روايتي : أحببتك حين كنت طفلة وسأشيب وأنت بقربي مهما كانت الظروف

بسم الله الرحمن الرحيم

..

عبدالعزيز :
يمه أبيك ضروري اذا شفتي رسالتي اتصلي علي !
الأم بعد ساعتين قرأت الرسالة دقت وهي يدها ع قلبها :
الأم : خير ياولدي ان شاءالله ؟ ايش فيه وايش صايرلك لا سمح الله !
عبدالعزيز وبدون ملامح :
يمه أخاف من الحرام أخطبي لي !
والأم وهي مفهية :
هاا !!
عبدالعزيز :
يمه اقووولك زوجججيني مااابي ارتكب الحرام !!
الأم وبدت تستوعب :
الله يهديك ياولدي وانا من متى أكلمك بهالموضوع وتغيره وتقول ما اتزوج غير بعد الثلاثيين ! خلاااص أنت أرجع بالسلامة ولك اللي تبيه ولك احلى عروسة !
عبدالعزيز وهو فهم ان امه قصدها بنات خاله رد بسرعة :
بس انا يايمه احب وحدا وابيهااا هي بالذات !
امه وفهت أكثر من أول هذا عبدالعزيز اللي مايعترف بالحب والبنات يقول كذا ، صدق دياار الغربة تغير ، ردت وباستحقار :
ومين هي تعيسة الحظ ياولدي ؟
عبدالعزيز بصوت رجاا :
يمه وحدا سعودية لا تخافيييين ، بس تكففين يمه ابييها اليوم قبل باكر والله صبررري نفذ ياايمه ، ما اقدر انتظر اكثر من كذا ( وبدأ يتكلم وهوو ناسي نفسه ومين يكلم ) يايمه والله هالبنت غير غير عن كل البنات غير بكل شيء بعيني ، الأم ساكتة وهو يكمل ، يمه تعرفين العطشان اللي لقى له الماء ؟ قوليلي كيف يخلي الماء ويروح بعطشه !!
الأم بجمود : وان كان هالماء وصخ !
عبدالعزيز بإندفاع : وتحسبين ولدك وتربيتك بيطيح بالماء الوصخ ؟!
الأم سكتت ولا علقت ، وبعدها استأذنته بتروح تشوف اشغالها ،
عبدالعزيز بعد ماقفل سكت سكتة تأمليه للي قاله ولإندفاعه وتهوره وللي دفعه يكلم امه كذا ، بس اتنهد براحة وهو يكلم نفسه امي وحدة متعلمة وديّنه ومتفهمة استحالة تفهمني غلط ، وسرح باله باللي صار أمس …….

/

شروق : ترى جوني خطااب ي بااشا !
خالد : مشاءالله ، والله ونعم ماجو له ، وانتي حياتي مين عجبك منهم ؟
شروق وهي تغلي بدون لا تبين : والله ياحبيبي مدري ، يقوولو في واحد مهندس ومُزة واخلااق وقبل دين وكدا وصراحة ماني عاررفة مره محتارة !
خالد ويبي يغيضها : يابعد حالي انتي وشوله تحتارين وعندك صلاة الاستخارة ، استخيري وانا بدعيلك الله يجيبلك اللي فيه خير !
شروق وماهي قادرة تكتم دموعها : آمين الله يجيبلي اللي في خير والشخص اللي يستاهلني
خالد : آمين يااابعد بعدي آمين ( وبضحكة )
ومبروووووووك مقدماآ وقبل الكل والله وبتعرسين قبلي ي شوشتي !
شروق وجلست تبكي خلااص : حقيييييير !
خالد وانصرع ضحك بصوت عالي : أعرف اقلب الطاولة عليتس يااقلبي ولا نسيتي من أناا ؟!
شروق وهي تشاهق : نسيت انك الشرير خالد ، خلااص اسكت يادوب ماني ناقصتك !
خالد وقلبه انقبض ع بكاءها اللي يعذبه مليون مره : شوشتي زي ما تمزحين معي انا امزح معك يلا امسحي دموعك اللي تذبحني ذي !
شروق وبتكشيرة : لو همتك ماكان خليتها تنزل !
خالد : خلااص بطللللي ياعبيطة انا باتريق معاكي !
شروق : لا تقلد هرجي !
خالد : ياحبيي لك وياحبي لهرجك اللي عشقته !
شروق وبدت تستحي : طيب انا استأدن عندي شغل البيت بأخلصو !
خالد وبهيام : يااااااااالبيه على اللي يشتغلون ، متى تجيييييين واشوفك وانتي تشتغليييين بس !
شروق ماتت ع نفسها وقفلت بوحهه !
خالد سمع صوت القفلة ومسك الجوال يضمه وهو يضحك ب عشق وبنفسه الله عوضني بهالأدمية والحمدلله ، وجاء ببالهه ذكرى تعارفهم وسرح فيهآ …..

