روياتنا الاولى
عندما تذبل الطفوله وتتشوه البرائه وتقتل بايدي اشخاص لايعرفون الانسانيه ولا يقدرونها … روايه ( رومنسيه – واقعيه – جريئه ) ونتمنى مشاركتكم لنا ببرائة احداثنا وبساطة تفكيرنا ومتابعة روايتنا على رغم ماتصورة احداثنا من الواقع ببشاعته في البارتات القادمه للكاتبات : ĆĤДЙĕŁ + ĎĭôЯ
من أراد نقل الرواية فلينقلها بذكر اسم الكاتبات والمصدر وغير ذلك لانحلل :
نبدأ بالبارت الأول والثاني :
♥
البارت الاول
–
–
الساعة 5 ونص الصباح :~
… : سدن بائي لهلأ ماصحيتي يلا ياماما فيئي راح تتاخري على مدرستك
سدن : ماما باقي بدري خمسه دقايق وباصحى
… : بس ياسدون بتتأخرين هيك واهم شي الصلاة بتاخريها
سدن : تيب ماما هذاني صحيت * تقوم *
( اعرفكم على سدن عمرها 16 اول سنه لها بالثانوي بيضا وشعرها طويل لون عيونها خضراء هاديه جسمها متناسق وطويله ومجتهده ومعروف عنها انها مصطفى ، حساسه ودمعتها قريبه وتنجرح من ابسط الكلام ، ابوها سعودي وامها شاميه )
ام سدن ( سعاد عمرها 45 امراة طيوبه حنونه ولكن لا ترحم من يخطى عيونهاخضراء وورثت بنتها سدن لون العيون منها )
ابو سدن ( عبد اللطيف عمره 46 يعتبر من هوامير وكبار التجار في الرياض )
اخو سدن ( عندها اخ اكبر منها اسمه مشاري عمره 25 يشتغل مع ابوه درس ادارة اعمال يتميز بوسامه وجسم رياضي ولايقل جماله عن جمال سدن )
^ لبست ملابسها وتجهزت وهي مستعجله كحلت عيونها الخضراء بكحل زيتي عشان تبرز لون عيونها وحطت قلوس وردي بشفايفها الصغيرة بحجم الكرز ومشطت شعرها الحريري ولبست الاساور وهي مستعجله
امها تناديها : سدن تاخرتي يلا ياماما
^ وقبل ماتنزل القت على نفسها نطرة سريعه وقالت : يووه اجنن * ترمش بعيونها * فديت هالعيون بس
اخذت شنطتها وعبايتها ونزلت من الدرج
• باست راس ابوها وامها واخذت قطعه خبز
ابو سدن : سدون حبيبتي ليش ماتجلسين وتفطرين ؟
سدن : معليش بابي تاخرت على المدرسه
ابو سدن : طيب يابنتي انتبهي على نفسك
سدن ان شاء الله يلا باي تاخرت * طلعت *
وصلت سدن للمدرسه اول مادخلت شافت لمى واماني والجوهرة * صاحت *
سدن : وحشتووني * تخمهم *
لمى: ياحياتي وانتي اكثر
الجوهرة : وانتي اكثر الله وتغيرتي يابنت شعندك كانك سمنتي
سدن: لا * قمطت * ياخي ماسمنت بس انتم تسذا تشوفني
اماني : اقول لا يكثر سمنتي يعني سمنتي * رن جرس الطابور *
اماني : اقول امشوا نصف لاحد يصايح علينا من اول يوم * مشوا البنات لساحه الداخليه
اعرفكم على البنات :
لمى ( لونها برونزي وشعرها طويل واسود ورموشها كثيفه هاديه ورقيقه وتحب تضحك قريبه من سدن حيل )
الجوهرة ( سمرا بس مب مرة شعرها طويل عيونها وسط انفها بعد وسط روحها مرحه دايم تضحك وتنكت وخطيرة بالتقليد على احلام ورابح )
اماني ( سمرا بس مب مرة مثل الجوهرة شعرها قصير تحب الفله والوناسه وتحب تجلس اكثر شيء مع الجوهرة ويستهبلون مع بعض )
– تقدمت المديرة ورحبت بالطالبات خصوصا طالبات الصف الاول وشرحت لهم كيفيه النظام
بعدها البنات راحوا للفصول ومن حسن حظهم كلهم في فصل واحد مشت الحصص عادي بما ان اول سنه ماعندهم شيء بعد الفسحه جت استاذة الدين وجلست تسولف مع بعض البنات وشله الانس جالسات يحشون في خلق الله
*اندق الباب *
… : ممكن ادخل
استاذة الدين : انتي طالبة جديده ؟
… : ايه
استاذة الدين : تفضلي * دخلت البنت تدور كرسي فاضي *
لمى : بنات شوفو ذي مدري كيف جايه
سدن : احسها متكبرة مرة
جلست البنت جنب اماني ووراها سدن ولمى والجوهرة كانت في دورة المياة ( وانتم بكرامه )
