رواية صمتاً إن حشرة الليل تبكي/بقلمي 2024.

السلام عليكم.

من زمان مادخلت المنتدى

واسفه على عدم تكملتي لروايه تغرق الغرقان اكثر..

ورجعت بروايتي الجديه اللي اضمن لكم انها كامله.. لن كتبتها عشان مايتكرر اللي صار بروايتي تغرق الغرقان اكثر

اتمنى اشوف تشجيعكم

روايتي بمختصرها متنوعه ممكن تكون فيها اشياء من الخيال…
انا في كتابتي لها كتبتها من خيالي وماستندت للواقع ابد…

اتمنى تشجيعكم على روايتي… صمتاً …ان حشره الليل تبكي

موفقه حبيبتي . .

بس غيري العنوان . . و بنتظار البارت ^^

يعني بدال مو هو مدونة غرام خليه اسم روايتكِ . .

تسلمين… .هذا بغيره.. بس محتاسه فيه داخله من الجوال… بروح ادخل من الاب

ممكن مساعده بهذي ماعرفت كيف اعدله… من زمان مادخلت منتدى -_-"

بنتظر المشرفه تعدل الاسم وبعد الاختبارات ان شاء الله بنزلها …مقدر انزلها واسمها كذا ….هذا اللي بتفلسف ويدخل من الجوال

صباح الخير … ياهلا فيك بغرام مرة ثانية … بس حبوبة نزلي البارت بسرعة حتى لاتغلق الرواية بعد الامتحانات فترة طويلة يظل الموضوع بدون بارت وهالشي مخالف

