مع بدايات النهار ……
مشى بهدوءه المعتاد خارجا من كراج سيارات الجامعه متجها نحو مبنى محاضرته الاولى في هذه المدينه (الرياض) ملامح وجهة توحي بالاسترخاء , بالغرابه تشد من يراه للابتسامه في وجهة .دخل مبنى رقم (9) الذي سيحضر فيه اول محاضره لا اقصد بالاولى أي انه اولى جامعه لا بل هو في اخر سنه له في قسم علم النفس ..بدءت محاضرته وكان في بدايتها مركز ولكن بعد مضي وقت بسيط شرد ذهنه بعيدا بيعدا لجدة بلدة ومسقط راسه وارض افراحه واحزانه …انتهت المحاضره وانتهى الدوام بعد صلاة الظهر خرج متجها لكراج السيارات لكنه انتبه لصوت يناديه ………..
صاحب الصوت : لحظة يابو الشباب .
التفت بطلنا له : هلا خير تبغاني ..
ابتسم حتى ظهرت اسنانه : نعم بغاك انت جديد في الجامعه واظن انك جديد في البلد صح!
بطلنا بابتسامه عذبه : اعتقد انك ذكي وشديد الملاحظة
وضع يده خلف راسه وابتسم : شكرا بس مايحتاج ذكاء ههههه انا اسمي ناصر الفهد (ومد يده ليصافح بطلنا )
بطلنا بتعجب : اهلا وسهلا وانا سيف الجاسر (وصافحه )
ناصر بعيون مفتوحه واستغراب واضح : وش يقرب لك صالح الجاسر ؟؟
سيف ناظر للسماء وابتسم بسخريه : هه اخوي ..
ناصر بغباء : اخوك وجاي الرياض والا انت ماتدري انه صاحب اكبر واضخم شركات استيراد وتصدير في المملكه ..
سيف بملامح جادة : واذا مايحق لي ادرس هنا ..
ناصر باحراج واضح : اسف ما اقصد .
سيف : عاادي , الا انت أي سنه …
ناصر مبقق عيونه : انا معك في نفس القاعه شكلك ما انتبهت علي صحيح جسمي مو ضخم بس عاد مو مره ما انشاف ..
ضحك سيف وطالع ناصر فعلا هو ممشوق الجسم ونحيف : لا بس ماكنت مركز في القاعه ..
ناصر: الا صدق من وين انت .؟؟
سيف مشى ولحقه ناصر متجهين نحوا السيارة : انا من جدة شكرا ناصر صراحه سعدت بمعرفتك مضطر اروح الحين فرصه سعيده ..
ناصر حط يده في جيب بنطلونه : اوكيه وانا اسعد ..
(سيف دخل سيارته وشغلها ..)
ناصر : سيف ممكن رقم جوالك اذا ماعندك مانع .!!
سيف : وليش امانع تفضل 05——— ناصر انت وين ساكن ؟؟
ناصر: في بيتنا ..
سيف بضحك احلف !! حسبتك في بيت الجيران ..
ناصر ضحك : لا وخفيف دم بعد ..
سيف : منكم نستفيد من جد في أي حي ساكن ..
ناصر : في الفيحاء لا تخاف بعيد ماتقدر توصلني ,,
سيف ضحك من قلبه : وش دراك اني بوصلك ؟؟
ناصر مشى وعطى سيف ظهره : خمنت يالله مع السلامه ..
يسف تنهد : شكله طيب ..( سند راسه على الكرسي وتكى بجسمه كله عليه وحط يده على راسه وسرح بافكاره )
سيف وهو يتعدل عشان يمشي بالسيارة : اااه ياخالد ليه رحت وتركتني ؟؟..!!
(مشى متجه نحو سكنه المجاور للجامعه دخل شقته وهو حزين وضع مفتاحه على الطاوله وجلس في احد الكنبات ورجع لسرحانه لكني هذه المره سأدخلكم ذاك العالم الذي يسرح فيه دوما )
في ثنايا الذكريات ………
7
7
7
7
7
7
7
7
7
7
7
7
7
7
سيف وهو يدخل قصر كبير وجميل جدا ومن فخامته يتضح بذخ عائلته ..داخل وهو يغني شاف امه جالسه تكلم بالتلفون جلس على الكنب المجاور لها
سيف : يمه ..يمه ..يمه
امه بعد ماسكرت التلفون : هلا والله بوليدي هاه كيف اول يوم لك بالجامعه الله الله في الجد والاجتهاد لاتفشلنا ….
