رواية هلي وأن جآرت الدنيآ علّيا / بقلم !! زهور الريف !! 2024.

اليوم حبيت ان اضع روايه اولى من تأليفي
وهي عن الحب والهبال والفرح والحزن ولهم
صحيح ان هذي روايتي ماهي ذاك الطول يعني
بس على انها اول روايه لي اشوف اذا اعجبتكم عشان تشجعوني انزل
روايتي الثانيه طويله حيل

بسم الله ونبدأ

الشخصيات :

فيصل : الاب وهو حنون على اولاده يشتغل هو واخوه في شركة ابوه الله يرحمه
منيفه : الاب تحب اولادها بشكل مو طبيعي وتخاف عليهم

< اولادهم >

نواف : ولدهم الكبير وعمره 22 سنه رابع جامعه
جود : 18 سنه ثالث ثانوي ؛ جسمها وسط لاهي سمينه ولا ضعيفه ؛ مملوحه
غزلان : 17 سنه ثاني ثانوي ؛ ضعيفه يعني رشيقه يسمونها العصلا ؛ مملوحه

^_*

خالد : الاب يحب اولاده ويشتغل مع اخوه في شركة ابوه
بدريه : الام وحنونه على عيالها

< اولادهم >

مشعل : صديق نواف الروح بالروح ويدرس مع نواف وعمره 22 سنه
فهد : عمره 20 سنه ثاني جامعه
انتظار : 18 سنه ثالث ثانوي ؛ متينه بس يهبل عليها المتن لها خدود مليانه ؛ مملوحه

^_* البارت الاول ^_*

؛ في المدرسه ؛

يوم الاربعاء .. وقت الفسحه

غزلان : انتظار تجينا اليوم
انتظار : مدري والله
جود : يووه والله ملينا كل يوم اربعاء ياتجينا ولا نجيك ليش مانغير جو شوي
انتظار : يعني وش تبينا نسوي
جود : ليش مانطلع نروح مجمع نتمشى
غزلان : ياحظي ومنهو اللي يبي يتبرع لنا ويودينا
جود : نطلب اخوانا
انتظار : وانتي ظنتك انهم بيوافقون
غزلان : انا شايله ايدي منهم داريه انهم ماراح يودونا
انتظار : وحتى انا متوقعه ماهم فاضين لنا
جود : نطلبهم وش ورانا

ترررررررررررررررن << دق جرس الفسحه يعلن بداية الحصص

غزلان : ياحظكم مع بعض وانا لحااالي
جود وانتظار : ههههههههههههههههههاااي ياحرام
غزلان : هيه انقلعوا ليش تضحكون علي كش مالت عليكم

وراحت مع صديقتها طيف للفصل

؛ في الفصل ؛

غزلان : طيف وش علينا الحين
طيف : اتوقع انه فيزياء
غزلان : يووووه مالي خلق للحصه
طيف : اسكتي لا تحلطمين جت الابله
غزلان : عاد والله لا اجننها اليوم
طيف : اقول اعقلي ماتبين نسبه زينه
غزلان : اقول اسكتي انتي مافيها شئ لو يوم نفلها
طيف : بكيفك
المعلمه : ياللي هنا وش عندكم تساسرون
غزلان : مافي شئ ابله
المعلمه : طيب اشوف طلعي دفترك ومتابك انتي ويااها
طيف : طيب ابله

طلّعت غزلان صفّيره من شنطتها وورتها طيف

طيف شهقت : هيه ياخبله وش تسوين
غزلان تضحك : ههههههههههه مافي شئ عشان تقولين وش تسوين ابي اصفر واغيّب
الصفّيره وخلاص انتهينا لا من شاف ولا من درى
طيف عشان تنزلك الابله للاداره
المعلمه : ياللي هنا كم مره احذركم قوموا اشوف اوقفوا
غزلان : يأبله وش فيها اذا بس كلمت صديقتي
المعلمه : اذا خلصت الحصه تكلمي معها على كيفك
غزلان : اففففففف
المعلمه : بعد تتأففين طيف اقعدي مكانك وغزلان روحي اوقفي ورى اخر شئ
غزلان اخذت الصفّيره وراحت ورى