القوانين / الإطلاع هام و الإلتزام ضروري

وهذا الموضوع راح يفيدك ياليت تطلعي عليه

قضايا

هلا فيككك اوك بنزل البارت اليوم وبحاول انزل في الاختبارات ..شكرا على تعديل الاسم

البارت الاول
.
.
.
.
كانت واقفه قدام مرايتها تحط اخر لمسات ميك ابها …ترسم عيونها الوساع بالـكحل الاسود طالعت نفسها بالمرايا برضى على شكلها ولفت على نفسها لفتن تتاكد ان فستانها الوردي وبوتها الابيض وانتو بكرامه مع الاكسسوارات البيضا وشعرها اللي مسويه بف بسيط كانو مناسبين مع بعضهم ف نفس اللحظه
دخلت عليها اختها مريم وعجبها اللي كانت لابسته من فستانها الاحمر بورداته السود و جزمتها الواطيه وانتو بكرامه مع الاكسسوارات الاسود بخطوطه الحمر وشعرها اللي سايح والفيونكه الحمرا الصغيره اللي حاطتها على جنب
مريم : مهاوي ماخلصتي
مها : الا خلصت
مريم : طيب انا بسبقك بطلع
بعد دقايق نزلت مها بدلعها واناقتها ولبست عباتها اللي اكمامها وساع بجميع الالوان اطيف بشكل ناعم ومفصل جسمها النحيف وتوجهة عايلة بو مها لبيت عمهم …
في بيت حنان …
جود بصدمه: مستحيل شلون تسوين كذا مو انتي اللى ربيتيني على الطيبه كيف طاوعك قلبك تسوين كذا (دمعت عيونها ) وين خالتي الطيبه وينها ليه تسوين فيه كذا شلون تقدرين
حنان(خالتها): هذا قبل الحين مرت 11 سنه على هذا
جود: طيب ليه ماتدورينه وطلبين السماح منه
حنان: حاولت بس مالقيتهم مو قادره ارتحاح ضميري يأنبني
جود: بساعدك انتي بس عطيني كل المعلومات
ــــــــــــــــــــــــــــــ
رائد : سلوم فديتك احبك موت
سالم : الحمد الله والشكر شنو فيك
رائد وهو طاير من الفرحه : راشد بيطلع من المستشفى
سالم : جد واخيرا
في هذي اللحظه دخل بو سالم ومعه راشد
رائد ركض وضم راشد بقوه : اشتقت لك سنه ياظالم سنه
سالم :بعد حتى انا اشتقت له ( وضم اخوه )
رائد بعد سالم ورجع ضم راشد
راشد: بسس خنقتني
رائد: اشتقت حق توأمي سنه في غيبوبه مايكلمني
جلسوا مع بعض وسوالف وضحك
راشد:اللى وين نور
رائد سكت وختفت ابتسامته : تعال بسولف لك شنو فاتك في السنه
لف راشد حق سالم اللي هدا : سالم جاوب وين نور
سالم :……
ــــــــــــــــــــــــــــــــــــــــ
نوف: ما حنيتي حق ولد العنود
الهنوف: اللى بس جاد مو راضي اني اشوفه
نوف: مو كيفه هذا من حقك هذا حفيدك
الهنوف: انا استاهل انا اللى رفضته يوم ولدته اختك
نوف: بس مو انتي اللي رسلتي له المربيه هذا دليل على حبك
الهنوف: اي حب رسلت له وحده قاسيه وقلت لها لا تعطف عليه كنت ابي اعذب ولده ونسيت انه ولد العنود بعد
نوف: شنو ذا القلب اللي عليك
الهنوف: خلاص لاتزيدي على اللي فيني
ـــــــــــــــــــــــــــــ
حنان : لقيتي شي ياجود
جود: لا ياخاله
ـــــــــــــــــــــــــــ
راشد: وليش ماقلتو لي من قبل
رائد: ماحبينا نكدر عليك
سالم : طيب بكرا في عزيمه في الشاليه بمناسبت طلوعك
راشد : ليه الالاصراف
رائد: جب جب الواحد مستانس انك طلعت وانت اصراف قال
ـــــــــــــــــــــــــــــــــــــ
حور: نور نور ..بسرعه لا يفوتك
نور جات تركض: شنو
حور :الفلم بدا بسرعه
نور: اوك بجيب الاغراض وبجي
ـــــــــــــــــــــــــ
اليوم الثاني
حور: نور يالله تاخرنا
رن جوال حور وردت
…:نور ووجع اخيرا رد…
حور اللي انصدمت صوت رجال ويطلب اختها : نور نور التلفون لك
المتصل انصدم صوت انثوي ينادي نور في قلبه (ياناس صوتها يذبح )
نور: الو
المتصل:لو سمحتي ابي نور
نور: انا نور خير تبي شي
المتصل:اوه النمره غلط اسسف ..(وسكر)
نور: غلطان طاح قلبي يوم سمعت صوت رجال
حور: حتى انا انصدمت قلت معقوله نور كذا
حور تطالع ساعتها اللي تشير الساعه 10 الصبح : تآخرنا يانوير
نور : يالله مشينا
طلعت حور سبقت نور في المشي وخطفت الشارع اما نور اللي محتاسه ومن حوستها طاحت شنطتها نزلت بتاخذها بس طاحت معها على الارض والدم ينزف منها اي صدمتها سياره طايشه
