رواية أخذتي عقلي من النظرة الأولى / بقلمي , كاملة 2024.

*******
نعرفكم عن اول عائلة لنا بالرواية ابو خالد
ابو خالد:واحد غني مرة ويمتلك اكبر الشركات
مغرور حيل ورافع خشمه على اخوانه حتى سلام مافي عمره 48
ام خالد:من طقة ابو خالد الغرور فيها شيي يالطيف وتحب الفشخرة

والكشخة واهم شي عندها جمعات الحريم تتكشخ وترفع خشتها وتروح
لهم حتى الحريم صاروا مايميلون لها لانها وايد شايفة نفسها عمرها 39
اكبر ولد خالد:فيه شوية غرور ولاعنده بر
لامه وابوه ودايم يختفي من البيت
ويسافر بدون لايخبر حد طويل ومفتول العضلات طالعة عليه روعة
وخشمه طويل عمره 24

ثاني واحد ريان:طيب مرة وحنون بالذات على اخته جودي
يهتم فيها اكثثثر شي ويموت فيها عمره 20 يدرس برا بإيطاليا
سارا مثل اخوها مغرورة ومع اي حد لما تتجمع

تكلمهم من طرف خشمها زي امها وماصار حد يحبها مرة مو
اجتماعية وحابسة نفسها دايم بالغرفة ماتخرج عند اهلها او
تتكلم معاهم عمرها 18
الغرور بالعائلة كللهم عدا ريان وطبعا بطلتنا

جـــــــــــودي:بنت طيـبة بكل ماتعنى الككلمة وحبوبة مرة
الكل يموت فيها هي ريان لانها غير عن العائلة مافيها غرور حييل
دايم مع عيال عمها لانه ماعندها بنات بقدها ولايهتمون لها
طويلة ونحييفة مرة ماتحب شي اسمه الاكل واخوها ريان يغصبها
على الاكل شفايفها توت وصغنونة وخشمها سلة سيف وعيونها عانسة
ولونها أخضر فااتح طالعة العيون لامها
شعرها ذهبي وطويل لنص ظهرها عمرها 13
وطبعا ماننسى اختها سمر مايحتاج اقولكم شي عننها مثل اهلها عمرها15

*******
بالــــــــــــمسـاء
جودي جالسة تنتظر امها وسمر حتى يخلصوا
كان شكلها نعومي مع الفستان الزهري الطايح
والجكيت الابيض نص كم مع وجهها الطفولي والبريء
نزلت امها الي كان وجهها لوحة الوان من كثر ماحطت مكياج وظل
جودي:ماما اش هاذا مسحي شوي او خففي
ام خالد:خير ان شاء الله سكري فمك وامشي يلا وين اختك سمر
سمر وهي نازلة على الدرج:جييت امي
سمر لبست بس العباية وكانت فاتحة كل ازرار العباية
ونص جسمها مبين وطلعت ولاهمها حد
جودي
(اش هاذا حتى الزيارة غصبا اف الله يعيني )

*******
لبست عبايتها وصارت تجري بسرعة لحد الباب بس وقفها صوت…ِ
زياد بهدوء:وين رايحة الاخت
ملاك بإرتباك:رايـ ـحة لمـ جد
زياد:طيب اوصلك الحين ليل والله اعلم وش بيصير
ملاك بخوف:لا عادي كلهم موجودين هنا
زياد بشك:طيب واتبهي لحالك
ملاك بإبتسامة عذبة:من عيوني يلا سلام
زياد:بحفظ الله
طلعت ملاك بسرعة
زياد قفل التللفزيون بملل وأتصل على صاحبه او بالاحرى تؤام روحه
علي:هلا والله بزياد ابو الشباب
زياد بصوته الثقيل والفخم:هلا
علي:كيفك
زياد بملل:زهقـان
علي بضحكة:ووين بنت الناس
زياد ابتسم:راحت
علي:عيني عينك تعال انا مع الشباب
زياد:ان شاء الله
علي:نتسناك سلام
زياد:سلام
قفل منه وراح يتجهز للروحة عند الشباب