سيف وهو يبتسم : هلا بك يالغاليه اول يوم طال عمرك عااادي والجد بعدين في وقته الحين بقولك انا والشله طالعين البحر وبنجلس يومين هاه وش قلتي …!!
ام سيف قطبت حواجبها : والجامعه ؟؟
سيف بترجي : اجازة بكره خميس وعلى نهاية الجمعه بنرجع تكفين لا تقولي لا يمه حتى خالد بيجي …
ام سيف بابتسامه : خلاص دام خالد معك …
سيف بزعل : والله مدري مين ولد انا والا خالد ؟؟
ام سيف : انت وهو لاتنسى اني ربيته معك من كنتم بالابتدائي وامه جارتي وصديقتي واعرفه عاقل بيعقلك ….
سيف يضحك : لهادرجه انا مجنون عندك خههههه طيب يمه بدق عليه عن اذنك ..
طلع غرفته وهو فرحان طبعا سيف مايحب يطلع بدون رضا امه هي اللى بقت له ..ابوه توفى من صغره واخوه الكبير متزوج وعنده عياله يعني لاهي بحياته وشركاته اللى دارها بعد موت ابوه ووسعها ,,,
سيف وهو يكلم بالجوال : خلودي وينك ترى انتظرك ..؟
خالد : خلودي بعينك ياسيووف وانا بالحوش انتظرك يالله اطلع ..
سيف بابتسامه : من عيوني يادودي ..
خالد : الحين ليه تاكل الحروف وتزود من عندك ,,سيوف يالله لاتلطعني تحت ..
سيف : دقايق ابدل واجيك اقول ليه ماتدخل السيارة احسن لك ترى الشمس حاره ..
خالد : ليه الاخ ناوي يتاخر ؟؟ ترى عشر دقايق لو ماشفتك روح دورلك احدغيري ,,,
سيف بضحك : هو انا اقدر اتخلى عنك يالله لاتاخرني ..
خالد : انتظرك …
بسرعه سيف بدل لبسه وعدل شعره وخرج وهو في الدرج شاف صالح اخوه مع امه حاول يتحاشى شوفته بس صالح شافه وناداه ..
صالح : سيف على وين ؟؟
سيف بتنهيده : طالع مع الشباب فيها شي ؟؟؟
صالح بتقطيب : خالد معكم ؟؟
سيف : ااوووف ايه وبعدين ليه ماتداني خالد ترى رفيقي فاهم ..
صالح بغضب وصراخ : انا هذا المخلوق ما ارتاح له كافي انه دخلنا قسم الشرطه بسببه ..
سيف بغضب مماثل : ياخي كم مره بقولك انا السبب مو خالد وشله نايف هم اللى اعتدوا وبدوا في المضاربه صالح اطلع من راسي ترى ابي اطلع واتونس ..
صالح بحزم : مافيه طلعه ..
سيف : مو بكيفك .. وطلعه بطلع ترى انا مو واحد من عيالك تتامر عليه ..
صالح بغضب : شفتي يمه ولدك ..
ام سيف بحزم واضح : صالح سيب اخوك في حاله وانا موجوده مبعد مت عشان تتحكم وبعدين خالد ولد طيب وانا ارعف اهله ..
صالح : ياسلام يعني انا الغلطان اللى اخاف على مصلحة اخوي ..
سيف : لامو غلطان بس كونك تتدخل في حياتي ما ارضى ..
صالح : كيفك ..بعدين بتندم وبتقول ليتني سمعت كلام اخوي ..
سيف وهو خارج : لاجا بعدين نتفاهم ..
(خرج سيف عند صاحبه في السيارة ودخل وهو مكشر )
خالد باستغراب من تكشيرة سيف : خير عسى ما شر
سيف تنهد : سلامتك يالله حرك عشان نلحق الشله
خالد : الحين انا ذابحني الفضول انت معك بدل السيارة عشر وماتبي تجي الا معي بسيارتي المقربعه …
سيف : كأنها طردة ..
خالد : حشى ,,,
سيف : ابغى اكون معك اليوم وبعدين اللى يسمعك يقول دووم انت اللى مطلعنا ترى سيارتي انهرت بسبتك دايم جالس فيها ..
