تنويه: أحب أقول إني بريئة من كل من ضيع أمور دينه وخاصة الصلاة ووقتها علشان يقرأ هالقصة……
السلام عليكم
نعيش في عالم لا نعرف ما اللذي سيجله لنــا من السعاده الدائمه الحب . الوفاء . الراحه . الانسجام .. لهذا علاقـه بهذه الروايــه …
كم من الرائع ان نعيش مشاعر الحب واجواءه دون أي معوقات .. ولكــن زماننا يقلب سعادتنا دائما ً الى حـزن واهــات … هاهي روايتي الاولى بين ايديكم لتعيشوا في اجوائها وتتأثروا بمحتواها
وهاهي تجربتي الاولى في عالم الكتابه قصه من نســج الخيــال المختلط بالواقــع تحاكــي الواقع بشكل كبيــر … فأرجو الا تخيبوا ظني بكم في اهمالها ..
كما انني اتقبل النقد بكل شفافيه وكل ما يجول في خاطركم اطرحوه فأنا لا اهمل أي رأي يزيد من روعه القصه .. اليكم الروايه فأرجو ان تقبلوها :..
(راح انزل اول جزء وردودكم هي اللي تحدد هل تستحق اني اكملها اولا)
والان هذي روايتي بين يديكم
هذاك اللي تبيلة الخير
عشق غيرك وصار للغير
ياقلبي ابتعد وارحل
ياقلبي عنه لا تسأل
كفاك تعيد وهو بعيد
حبيبك لا خبر ولا خير
قدر يصبر عن عيونك
ويزيد اكثر من ظنونك
تحسب انه يبي عولك
وهو تغير كثير كثير
تناسى حبة وطارية
وبلاش اكثر تفكر فية
وش اللي تقدر اتسوية
ما دامه مهتني بالغير
ـــــــــــــــــــــــــــــــــ
كان يفكر في عمه وكيف يوصيه عمه هالوصيه قبل موته بدقايق ضايق صدره على عيالهم صارو
يتيمين لا ام ولا اب وهم صغارولايعرف وش يسوي لانه مالهم الا الله ثم هو
مايعرف وش يسوي لهم فكر بكذا طريقه مالقى حل الا انه ينفذ الوصيه كان هذا
اخر يوم من ايام العزاء دخل على زوجته
وهموم الدنيا على راسه هي كانت تنوم بنتها اللي كان عمرها خمس شهورو
كان متردد كيف يفاتحها بالموضوع قطعت عليه تفكيره
نوره:طلال طـلال( تنبه طلال من سرحانه )
طلال :امري حبيبتي
نوره:الي ماخذ عقلك
طلال:تعرفين تعبان من العزاء والوقفه وعيالهم
نوره:الا وش صار على بنت عمك ساره ووليد
طلال:والله المسكينه كاسره خاطري مالها الا الله ثم انا وعمي موصيني عليها
نوره:الله يقدرك ويجزاك الف خيرلولا انك ماوقفت معهم من الي بيوقف
طلال:نوره انا ابغى اقولك شئ طلبه مني عمي
نوره :وايش طلب منك
طلال:قالي اذا تبغاني اكون راضي عليك خذ بنتي وتزوجها
نوره:وانت وش قلت
طلال:اول شئ ررفضت بس هو الح علي وانا مابغى ارفض له طلب لانه بعمره ماقصر
علي بشئ تبغيني اعصيه باخر عمره وانا عارف ان يومه قريب وحالته ميؤس منها
نوره:…………………
طلال: قولي اي شئ بس لاتسكتين
نوره:ممكن اعرف اذا انت جاي تشاورني ولا تعلمني
طلال:اعلمك
نوره وهي تقوم :اسمع اذا تبغى تتزوجها انا ماقعد في هالبيت ابد
وراحت لغرفتها
تركها طلال تبكي على راحتها لانه حاس بالحرقه الي هي فيها وهو مو احسن منها
حال حتى هو متقطع قلبه عليها وعلى نفسه قبل
ــــــــــــــــــــــــــــــــــــــــــــــــــ ـ
خلونا نتكلم عن طلال عمره 29ويشتغل اشغال حره
وعنده بنت عمرها 6شهور اسمها رغد البنت مشاءالله عليها
تجنن
ونوره تصير بنت خاله وزوجته وساكنين الشرقيه بعيد عن اهلهم
في الرياض بسبب شغل طلال ظابط هناك
نوره عمرها25متزوجه من سنتين وضحت في وقتها كله لزوجها
ـــــــــــــــــ
توفى عم طلال وزوجة عمه في حادث سياره وتركو ساره ووليد عيالهم ساره19تدرس
الجامعه تخصص اداره اعمال وليد عمره 9سنوات ثالث ابتدائي
بعد الحادث ام وليد توفت على طول
اما عم طلال فكان بغيبوبه 2اسبوعين فاق من الغيبوبه وعلى طول طلب
طلال في التلفون يوم جاء لمه طلال
طلال اول مادخل:السلام عليكم
العم:ياهلا بولدي الغالي
طلال:هلا فيك
العم :طلال انا ناديتك عشان اوصيك بنفسي على عيالي قطعه من
قلبي ومابيهم ينظلمون من بعد عيني
طلال:لاتقول هالكلام ياعمي ان شاء الله انك بتطلع ومراح ينظلمون وانا موجود
العم:انا حاس ان يومي قريب وحبيت اقولك هالكلام بس لاتقاطعني
طلال:امر عمي
العم:بنتي وولدي امانه عندك انا عارف انك منت مقصر معهم
بس ورضاي عندك ابطلبك هالطلب وقل تم
طلال وهو متخوف منطلب عمه:امر ني ياعمي
العم:ساره ابيك تتزوجها انا مراح ارتاح الا اذا كانت معك
وبعد فتره دامت 5دقايق
طلال:طيب ونوره وعيالي مابي اخرب حياتي انا مرتاح ومابي مشاكل
العم:نوره طيبه وبتتفهم بس ورضاي عندك اذا لي غلاه عندك تزوجها
طلال:اسمحلي ياعمي ماقدر
العم:يرضيك اتعذب بقبري ومارتاح
طلال:ابد ياعمي
العم:اجل خلاص خذها
طلال:بس
قاطعه العم:لابس ولا شئ قلتلك اذا الله اخذ امانتي ولاتزوجتها انا مراح ارتاح
طلال شاف ان عمه مصر على رايه
طلال:افكر
العم:قلي هالحين وريحني
طلال:الي تشوفه
العم :الله يوفقكم اجل
بعدها بدا طلال يقرى القران عند عمه
العم:اشــــهد ان لا اله الا الله
طلال:عمــــــــــــــي
العم:لارد
دخل الدكتور وبعد ماكشف عليه غطاه بشرشف الابيض
_________________________________
بعد مادخلت نوره بساعه دخل الغرفه ولقاها دافنه راسها بين المخاد
طلال:نوره
نوره:………………………..
