رحلة القدر / الحياة رحله عظيمه الشروق فيها بداية يوم والغروب انتهائه 2024.

مساء الخير على الجميع 00 أحب أهدي لكم أروع ما كتبت اناملي 00 واجمل ابداعاتي اللي جمعت مابين الرومانسيه والتشويق والإثاره ومعاناة الدنيا وقسوة الحياة 0000
فأتمنى أن تنال الروايه على إعجابكم 00 وأوعدكم بكل جديد والأحداث المثيره بكل فصل من فصول الروايه
وراح أكون بأنتظار ردودكم وإن شاء الله تكون ردود ايجابيه ومشجعه
رحلة القدر )
الحياة ما هي إلا رحله عظيمه الشروق فيها مولد يوم والغروب انتهائه 000
والأحلام ما هي إلا خيال ممزوج بالواقع مع حكايات الأساطير000
( الفصل************ الأول)
( المشهد الأول )
أما هي فحياتها خاليه من الأحلام يغطيها الألم العميق بداخلها بعد ما فقدت كل من حولها من الأصحاب وأغلى إنسانه (أمها) 000 كانت ( دانه )جالسه وتلعب بأصابعها بفنجان القهوة المفضلة عندها في كوفي شوب داخل مركز النادي الرياضي خاص بالنساء بعد ما انتهت من تمارينها وتنتظر أخوها يجي , التفتت من حولها وحست بشئ من الغرابه والوحده والافكار راحت فيها لبعيد عن العالم وحست بخوف من المجهول والزمن إيش يكون مخفي لها من الاحزان و اكثر من الظروف القاسيه اللي مّرت عليها 00 وقطع سلسلة أفكارها رنّة الموبايل 00ناظرته ولقت رقم أخوها (تركي ) لبست عبايتها بسرعه وطلعت له 00 وما امداها تفتح باب السياره إلا وجاها هالصرااااااااخ
تركي: يعني الواحد لازم يقعد ساعه قدام البيبان ويالله تطلع لنا الوحده بعد الإهانه 00طبعآ الأخ مسوي فيها معصّب وشخصّيه على الحريم 00
دانه :هلا وغلا بأحلى أخو معصّب بهالدنيا
تركي : إيش رايك فيني يعني لي هيبه وحركه على زوجة المستقبل
دانه : أنت كلك على بعضك حركات
تركي: ما دام مدحتيني هالمدحه الحلوة أنا عازمك على العشاء فوافقي أحسن لك لأن هذي أول وآخر مرة أعزم أحد مع أني ما أحب أكل المطاعم
بس بصراحة ما لي خلق أرجع البيت وأقابل زوجة أبوك الغوووله
دانه: حرام عليك تقول على الحرمة كذا وبعدين ناسي أنت إني أسوي دايت 00 بس علشانك بخرّبها وأقبل دعوتك وبشرط يكون مطعم فخم وأننا ما نتأخر على البيت
000000000000000000000000000000000
بالمناسبة أحب أعرفكم عن بيت أهل دانه 000(دانه) متخرجة من الثانوية وهي حاليا موظفة بنك عمرها 24 ،مجتهدة بعملها وطوّرت تعليمها بأخذ كورس بالحاسب والإنجليزي والظروف ما سمحت لها تكمّل الجامعة لأن بعد تخرجها أمها توفت وهي تحملت مسؤولية تربية أخوها (تركي) اللي الحين صار رجّال والكل يمدح بتربيته وله هيبته في مجالس الرجال يدرس الطيران في كندا عمره 22 وما بقى إلا سنتين ويتخرج بس جاي هالأسبوعين زيارة لأهله وبيرجع علشان دراسته 000 أما أختهم الكبيرة (مشاعل ) متزوجة وعمرها 28ولها بنتين أمورات (روان و رغد)
مستقره حاليا بالإمارات مع زوجها (عبد العزيز) الضابط بالقوات العسكرية البحرية 00 وعاشوا هناك بسبب بعثة العمل لزوجها لمدة 3سنوات
أما والدهم (أبو تركي )موظف حكومي وبقى له القليل ويتقاعد متوسط الحال ماديّا متزوج مرّه ثانيه بعد وفاة أم عياله (مشاعل- دانه – تركي)وله من الثانية (راكان14 سنه- ياسر9سنوات)
محب وحنون على أولاده وعمره ما فرّق بينهم وكأنهم من أم وحده 00لكن المشكلة في زوجة أبوهم وتعاملها خاصة مع دانه المسكينة لأنها الوحيد اللي عايشه مع أبوها وأم راكان تبي تأخذ راحتها بالبيت وتكون هي الآمر الناهي والكلمة الأولى والاخيره لها
0000000000000000000000000000000000000
( المشهد الثاني )
