وجد رواية كتير حلوة اتمنى تعجبكم وتتفاعلوا معايا لنكمل نهاية الرواية
الرواية راح تكون يوم الاحد .الخميس.الجمعة .والسبت
ورواية للكاتبة تعب اشتاق
لندخل فى اجواء الرواية
.
.
((بسم الله الرحمن الرحيـــــــــم))
حملوني هموم غيري مادروا إن همومي تكفيني
لقد رفعت الغطاء عن قلمي ليعبر عما في داخلي من شعور وأفكار ويكتب عن أحداث قصه من الواقع الممزوج بالخيال 0 أشخاصها هم أبطالها عاشوا في الحياة بين الفرح والحزن والسعادة والضيق
صديقاتي انقل إليكم اليوم قصه من وحي خيالي وآمل منكم التفاعل وإبداء أراكم بصراحة وإن شاء الله بتكون على شكل أجزاء وهي تحمل عنوان
(( حملوني هموم غيري مادروا إن همومي تكفيني ))
.
الجزء الأول
اليوم مثل كل يوم كانت ( جودي ) نايمة وما تصحي إلا إذا صحاها (خالد) إلي هو أخوها لكنها اليوم صحت على رن جوالها شافت الرقم طلع رقم (خالد) وردت
جودي :/ الوووووووو
خالد:/ هلا جودي ما صحيتي ؟
جودي :/ لا فيني نوم من سهر البارح
خالد:/ طيب أنا برى البيت وانتبهي لا تتخانقين مع أخوك وزوجته وإذا بغيتي شي اتصلي علي وان شاء الله إني ما راح أطول ok
جودي :/ ok بس بصراحة أخوك وزوجته يخوفوني
خالد:/ لا تخافين ولا شي وإذا كلموك لا تردين عليهم
جودي:/ إن شاء الله مع السلامة
خالد:/ مع السلامة
سكر خالد جواله ورجع لشغله عشان يخلصه ويرجع البيت 0 سمع صوت طق على الباب
خالد:/ تفضل
انفتح الباب ودخل صديق خالد وأخوه
وافي:/ السلام ( وجلس على كرسي مقابل لكرسي خالد)
خالد:/ وعليكم السلام غريبة تارك شغلك و جاي عندي
وافي:/ لا غريبة ولا شي بس المدير طلبني أنا وياك
خالد:/ ليه فيه شي ؟
وافي:/ لا ما فيه شي بس يبي يناقشنا في الشغل إلي مكلفك أنت تسويه وشغلي أنا ويشوف مين الأفضل لان عنده مكافأة
خالد:/ أكيد بيطول وأنا ما ابغي اتاخر على جودي
وافي :/ أنت قوم الحين وان شاء الله ما يطول
قام خالد و وافي وراحوا للمدير
أما جودي بعد ما سكرت مع خالد شافت الساعة كم طلعت 4 العصر وقامت من سريرها وراحت للحمام وغسلت وصلت وفتحت دولاب ملابسها وطلعت بنطلون جينز برمودا وبلوزه لونها زهر لف فيها ورده على جنب مشطت شعرها وكحلت عيونها وتذكرت شي نست تسويه إلي هو تتصل على صديقتها ولما جلست على السرير واتصلت
لمار:/ هلا والله شخبارك
جودي:/ أنا طفشانه و ملانه
لمار:/ ليش طفشانه
جودي:/ قاعدة لحالي وخالد طالع والحين أنا جالسه في غرفتي وأنتي تعرفين أخاف انزل تحت إبراهيم وزوجته ومالي خلق مخا نقهم لو كان خالد موجود كنت نزلت أنا رياه
لمار:/ أنا فيه سؤال في بالي عادي أسالك إياه؟
جودي:/ اسألي
لمار:/ ليش إبراهيم وزوجته دائما يتخانقون معاكم؟
جودي:/ والله أنا تعبت وأنا أدور جواب لهذا السؤال بس للحين ما لقيت الجواب تصدقين ان قبل وفاة أمي وأبوي كانت معاملتهم لنا غير ويوم توفوا وتركونا لحالنا انا وخالد انقلبوا علينا 0 ما أقول إلا الله يرحمهم ويدخلهم الجنة يا رب
لمار:/ إن شاء الله في الجنة تشوفينهم 0 طيب ايش راح تسوين الحين؟
جودي:/ 00000
لمار:/ جودي وين رحتي؟
جودي:/ معاك بس كنت أفكر وطرى على بالي فكره
لمار:/ يلا يا أم الأفكار قولي فكرتك
جودي:/ الفكرة الله يسلمك أني اخذ الكمبيوتر وانزل تحت 0 شرايك؟
لمار:/ صدق انك مجنونه لأبعد حد
جودي:/ ليش؟
لمار:/ بتشوفينهم تحت و تتخانقين معاهم
جودي:/ انا بايعتها وراح انزل
لمار:/ براحتك بس انتبهي لعمرك
جودي :/ ابشري يلا ما اطول عليك مع السلامة
لمار:/ مع السلامة وسلميلي عليهم
سكرتها 0 قامت من السرير ولبست الشبشب لونه زهر و خذت الكمبيوتر وجوالها ومشت لعند الباب وذكرت الله وفتحت الباب وطلعت وهي تنزل الدرج وتذكر الله وراحت للصالة وقفت كانت الصالة ما فيها احد والمكان هادي
جلست على الكنب قريب من الدرج فتحت الكمبيوتر وصارت تدخل من منتدى الى منتدى شافت الساعة لقت ما باقي شي على أذن المغرب حست انه فيه احد يطالعها رفعت رأسها شافت( مرام ) زوجة إبراهيم تطالعها بنظرات غريبة وكان ورآها شي مرت بسرعه وراحت للغرفه الثانيه شكت (جودي ) ايش عندها مع هالنظرات طنشت ورجعت نظرها للشاشة