/

كانو مجتمعين الأربعة بـ الأستراحة وكل واحد في جهة ومنهك من اللعب ،
تركي : احمد قلتلك أجلها للويكند الله يهديك
أحمد ويادوب يهرج من التعب : ليتني سمعت كلامك يالشين
وحّل الصمت عليهم وكل واحد يحاول يلتقط أنفاسه ، فجأة ضج صوت ضحكة وطلعت من وليد ، كلهم التفتو عليه وهم بنص عين يناظرونه من التعب !
وليد : ياخي اشكالكم يبغالها تصووير وانتم كذا !
محد رد كلهم ساكتين مافيهم له !
وليد ناظر سعود اللي نام وهو منسدح ع المركى بنظرة خبيثة ، وقام ومد رجله ع المركى وطيحه ل حتى ما طاح وجهه سعود بالأرض وقام وهو مفزوع ، وليد والشباب بهالوقت كلهم طاحو من التعب والضحك ، وسعود قام وهو يسب فيهم بنفسه ، وبدأت هلوسة الشباب وتريقتهم لمن أخذ التعب ما آخذ ونامو كلهم إلا تركي اللي كان يراقب أصحابه بـ صمت ، وجاء ببالهه كل صديق وكيف اتعرف عليه … وغفى وهو يدعي ب قلبه ان الله لا يحرمه من فرحته اللي هم اصدقائه !!

/

ابو معاذ : ماتلاحظين يام معاذ بـ ولدك وتغيره !
ام معاذ وبتنهيده كأنه مسكها بيدها اللي توجعها : اييييه الله يصلح الأحوال ياابو معاذ
ابو معاذ بإصرار : انا قلتلك بسوي اللي قلت عليه ولا تناقشييني !
ام معاذ وبدمعة : الله يستر !

/

شادن : بسرعة بسرعة يامجنونة
مروه وهي تجري وتلهث من التعب : طيب طيب بس بشوييش يدي بتتقطع منك يالزفت
شادن وعيونها تلمع بالدموع : كله منك كله منك ياحيوانة انتي السبب الله ياخخذك واللي يسمع كلامك
مروه وهي مستمرة بالركض : محد طقك ع ايدك وقلك تعالي معي ومحد طيحك بالنار معي ، اركضي وانتي صاكهه فمك احسنلك !
شادن وببكاء وانقطاع أمل جلست ع ركبها وتدعي عليها بينما مروى حطت رجلها واختفت من انظار شادن ، اللي حست بيد تمسكها واصوات كثيرة وتتذكر اللي صار ويغمى عليها …..

/

السلام عليكم ورحمته وبركاته حبايبي ،
اتمنى ان الجميع بخير ، وبصحة وبسلامة ،
ممممم آنا اختكم / الآســرة ،
وهذه أول رواية أكتبها وأعزم ان أقدمها لكم بالبداية ترددت أكتبها بـ العامي ولا الفصحى ، بس لاحظت اغلب الشعب عامي فـ قلنا على بركة الله عامي ، وأترددت انزلها ولا لأ لكن هذه المرة بعد تشجيع من صديقتي رلح أقدمها و أتمنى أن تنال على إعجابكم ورضاكم 🙂 !

+

البدايات التي في الأعلى كانت مجرد مواقف لـ أهم شخصيات روايتي ، جمعت في هذه الشخصيات الكثيير من الواقع ولتجمل الرواية أكثر جملتها بـ ببعضٍ من الخيال ، وجمعتها بين الواقع النجدي والواقع الحجازي ، 🙂

وراح نتعرف إلى هذه الشخصيات لكن بعد ما أشوف حماس يشجعني من الأعضاء حتى أبدا *_* ? ?

/ أنتظركم :$

أنا أششججججعكك حبيبتي الآســرهـ ولكـن الأحـداث حاولي ماتخلينها سـريع سـريع إبدعي في السـرد وباين قلمك له وهـج وحروف متألقهــ لكن الأحداث كانت مختصره صح ولكن إستخرجت بعض الأفكار

أم عبد العـزيز ردة فعلها جامددده وباين راح تغربل البنت اللي بتخطبها
وعبد العـزيز ماشاء الله فضح كل شي 🙂
تركي وأحمد ماعجبـوني بالمره هم وشلتهم
شوق وخالدـ باين لهم دور وخالد شكله عاااشق 🙂
وووبث ^^ــــــــــــ^^
نزلي البارت الثاني وراح تلاقي الحماس المطلوب اللي ترجينهـ وبأسرع وقلت لجل تلاقي مشاهدات وتعليقات تسركك
وعسـاكك عالقوهـ ويعطيك ربي ألف عافيه

السلام عليكم ورحمة الله

حياك الله بغرام .. بدايتك حلوة بس ياليت تنزلي البارت بسرعه ..
خالد وشروق واضح انه تجمعهم علاقه محرمه مكالمات وممكن طلعات وهالشي
محرم واكيد لو صار وتزوجوا علاقتهم بتكون مبنيه على اساس مو سليم واي
مشكله او هزة راح تاثر على حياتهم مستقبلا ..
عزيز وسرعته واندفاعه حاليا بعكس السابق شي يثير الريبه والخوف ..