في المطعم كل الناس هادئة وبرستيج وكعادته تركي يتميز بخفة الروح فدخل بكل حماس وجلس مع دانه على الطاولة المحجوزة لناس ثانيه ومن جلس وهو يصفق للجرسون اللي جاه بعد طلعة الروح 00الجرسون : لو سمحت يا مستر الطاولة هذي محجوزة 00تركي:عارف وإذا صارت محجوزة أنا زبون وحاب أتعشى عندكم وحبيت هالطاوله بالذات عندك مانع 00 وبعدين أنت عارف مين أكون وولد مين 00ترى فيه ألف مطعم يتمنى أدخل عليه 00راح تخدمنا ولا كيف؟ الجرسون:لا لا تشرّفنا بأي وقت حضرتك ثواني ويكون المينيو عندك 00
دانه:أمّا ألف مطعم هاذي كثر منها ويا آخي فضحتنا عند العالم الكل عرف إننا بنتعشاء وغسلت شراع الرجال مره ثانيه ذكرني ماأطلع معك
تركي:هذي الأشكال ما تجي إلا بالعين الحمراء وما أبيه يمشي كلمته علي ويقومني من المكان وأنتي احمدي ربك إني فكرت أعزمك لو جايب لك شاورما احسن00لا00و بدل ماتشكريني تقولين ماراح تطلعين ثاني مره معي يختي طيب جاملي وقولي ما شاء الله اخوي كريم وحنون ورومانسي ومن هالكلام الحلو 000000قاطعهم الجرسون وكتب طلباتهم وقال إن العشاء دقايق ويكون عندهم دانه:أنا آسفة ترى ما قصدت بكلامي شئ وأموووت بطلعاتي معاك أنا ما اصدق إنك تزورنا ونشوفك وأغيّر جو كآبة البيت معك
واخيرآ جاء العشاءوكان عباره عن مشاوي وسلطات وعصيرات طازجه 00 وقدمه الجرسون لهم بكل اتيكيت 00
دانه: ما كان أحسن لو جبنا معانا راكان وسوسو على الأقل يستانسون وخصوصا اليوم خميس ما فيه مدارس تركي : لا الله يخليك ماني ناقص دلع ياسر وقلة أدب العقرب اللي مثل أمه راكان وبعدين تلقينهم فرحانين بغيابك وإنتي جالسه تفكرين فيهم وأكيد أبوك طالع يمشيهم هم وست الجمال السوسه الله يازمان أول ما كان يطلع فينا إلا بعد صياح ونياح
دانه: عيب تحكي عن أبوك كذا وعمره الوالد ما قصّر معانا بشئ بس كان أول شغله كثير وما يلقى وقت علشان يمشّينا أما الحين أغلب وقته فاضي والأولاد صغار محتاجين رعايه
تركي : طيب إحنا كنا صغار مثلهم بس ما رعانا إلا قولي السوسه زوجته عرفت كيف تمشيه أما أمي الله يرحمها كان قلبها طيب وأنتي بتموتين مثلها بطيبة قلبك على الناس وما أقول إلا الله
يرزقك بأبن الحلال الطيب اللي يستاهلك 00 وش تبين غير هالدعوه 00ورجع يكمل أكله بكل شهيه
0000000دانه انخطف لونها وتغيرت ملامحها كأنه منصب عليها ماء حار 00بلعت ريقها وعيونها ما نزلت من على تركي والكأس بينكسر من تخبيطها على الطاوله00في الاخير انتبه لها تركي ولاحظ نظرات الحقد والشرار اللي تتطاير من عيونها
تركي : خير دانه فيك شئ قلته مضايقك علشان تناظريني كذا !!! وليه ما تكملين عشاك ؟
دانه: إنت عارف إن موضوع الزواج يضايقني وما أبي أسمع له سيره وإلا إنت ناسي اللي صار لي
تركي: صدقيني ما كان قصدي أضايقك بس كل وحده تحلم بالزواج وباللي يستر عليها ومو معنى إنك فشلتي بتجربة زواج أولى تقفّلين الدنيا وتسّودينها بوجهك وأكيد فيه شخص بهالدنيا راح يعرف قيمتك ومعدنك الطيب 00 دانه : بس أناااا 0000000000(مطلقه )

حست دانه بألم مثل طعنات السكين بقلبها وزادت خنقة العبره بعيونها وبصعوبه قدرت ترد نفسها بمجرد ذكرت هالكلمه وتذكرت نظرة الناس لها والمجتمع عمره مارحم المرأه
تركي : قصدك إنك خالعه زوجك العديم الرحمه وإلا أنتي ناسيه أنه كان معاك الحق في طلب الخلع والقاضي صار معاك بالأمر هذا لأن زوجك تعدّى عليك بالضرب بدون سبب
دانه : بس العالم ما راح تأشّر على الرجّال وتقول أهو الغلطان لأن الناس دايم تفكيرها أن المطلقه هي اللي فيها العيب وجابت لنفسها الحكي عليها 00وأنها صارت عبئ على أهلها فكيف راح يرضى فيها أو يتزوجها شخص ثاني 000فالله يخليك لاتجيب طاري العرس مره ثانيه 00