أما (خالد) كان يستنى المدير يخلص علشان يرجع للبيت بسرعه لان حاس انه فيه شي بيصير
أبو تركي:/ خالد أنت معي؟
خالد:/ ها إيه معاك
أبو تركي:/ سمعت الكرم إلي قلته من شوي؟
خالد:/ أسف ما سمعتك
أبو تركي:م الشغل إلي وكلتك فيه عجبني والمكافأة بتكون من نصيبك إلي هي شقة باسمك وزيادة راتبك وإجازة لمدة 3 شهور وتستأهل على شغلك ما شاء الله عليك يا ولدي شغلك مضبوط
(خالد) ما صدق إلي سمعه لف على وافي يطالعه بنظرات غريبة وافي ما قدر يمسك نفسه من الضحك
وافي:/ هههههههه وش فيك عيونك شوي وتطلع من مكانها
خالد:/ بصراحة ما اصدق 0 مشكور يا ابو تركي
أبو تركي:/ على ايش تشكرني؟
خالد:/ على كل شي
أبو تركي:/ والله انك تستأهل أكثر خذ هذا مفتاح الشقة ورح لها أنت ووافي وشوفها وإجازتك تبدأ من اليوم ويلا تفضلوا
وافي:/ كان هذي طرده
أبو تركي:/ لا طرده ولا شي
خالد:/ حرام عليك يا وافي أبو تركي ما يقصد يطردنا يبينا نروح نشوف الشقة قبل ما يأذن
وافي :/ خلاص صدقنا يلا قوم يا خالد
خالد:/ مشكور مره ثانيه يا أبو تركي ويلا نستأذن إحنا
أبو تركي:/ إذنكم معكم
طلع خالد و وافي من عند ابوتركي0 خالد كان فرحان بالمرة لأنه بيفاجى جودي بالشقة لكنه بنفس اللحظة حاس إن فيه شي راح يصير بس ما يدري ايش هو لكنه حاول يبعد هالاحساس
اللي حسه فجاه .وحط فباله شي ويبغي يسويه..
أما جودي فكان الجو عندها هادى ما تغير فيه شي .أذن المغرب ولما سمعته صارت تردد معه .أول ما خلصت قامت من الكنب سكرت الكمبيوتر ولبست الشبشب سمعت صوت ورآها لفت
إبراهيم:/جودي
جودي:/نعم (عطته ظهرها و خذت الكمبيوتر ومسكته بيدها)
إبراهيم:/عطيني الكمبيوتر
جودي:/ليه..!؟(ولفت عليه)
إبراهيم:/عطيني الكمبيوتر ومن غير اسأله ولا والله لا تشوفين شي في عمرك ما شفتيه
جودي:/ما راح أعطيك إياه يعني ما راح أعطيك إياه فاهم ولا تبغاني أعيد كلامي (و عطته ظهرها ومشت للدرج عشان تصعد فوق)
مشي لعندها ,بس هي ما توقعت إن يكون ورآها ,مسكها من يدها ولفها له
إبراهيم:/إذا ما عطيتيني إياه بطيب,صدقيني راح أخذه منك بالقوة .فاهمه
حاولت أنها تبعد يده بس هو كان ماسكها بقوه
جودي:/بعد يدك عني ,وقلتلك ما راح أعطيك إياه
مسك الكمبيوتر وصار يسحبه منها, وهي كانت ماسكته قوه
إبراهيم:/اتركيه.
جودي:/في أحلامك
وما حست إلا وإبراهيم يمسك يدها الثانية بقوه ويرميها عالارض طاحت طيحه قويه و صقعت في الجدار .رجلها عورتها مره وكان ودها تبكي .بس ما تبغي تضعف قدامه ,حاولت إنها تقوم بس ما قدرت تسندت عاالجدار وقدرت تقوم وهي ماسكه الكمبيوتر
إبراهيم:/والحين شفتي وش راح يصير فيك ,يله عطيني إياه
ما ردت عليه وركضت بسرعة تبغي توصل للدرج.بس هو كان أسرع منها ومسكها مع شعرها مسكه حست إن شعرها تقطع
جودي:/اتركني..اتركني
مارد عليها وشدت يد إبراهيم عليها وما قدرت تتحمل أكثر مسكت شبشبها بيدها .و صقعته على وجهه وطاح عالارض لفت عليه وشافته .وفي يده شعرها متقطع ,ركضت للدرج وصعدت لفوق ودخلت غرفتها وقفلت الباب ,تركت الكمبيوتر على سريرها
وراحت لزاوية الغرفة واتصلت على خالد.
خالد كان في نفس الوقت كاتب طلبات يبغي يشتريهن .للشقة وأذن .قبل ما يشتريهن
وعطا الورقة هندي يعرفه وطلب منه يشتري الأغراض ويدخلهن الشقة
ولما كان بيطلع رن جواله ولما شاف الشاشة طلع (قلب أخوها)
خالد:/هلا جودي
جودي:/خالد ألحقني الله يخليك (وصارت تبكي)
خالد :/جودي ايش فيك ليش تبكين.؟؟
جودي:/إبراهيم (وسكتت لأنها سمعت صوت إبراهيم يطق الباب )
إبراهيم:/جودي افتحي الباب لأكسره
خالد:/جودي ايش هالصوت إلي عندك
خالد:/خالد تعال للبيت والله شوي وأموت..
خالد:/خلاص جودي أنا راجع بس خليك معي عالخط لا تقفلين
جودي:/طيب…..
خالد:/وااافي تعال معي بسرعة
وافي:/خير خالد …تبغي شي
خالد:/بقولك في الطريق بس أنت تعال معي الحين
وافي:/طيب.يلا
ركبوا السيارة .شغل خالد السيارة ومشي حط عالسبيكر .عشان يكلم جودي
بس كان يسمع صوتها وهي تبكي
خالد:/جودي …أنتي معي
جودي:/معك..وينك أنت؟؟
خالد:/أنا في الطريق…قوليلي ايش فيك ليش تبكين.؟؟
جودي:/إبراهيم طقني يا خالد طقني !..