طلال:قلتلك يانوره والله ثم والله مو بكيفي
نوره:…………………………
طلال بصراخ:نوره انتي متى بتفهميني
طلال عصب منها وطلع من البيت كل
نوره دخلت في دوامه تفكير:………………………
___بعد مرور 20سنه على السالفه _
ناخذ نبذه عن عايله نوره امها كبيره في السن عندها 4اولاد وبنتين
وابو نوره اسمه ناصر رجال مزواج (بس يحب يتزوج) ولايحسب
حساب لاحد
وعند حرمتين غير ام خالد
اول شئ خالد توفى من 15سنه
كان متزوج من فوزيه يحبها ويموت فيها وهي تنحط على الجرح يبرى والكل يحبها
وعندهم عيال
فيصل|عمره25 يحب رغد بنت نوره وناوي يخطبه بس الين يكون نفسه يشتغل في شركه
جده ناصر وسيم مره
سهى |عمرها 21سنه 2جامعه بنت محبوبه وطيبه على امها
وتشبه عمتها نوره
بدر|عمره 19واحد همه نفسه مايفكر في احد متسلط بس طيب مره جماله عادي جدا
هدى|عمرها 15سنه في اول ثانوي بنت طيبه ذكيه الكل يحبها وهي في بطن امها توفى
ابوها يعني ماقد شافته الا بالصور بس
وتموت في بنت عمتها فرح
______________
ولدها الثاني يوسف عمره39 عنده4بنات ويتمنى الولد
متزوج واسم زوجته تهاني عمرها37حرمه ماتعرف الذوق وتحب تسبب المشاكل بين يوسف واهله
وتفرق بينهم
واهي من النوع الي ماتحمل الابعلاج وحملها بعد كبر وقالو لها ان لوتحمل هالمره يكون في
خطر عليها وعلى الجنين
واسماء بناته
ملاك وعمرها 18وفي ثالث ثانوي ادبي وجمالها عادي وطالعه على امها في الشر بس مو على
قلب امها تحب ابوها كثير وتحب تقهر امها في اي شئ
شوق عمرها15وفي اول ثانوي قمه الجمال وماعليها من احد وطيب قلبها بس لاكن
الكل يعتقد انها انانيه على امها واختها بس اهي محد يعرفها
الا اذا جلس معها وتموت في جدتها ام ابوها
افنان عمرها 9سنوات رابع ابتدائي شرانيه بزياده عن خواتها وفيها شبه من شوق
بس شوق احلى وافنان اقرب قلب لامها وناقلت حكي
لدرجه ان اهل ابوها مسمينها (بخور السوق)لووووول
_____________________
ولد ام نوره الثاني اسمه محمد عمره32ويشتغل مع اخوه يوسف وزوجته تصير اخت
تهاني واسمها ايمان عمرها 30 وطيبه مره عكس اختها ومدرسه وعندها بنت وولد بس
الولد اسمه خالد في 3ثانوي مملوح وثقيل
بنتهم اسمها ليلى وعمرها17سنه ثاني ثانوي علمي وربي رزقهم في بنت طيبه مررره ايه من الجمال
مشاءالله وتدرس في نفس مدرسه عهود
ـــــ
نتعرف على ايمان ام خالد حبوبه مره تنحط على الجرح ويبرى عقب ماجابت
بنتها ليلى جتها عين قويه سببلها سرطان في الرحم الله يكفينا الشر
وشالولها الرحم بس قالو احتمال يرجع المرض لها مره ثانيه وبيكون عليها خطر
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
____________
بعدهم نوره زوجه طلال <<<تعرفنا عليهم قبل
بعد نوره يجي تركي عمره 18 وصديق خالد الروح بروح
داخل علمي وهو ماعنده ماعند جدتي بس مايبغى يفارق خالد صديق عمره خفيف دم ومرح
بعد تركي عهود اخر العنقود مدلعه لاخر الحدود<<صار شعرههههههه
عمرها 17 في ثاني ثانوي علمي دافوره
ودلوعه الجده ومحد يقدر يقولها شئ او يزعلها
زوجه ناصر الثانيه الجد
موضي
بنت صغيره عمرها 20 ضحت بشبابها مو حب في ابوهم ناصرلالا
حب في فلوسه وهي ماتنجب اطفال
الزوجه الثانيه للجد ناصر
اسمها مريم كبيره في السن انانيه وماتحب الا نفسها تحب الخير لعيالها وبس
ما تحب الخير يجي لم عيال حريمه الباقي
عندها ولدين وبنت
الكبير اسمه ماجد حقود بمعنى كلمه حقود شراني بشكل فضيع عمره 37
ويشتغل في شركه ابوه وله منصب مهم
وكل مره يخطب يردونه الناس والسبب ….تعرفونه في القصه
البنت اللي بعده اسمها مشاعل وعمرها 23حبوبه وتعامل اخوانها من
ابوها مثل اخوانها من امها وابوها وتحب الخير لهم
وتنقهر من معاملة امها لهم متزوجه من واحد متزوج وعنده ولداسمه
ريان عمره سنتين
نواف وماادراك مانواف حبوب عاطفي دايم مع ابوه وبار
فيه وسيم لابعد الحدود طويل
عمره 18 وصديق خالد وتركي بس مو مره
ــــــــــــــــــــــــــــــــــــــــــــــــــ ـــــــــــــــــــــــــ
(ملخص عن الي صار في 20سنه نوره تطللقت من رجلها بعد ماجابت
بنتها فرح بس رجعها بعد ماتمو5 سنوات مطلقين
وكله من تحت راس ساره بعد ماخذت
طلال قلبت حياته فوق حدر وصار مايشوف الا هي ونسى حبه
نوره ونسى عياله وصار مايفكر الا بعيال ساره
نوره عندها رغد 21قسم انقليزي بنت يضرب فيها الجمال
فهد 19اولى جامعه فيه من شبه رغد كثير والكل يحبه
ريناد18كبر تركي وخالد ثالث ثانوي علمي
فرح15يوم كان عمرها 4شهور ابوهاوامها تطلقو وكلهم عاشو عند الام
ويوم كان عمرها 5سنوات ابوها وامها رجعو
لبعض بس مع بعض الحواجز
__________________-____________________
اما فوزيه زوجت المرحوم خالد سكنت مع حمولتها عند ام خالد توسسع صدرها
______________-________________
ساره عمرها 39زوجه طلال الثانيه
وعندها
وفاء عمرها 19في اول جامعه قسم احياء جمالها حلو وبيضاء شعرها طويل لنص ضهرها
تركي عمره 17يمشي ورا كلمه امه وماله شخصيه بس امه رازته
جوري14 نسخه مصغره من امها تحب المشاكل وتشبه لوفاء اختها
وليد اخو ساره 28طيب مره ويخاف من اخته ويسمع كلامها
يشتغل مدرس وحتى الان ماتزوج وكل ماخطب يردونه لانهم يعرفون ساره وعمايلها في الناس
(نبداء)
طلال:طلبك مرفوض ياساره تبيني ازوج بنتي لخوك لا وين
حنا عايشين فيه وليه لانك خطبتي له مرتين ولا وافقو يعني تحطينه في كبد البنت
ساره:حبيبي انت ليه ماتفهم اقولك تامن مستقبل بنتك لان محد راح ياخذه شفها بدت
تعنس وانا كل هذا عشانك وعشان سمعتك والناس