القوانين / الإطلاع هام و الإلتزام ضروري

ياليت تطلعي على هالموضوع اكيد بيفيدك

قضايا

بالتوفيق ان شاء الله

يااهلا ومرحباآ بـ اول محفزة لي :$
تعليقك ونقدك علي عيني وراح أحطه بعين الإعتبار ، ومن ناحية السرد صحيح بالباراتات الأول راح اسرد الاحداث سريع سريع حتى تبدأ بعدين الأحداث الأكشن وزي ماقلت هذي احداث مختصرة للشخصيات والباقي أعظم ، *-^

راح تشوفي ام عبدالعزيز بـ الأحداث وتحكمين والشلة بعد :$

نورتيني يالغلاآ () "

اهلا وسهلا مشرفتنا الغاليةة ، :$ نورتيني وأسعدتيني :$
وان شاءالله اتطلع على القوانين ومن عيوني راح ينزل البارت الآن ان شاءالله

وتخوفاتك بـ محلهآ ^_* بس ان شاءالله يكون عكس توقعك خالد وشروق 🙁

قبل البارت راح نتعرف على الشخصيات :

عائلة عبدالعزيز :

أم عبدالعزيز " هناء " : أم وجدة أنتهت من الجامعة ودراستها كانت دراسات إسلامية عمرها " 45 "
لها 5 أطفال هم الحياة بالنسبة لها
1- أيمن عمره 27 متزوج من بنت خاله ولهم طفلتين ، هناء وشفاء 2- عبدالعزيز ، مخلص دراسة قانون وراح لأمريكا بعثة يكمل دراسة القانون عمره 25 ! ، 3- فاطمة عمرها 23 مخلصة جامعة وتفكر تكمل الماستر ، والباقي شمس وعبدالرحمن ..
والد عبدالعزيز ، شخص بعيد عن عائلته جداً راح نتعرف عليه من خلال الأحداث
ملاحظة " أم عبدالعزيز حجازية وأبوه نجدي ، والعادات بينهم شتتت وفرقت !

/

عائلة خالد :
أم خالد + أبو خالد ، جميعهم اتوفو بحاادث سياارة وكان وقتها عمر خالد 2 ثاني ثانوي كذا ، وولدهم الوحيد خالد اللي جابوه ، خالد : عمره 28 دكتور بالرياض ولمن اتوفو اهله عمه الكبير اخذه لبيته يربيها وحطه بملحق وكان نية عمه لشيء غير تربية ولد اخوه كان طامع بـ ثروة خالد اللي جناها من والديه اللي توفو ! ولمن كبر وعرف مققصده هاجر من الرياض بكبرها ، له صديق هو أخوه وهو كل شيء له ، أصّر عليه هالصديق يجي المدينة عنده بما انه كان هو وامه الكبير بالسن لوحدهم بالبيت ، ف جاء وسكن عندهم ويعيش أحلى حياته مع العجوز وولدها !

/

عائلة شروق :
أم شروق " مريم " ، ربة منزل حريصة ومحافظة ، ولها 4 أطفال .، عمّار : الولد الكبير والمحبوب من الكل – تخرج من الجامعة وتوظف بالمباحث بشغلة ضابط عمره 26، تميم – الولد الثاني له وكابتن طيار 24 ، شروق – البنت الكبيرة لأمها والدلوعة واللي كل شيء لها ، تدرس تحضيري 19 ، شوق البنت الصغيرة الدلوعة واللي دائم تغار من شروق عمرها 11 .،
أبو شروق ؛ فيصل طيب وصارم ومتفتح ودائم مع الحق وين مايكون !
كل عائلة شروق تسكن ب المدينة وحجازيين

/

الأصحاب الأربعة ، تركي + أحمد + سعود + وليد ،

تركي : طالب امتياز عمره 25 ، عزابي ، أمه دكتورة معاه بعد بنفس الهوسبيتل اللي ولدها يتدرب فيه وأبوه يشتغل اعمال حرة ماعنده غير أخت وحيدة هي حياته كلها اسمها ذوق بثاني ثانوي ، وبما ان امها صار لها حادث صارت عقيم بعدها ! تركي هذا من أفضل شخصيات الرواية بنظري ، واحد ملتزم متّم حففظ القرآن كامل وجامع بين وناسة الدنيا ومو ناسي واجباته وفروضه ، يعني شخص ماشي الطريق الصح وهو الأثر الكبير على افراد شلته ويحبون تركي اكثر من نفسهم وماتصير مشكلة الا عند تركي !

أحمد : مدرس رياضيات عمره 27 هذا أكثر شخصية بالرواية عاطفية واأكثررر دموع ينزلهاا ، وحبيت بس أوضح للرجال ان دموعه مو عيب ، قصته قصة ثانية راح تتعرفون عليها مع الأحداااث ، مملك ع بنت عمه اللي قصتها قصة بعد ؛)

وليد ؛ مع احمد بنفس المدرسة بس مدرس كيمياء ، عمره 26 مو متزوج ، اكثرر شخصية مرحة وطريفة بس تغير بعد حدث صار له وصار اكثر كآبة .. وليد هذا أكثرر من باقي افراد الشلة تمسك بتركي وتركي بعد ، حتى ماصار ينادون تركي الا يقولون وليد والعكس حتى عند اهاليهم ، امه وابوه ناس متفهمين وع قد حالهم وكبار بالسن ، دائم مايكافح حتى يوفر لهم اللي يبونه ، عنده اخته أسيل الوحيدة بآخر سنة ثانوي اللي تغيرت حياتها بعد ماصارت لها قصة ، راح تعرفونها بعد مع الاحداث ان شاءالله !