حور لفت وهي معصبه : نور بسر….(سكتت يوم شافت اختها مرميه وبصراخ ) نـــــــــــــور ( راحت تركض لها وتهز فيها تجمعوا الناس وبعدها نقلوها للمستشفى بسس مالحقو عليها ماتت نور
حور منهاره تبكي : نور الله يخليك قومي
ــــــــــــــــــــــــــــــــــــــ
جود : خالتي لقيته لقيته
حنان: وين وين هو
جود: في البرازيل
حنان : الحمدالله لك يارب لقيته اخيرا
جود: اوك اذا خلصت الاجرائات بقولك
ـــــــــــــــــــ
عند باب بيت بو سالم
بو سالم : قلت لك ولد بنتك مايبيك ماتفهمين
الهنوف وهي تترجاه: تكفى بس نظره نظره (لفت على سالم اللي واقف جنب ابوه )سالم الله يخليك ابي اشوف حفيدي
سالم نزل راسه وسكت
بوسالم (جاد): قلت لك مايبيك مو انتي اللي قلتي ماتبينه وحاولتيي تموتينه
الهنوف ببكى يقطع القلب: ندمت ندمت ابوس رجلك ابي اشوفه
جاد: هو مو موجود
الهنوف: وينه
دخل سالم وجاد وراه : ماعندك حفيد مات من زمان انتي موتيه يا الله روحي ولا اشوفك مره ثانيه ودخل وسكر الباب
ــــــــــــــــــــــــــــ
البرازيل …
في الشقه حنان وجود وصلوا
حنان : انا برتاح
جود: ودي ادور في شوارع البرازيل
حنان: بس انا تعبانه
جود: عادي اخذ البودي قارد
حنان بتردد :طيب بس لاطولين
جود: طيب
طلعت جود تتمشى ووصلت لساحه كبيره
مرت جنب مجموعه من الشباب يتكلمون سعودي
جاها فضول انها تجلس وتسمع اللي يقلونه جلست بعيد اشوي بس تسمعهم وتشوفهم
الاول : شادي تكفى خل نغنيها بكرا
شادي: طلالوه انقلع عني
طلال: تكفى تكفى تكفى تكفى …
سعود قطع عليه : بس بس لا ترجنا وافق
شادي: لا
طلال : مو ساكت اللى لين توافق تكفى تكفى تكـ…
قطع عليه علبه عصير
جود جاتها الضحكه على شكل طلال
طلال : اخ وجع من اللي رماه ..
سعود : خويتك نور
نور رما علبه العصير الثانيه بس مسكها سعود
نور : خويته بعينه
سعود: شف خويتك تطول صوتها
طلال: عيب يامره لا تتحرشين برجال
نور بعصبيه : سعود طلال يكفي
شادي: نور طنشهم ماله داعي العصبيه
جود :هههههههههههه
لفو لها استغربو ضحكها
جود: هه شوف شكله هههه (كانت تقصد شكل طلال )واتاشر على طلال
لفو على طلال شافوه معصب وايسكريم على وجهه كان طفل مار وطاح وطار الاسكريم على وجهه
سعود وشادي ماسكين الضحكه اما نور انفجرضحك
نور: هههه حوبتي عسى تجيك يا سعود
طلال: نور يكفي
شادي: هي انتي سعوديه ..؟
جود : اي ليه
شادي: ابد ولا شي
نور: برجع منو بيرجع معي
طلال : طس ولا اخطو خطوه معك
نور: مو ميت عليك
شادي: بدري
نور: طيب اشوفكم بعدين
وراح عنهم
وجود نفس الشي مشت بس وقفها صوت شادي
شادي: انتي هنا من زمان
جود : لا
شادي: اها ..اجل نشوفك مره ثانيه
جود: ماتوقع باي وراحت
ــــــــــــــــ
اليوم اللي بعده جلسو يدورون على الولد
حنان: تتوقعين نشوفه
جود: اتوقع
مر اسبوع وهم يدورون
حنان: استسلم
جود : لا ياخاله
حنان:لقيته شوفيه هناك
لفت جود : وين
حنان :لحقيني ومشت عنها وجود وراها
حنان: نـــــــــــــــــــور
لف نور وربعه
حنان: انت نور جاد الـ….
نور: أي في شي
حنان : انا حنان مربيتك قبل
سعود: خير شتبين
جود : انتو
طلال: هذي تبعك
جود: أي خالتي
شادي: لو سمحتي خذيها من هنا
حنان: انا هنا عشان اتسامح من نور ومالي كلام معكم و…انتي تعرفينهم ياجود
جود: هذا الشباب اللي امس قلت لك عنهم
حنان: اهم …نو…
نور: مابي اشوفك ليه تلحقيني
سعود بصراخ : روحي من هنا لا تسببي مشاكل
شادي: نور تعال معي (وسحبه معه)
حنان : لا انا جيت هنا عشانه خله (توها بتلحقه )
طلال: طلبتك لا تلحقينه
جود: ليه ماتلحقه
سعود طالع في طلال
طلال: علمي علمك
سعود: بقول وامري لله
.
.
.
شنو رايكم فيها …واذا في نقد اتقبل وعشان اعدله ….وابي توقعاتكم

وفي كل روايه اكتبها ماشوف ردود ابدا الا قليل.. وماتوب وانشرها على هذا المنتدى

بداية موفقة
انت استخدمتي الوصف قليلا وفي بعض الاماكن لكن حاولي تستخديه في كل زوايا الرواية
اسم الرواية ملفت وحلو
كبري الخط اكثر

ودي احساس
استغفر الله