مايقولون بنت طلال سارت عانس وشف صديقك ماجد
بنته ماتتم 19الا هي متزوجه
طلال: والله البنت عمرها عشرين والزواج قسمه ونصيب
ساره :كيفك بس انا نبهتك
طلال:اسمعي انا بقول لنوره واشوف رايها
ساره:وضنك بتوافق اكيد لا تعرف هي وش كثر تكرهني انا وعيالي
طلال:لانوره طيبه ماتوقع ترفضلي هالطلب صح ان السالفه في بنتها بس احاول اقنعها
ساره :مشكور حبيبي وصدقني انا ماسويت هالشئ الا عشانك وعشانها هي بعد
______________________
نوره في كل شهر تروح لرياض وتقعد عند امها يومين وترجع
اليوم العائله مثل كل مره في يوم الاربعاءيجتمعون
نوره وحرمه محمد وحرمه يوسف
تهاني:ايمان وش صار على مرضك<<<<تطنز فيها وكل ماشافتها عادت نفس السالفه
ايمان:اي مرض
تهاني:الي كان في رحمك الله يكفينا شره
وفي هالوقت دخل خالد وتركي وفهد وبدر وفيصل
خالد:ياولد
تركي :بنات تغطو فيه فهد وخالدوبدر وفيصل بيسلمون على امي ويطلعون
ملاك:اوووف انا قايمه مالي خلق اتغطى
هدى:لاعاد حلفت عليك اقعدي
ملاك :ياسخفك
البنات كل وحده منهم تغطت
رغد:قلهم يدخلوون تغطينا
دخلو العيال وسلمو على الجده وعمتهم نوره وجلسو يتقهون
تركي ووده يفشل العيال:صدق انكم لاحيا ولامستحى هالحين ماتشوفون البنات متغطين تجلسون
عهود:ايو الله ياخوي ماكانهم يشوفون البنات المساكين في ذا الحر ومتغطين ياحرررااااام
رغد:قولي اميين انشاءالله يدخل احد تتغطين عنه
فرح:وبعدين احنا الي نقولك من بعد الدلال الي انتي فيه نبدا نقولك ياحرررااام <<تقلد في صوتها
تركي :اووف لهالدرجه حاقدين بصراحه مالكم حق هههههه
عهود:شفت ياخوي الناس بدت تغار مني
فهد:ياحظي ومن ايش يغارون
عهود:يكفيهم جمال ودلال ومال <<<وهي تسبل عيونها
فهد:لاعاد انا ماقدر على الجمال
فرح:والله مدري على وش شايفه نفسك ياخالتو يعني انا والعياذ من كلمه انا احلى منك
فهد:لاانتي يالثانيه صدق لاقالو الحريم ناقصات عقل
هدى:ومين قصدك ان شاء الله
خالد يموت في الطقاق معها:ومن غيركم
تركي:وهذولا يعتبرون حريم
ريناد:ليه لو حنا مو حريم كان ماتغطينا عنكم
فيصل:ياكثر حكيكم الي مايخلص
سهى:فيصل الله يعافيك ترى خلال هاليومين ابغاء المكتبه
فيصل:ايه يحصل خير ان شاءالله اقول لبدر يوديك
رغد في هالوقت رن جوالها وشافت المتصل وناظرت امها نظرات استغراب مخلوطه بخوف
نوره:وش فيك من المتصل
رغد:ابوي
فهد:طيب ردي
رغد:مستحييل
ريناد:رد انت فهد
رغد:وش يبي فيني غريبه انا مسجله رقمه ولاعمري كلمته ولاكلمني
فهد:هاتي ارد
فرح:اخص ياقوي
في هالوقت انقطع الاتصال
فرح :خلاص زال الخوف هههههههه
رغد:الحمدالله مدري وشلون كنت افكرارد
تركي بصراحه غريبن فخوفكم من ابوكم
ريناد:ياحسرتي وهذا يعد مع الاباء
عهود:لايكون قد طقكم
فرح:لامايسويها
رغد:يمكن تصير عنده توقعي الغير متوقع
ودق ابوها على جوال فهد
فهد:اظاهر انه في شئ ابوي متى يتصل علي وهو اذا شافني مايعرفني زين خليني ارد اشوف وش يبي
فهد:الو
طلال:هلا والله
فهد وهو يناظرهم وهم يناظرونه :هلا فيك
طلال:وش فيها رغد ماترد على جوالها
فهد يناظر رغد الي ماسكه قلبها:مدري عنها يمكنها ناسيته فوق
طلال:المهم انتم وينكم
فهد:في الرياض
طلال:ومتى بترجعون
فهد:يعني يومين ثلاث ونرجع
طلال:لااسمع بكرى ترجعون
فهد:ان شاءالله<<<<<سكرها فوجه
سكت شوي :مع السلامه
نوره:وش يبغى
فهد :يبغانا نرجع الدمام
فرح ورغد وريناد في وقت واحد:لا
فرح:ومتى ان شاءالله
فهد:يقول بكرى لازم نرجع
رغد:غريبه اول مره يسويها ويرجعنا
فرح:معقوله ماتدرين
رغد:يعني انتي الي تدرين
فرح:ابوي ولهان علي ورجعكم عشان يشوفني
هدى:ياعمري يابنت عمتي تحلمين احلام اليقظه
فهد:بما انها ببلاش خليها تحلم
فرح باستهبال:وليه ان شاء الله اذا صارت بفلوس بتمنعني عنها
تركي:والله اخوك بخيل يسويها
عهود:حرام ليه يرجعكم ماملينا نمكم
فرح:تمل منكم العافيه
الكل:هههههههههههههههههههههههههه انفجرو ظحك
فرح:وش قلت عشان تظحكون
ام خالد:يابنيتي تمل منكم العافيه مايصلح تقولينها
فرح:بس دايم اذا قالو اشقتنالكم يجاوبون تشتاقلكم العافيه وانا جبتها على الوزن
نوره:مو انتي لو تسكتين تسوين خير في الجميع
فرح:يمه وش اسوي اذا ماقدر اتحكم بلساني
ريناد:اربطيه ولاعاد يتكلم الا بشورك
فرح:رايك ياوخيتي
بدر:ترى هالخبله تسويها
فرح وهي تتلفت يمين ويسار وبكل ثقه:من تقصد الخبله ريناد ولا عهود ولامين حدد
بدر:ابد اقصدك انتي
فرح توها بتتكلم بس قاطعها فهد
فهد:ترى ماينسلم من لسانها بليت نفسك بلوى يابدر
ليلى:يمه فيك شئ
ايمان في كل الجلسه وهي تحس بدوخه غريبه وراسها يوجعها بقوه
خالد حاس فيها من اول ماقعد
خالد:يمه فيك شئ
ايمان:لاياولدي بس صداع وان شاء الله يروح
ليلى:يمه تبغين بندول
ايمان :ايه ياليت
راحت ليلى تدور البنادول في المطبخ وجابته لمها مع كاس مويه
فوزيه:اقول يابنات
رغد وسهى:هلا
فوزيه:يالله شدو الهمه كلكم من اكبركم لاصغركم عشان نحط العشاء
فرح:تامرين امر كم خاله فوزيه عندنا
نوره خلي الكلام عنك وروحي ساعديهم
تركي وفهد وخالد وبدر طلعو عند فيصل الي يستناهم في السياره من زمان
بعد العشاء البنات كلهم طلعو فوق لغرفه عهود عدا ملاك
فرح:بنات ملل مافيه شئ اكشن نسويه
هدى:والله انتي فكري واحنا نسوي
فرح:بس اخاف تسرقون افكاري
عهود:بسم الله عليك ومن الي يسرقها
فرح:والله الواحد هالايام يخاف من كل شئ يعني لو اخاف من رغد تسرقها مانلام
رغد:تهوجس ومنسدحه على سرير عهود
سهى وانسدحت جنبها:الحلو في مين يفكر اكيد فيني
رغد:………………………….