سعود محقق كبير وصيتّه بين الناس مايححقق بقضية إلا يكشفها ، ومساعد في شركة ابوه الضخمة اللي يعتبر ابوه من التجار الواصلين ، عمره 30 .. عزابي ولا يفكر يتزوووج مع زنّ اهل المتواصل له وعذره الوحيد : شغله اللي معظم وقته فيه !
ابوه واحد تاجر كبير ، امه وحدة تهتم بالمظاهر والكشخات والدنيا وآخر ماتفكررر فيه عيالهاا اللي همم 7 ، سعود الكبير ، وعبدالمجيد الصغيرر اللي عمره 9 سنوات ، واخواته الخمسة اللي كل وحدا لها حياتها الخاصة ،
نهال : عمرها 24 خريجة قانون ، نسخة من أمها كل شيءء المظاهر والكشخات والطلعات ،
عبير : عمرها : 21 تدرس بالتصميم الداخلي ، واللي دائم انطوائية وحياتها كلها ع الافلام !
أميرة : تحضيري لساتها 19 ، هي الوحيدة اللي تجيب بالبيت الحياة بوناستها ودلوعة ابوها حييييل وتحب سعود ودائم عند راأسه وتزعجه !
مروه : طاالبة ثانوي 17 مراهقة ﻷبعد الحدود وقالب نفسها " بوية " وتسوي تصرفاتها دون ماتراعي اي احد ، ووللحين تحس نفسها مشتتة ومشردة وفاقدة الحياة !
ومع كل العز والنعمة والدنيا اللي ببيت ابو سعود إلا ان سعود نادر مايجلس فيه ، وان جلس محد يجلس معه وكل شخص منشغل بحاله وهو حاز بنفسه هالشيءء بالحيييل !

وللشلة أستراحة مشترينها بالرياض حياتهم فيها اكثر من في بيوتهم ، صداقتهم كانت مع بعض من ايام الروضة ، حيث كان امهاتهم بنفس الحي ، ! يجمعهم رااابط قوي وهو الحب في الله ، واأخوان هم اكثر من انهمم اصدقاء !

/

عائلة معاذ ،
معاذ هذا قصته حتكون فوق الخيال ! شخص لعّاب وسخ حياته كلها معاصي × معاصي ، تجاوز عمره ال32 وهو لا تزوج ولا توظف ولا كمّل الجامعة ، آخر مايفكر فيه بالحياة هو أمه وابوه ، اللي يأكلون الويّل منه ، كل طلباته مُجابة ويلعب بالنعمة لعب ، والبنت اللي يحط عينه عليها بالغصب بالطيب تجيه يعني تجيه ، بما أنه ولد وزير ومو هيّن !
ام معاذ " حصة " : كبيرة بالسن متثقفة بالمجتمع ودائم تقيم الندوات والاجتماعات اللي تهتم ب المرأة الله مارزقها بالعيال والسبب من زوجها ورزقها بمعاذ اللي كل حياتها ورغم كل اللي يسويه !
أبو معاذ " فهد " : وزيرر كبير ماينجب ، وتزوج كم حرمة وطلقها وكلهم مانجبو له ، وعرف ان الله مابيرزقهه غير هالمعاذ ورضى ورجع لأم معاذ ، اللي شايلته بعينها ، صارم ، وجدّي وكلمتهه لازم تمشي ! وهو للحين ساكت ع افعال ولدهه عشان لا يفشله وعشان ناوي له ع نية راح يسويها وتشوفو وش بيسوي !

/

عائلة شادن !
شادن ، اتربت يتيمة الأب وكل اخوانها ملتهين بحياتهمم وهي الوحيدة اللي مع امها العجوز واللي ماتشووف ، ببيت أشبه بالخرابة ، وأخوانها لا احد يزورها ولا شيءء ! ولا فكروا يغيرون لها البيت ، تحقد عليهم من قلبها ودائمن تدعي عليهم ، وسلكت مسلللك غلط × وداها بسبعين داهية ، نشوووف وش سوت مع الاحداث ان شاءالله 🙂

وهذا تعريف الشخصيات ، وراح تتخخلل الروايات شخصيات لكن ذول هم الأفضل والضوء مسلط عليهم ،

شخصياتي بعدت كل البعد فيها عن الأهل والأعمام وقرايبها ، لأن روايتي ابيها تكون بعيدة كل البعد عن الأقارب ، ! وابي الشيءء اللي يجمعهم هو ؛ الحب والصداقة فقط !

_____ يتبع !

– حينَ يجتمع الطيش واللهو ويقترن بـ فتاة لا صلة لها بتلك الأمـور ، وتحيا حياتها بعيداً عن صخب الحياة المزعج ، حينها نستطيع أن نخنق الحياة بـ أصابعٍ ملوثة قذرة اصابعٍ ناتجة من تلك الحياة القذرة !

