موضوعي هالمره عن الباذنجان (البيدجان)وعن اطباقه الرائعه وبجد هو سيد المقبلات بس لذته ان يكون مقلي بس مشكلته شدة امتصاصه للزيت ابعرض لكم طريقتين للتقليل من هالمشكله:
الاولى:دهنه بشوية زيت ورشة ملح وشويه بالفرن او بالشوايه الكهربائيه ولازم ياخذ وقته عشان يستوي
الثانيه:تقطيعه ورشه بالملح ويفرش بفوطه او مناديل المطبخ ويغطى بها ويترك لمدة ساعه بعدين يجفف زين من المويه اللي طلعت منه بعدين يقلى هالطريقه تقلل من امتصاصه للزيت..
الحين ابعرض لكم بعض من الاطباق الشهيره اللي بالباذنجان او البيدجان,,,
يتبع… .gif "Graaam (271)")
ط1/سلطه مقطعه عباره عن بصل اخضر وبقدونس وفلفل اخضر ترش بليمون
ط2/باذنجان مقطع مكعبات ومقلي
ط3/حمص حب مسلوق
ط4/صوص عباره عن زبادي وطحينه وثوم وليمون وملح
ط5/خبز مقطع ومقلي
يزين ببقدونس او شيبس دوريتس او صنوبرمقلي ويقدم….
—————————————————-
المتبل وبابا غنوج//
نشوي الباذنجان ويفضل يكون من الحجم الكبيربالفرن ويقلب بعد مده تقريبا يبغاله ساعه عشان يستوي ,,بعدين نقشره ونقطعه قطع كبار ونرش عليه عصير الليمون ونحطه بحافظه ونحط شوية زيت بقصديره داخل الحافظه ونحط عليه فحمه مشتعله ونسكر الحافظه عشر دقايق> هالخطوه اختياريه عشان تكسب الباذنجان طعم الشوي<
ناخذ نص الباذنجان ونحطه بمحضرة الطعام>لايوضع بخلاط الطماط< واذا ماتوجد المحضره يهرس بالشوكه ويضاف له ثوم مهروس وطحينه وعصرة ليمون وملح وشوية كمون ويبرد ويقدم مزين بزيت الزيتون البكر.وهذا المتبل…
———————————————————————————————-
نجي للنص الثاني من الباذنجان المشوي نقطع سلطه ناعمه مكونه من بصل اخضر وبقدونس ونعناع وطماط نحط الباذنجان بالمحضره اويهرس بالشوكه ويضاف له ثوم مهروس وعصير ليمون وملح واخر شي السلطه ويخلط قليلا ,,يقدم بارد مزين بدبس الرمان,, وهذا البابا غنوج..
———————————————-
يتبع…
نقطع البف بيستري ارباع ,,نجيب القطعه نحط عليها شريحة باذنجان مقلي وملعقه من لحم مفروم محموس ببصل وثوم وبهارات وفلفل اسود ويخلط معها جبن سايل اوكاتشاب حسب الرغبه بعدين نحط عليه شوية جبن موزاريللا تلف العجينه وتشبك بعود وتدخل بالفرن وتقدم بصوص الزبادي اللي بالفته…
———————————————————————–
لفائف الباذنجان بالجبنه//
شرايح باذنجان تدهن وتشوى وتحشى باي جبن مفضل وشوية بقدونس وتلف وتربط بشريحه من البصل الاخضر ويقدم مزين بالكاتشاب…
يتبع….
باذنجان مقطع شرايح ومقلي,,لحم مفروم محموس ببصل وثوم وبهارات مشكله وفلفل اسود,,
الصلصه الحمراء يحمس بصله مفرومه بزيت زيتون ويوضع عليها طماط مطحون وحبة ماجي ويطبخ يضاف له معجون صلصه ويتبل بالملح والبهارات ,,
الصلصه البيضاء يخلط ملعقه ونص دقيق و3 ملاعق حليب بودره مع كاسين مويه وبعدين على النار لحد مايثقل ويطبخ نضيف له الملح والفلفل الابيض وقطعة زبده> اضمن هالطريقه مايتكتل الدقيق<
نجيب صينيتين وحده للبيضاء ووحده للحمراء
نفرشها بالباذنجان ونحط االحشوه وشوي من الصلصات كل صلصه خاصه بصينيه بعدين طبقه من الباذنجان بعدين الصلصه ونرشها بجبنة موزاريللا بالفرن من تحت ربع ساعه ومن فوق تتحمر وتقدم مزينه بالصنوبر المقلي..
——————————————————
باذنجان بالطريقه الصينيه//
باذنجان مقطع مكعبات ومقلي
نحمس بصل بشوية زيت ونضيف له فلفل احمر واخضر مقطع شرايح ويقلب ونضيف له ماجي وملعقة صلصة طماط وصويا صوص وشطه بودره اوسايله ونقلب واخر شي نضيف الباذنجان ونضبط الملح ونتركه خمس دقايق على النار ونطفي ويقدم مع رز ابيض…
يتبع….
نقطع الباذنجان انصاف بالطول مع ترك العنق ويفرغ ويرش بملح وزيت ويشوى بالفرن
نسوي الحشوه نقطع صدور دجاج قطع صغيره اقرب للمفروم ويحمس مع زيت وبصل وبهارات وملح ونضيف له فلفل اخضر وجزر مبشورويترك يتسبك بعدين نطفي النار ونخلطه مع ملعقة جبن سايل ويحشى بالباذنجان وترش بالوزاريللا المبشوره ,,تصف في صينيه ويصب عليها كاس مويه وتقصدر وبالفرن ثلث ساعه ليستوي الباذنجان وتحمر وجهها بالفرن وتقدم…
—————————-
محشي الباذنجان//
الحشوه/احمسي بصل وحطي عليه طماطتين مقطع صغار وبهارات وملح وفلفل وكاس رز مصري وربع الكاس دبس رمان,,فرغي الباذنجان مع ترك الاعناق على جنب واحشيهم وصفيهم بصينيه بجمب بعض ويصب عليهم كاسين ماء مذوب فيه حبة ماجي ونص كاس زيت زيتون ومثله دبس رمان ويوضع على النار ومع اول فوره يقصر على نار هاديه لمدة ساعه ويقدم دافي…
توصيات //
تدخين الباذنجان في المتبل وبابا غنوج يعطي طعم يحسسك انك في افخم المطاعم اللبنانيه.
في انصاف الباذنجان والبف بيستري تقدري تنوعي الحشوه دجاج ولا لحمه او خضار.
اضافة دبس الرمان لجميع المحاشي يعطي طعم اروع
الباذنجان بالطريقه الصينيه لذيذ
يتبع…
اشكر الجميع واتمنى لي ولكم التوفيق والنجاح والفوز بالجنه…
واااااو ،،،يعطيك العافيه ،،،مجهود رائع وأطباق لذيذه ،،،،ومنظرها مشهي ويفتح النفس
مشكوووووره،،،،
♥♥♥♥♥♥♥♥
خاصة بسلطه
او و هو مقلي
او متبل
يعطيج العافيه اختي ع الطرح
وعليكم السلام ورحمة الله وبركاته
ماشاء الله اطباق رائعة والباذنجان باي طريقة حلوووو
وطرح حلووووو سلمت ايدينك
يعطيك العافية
تحيتي
شكرا على الوصفات ..~