زياد بطلنا الثـاني
زياد يتصف بأحسن مواصفات
الطول الفارع والابتسامة الجذابة
والشعر الاسود الكثيف والناعم شوي
زياد مثله مثل اي انسان ثاني مايهتم بحركات الشباب
دايم حياته ملل مافيها اي شي جديد
بس مايخلو من التواضع عمره 19 يدرس بثاني جامعة
عائلة ابو زياد
ام زياد وحدة حنونة مرة على زياد لانه ولدها الوحيد
ابو زياد كمان حنون وطيب على ولده زياد
واي شي يبيه يعطيه حتى ملاك يعتبرها مثل بنته

ملاك تصير لام زياد بنت خالها عمرها 15 عندها سر بس ماحد يعرفه
غير مجد بنت جيرانهم
ابوها وابوها توفوا بحادث قبل نص سنة

طبعا حالتهم المادية وسط

******
مجد:ماحد شافك
ملاك تلهث من الجري:لا ..بس سألني زياد قلت له جاية لك
مجد بغمزة:واو الولد الخوقاقي الي عايش معاك ياعيني
ملاك تضربها بخفة ورا ظهرها:اسكتي يلا ماعندنا وقت خالي بيجي بعد شوي
مجد:طيب يلا تعالي

******

:-ومتى جاء
:-مابعرف سمعت اهلي يتكلمون عنه وسمعت قالوا انه جاء
تتصنع بلا اهتمام-:طيب
-:طيب لجين لو قالك…ِ
لجين بعصبية خفيفة:ريم كم مرة تسأليني هالسؤال وللمليون مرة أقولك لا
يعنــــــــــــــــــــــــــــــــــــــي لا
ريم بسرعة:خلاص خلاص ….ايه صح تجهزي لان منى بنت خالتي بتزورنا
لجين:طيب يلا طلعي
ريم طلعت وسكرت الباب جات ميهاف اختها قدامها:ريم يالخبلة دايم متهورة
ريم:ووشو؟
ميهاف تقلدها:وشو…ليش قلتي للجين انه جاء
ريم:اجل وش اقول
ميهاف:مو لازم تقولي شي بس الازم تسكري فمك وتبلعي لسانك
ريم تعدتها:مع نففسك ياقلبي
بالغرفة غرفة لجين
كانت تبكي وتصيح بس بدون صوت:وقته يجي الحين الحين يعني
اه ياربي صبرني
فتحت الدرج وطلعت الخاتم وتمت تناظر فيه
رمت بأقوى شي عندها وطاح على الارض:اكرررررررهك
ودمعت وقالت:ليش انكر دايم قدامهم لييييييش

******
جودي فصخت العباية وجلست بجنب امها وهي بالمرة مو طايقة الجلسة هنا
جلست جنبها امراءة ماتتعدى الخمسين من العمر:ممكن اجلس جنبك
جودي بإبتسامة:عادي
جلست بجنبها ومدت يدها:انا منال وانتي
جودي صافحتها:جودي
منال:جودي اها اسمك حلو
جودي:تسلمي من ذوقك
منال
(ماشاء الله عليها شكلها حلوة ومتواضعة ربي يحفظها)
منال:ماشاء الله عليك جودي كم عمرك
جودي:13 وبضحكة قالت:وانتي
منال:تقدري تقولي 45
جودي اكتفت بالابتسامة
منال اعجبت فيها مرة رغم صغر سنها
سلمت على ام خالد
منال:كيفك ام خالد
ام خالد من طرف خشمها:بخير
منال
(مثل ماقالولي مغرورة وايد)
جودي كانت تناظر الحريم وحدة وحدة
وتعلق عليهم بنفسها
(اما هاذي كأنها عامود كهرباء اللهم لاشماتة)
تأففت وقامت:ماما بروح اطلع شوي طفشت
ام خالد بهمس:طيب بعدي بعدي خليني اشوفها وش لابسة
جودي بعدت والتفتت للحرمة الي تنشد عنها امها:يارب ثبتنا على العقل
طلعت لبرا وشعرها يتطاير من الهواء البارد
لفت نظرها لتحت لتناظر ولد عمها مروان وعلي وبعض الاولاد ماتعرفهم
مروان بصوته العالي:جوووووووودي
جودي بإبتسامة:هلا
مروان يقلد امها:رروحي روحي لايشوفوك مع ولد الفقر
وضحك:ههههه
جودي ماعجبتها كلمة مروان بالمرة
مروان:نزلي عندنا
جودي:بس اشوف امي
زياد يكلم علي:هذي هي بنت عمك الي تقول عنها مغرورين حيل عائلتها
علي:لا هي غير بس اهلها
زياد:اها