خالد:/شلون …ليه؟؟
جودي:/يبغي يأخذ الكمبيوتر وأنا قلتله لا وطقني والحين أنا الحين في غرفتي وهو يطق الباب ..أسرع أحسه بيذبحني (وصارت تبكي بكي يقطع القلب..لدرجة ان خالد شوي ويبكي معها ,بس مسك نفسه)
خالد:/إذا ذبحك أذبحه .سمي بالرحمن و أنا الحين عند الباب بسكر عشان ما تسمعني
مرام ولا تفتحين الباب إلا إذا سمعتي صوتي
جودي:/طيب بس لا تطول
سكر منها,واتفق مع وافي انه يطلع جودي من البيت و يأخذها معه ويستنونه عند مبني قريب من شقته.,وهو بيلحقهم
فتح خالد الباب واشر لوافي انه ما يتكلم ولا يطلع صوت ..صعد لفوق وكان يسمع صوت إبراهيم …..ولما وصل عند إبراهيم
خالد:/إبراهيم
إبراهيم:/خير تبغي شي …
خالد:/أنت صاحي ولا مجنون ….شقاعد تسوي..؟؟
إبراهيم:/ شدخلك
خالد:/شلون شدخلني بعد يدك عن الباب
إبراهيم:/أقول قول لأختك تطلع من غرفتها بسرعه
خالد:/ما راح تطلع بعدين بأي حق تمد يدك عليها..؟؟
إبراهيم:/بأي حق …أنا أخوها
خالد:/وإذا كنت أخوها يعني تمد يدك عليها ..بعد عن الباب أحسن لك…
إبراهيم:/وإذا ما بعدت وش راح يصير يعني؟؟….
خالد:/أنا بقولك الحين وش راح يصير….
قرب خالد منه ومسكه بقوه ودخله غرفته وقفل الباب عليه وراح لغرفة جودي
طق الباب
خالد:/جودي افتحي الباب أنا خالد (وما حصل رد منها)
خالد:/جودي جودي …لا تخوفيني عليك ردي
وافي:/خالد ليش ما ترد عليك.؟؟
خالد:/ما أدري
.
واتمنى يعجبكم البارت واتمنى التفاعل
|
المشاركة الأساسية كتبها عشقي الشموخ
 أول شي يسعدني أني أكون من أول متابعينج و بداية موفقة أنشاء الله المهم نتريا التكمل بأسرع وقت
|
|
المشاركة الأساسية كتبها عشقي الشموخ
و إذا تبين تفاعل أرسلي للغراميات رسالة مثل : ( أتمنى تنوروني بروايتي رواية :حملــوني همــوم غيري مادروا إن همومي تكفيني "للكاتبة تعبت اشتاق" )
|
هلا حبيبتى الشرف لى وشكرا على نصحتك ياحبى اوك وراح انزل بارت لعيونك
|
المشاركة الأساسية كتبها اسيرة الماضى والذكريات
هلا حبيبتى الشرف لى وشكرا على نصحتك ياحبى اوك وراح انزل بارت لعيونك
|
أهلين و العفو
تسلمين
تذكر خالد أن معه سبير لغرفتها وكان في جيبه ..طلعه وفتح الباب
خالد:/جودي (سمت جودي صوت خالد رفعت رأسها ..وكان واقف قدامها نزلت رأسها
وهي تبكي )
جودي:/خالد أنا خايفه
خالد:/جودي لا تخافين أنا معك ..(قرب منها ومسك يدها)
يلا قومي معاي
مسكت يده وحاولت تقوم …وقامت بصعوبه …سمع خالد صوت إبراهيم يطق الباب
خالد:/أنتي الحين البسي عبايتك وخذي جوالك معك و بتروحين مع وافي بلحقكم
جودي:/لا خالد تعال معي
خالد:/جودي عشاني روحي مع وافي و أنا بلحقكم والله والله بلحقكم
أخذت جودي عبايتها و لبستها .وجوالها
خالد:/وافي (دخل وافي للغرفة)
وافي:/نعم
خالد:/يلا بسرعة روح أنت وجودي ..وبنفس المكان
وافي :/إن شاء الله….بسرعة جودي
مشي وافي وجودي تمشي ورآه …نزلوا الدرج ..وهي ما قدرت تكمل من رجلها وجلست عالدرج
وافي:/جودي ليه جلستي.؟؟
جودي:/ رجلي توجعني ما اقدر امشي منها
وافي:/ طيب تحملي شوي لازم نطلع قبل ما تشوفك مرام
كملت نزول الدرج وطلعوا وركبوا سيارة خالد وشغلها وبعد عن البيت وهي تبكي
أما خالد فتح باب الغرفة ودخل وكان إبراهيم جالس على الكرسي سمع صوت الباب قام من على الكرسي بيطلع بس خالد تكلم معاه ووقف
خال:/ أنا أبغى افهم شلون طاوعك قلبك تمد أيدك على أختك الوحيده وليه تمد أيدك عليها .. قولي ليه؟
إبراهيم:/ أختك قليلة أدب . ويبغى لها تربية من أول وجديد
خالد:/ ما اسمح لك تقول عنها هالكلام فاهم وإذا كان فيه احد قليل أدب فهو بيكون أنت وزوجتك. اسمع كلامي زين أنا وجودي بنطلع من البيت وماراح
نرجع مرة ثانيه . وان حاولت انك تعترض أو تسوي شي ثاني صدقني والله وأنا حلفت لأروح للشرطة وأقولهم انك ضاربها وتدخل السجن
طلع إبراهيم بسرعة من الغرفة . أما خالد فكانت دموعه على خده لان الموقف كان صعب عليه طلع شنطة ملابسه وجمع ملابسه وطلع من الغرفة وراح لغرفة جودي وجمع ملابسها في شنطه واخذ الكمبيوتر وطلع من الغرفة ولما وصل الدرج وقف شوي ورجع كمل نزوله طلع من باب البيت وقف يتأمل البيت من برا تذكر أيام أبوه وأمه عايشين وكان هو صغير وجودي معاه ما قدر يتحمل أكثر كمل مشيه وبعد عن البيت و ماكان عارف انه فيه احد يطالعه من شباك الغرفة إلي هو إبراهيم
دخلت عليه مرام
إبراهيم:/ شفتي إلي بغيتيه صار وطلعوا من البيت وما راح يرجعون مره ثانيه
مرام:/ شفيك إبراهيم ليش معصب ولا نسيت انك أنت بعد كنت تبغاهم يطلعون من البيت
طلعت مرام من الغرفة
أما جودي فكانت على حالتها تبكي….