– حين يجتمع الحب العفيف لكنه بالحرام ، هنا لا تسيطع ان تمنع الشياطين من بث نزواتها وانفاسها الخبيثة !

– حين تجد شخص وجدت فيه مجموعة أشخاص فقدتهم ، شخص يمدك بـ الدفء والآمان في مكان قّل ماتجد فيه الأمان ، حينها لا تسيطع إلا أن تعشق هذا الشخص وتطير به السماء ، وننسى أننا بشر !

– حين تبدأ الأخوة والصداقة قوية ومبينة بروابط متينة ، فـ وقتها لا تستطيع أي قوة في هذه الأرض ان تفرقها !

:: البـــــارت الأول ::

– ملكتك اليوم !!
ضجت ضحكة قوية بـ أنحاء القصر :
معاذ : لا والله يابو معاذ مانكتت زين ، قووولها ثاني بضحك أكثثثثثر !
أم معاذ وهي شوي وتصيح ؛ يابوي ياولدي ترى ابوك سوى كل شيءء وعزم الرجال والناس كلها على اساس ملكتك وكتب عقدك اليوم !
معاذ وبضحكة اقوى من اللي قبلها وبسخرية : والله ماااااا صدقتم انا معاذ تسوون كل شيءء من وراي ولا بعد من دون علمي وبهالسرعة !
أبو معاذ بيقطع النقاش مع ولده العاق ، اللي دور كل الحلول مالقى غير هالحل لعل وعسى يكبرر فيه .، تكلم وبهدوووء وبكل جدية : أنا عزمت الرجال كلهم بالوزراة من وزراء ومن موظفين ومن اصدقاء واقارب ، بسبب كتب كتابك من بنت ابو عمر " أسرار " والليلة بتم ورجلك ع خشمك ، سكتت لتهورك ومراهقتك كثيييير بس ما أظن بعد الثلاثين باقية المراهقة ولو تبي تفشلني قدام الضيوووف لا تجي اليوم ووالله وووالله وااالله لـ اتبرى منك براااءة الدم من اخوان يووووسف ولا انت بوليدي ولا اعرفك ولـ اتبري قدام كل الضيوووف منك !! واعرف لو اتبريت منك لااا بيت بتسكن معنا ولاا مصروف بيجيك وكل شيءء بينسحب منك !!
ام معاذ وخلااص جلست تبكي ما اتووقعت الامور بتصير لهالحد !
ومعاذ وهو فاتح فمهه ومفهي : ابو عمر القهوووووجي اللي يقهووويك كل صباح انا معاااااذ أخذ بنتهه !! ، وقام يعصب ويتكلم بكلام موو مفهووم وقام ابو معاذ اخذ ام معاذ وطلعوو لغرفتهم ، وخلوو هالمعاذ ينججن تححت ويكسر كل شيءء تطيح عينه عليه ، جلس ع الارض بتعب وهو فاقد كل قوته ، استجمع قواه وطلع لغرفته وبس شاف السرير طاح عليه !
وجلس يكلم نففسه ويخطط : احنا الحين الصبح والملكة بتتم المغرب ، مافيه مجال افكر واخترع اي وسيلة اهرب فيهااا زي كل مرة ، وسكت وبعدين استوعب كل كلام ابوه وانه بيقطع عليه المصرووف اللي هوو متنعم منه ، وجلس يضحك بصوت عالي لما اتذكر انه بيأخذ بنت القهوجي العامل عندهم : والله هذي آخرتك يامعاذ !
وبعد تفكككيررررر وتخطيط دامم 3 ساعات طلع بقرار وراح ?مه وأبوه !
دق الغرفة عليهم ودخل : وقال يبه : أنا موافق !