فرح:ياواثقه اكييييد فيني انا
سهى ضربت رغد
رغد:ايييييييييي وش فيك
سهى :ساعه اتكلم معك وكاني اكلم جدار
رغد:تتوقعون ليه ابوي يبغانا نرجع
شوق:يمكن مشتاقلكم على قوله فروحه
رغد:ايه كل شئ جايز الا ان الحجر يلين هاذي المستحيل
ريناد:ياخبر اليوم بفلوس بكرى ببلاش
رغد:بس ابوي دايم يكلم على امي على طول وماقد فكر يكلمني انا او فهد
ريناد:امي جوالها مافيه شحن يمكن دق عليه ولقاه مقفول وكلم عليك
رغد:مدري حاسه ان السالفه كبيره مدري ليش
سهى:لاتوسوسين
______________
ايمان واقفه قدام المغاسل وماسكه راسها بقوه
ونوره وهي ماره من عند المغاسل وشافتها
نوره:ايمان وش فيك
ايمان:هاه ولاشئ حاسه بدوخه ماقدر اتحرك
نوره:اصبري شوي برووح اجيب جوال رغد واكلم على محمد يوديك المستشفى
ايمان:مايحتاج صداع وبيروح
نوره:شكلك يقول انه اكبر من الصداع
نوره راحت تجيب الجوال وقبل ماتطلع الدرج اسمعت طيحه ورجعت تركض
نوره:ايمان ايمان
جت فوزيه على صراخ نوره وحاولو يقومنها
________________
شوق بروح اجيبلي مويه مين يبغاني اجيبله
فرح:جيبلي انا
شوق نزلت تحت
سهى:صدق الي قال خلق وفرق
رغد:وش فيك
سهى:هالحين من يقول ان هذي بنت تهاني او اخت ملاك
رغد:والله صدقتي مافيه اطيب من شوق
عهود:خليكم من شوق وقولولي وش رايكم في التصمم الي انا سويته في الفوتوشوب
ريناد:مرره رايق التصميم جنان
سهى:بس الالوان متقاربه مره احلى لو كان الالوان مختلفه
فرح:وانا من راي سهى
دخلت في هالوقت شوق تركض
رغد:وش فيك كان لاحقك احد
شوق:بنات خالتي ايمان داخت
ليلى قامت على طول عند امها
ولحقوها البنات
وكان في هالوقت خالد ونوره ماسكينها بيودونها المستشفى
ليلى وهي تبكي:خالد امي وش فيها
(انتهى البارت)
توقعاتكم
1/هل من الممكن طلال يطاوع مرته ويزوج رغد لوليد طيب اذا وافق توافق نوره ولالا؟
2/ليه الناس ترفض ماجد وش تتوقعون؟؟
3/طيب ايمان تتوقعون رجع لها المرض ولا بس صداع على قولتها؟؟؟
4/رغد تتوقعون توافق على طول ولا بترفض حتى لو تعاند امها؟؟؟
5/تتوفعون الزواج يتم اولا؟؟
6/ردت فعل فييصل لما يدري ان رغد بتتزوج؟؟؟
ملاحظه :توقعاتكم بالنسبه لي مهمه …….
واذا اعجبتكم انا مستعده انزل البارت الثاني واتقبل النقد
رووووعه اسم الروايه
الله يعطيك العافيه
منورتنا ياقلبي
موفقه كل خير ان شاء الله
,’
بس سؤال متى بتنزلي البارت الثاني؟؟؟؟؟؟؟؟
مشكوره ع الروايه
و ننتظر البارت القادم
بالتوفيق
،/،
ليلى قامت على طول عند امها
ولحقوها البنات
وكان في هالوقت خالد ونوره ماسكينها بيودونها المستشفى
ليلى وهي تبكي:خالد امي وش فيها
نوره:مافيها الا العافيه تطمني بس اغمى عليها دليل الارهاق
ام خالد:نوره اول ماتوصولون طمنونا عليها
نوره:ان شاءالله
اطلعو
ليلى قاعده تبكي والبنات يهدونها
ام خالد:ليلى حبيبتي امك مافيها الا العافيه بس دوخه بسيطه
تهاني:تلقينها بس تدلع
تهاني:ملاك يالله نادي خواتك بنرووح بيتنا
شوق:ماما مابعد ملينا
ملاك:انتي مامليتي بس انا وامي وافنان ملينا
تهاني :ملاك كلمي السواق يجي
ملاك:طيب
راحت تهاني وكأن الي في المستشفى ماتعرفها كانها عدوتها
رجعت نوره الساعه 12بالليل
نوره:السلام
ليلى:وين امي ماجت
نوره:يقولون لازم راحه لها كم يوم بيطلعونها
فرح:ماما بما ان خالتي ايمان بالمستشفى مراح نرووح لدمام صح
نوره:مدري عن ابوك بقول لفهد يكلمه ويشوف
ريناد:ان شاء الله يوافق
نوره:رغد عطيني جوالك ابغى اكلم فهد يقول لابوك
رغد:ان شاء الله فروحه روحي جيبي جوالي من غرفه عهود
فرح:……………….