خالد :ههههههههههههههههه قول ماشاء الله
سيف وهو يضحك : ما شاء الله بس بجد السياره في البنشر ..
خالد : اها افا عليك فدااك سيارتي وروحي بعد ياسيف ..
سيف ابتسم : ويلوموني فيك عسى الله يسعدك ياشيخ ..
اما عند صالح وامه
صالح : عاجبك تصرفات ولدك يمه
ام صالح : صالح وانا امك لا تحكرعلى اخوك تراه شاب يبي يتونس مو تنشب له في الصغيرة والكبيرة ..
صالح : بس انا اخاف عليه من شلته ذي ..
ام صالح : اذا على خالد تراه طيب وما ينخاف على سيف معه اما اذا تقصد العيال اللى تضاربوا معه خلاص القضية انحلت وانتهت لا تقعد له على الوحد الله يحميه ويهديه وعن عيال السوء يبعده وانت خلك في شغلك وعيالك الا كيف مرتك ما شرفت معك اليوم …
صالح : الحمد لله راحت عند اهلها اليوم زوار تهم
ام صالح : الا قول ما تبي تشوفني اصلا هذي الحرمة ما تصدق على الله يخلص يوم زوار تنا عشان تروح هه
صالح : لا يمه افا عليك والله انها تحبك
ام صالح : ما علينا المهم بوس لي عيالك وحشوني الله يسعدهم
صالح : ان شاء الله من عيوني يمه …
بكذا انتهى البارت الاول اتمنى يعجبكم واتمنى اشوف الردود عشان اكمل باقي الرواية وعلى فكره الاسماء والشخصيات في الرواية وهميه …
^_____________^
بصراحه البدايه حلوه وارتكزت على حدث واحد او خلنا نقول حدثين فحدث واربع شخصيات
بس مثل ماقلت البدايه حلوه وننتظر باقي الاحداث
حياك الله بالقسم .. بدايه جميله .. اعتقد ان خالد مات او صار له حادث بطلعة البحر ..
وشكل ناصر بيكون بديل مؤقت لخالد .. هروب سيف للرياض حتى يبعد عن ذكرياته
بصديقه بجده الي يشوفها بكل مكان ..
عفوا ياليت تحدد انت الكاتب او ناقل للروايه ..
القوانين / الإطلاع هام و الإلتزام ضروري
ياليت تطلع على هالموضوع اكيد بيفيدك
بالتوفيق ان شاء الله
الرواية من تاليفي واعتقد ما بتلاقوا نسخه منها في اي مكان لان منتدى غرام حاز على الحصر ههههه^__^
ومشكوورين على المرور الحلو وتوقعاتك همسات وردة الى حد ما صحيحه .^______________^
والله والله ما تكمليها يااااااااويلك سامعه
وسجلي اول متابعه ومعلقه ومعجبه
اتوقع ان سيف وخالد صارلهم شي بالبحر وتوفى خالد الله يرحمه
وان اخوه صالح هو اللي ارسله الرياض عشان ينس او يتناسى اللي صار
وناصر راح يصير صديق وبديل لخالد عند سيف
بس ياريت تشرحي اكثر بالاحداث
^_^
وبثث
اتووقع انو خالد مات امممم وسيف راح للرياض عشان ينسى خالد و و وممكن كمان ناصر يسير صاحب سيف ويسيرو اصدقاء ،، هآدي توقعاتي … ننتظر البارت الجااي ^^
وجزااكم الله خير ….
في الاجواء البحريه ودوشت الشباب في أبحر
خالد : يا شباب يا لله الاكل جهز …
عبدالله : يا سلام واخيرا خلصتوا الشويّ …
سيف: تسلم الايادي من قبل لا أذوق..
خالد : طبعا تسلم يدي ويد محمد احنا من راس العشاء نشوي لكم خخخخخخ
محمد : وانت الصادق خلود وش رايك نسوي فيهم نذاله ونحرمهم من العشاء ..
سيف بكل ثقه : اذا بتحرم الشباب كيفك اما خالد ما يقدر يحرمني ,,
محمد : يا لوااااثق …
خالد ابتسم : يحق له يثق اموت جوع ولا يجوع هو ….
الشباب صفروا و اللى يصرخ و مسوين فيها حماااس ""
سيف : فدييييتك والله تسلم لي يا بو وليد …
خالد : تسلم عيونك …….