تركي حاب يلطف الجو ويغيّر الموضوع : طيب ولا حتى طاري عرسي وإلا ما عندك نيه تزوجيني 000إلا على فكره ما تعرفتي على بنات حلوات ورشيقات بالنادي يمكن تخطبين لي وحده
دانه وبابتسامه ناعمه : أنت أفلح بدراستك أول ياكابتن طيار وبنات الحلال مالين الديره 00ويالله قم نمشي للبيت علشان تنام بدري وتجهز أغراضك ولاّ ناسي أن وراك سفروما أبي أبوي يقلق علينا أكثر من كذا ا0000تركي : قولي آآمين الله لا يحرمني وأنا أخوك من ابتسامتك هالحلوه واعذريني إذا كدّرت خاطرك بكلامي السخيف 000صافي يا عسل دانه:أكيد ياقشطه ههههه

وطلعوا من المطعم بعد ضرابهم على دفع الحساب وركبوا السياره واتجهوا للبيت وكل هم تركي مقابلة زوجة أبوهم يعني ماله خلقها ففتح مسجّل السياره على اعلى شئ ودخل جو ثاني مع الاغنيه أما دانه تلتفت بين فتره وفتره وتضحك على اندماج اخوهاوصارت تفكر أنها بتفقد حركاته الصبيانيه إذا سافر وطالت غيبته عنها شهور ثانيه وخلال غيبته وغيبة اختها مشاعل بترجع وحدتها بالبيت مره ثانيه والروتين الممل بأيامها 00يعني من دوامها بالبنك من الصبح للعصريوميا ومن العصر الى المغرب تروح للنادي كل أحد وثلاثاء وخميس000على الاقل تغير جومع زميلاتها بالبنك وتشوف صديقاتها اللي تعرفت عليهم بالنادي 0000000
0000000000000000000000000000000000
(المشهد الثالث )
نزلت أم راكان زوجة أبوهم للصاله وهي معصّبه بعد ما رفض أبو تركي إنه يناقش معها موضوع السفر للخارج في العطله الصيفيه وطبعآ كعادتها تبي تحط حريتها بأحد فقالت ما لها إلاّ تنتظر دانه وتركي عند مدخل البيت وتورّيهم شغلهم 000 دخلوا الأثنين وهم متقطّعين من الضحك ومبسوطين بعد التمشيه الحلوه 000 لكن قطع ضحكهم صوت اللسان الطويل اللي اشتغل عليهم 00أم راكان : ووالله وجعه أحد يجي للبيت هالوقت 00 خير إن شاء الله على كيفكم تدخلون وتطلعون متى ما بغيتوا ولا حاسبين لأحد حساب 00ماشفتوا الساعه كم ؟
تركي: أقول دانه صدق من قال البيت بيت أبونا والقوم طرّدونا 00وبعدين ليه متعبه عمرك ومسقبلتنا بنفسك عند الباب كأنك حارسة أمن ترى في كل مكان طالبين حرّاس000ومر من عندها ولا كأنها هامته ويطالع فيها بنص عينه ويدندن && بس يبي يقهرها 000 دانه: ماعليه ياخالتي ترى تركي يحبك وما يقصد يرفع لسانه عليك وأوعدك ما راح نتأخر مره ثانيه إلى الساعه 11:30 وأنا أدري إنك تنتظرينا علشان قلقانه علينا 000 تركي : أمّا قلقانه هذي كثري منها يا دانه إلا قولي تحب بس تخرّب علينا وناستنا وتضيّق صدر الجميع
أم راكان: إنت لو كنت متربّي ما طوّلت لسانك علي يا قليل الأدب 00تركي وقف بنص الدّرج وبكل عصبيه رد عليها : أنا متربي غصب عنك لأن اللي ربّتني أروع إنسانه بالوجود 00أنا تربية دانه اللي الكل يشهد لها بنعم الأخلاق 00والأدب خليته لك ولعيالك 00دانه خنقتها العبره من كلام أخوها وحبت تهدّي الوضع:خلاص يا جماعه استهدوا بالله وكل واحد يروح لغرفته
نزل والدهم من غرفته للصاله بسرعه بعد ما سمع الصراخ وكأن البيت صاير فيه زلزال أبو تركي : خيرأنت ويّاها أصواتكم إلى الجيران فضحتونا عن العالم
أم راكان حبّت تقلب الموضوع على دانه وأخوها ويكون الموقف لصالحها أم راكان : تعال شف عيالك ماجوا إلا بنص الليول ويوم إني نصحتهم وقلت هالشئ بزّعل أبوكم قالوا عني قليلة أدب و إني أتدخّل بحياتهم ووالله أنا كنت قلقانه عليهم يوم تأخروا 00دانه وتركي التفتوا عليها وعيونهم طايره من قوي الكذبه وتركي يقول في داخله (يا أم النفاق إنتي الله ياخذك ) وقطع أفكاره صوت أبوه الحاد أبو تركي : مو عيب عليكم تحكون على خالتكم كذا 00هذا جزاها وهي كانت خايفه عليكم 00وهي معاها حق وش خلاكم تطلعون بالشوارع إاللى آخر الليل 00