وافي:/ جودي خلاص لا تبكين
ماردت عليه…رن جوال جودي خذته بسرعة وشافت ( توأم روحي) وردت
جودي:/ خالد أنت وين
خالد:/ شفيك جودي هدي أنا جاي لكم في الطريق بسيارة وافي
جودي:/ الله يخليك لا تطول
خالد:/ إن شاء الله
سكرت جوالها
جودي:/ وافي
وافي:/ نعم
جودي/ خالد جاي بالطريق
مرت دقيقتين كأنهم سنتين بالنسبة لجودي وسمعت احد يضرب على شباك السيارة
رفعت رأسها وشافت خالد فتحت الباب وحاولت تقوم بس ما قدرت . وافي نزل من السيارة
خالد :/ شفتي ما صار لي شي
جودي:/ الحمد لله بس أنت طولت (ونزلت راسها)
خالد:/ استني بكلم وافي و برجعلك
سكر الباب وراح لوفي
خالد:/ وافي
وافي:/ نعم
خالد:/ مشكور يا وافي صدق انك اخو وصديق
وافي:/ ولا يهمك ما دام أنا موجود اعتمد علي في كل شي وش راح تسوي الحين؟
خالد:/ خلاص أنا ما راح ارجع لبيت بروح للشقة الحين وبكره إن شاء الله نمشي للشرقية وبعدين المهم الصعبة إلي انت عارفها
وافي:/ فاهمك
خالد:/ الحين بأخذ الشنط من سيارتك
راح خالد للسياره واخذ الشنط وركب وافي سيارته ومشى . اما خالد فدخل السيارة وشغلها
خالد:/ جودي
……ما ردت
خالد:/ جودي وين رحتي
جودي/ هاااااا معاك
خالد:/ لا أنتي مو معاي
جودي :/ مافيني شي بس تعبانه شوي وابغي أنام
خالد:/ من ايش تعبانه
جودي:/ من الأحداث إلي صارت
خالد:/ هههههههههههه . المهم عندي لك مفاجأة إنما إيه تجنن
جودي:/ قبل ما تقول المفاجئة إحنا وين بنروح الحين
خالد:/ المكان إلي بنروح له هو المفاجئة . وبيتنا ما راح نرجع له مره ثانيه
جودي :/ خالد شفيك حرارتك مرتفعه
خالد:/ لا ليه؟؟؟
جودي:/ إحنا مالنا إلا بيتنا وأنت تقول ماراح نرجع ليه يعني وين نروح لجدي وجدتي؟
خالد:/ لا
جودي:/ اجل وينخالد:/ استني لما نوصل المكان بقولك كل شي
سكتت جودي وجلست تفكر بالمكان إلي يتكلم عنه خالد
وقف خالد عند بنايه فيها شقق . استغربت وين إحنا فيه لا أكيد خالد انجن
خالد:/ يلا انزلي
جودي:/ ليه انزل بعدين أنت ليه جايبنا لهذا المكان؟
خالد:/ الحين تعرفين ليه أحنا جينا هنا بس أنتي انزلي
خالد ما استناها تنزل نزل ونادى الحمال وعطاه الشنط واخذ الحمال الشنط وجودي تطالعهم وهي داخل السيارة فتح خالد الباب
خالد:/ يلا جودي
رفعت جودي رجليها علشان تنزل على الأرض حاولت تقوم بس ما قدرت وجلست وهي تتألم من رجلها
جودي:/ خالد ما اقدر رجلي ( قرب خالد منها )
خالد:/ طيب امسكي يدي ومسكت يده وحاولت تقوم وقامت قفل سيارته ( بالريموت) وكان يمشي بشويش . لما دخلوا البناية وقفوا عند المصعد ضغط الزر واستني لما ينزل ونزل ودخلوا تحرك فيهم .وانفتح مشوا لحد ما وصلوا لباب شقه مفتوح والنور مشغل دخلوا وجلست جودي على اقرب كرسي
جودي:/ والحين أحنا وين فيه؟
خالد:/ قبل ما أقولك اوديك للمستشفى؟
جودي:/ عشان رجلي لا ما أبغى الم بسيط عقب الطيحه وبيخف
خالد:/اللي أشوفه مو ألم بسيط ..أخاف يصير كسر؟؟..
جودي:/هههه لا شدعوه ..صح الطيحه قويه بس مستحيل يصير كسر
خالد:/ براحتك بس لازم يخف لان عندي لك مفاجأة ثانيه
جودي:/ ايش هي مفاجأتك؟
خالد:/ الحين بقولك بس أول شي بقولك ليش أحنا هنا
جودي:/ يلا قول
خالد:/ هذي الشقة لي أنا وياك ( قطعت عليه جودي كلامه)
جودي :/ شلون!!!!!!!!!
خالد :/لا تقاطعيني. هذي الشقة عطاني إياها المدير عشان الشغل إلي كان كلفني به وعجبه شغلي .. و عطاني هذي الشقة وإجازة 3 شهور وزيادة راتبي وخلاص من اليوم نجلس فيه ولا لنا رجعة عند إبراهيم وزوجته يكفي إلي صار لك اليوم منهم . مالنا رجعه لهم
جودي:/ خالد أنت أكيد فيك شي
خالد:/ ليه؟؟
جودي:/ ما ادري ما ادري خلاص أحس راسي بينفجر ( ما قدرت تمسك نفسها.. نزلت رأسها ونزلت دموعها) .