محمد : يا هووو خلاص نحن هنا ..
خالد وسيف ضحكوا وكملوا مشي لعند الشواية وبدوا الشباب يتعشوا ..
وبعد العشاء تجمعوا حول طلال موسيقار الشلة و معه طبله يدق عليها .
طلال : يا لله شباب وش تبون تسمعوا الليلة ,,,
عبدالله : اللى يجي منك …
سيف اخذ الطبله : لا ما راح نسمع من طلال اليوم ..
محمد : افا ليه .؟؟؟
سيف : لازم الكل يغني باللي يعرفه وراح يبدا الدور عندي وبعدين اللى على يميني بس بشرط الحرف اللى انتهي به بيتدي به الثاني وهكذا وش رايكم نغير بدل ما نسمع صوت طلول داايما …
طلال : كان صوتي مو عاجبك ..
سيف : حشى بس تغيير ….هاه وش قلتوا ؟؟
خالد : انا معك …
محمد : ليه انت عمرك خالفته >.<هههه
سيف : قول ما شاء الله لا تحسدنا انت ووجهك …
محمد : ماني بقايل ايهب عليك وعليه
خالد ضحك : مسكين مقهور محد اعطاه وجهه خخخخخخ
عبد الله : يا لله عاد شباب انا عن نفسي عجبتني الفكرة …
طلال : يا لله سيف ابدأ..
سيف وهو يطالع السماء :
——————-******———————
—————————*****——————-
عبدالله : وش ذي الورطه من وين اجيب لك اغنيه تبداء بحر العين ؟؟
سيف : دور والا اللى بعدك اذا عنده يقول ..
خالد : انا عندي ————*****——————
—————-*****—————–
الشباب كلهم تحمسوا لان صوت خالد حلو طلال اخذ الطبله وبدى يدق بحيث يعطي تاثير للغنيه وسيف طلع الجوال وبداء يصور خالد يعني انه نجم مشهووور
خالد بضحك : هههههه احم احم شوي شوي خل ادور لكم موعد والا اقول كلموا مدير اعمالي …..
(وقضوا الليل سهر وضحك وانتهت اليومين بسرعه وكل واحد رجع لاهله وعائلته سيف وخالد كانوا بالسيارة )
رن جوال خالد : الو هلا … امي ليه وبعدين وين وديتيها اها خلاص الحين جاي طيب طيب راح امر على الصيدليه … يالله مع السلامه ..
سيف باستغراب : خير وش فيها الوالده ؟؟؟
خالد : لا سلامتك بس شوي تعبت ولازم امر الصيدليه اجيب لها الدواء عاد تعرف امي راعية ضغط الله يشفيها ….
سيف : اااامين يا رب ..
( ومر خالد اقرب صيدليه وجاب دواء امة وراح على شقتهم الصغيرة المتواضعه طبعا سيف راح معه عشان يتطمن على ام خالد )
عند باب الشقه خالد يدور على مفتاح ودق الجرس
سيف في قلبه : يااارب تفتح قبل ما يطلع خالد المفتاح ..
الا والباب ينفتح
اللى على الباب ك تو الناس اتأخرت …
خالد : اعطينا طريق سيف معي بسرعه
شوي مايشوفو الا غبارها ههه دخل خالد عند امه وسيف دخل المجلس وبعد شوي جات ام خالد وهي متغطيه ودخلت على سيف …
سيف : اجر وعافيه يا خالة ما تشوفي شر
ام خالد : الشر مايجيك ياوليدي مشكور وانا امك على الزيارة ..
سيف : حق وواجب وانتي في مقام الوالدة الله يحفظكم ..
( دق باب المجلس )
اللى على الباب : خالد خذ العصير ..
قام خالد واخذ العصير من اخته وناوله سيف : سيف ماكان له داعي تتعبوا نفسكم ..
ام خالد : اقل من قدرك وانا امك …
خالد : بلا بدلع اشرب وانت ساكت ولو ماعجبك اجيب لك غيره …
سيف ابتسم وقال في قلبه كيف مايعجبني ههه
سيف : لا ماشاء الله طعمه ما ينعاب
وبعد مدة قصيره قام سيف واستأذن خالد لحقه لعند الباب ..