رغد:فروحه روحي جيبيه دام النفس طيبه معك
نوره:فرح مو وقت عنادك هالحين
فرح:طيب راحت وهي تتحلطم فرح روحي فرح تعالي كان البيت كله مافيه
الا فرح وجابته وعطتها امها
نوره وهي تكلم فهد:الو
فهد:هلا يمه
نوره:اسمع كلم ابوك وقله ان ايمان بالمستشفى واذا طلعت رجعنا
فهد:ان شاء الله لو ان الوقت متاخر
نوره:كلمه الحين ماعليه
فهد: ان شاءالله
كلمه فهد ورفض قاله فيه موضوع ضروري ولازم ترجعون
فهد كلم امه وردت رغد لان امها كانت فوق في غرفتها
فهد:هلا
رغد:هلاوالله
فهد:رغوده اسمعي قولي لامي ان ابوي ماوافق يقول لازم نرجع ضروري
رغد:ليه
فهد:مدري عنه وعن تفكيره
رغد:الله يستر
فهد:تراني عطيتك وجه انقلعي ولاتنسين تقولين لمي
رغد:وانامن اليوم مستغربه انك ماقلت شئ بس تعودت باي
فهد:بايات وسكرها على طول
__________________
نوره:اقولك يمه ان الدكتور بنفسه قالي الكلام
ام خالد:يوه ياحرام وليلى وخالد من يهتم فيهم خاصه ليلى لو تدري
مدري وش تسوي انتي ماشفتيها قبل شوي بعد ماداخت امها
نوره:الله يطولهم فعمر امهم ويخليها لهم
ام خالد:امين
في هالوقت ادخلت رغد وقالت لامها ان ابوها رفض
نوره:خلاص تجهزو عشان نرجع
رغد:يمه طيب وش تتوقعين ابوي يبغا مننا مو من عوايده يسوي كذا ويرجعنا
حاسه ان الموضوع كبير
نوره:الله يستر من ابوك ومرته
رغد:الله يكفينا شرها شوفي كيف قلبت ابوي علينا
نوره وهي ماتحب هالطاري:فكينا من هالموضوع وروحي قولي لخواتك
رغد:ان شاء الله وطلعت من الغرفه
ام خالد:مدري وش الي غيره عليكم
نوره:خليها على ربك
ام خالد:تلقينها ساحرته
نورره:……………………
_________________
خالد كلم ابوه
خالد:الو هلا والله يبا
محمد:هلابك وليدي
خالد:يبى انت وينك
محمد:وش عندك تسال متى بترجعون البيت بس
خالد:يبا امي بالمستشفى ولااتوقع نرجع اليوم
محمد:ليه سلامتها
خالد:بينومونها بالمستشفى
محمد وهو شوي منفعل:وفي اي مستشفى
خالد:اقرب مستشفى لبيت جدتي (……..)
محمد:ايه عرفته خلاص مسافت الطريق وانا جاي
خالد:يالله اجل
محمد:مع السلامه
_________________
رغد:ريناد على فكره بكرى بنروح لدمام
ريناد:ليه مو امي قالت لفهد يكلم ابوي
فرح:لاتقولين ماوافق
رغد:لا ماوافق
ريناد:الله يعينا
عهود:بنات انتم ماتجتمعون الا تحشون في ابوكم خلاص
تعالو اوريكم اخرتصميماتي في الفوتوشوب
سهى:يالله يمكن يرووح الملل الي فيني وريني
وقامت رغد طلعت من الغرفه
فرح:التصميم هذا احلى من الي قبله
ريناد:ابد ماعندك ذوق الي قبل احلى هذا حلو بس مو مره
عهود:حددو اي واحد احطه توقيع
سهى:امم انا من رايي ريناد لان فروحه ماعندها ذوق
هدى:لاتسبين صديقت عمري
عهود:وانتي ليلى وش رايك
ليلى:اذا تثقين في رايي لاتثقين فيهم وحطي الي يعجبك
عهود:رايك وقبلناه
سهى:مالت عليك وعلى الي يعطيك رايه
فرح:مو منك من الي يعطيك رايه
هدى انا قايلتلكم عهود خاينه على طول تقلب اشوى توني ماتكلمت
فرح:هدى وش رايك ننزل عند التلفزيون
سهى:على قولتك يالله
هدى:على ماعتقد قالت هدى ماقالت سهى
فرح:صح كلام بنت خالي وصديقه عمري
ريناد:فرح اعقلي وخلي ختامها خير لان بكرى بنرجع
فرح:ايه لاتقلبين المواجع وانا اختك
ريناد:اقول وش رايك تتقلعين لان شوفتك بس تقلب الكبد
فرح:حطمتي كبريائي بصراحه
هدى:هيه ماسمحلك تحطمين كبرياء صديقت عمري
فرح:تضم هدى :يابعد عمري هذي الاخوه الحقيقيه مو اخوتك انتي قال اخت قال
سهى:اصدقت ريناد كلكلم تقلبون الكبد بنزل اشوف رغوده وين هي فيه
فرح:امشي ننزل تحت يمكن يصير شئ ويفوتنا
وبعد مانزلو مابقى في الغرفه الا ريناد وعهود وليلى
ليلى كانت منسدحه على السرير وعهود جالسه على النت وريناد واقفه عند عهود
ريناد:ليلى حبيتي وش فيك مو على بعظك
ليلى :بالعكس عاديه جدا
عهود:لاوالله مو عاديه انتي بالعاده ماتسكتين ابد اليوم ساكته
ليلى وهي تبكي:اخاف امي فيها شئ
عهود:بس نوره طمنتك عليها
ريناد:حاسه بشعورك بس انتي كلميها عشان تتطمنين
ليلى :من اليوم اكلم على جوالها مقفل
عهود خلاص كلمي على خالد وتطمني عليها لان خالد هو قاعد عندها
ليلى توها بتدق ولا ابوها يدق:الو
محمد:هلا والله بالغاليه كيفك
ليلى:ألحمدالله يبه دريت عن امي
محمد:ايه وانا مكلمك بقولك اذا تبين تروحين لها امرك لاني قريب من البيت
ليلى:ايه تكفى ابغى اطمن عليها
محمد:يالله خمس دقايق واكون عند الباب
راحت ليلى عند جدتها عشان تقولها
ليلى تطق غرفت جدتها:يمه يمه امي شيخه
نوره:امي مو في غرفتها ليه وش تبغين فيها
ليلى:ابوي بيجي عند الباب وياخذني ونروح لامي
نوره خلاص روحي وانا اقولها
ليلى مشكوره عمتو
ليلى وهي تنزل بسرعه مع الدرج ولا بدر بيرقى لغرفته
بدر:اوووه اسف كنت مستعجل
ليلى:لاعادي انا مانتبهت لطريقي
بدر:طيب ماحصل الاكل خير كل واحد يصلح سيارته
ليلى (ياهورايق في الزحمه):اكتفت بابتسامه
بدر:الحمدالله ع سلامت امك
ليلى:الله يسلمك<<<<طبعا كل هذا وهي متغطيه بس يعرفها لانه يحبها وهي مادرت عن هوى داره