خالد:/ جودي لا تبكين والله دموعك غالية
قرب خالد عندها وجلس جمبها على الكرسي ورفع رأسها بيده
خالد:/ جودي أنت كذا تحسسيني بالذنب
جودي:/ ليه تحس بالذنب أنت ما كنت عارف عن شي
قطع عليهم صوت جوال خالد طالع الرقم ورد
خالد:/ هلا والله بأحلى خاله بالدنيا أخبارك؟؟…
جوان:/ هلا خالد . أنا بخير بس أنت شكلك مو بخير
خالد:/ لا والله ما فيني شي بس محلم فيك
جوان:/ والله ايش حلمك . يلا قوله بسرعة
خالد:/ هههههه يا حليلك صدقتي.. حلمت في ناس غير
جوان:/ عرفناهم حبيبة القلب صح أو لا
خالد:/ ما شاء الله عليك صح . صدق انك جنيه
جوان/ أنا جنيه اصبر لما أشوفك والله لا وريك
خالد:/ أتحداك هههههه
جوان:/ نشوف المهم ايش صار على الموضوع إلي قلتلك عليه
خالد:/ الحين ما فيه شي بس إن شاء الله بيصير
جوان:/ إن شاء الله . وين جودي عندك ؟
خالد:/ ايوه عندي بس ما اقدر أخليك تكلمينها
جوان:/ ليه؟
قال خالد السالفة لخالته لان ما يخبي عليها شي
جوان:/ خالد أنت صادق بالي تقوله ؟
خالد:/ أكيد صادق . الله يخليك لا تقولين لجدي وجدتي
جوان:/ طيب إذا سئلوا عنكم وإذا بغوا يتصلون عليكم في بيتكم سابقا
خالد:/ شوفي أنتي وينك فيه؟
جوان:/ في البيت
خالد:/ أنا عارف انك في البيت بس اقصد أنت في أي بيت ؟
جوان:/ آه في بيتي
خالد:/ أنتي قفلي الحين مني.واتصلي عليهم وقولي لهم إنا..أنا وجودي رحنا للشرقية .وإذا يبغون يكلمونها يتصلون على الجوال.شرايك ؟! ذكي صح
جوان:/ واثق لا غبي… طيب إذا شافك واحد من أخواني وعرفوا انك بالرياض مو بالشرقية
خالد:/ ما احد بيشوفنا لان صدق بنمشي للشرقية بكره
جوان:/ خلاص أنا بتصل عليهم الحين وإذا صار شي جديد في إلي بالي بالك قولي ok
خالد:/ ok ولا يهمك يلا سلااام
جوان:/ سلام
سكرها ولف على جودي
خالد:/ جودي الحين استوعبتي كل الكلام إلي قلتلك
جودي:/ ايوه…. بس شلون تقول لخالتي إنا بنروح للشرقية ؟!
خالد:/ ليه أنت ما تبغين تروحين للشرقية؟
جودي:/ أنا ما قلت كذا بس (قطع عليها خالد كلامها)
خالد:/ بس ايش أنا عندي إجازة وأنتي معطله .نروح لنا كم أسبوع ونرجع
جودي:/ طيب خلاص .كم الساعة معك؟
خالد:/ الساعة 9
جودي:/ جد والله ما صليت المغرب والعشاء….
خالد:/ طيب روحي صلي الحين
قامت جودي من على الكرسي وتمشي بشوي شوي ….كانت تحس بألم في رجليها بس ما تبغي خالد يحس بالذنب ..ودخلت الغرفة وغيرت ملابسها ولبست البيجاما لونها ابيض فيها دوائر وردي ..غسلت وصلت.. ولبست شبشب لونه وردي وطلعت وما حصلت خالد في الصالة .. مشت لما وصلت للمطبخ و شافته يطبخ ما قدرت تمسك نفسها جلست على الكرسي وهي تضحك
جودي:/ هههههههههه ..خالد شقاعد تسوي؟
خالد/ طيب .طيب .تضحكين علي ….
جودي:/ شكلك يخلي الواحد يضحك غصب .ما قلتلي شقاعد تسوي؟
خالد:/ احم احم …أسوي سلطه معكرونه
جودي:/ حركااااات تبغي مساعده ؟؟!!
خالد:/ لا خلصت .خذي معك البيبسي واجلسي بالصالة
خذت جودي البسي وطلعت من المطبخ ..جلست على الكرسي بالصالة تستني خالد:/ أنا جيت
جودي:/ بسرعة مت من الجوع
خالد:/ ههههه يلا
حط خالد الصحن على الطاولة وجلسوا ياكلون وهم ساكتين.. وخلصوا
جودي :/ الحمد لله.. تجنن ايش هالحركات.خلود..!!
خالد:/ والله …أعجبتك؟
جودي :/ تجنن… بصراحة اشك انك أنت مسويه….
خالد:/ خير شقالولك جودي
جودي:/ حدك عاد
خالد:/ يلا خلينا نقوم نغسل وننظف المكان ونجلس عند الكمبيوتر مشتاق له مره
جودي:/ يلا
قاموا . وغسلوا . ونظفوا المكان….
خالد:/ اوووه تعبت وأخيرا
جودي:/ يلا قوم .. نروح للصالة نجلس أنا تعبانه مره
خالد:/ok أنتي اجلسي وأنا أروح أجيب الكمبيوتر
راحت تجلس بالصالة وخالد راح يجيب الكمبيوتر من غرفته …….كانت سرحانة وقطع عليها صوت رسالة من جوالها أخذت جوالها وكانت الرسالة من لمار وهي تقرا الرسالة إلا وخالد يجي ويجلس .. هي ما حست به…. إلا وهو يقرب وصار يقرا الرسالة معاها
جودي:/ خالد شتسوي …!؟
ما رد عليها
جودي :/ إلي اخذ عقلك يتهنى به….