خالد : عاد دبر نفسك واركب تكسي…
سيف : لا باخذ سيارتك وبكرة ارجعها
خالد: حلو اجل انتظر اجيب لك المفاتيح …
سيف : طيب ..
راح خالد يجيب المفاتيح وسيف ابتسم بينه وبين نفسه وقال : متى ياخالد تصير حماي متى ؟؟؟
خالد دقه على كتفه : هلا وش قلت .؟؟؟
سيف تورط : هاه لاسلامتك بس كنت اقول متى تجي تأخرت ؟؟
خالد : اها يالله خذ المفاتيح وانتبه على نفسك ولا تسرع ..
سيف : اوامر ثانيه ..
خالد : امنتك الله ……..
سيف ابتسم : مع السلامه ..
"" عودة للواقع الحالي ""
رن جوال سيف وهو كان نايم على كنبت الصاله
سيف وهو يمطط جسمه : اوووووووه شكلي نمت كثير …
انتبه ان الجوال يرن اخذه : الووو
اللى على التلفون : يا هلا والله توني بقول خلاص الولد انسرق جواله ..
سيف يضحك : لا هههه بس كنت نايم يا ناصر
ناصر : زين انك ذاكر صوتي هههه الله يعين اللى بتأخذك كل ذا نوووم …
سيف : وش اسوي جالس في الشقه لوحدي محد يصحيني …
ناصر : ابشر باللي يصحيك على كل راس ساعه هههههه
سيف : اصلا بس اليوم كنت نايم لان بصراحه تعبت اثناء السفر ..
ناصر : الا انت توك اليوم واصل من جدة صح ؟؟
سيف : ايوا صح ماقدرت اوصل امس مع بداية الدوام ….
ناصر باعتذار : اجل اسف شكلي من جد ازعجتك …
سيف : لا عادي صرت تمون …
ناصر : يابختي من قدي صرت امون ..خخخخخ..
ناصر سمع صوت ازعاج من صالة بيتهم استغرب : اقول سيف يالله اتركك الحين تكمل نومك مع السلامه ….
سيف : الله معك مع السلامه ….
ناصر قفل الجوال وخرج الصاله شاف ابوه يصرخ ويقول مالك مكان في بيتي على حرمه مشلوله في كرسي المعاقين واقفه بجنبها بنت عشرينيه متلثمه ..
ناصر وقف جنب باب الصاله وما دخل حب يسمع من بعيد ..
الحرمه : يابو ناصر حرام عليك تحرم اخت من اختها ..
ابوا ناصر : انتي اللى جبتيه لنفسك يا نوريه …
ام ناصر : تكفي ياحمد خلها مالها غيرنا وهي مالها ذنب باللى صار ..
ابو ناصر : انتي لاتتدخلين ..
ام ناصر : شلون هي اختي ,,,,
ناصر في نفسه : خالتي ؟؟؟؟
البنت اللى واقفه عند الكرسي : يمه خلينا نمشي ما اعتقد ان رجل قاسي القلب مثله بيغير قراره بس ياليت تكون عارف عاقيه اللى يأمر بقطيع بين اختين …
ابو ناصر : نوريه لمي بنتك ما ناقص غير بزران يعلمونا وش نسوي ,…
نوريه : خلاص يا شيماء يمه خلينا نطلع الله يسامحك يابو ناصر …
ابو ناصر : بعطيك رقم جمعيه خيريه يمكن تساعدكم ..
نوريه : مشكور مابي احد يساعدنا كل اللى جيت عشانه انك تخلي اختي ترجع لي وتترك القطيعه عنك بس شكلي غلطت صح اللى يعيلنا مات الله يرحمه ويسكنه الجنه بس ربك حي ما يموت ,,…
خرجت ام شيماء وبنتها من شقة ابوناصر وراحوا لشقتهم بس ناصر ما تحمل ولحقهم عرف وين ساكنين بالضبط وجلس في سيارته تحت العمارة اللى ساكنين فيها يفكر اول مرة يشوف ابوه قاسي بالشكل هذا وش هي قصة خالته؟ وليه امه عمرها ما ذكرتها له او لاخته ؟والاهم ايش سر غضب ابوه عليها؟ …تعب من التفكير ومالقى حل انسب من انه يسأل امه اذا رجع عن كل الاسئله اللى محيرته ..
اول ما رجع البيت مالقى ابوه راح دق باب غرفة امه
ام ناصر : ادخل ..
