كيفكم احبتي في كل مكان،،
جئت اليكم بعد ماتركت لقلمي العنان في ان يبحر في مخيلتكم
ويصحبكم لحياة اشخاص قد تمثل شيئا من الواقع .. موعد البارات كل يوم خميس والاحد
كل ماأتمناه ان تنال هذه
الروايه على اعجابكم
رايت الحزن والالم
اكثرها من الصغر
لوثت قدرذلك المستقبل
احيت قلوب الحقد والانتقام
في المقابل .،.،تضحيه .،.نكران الجميل.،عواطف وعشق ممنوع.،،تجرد الثقه الاخويه
سبحان الله وبحمده سبحان الله العظيم
الــ،،?،،ـــــبارت الاول:
اسقيني ايتها الدنيا فرحا..فاناعشت فيك الالم..والحزن.والظلم..
وانا التي صبرت على اقدارك فلما دائما تشربينني السم والحنضل…
هل لان قدري تعيس للغايه !؟?لكنني مؤمنه بهذا القدر فارحمني يامقدرالاقدار…
في احدى المنازل المتواضعه بالرياض:
…:ياهيام بسرعه تعـــــــالي لايفوتك الحقي بسسرعه
جت هيام وهي تلتقط انفاسها:ها وش فيك خرعتيني
سديم:لقـــــــيته
هيام:وش لقيتي ياحظي
سديم بفرحه:لقيت رقم جوآله
هيام وهي تبوس يدها ظهر وقفى:الحمدالله والشكر يارب انت من تعطي العقول وتثبتها
سديم بحالميه:ياآه فديت زوله يانااسس
هيام وهي تجلس على طرف الكرسي وتحط ايديها على أكتاف سديم :سديم انتي من جدك تتكلمين مو لهادرجه تخاطرين هالمخاطره عشان هالحب
هيام :تكفيين لايسمعك عزام والله لايصلي عليك اليوم بالراجحي.
سديم ودموعها تهدد بالنزول:هيام ياترى هو يحبني ويفكر فيني مثل مانا افكر فيه انتي داريه قد ايش ماخذتفكيري
هيام وهي حزنانه لحال اختها:ياسديم كم مره اقولك ان الامل ضئيل لانه عادل واضح عليه ثقيل ومايحب هالحركات يعني لاتعلقين نفسك بسرآب
سديم وهي ترجع راسهاعلى ورى وتخبي وجهها بيدها:عــــــآرفه انه مو يمي بس وش اسوي اذا قلت بانساه يرجع صدى صوت قلبي مستحيل تدرين ليه لاني مو احبه وبس الا اعشقه
هيام وتبي تغير الجو:بلاه هالكمخه ماشافك كان طاح من طوله..
سديم وتضحك من بين دموعها:لا كله ولاعدولي مالقيتي الاكمخه قولي جنتل ماآن
هيام ومعقده حواجبها:وش جنتل مان هذا بعد حبتيلك واحد ثاني
سديم بضحكه:تدرين ياهيوم وش عيبك
هيام ومازالت معقده حواجبها:وشو
سديم:انك ماتدرين وين الله حاطك بالانجليزي
هيام بشهقه:لايكون جنتل ذا مسبه فيني
سديم ومايته ضحك:هههههههههههههههه لالالا موسبه معناها رجل وسييم وخقق ويجنن
سديم وهي ماسكه الضحكه
:لا والله ماكذب هي معناها كذا
هيام:خــــــلاص خلصنا ماصارت على كلمه ..ماستفدت منك الا تضييع الوقت
هيــــــام وهي طالعه من غرفتها المشتركه مع اختها..قابلها عزام:الغداء جاهز
هيــــــام وهي تبلع ريقها:ايه جاهز احطه لك
عزام :ايه حطيه بروح ابدل ?دقايق وجاي ابيه جاهز
طارت هيــــــام للمطبخ
اماعزام راح لغرفته ..دخل الغرفه وهو يرمي الغتره والعقال على الكرسي ..تعبان وهلكان من هالشغل بس مابيده حيله مايقدرهو مصدرالرزق الوحيد له ولامه ولخواته..هوسندهم بهالحياه بعد وفاة ابوه من عشر سنوات كان عمره عشرين ضحى بكل شي ..كانوا اصحابه يعزمون على كشتات ومخيمات شبابيه كان يقاوم ويرفض كثيير من العروض اللي كانت راح تسعد شخص في مثل عمره..تنهد تنهيده طويله وهو رايح ياخذ شور …
طلع ولبس له بيجامه ومشط شعره على ورى وتعطر ونزل تحت شافهم كلهم مجتمعين عالسفره هو معودهم على كذا
عزام:يالله سمو بالله
ام عزام:الا اقول ياولدي كيف الشغل معك
عزام:الحمدالله ماشي حاله
عزام وبكلامه ينهي الموضوع :الله يقدم اللي فيه الخير
ام عزام:ياولدي بتطق الثلاثين وانت ماعرست وانا ابي افرح بعيالك مابقى من العمر اكثر من اللي راح
عزام بضيقه:الله يطول بعمرك يايمه انايايمه اللحين مافكربالزواج وماودي افرض نفسي عليه واعذب بنت الناس معاي
تنهدت ام عزام تعبت معاه والولد موراضي
خلصوا اكل وعزام راح ينام والبنات يجلوا الاواني
سديم وهي تنشف يده :واخيرا خلصنــــــا
هيام:وهي طالعه برى المطبخ :ابــــــي انــــــام فراشي وينه
راحت سديم كالعاده على اللاب وهيام غطست بنوم عميق
ــــــــــــــــــــــــــــــــــــــــ
جلس عند اخته وهو يقول:ماقلتيلي ايش اخبارسطام معك
شادن بتنهيده:الحمدالله ماشي حاله
عادل ماعجبته نبرة صوتها:مم شادن اذا فيه شئ لاتخبين علي
شادن وهي تبتسم:لاياقلب اختك مافي شي بس سؤفهم بسيط وبينحل
بروح اريح شوي
شادن:ايه روح ريح شوي انت ماترحم نفسك اعرفك
اكتفى بالابتسامه …وهويصعد الدرج شاف عمار نازل بسرعه:درررب ياولد طرييق
عادل وهو يوسعله:خييران شاء الله في شارع التحليه انت
عمار ويسوي نفسه يضحك:هه هه بايخه لاعاد تعيدها?
