شحالكم ؟
المهم بحط البارت الأول من روايتي و اذا عيبتكم بكملها ..
ولو ما عيبتكم بخليها حق عمري ..
وان شاء الله كل ويكند بحط بارت لو عيبتكم البدايه يعني
تبكي ..
تصرخ ..
تحاول ابعاد السوط عنها .. تتوسل اليه !!
لكن !!! .. هل حرك ذلك شيئا من مشاعره ؟!! لا
ايعقل ان يكون هذا اباً ؟!
منذ ان ولِدت وهي تعيش في ظللم ..
تريد ان تعرف فقط .. ما هو ذنبها ؟!! .. لماذا يعاملها بهذه القسوة ؟! .. هل من الممكن ان يكون هناك انسانا بدون قلب ؟! .. بدون رحمه !!
..
وبعد ان شبع من ضربها رمى سوطه على الأرض وخرج من غرفتها
***
في مكان اخر في هذا المنزل الكئيب
تبكي بحرقه على حال اختها ..
وتتسائل هي ايضا لِم يعامل ابيها اختها ب هذه الطريقه ؟
الى متى ستظل اختها تتحمل مسؤوليه ذنب ليس ذنبها ؟
..
خرجت من غرفتها وتوجهت الى غرفه اختها
طرقت الباب وهمسست : مددييه .. مدووي تسمعيينيي .. مدوووويي انتي هنيي ؟
سمعت صووت غااضب من وراها : ليييش ياييه عنددهاا ان شااءء الله ؟! .. انا ماقلتلج لو شفتج عندها بيكون حالج شرات حالها ؟؟!!!
: متاكد انك ابو ؟
ابتسم بسخريه : ماشاء الله طلعلج لسان
تكلمت بهدووء وبثقه عكس الخوف الي داخلها : ليش تعاملها جييه ؟! .. ليش تحملها مسؤوليه ذنب مش ذنبها !!
: اتمنى انج ماتتدخلين ف ها السالفه !!
: امبلاا بتدخل .. اشوف اختيي تنظرب جدامي وتتعذذب و ماتباني اتدخل ؟
صرخ صرخه هزت المكان : قلتلج لاتدخلييين .. وانجلععيي حجررتتجج بسسرععه
ركضت بسرعه من الخوف وذهبت الى غرفتها
: ماشي فايده !!
***
مدية ..
جسمي متكسر من الضرب .. حاولت أقوم بس مارمت .. افف ش ها الابو الي مايحس .. حاولت مره ثانية بس فقدت توازني ! وماقمت اشوف شي و عقب !
طحت
***
سهيلة ..
ترييت لين ما ابوي يروح وعقب سرت عندها ..
بيت بفتح الباب ..
بس ماتبطل !!
صحح تذكرت ان يوم ابوي يضربها يقفل الباب ..
افففف
مابروم ادش يعني
برمسها .. بس ان شاء الله ابوي ما ايي شرات قبل شوي
همست و دقيت الباب : مدية
ماشي رد
: مدووووي
بعد ماشي رد
عليت صوتي شوي : مدووويي اييهه تسمعينيي !!!
بعد ماردت عليه .. خفت بالقوو
يااارربيي .. سرت ادور ع المفتاح .. ان شاء الله ما يكون شالنه وياه ..
تمييت ادوور و ادوور وجييه
بـــــــــس !!
ماحصلته
سرت يلست عند باب حجرتها … اترياها لين ما ترد
**
مديه ..
فتحت عيوني بصعوبه .. حسيت اني عطشانه .. زحفت لين الباب لان مافيني حيل أقوم ..
دقيت الباب ..
سمعت صوت سهيله : مدووي انتي بخير
رديت عليها بصوت واطي : أبا ماي
سهيله : ماي ؟ اوكيه دقيقه
سمعت صوت خطواتها تبتعد .. و عقب شوي يت
سهيله : يبتلج ماي .. بس ويت كيف اعطيج إياه ؟
صح والله ! .. كيف تعطيني إياه و الباب مقفول
فجاه صارخت صرخه طيحت قلبي ف بطني و قالت : الددرريييييشه .. بسرعه سيري فجيها
سرت فجيت الدريشه .. وعطتني الماي .. شرربته مره وحده ..
صديت اطالعها ..
شفتها تطالعني بنظرات ماقدرت افسرها
مديه : بلاج ؟
سهيله : لين متى بتمين تتحملين
ابتسمت : لين ما الله يفرجها
سهيله : انا مستغربه كيف ابوو وجيه
مديه : اميه الله يرحمها .. توفت بسببي .. عشان جيه
سهيله : الله كاتب ان عمرها يخلص هاك اليوم .. وبعدين كلنا زعلنا بس ماصرنا شراته .. وبعدين مروا 14 سنه
مارديت .. لان ها احد الأسباب .. مابي أتذكر السبب الثاني
**
سهيله ..
صار المغرب ودخل ابوي البيت وهو معصب .. عرفت انه الحين بيطلع حرته ف مدوي .. ها يعصب برع ويي يضربها هي .. مادري ش ذنبها .. ومادري أي قلب عليه ها الانسان
دش حجرتها .. ولحقته .. سار صوبها
مادري عنه اذا انتبهلي ولا
شلها و تم يصارخ بكلام .. ماقدرت القطه .. كلااام مش مفهوم
او يمكن من كثر ما انا متوتره مارمت القط هو شو يقول
فرها بالقوو ع الطاولة الصغيرة الموجوده ف الحجره ..
ودق راسها .. هني خففتتت
تميييت ارتتججف بالقوو
صحتت من الخاطر
ركضت عندها : مدييية … مدوووي رديي
يا صوبنا وقال بكل برود : ماتت ؟
مش بس انقهرت من بروده احس خاطري اطعنه ..
لها الدرجه الموضوع سهل عنده
شلها ..
ماقدرت اتحمل ف صارخت : وييين بتوديييها
صارخ عليه صرخه تخوف : جببب
كنت بلحقه .. بس ماروم من كثر ما ارتجف ..
ماعرف وين بيوديها .. والله حراااااااام
**
عبيد ( الابو )
ركبتها السيارة وطلعت .. شكلها ماتت
احسن فكه
بس وين اوديها
تمييت امشي ف السياره ماعرفت وين اسير
اهم شي عندي .. اوديها مكان بعييييد
وصلت لين ماعرف وين .. بس مكان فاضي
فريتها هناك
كنت انتفض أخاف حد يشوفني بس الحمدلله عدت ع خير
**
سهيله
انقهرت ..
انقهرت ..
انقهرت ..
يوم شفته راد البيت بدونها .. لا وبعد داش بكل برود ..
كان بيدش الحجره بس وقفت يدامه ..
بجذب عليكم لو قلتلكم اني ماكنت خايفه ..
بس كنت أحاول أكون قويه ..
سهيله : وين وديتها ؟
رد بكل برود : ماتت و سرت دفنتها
فجييت عيني ع وسعهن .. لا جد ويت !! .. ها يستهبل !!
هاا اكييد تخبل !!
تعرفون !!
لو ما كان ابوي جان ذبحته ..
صارخت : شوووووووووووووووووه !!!!!!
اطالعني بنظره تخوف
بلعت ريجي من الزياغ
عبيد : لاتصارخين عشان ما تلحقينها
سهيله : خللني الحقها .. أبا الحقها اناا
مادري ليش يت عيني ع ايده ..
شفته رص ع قبضته .. كان بيرفع ايده بس نزلها و روح ..
الصراحه ؟
توقعت اني بلحقها .. او ع الأقل بيضربني !
توقعته بيسوي شي بس انصدمت يوم شفته نزل ايده ..
يعني مدوي كان يذبحها من الضرب ..
بس انا ولا مره ؟
ش هالظلم !! ..
بعد 3 أيام ..