ناصر دخل بابتسامه حنونه : يمه انا سمعت اللى صار قبل ساعه ..
ام ناصر قطبت حواجبها : ايش تقصد ..؟؟
ناصر : خالتي على ما اظن …
ام ناصر :اه يا ناصر ..
ناصر : سلامتك يمه من الاه ..بس وش قصة خالتي ومن وين طلعت لنا وليه ابوي تصرف معها بهذه الطريقه .؟؟؟؟؟؟
ام ناصر : قبل خمسة وعشرين سنه تزوجت اختي برجال رفضة ابوي بس هي كانت تبيه وتزوجت وابوي تعب وجته جلطه من ها لموضوع طبعا انا كنت وقتها متزوجه ابوك بس لما تعب ابوي تعبت نفسيتي انا ,,وكرهت اختي اللى كانت سبب في هذا كله وابوك تعب علما عالجني, من مستشفى لمستشفى لين الله شفاني وبعدها ربي رزقني فيك ونسينا ألمنا منها ,,,,هي من بعد ماتعب ابوي سافرت مع زوجها ولا عاد شفناها بس انا يا ناصر نسيت كل شي وسامحتها نفسي ابوك ينسى هي اختي وعمر الدم ما يصير ماء وهي يكفيها اللى شافته من الدنيا وردها الحال لشلل ..
ناصر بحزن : يمه وليه ابوي مو راضي يسامحها .؟؟
ام ناصر : والله معرف الله يهديه ياااارب ..
ناصر : ااامين بس يا يمه هي ما عندها رجال يعينها وساكنه هي وبنتها في شقه في حي الله لايوريك اياه ايش رايك لو ساعدتها ؟؟؟
ام ناصر : اخاف من ابوك لايزعل علينا …
ناصر : لاتخافي محد راح يقوله بيصير سر بيني وبينك …
"" في شقة يسكنها الالم ""
سيف بعدما صحي راح صللى الصلوات اللى فاتته واستغفر ربه عمره ما طول في النوم وضيع صلواته جلس ساعه في السجادة يقرا قرآن وبعد ما خلص راح يسوي له عشاء خفيف وجلس شويه يقرأ في الكتب اللى عنده بعدين قرر يروح سريره وينام ………..
""لحظات غيرت مسار حياة ""
سوف نعود لذكريات سيف ولكن بعد مرور سنتين من رحلة البحر وفي يوم الجمعه كانت جمعة العائله كلها .,,طبعا صالح وعائلته اتوا للبيت الكبير بيت ام صالح وسيف …
عمر ابن صالح الكبير : عمو سيف انت باقي لك سنة وتتخرج ؟؟
سيف : لا يا عمر سنتين وانت باقي لك سنه صح …
عمر : الحمدلله سنه وكمل المتوسط هياه ياعم تصدق اصعب مرحلة المتوسط ..
سيف يضحك : ترى حضرتك لسى ماشفت الثانويه ولا الجامعه فكيف تحكم ؟؟.
عمر : ههههههههه
جات ام صالح : ياعسى الضحكه دووووم يارب
عمر : فديتك ياجدتي ياعساااك ذخر لنا ياارب
سيف : اوووه الولد كبر يمه زوجوه يقولك فديتك اخاف نهايةالزيارة يقول يابعد قلبي ….
صالح : خل نزوج انت بالاول ..
سيف بابتسامه : قريب وانا خوك قريب
ام عمر زوجة صالح ( طبعا هي ماتغطي على حماها سيف الا بالطرحه ): ومين سعيدة الحظ …
سيف : اخت خالد .
صالح قام من هول ما سمع : نعم نعم وين عايشين من قال انك ممكن تناسب مثل هذي العائله …
سيف : هذا قرار وانتهى …
صالح بينفج وبيطلع الدخان من اذانه : يمه تسمعين ولدك ..
ام صالح : زي ما اسمعك وماقا لشي يخليك تقلب كذا ..
صالح : تبون تجيبون لي جلطه يا سيف تعرف انت من ولده انت ولد عبدالرحمن الجااسر وتقولي اخت خالد انت لازم تاخذ بنت ناس معروفين ناس من مستوانا المادي مول اننا راضين بصحبتك مع ولدهم تاخذ بنتهم …
سيف ببرود لانه يعرف ان صالح يموت قهر من بروده : خل المستوى على جنب انا داخل مزاجي اخذ اخت خالد البنت متربيه واخلاق وهذا اللى يهمني ..