خالد:/ شفيك ؟
جودي:/ أنا إلي شفيني ولا أنت إلا شفيك .. عيب تقرا الرسالة من سمح لك؟؟
خالد:/ أنا سمحت لنفسي ألا أقول جودي….. هذي الرسالة من لمار صح…؟؟
جودي :/ صح يا ذكي
خالد:/اهااا….يلا أنا جبت الكمبيوتر!!..
جودي:/حلوه التصريفه..
خالد:/لا تصريفه..ولا شي
جودي:/خلاص هالمره بعديها لك…
خالد:/ههههههه…حلوه ..
جلسوا عند الكمبيوتر لما صارت الساعة 4ونص……….
جودي:/ الساعة 4ونص ….ماحسيت بالوقت
خالد:/جد…4ونص ماباقي شي على الأذان…
جودي:/يلا خلنا نسكر الكمبيوتر .
خالد:/ ايوه ..عشان إذا أذن نصلي ونناااام..ونصحي مبكر…ونمشي للشرقية….
جودي:/ طيب ….
سكر خالد الكمبيوتر وكل واحد مشي لغرفته…..وقفت جودي …
جودي:/ خـــالد
خالد:/ نعم
جودي:/تصبح على خير ولا تنام إلا وأنت مصلي
خالد:/ وأنتي من أهله….
كل واحد منهم دخل غرفته ….وباله مشغول ..
جودي تفكر في الأيام الجايه ايش راح يصير فيها…و ايش راح يصير في خالد..؟
أما خالد ….فكان باله مشغول بأشياء كثيرة..يفكر في جودي ..وفي ردة فعلها إذا عرفت
…(بس بأيش )
ويفكر في جده وجدته ..؟؟وفي قلبه اللي راح يتركه في الرياض ….!!!
وحس انه محتاج لامه وأبوه …فها لحظه …سمع صوت الأذان وقام يغسل وصلى وقرا قران…وغير ملابسه ولبس بيجاما لونها اسود ومقلمه بأبيض….ونام وحط أمل أن بكره راح يكون أحسن من اليوم…
أما جودي صلت…وقرأت قران ..ونامت… وعندها أمل أن كل شي بيرجع مثل قبل مع إبراهيم…
أما إبراهيم فكل الليل مو قادر ينام ..يفكر في أخوانه..بس بعد ماصلى وحط رأسه عالمخده نام على طول
………..
………..
طلعت شمس يوم جديد على أمل أن كل شي يرجع مثل قبل وأحسن…
في بيت إبراهيم… الساعة 8صباحا
مرام وهي تصحي إبراهيم…
مرام:/ إبراهيم اصحي تأخرت على دوامك…
إبراهيم:/مرام اتركيني أنام ساعة …
مرام:/طيب
طلعت مرام من الغرفة …وهي تنزل قابلتها (بسنتي)
بسنتي:/ ماما هزا راكان …ماياكل
مرام:/ طيب…أنتي روحي للمطبخ .. وجيبي لي كأس مويه بارد
نزلت مرام…وبسنتي دخلت المطبخ…مشت مرام لما دخلت لصالة وشافت راكان
جالس عاالأرض ويلعب بالألعاب ….
مرام:/راكان..ليش ما أكلت شي.!؟.
راكان:/ماما ما أبغي أكل ثي ..أبي العب مع دودي
سكتت مرام…وجلست عالكرسي ..وكان راكان يطالعها بعيونه…وشافها شلون
تطالع…وكان شكلها وحده معصبه ..
تجمعت الدموع فعيونه…وصار يبكي رجعت بسنتي ومعها كأس المويه عطته مرام
و راكان يزيد في بكي مرام عصبت بقوه وقامت …وصرخت عليه
مرام:/ خلاااص
راكان خاف قام…واخذ لعبته وطلع من الغرفة وهو يركض دخل غرفة جودي وما حصلها
انسدح على سريرها..وهو يبكي
راكان:/دودي ..دودي …(ونام وهو يبكي)
صحى إبراهيم بعد ساعتين نزل وهو معصب ..دخل للصالة وشاف مرام جالسه
إبراهيم:/مرام ليش ماصحيتيني..؟؟
مرام:/ صحيتك بس أنت ما صحيت أنا ايش أسوى لك
إبراهيم:/ تأخرت على الدوام ….مع السلامة
طلع وهو معصب ركب سيارته ومشي بسرعة …لما وصل دخل المكتب …وطلب من
السكرتير يجيب أوراق…وجلس على الكرسي وتذكر اخوانه….وصار يكلم نفسه
أكيد بيرجعون للبيت وين راح يجلسون فيه عند جدي وجدتي مستحيل
أحسن شي انسي لأنهم راجعين للبيت راجعين ..أول ماجاب له السكرتير الأوراق
نسى سالفة أخوانه وجلس يشتغل…
ورجع البيت الساعة 1ونص ….وهو تعبان دخل البيت وجلس على الكرسي في الصاله
فتح ازارير ثوبه وفسخ شماغه والتعب باين على وجهه…
إبراهيم:/مرام ….مرااام ….(وصار ينادي بصوت عالي…دخلت عليه بستني.)
بسنتي:/نعم بابا
إبراهيم:/وين مرام
بسنتي:/هزا في روح لبيت أخت مال هي..