/

– بوووووووووووم
عبدالعزيز اللي كان مسرررح وهو يفززز بأقوى ماعنده وبيهزأ اللي فجعه ،
طاحت عينه ع فيسها الصغير اللي جنننهه وماخلاه ينام الا يفكر فيه ، وفهّى فيها !
جنى وهي ترمش بعيونها : اللي ما أخذ عقلك يتهناا به !
عبدالعزيز ببلاهة : الله يهنيه ياارب !
جنى وبدفاشتها تدفه : يلا عاد ملييييينا من القعدة بالبيت قوم نتمشى !
عبدالعزيز بنظرة خبث : واذا شفنا لنا مزة من هينا او مناك مو تعصبين وترجعين !
جنى وبلا اهتمام : قوم نتمشى وانت ساكت ، وانت اللي يمشي معاك ماينصرع ويعصب ؟
عبدالعزيز : طيب وش تبين فيني ، روحي خلااص اتمشي لوحدك !!
جنى وهي تقوم : ميرر مالت عليك اصلا قايمة ياوجه الفققر !
عبدالغزيز وهو يلحقققها ومسكها من يديها وطلعو يتمشون !
مانزلو من العمارة ومشو إلا يلاقون مجموعة بنات شقررر ، كل وحدا لابسة شوررت للفخذ والبدي ويجرون ، جنى بسرعة لفت لعبدالغززيز وين يطالع ، لقته زي ماتوقعت مفهههههي ع الآخر معاهم وهو يتمتم بكلمات مو مفهومة ، لا ارااايا مسكت عيونه وصااارت تعضه وتعضه من يده لمن صررررخ هوو ولمن استوعب طاح ع الارض من الضحك ، جنى جرت للعمارة تبي ترجع ودموعها ذابحتهها ، ولحقها قبل لا تتطللغ وهو يتأسف ويرقققع اللي سواه
جنى وبدموعها : اصلا انا الحمارة والغبية اللي حبيت والله لو كنت ما احب وعايشة حياتي زي قبل ماكااااان غرت ولا فكرت ولا انقهرت ولاا صحت بعد !
عبدالعززيز وهو يمسح دموعها : ويكمل ترقعيه والله امززح بس حبيت اقهرك انتي وش فيك صايرة حساسة وما اسوي شيءء إلا وتصيحين !
جنى وهي بصوت حزين وتكلم نفسها : اول كنت غير عن الحين ! الحين صارت عاشقة !
عبدالعزيز وحب يغير الجو ويسب الغباء اللي فيه : وقف سيارة آيسكريم واشترى لها وله وطلعو يتمشوون ويفرفون بوسطن *_^ !

/

الشلة الرباعية كانو مجتمعين كالعادة ، إلا هالمرة اللي ولييييييد شارد مو معاهممم ، والكل ملاحظ عليه !
سعود وبثقالة زي ماكان وليد يسويله ، كان منسدح ووليد رايح للحمام مد رجله وبما ان وليد ماكان معهم طاح طيييحة أليمة ع وجهه !
وسعود ميت ضحك ! احمد عصب ع سعود ومزحه البايخ وتركي قام يشوف تؤامه ، بس أنصدم لمن شااف وليد يبككي !
تركي لا ارداياا كذا مسكه وضمه بكل قوته وطاقته ! عرف ان بكاءه مو من تألمه من طيحته كان من تألم شيءء بداخله ، تركي وهوو ضامه ووليد يزيد كل ماله بالبكاء وصاار يشاهق هالمرة !
سعود وانصررررع خوووف يحسب من ثقالة دمهه ، وأحمد اللي كان زي دائم مفهي اذا قابلته اي مشكلة ومايعرف يتصرف ،
سعود ونط واخذ وليد من حضن تركي وهو يتكلم بجدية : والله ماكان قصدي وراك الله يهديك !
وليد وعرف ان سعود يحسب من طيحته اللي قبل شوي ، حضن سعود ويقول : والله موو منك من نفسي انا فيني بكاء وبكيت فيها شيءء !
ووخر سعود وخلاه قدام وجهه وقال بتصنع ابتسامة : اللي سويته بيجيك الدبل والله يعينك !
محد ابتسم ، !
وفجأة قام احمد بكل عصبية ويتكلم وهو زي المجنون : وليييييييد حالك هالشهوور مو عاجنبا وكلنا كنا نراعيك ونسكت بعض وقلنا يمر بمشاكل وبيحلها وبنراعيك ، لكن اللي ابي اقوله : كيففف احنا اصحااب واخوان واكثررر وندس مشاكلنا عن بعض ، كيف نكون كذا معك وانت مااااتجتمع فينا غير بضحك وامور عادية ولا عمرك شاركتنا مشاكلك وكل هذا يعني عشان عزة نفسك اللي بقلبك ذي واللي مالها داعي تطبقها علينا كأننا ناس اغراب عليك !
وترى حالك يقول ان احنا اصحاب بس بالفرح اما بالحزن كل واحد لنفسه ولا يتدخل بالثاني ، » هنا ما قدر يتماسك وليد وصار يبكي بجنووون » واحمد بعد العصبية مافيه الا الانهيار انهاار بكااء !
سعود وتركي صاروا يطالعون بعض مو عارفين ايش يسوون !
بعد كم دقييقة لما هجدو الاثننين من حالهم ، قام وليد يضم احمد ويقول له ؛ والله انكم اغلى شيءء بحياتي ومايحتاج اأكد لكم ع هالشيءء بس اللي أمر فيه شيءء اكبر من اقوله شيءء يجرحححني يججرحني يجرح رجولتي قبل كل شييءءء !
احمد ومسكه من كتفه : وليد لا تقول لي رجولة ومو رجولة احنا لما اجتمعنا وحطينا عهدنا وش قلنا ؟ مو قلنا ننسى كل عاداتنا وتقاليدانا وكل الرجولة اللي تقول عنها ونعيش مع بعض كأن كل شخص عايش مع نفسه ؟ مو قلنا ان كل واحد يكون عضد الثاني وكل واحد يشد من أزر الثاني ونتعاون مع بعض ؟ مو قلنا ان احنا انت وانت احنا ؟ وين هالكلام وليش تقول كذا ! والله ياوليد انك تجرحنا انت بأسلوبك هذا !

