمة في مدرسة بنات المرحلة الثانوية محتفظة بجمالها وشبابها مع ان مالها من العمر الكثير طيبة وحنونه بس في وقت الجد جد
تحب عيالها كثير اللي هم:
ريما بنت متواضعه كثير شيطانة وفيها حركات تحب بنات خالاتها اللي من عمرها اللي هم بنفس الوقت بنات عمامها (بتعرفونهم بعدين) هي الحين في صف ثالث متوسط يعني عمرها 15 سنة تكره بنات عمامها اللي اكبر منها تقول دلعوين وشايفات انفسهم واهي صريحة يعني تعطيهم على بلاطة (تعجبيني يآريمو ؛)/
اخوها زيود اصغر منها بـ5 سنوات ماتخلية في حالة وهو طيب وعلى نياته
نرجع لروايتنا
نورما تصحي ريمو وريمو عاطيتها طآف
نورما : يلآ ميس ريمو واجد يهب نوم (يحب نوم ) يلا قوم بعدين مدام قول نورما مافي كويس
ريما ماردت
نرومآ : يلا ريمو قوووووووم
ريما : اوف منك انتي شلون معاك ماتسكتين خليني انام قطعتي علي احلامي الله يقطع شرك روحي صحي زيود التبن بعدين تعالي صحيني
نورما : زيودي هبيبي (حبيبي ) في قوم من ساعه (متى صحيتية يآ كذآبة ) بس انتي ماسالله عليك ماسالله عليك يهب نوم واجد
ريمآ : يمآ منك بتنضليني بقوم بقوم (قآمت ) قمنا كذا زين يلا ذلفي خليني اجهز
نورمآ : ايوا ريمو هبيبتي وآجد زين وطلعت
ريما بعد ماطلعت نورما تقلدها : ايوا ريمو هبيبتي واجد زين ياشينها تحب الهذرة خل اروح اجهزوايد ابرك لي من نورما الهذارة
بعد ماجهزت ريما وجهز زياد نزلو يفطرون مع امهم وابوهم
ريما : صباحو جوجو صباحو عزوزي (امها وابوها )
عبدالعزيز : صباحك خير بابا يلا اجلسي افطري
جواهر : ساعه على ماتجهزين من متى وانا راسلة لك نورما تصحيك
ريمآ : ريلاكس جوجو تدرين اول يوم ضروري الكشخة الزايدة عن اللزوم مسحيها بوجة زيود
زيآد: وش اللي تمسحة بوجهي (مايدري عن الدنيا مسكين )
جواهر : كمل فطور حبيبي عشان احنا طالعين الحين
فطروا وخلصوا وطلعوا مع امهم
طبعا مثل ماقلت لكم انهم سعوديين بس بسبب ظروف حصلت لهم انتقلوا للكويت عبدالعزيز واخوانة
هذآ جزء بسيط من روايتي اذا عجبتكم رآح أكمل
سو نايس
نورتِ القسم بـ أطلآلتك
أطلعي على القوانين
القوانين ، تحديث جديد ؛
موفقه بطرحك
~
تحياتي :
جــــــوجــــــو
ما راح اعقب عليه لانوو اول بارت ..
عججبتني البدايه ..
اتمنى ـآ تكككملينها ولا تقطعين ..
وانـآ مععاك للنهـآيه ..
انتضر ع نـآر
بسم الله
يعطيك العــافية
بـ التوفيق إن شـــاء الله
,’
بداايا موفقاا دلبووي ^_^
رااح اكوون متابعاا لروايتك
تمنياتي لك بتوفيق 3>3> .. .gif "Msn (2)")
ف جواهر تسوق عادي مو بس جواهر الحريم الباقيات اللي راح تعرفونهم قريب
وصلت عيالها كل واحد لمدرستة وراحت هي للمدرسة اللي تشتغل فيها
في بيت عبدالله اخو عبد العزيز الوسطي متزوج وعندة 5 عيال
بنته نورة متزوجه وعندها ولد اسمه عبودي على أبوها وبنته الثانية اسمها نوف وولده أسمة فيصل واخوه فواز وأختهما اخر العنقود اسمها آلاء بنفس عمر ريما وصديقتها الروح بالروح وعندهم بنت عمهم ثالثة بتعرفونها بعدين ويسمونهم الثلاثي المرح
ماقلت لكم ان عبدالعزيز وإخوانه حريمهم خوات
آلاء : فيصلوه قوم وصلني لا أصكك راشدي الحين يلا عاد تأخرت اليوم اول يوم ( فيصل معطيها طاف ) فيصلوه قوم عاد يمة شوفي ولدك
ام فيصل مريم : فيصل قوم وصل اختك المدرسة لا تتأخر وانت بعد قوم روح الجامعه
فيصل : أدبيها قبل وأوصلها اجل أنا تقول لي أصكك راشدي واذا على الجامعه أنا بروح الساعه 8
ام فيصل : ماتعرف اختك وسوالفها مزحها ثقيل مثل بنت عمها ريما
آلاء : فصولي عاد قوم ، وانا يمة بنتك حبيبتك تقولين مزحي ثقيل واذا على ريمو حياتي تراها خفيفة طينة وانا خلاص بروح اتمشى للمدرسه ان وصلت وصلت وان ماوصلت لنا الله
يلا تشاو وطلعت
فيصل قام لحقها يعرفها اخته مجنونه وتسويها
آلاء يالدلخة يلا تعالي اوصلك
آلاء ماتهد طوالة اللسان: وأخيرا تكرمت اللي يسمع سيارتك الحين سيارة ذاك المزيون اللي يوقف عند مدرستنا كل يوم اثنين حرك واللي يرحم والديك حرك بس
فيصل حمدالله والشكر استحي على وجهك تراني اخوك الكبير
آلاء:طير زيين
وصلها مدرستها ورجع البيت
عند جواهر بعد مادخلت غرفة المعلمات رن جوالها
جواهر :الو هلا حبيبي
عبدالعزيز وصوته متغير من الألم : جواهر لحقي علي (وطاح الجوال من ايده
عند نوف ( نوف طبعا ماكملت جامعه خلصت الثانوي وقعدت ببيتهم تقول الحرمه مالها الا بيت زوجها نوف بنت دلوعه عمرها 20سنة جمالها عادي بس هي تفكر نفسها ملكة جمال
نوف وهي تتأمل أظافرها : يبيلهم مناكير وبدكير راح اقول حق أمي اني باروح الصالون أكيد بتوافق هي ماعندها مشكله في اي شي قاطعها رنة جوالها
نوف شافت الرقم و خافت هي اصلاً من يوم ماقالها ان راح ينشر صورها اذا ما طلعت معاه وهي ماترد علية
نوف قررت ترد : هي خربانة خربانة ردت : الووو
توقعاتكم :
شنو راح يصير لعبد العزيز
من اللي كانت نوف تكلمة
هاذي تكملة البارت الأول
اشوفكم على خير في البارت الثاني
ياالغـــــــلااااااااااا