دانه : يا أبوي إحنا والله ما تأخرنا 00 حبينا بس نغيّر جو والساعه 11 رجعنا على طول للبيت 00وإحنا نقدر على زعلك انت وخالتي 00امسحوها بوجهي هالمره 00وباسة رأس ابوها وخالتها00تركي :عن اذنكم أنا بروح لغرفتي لأني لو جلست أكثر بأنفجر 00وسحب دانه معاه أبو تركي : قبل ما تروح تعال تأسّف من خالتك 00 طبعاً أم راكان فرحت لأنها تنتظر مذلة تركي من زمان تركي : أعذرنا ياابوي ياالغالي ما راح نطلع مره ثانيه إلا وعندك خبر 00تصبح على خير 00أبو تركي : وإنت من أهله يا عزوتي 00 أم راكان : بس هذا اللي قدرت عليه كان المفروض تورّيهم نجوم القايله وعلمتهم إنه بهالبيت الكلمه الأخيره لي 00أبو تركي: أقول يا حرمه الظاهر نسيتي نفسك 00أجل أنا وش شغلتي بالبيت 00اسمعي عاد ما احد له كلمه بالبيت ولا على عيالي إلا أنا وإذا ما عجبك الحال بيت اهلك قريب00 وراح لغرفته ولاعبّرها 00أمّا أم راكان وقفت بمكانها ووجهها محمّر من الغضب كأنه بركان ثائر 00وودّها بس تنفجر وتولّع بالبيت وجلست تحكي مع نفسها (هيّن ياعيال سوّيره والله لكرهكم بعيشتكم) 000 000 وبعد ليله ساخنه بالبيت أخيرا خمدت الزلازل 00وعم البيت السكون والكل غرقان بأحلى نومه
00000000000000000000000000000000000
( المشهد الرابع )
في صباح يوم الجمعه الساعه 10 الكل قام يتجّهز للصلاة 00 ابو تركي كعادته يحب يكون جاهز من بدري ويروح قبل الكل للمسجد 00يصّلي ركعتين ويدعي ربه ويجلس يسبّح ويهلل إلى وقت الخطبه 000أمّا تركي ما يحب يروح إلا وهو على آخر شياكه 00يعني يلبس أشيّك ثوب والغتره اللي تزيده رزّه 00وألمع جزمه عنده (وأنتم بكرامه ) 00وريحة البخور اللي تفوح منه يشمها آخر من بالبيت 00ولمّا شيّك على الكشخه نزل ولحق أبوه بالمسجد وأخذ أخوه الصغير ياسر بعد ما كشخته دانه علشان يتعوّد على الصلاة 0000 أمّا دانه كعادتها تدخل المطبخ وتسوي القهوه اللي تعدّل المزاج من هالصبح والشاهي المضبوط وتجهّز صينية الفناجين إلى أن يجون أبوها واخوانها من الصلاة 000 وبعدين ركضت بسرعه للدرج ورقت فوق تصحّي اخوها راكان اللي عمره ما لحّق على الصلاة 00فتحت عليه الباب بقوه دانه: راكان خاف الله وقم للصلاة الشيخ بدى يخطب وإنت ما تحركت راكان: اووه00الواحد ماينام بهالبيت ولايذوق طعم الراحه
دانه بكل اسلوب حلو: ياخوي الله يهديك الراحه بالجنه واذا طعت ربك وصليت له 00يلا تعوّذ من الشيطان وقم تحمم علشان يمديك عالصلاة00راكان في قرارة نفسه عارف ان كلام أخته صح وبنفس الوقت يفكّر أن أمه بتحرمه من المصروف إذا سمع كلام دانه 00000فرجع يسوي نفسه نائم مره ثانيه 000دانه: راكان بتقوم وإلا اتصرف معك بشكل ثاني إنت الظاهر الأسلوب الحلو ما يمشي معك 000وفجأه تدخل أم راكان بعصبيه: ومين إنتي عشان تهددين ولدي 00خلاص ما يبي يقوم بكيفه 00ومين آمرك بتقويمه 00يلا اطلعي عن غرفته قبل لا تشوفين شئ
دانه: مافيه داعي اطلع باحترامي وبعدين خلصوا الناس صلاة 00ومشت دانه الى الباب ووقفت التفتت على خالتها 000 ياخالتي تذكري إن ربك بيسألك عن تربية عيالك 00وعن نصحك لهم بالصلاة وبالعباده 00وانا ما جيت أقوّمه الى من محبتي لأخوي وخوفي عليه يوم الحساب 000تغيرت فجأه ملامح راكان وامه 00وحس راكان بالذنب 00لكن ارتاح يوم تذّكر ان امه بتكافأه على عناده لدانه 00أم راكان : تكفين00أقول اطلعي ياهيئة الأمر بالمعروف احسن لك عن الغرفه 000ما حبت دانه تطوّل السالفه معها لأنها تدري انه بتجي لهم الأثنين زفه محترمه من ابوها اذا عرف ان راكان ما صلّى بالمسجد 00وبعد ما صلّت نزلت للمطبخ تشوف الخدامه ايش بتسوي على الغداء 00وطبعآماتقدر تتدخل بالخدامه لأنها لأم راكان والأوامر تجي منها 00لكن دانه ما تحب طبخ الخدم 00فجهّزت غداها على كيفها واثناء ما هي متحمسه بتقطيع البصل والطماطم والدجاج وريحة المطبخ كله ثوم 00وشعرها ممسوك بأنواع الشباصات وجلابيتها مليانه ماء من غسل الصحون 00دخل عليها تركي بأطراف أصابعه علشان ما تحس فيه 0000تركي: بووووو00دانه التفتت عليه بسرعه وبيدها السكين : عمى للعدو فجعتني الله يآخذ عدوانك