كنت قاعده ارمس ربيعتي .. الي هي ربيعتي انا و مدوي ..
اشواق : اويييه حرااام
سهيله: وايد حرام بعد
اشواق : والله ها البنت معوره قلبي .. يوم كانت امج عايشة ماكان يعاملها جيه صح ؟
سهيله : هييه كاان واايد غير .. من يوم ما امي الله يرحمها توفت .. وهو متغير .. مع ان امي متوفيه من 14 سنه .. بس بعدهه
اشواق : مسكيين
سهيله : و الي يقهر ان انا ما يسوييلي ولاااااا شي .. بس هي ذابحنها من الضرب
اشواق : بس لانها هي السبب ؟
سهيله : مادري بس السبب مش مقنعع
اشواق : هييه
سهيله : المهم اقولج .. انا مفكره اسوي شي ..
اشواق : شو هو الشي ؟
سهيله : ؟؟؟!!!!؟؟!؟!؟؟!؟!؟؟!؟؟!؟!؟1
***
(….)
فتحت عيوني بصعوبه ..
شفت المكان الي انا فيه ..
استغربت !
انا ويين؟
تمييت جييه مال خمس دقايق أحاول أتذكر الي صار ..
اكييد هو الي يابني هنيي .. دموعي نزلت بدون ما حس ,
شوي و وقفت صياح ..
اتذكرت اني انا كنت أبا افتك و افتكييت
بس ؟
اعييش ف بيت ابووي الي عباره عن كومه من الظلم .. ولا اعييش جييه
..
اطالعت لبسي
الحمدلله كان ساتر ,
بس وييت .. ما عندي شيله !!
افففف يااربي
اتم هني لين ما اموت احسن ..
دار راسي وماقمت احس ب شي
**
اشواق ..
تذكرت سهيله و قرارها الغبي .. ها الانسانه مش صاحيهه .. جد تخبلت
يت ف بالي فكره ..
بس ان شاء الله توافق .. دقييتلها .. وردت
سهيله : هلا اشواق تبين شي
اشواق : سهوول الله يخلييج لا تتهورين .. بنت انتي مش ولد
سهيله : جوفي .. ترا انا ماقلتلج عشان تتفلسفيين عليّه .. بس خبرتج عشان تعرفيين
اشواق : انزين تعالي عندنا
سهيله : تستهبليين .. عبالج ابوي ما بيحصلني لو ييت عندكم
اشواق : عيل وين تبين تروحيين ؟
سهيله : ماعرف بس والله بخبرج
اشواق : سهوول يااخي لاتروحيين
سهيله : بروووح .. و خلاص جب لاتخليني اندم لاني خبرتج
اشواق : انزين وكيف بتدبرين عمرج ؟
سهيله : بدبر عمري ماعلييج
اشواق : بس والله تخبريني وين بتكونيين
سهيله : خلااص ي اميي والله بخبرج .. المهم طللع يلااا بشرد
اشواق : سهوول فكرري عدل الله يخلييج
سهيله : فكرت .. انا بسير عشان ادور عليها لاني اعرف انها ماماتت .. ها ع كيفه سار دفنها
اشواق : الله يحفظج
سهيله : يلاا بااي
**
سهيله ..
سكرت عنها و دشيت حجره ابوي .. خذييت لي بيزات .. و شليت اغراضي و طلعت ..
بس لحظه !!
كيف بسير ؟ .. الدريول مامنه امان اخافه يقول حق ابوي .. وانا بعدني اتدرب ع الليسن ..
دقيت ع اشواق و ردت عليّه ع طووول
اشواق : هلاا شفييج ؟
سهيله : اقولج .. عادي دريولكم يوصلني ؟
اشواق : هيه اكيد عاادي
سهيله : ك الحين بي عندكم ..
سكرت .. وسرت عند دريولنا قلتله يوصلني بيتهم ..
دشييت و سلمت عليها و حضنتها .. و عقب ططلعت و وصلني الفندق الي حجزت عندهم امس .. والحمدلله مر كل شي ع خير ..
بس باقي ادورلي شغل ..
**
مديه ../
فتحت عيوني .. استغربت انا ويين ؟
عقبب تذكرت اني نشيت قبل و شفت عمري ف نفس المكان ..
تمييت شوي !!!
عقب شفت ليت سيارره .. خفففتت و تمييت ادعيي
وقفت السياره صوبي ..
ونزل منها ريال ..
: شو تسوين هني ؟
تمييت انتفض و ماردييت
: لا تخاافيين .. ترا انا دكتوور و مستححيل اضرج
بعد مارديت
: تبيني اساعدج ؟
قلت بصوت واطي : لا شكرا
مادري انا غبيه ؟ هبله ؟ ثوره ؟ حماره ؟
الريال يقول بساعدج و انا أقول لا شكرا ..
أصلا ما ارتحتله ..
عقب بعد داار راسي وماقمت احس بالدنيا .. اففف وش ذاا
***
عبيد ( الابو )
كنت قاعد افكر .. تبون الصج ؟ بديت احس بتانييب الضميير
ليش قبل ماحسيت بها الإحساس ؟
ليش ما فكرت قبل ما افرها ؟
ليش ما حطييت عمري مكانها ؟
لها الدرجه ماعندي قلب ؟
14 سنه و انا معذبنها !!!!!!!!!
كيف تحملت ؟
قررت اني اروح المكان الي فريتها فيه ..
بس لحظه !! انا وين فريتها أصلا
حاولت اني أتذكر الدرب ..
و دعييت أني احصلها
***
مديه ..
فتحت عيوني .. شفت عمري ف مكان .. غير عن هاك الي كنت طايحه فيه امس ..
مكاان جييه يشبه المستشفى ..
ولافيين راسي بها الشي الي ماعرف ش اسمه
بس وييت انا كييف ييت هني ؟
ثواني !
واتذكرت الدكتوور
هااا يستهبل قلتله ماباه يساعدني .. جان خلاني هناك و فك عمره ..
ناقصه انا يعني ولا ناقصه
دخل : السلام عليكم
مديه : وعليكم السلام
ابتسم : شحالج ؟
مديه : الحمدلله
تم واقف مكانه … مادري ليش حسيت اني مش مرتاحتله .. شعوور غرييب كان
بس المهم اني اباه ينجلع
تلحفت و غمضت عيوني .. عشان يطلع
والحمدلله سمعت صوت الباب يتسكر
فتحت عيوني و ماحصلته
تنهدت .. ياربي ساعدنيي
***
عبيد ..
بعد اذان الفير بساعه تقريبا .. وصلت مكان
احس ان هوو نفسه ..
شفت اثار سياير .. خفت
بس بعديين قلت يمكن ها قبل
تمييت امشي ف المكان ادور عليها ..
لمحت شي يلمع ..
سرت صوبه وشليته .. كان حلق
اناا ها الحللق جايفنه ف مكاان
معقوله يكون هو ؟
هيهه اناا متااكد .. سهيله بعد عندها شراته
..
بس ويينها هيي ؟؟
معقوله يكون حد جافها وشلها ؟
او روحها راحت ؟
ياااارربيي ش سويييت اننااا
يااااااربب احفظها وين ما تكون وساعدني عشان احصلها
***
اشواق ..
كنت سرحانه افكر ف مدوي ..