وتشرح المعلمه الدرس ومتحمسه بقوووه وفجأه .. طوووووووووط

المعلمه : منهي قليلة الادب اللي صفرت
البنات سكتوا
المعلمه : ماتردون
سكتوا البنات
المعلمه : يعني منتم معلمين
هدوووووء
المعلمه : اكلم الجدار انا يلا قوموا كلكم اوقفوا وكل وحده تنقص من درجات المشاركه
وقفن الطالبات وغزلان دورو وجهها ماتلقونه فاطسه من الضحك
فجأه قالت وحده مصريه
المصريه : استاذه غزلان هيا اللي عم بتصفّر

غزلان بققت عيونها في نفسها يلعن ابو الدفاره اللي ذابحتها علمت الابله علي ياويلي

المعلمه : غزلان امشي معي للأداره يلا

؛ عند نجود وانتظار ؛

انتظار : وش فيها غزلان لايكون زعلت
جود : لا ما عليك منها تزعل شوي وترضى
انتظار : طيب يلا امشي علينا الحين احيأء
جود : يعععييييييييييه وععععععععع
انتظار : تحملي آخر يوم عندك يومين اجازه

،،،،،،،،،،،،،،،

؛ على طلعة البيت ؛

جود وانتظار وغزلان طالعين بررى ينتظرن السوااق
جود : بنات هذيك سياره السواق بس اللي راكبها رجال لابس شماغ مدري بس .. الا هذا رقم
السياره … يوووه والله ماشوف من هالغطاء

غزلان : لحظه خليني اقرّب اشوف .. راحت ورجعت .. بنات اللي جايين اليوم نواف وفهد ومشعل بسيارة السواق ولا بعد كاشخين
انتظار : يغازلون تلقينهم بعد وش يسوون
جود : يل خلونا نروح

راحو البنات وركبوا السياره

؛ في السياره ؛

اللي يسوق مشعل وبجنبه فهد ونواف ورى مشعل
وبجنبه جود وبجنب جود وورى فهد غزلا و بقت انتظار

انتظار: لا والله ركبتوا كلكم وانا وين اركب ان شاء الله
نواف كاتم ضحته : بحضني بعد وين تجلسين دبري لك مكان
انتظار انحرجت حيل تفشلت وظلت واقفه
مشعل : ماتخلصينا ماتشوفين السيارات يطوطون يبون يمرون
انتظار شوي وتبكي : طيب وين اجلس
غزلان رحمتها : هههههههههاااي تعالي بحضني
انتظار : تستهبلين انتي
غزلان : لا والله صادقه تعالي بحضني
انتظار : لا فشله ياحلو شكلي وانا فوقك
فهد عصب : تركبين ولا شلون
انتظار خافت وركبت فوق غزلان واول ماقعدت عليها
غزلان : آآآآآآآآآااااي يادبك << بصوت عالي
فهد شاف اشكالهن فطس من الضحك : هههههههههههههههه ماقعدتي الا على العصلا
غزلان : انت سكّر فمك
فهد ومشعل وانتظار يطالعون شكل انتظار ويضحكون
انتظار تصيح : اهئ اهئ اهئ
نواف فاطس من الضحك : ههههههههه وش عنك تصيحين
انتظار : انتم حيوانين
مشعل فطس من الضحك : شوفوا ياحلوا جمع كلمة حيوان
نواف : هههههههههههاي خلاص اسكتوا لاتبكي علينا زياده
غزلان تحت انتظار يالله بالموت تنفس
غزلان بصوت متقطع : يلعن ابو الساعه اللي ركبت فيها السياره
انتظار قرصت غزلان بقووه
غزلان صيحت بكل قوتها فجرت السياره من صرختها : آآآآي وش عندك علي اليوم ووجع
فهد يضحك على خبالهن : ههههههههه وش سوت عشان كل هذا الصياح عشان قرصه بس
غزلان : عشان قرصه بس هاه .. ودزت انتظار بكل قوتها على قدام
الا انتظار طايحه في المرتبه الاولى عند مشعل وفواز ورجلينها على بطن جود بقوه

جود بدون ماتحس : يامال البورش اللي مطفي انواره ثم يصدمك وتتقطعين حتت حتت
ويلمّونك وينسون راسك طايح على الرصيف لين يخنز
مشعل بغى يسوي حادث فاطس من الضحك عجز يسكت : ههههههههههههه الله وش هذي
الدعوه طالعه من قلب

جود استحت ظاع وجهها من الحيا الكلام اللي طلع منها غصب عنها ماكنت بوعيها
غزلان داخله عرض : طلبتكم قولوا تم
فهد مسوي نفسه شخصيه : تم يابنت العم وش عندك آمري
غزلان تبي تطيح وجهه : وانت من طلب رايك
فهد عصب : ……….

يتبع >~