تركي :اشوى يعني مو قصدك يآخذني أنا 00بصراحه ما كنت اعرف انك مجرمه وبتمسكين السكين على اللي يمزح معك 00وياهوووه ايش القرامه هذي دانه البرنسيسه داخله بنفسها للمطبخ تسوي غدانا 00إيه الهنا اللي فيه أنا000 دانه: قصدك غداي وأنت بس ووويمكن اسمح لأبوي وسوسو أما خالتك لو علي غرزت هالسكين في صدرها تركي : ليه؟؟الجيش شان هجومه عليك من الصبح 00دانه:ايه00 حبيت اسوي خير بولدها واقومه للصلاة لكن انفجرت علي تركي: يالله صباح خير وإن شاء الله غلطت عليك بكلمه ترى أولّع فيها وبولدها
دانه: لا عرفت اتصّرف معاهم وانت لا تنسى ان ولدها هو أخوك فصير حنون معاه شوي 00ويالله الله لا يهينك خذ القهوه والشاي لأبوي بالصاله تلقاه جالس لحاله وانا ببدّل ملابسي بعد ريحة الطبخ وألحقك00تركي :انت تآمرني امر ياقمييييل 000وشال الصينيه وراح يجلس مع ابوه بالصاله 00واندمجوا بالسوالف وبعد انضم لهم ياسر وأم راكان 000ونزلت دانه باحلى طلّه بتنوره جينز وبلوزه حمراء تناسب بشرتها الناعمه ومكياجها الخفيف00باسة راس ابوها وجلست جنبه بكل احترام أبو تركي: ما شاء الله عليك يابنتي طول عمرك مملوحه و ذوق وتعرفين الأصول وناعمه بطبعك من كنتي صغيره والله يعطيك العافيه على هالقهوة السنعه 00أم راكان :والله الله يعافي المكياج اللي يخلّي العجوز بنت وحلوه 00تركي: اجل زين ياخالتي حطّي كثير من هالمكياج عشان تطلعين حلوه لأبوي00ههههه000ودق التلفون 00وتسابقوا تركي وسوسو ودانه كل واحد يبي يرد أوّل أبو تركي:الله يخلف علي ويقولون عندي عيال كبار
واخيرآ ردّت دانه عالتلفون :آلوو00هلآ ردّت عليها أختها مشاعل : هلا والله بالغاليه 00كيف الحال ؟دانه:والله تمام 00أخبارك إنتي والبنات وإن شاء الله تأقلمت روان مع جو الروضه وما عندكم نيّة ترجعون ترى والله الرياض مالها طعم من دونكم 000وسحب تركي السّماعه:مراحب والله بهالصوت وش اخبارك يا عسل مشاعل : بخير00وش عندك بالرياض يا دب 00
تركي :ابد جاي أزور الأهل ولا تفرحين اليوم رحلتي لكندا 00مشاعل : الله يوفقك ياقلبي على العموم انا ما أقدر أطوّل اكثرعطني اسلم على الوالد 00وبعد ما مرّت السّماعه على كل العائلة الكريمه كل واحد ألف مرّه وبعد بكاء دانه لمّا سمعت صوت بنوتات اختها المشتاقه لهم موت 00انتهت المكالمه على خير 000وطبعا ام راكان هي الوحيده اللي ماكلمت مشاعل ولا سئلت فيها وبكل برود راحت للمطبخ تأمر الخدامه بأنها تحط الغداء 0000وبهالفتره اخيرآ فكّر يقوم راكان دلوووع أمّه 00تركي : ما شاء الله ياعم بس نوم 00وينك ما شفتك بالمسجد000هنا دانه عرفت ان المشكله بتكبر وابوها بيعصّب وخافت انه يضرب راكان فحاولت تتصرف بسرعه دانه: يا أبوي طال عمرك تفضّل بالمقلّط حطينا الغداء 00أبو تركي : صحيح إنك ما رحت المسجد ياراكان وطول وقتك نائم 00ماعرف راكان وش يرد على ابوه فتدخلت ام راكان،،ام راكان : هد اعصابك يا ابوتركي هو قام لكن كان يتألّم من بطنه فخليته يصلّي بالبيت ويرجع ينام 00حصل خير المرّه الثانيه اول من يطلع للمسجد هو 00تعوذ من الشيطان وامشوا نتغدّى التفتت دانه وهي معصّبه على تركي : خلاص ارتحت كان الولد بيروح ملح بيد ابوك انا عارفه حركاتك وانت بالعنيه فتحت الموضوع قدام ابوي 00تركي :خليه يتربّى من الحين وبعدين ماعليه خوف مادام هالعجوز جنبه 00فضيها سيره وامشي نتغدّى احلى غدوه من ايديك يا حلو000