فجاه رن فوني .. وطلعت شموه .. الي هي ربيعتي انا و سهول و مدوي
رديت
شموه : اشوااااااااااااااااااااااااااااااااااااااااققق
اشواق : هااا حسسبي الله ليش تصارخين
شموه : كنتي تعرفين ان سهول بتشرد و ماخبرتيني
اشواق : نسيييت والله .. يعني حطي عمرج مكاني ما بتفكرين ف شي غيرها
شموه : هييه صح .. المهم تراها ف ***
اشواق : حلفي ؟
شموه : والله .. توه كنت ارمسها خبرتني
اشواق : هيييه اوكيه
شموه : المهم ترا مافهمت سالفه مدوي
اشواق : جوفي حتى انا مافهمت .. بس الي فهمته ان ابوها ضربها وجييه .. وعقب مادري ششو استوى جان يقول انها ماتت و سار دفنها
شموه : هااااااااااااااااااااااااااااااااااا
اشواق : لااا تصاارخيين يخرب بيتج
شموه : كيف دفنها ؟
اشواق : نفس الناس بعد كييف
شموه : لا اقصد يعني كيف طاوعه قلبه
اشواق : سيري اسالييه
شموه : حرااااااااااااااااامم .. لو الذبح حلال جان سرت ذبحته
اشواق : خيبه
***
سهيلة ..
قمت تجهزت و طلعت .. عشان تدريب الليسن .. باقيلي اخر امتحان و اخذ الليسن .. ان شاء الله انجح .. و عقب ما خلصت دقيت ع اشواق سالتها لو عادي تطرشلي دريولهم ولا ..
قالت عادي .. عقب ترييت لين ما يا …
ركبت السياره جان احصلها هي و شموه ف ويهي
سرت ادو شغل .. بس ماحصلت
و الحمدلله ان اشواق و شمه كانوا وياي ولا جان صجج ملييت .. لان واااايد طولت
ردييت الفندق ..
سسرت الحجره .. عشان اصلي ..
بعد ما خلصت تميييت ادعيي ان مدووي تكون بخير و صحت
ااه ياارببيي .. والله كرهت ابوي اكثر من ما كنت كارهتنه قبل ..
تمييت افكر أبا اعرف السبب .. و رقدت بدون ما احس
عبيد ..
وصلت البيت العصر .. دشييت وانا مصدعع بالقوو ..
تذكرت شي !!
سهييله !!
شخبارها ؟ هاك اليوم كانت وااايد منهاره
اكيد الحين كارهتني ..
قررت اني اسير عندها .. مع اني ما ظن انها بتتقببل وجودي .. بس بحاول
سرت الصاله .. ماكانت موجودهه .. حجرتها ؟ بعد مش موجوده .. قلت يمكن تكون ف حجره مدية .. بس ما حصلتها ..
ماخليت مكان ف البيت ما دورتها فييه ..
بس ؟ للأسف ما حصلتها ..
شليت فوني و دقيتلها .. مره ؟ مرتين ؟ ثلاث ؟ عشرر ؟ ماترد .. يااربيي هااي وينها
طلعت من البيت بسرعه .. نسيت اني مصدع و نسيت اني تعبان .. اهم شي احصلها .. روحي تعبان نفسياً لاني ضيعت الأولى .. مابي الثانيه تضيع مني بعد .. يو ف بالي ربيعاتها ( شمه و اشواق ) هم اقرب ربيعتين لها هي ومديه .. واظن هي عند وحده منهم .. اول شي سرت بيت شمه بما انه اقرب ..
دقيت الجرس و طلعت البشكاره .. قلتلها تزقر شمه
شوي .. و يت
حسيتها تفاجأت يوم جافتني .. يمكن ما توقعت ان ها انا ..
كانت عاديه ويوم جافتني صارت تطالع بنظرات حقد
مادري اذا صج كانت تطالع بنظرات حقد و لا انا يتهيألي
ابتسمتلها .. ويوم وصلت قلت : شحالج شمه
ردت بدون نفس : الحمدلله
عبيد : امممم سهيله هني
شمه : لا
عبيد : حلفي ؟
شمه : والله العظيم مش موجودهه
سالتها : انزين ماتعرفين وينها ؟
شمه : لا ماعرف .. ولو كنت اعرف بعد ما بخبرك .. لان جد لو من البدايه كنت مهتم ف عيالك و تباهم جان ما سويت الي سويته ف مديه
نزلت راسي : والله اني ندماان ع الي سويته فييها ولله العظيم .. وسرت ادورها بس ما حصلتها .. وبتم ادورها لين ما احصلها
شمه : هه !!
الحين فكرت تندم ؟ .. عقب شوو ؟ ليش مافكرت فيهم قبل
عبيد : والله مادري لا تساليني .. المهم خلاص عيل دامها مش هني انا بروح .. بدورها ف مكان ثاني ..
ماقالت شي و لفت وراحت ..
تنهدت بندم .. والله ان كل الي قالته صح
ركبت موتري و جلبت ويهي
***
اشواق ..
كنت يالسه ارمس سَهّول
سهيله : اقولج حرق فوني .. بس ما برد
اشواق : سهوول عن العبط ترا مهما يكون ها ابوج
سهيله : بحرق قلبه شرات ماحرق قلبيي .. ها أصلا اذا كان عنده قلب
اشواق : هاا ابووج سهوول .. صدقيني قلبه بيعوره و ضميره بيانبه
سهيله : هاا ماعنده ضمير و لا قلب صدقيني .. عيل في انسان يسير يدفن بنته وهي عايشه
اشواق : هيه ف زمن الجاهليه كان شي واايد
سهيله : ه ه ه مش وقت سخافتج والله
اشواق : انزين اسفه .. بس جد يعني انتيي بنته
سهيله : ادددريي
تمييت ساكته .. هاي ما بتقتنع
دق جرس بيتنا .. شوي ودشت امييه
امي : اشواق ؟
اشواق : هلا
امي : أبو ربعج سهيله و مديه عند الباب و يقول يباج ضرووووريي
سهول شهقت : ابووووووووووي !!!!!!
أشواق : هييه .. دقيقه بسير اشوف شو يبا
سهيله : لالا لاتروحيين الله يخلييج
اشواق : شفييج ؟ .. بس بجوف شو يبا و انتي تمي ع الخط و اسمعي يمكن يبا شي ضروري
سكتت شوي عقب استسلمت للامر الواقع و قالت اوكيه
سرت و ابتسمت بدون نفس و ردلي الابتسامه
اشواق : هلا عمي
عبيد : اهلين .. اقولج سهيله هني
اشواق : لاء والله محد
عبيد : ماتعرفين وينها ؟
هنيي تمييت ساكتته ماعرفت شو أقول .. و الحمدلله ان سهول ع الخط
سهيله : لااا ماتعرفيين ماتعرفيين
اشواق : لا ماعرف
عبيد : حلفي ؟
اووهووو ها ما بيسكت ؟ قلت بدون ما حس وما احترمته ولا احترمت بنته الي تسمع
اشواق : لو كنت لهاالدرجه خايف عليها .. جان من البدايه عاملت اختها عدل .. وبعدين سهول بخيير الحمدلله .. و انت سير أسال عن مدوي الي ما نعرف شي عنها .. الي دفتنها و هي عايشه مع انها ( بننننتتتتتككك )
نزل راسه .. حسييته ندماان .. عور قلبيي .. بس ع قولة سهول ها لو عنده قلب زين
عبيد : والله مادفتنها بس فريتها .. سرت دورتها بس ماحصلتها .. وانا ندممت والله العظييم اني ندممت .. وبتم ادورها لين ما احصلها
بس رمسي سهيله الله يخلييج قوليلها ترد .. كفاية وحده مختفيه الحين الثانية بعد !!
اشواق : ( ابتسمت ) انت الي يبت حق عمرك .. و سهول ماترد علينا .. وهي مش هني .. تبا شي ثاني ؟
مارد عليّه و طلع
احسن فكه
سهول : مااددفنههااا !! وسار دورها و ما حصلها .. يعني اكيييد حد شالنها .. و منوو ها الي بيكون شالنها .. افففف
اشواق : سهوول خلاص ترا يبين انه ندمم .. والله انت لو تشوفين شكله قلبج واايد بيعورج
سهيله تصارخ : انتتيي اللححيين فكرري ف مدووي .. فكري فيها وين بتكون الحين .. يعني فرها جييه و ما يعرف وينها الحين .. يستهبل هااا
عقب تمتت تصييح .. و صحت وياها
اشواق : بس الله يخلييج .. ادعي انها تكون بخير
سهيله : اختي هااي اشوااق
اشواق : اددري والله .. بس انتي ادعيلها
سهيله : ان شاء الله
***
الدكتور ..