إبراهيم:/طيب راكان وين.؟؟
بسنتي:/راكان في نوم في غرفة ماما جودي …بابا في ابغي غدا
إبراهيم:/لا
وطلعت بسنتي …وقام إبراهيم وصعد لفوق ودخل غرفة جودي
وشاف راكان نايم ..قرب منه وباسه على جبينه وغطاه بالبطانية و
طلع من الغرفة…ودخل غرفتة وغير ملابسه ونام …
أما لمار لما صحت من النوم وكانت الساعة 3 العصر وتحس أن في شي صار..! أو بيصير…!!! وتحس نفسها مو مرتاحة…ونزلت تحت عند أمها…وما غيرت ملابسها كانت لابسه بيجاما
لونها احمر وفيها أرانب لونها ابيض وشعرها تاركته مفكوك وكان شعرها يوصل لتحت أكتافها .وأسود ..
ودخلت على أمها في الصالة وجلست الكرسي
أم فراس:/ لمارا…شفيك اليوم صاحية مبكر..؟؟!!
لمارا:/هههههه مبكر …مأدري يمه بس …….!!!(كانت بتكمل بس سكتت)
أم فراس:/بس.. أيش.؟؟(قامت من مكانها اللي هي جالسه فيه وجلست عند لمارا)
لمارا:/يمه مأدري بس حاسة أن في شي صاير وأنا مأدري عنه…أوشي بيصير
أم فراس:/ يابنيتي أذكري الله
لمارا:/لا إله إلا الله محمد رسول الله..يمه أنا بصعد فوق لغرفتي…
قامت لمارا وصعدت فوق لغرفتها..أذن العصر وصلت..جلست عند الكمبيوتر
لما صارت الساعة 4وربع …استغربت أن جودي ما اتصلت..أخذت جوالها واتصلت عليها..
جودي كانت نايمه ولما سمعت صوت جوالها أخذته وردت بدون ما تشوف مين…!!!
جودي:/الوو..!!
لمارا:/جودي نايمه …
جودي:/هلا لمور….ايوه نايمه..
لمارا:/اصحي الساعة 4وربع
جودي:/والله…(وتقوم وتبعد البطانية عنها وجلست على طرف السرير )
لمارا:/والله …جودي صوتك مو عاجبني فيك شي .؟!؟
جودي:/(سكتت..وتذكرت كل شي صار أمس )
لمارا:/جودي تكلمي …
جودي:/آه يالمارا شقول ..!!
لمارا:/ لاتخوفيني…تكلمي
جودي:/ ما أقدر أقولك بالتفصيل بس اللي أقدر أقوله..أنا وخالد مو بالبيت ولا تتصلين على تليفون البيت وبعد شوي رآح بنمشي للشرقية
لمارا:/جودي ..أنتي شقا عده تقولين ..؟!
جودي:/لمارا أنا نفسي مو مستوعبه كل اللي يصير…
لمارا:/طيب…ليش طلعتوا من البيت .؟؟
جودي:/ هذي سالفة طويلة…والحين ما أقدر أقولك إياها..
لمارا:/ طيب توعديني انك تقوليلي السالفة
جودي:/ وعد..
لمارا:/يلا سلام
جودي:/سلام
سكرت جودي وقامت من سريرها وراحت تغسل …صلت وغيرت ملابسها
ولبست بنطلون اسود وبلوزه كت لونها ابيض وفيه خطوط باللون الرمادي
..ربطت شعرها وكان شعرها يوصل لنص ظهرها..وأسود…
طلعت من غرفتها وعلى طول دخلت المطبخ صلحت القهوة وفتحت الثلاجة
وشافت "سنيكرس"و "جالكسي"..أخذت 4 حبات وسكرت الثلاجة وطلعت
صينيه حطت فيها القهوة وفنجالين .., سنيكرس و جالكسي..طلعت من المطبخ وتركت الصينية في الصالة ….وراحت لغرفة خالد..فتحت باب
غرفته وكانت الغرفة باردة وخالد متمسك بالبطانية قربت منه
جودي:/ خالد…………خالد…
ولا رد خافت يكون فيه شي قربت أكثر وهزت كتفه
جودي:/ خـــــــــــــالد
فتح عيونه وصار يطالع فيها
خالد:/ نعم
جودي:/ قوم الساعة 4ونص
قام وبعد البطانبه عنه
خالد:/ والله
جودي:/والله يلا قوم والقهوة تستناك في الصالة
خالد:/ وقهوة بعد….يلا بقوم
ولما كانت جودي بتطلع وقفها صوت خالد…لفت عليه
خالد:/جودي
خالد:/ نعم
خالد:/ جهزتي شنطتك .؟؟
جودي:/ لا
خالد:/ طيب الحين جهزيها لان بعد القهوة راح نمشي
جودي:/ عن شاء الله
طلعت جودي ودخلت غرفتها…..جهزت شنطتها ..وأول ماخلصت
طلعت من الغرفة وهي ماسكه الشنطه بيد …و العباية باليد الثانية
وجلست عالكنب تستني خالد
ولما طلع خالد كان لابس ثوب ابيض و شماغ طالع شكله يجنن
راح أوصف شكل جودي خالد(طويل وجسمه رياضي خشمه طويل حواجبه مرسومه وعيونه سود وابيض وحاط سكسوكه .وعمره23..)