بعد وليد من عند احمد وجلس عادي وهو يأخذ نفس قال وبتأني : بقول وش فيني وقاتلني !
صارت الأنظارر كلها تطالع وليد !
وليد وبألم : أسيل
كلهم بصوت واحد : وش فيها ؟!!!
وليد وهو يأخذ نفس عشان يقدر يتكلم : تفتكرون لمن طلعت أهلي الاستراحة عشان نغير جو ؟
الكل : اييييه !
ذاك اليوم رككبت أسيل الدباب وهي توها متعلمته ، سوت حادث فيه والحمدلله ماصار لها شيءء كبير إلا شيءء واحد !
الكل : ……..
وليد بإنفجار : أسييييل فقدت عذريييييييتها فقدتتتتتت عذريييييتها ! قولوا لي الحين مين بيرضى فيهااا ومين بيزوجها واللي بيتزوجها موو مطلع كلام علينا ؟!!!!
تركي بـ حكمة زي ماعهدوها منه : قلت تتزوج واهتميت بالناس ؟ وما أهتميت بمشاعر اختك المسكينة اللي تلاقيها طايحة على نفسها من الأسف ؟!
سعود واحمد وهم منصدمين مو عارفين وش يقولون جاهم الخير كالصاعقة بش انقذهم تركي بكلامه ، وصارو يؤيدونه !
وليد : تركي تكككفى عن كلامك العقلاني ذا ترى احنننننا عايشين بمجتمع ومالنا غنى عن هالمجتمع وهالمجتمع مايرحم » قالها بصراخ !
تركي وبهدوء : ولييييد انا ابي أسيل وانا ابي اخطبها !!
وليد واحمد وسعود طاح الخبر عليهم كالصاعقة اكثر واكثررر!
وليد : تركي انت غالي وكل شيءء لك يهون بس اعذرني لو رفضت لك هالخطبة ! انا عارفة مانت آخذها غيررر شفقة وعشانك خوويي وفاهم اللي صار وتدس عننااا اقووولك اسففففف ما ابغاااك تجبررر نفسك ع شيءء ، وانت كل بنات العالم يتمنون ترابك بس !
تركي بنفس هدوءه : واللي يقول لك انه من زمان يحب أختك وانه كان ينتظر اليوم اللي تتخرج فيه من الثانوي عشان يتقدم لها !!
وقبل لا ينكرر وليد كلامه ، أشرر له تركي يسكت عشان بيتصل بجواله ! وسكت !
دق تركي ع ابوه وحط السبيكر : الو سلام يبه
ابوه : هلا يابوي وعليكم السلام
تركي ودخل بالموضوع : يبه تفتكر لما كلمتك بموضوع بنت أبو وليد !
أبوه وهو يتذكر : اييييه اسيل ؟ وش فيه وانا ابوك فاتح الموضوع الحين ماقلت انك بتقفله لما تتخرج البنت من المدرسة ونروح لهم ؟
تركي وبإندفاع : يببببه واللي يقولك انه يبيها الحين ؟
ابوه وهو مفهي : الحين ؟! ووشوله خلى البنت تخلص مابقى لها غير شهرين !
تركي وبترجي : يبه اخخاف تروح البنت ، بس نكتب كتابنا عليها ، وماتصير الحفلة الا بعد مدرستها وكذا أكون ضمنتها !
أبوه : الله من الحب بس ، اركد وانا ابوك اركد !
تركي بضحكة : يعني تممم ؟!
ابوه : خير البر عاجله ! وقفل من ابوه وعينه ع الشباب ! اللي كانوو فاتحين فمهم ! كيفففف يفكررر كذا ومااقال لو لواحد منهم !
ع طول فهم وش يفكرون فيه وقال بضحكة : والله كنت بسويلكم اياهها مفاجأة !
ورجع يناظر وليد وكأن يطلب منه تعليق !
وليد : ……….
تركي وهوو راضي رضاا تام ع اللي سواه :
وليد اقسم بالله اني ابييييييها ولو كان وش مافيهاااا ! وانت قلت بنفسك مو غلطة البنت قدر الله وطاحت وصار لها اللي صار ! وش ذنبها هي حتى تنحرم من كل شيءء عشان سبب تافهه ! ولا تخاااف زي ماقلت لي ، انا واححد واقعي وماعليا بالمجتمع 🙂 !
وقام وقرب خويانه من بعض وسووا زي الدائرة واخوياه كل واحد مفهي اكثر من الثاني حتى وليد معهم ! جمعهم بالدائرة وحط يدهم مع بعض وقال هالمشكلة وانحلت ومانبي لها اي طااري ولا ابن امه يعرف عنها !
ومالقى تفاعل زي دائم ويقولون تممم ! سكت بعدين ابتسم وبعدين اعطى كل واحد كف خفيف عشان يصحى ولما فاقو ع نفسهم قالو ا : تممم !
وليد وبراحة : اوريك يالهيس الاربد انت ! عينك ع اختي من زمان ولا فتحت لنا فمك ، وغممز للشباب وفهممو ، وكلهم انقضووو عليهه ^_*