دخلت عندها مره ثانيه .. شفتها واعيه
انا : السلام عليكم
مديه : وعليكم السلام
الدكتور : امممم ممكن تخبريني شو الي صار ووصلج هاك المكان
مدية : ماعرف
الدكتور: لاه !
مديه : جد والله نشيت جفت عمري هناك
الدكتور : اهااا اوكييه
تمت ساكته وبس تطالع .. ماقدرت افسر نظراتها .. بس شكلها مش ممرتاحتلي .. ابتسمتلها و طلعت
نهاايهه البااارتت
مدية ..
الحمدلله انه طلع .. اففف مادانييه ياخي .. موووول مش مرتاحتله .. اففف
انزيين الحين انا أبا فون أبا ارمس سهيله .. بس لو ابوي عرف انها رمستني ؟ بيلعن خيرها .. خلني جييه احسن
تمييت مادري شكثر سرحانه .. لين ما سمعت الباب يتبطل .. غمضت عيوني بسرعه .. اففففف يارب مش هوو
: راقده ؟
ويت !! ها مش صوته
فتحت عيوني .. و جفت دكتور ثاني ووياه وحده .. يمكن نيرس او دكتوره .. مادري
ابتسم : اسف وعيتج
رديت الابتسامه : لا عادي
: شحالج ؟
مدية : بخير الحمدلله
: الحمدلله .. امممم ممكن اسالج سؤال ؟
هزيت راسي ب هيه بدون ما ارمس
: اممم الدكتور سالم خبرني اننه جافج طايحه ف مكان .. وشلج يابج هني .. ممكن نعرف شو وداج هاك المكان
..
اوههوووو يعني ماعرف يسال غير ها السؤال
مديه : مادري .. انا نشيت و انصدمت يوم جفت عمري طايحه هناك .. عقب فجاه وصلت هني .. بس شو الي صار بالضبطط ماذكر ..
الدكتور : اهاا اوكييه .. اكييد ماتتذكرين
مديه : هييه
الدكتور : اوكيه
تم مال كم ثانيه تقريبا عقب روح
مادري ليش احس اني جايفتنه .. احس ها الدكتور ارتحتله اكثر من الدكتور سالم .. احس اني اعرفه .. و اعرفه عدل بعد .. بس وييين جاايفتنه ياااربييي ..
***
عبيد ..
طلعت من عندهم وانا قلبي يتقطع .. خسرت بنتيني الحين و بسبب شو ؟ بسبب غبائي .. ها الثنتين سمعوني اليوم كلام .. شرات السجين الي طعن قلبي .. قررت اسير مركز الشرطه اخبرهم انها ضاعت .. بس لو خبرتهم يمكن يسجنوني و عقب ما بروم ادورهم .. شليت بعمري وسرت عندهم .. خبرتهم و يوم سالوا قلت اني ماعرف هي فجاه اختفت .. طلعت من عندهم وسرت مكان .. ماعرف وينه .. بس اظن اني طلعت من دبي.. نزلت و حصلت موتر ثاني واقف .. حسيت اني اعرف ها الرقم .. مااهتمييت و كملت .. وانا امشي .. حصلت واحد عاطني ظهره ..
شوي وصد .. تم يطااالعني فتتره .. عقب ابتسم .. (((عرفته ))).. يا صوبي
: اوووه عبييد .. عاش من شافك
ابتسمت بمجامله و ماردييت
تم شوي يسولف ويسال و جيه عقب قال : هييه ما خبرتك
عبيد : شو ؟
" وكنت سرحانن .. ماعرف هو شوي يالس يقول "
: هاك اليوم كنت يالس اتحوط .. وليش ما احصل بنت طايحه . المهم شليتها و الحين عندنا ف المستشفى .. قلت بعالجها و عقب بشغلها ويانا ..
عبيد : هيييه زيينن
تم يسولف عراسي لين ما روحت عنه .. احس ان فيني رقااد . .ولو سقت زياده عادي اسوي حادث .. حاسبت ف الدرب و سقت شوي شوي .. و الحمدلله وصلت
***
شموه .
سرت بيت قوم اشواق .. لانها دقتلي وقالت لو ترومين اتيين تعالي و جيه ..
ونحن يالسين قالت : اقولج عرفتي انه مادفن مدووي
بطلت عيني ع وسعهن : مااادففنننهاا !!
اشواق : هييه والله .. اليوم يا يدور سهول عندنا وقال انه ما دفنها ..
شمه : الحممددللله
اشواق : شوو الحمدلله ؟
شمه : الحمدلله انه ما دفنها
اشوق : تراه ما دفنها .. بس فرها جييه .. ويوم سار يدورها ماحصلها
شمه : شت .. يعني حد شالنها و لا كيف ؟
اشواق : ترا ها الي ماندري عنه .. وسهول كانت ع الخط و سمعت و عصبت .. لان هي خافت عليها
شمه : يحلييييلها بس بعد الحمدلله انه مادفنها .. ع الأقل بيرومون يحصلونها .. لو كانوا دافنينها يمكن ما يرومون
اشواق : الله يهدييه
شمه : الله يأخذهه
اشواق : لااتدعيين علييه حرااام
شمه : انتي جب
***
عبيد ..
يييت أبا ارقد جان أتذكر شي .. طير أبو الرقاد عني ..
سرت ادور فوناتي الجديمه .. و الحمدلله حصلتهم
قعدت ادور رقمه ! .. بس ؟
للأسف ماحصلتها ..
طلعت من البيت بسرررررعهه..
و سقت باسررع شي .. أبا أوصل للمكان الي كنت فيه قبل شوي بسرعه ..
لاازمم احصله .. أنا متاكد انها هيي ..
وصلت ؟ .. وتمييت ادعي اني احصله !
بـــس ؟
ما حصلته ..
افف ياربي ش ها الحاله
هو قال انه يعالجها ف المستشفى الي يداوم فيها …
بس وييت ؟
هو ف أي مستشفى يداوم .. اففف يااربيي ..
شليت فوني و دقيت ع واح من ربعي .. وسالته
قال انه ف مستشفى ال*** ف بوظبي ..
طرشت مسج حق سهيله " ترا انا شبه عرفت وين مكان مدية .. بس لازم تساعديني .. هي اظن ف مستشفى ال** ف بوظبي .. حاولي تسيرين المستشفى يمكن تحصلينها .. وانا عقب شوي بعد بسير "
ردييت البييت و سبحت بماي باااارد عشان اصحصح واعرف اسوق
وسرت بوظبي ..
***
سهيله ..
سمعت صوت مسج .. ويوم شفت انه منه ما اهتمييت .. و سرت اتغدا و عقب طلعت بسير بمتحن اخر امتحان و بحصل الليسن ان شاء الله .. و عقب سرت ادور شغل .. و نسسيت سالفه المسج
****
مدية ..
كانت النيرس عندي مادري شو تسوي ف المغذي
قلت : ملييت أبا اطلع
النيرس : ماييستوي انتي بعدج تعبانه
مديه : مش اطلع اطلع .. بس أبا اتحوط شوي ..