جودي(طولها مثل طول خالد شعرها طويل اسود يوصل لنص ظهرها عيونها عسلية مملوحه بشكل مو طبيعي وتشبه خالد..ونحيفة وعمرها 18)
خالد:/ الله أيش هالريحة..؟؟تجنن
وجلس
جودي:/ ريحة القهوة
خالد:/ أنا عارف…..يلا صبيلي بسرعة (ولما رفع راسه شاف شنطة جودي في الصالة) ليش شلتي شنطتك .؟؟ ثقيلة
جودي:/ لا مو ثقيلة ..أنت وين شنطتك..؟؟؟
خالد:/ في الغرفة
تقهو …………..وهم ساكتين وكل واحد في عالم ثاني
جودي:/ خالد
خالد:/ نعم
جودي:/ تتوقع كل شي يرجع مثل قبل..؟؟
خالد:/ بصراحة (سكت حس الكلام إلي راح يقوله قاس على جودي
بس لازم يقول) بصرااحه لا
جودي:/ ليش.؟؟
خالد:/ بيروح الوقت وإحنا نتناقش في هالسالفة… بوح انادي الحمال
عشان يأخذ الشنط وأنتي شيكي على الشقة
جودي:/ طيب
وقامت جودي ولما كانت بتدخل المطبخ وقفها صوت خالد
خالد:/ جودي
جودي:/ نعم
خالد:/ رجلك تعورك للحين..؟؟
جودي:/ (وهي تبتسم) لا
دخلت جودي المطبخ ومعها صينية القهوة ..نظفت المطبخ …
وطلعت لبست عبايتها ..وصارت تطالع في الشقة..طلع خالد من غرفته
خالد:/ جودي يلا
جودي:/ طيب الشنط وين ..؟؟
خالد:/ أخذهم الحمال للسيارة
جودي:/ متأكد انك مانسيت شي
خالد:/ ايوه متأكد
سكر خالد باب غرفته وطلعوا من الشقة…ودخلوا في المصعد ولما نزل طلعوا منه…وركبوا السيارة وأخذوا طريقهم للشرقية وكانوا ساكتين
قطعت جودي هالسكوت
جودي:/ خالد متى راح نوصل..؟؟
خالد:/ باقي ساعتين
جودي:/اهااا …طيب(وسكتت)
خالد:/ شفيك في كلام تبغين تقولينه..!!!؟
جودي:/ راكان…
خالد:/ شفيه.؟؟
جودي:/ اشتقتله أكيد الحين جالس لوحده ويبغى أحد يلعب
معاه …مأدري أيش راح يسوي.؟؟
تذكر خالد راكان ..وابتسم …كان ما أحد يهتم فيه ألا جودي وخالد أمه
ما تجلس في البيت وأبوه 24ساعه شغل…
خالد:/ تصدقين حتى أنا اشتقتله…بس أيش نسوى وبعدين بعد إلي سواه
فيك إبراهيم فيك مستحيل نجلس في البيت…
وسكروا عالسالفه…. وصلوا وكانت الساعة 7 وربع
جودي:/ وأخيرا وصلنا…(و تعدلت في جلستها)
خالد:/ لهالدرجة..؟؟
جودي:/ وأكثر….!!!!!
أما إبراهيم… صحي على صوت راكان ..
راكان:/ بابا ..بابا قوم
إبراهيم :/ راكان بعد عني
راكان:/ بابا (تمسك في بطانية أبوه وصار يبعده عنه عشان يصحي)
إبراهيم:/ راكان حبيبي روح العب
نزل راكان راسه ونزل من سرير أبوه وطلع من الغرفة
وهو رجع ينام …أول ما رجع راسه على المخدة سمع صوت جواله
أخذه وكانت مرام ..رد
إبراهيم:/ نعم …(وهو معصب)
مرام:/ السلام عليكم
ولا رد ساكت
مرام:/ليه ماترد السلام
إبراهيم:/ شتبغين..؟؟متصلة..
مرام:/ متصله…عشان اصحيك لأن الساعه 7وربع ..وأبوي عازمك
عالعشا
إبراهيم:/ وبعدين.!!.؟
مرام :/إبراهيم ليش معصب.؟؟
إبراهيم:/ ماعصبت ..,أنا ماراح أجي
مرام:/شقول لابوي .؟؟
إبراهيم :/ قوليله أي شي والحين بسكر برجع أنام
يلا سلام
وسكر قبل ماترد قام صلي العصر والمغرب …ورجع ينام وراكان
جلس يلعب في الصالة من بعد ماطلع من أبوه ..ونام وهو يلعب
عالارض ..
اما لمارا كانت كانت جالسه حديقة بيتهم تسقي الزرع ..وتفكر في جودي
ايش صار لها مع إبراهيم ….معقولة يكون مد ايده عليها…؟؟لا مااعتقد…!!
حست أن مخها بينفجر من كثر ماتفكر قطع عليها صوت فراس (أخوها)
فراس:/ لمارا
لمارا:/ نعم…..
فراس:/ ماغيرتي ملابسك .؟.؟
لمارا:/ ليه اغيرهم ..؟؟
فراس :/ انتي ماتعرفين ان احنا راح نروح لبيت خالتي..!!
لمارا :/لا ماأدري…
فراس:/ يلا…روحي غيري ملابسك ولا طولين ولا أمشي عنك..
لمارا:/شلون ….انت الي راح تودينا.؟؟
فراس:/ ليه ..مامليت عينك
لمارا:/ لا ..هذا إلي ناقص ف 3/م ويسوق بعد
و عطته ظهرها ومشت …
طبعا فراس ماراح يعديها لها قام أخذ الرشاش المويه ورشه عليها
وصارت تركض وهو وراها
لمارا:/ يا بزر بعـــــــــد
فراس:/أنا بزر هين لمارا
أيش راآآح يــصير لخــآآلد وجـودي في الــشرقيهـ.؟؟
مـرآم أيش رآآح تســوي مع إبــراهــيم ,؟؟
عــطــوني رآآآيكم في التـــكملهـ وبـصرآآحهـ..,!!
خالد و جودي://لا تعليق بس ما فهمت شغل خالد ايش؟؟؟
مرام و أبراهيم ://أحس مرام ما راح تتحمل تصرفات ابراهيم و راح تتطلق منه
الليدي ديان
|
المشاركة الأساسية كتبها عشقي الشموخ
البارت روووووووووووووووعة
|
انتى الروعة
|
المشاركة الأساسية كتبها الليدي ديان
أهلين روايتك روعه
خالد و جودي://لا تعليق بس ما فهمت شغل خالد ايش؟؟؟ مرام و أبراهيم ://أحس مرام ما راح تتحمل تصرفات ابراهيم و راح تتطلق منه الليدي ديان |
اهلين حبيبتى شكرا راح يبان شغل خالد مع البارتات وشكرا على توقعك واتمنى يكون صح وفى محالة