– صفرت الحصه وطلعت الاستاذة ، ورجعت الجوهرة من دورة المياة وشافت البنت الجديده جالسه مكانها وطالعت في اماني وقالت : من هذي ؟
اماني : هذي البنت الجديده مالقت مكان وجلست بمكانك
ونظارت الجوهرة في البنت الجديده وقالت : هيه انتي هذا مكاني قومي
لفت البنت عليها وقالت : محد قالي ان هذا مكانك
قامت الجوهرة وجابت كرسي ……
♥
البارت الثاني
–
–
لفت البنت عليها وقالت : محد قالي ان هذا مكانك
قامت الجوهرة وجابت كرسي
وجلست جنب البنت الجديده
مدت الجوهرة يدها وقالت : تشرفنا انا اسمي الجوهرة وهذولي صديقاتي
صافحتها البنت الجديده وقالت : لي الشرف انا اسمي اشجان توي انتقلت اليوم لمدرستكم
سدن تناظر فيها وتقول في نفسها : ياربي احس هالبنت متكبرة مرة مدري شلون بنتعايش معاها
الجوهرة : عاشت الاسامي شوجي
اشجان : عاشت ايامك
اعرفكم بشوجي ( بنت بيضا وشعرها لنص كتفها ناعم حيل ولونه بني
عيونها عسليه ناعسه طيبه بس الي يشوفها من اول لقاء يقول متكبرة ، عنيده بدرجه كبيرة ، ماتحب تهين نفسها عشان شيء هي تركيه بس مولوده وعايشه في السعوديه من زمان )
بعد مرور شهر انقلب الوضع وصارت اشجان اقرب وحده لسدن وصاروا قريبات من بعض لدرجه صاروا يلبسون زي بعض يذاكرون مع بعض وكل شيء
في صباح يوم السبت الساعه 5 الفجر اخذت اشجان جوالها واتصلت على سدن
اشجان : سدون اليوم انا باغيب تعبانه شوي
سدن : يوه سلامات شفيك
اشجان : مصدعه شوي
سدن : سلامتك ماتشوفين شر والله ودي اغيب المدرسه بدونك مالها طعم
اشجان : يوه فديتك اشرايك تجيني بعد المدرسه
سدن : ان شاء الله العصر باكون عندك
اشجان اوك يلا انتظرك باي
سدن : باي
ناظرت في ديكور غرفتها الكلاسيكي وقالت
اشجان : يوه وش ذا الضيق ودي اغيرة اافف خلني انزل اشوف ماما احسن لي
نزلت تحت وشافت اهلها متجمعين على طاولة الفطور
ام اشجان : تعالي يا اشجان افطري معانا
اعرفكم بعائلة اشجان ( ام اشجان عمرها 50 سنه ولكن اللي يشوفها يقول عمرها في الثلاثين بسسب اهتمامها بنفسها ، وهي سيده اعمال وهي تدير مشغل ومركز نسائي في احد احياء الرياض الراقيه )
اخت اشجان ( رغد عمرها 26 متزوجه وعندها بنت وولد )
اخو اشجان ( طلال عمره 14 وماعمره شاف ابوه بسسب وفاته بعد ولادتة على طول )
والمفاجئة ان اختها رغد عندهم ورجعت من تركيا ، راحت اشجان ركض لاختها وضمتها
اشجان : الحمد لله على السلامة ياقلبي وربي فقدناك
رغد : الله يسلمك كله منك قلت لك تعالي معي ومارضيتي
اشجان : وش اسوي الدراسه وكذا ، المهم جبتي لي الاغراض اللي طلبتها والا لا
رغد : ايه اكيد
ام اشجان : الله يصلحك يا اشجان حتى اختك ماخليتيها كان رحتي في الاجازة اللي بين الترمين وشريتي اللي تبينه
اشجان : يووه يمه شفيك كلها غرضين وبس * باست راس امها *
رغد : هههه ايه العبي عليها بالبوسه هذي *.*
نهاية البارت الثاني ~
الروايه للكاتبات : ĆĤДЙĕŁ + ĎĭôЯ
<< إن وجدنا التفاعل سنكمل بقية البارتات .gif "Graaam (123)")
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
حلوة كتير فكرة الرواية
ومارح ازيد شي على كلام اختي زيزفون
بس ياريت تكبري الخط
يكون احلا
موفقة
وانشاء الله اكون من متابعيك
سجليني من المتابعين واتمنى كل مانزلتي بارت
تعطيني خبر
ودي موني
البارت الثالث :~
–
–
ام اشجان : الله يصلحك يا اشجان حتى اختك ماخليتيها كان رحتي في الاجازة اللي بين الترمين وشريتي اللي تبينه
اشجان : يووه يمه شفيك كلها غرضين وبس * باست راس امها *
رغد : هههه ايه العبي عليها بالبوسه هذي *.*
ام اشجان : اشجان منتي رايحه المدرسه ؟