ليلى:انا بطلع ابوي عند الباب
بدر:لاتو الناس خليك شوي مابعد ملينا
ليلى:خلها وقت ثاني هالحين مستعجله
هدى+وفرح الي كانو حاظرين الموقف من اوله بس محد انتبه:لاتو الناس
فرح:اذا جاء ابوك بيدق عليك كملي وانا وهدى بنراقب لكم الجو
بدراستحى:ياكرهكم اذا خففتو دمكم
ليلى ووجها احمر:استئذن ابوي شكله جاء على الباب
فرح:قويه جاء على الباب
هدى:اما عاد كيف صارت هذي
بدر:خلاص ليلى روحي وخلي هالعلل علي
هدى:ايه ياخويلد ياخو ليلى لو تدري وش شفت وش تقول
بدر:ليه وحنا وش قلنا
فرح:ابد بس سمعنا احبك ياليلى واحبك ياقيس
بدر وهو يناظرها :انتي ليش لسانك طويل وماتستحين
فرح:والله بما اني ببيت جدتي ليه استحي
بدر:هدى روحي جيبي لي مويه الين اادب فريح
فرح: ههه اصلا باحلامك اقعد عندك امي مو بايعتني اصلا امي تبيني
بدر:اصلا من يوم شفتك اخر العنقود وانا غاسلن يدي منكم انتي وثانيه
فرح:وييه ياهدى اخوك بدى ياغار منك
هدى:اقول اصلامن شفت نظراته لليلى وانا غاسله يدي منه
فرح:اقول بدر اجل نقول اتلم المتعوس على خايب الرجاء خخخخ
بدر:اصلا الكلام معكم ضايع هو بس اعتذار فسرتيه على كيفك انتي وهي
هدى:لاماصدق اعتذار يقعد ربع ساعه
فرح:انا الي اعرفه وبجتمعنا السعودي او باللغه العربيه ان الاعتذار من
كلمتين يعني اذا طول خمس دقايق
بدر:اوووووووه عاد ونشبنا ســـهى سهـــى
سهى:وجع تراني في المجلس اسمع وش ذا الصوت اعوذ بالله
بدر:فكيني من هالثنتين لاهالحين اقوم وادفنهم
سهى:فرح من امس ورغد تناديك لان صديقتك شوق كلمت تبغاك ناديناك بس ماسمعتينا
فرح:وتبغيني افوت احلى الحظات
رغد وهي في المجلس :فــــــــرح فــــــــــرح وصمخ
فرح:هلا والله باختي عزيزتي امري
رغد:صديقتك شوق لها ساعه تكلم تقول ابغاها بشئ ضروري كلميها بس لاتطولين
_____________________________________
نروووح عند ليلى
محمد:كان تاخرتي عادي
ليلى(وبراءه):لايبه خفت اتاخر على امي
محمد:اها
وكلها لحظات ووصلو للمستشفى
اول ماوصلو كلمو على خالد عشان يسالونه عن الغرفه
خالد:غرفه رقم 132الدور 2
محمد: اوكي هالحين عندكم
ودخلو غرفه ايمان
ليلى اول مادخلت ضمت امها وقعدت تبكي
ليلى:يمه تكفين لاتروحين خليك معنا
ايمان:ومن قال يابنيتي اني ابخليك الله لايخليني اذا خليتك
خالد:وانا اقول يبى لنا الله صح
ايمان:انتم شئ وحبيبتي بنيتي شئ ثاني
محمد:ليلى تراني بديت اغار جاء دوري اسلم
ليلى وقامت
محمد:الحمد الله على سلامتك انا عارف انه كله تبغين تشوفين غلاتك عندي
خالد اشر لابوه وطلعو
خالد:يبى ماسالت الدكتور وش فيها امي
محمد:لا لا يكون فيها شئ كبير لاسمح الله
خالد:تقدر تقول كذا قبل شوي كانت عمتي نوره هنا وقالها الدكتور ان المرض
انتشر في جسمها لانها مارجعت عندهم من زمان ومافي علاج حتى الكيماوي بس يخفف الالم
محمد:وماشالته رجلينه جلس:لاحول ولاقوه الا بالله الله يكون فعونها مستحيل
لو نسفرها انا لازم اكلم الدكتور بنفسي
خالد:انا باخذ ليلى واعلمها في السياره
محمد:الله معك
ورجعو الغرفه
خالد:ليلى انا راجع يالله
ليلى:لاابغى اقعد عند امي
محمد:لاروحي وامتس ان شاء الله بكرى تكون في البيت
ليلى:ان شاء الله اشوفك في البيت يمه
ايمان:ان شاءالله
طلعو وهم في السياره
خالد:ليلى تبغين شئ بارد
ليلى لا مشكور
خالد:طيب انتي عارفه ان امي تعبانه ويمكن تطول
ليلى:لاابوي قال انها تطلع بكرى
خالد:ليلى امي رجعلها مرضها<<<الله يكفينا شر ويبعده عنا وعنكم
ليلى:………………
خالد:ليلى قولي اي شئ بس لاتسكتين
ليلى:خالد طيب بيرووح صح ولاانت تكذب
خالد:ربك كريم هالحين انزلي وارتاحي في بيت جدتي
ليلى:ان شاءالله
ـــــــــــــــــــــــــــــــــــــــــ
عند محمد وايمان
ايمان:محمد ابغى اطلب طلب
محمد:عيونه
ايمان:انا وخلاص مافي علاج حتى الكيماوي عشان يخفف الالم بس الي
معروف انه خلاص مافي امل
محمد:الله يخليك لنا وش هالكلام
ايمان:انت تقول هالكلام عشان تصبرني بس انت وانا عارفين وش هالنهايه
اسمع ولاتقاطعني
محمد:امري لله قولي
ايمان:بتتزوج بعدي
محمد:وانا اقدر انتي عارفه معزتك عندي
ايمان:بس
محمد:لابس ولاهم يحزنون انتي عارفه غلاتك عندي
ايمان:مشكور ياقلبي
__________________________
اليوم نوره وعيالها رجعو وهم في سياره وحده
ريناد:والله ماله داعي نرجع
فرح:اذا في امك خير قولي لبوك هالكلام
نوره:وليش ماشفتي فيني خيرخخخخ
فرح:لايمه مو قصدي خخخ
نوره:فهد اذا وقفت عندمحطه او شئ جيب ليمويه احسميته عطش
تررررررن تررررررن(حوال نوره)
نوره:اللو
طلال:السلام عليكم
نوره:وعليكم السلام ياهلا والله
طلال:اتمنى انكم في الدمام هالحين
نوره :والله كلها ساعتين ان شاء الله ونكون في بيتنا
طلال:حياكم الله مع السلامه
نوره:هلا والله
فهد:وش يبغى
نوره:يسال اذا مشينا او لا
رغد:اموووت واعرف وش الي يخليه يصر على رجعتنا
فرح:لاتموتين ولاشئ كلها ساعتين وتعرفين السبب