النيرس : اوكيه دقيقه بسير اسأل الدكتور
يت بتطلع جان أقول : ااممممم
صدت وابتسمت: بغيتي شي ؟
مديه : عادي تسالين الدكتور الثاني الي يا عندي .. مش الدكتور سالم
النيرس : قصددج الدكتور وليد ؟
مديه : ماعرف شو اسمه
النيرس : اظنيي تقصدينه هو .. لان محد يا عندج غيره هو و الدكتور سالم
مديه : عيل هو
النيرس : اوكييه
شوي واندق الباب .. لفيت الشيله الي من اول مادشيت المستشفى وهي عندي … مادري من وين يت
دش الدكتور و وياه النيرس وجيه ..والحمدلله واافق اني اتمشى
تمييت اتحووط وكملت اكثر عن ساعه تقريبا .. شوي ويا ف بالي اسير صوب الباب .. مش عشان اطلع بس ابا اجوف الناس االي يون و جيه
لمحت ويه انسان .. احس اني جايفتنه قبل ..
شتت لاااء
مابا يكون هوو .. ارتبكت و توترت و مادر يشو ياني ..
و ركضت سرت الحجره نسييت اني تعبانه ونسييت ان في ناس يطالعون .. اهم شي ان ها الانسان ما يشوفني
يوم دشيت الحجره دش الدكتور وليد عقبي ع طوول .
وليد : شفيج ؟
انا : شفيني ؟
وليد : انا شدراني !! .. ليش فجاه ركضتي
مديه : ها
وليد : شو فييج بسم الله
مديه : مافيني شي
اطالعني بنظرات شك : مدييهه !!
ابتسمت : مافيني شي بس كان خاطري اركض
تم يطالعني بويه جامد و نظرات تضحك جنه يقول شها الغبيه
ابتسم
شوي وقال : انتي وين اهلج ؟ ماشفت حد يزورج
سكتت ونزلت راسي
سكت شوي عقب مد فونه و قال : تبين تدقين ع حد
تمييت متردده .. هو تبوون الصج ؟ أبا ارمس سهول .. بس استحي
ابتسم وقال : لا تستحين شلي
ابتسمت و انا فيني ضحكه
تمييت شوي عقب شليت ..
تمييت متردده استحي ارمس جدامه
و الحمدلله شكله فهم و طلع ..
دقييت وجييه .. بس ماردت شكلها مشغوله ..
طلعت وكان يالس صوب الباب .. عطيته و ابتسمت
وليد : ماشاء الله .. رمستي ؟
ابتسمت : لاا ماترد
وليد : جربي دقي مره ثانيه
انا : لا خلاص مش لازم
***
سهيله ..
رديت البيت و جفت فوني .. كان شي رقم غريب داق .. بس الحين الوقت متأخر .. باجر بجوف منو .. سرت صليت و تعشيت .. وعقب جييه تمييت يالسه و ملييت جان أتذكر المسج و يوم بطلته و قريت .. ماصدقت اعرف انه يبا يقص عليه .. من متى ربعه فيهم خير أصلا
اذا ف المستشفى .. يمكن اصدق بس شو بيوديها لين بوظبي
تمييت افكر لو الي قاله صج ولا خرط .. و رقدت وانا افكر ..
اليوم الثاني نشيت وجيه .
وسرت ع طووول داومت و جييه .. وانا طالعه اتذكرت الرقم الي دق امس .. ف دقييت
طوولو لين ما رد و عقب سمعت صوت
خلاني انصدم .. انا متاكده انه صوتها
: الوووو ويينج
سهيله : انـ .. انتي مدوي ؟
: هييه
سهيله : اوييه مدوي وييننجج انتي ؟
مديه : مادري
سهيله : لاوالله ؟ تستهبلين ؟ كيف ماتعرفين
مدية : جد ماعرف
سهيله : انزين فون منو ها
مديه : مادرري
عصببت : مدوووي لااتستهبليين .. يعني حصلتييه طايح
مديه : ماعرف
صارخت : مددوووووووووووووويي
مديه : هاا بسم الله ليش تصارخين
سهيله : بتقولين وين انتي ولا ؟
مديه علت صوتها شوي : يعني مااعرف ويني شو اقولج ؟
سهيله : انزين جب جب .. قولي حق ها الي عطاج الفون اييبج
ماردت
سهيله : ترا انا مش ف ساكنه ف البيت
مديه : هاااا !!
وخبرتها السالفه و جيه و عصبت شوي وقالت مايخصج فيني و سولفنا شوي عقب سكرت
***
وليد ..
كنت واقف صوب الحجره .. مش قصدي اتجسس بس مادري ليش أبا اعرف قصه ها البنت .. بس طبعا ماعرفت شي . . بس استغربت ان ليش قالت .. يعني ماعرف ويني .. يارربي سالفتها غريبه والله .. دشيت عندها وعطتني الفون و رديت روحت
***
عقب أسبوع
مدية ..
كنت يالسه وجييه .. اندق الباب وجيه ..
دش الدكتور سالم .. اخييييه ها شو يبا بعد صح انه مسكين ماسوالي شي .. بس مادانييه مادري ليش
المهم ابتسم ابتسامه غريبه .. وقال : انا ياي عشان ارمسج ف موضوع
تميت ساكته و اطالعه اترياه يمكن
قال : الحين بما انج الحمدلله صرتي بخير ف لازم تطلعين من المستشفى
انا شهقت .. شتت انا نسيت اني بطلع ممن المستشفى كيف مافكرت ف هـ الموضوع قبل .. وانا ماعندي اهل غير (ابوي) .. حتى ابوي مـ..
قطع تفكيري صوته …
سالم : ف انا أقول دامج ماتعرفين وين تروحين .. شرايج ااجرلج شقه .. وتسكنين فيها .. و بطلعلج شغل بعد لو تبين
اناا هني خفت .. يعني انا روحي مش مرتاحتله
اففففف ياااربيي شو اسوي
كمل كلامه : جوفي انتي فكري ع راحتج ولو ماتبينن كيفج .. بس فكري بعقل
ابتسم و طلع
مادري ليش ما ارتحت حق ابتسامته
ويلست افكر .. وسرت صليت استخاره
***
عبيد ..
طوول ها الأسبوع وانا ادور سالم و ماحصلته .. بسم الله كيف فجاة اختفى ما ادري .. قهرنني لان شلها اونه بيساعدها يعني ؟
المهم تبون تعرفون شو صار ف هاالاسبوع ؟
سهيلة ردت عليّه ..
قالتلي كلام مستحييل انساه ..
اول ماردت : الو هلا ..تبا شي ؟ بسرعه لاني مشغوله
عبيد : أبا اعرف انتي وينج ؟
سهيله : ف ارض الله الواسعه
عبيد : ردي البيت سهيله .. لا تستهبلين
سهيله : ليش تباني ارد ؟ عشان تكمل عليّه عقب ما مادري شو سويت ف مديه .. الحين ماتعرف هي بخير ولا .. هي شو ذنبها تحملها المسؤوليه .. وانت كنت تعذبها بدون سبب .. اذا عشان اميي ف ها ما يعتبر سبب .. لان هي شذنبها ؟
ذنبها انها دشت المطبخ وقت ما احترق ؟ .. يعني عبالك انها لو كانت تعرف انه بيحترق هاك الوقت جان دشته .. وبعدين عبالك هي واايد استانست يوم امي الله يرحمها توفت .. هي لين الحين تحس انها هي السبب .. و انت المفروض ما تتضايق .. لان لو امي ماكانت مطلعتنها جان احترقت هي .. و ف الحالتين كنت بتفارق انسانه من اقرب الناس لقلبك .. بس جدد في أنسان جيه؟ .. عذب انسانه بريئه بعدها ما تهنت ف حياتها .. تخيل انك من 14 سنه تضربها و بعدها متحمله .. ولااا الحيين شوو عقيتها ف مادري وين و اختفت .. مادري هي الحين بخير و لا .. و الانسان الي شلها بيكون اوكيه وياها ولا بيضرها .. صدقني انت انسان بدون قلب .. انت وايد ظالم ع فكره .. و تباني ارد عندك بعد
..