وبعد ما الكل تغدّى والبعض أخذ قيلوله جلست دانه تجهّز شنطة سفر تركي والحزن بداخلها لفراقه من جديد 000حست بألم قوي بداخلها ماهي قادره تتخلص منه 00ومابقى إلا ساعه على بعاده عن اهله 00وجلست تفكر مين بيهتم فيه بالغربه ويداويه اذاتعب او يوقف معاه اذا احتاج لشئ 00وألف فكره صارت تدور براسها 00إلى ان دخل عليها تركي وهو مستعجل علشان ما تفوته الطائره 000تركي: يعطيك العافيه يا دندونه كل أغراضي جهّزتيها كعادتك00 دانه :وانت الله يعافيك انتبه لنفسك ولصحتك 00نام زين00والبس عن البرد00واذا نقصك أي شئ اتصل علينا 00وماسنجرك خله دايم متصل علشان أقدر اكلمك واطمّن عليك 00تركي:ههههه ياساتر يادانه على هالوصايا كأني أول مره اسافر 00لو كانت أمي الله يرحمها عايشه ما خافت علي مثلك00دانه: انا ما خفت عليك إلا لأني مثل امك00انتبه تركي لدموع دانه وعرف بهاللحظه انه مافيه أحد بالدنيا يغليه مثلها 000قفل الشنطه وقرّبها للباب ورجع لدانه وبحنان الاخ مسح دمعتها وباس راسها وناظر فيها تركي:الله يعلم غلاتك عندي وانك بالنسبه لي الاخت والام والصديقه 00ودموعك غاليه عندي فالله يخليك طول ما انا مسافر ما ابي اسمع إنك حزينه وتنتبهين لنفسك ياأعز صديقه 00دانه تحاول تغيّر جو الحزن: يا كذاااب 00بكره تروح هناك وتشوف الشقراوات وتنسى صداقتي واللي جابني هههههه تركي : في هذي ما اضمن لك نفسي ههههه
ودخل عليهم أبوهم علشان يتطمّن انه مافيه شئ ناقصه من الاغراض ومد لتركي ظرف فيه مبلغ معيّن يصرفه عند الحاجه 00حمل تركي شناطه بمساعدة دانه وياسر وركبوها سيارة ابوهم اللي بيوصله للمطار 0000وبعد ما ودّع الجميع 00ووصايا أبوه 00اتجهوا للمطار00وقلب دانه ودعاويها مع أخوها اللي بتفقده كثير وكل أمنياتها له برحله سعيده وان الله يوفقه بدراسته وانه يوصل بالسلامه 0000
00000000000000000000000000000000000000000000000000 0000000000000000000000000000000000000000000

,’

بسم الله
أهلاً فيك

يعطيك العــآفية
موفقة إن شـــآء الله

القوانين ، تحديث جديد ؛

,’

حبايبي انا بأنتظار ردووودكم و تعليقاتكم على الروايه
باقرب وقت واتمنى تشجعوني أكثر علشان أكمل البارتات
و thanks

مساء الجوري على الجميع 00 حبايبي اهديكم اجزاء من روايتي اللي تعبت بصراحه بكتابتها وتاليفها فأتمنى تعجبكم وآلاقي منكم ردود حلوه تشجعني أكثر على اكمال البارتات 0 00

( رواية رحلة القدر ) ( الفصل******* الثاني )
( المشهد الأول )
رجعت دانه من الدوام مع صلاة العصر ودخلت ترتاح بغرفتها شوي 00قبل ما تروح للنادي 00وفي غرقة النوم صحت على بكاء ياسر 00قامت بسرعه من السرير وفتحت باب الغرفه
ولقت قدامها ياسر مايت من الصياح0000دانه: خير 00حبيبي سوسو وش فيك ياسر: ماما 00ماتبي تأخذني معها لبيت خالتو وانا أبي اروح العب مع مازن
دانه: بس 00هذا اللي مزعلك 00ولا يهمك اخليك تروح معاي للنادي ياسر: بس انا رجّال وشلون اروح والنادي كله حريم دانه: ههههه ونعم الرّجال 00خلاص اذا دخلت اخلي الحريم يتغطون عنك 00ويلا روح غيّر ملابسك قبل ما بدّل رايي 0000ونزلت دانه للصاله بعد مالبست بدلة السبورت الورديه اللي تبيّن خصرها الرشيق وجسمها الصحّي 00ورفعت شعرها ذيل حصان