/

– لي ساعة ادق عليتس وماتردين ، خيييييير وش هالتغلي يآنسة يآعانسة ؟؟
شروق ووببرود : وربي ارد ما ارد بكيفي ي خي !
خالد وهو يغلي : والله ان جيتك وريتك كيفي ي خي !!
شروق : تعال انتا وشوف !
خالد وهو مو مداني نفسه : شروق نقطيني بسكاتك اولاه وترى والله اني قرفان من نفسي !
شروق وبإندفاع : وي قرفان وتدق ع مقرفة وماتبغاها تقرفك كيف ساررت دي ؟! ي حبيبي قرففان روح نام او قابل كتبك اتقرفو مع بعضكم مو مكلفة انا فيك !
خالد سكت وتنهد من قلبه
شروق حست انها اندفعت وانها غبية ووو حبت ترقع الموضوع وسألت : وليش قرفان ياحبيبي مين مقرفك وانا وربك لأندرلو عينو ؟!
خالد وببرود : مو شغلتس !
شروق وحست انها تفشلت سكتت
خالد بعد سككتت ، استمر السكوت لفترة ماتقارب 10 دقائق وبعدين ماسممعت غير شخييير خالد 🙂 ، جلست هي بحرب مع راسها ، تصرخ وتفزعه من مكانه او تخلي ينام بسلام وشكله تعبان حييل ، لا أراديا استجابت انها تخليه ينام ، وطلعت فكرة اكثرر برأسها انها تغني له اغنيته المفضلة !
راحت بصوتها الناعم الطفولي المبحوح العذب اللي سلب عقل خالد تغني : أوعدني عني ماتغيب .. تبقى هنا جمبي قريب ،
محتاج أنا مثلك حبيب .. يفهم عيوني وضحكتي ، فيك أنتا حلمي من زمان .. وانتا الهوى وادفى حنان ، تلقى معاك روحي الامان. .. ياحلى بشر في دنيتي !
ماكملت اغنيتها إلا خالد فجأءها بهيااام وجنون : آآآآآآآآآآآآآآآآآآآآه بس ، وتقول ليش اتصل عليها ! عرفتي ليش الحين اتصل عليك يامجنووونه ؟! انااا بأعلن جنوني فيتس خخلااص !!
شروق وهي مصدمة ومنقهرة انه مشى عليها مقلب انه نايم وميته حياء بنفس الوقت قالت بصوت واطي : ياحيوان !
خالد بجنون جلس يضحك ؛ يخليلي اآنا اللي مشى عليهها المقلب وخلت القرف يروح عني !
شروق منصررعة كيف كان صوتها وسككككتت خالد وهو يتكلم بصوت كله تعب : شروق أنا تتعبان !
شرووق نست كل شيءء صار من قبل ودموعها اجتمعت بعينها وهي تقول له بصوت مخنوق : ياروح شروق انتااا اشبك ؟!
خالد ويكمل : تعبان ياشروق تعبان واقسم بالله اخاف اموت من هالتعب !
شروق وهنا فجعها كلامه منجد وصارت تبكي اكثرر اتخيلت حياتها من غيره : بعد عمر طويل ان شاءالله لا تقول كدا تجلطني اش التعب دا خوفتني اتكلم !
خالد : تعبان فيككك تعبااااان منكككك !
شروق وكأنها ماستوعبت : ايش سويتلك انا !؟
خالد وبهيااام يخالطه ضحك : آخذتي عقليييييي وهالاتصال ثاني مقلب جاء ع رأسك !
شرووق : ………….
خالد يضحك من قلب !
شروووق لما استوعبت : تعرف الغبي مو انتا الغبي انا اللي ارد عليك يادوب . وطرررررراخ قفلت الجوال وبوجهه ، ونام خالد من التعب ومن الصوت اللي خدرهه بإبتسامة عارف شرووقته استحالة تشيل بقلبها عليه *_* !

/

– انا موافق ! واللي تبونه بيسير !
امه وابوه مو مستوعبين هذا معاذ اللي مايمشي كلمه احد عليه ! يقول موافق
ابو معاذ بابتسامة : الف مبروك ياولدي !
ام معاذ وخايف ان ولدها له تفكير ثاني : الففف مبرروك يايمه واخيرن بنفرح فيك !
معاذ وبإبتسامة مصطنعة : ولو انه ماعجبني تخخطيطكم والبنت اللي مختارينها بس يلا نقول الله يبارك فيكم
ام معاذ باندفاع : والله يايمه ان هذا كله ابوك واني مادريت مثلك غير امس وحز بنفسي العروسة بس يلا وش نسوي !
معاذ وبهدوء : يبه يمه ابي زواجي الاسبوع الجاي !
الصدمه حلت بوجهه ابوه وامه وسكتم تكلم ابوه : انت لامنك تكلمت مع العروسة اتناقشو بالوقت ويحلها الف حلال ، سكت واستأذن وطلع متوجهه لغرفته ويخطط برأسه ألف تخطيط !

أنتهى البارت ، اتمنى استمتعم فيه ، واي تعليق او نقد أتقبله بصدر رحب ،

قراءة ممتعة للجميع :*

اقتباس:

3 / إغلاق المواضيع : تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

تغلق الروايه