عقب سكتت و تمت تصيح
قلتلها: سهيلله انا والله ندماان .. و انا تعذب والله .. تعباان نفسيا الاني ضيعت بنتي .. ردي الله يخلييج ولا تزيديني
سهيله : مااابرردد يعني مابرد .. يوم بترد مدوي البيت انا برد .. وندمك مايفيد .. مره ثانيه قبل ماتسوي الشي فكر ف النتيجه
سكرت ف ويههي وخلتني مع نفسي
اذا انتي تتعذبين مره انا اتعذب مليووون
وتمييت افكر كيف احصل مدية
***
اشواق ..
كنت رمس شموه
و طبعا سهول خبرتنا انها رمست مدوي .. بس نحن مستغربين ليش ماقالت هي وين .. مستحيل ماتكون تعرف ..
فجاه شموه صارخت : اشواااااااااااااااااااااااااااااااااااااااااقق
اشواق : حسبيي الله لييش تصارخيين اسمع ترا
شموه : عندي خطه
اشواق : شو هي
شمه : اول شي انتي وسهول اغبيا
اشواق : شكرا .. انزين و ثاني شي ؟
شمه : مش صح مدوي دقت ع سهول
اشواق : هيه
شمه : انزين من رقم منو ؟
اشواق : و انا شعرفني
شمه : انزين و سهول الغبيه مافكرت عقب كم يوم ترد تدق و تساال ها الي بيرد عليها مدوي وينها بالضبط ..
اشواق : وياها المخ .. صح والله كيف مايا ع بالنا
شمه : يوم أقول اغبيا
اشواق : انزيين جب رمسي سهول خليها تدق
شمه : اوكيه
شوي وقالت : ماترد
اشواق : يمكن ف الدوام .. طاف بنخبرها عقب
شمه : اوكيهه
*
*
العصر
مديه /
واقفت اني اطلع وياه .. وخبرته يعني .. صح اني مش مرتاحتله بس احس فيه خير و اني انا حيوانه .. المهم ع الأقل مارد عند ابوي .. ابوي اونه !
المهم قالي اتجهز عشان اطلع
لبست عباتي و اللبستين الي مادري من وين يو
دش الدكتور وليد واحسه يوم جافني انصدم
قال : وين بتسيرين ؟
مدية : بطلع
وليد : وين بتسيرين ؟ أصلا شدراج انهم مرخصينج ؟
مدية : سالت وخبروني
وليد : انزين منو بيطلعج ؟
اوهوووو وقت اسئلته الغبيه .. أخاف هاك مايباه يعرف
وليد :شففييج ؟ جاوبي ويا منو بتطلعين
ييت بجاوب جان يدش الدكتور سالم : وياي 🙂
وليد : نعم ؟
سالم ابتسم : وياي .. ماسمعت
وليد : و بصفتك منو بتطلعها ؟
سالم : انا الي يبتها و انا الي بطلعها
وليد : تعرفها ولا تعرفك ؟
سالم : هي قالت انها موافقه ..
وليلد : لاوالله !!
سالم : هيه والله
وليد .. اطالعني : بتطلعين وياي ولا وياه ؟؟
اخخيييهه هاييل وقتهم يضاربون .. انا خبرت الدكتور سالم من البدايه اني بطلع وياه و مايستوي الحين اغير رايي مع اني مرتاحه حق الدكتور وليد اكثر
وليد : سالتج ..لآتمين ساكته .. جاوبي تبين منو يطلعج
اهه ياربيي
قلت بصوت وااااططيي : الدكتور سالم
اطالعه الدكتور سالم بنظرات انتصار .. والدكتور وليد اطالعني بنظرهه غريبه و ابتسم ..عقب طلع
حسييت للحظه اني أبا أقول .. لاااا خلاص أبا اسير وياه
بس ؟
للأسف راحت عليّه
سالم : يلا بنطلع
سكتت و طلعت وياه
***
سهيله ..
سهيله : هييه صح والله كيف مايا ع بالي
شمه : يلا بسسرعه الحين دقي
سهيله : اوكيه يلا باي
سكرت و تمييت ادور ع الرقم و دققيت
رد عليّه واحد .. توترت ف البدايه بس عقب رمست
سهيله : السلام عليكم
: وعليكم السلام
سهيله : امممم
: بغيتي شي ؟
سهيله : اممم انا اخت مديه .. الي دقت قبل أسبوع تقريبا
: هيييييه اوكييه
سهيله : انزين ممكن تخبرني هي وين ؟ بس لاتقولها اني دقيت
نهااايه البارت ..
رايكم ؟
#مشاعر_قلم
بس لو تعطي الحدث حقه اكثر .. لاني احسك سريعة شوي بالاحداث
بس هذا مايمنع اني اقولك .. انك مبدعة بالسرد والحوار ..
مديه حسيت ابوها قاسي بشكل ولو انه ندم بس ندمه جاء متاخر
ومايشفعله قسوته على بنته .. خفت على مديه من الدكتورين
بذات سالم .. الله يسترعليها .. سهيلة .. فكرتها مجنونة
بس احسن خليها تصحي ضمير ابوها
باكون اول مشجعينك باذن الله .. تابعي
بانتظار الجزء القادم على احر من الجمر
|
المشاركة الأساسية كتبها خـواطـر
 رواية بدايتها مشوقة .. احداث تشدك بقوة
بس لو تعطي الحدث حقه اكثر .. لاني احسك سريعة شوي بالاحداث بس هذا مايمنع اني اقولك .. انك مبدعة بالسرد والحوار .. مديه حسيت ابوها قاسي بشكل ولو انه ندم بس ندمه جاء متاخر ومايشفعله قسوته على بنته .. خفت على مديه من الدكتورين بذات سالم .. الله يسترعليها .. سهيلة .. فكرتها مجنونة بس احسن خليها تصحي ضمير ابوها باكون اول مشجعينك باذن الله .. تابعي بانتظار الجزء القادم على احر من الجمر |
شكرااا واااايدد على الرد و شكرا ع النصيححه <3
وان شاء الله بطول الاحدااث اكثر .. و ماعرف أقول بعد
المهم تسلمي ع ده الرد القميل اوي
الدكتور وليد ..
: السلام عليكم
وليد : وعليكم السلام
: امممم
وليد : بغيتي شي ؟
: اممم انا اخت مديه .. الي دقت قبل أسبوع تقريبا
وليد : هيييييه اوكييه
: انزين ممكن تخبرني هي وين ؟ بس لاتقولها اني دقيت
مادري ليش توترت .. وماعرفت شو أقول
وليد : امممم هي كانت ف مستشفى ال *** ف بوظبي و توه طلعت
سهيله : ويا منوو طلعت
وليد : ويا واحد من الدكتاره .. قال انه بيطلعها وهي وافقت
سهيله : شتت انزين مشكور .. و اسفه ع الازعاج .. هيه صح عادي تعطيني رقم هاك الدكتور
وليد : اوكيه دقيقه
*
*
الدكتور سالم
سالم : لا اختيه مغلطه .. مديه الي انا طلعتها من الاهل .. وما عندها خوات
: اوكيه مشكور
سكرت بدون ما ارد عليها و قبل ما تقول شي ثاني .. والحمدلله اني ها الوقت كنت موصل مديه الشقهه ..لاني ماباها تعرف .. نحن واايد محتاجين وحده شراتها عشان تساعدنا .. المهم يوم وصلتها قالت انها تبا تبدا شغل بسرعه وجيه .. وها الشي خلاني استانس واعرف ان كل شي ب يمشي مثل ما نبا ..
*
*
مديهه
دشيت الشقه وانا ف بالي اني بردله بيزاته بعد ما احصل
بس ويت انا شو بلبس .. ماعندي غير ها الي لابستنه .. و العباه الي يابها .. وبدله يابها الدكتور وليد ..