علشان ما يعذبها وقت التمارين مع انه شعرها مو ناعم بس طبيعته انسيابي وعادي وكثيف 00000لبست عبايتها وجلست تنتظر ابوها00ومرت عليها أم راكان :على فكره دبري عمرك وخلي أحد يوديك لناديك أنا محتاجه لسواقي يوديني بيت أختي 00وأصلاما لها داعي روحتك وش بتستفيدين؟؟ دانه : تعرفين إني ماعمري ركبت مع السوّاق إلا عند الضروره 00الله يخلي أبوي اللي ياخذني ويجيبني من النادي والعمل 000وعلى فكره ترى ياسر بيروح معاي اذا ماعندك مانع 00 أم راكان :لا أحسن اخذيه ما لي خلق بزران 000
000000000000000000000في النادي000000000000000000
بعد ما انتهت دانه من التمارين وأخذت شاور وتأنقت بلبسها وحطت ماكياج يبرز نعومة وجهها ورتبت شعرها نزلت للكوفي شوب بالدور الاول 00وكالعاده جلست بطاولتها وطلبت قهوتها الإيطاليه000وطلعت مذكرتها اللي تحب تكتب فيها أشعارها 00على أمل عندها أن المكان يساعدها على الكتابه أحسن من البيت وازعاج خالتها 00واثناء ماهي مندمجه بالكتابه 00قاطعتها وحده من الزميلات اللي تعرفت عليهم بالجيم 00وجدان : أهلين يادبه ولا تقولين عندي صديقه بعزمها على كوب كوفي من جد إنك نذله 00ما كأننا نعرف بعض من سنه وصار بيننا عيش وملح مثل ما يقولون 00دانه: بسم الله علي اكلتيني بقشوري ياأم لسان طويل وبعدين صداقتنا بالنادي بس وشلون صار بيننا ملح 00وبصراحه انا حسبتك طلعتي على طول بعد ما انتهينا تمارين
وجدان :أقول لاتبرئين نفسك انتي دخلتي الكوفي شوب ولا سألتي بأحد يا أنانيه دانه: طيب!! علشاني أنانيه بأطلب لك أغلى كوفي عندهم بس لايزعل علينا القمروانت ياياسر ما تبي شئ00ولاحياة لمن تنادي عند ياسر المتحمس مع الGame boy
وجدان : خلاص سامحتك هالمره 00واذا جلسنا نتقهوا بليز خلي عنك اشعارك يا جولييت !! إلا على فكره من متى وانتي تكتبن الأشعار؟؟ دانه: من عمري 15 يا شاطره يعني خبيرة أشعار
ودق موبايل دانه : آلوو 00هلا ياغالي أبو تركي : هلادندونه حبيبتي ما عليه ما أقدر أجي اخذك لأنه واحد من اخوياي عنده مشكله ولازم امر عليه 00دقيّ على خالتك وخليها ترسل السوّاق لك00خلاص دانه :طيب مو مشكله 00 مع السلامه00 وجدان : آهه00 غالي أجل 00اعترفي بسرعه وقولي لي من هو غالي هذا ؟؟دانه : من جد انك مجنونه 00تعرفين إني ماأحب هالحركات 00وبعدين ارتاحي هذا أبوي يعطيني خبر انه ما يقدر يجي ياخذني والمشكله ماودّي اركب مع سوّاق خالتي لأنها بتسوي سالفه بأني تعديت على حقوقها لأن السائق والخدامه بأسمها
وجدان : حبيبتي ومين اللي يدفع الرواتب ؟؟ أكيد أبوك !! على العموم لاتضّيق خلقك عجوز النار 00وانا بتكفلّ بتوصيلك اليوم عشان تعرفين إني كريمه00
وبعد ما استئذنت دانه من أبوها بأن صديقتها توصّلها ووافق 00 لبسوا عباياتهم بسرعه لأن السياره جت وسحبت ياسر اللي عيونه طايره بهالبنات 00
00000000000000000000000000000000000000000000000000 00000
( المشهد الثاني )

دانه : وين سيارتكم ما لقيتيها 00كل هذا عمى يعني ما تميزين بين السيّارات وجدان : أقول الشرهه على اللي ياخذك معاه 00ويله امشي لاتكثرين سيارتنا الل BMW السوداء اللي واقفه هناك00دانه: لا00أنا مااقوى على هالدلع سيّاره كشخه وسوّاق وسيم00 وجدان : أي سوّاق هذا أخوي بندر 00سواقنا مسكين تعبان له أسبوع 000يله اركبي بلا دلع
جمدت دانه بمكانها وبعدت يدها عن السياره وهمست لوجدان قبل ماتركب دانه: والله عيب وش بيقول عني اخوك 00خلاص ماقصّرتي انتي اركبي وانا بدبّر عمري وجدان :والله من جد ماعندك سالفه الحين موقفتنا قدام خلق الله بالشارع عشان حضرتك مستحيه00وبعدين تركبين بكرامتك معانا وإلا مذلة ام السعف والليف خالتك00