ريناد:هذا اذا فيه سبب
_________________________
طلال:هاه ارتحتي هم في الطريق جايين
ساره:كل هذا عشانك ولمصلحتك
طلال:المهم راي نوير وبنتها وبعدين يحصل خير
ساره:بس انت رايك اهم من رايهم انت ابوها وكلمتك تمشي على الكل
_______________________
عهود:ليلى حبيتي خلاص هدي بالك شوي وامك مافيها الا الخير
ليلى:اي خير وهو المرض ماكل عظامها اكل يقولون خلاص مافيه امل
عهود:مدري توكلي على ربك وهالحين قومي صلي لك ركعتين وتطمني عقبها
سهى:وانا مع عهود ونفس كلامها صليلك ركعتي واقري القران وتشوفين الراحه كيف تكون
ليلى:الله المستعان
هدى:بنات والله ضيقت صدر
عهود:ليه
هدى:فرح صديقت عمري توني ماشبعت منها
هدى:اييييه ذكرت امس مامداني اكلمك ليلوه تبغين هالحين نتفاهم ولابعدين لان
فرووحه موصيتني عليكم ماخليكم براحه ابد
ليلى:والله الي رايقه اقوم اصلي احسن من مقابل خشتك
هدى:ايه وينك يانظر عيني فرروحه ماتسبني ابد
هدى:تتوقعون فرح مزعجتهم فيني
عهود:ولاجابت خبرك
هدى:تتوقعين يعني ابدا اسب
عهود:هذي الساعه المباركه حبي
___________________________
تهاني:هلا ام سالم وش اخبارك
ام سالم:الحمدالله تمام وش خبارك انتي وش خبار بناتك
تهاني:طيبين
ام سالم:والله ماتستاهل ايمان الي صارلها ماعاشت حياتها مثل غيرها هالمسكينه
تهاني:مافيها الاالعافيه بس تحب تتدلع اسالينيانا اختها
ام سالم(هي لو تفتك من شرك كان عي بخير):يالله انا اخليك تهاني جاء ابو سالم
ام سالم صديقت تهاني
______________________________
موضي:هيه تبغاني ازورها بعد اخر مره فشلتني لا والله مقدر
ناصر:موضي اللي ريحك تروحين روحي ماودك كيفك
بس اعرفي ان ام ماجد مراح تجي
موضي:اجل افكر(لان اذا اجتمعو موضي ومريم صارت حرب الداحس والغبرا ههههه)
ناصر:اجل بتروحين
موضي:ايه
ناصر توه بيتكلم الا ويجيه تلفون ويرد:الو
محمد:هلابك يالغالي وش العلوم وش اخبارك
ناصر:يالقاطع ولا تسال عن ابوك
محمد:والله اشغال يابوي وغير كذا ان ايمان منومينها في المستشفى
ناصر:افا ياساتر وش فيها
محمد:والله يقولون انتكست حالتها وميئسين منها بس ربك كريم
ناصر:الله يكون فعونها ومتى بتطلع
محمد:هم يقولون يحطونها تحت الملاحظه احسن لها من البيت
ناصر:ايه زين خلاص ماطول عليك وانتبه لمرتك
محمد:مع السلامه
ناصر:ياهلاوالله
________________________
مريم:ماجد قلت لابوك اني عازمه زوجته عندي
ماجد:ايه يمه قلتله وقال بعد المغرب بيجي هنا
مشاعل:يمه انتي تكرهينها طيب ليه تبغينها تجي عندك فكينا من شرها
مريم:ياذكيه انا ابغاها عشان اوصل لبوك لان ابوك مايشوف الاهي واذا بغيتي شئ منه
تقربي من مرته
ماجد:الله عليك يمه وش هالتفكير غطيتي على نيوتن والي جابوه
________________________________
بعد 4ساعات وصلو نوره وعيالها لبيتهم
فرح:وينك يافراشي احس اني ماشوف الطريق
ريناد وهي ترمي نفسها على الكنب:وه اول مره اكره طريق
رغد:روحو تروشو ونامو بغرفتكم احسن لكم
وبعد ماتروشو وريحو بعد الطريق
فرح:وينك ياسريري ياليت من ينوووم عشر ايام مراح تكفي
ريناد:على قولتك انا برووح انام
فرح:وانا بعد
رغد:اذا جاء ابوي اصحيكم ولا لا
فرح:لا لاتقوميني ولاتدرين خليني اباركله بمناسبه قرب شهر رمضان حق
السنه الجايه لاني ماشوفه الابالمناسابات وزين ان عرفني
ريناد:لاول مره تقولين بحياتك شئ صح
فرح:طول عمري صح
تن تن تن تن<<<الجرس خخخ
رغد:فريح ماودك تفتحين الباب
فرح:اولا اسمي فرح واذا بغيتي شئ قولي فرووحه وماودي افتح الباب
ريناد:فرح روحي تكفين كملي خير وافتحي الباب والله حاسه اني ماقدر ارفع راسي
فرح:طيب
وكالعاده تتحلطم
لاني طيبه كل خمس دقايق جايه تتشكين ورغدوه ماعندها الافرح تعالي فرح ودي فرح جيبي
فرح:مين
طلال:افتحي
فتحت فرح الباب وانصدمت انه ابوها
فرح:يبى مادريت انك انت ولاكان فتحت من زمان
طلال:لاعادي وين امك
فرح:دخلت تاخذ شور وبتجي
طلال:اجل وين خواتك فرح ورغد
فرح(للاسف ماعرفني ياحسرتي بدا يهذري خخ):معك فرح ورغد وريناد جالسين في المجلس حياك
طلال:ماءشالله كابره حتى اني حسبتك ريناد
فرح:هذي الدنيا تمر بسرعه لدرجه ان الابو مايميز بين بناته صح
طلال وهو يدخل المجلس:اجل قلتي رغد وين فيه
فرح:قدامك اول مجلس على اليمين وراحت نادت امها قبل ماتدخل المجلس
دخل المجلس ولا ريناد نايمه على الكنب
ورغد نايمه على الكنب الثاني
دخل وجلس وهو ساكت بينما فرح على طول راحت تنادي امها لانها ماتعرف توجب احد
دخلت نوره وفرح المجلس:هلا طلال وحبت راسه
طلال:الحمدالله على سلامتكم
نوره:هيييه حسبي الله عليهم من بنات فرح
فرح:لبيه
نوره:قومي خواتك وطلعت تجهز القهوه
فرح: رغد رغد(وهي تهزها مع كتفها)
رغد:فرح ووجع انقلعي
فرح:قومي شوفي ابوي جاء
رغد نقزت المسكينه وهبطت شوشتها وسلمت على ابوها :اعذرني جايين من طريق
وقلنا ننتظرك قبل ماننوم وفرح قلنالها تقومنا الله يهديهاونستنا
طلال:لاعادي حصل خير