اشجان : لا يمه احس نفسي تعبانه شوي
ام اشجان : والله انه دلع بنات _ شرايك تجين معي المركز اليوم
اشجان : لا يمه وحده من خوياتي بتمرني العصر
ام اشجان : اها
———————
في مكان اخر واختلاف الوقت والاجواء وبالتحديد في مدينه الضباب لندن
مجموعه من الناس مجتمعين على امرأة ذات شعر اشقر وعينان زرقاوتان مليئه بالالم تستنجد وتطلب المساعده لنقلها للمشفى واذا بها تصرخ معلنه بولادة مولود جديد
—————–
وفي نفس الوقت دخلت سدن المدرسه فصخت عبايتها وراحت تدور بعيونها على صديقاتها
شافتهم بزاويتهم المعتاده ، ابتسمت ابتسامه عريضه وهي ماتدري ان في عيون تراقبها وتترصد لها
ركضت متجهه لشلتها ولكن ماحست الا وهي طايحه على الارض ، وهي تتالم من قوه الطيحه
سدن : آآه * قامت تنفظ الغبار عن مريولها وقالت *
سدن : هيه انتي ماتشوفين
^ رفعت نضرها وياليتها مارفعته شافت ( منى ) المعروف عنها اكبر مهايطه في المدرسه هي وشلتها اللي ماتجي سدن ربعهم من ضخامتهم
كانت منى واقفة وراسمه نص ابتسامه على شفايفها تبي تقهر سدن ، وبنفس نظرات الاستخفاف والابتسامه قالت : سوري ماشفتك
• هنا عصبت سدن وقالت : وليش انتي اصلا مستقصده تطيحيني يآ*****
• ^ ماكملت كلمتها الا وحست بحرارة بوجهها من قوه الكف ، رجعت طاحت على الارض ، مسكت سدن خدها ورفعت راسها تبي تشوف من اللي تجرأ ومد يده على بنت عبد اللطيف
—————–
^ في احد احياء الرياض المتواضعه وصلت عائله حديثه النقل ( عائله ريم ) كانت عائله بسيطه متكونه من الاب والام ، ثلاث اولاد وبنتين
ريم : هذي ابيها تكون غرفتي
اسامة : وانا هذي اللي عند الركن على اليمين
منار : وانا اللي جنب غرفة ريم
والتوأم الصغار قرروا تكون غرفتهم جنب غرفةاسامه
ريم : بابا ابيك تسجلني بمدرسة صديقتي سدن
ابو ريم : وين هالمدرسه وش اسمها
ريم : ثانويه ***** الاهليه
ابو ريم : يابنتي انتي تدرين بظروفنا تبيني اسجلك بمدرسه اهليه
ريم : يبه انا مالي دخل بظروفك ابي ادرس بمدرسه اهليه يعني اهليه
^ قامت ودخلت غرفتها الصغيرة المتواضعه بأثاثها ووقفت عند المرايه وقالت
ريم : اوووف ليه حضي دايم متعثر ربي بلاني بعايله فقيرة .
اعرفكم بريم وعايلتها :~
ريم ( بيضا مرة ومليانه وشعرها اشقر وقصير وهي صديقة سدن من الطفوله قبل لا ينقلون من الرياض وكانوا يدرسون مع بعض في المرحله الابتدائيه ولكن بسبب ظروف عمل ابوها اضطروا ينقلون إلى جده ،، ولما تقاعد ابوها قرروا يرجعون لرياض ويعيشون فيها
ابو ريم ( رجل كبير في السن يشتغل في الجيش وراتبه على قده يادوب يكفي لمصاريف البيت ومصاريف عياله )
ام ريم ( امرأة كبيرة في السن وعندها القلب )
اسامه اخو ريم ( اصغر من ريم بسنه ، اسمر وشعرة اسود )
منار اخت ريم ( اصغر من اسامه بسنتين ، وهي اكثر وحده تتهاوش مع ريم )
التوأم ( أيمن وأمين ، اعمارهم 4 سنوات يشبهون لمنار كثير )
–
–
مسكت سدن خدها ورفعت راسها تبي تشوف من اللي تجرأ ومد يده على بنت عبد اللطيف
وكانت الصدمه ان وحده من صديقات منى هي اللي مدة يدها عليها وضربتها وقالت
فتون : مو انتي اللي تقولين لمنى هالحكي، منى تسواك وتسوى اسيادك يابنت*****
^ قامت سدن تبي ترد لها الكف ، لكن صديقاتها اللي شافوا تجمع البنات وراحوا لمكان الهوشه
اماني مسكت يد سدن وقالت : سدن بليز خلاص ماله داعي
سدن : ليه يا اماني خليني اعلمها من انا ومن هي
الجوهرة : معليش ياسدون هالمرة وخلاص
^ تناظر فيهم سدن وقالت باحتقار : راح ارد لك الكف وتشوفين وترا الموضوع ما انتهى وانا مشيته بكيفي
نهاية البارت الثالث ~