الدكتور وليد ؟ يارربيي نظرته كيف كانت تذبح .. والله ماقدرت افسرها
واااااايد غريييبه
احس اني أبا ارمسه … اخييه انا لييش وايد افكر فيه
المهم .. دشيت الحجره ..
وحصلتها ممزوره اجياس
اخييييييييييييييهه شوو هااا
يعني صح انا محتاجه ها الأشياء .. بس مش ها الكثر .. جيه ما بلحق اردله كل بيزاته ..
بس تبون الصج ؟ الحجرهه طرر
والاغراض اطر .. جد ذوقه حلو
وحصلت ع الطاوله فون .. ها ماخلا شي مايابه
بس جد لازم اشكره "
المهم فجيت الفون و جييه .. و كان رقمه مسيف
ووصل مسج .. "ها رقمي لو احتجتي شي رمسيني .. "
سبيت عمري سب
ليش كنت كارهتنه والله مسكيين
احس فيه خير ..
شليت الفون وطرشتله " مشكووور وااايد والله ماعرف ش أقول ماكان في داعي حق كل ها "
*
*
سهيله
كنت قاعده افكر .. كيف جيه ؟ .. اول شي هاك قال انها عند ها .. ويوم دقيتله قال انها وحده من اهله .. معقوله الأول يكون مغلط .. بس ويت طلعت ف نفس المستشفى الي ابوي قالي انها فيها .. كيف عرف ؟
اففففف ياااربيي لو من البدايه صدقته و سرت هناك جان الحين هي وياي .. بس مالت عليّه و ع ويهي ..غبيه انا غبيه
المهــم .. تعبت من كثر ما افكر ياااربييي
*
*
الدكتور وليد ..
قاعد افكر ف سالفه مديه .. والله سالفه ها البنت غريبه واايد
اول شي محد سال عنها ..
ويوم رمست اختها ماطاعت تخبرها هي وين ..
وووافقت تطلع ويا سالم مع ان نظراتها تقول انها ماتباه ..
والله سالفتها تعور المخ .. ومادري ليش انا واايد مهتم ..
بس احس ها البنت اعرفها واعرفها عدل بعد
احسها قريبه وايد
مادري ش ها الشعور .. بالضبط
بس المهم اني أبا اعرف قصتها
وابا اعرف سالم وين وداها بالضبط
*
*
مديه ,
قلت برقد من وقت عشان باجر انش وببدا شغل ان شاء الله
بس ويت ؟
انا للحين ماعرفت شو بشتغل
قررت اني اساله .. بس عقب غيرت راي
خلاص باجر بعرف ان شاء الله
المهم
سرت رقدت و من كثر الحماس نشيت من وقت سرت اتجهز وجيه وكنت شوي و بخلص جان الفون يرن
وكان هو .. بس قال انه بيمر عليه و جيه و قالي اتجهز
المهم خلصت و قعدت اترياه .. عقب يا و طلعنا ..
ونحن ف السياره سالته شو بشتغل .. وقال اني ببيع ادويه ..
يعني بما انه دكتور وجيه
وصلني مكان غريييب .. يوم قالي اني ببيع ادويه تخيلت انه بيودينيي صيدليه او شي جييه ..
خفت شوي .. بس بعدين حسيت الشي عادي بما ان هو دكتور وجيه
بس يا ف بالي ان مستحيل حد ايي ها المكان وجيه
المهم علمني شو اسوي وجيه .. وراح
خفت ف البدايه لاني كنت بروحي بس عقبب قلت ان عادي ش فيها يعني
وصح نسيت اخبركم .. قالي ان ماقول اسمي الصجي
اسمي بيكون عليا . بس وقت الشغل و حق الناس الي ماعرفهم أقول ان اسمي عليا
استغربت اول شي .. بس عقب قلت ان صح جيه احسن
المهـــم .. بديت شغلي وكذا
*
*
الدكتور وليد
جفت الدكتور سالم داش المستشفى .. اقولكم شي ؟ ترا انا ها الانسان ما ابلعه .. بس ف الأمور الي تخص الدوام نحن اوكيه ويا بعض بس جيه ؟ ولا واحد فينا يداني الثاني
المهم انه يوم جافني اطالعني بغرور و ابتسم ابتسامه جنه يتطنز .. يعني جيه ماعرف كيف اشرحلكم المهم
اطالعته بنفس النظره وابتسمت ننفس الابتسامه
سرت صوبه : ها شو الاخبار
سالم : تمام والله
بديت ارمس جد : وينها ؟
سالم : ف مكان
وليد : انا ارمس جد
سالم : راحت دوامها .. بعدين تعال انت ليش وايد مهتم
وليد : بس جيه .. المهم ووين ساكنه الحين ؟
سالم : مب شغلك
" و مشى "
جد ها الانسان مادري ع شو جايف عمره بس انا اروايك
*
*
سهيله ..
سرت الدوام وجيه ويوم رديت رمست شموه و خبرتها سالفه هاك الي عطاني الرقم ويوم دقيت وشو صار وجيه
شمه : صدقييني جذاااب قسم بالله انه جذاب
سهيله : حتى انا جيه حسيت بس سكتت
شمه : صدقيني يا انه جذاب .. او ان مدوي قاصه عليه وقايلتله ان ماعندها خوات
سهيله : ماعرف والله ماعرف
شمه : انزين خبري ابوج و اكيد هو بيتصرف
سهيله : مابا
شمه : سهول جربي و ودري ها العناد
سهول : خلاص عاد شموه قلتلج مابا
شمه : كيفج بس والله عقب اذا صار شي ثاني بتندمين … شرات ماندمتي لانج ماصدقتيه يوم قال انها ف هاييج المستشفى
سكتت شوي عقب قلت : بجوف عقب
جد والله مووول ماعرف شو اسوي
شمه : فكري بعقل .. ابوج ريال و بيروم يتصرف .. وانتي بنت ما بترومين تسوين شي
سهيله : انزين خلاص بجوف عقب
شمه : اوكيه
*
*
مديه ..
اول شي حسيت ان محد بي ..
بس عقب ؟
واااااااااااااااااااييد يو
بس كلهم ريايل و كل واحد شكله يخوف اكثر عن الثاني
الصراحه .. كان خاطري انسحب
بس ؟ مش ع كيفي
المهم عقب رد سالم مر عليّه وجيه
و سأل شو صار و جيه قلتله انه ماشي بس وايد يو و جييه يعني
رديت البيت ورقدت عشان باجر بسير .. مع اني مش وايد مرتاحه بس يلا
*
*
الدكتور وليد
اليوم الثاني
انا اليوم بعرف وينها يعني بعرف ..
قررت اسوي شي بس يوم بنطلع
المهـم كملنا اليوم وطبعا انا وسالم مووول مارمسنا بعض ..
وانا جد خايف ع مديه من ها !
هي ماتعرف ها شوو وراه
المهم .. تمييت اترياا وجييه لين فليل .. عقب يوم طلع .. طلعت وراه بس حاولت انه مايجوفني .. تمييت الحقه بس بدون ما يحس .. لحقته وجيه .. بس مادري اذا حس اني الحقه ولا .. لان فجاه تم يتحوط ف نفس المكان .. شوي و اختفى
اففففف هاا يستهبل
موووول مب وقته .. تمييت ادوره و جيه بس ماحصلته ..
تمييت ادور و ادور لين ماتعبت .. عقب قلت برد البيت و باجر بفكر ف حركه ثانيه ..