عادل:ابشربس تعال وين رايح مع هالظهر
عمار:مم معزوم عند واحد من اصحابي لييه فيه شئ
عادل ويصعد الدرج:لاولاشي بس لاتتآخرابيك العصر
عمار:ابشر
دخل غرفته وهو يحط جواله على الطاوله راح لدورة المياه غسل وجهه طلع وهو قاعد ينشف يده ووجهه انسدح عالسرير وهو موقادر يــــــنام
قــــــاعد يفكر فيــــــها ماخذه ثلات ارباع تفكيره آآه ياهــــــيام ليتنــــــي ماشفتك ولاعرفتك ..لامتهني باكلي ولانومي
جاء بباله ذاك الموقف اللــــــي مستحيل ينســــــاه:
عادل: انا استاذن اجيبلكم القهوه
راح المطبخ بس قبل لايدخل سمع صوت خلى قلبه يوقف
في المطبخ:
هيام :ههههههههه الله يرج ابليسك مالقيتي عقاب الاهذا
شادن:ايه احسن عشان يعرف انه قاعد يلعب مع شادن
هيام وهي طالعه من المطبخ :احلى ياقوي اقوول شدون مع نفسسك لاتهايطين اعرف انك تموتين على ترابه
عادل يوم شافها طلعت استحى على وجهه وتنحنح:احم احم درب ياولد
هيام من الخرعه تنحت ،،اماعادل اعطى لنفسه العنان ان يبحر في عيناها في كل شي يخصها لم تطول الفتره الى بضع ثواآني،،استيقظت منها هيــــــام وهي تركض للداخل???
تنهد تنهيده طويييله لها الذكرى اللي كانت ذكرى لاتنسا عنده اما بالنسبه ل هيام نست الموقف ولااعطته اي اعتبار لانه مستحيل تفكر بواحد اختها تحبه
افاقه من سرحانه في معذبته (كما اطلق عليها)صوت الجوال
شاف رقم غريب
عادل:الــــــو
بصوت مرتجف:آلـ ــ ـوو
عادل:نعم أختي
سديم وتجر الكلام جر:هذا رقــــــم عادل
عادل وحواجبه معقوده:ايه اختي وصلتي انا عادل فيه شي
طططــــــوط طــــــوط
ترك الجــــــوال وهــــــو مستغرب بس ماعطى الامر اهتمام كبيير..
ـــــــــــــــــــــــــــــــــــــــــ
عنــــد سديم:ياويــــــل حالي يجنن يانــــــاس ياربي هذا الولد بيجطلني..
هيــــــام بصوت ناعس وهي تشوفها ضامه ايدينها على صدرها ووجهها احمر:ســــــلآمات سديم وش فيك لايكون كلمتي جنتل وانا مدريسديم ودموعها تنزل:ايــــــه كلمتــــــه بس احس اني عذبت نفسي زياده والله قلبي للحين يرجف شفتي صوته وش سوا فيني هيام:ليييــش كلمتيه
انه عرف رقمك بالصدفه وش نسوى بالله ..يــــاربي ياسديم جد والله موطايقه مشاكــــل وحنا اللي فينــــا كافينــــا لازم تحسبين لاي كلمــــه واي تصرف تبين تسوينه..
صــــارت سديم تصيــــح وتقول:يــــاناس افهموني انااحــــبه ياعادل افهمنــــي والله والله انــــي احبــــك ليش ماتفهموني ضلت تبكــــي وهيــــام قدامها حيرانه من هالحب اللي معذب اختها ومعذبها هــــي بعد :يــــاه ياعادل متى تحس بها الادميه اللي معذبه نفسها عشانك .