فرح:ريناد ريناد(وهي تهزكتفها)
ريناد:zzzzzzzzzz<<مافيه امل
فرح:رغد قومي اختك العله
رغد:والله حتى الان مابعت نفسي عشان اقوم ريناد يجي فهد يقومها
فرح ومعها كاس مويه:ريناد قسم بالله اذا ماقمتي بكب المويه فوق راسك
ريناد:فرح الظاهرمن زمان محد ظربك
فرح:ولايكون انتي اللي بتضربيني ماحزرتي ياعمري
ريناد:ZZZZZZZZZZZZ
فرح:قسم بالله ان ابوي موجود في نفس الغرفه الي انتي فيها
ريناد فتحت عيونها:هاه انت هنا يبى وسلمت عليه وطلعت هي ورغد
طلال:وش اخبارك فرح مع الدراسه
فرح:الحمدالله زينه
طلال:الا انتي باي صف
فرح:اوول ثانوي
طلال:اكبر من جوري بنتي
فرح:ايه(وانا وش يدريني عن بنتك بحياتي ماشفتها الا مره وصدفه بعد)
طلال:روحي قولي لامك مابغى قهوه بس خليها تجئ ابغاها بمووضوع
فرح:ان شاء الله
فرح راحت لامها
فرح:مامي يقولك رجلك مابغى قهوه بس بيغاك بموضوع
نوره:خلاص انا بروح بس انتي سوي القهوه
فرح:بس انا ماعرف
نوره:نادي رغد تسويها
فرح:ان شاءالله
راحت نوره عند طلال
نوره:امر وش الموضوع الي بغيتني فيه
طلال:ابد بس حبيت اقولك تجهزين رغد لانها انخطبت وانا وافقت
نوره:ومين الي خاطبها وش اسمه ووش يشتغل
طلال:وليد ولد عمي اخو ساره
نوره:ومن قالك اني بوافق
طلال:هو طلب يد بنتي وانا وافقت وخلصت
نوره والعبره خانقتها:بس انا ماوافقت والبنت ماتدري
طلال:خلاص هالحين تدري مافيه اي مشكله وقبل مايطلع
واسمعي لو اسمع انها رفضت لاجرها مع شعرها وازوجها بالغصب ولا بتشوفين
شي ماقد شفتي لاحرمك من عيالك واخليهم يعيشون عندي
نوره:طلال بس قلتلك لو تجيب اي رجال بس غير وليد ارجوك انامابغى اهدم حيات بنتي
طلال:انا ابوها واعرف بمصلحتها
واسمعي بكرى بجي انا وهو عشان يشوف البنت ولو اجي ومالقاها
متجهزه لاسحبها مع شعرها واطلعها له بشكلها
طلع طلال بكل سرعه
عند باب المجلس فرح شايله صينيه القهوه وصقعها ابوها وطاحت القهوه من ايدها
فرح:اووه اسفه مانتبهت
طلال:اوووه انتي الثانيه طسي عن وجهي بللتي ملابسي في هالقهوه حسبي الله عليك
من بنت وعطاها ذاك الكف الي عمرها ماتمنت مثله طلع حرته فيها
جت رغد وريناد على صوت فرح
رغد:وش فيكم
اول ماطلع طلال من بيتهم جات تركض نوره عند بنتها
نوره:لاتزعلين حبيبتي هو كان معصب شوي
فرح وهي تبكي :يمه طيب ليه هو الي صقعني هو الي ماشاف طريقه
نوره وتضم بنتها على دخلت فهد
فهد:شفت ابوي برى وتحلطم وحالته حاله يمه وش فيكم تصيحون
نوره:ابد ياولدي من شفنا ابوك ماشفنا الخير من وراه
فهد:فرح وش فيك تبكين انتي علميني بس اذا رغد او ريناد هاوشوك وانا
اوريهم شغلهم بس قولي مين رغد ولا ريناد
فرح:………………
رغد:ابوي عطاها كف بس وش سببه مادري
فرح:لاني وانا شايله القهوه وهو طلع وصدمني وانكتت القهوه على ثوبه وعطاني كف
فهد:اكيد انه كان معصب
شوفي انا ابرضيك اطلبي الي تبين واجيبه لك
فرح بحزن ممزوج باستهبال:ياليته من زمان جايني هالكف
فهد: ايه يمه وش الموضوع الضروري الي يبغاك فيه ابوي
نوره وهي تناظر رغد:رغد اختك جايها خطاب
فرح:لااليوم صاير شئ في الدنيا فهد تنازل يطلعني ورغد انخطبت
فهد:ومن الي خطبها
نوره:وليد اخو مرت ابوك
ريناد:وانتي وافقتي
نوره:ماسالني يقول هو وافق وخلاص يعني بالغصب
رغد:يمه مابغاه انا وش ذنبي ليه انا بذات يمه وليد خطب
صديقتي ورفضته وتبغيني انا اخذه مستحيييل
نوره:والله ياحبيبتي لو بيدي كان مازوجتك هالوليد بس ابوك ييقول عطى الرجال كلمه
وهددني يقول اذا بكرى جاء ولا لقاك جاهزه بيطلعك له بشكلك
ويقول اذ سمعت مجرد رفض بيطلقني ويخليكم عنده
فهد:بس حنا كبار ومايقدر يتحكم فينا
نوره:انتو كبار بس فرح وريناد انا ماقدر بعد هالعمر استغني عن احد منكم
رغد:يمه قولي لبوي اني موافقه بس مابغى بكرى خلوها بعدين عشان استوعب شوي
نوره:اللي تشوفينه
فهد:بس انا مو موافق
نوره:والله ياولدي ابوك ماجاء يشاورني جاء يعلمني
فهد:بس
نوره وهي تحاول انها ماتبكي:لابس ولاهم يحزنون هالحين كلم على ابوك وقله البنت
ماتبي الشوفه بكرى خلوها بعداسبوع عشان تتجهز
فهد:وانتي رغد بكل قناعه موافقه ولابس عشان ابوي
رغد:موافقه وخلاص <<وراحت لغرفتها
توقعاتكم مهمه
1/وش موقف فيصل من خطبه رغد؟؟
2/معقوله رغد تعيش مع وليد اولا؟؟
3/ليه ماجد ماتزوج حتى الان؟؟
وبالتوفيق في البارتات القادمه
التوقعات
1/وش موقف فيصل من خطبه رغد؟؟
راح ينصدم و ينطوي على نفسه .. لانه حبه ضاع منه وبكل بساطه
2/معقوله رغد تعيش مع وليد اولا؟؟
راح تتعيش معاه لانه راح يحبها بس هي اللي تكره لانها مجبوره عليه
3/ليه ماجد ماتزوج حتى الان؟؟
يمكن علشان اخلاق السيئه وحقد الي مو طبيعي على الناس
يمكن في مرض او تشوه وهذا اللي خله حقود
وشكراً
سلمت الايااادي
دمتي بود
| 1/وش موقف فيصل من خطبه رغد؟؟ |
مسيكين الله يكون في عونه
| معقوله رغد تعيش مع وليد اولا؟؟ |
مدري
| 3/ليه ماجد ماتزوج حتى الان؟؟ |
يمكن لآن سمعته سيئه