*
*
سالم
هه!! يتحراني غبي يعني ؟
يبين انه يلحقني أصلا .. و جييه تمييت احووط ف نفس المكان عقب فجاه اختفيت .. حاولت اضيعه .. و الحمدلله قدرت
ها ش يبي ما ادري .. ليش راز ويه بس ها الي أبا اعرفه .. معقوله يكون حبها ؟
المهم وصلت عند مديه و شليتها
سالم : اسف تاخرت
مديه : لا عادي
سالم : ها شو صار اليوم
مديه : ماصارشي بس هم نفس الي يو امس ف استغربت
سالم : ونفس الي بيون باجر وعقبهه و الي عقبه
مديه : ها
ابتسمت بدون ماقول شي
مديه : انزين ها الادويه مال شو ؟
سالم : مال أشياء .. ماببتفهمين لان سالفتها معقده و واايد وجيه
مديه : اهاا
*
*
مديه ..
الصراحه بديت اشك .. سالفه معقده ؟ ونفس الناس الي يو امس يو اليوم و بيون باجر .. بس مادري .. الله يصبرنيي
المهم و جيه ف نص الدرب سالته
مديه : شخبار الدكتور وليد
ضرب برييك بالقو والحمدلله ماكان في حد ورانا ولا يدامنا ولاجان مادري ش صار
واطالعني بنظره تخوف
سالم : ليش تسالين عنه ؟
مديه : مادري جيه يا ع بالي و قلت بسال عنه
سالم : اهاا .. انزين لا ايي ع بالج مره ثانيه
مديه : ليش ؟
سالم : بس جيه .. مش لازم تفكرين فيه و مش لازم تسالين عنه
خفت واستغربت .. اوييه بلاه !!
المهم همست : ان شاء الله
تمييت ساكته وهو كمل .. وجيه لين ماوصلنا
*
*
بعد شهرين تقريبا
عبيد ..
سرت المحطه عشان اصب بترول ..
عقب نزلت عشان اخذلي ماي ..
لمحت حد !!
ومتاكد ان ها الشخص هو الي ف بالي
قربت .. وقلت : سهيله ؟
صدت واطالعتني .. هدت كل الي ف ايدها و طلعت بسرعه .. ركبت سيارة .. ماعرفت سياره منو .. بس اظن سيارتها لان هي الي ساقت .. سرت ركبت سيارتي وحاولت الحقها ..
تميييت الحقها .. عقب شليت الفون ودقيتلها
سهيله : خلاااص لا تلحقني خلني ف حالي
عبيد : مابخلييج ف حالج انا ما صدقت حصلتج ..
سهيله : قلتلك قبل حصل مدية و برد
عبيد : يالس ادورها تراني .. بس انتي ردي
سهيله : مابرد وخلااص لاتلحقني
عبيد : بلحقج
سهيله : يوم برد برد بروحي مش لازم اتم تقولي ردي .. والحين مابا ارد
عبيد : سهييله وبعديين ؟ .. انا ابوج ترااا اسمعي الكلام و لا تستعبطين
سهيله : بستعبط
وسكرت ف ويهي .. بس تمييت الحقها
رن فوني وكانت هي
سهيله : لااااتلحقني خلاااص
عبيد : مش ع كيفج
سهيله : امبلا ع كيفي
عبيد : انزين وقفي بس بكلمج
سهيله : مش لازم .. كلمني هني
عبيد : سهيله خلاااص اصطلبيي
سهيله : كيفك تم الحق بس انا ماابرد يعني مابرد
*
*
مديه
كملنا شهرين .. و ف هاالشهرين الحمدلله رديت حق سالم ثلاث ارباع الي عطاني إياه و باقيلي شوي ..
بس شوي بدا يعاملني بأسلوب خايس
بس طنشت
المهم انا الحين ف الدوام .. المهم دش واحد
وأول واحد يبتسملي .. ماعبرته
خذ الي يباه عقب قال
: كم عمرج ؟
تمييت ساكته
ابتسم : شفييج ماباكلج بس أبا اعرف
همست : لازم ؟
: اممم كيفج لو ماتبين تخبريني لا تخبريني بس يعني استغربت لان يبين انج صغيره .. وكيف تشتغلين ها الشغله
استغربت ش قصدهه ؟
بس ها الوحيد الي ما حسيته نفس الباقين
احسه طيب .. الباقين كلهم جنهم مال عصابه وجيه يعني
بس مافهمت قصده يوم قال ..
يبين انج صغيره كيف تشتغلين ها الشغله ..
المهم طاف
كملت شغلي و جيه .. بس واايد كنت افكر ف ها الريال و ف الكلام الي قاله
*
*
*
سهيله ..
كملنا ساعه تقريبا وها بعده يلحقني .. حاولت اضيعه بس مارمت
كان شي اشاره جدامي وبعد شوي بتستوي حمره
سرعت عشان اطوف قبل ما تصير حمره .. و هو شوي بعيد ف ما بيلحق
طفت .. اطالعت ورا .. جفتهه طاف عقبي
بــــٍس ؟
يت سياره من الصوب الثاني ودعمته دعمه قويه
تميييت اطالع وانا منصدمه
شتتت شو سويت انا ..
حمااارره انااا حمااره
كله بسبتي .. وقفت ع طرف الشارع نزلت ركضت صوبه
وانا اصارخ : ابوووووووووووووووووووووييييي
نزل الريال الي دعمه : اسفف والله مش قصدي بس هوو الغلطان
وقته هاا
طنشته وحضنت ابوي
ماابيييه يمووت .. شليت فوني و دقيت ع الإسعاف
ماابيي ابوويي يموووت .. مااابيي
بيتم ابووي لو شو ما يسووي .. اناا السبب لو من البدايه وقفت جان ماصارله الي صار
كنت اصيح بهستيريه مارمت ايود عمري
لو صارله شي انا بنتحر لان بيكون بسببي
كملنا خمس دقايق و بعدهم ما وصلوأ وانا خايفه ع ابوي
صارخت : ويييننهممم شو يسوون هها الكثر
وطبعا الناس صوبنا بس ما اهتمييت
شوي و وصلوا وانا منهااارهه ركبت وياهم لاني مابروم اسوق
وطووول الوقت ادعي ان مايصيرله شي
ياااربب اححفظهه والله مابقدر أعيش بدونه
تمييت طوول الدرب ادعي ويوم وصلنا المستشفى دخلوه مادري ويين .. المهمم
شوي و فوني رن ..
كانت شموه ..
رديت عليها وانا اصييح
شموه : اوييه بسم الله شفييج ؟
سهيله : ابوووي
شمه : بلاااه ؟
سهيله : سوا حادث بسبتي :"(
شمه : شووو ؟ كييف ؟
ماقدرت ارمس و تمييت اصييح
شمه : انزيين والحين وينج ؟
سهيله : فـ .. المســ .. تشفــ ى
شمه : أي مستشفلى
سهيله : ***
شمه : انزين بي عندج الحيين وييت
**
نهااايه البارت
توقعاتكم ؟
شو كان يقصد هاك الريال بالكلام الي قاله حق مديه ؟
وسهيله ؟ بترد حق ابوها بعد الحادث الي صارله ؟
# مشاعر_قلم
احس شغلة مدية مخدرات او شي زي كذا .. من كلام الرجال حسيت
اما سهيلة قلبها بيلين وبترجع لابوها ويدورو مدية مع بعض
هذي مجرد توقعات .. واصلي ابداعك
انا بالانتظار
تحياتي
|
المشاركة الأساسية كتبها خـواطـر
جزء جميل ي مبدعة الدكتور سالم من اول مو مرتاحة له
احس شغلة مدية مخدرات او شي زي كذا .. من كلام الرجال حسيت اما سهيلة قلبها بيلين وبترجع لابوها ويدورو مدية مع بعض هذي مجرد توقعات .. واصلي ابداعك انا بالانتظار |
مشكووورهه ع الرد ي حووب :*
|
المشاركة الأساسية كتبها انا لكـ على طول خليكـ ليا
اتوقع مدية رح تحب الدكتور وليد والدكتور سالم يتاجر بالمخدرات … سلمت يداك بإنتظار التكمله
تحياتي |
شكرا ع الردد .. :*