ــــــــــــــــــــــــــــــــــــــــ
في الصباح:
صحت هيام وهي تحس راسهــــآ بينفجرشافت سديم ورحمتها طول الليل بس تبكي
تنهدت وهي تقوم غسلت وجهها
ونزلت تحت عندامها،
هيام وهي تسلم على امها:صبحك الله بالخير يمه
ام عزام:صبــــاح النور والرضا والسرور
هيام:يمــــه ليه جهزتي الفطور كان خلتينــــي اجهزه
ام عزام:والله جاني اليوم نشاط قلت خليني اسويه الاشوفي يابنيتي عزام اليوم موقادر يوديكم يقول عنده شغل من الساعه اربع وموصي عليكم ولد خالتك عادل وبيمر عليكم قولي لاختك واجهزوابسرعه… هيــــام على طــــول طارت تبشرسديم ..دخلت الغرفه لقتها نايمه.
هيام:ســــديم ياسديم يابنت قومي الحقي لايفوتك هالخبر اتوقع ممكن يغمى عليك يابنت قومي يالله .
سديم وهي فاتحه نص عيونها:يوووه ياهيام خليني انام بس شوي والله امس مانمت
هيام:مم حتى لوكان الخبر فيه عادل
سديم فزت وقامت:وشفيه عادل
هيام بضحكه:لاولاشئ بس الاخو شكله سمع الصوت وماقدر يتحمل وقال لازم اشوفها.
سديم ومفهيه:هاآه
هيام:هههــه ياربي منك اقولك عادل بيوصلنا للجامعه
سديم:ستــوب ستــوب شوفي ريهاموه انا عارفه حركاتك البايخه. اذا كان مقلب منك فاقلبي وجهك احسن لك على بالك اني مصدقتك
هيام:والله ماكذب عليك امي تقول امكن يجي باي لحظه
سديم:يووه مايمدينا يالله نلحق
الاسمعوا صوت رن الجرس
هيام وسديم:لالآاااااااااااااااااااااااااااااا
قاموا يفحطون بالغرفه واللي تلبس واللي ترتب شنطتها<<تعرفون حوسة الجامعه..
الاتدخل عليهم شادن :احلفوا بس توكم تلبسون تعبطون انا محاضرتي على وشك تبدأ.
ماحد ردعليـــها كل وحده يالله تلحق تمشط شعرها واللي تحط لها كحل مــــــــــــو يمها
شادن بدا الضغط يرتفع عندها:بنــــــــــــات
سديم:شدون بلييز تعالي كحلي عيوني ماعرفت اضبط الكحل من صراخك
هيام وهي تلبس عبايتها:يالله انا خلصــــــــــــت
شادن فاتحه فمها من هالبرود:احلفي بس انتي وياها انا بس دقايق اذا ماخلصتوا بنزل عند خالتي تشوف لكم حل اقولكم محاضرتي على وشك وانتم احر ماعندي ابرد ماعندكم اشوف عطيني الكحل انتي مــــرره فاضيه
دخل ورحبت فيه خالته اللي هو يعتبرهابمقام امه
ام عزام :وينك ياولدي ماتنشاف كان ماعندي عيال اخت
عادل ومتوتر لاخر حد موقادريستوعب انه هو وياها بمكان واحد:لا وشدعوه خالتي انتي عارفه بمقام الوالده بس والله ان الشغل شاغلني بس ان شاءالله باقرب فرصه باجيك واقعد لين تقولين تراك زودتها اذلف
ام عزام وتمد الفنجال:انت بس تعال
دخلت شادن وباين عليها العصبيه:يلا عادل خلصنا وراحت سلمت على خالتها:اشوفك على خير خالتي
طلع عادل وشافهم طالعين وراه
شادن:يووه فاتتني المحاظره
عادل:عادي خيرها في غيرها
شادن:وش خيرها بغيرها هذي اخرسنه وابي اشد الهمه
عادل وهو يحط يده على ذقنه ويناظرها:لابالله متى اشتغلت الهمه ست شادن.
شادن:تحاول تسوي نفسك ظريف ياخي افهم مستحيل تصير عندك نصف ظرافتي ولاشرايكم يابنات
البنات :لارد
ان شاء الله بكره ينزل البارت كامل.,,,
دمتم بخير,.,.
كيفك طقوس ؟؟
روايتك من بدايتها روووعه
موووفقه حبيبتي
متابعه لك
لك ودي واحترامي
توقعتها بنت مراهقة او تعليمها على قدها طلعت البنت جامعية وفاهمة اتمنى ماتتطور السالفة وسديم تحقق مرادها لانها اتبعت الشيطان ونست ربها لما فكرة تكلم واحد مو محرم لها لغرض لفت الانتباه لها
قوانين القسم ضروري الاطلاع عليها
القوانين / الإطلاع هام و الإلتزام ضروري
هذا الموضوع مهم وراح يفيدك اتمنى الاطلاع عليه
موفقة في طرحك