ام عمر ماسكه كتف صالح تحاول تهديه : يا سيف اخوك قلبه عليك يبغالك وحدة تناسبك وانت مستحيل تاخذ حيالله وحدة ……
سيف : على الاقل بأخذ وحدة سعوديه من الطرفين ,,,
صالح جن جنونه : تعاير يابن ابوي على الاقل بنت ناااس لهم سمعتهم ولهم اسمهم في وسط العوايل الراقيه ….
ام عمر : معليش سيف انا مابسمح لك تعايرني بوحد مثل هيك صحيح امي سوريه بس ابوي من اكبر تجار البلد …
ام سيف : استهدوا بالله لا معاير ولا شي سيف بيأخذ اللى يبغاها مثل ما اخذت ياصالح اللى تبغاها ,,,,,,,,,
صالح : بس انا اخترت وحد الكل يتشرف فيها ..
سيف بدأ يعصب : شوف ياصالح صدق اني احترمك واحبك وانت خوي الكبير بس انا ما باخذ احد غيرها …
صالح : سوي اللى تبيه يا سيف بعدين لاتجي تترجاني اسوي لك أي شي اعتبرني انتهيت من حياتك يالله ياعمر ناد اخواتك من فوق احنا بنطلع
ام صالح : انتوا اخوان وما تفرقكم اختياراتكم وبعدين ياصالح مو لان النقاش احتد بينك وبين اخوك تاخذ عيالك وتطلع ….
صالح : لاحول ولا قوة الا بالله معليش يا امي انا بطلع عندي موعد مع صاحب شركه كبيرة بنعقد صفقه بعد ساعه عشان كذا باخذ العيال معي ارجعهم للبيت ولا تخافي يمه صح انا وسيف نختلف في الاراء بس نضل اخوان …..
ام صالح : الله يخليكم لبعض ……
سيف بابتسامه : معليش صالح لو علي صوتي …
صالح : الله يهديك ……..
طلع سيف غرفته وهو يفكر بايش ممكن ترد اخت خالد هو امس كلمه عن الموضوع ومنتظر درها عشان يجي هو وعائلته يخطبونها بشكل رسمي واثناء تفكيرة دق جواله …
سيف : الووو
اللى على التلفون: سلام يا سيف ..
سيف باستغراب : هلا وعليكم السلام
اللى على التلفون / اكيد ماعرفتني ..؟!
سيف : لا والله من معي ؟؟
اللى على اتلفون : انا نايف ياسيف
سيف بدهشة : نايف!!!
نايف : اعرف انك مستغرب من اتصالي بس انا حاب نطوي صفحة الماضي ونبدأ مع بعض صفحة جديدة ..
سيف : الله يسامحك على اللى راح بس ليه جاي بعد سنتين …
نايف : ربك يسامح وانا حبيت اصلح علطي معك صحيح اني تماديت بالهوشات معك بس انت طيب وبتسامح
سيف : الحمد لله وانا اصلا نسيت كل شي..
نايف اجل بالمناسبه الحلوة هذي وش رايك نتقابل في كافي شوب ….
سيف : ما عندي مانع وش رايك نروح ستار بوكس بعد العشاء ..
نايف : تم يا بو خالد ,,,,,,
سيف : تسلم مع السلامه
نايف : مع السلامه..
سيف في قلبه : سبحان مغير الاحوال الله يهدي من يشاء بغير حساب ….
وبكذا انتهى البارت الثاني اتمنى ينال اعجابكم والسموحه على التأخر بس متى ماخلص اعداد البارتات بنزلها لكم ..
الحين ابغى توقعات وش ممكن يصير في البارت الثالث ؟؟؟
ناصر وسيف ناصر وخالته …سيف وزواجة من اخت خالد سيف ونايف ….
ودمتم بخير وسعادة الداعي لكم بالمسرات سعادة السفير
مين نايف ؟؟؟
وايش قصه خالته ناصر
وليه احسها تطلع ام خالد
وايش قصه حب سيف لاخت خالد
شوفتني اكملها بنفسس الووقت الاحداث فيها برود
ما وصفت الحاله والمكان ولا السيارة والانطباع
يعني هالاشياء تضيف رونق خاص ع الروايه
وننتضر البارت الجاي