نسينا نعرفكم على علي
الي يشوفه يقول تؤام لريان ولد عمه
قصير شوي بس طوله مناسب له
وأسمر شوي وملامحه حادة ورووعة عليه
عمره 21
******
جودي:ماما
ام خالد بنفس خايسة:اوريها هالعجوزة المخرفة
جودي:؟؟ماما
ام خالد:خير
جودي:طفشت مرة ابي اطلع
ام خالد:تراك طفشتيني وبعدين طلعي ايه عشان نشوف بكرة بالاخبار انك
ضايعة
جودي:لا علي ومروان وكلهم هنا هم قالولي تعالي
ام خالد:يالفشيلة جنيتي ولا ايش تبي تطلعي مع عيال عمك ووين هنا قدام الكل
جودي:يالله صبرني طيب بنبعد
ام خالد بنفاذ صبر:خلاص قلعي انتي ووجهك ناوية يعني ناوية تفشلينا
جودي فرحت وراحت تجري لبرا
مروان:مابغت امك تطلعك
جودي ضحكت:ايه والله تقولي ناوية تفشليني يعني بتفشليني
علي
(خالتي شكلها بتخرب عقل جودي)
حمد جا من ورا وحضن جودي وصار يدور فيها:يالله ريشة
جودي:ههههههه نزلني
حمد نزلها:طالعة حلوة اليوم جودي
جودي تناظر نفسها من تحت لفوق:اصلا كنت في عزيمة يالله تقول
كأنك بحفلة تنكرية
كلهم:هههههههههه
جودي:الي مسوية سنابل جمل والي عاملة ستارة هي وكدشها
:هههههههههه
علي التفت له:ما اقولك الحريم عليهم شي
زياد يناظر بجودي:رهيبة هالبنت اسمها جودي!؟
علي غمز له:ايه جودي مانبي مغازلات
زياد درزه:تستهبل انت ووجهك انتغزل ببنت صغيرة مثلها
سمع صوتها من ورا التفت لها
جودي تتخصر:والله اذا انت تشوفني صغيرة انا اشوف نفسي كبيرة
زياد يمثل:لا ياروحي وقلبي انتي غيير صج انتج كبيرة
وماشاء الله عليك ذكية

جودي ببراءة:فديتك
زياد ابتسم لها
وبسرعة افتكر ملاك:عن اذنكم شباب شوي
راح لمكان فاضي وهادئ مافيه حد اتصل عليها كان مشغول
بعدين اتصل كم مرة لحد ماردت:الو
زياد:ملاك وينك الحين
ملاك توترت وقالت:الحين راجعة البيت معاي احمد
أحمد اخو مجد
زياد بعصبيةخفيفة:كيف تخلي واحد يوديك وماتعرفيه
ملاك:لا مـ عأاي مجد
زياد تنهد بإرتياح:اها طيب يلا مع السلامة
ملاك:بااي
قفل منها ورجع للشباب
زياد يسأل علي:وين مروان
علي:وين يعني راح هو وجودي
زياد:طيب ماشبعنا منه على طول هرب
علي:هههه لا بس هو دايم ينبسط مع جودي
زياد:ههههههههه كيف ينبسط معاها
علي:ايه عادي حتى انا احب اسولف معاها
زياد أكتفى بالسكوت فقط