وبعد ما اقتنعت دانه ركبت وطول الطريق بدون صوت وتأشر لياسر بيدها توصيف البيت وياسر يترجم حركاتها 00وما صدقت على الله توصل للبيت 00نزلت من السياره بسرعه حتى ماقالت شكرا 00لكن أول ما دخلت البيت حست ان من الوقاحه ما شكرت البنت فارسلت رسالة شكر منها وتلقت وجان الرساله وهي بالسياره
(مشكوره ياعيوني وآسفه على ازعاجكم ةان شاء الله اردها لك بالأفراح )
وجدان: يا حليلك يادندونه طول عمرك بنت أصول بندر : إلا على فكره من تكون زميلتك هذي ما عمرك قلتيلي عنها وجدان: وليش اقولك 00
بندر : لأني انا اخوك ومن حقي اعرف مين تماشين وإلا انا غلطان؟ وجدان :وما لقيت تخاف علي إلا من هالطيبه دانه لو كل الناس مثلها كان العالم بخير 00بس مسكينه مالها حظ بالدنيا وما أحد عرف قيمتها 00بندر : وليه ؟ وجدان: لأنها تزوجت مرّه وما توفقت وهي يتيمة أم وزوجة أبوها معذبتهاووووو00000000وانفرطت وجدان اللي مايقدر أحد يسكتها عند السواليف وقالت مسيرة حياة البنت كلها لأخوها00
أما بندر سرح بتفكيره لبعيد عن قرقة أخته ويتردد على ذهنه ألف سؤال 00معقوله ان فيه بهالزمان بنات بالمواصفات اللي ذكرتها أخته 00طيبه 00ومتفهمه00رزينة عقل ومحتشمه بلباسها ومتمسكه بحجابها00انسانه متواضعه 00وطبيعيه بتصرفاتها 00كل هالأفكار دارت براسه 00وصار بندر متحمس أكثر لسماع أخته ووده يكشف أكثر عن اسرار هالدانه 00وصَدَفها وبأي
من بحور العشق بيلقاها00وياترى أمواج الحياة بتجمعهم بيوم من جديد
00000000000000000000000000000000000000000000000000 00000000000000
( المشهد الثالث )
على الماسنجر دانه تحكي مع اخوها تركي دانه: أهلين ياسلحفاة ياللي ما تستحي ما كأنه عندك أخت تسأل عنها !! تركي: بسم الله علي !! الناس يسلمون أول وبعدين يهزؤون يا دبه
دانه : ما شاء الله مقطعك الأدب 00المهم أخبار الدراسه هاه 00اشتري الطياره الخاصه ياكابتن 00تركي: تقدرين تقولين كذا بس ماراح اركبك طيارتي لأن الركوب للحلوات فقط
دانه:تكفى عاد ميته عليك ياالحلو أصلاً انا اخاف اذا ركبت معك تطيح بي الطياره من شينك يالضفدعه تركي : هههه إلا على طاري الضفادع وش أخبار العجوز الضفدعه خالتك معاك
دانه: تمام00وانت ماعليك مني ومنها أهم شئ اهتم بدراستك عشان ترجع لنا بسرعه والله اني مشتاقه لحركاتك يا ابو المقالب
وفتحت عليها الباب ام راكان بكل قوتها وودها بأي طريقه تنفجر 00دانه: تركي لازم اقطع الاتصال الحين لأن عندي شغل مهم تي كير تركي:اوكي مع السلامه وانتبهي لنفسك00
دانه: خير يا خالتي محتاجه شئ ام راكان :ارتحتي الحين يوم هاوشني ابوك بسبتك دانه: ايه !!مني وش انا سويت؟ ام راكان: ياسر قال لأبوك عن رجعتك مع صديقتك امس من النادي وابوك هاوشني لأنه يحسب اني متعنيه ما ارسل لك السواق 00وانتي ليه ما اتصلتي علي ؟ دانه : بذمتك ياخالتي حتى لواتصلت عليك بتصّرفيني أي تصريفه وانتي قايلتلي ما اتدخل بسواقك والخدامه خلاص تحمّلي ما يجيك من ابوي شدّت ام راكان شعر دانه بقوه وحطت عينها بعينها وهددّتها
ام راكان : اسمعيني يا دانه مو انا اللي اتهزئ عشانك واذا تبين ترجعين مرّه ثانيه مع أحد هذي مشكلتك بس بدون علم أبوك عشان ما يسوي لي سالفه 00احمدي ربك اني متحملتك انتي وابوك
وبعد ما خلصّت دانه نفسها بصعوبه من ايدين ام راكان وبعدت عنها دانه: والله انتي اللي ما تستاهلين ابوي وانا مارجعت إلا وعند ابوي خبر ام راكان: والله وطلعلك لسان ياقليلة الأدب وانتي لو محترمه ما رجعتي مع أي أحد والله العالم كم واحد غيره وصلك بهالليول 00الحين ماالوم زوجك يوم طلقك والظاهر بعد ان امك ماماتت إلا من فعايلك وطلعت ام راكان من الغرفه وكأنها ما قالت شئ 00أما دانه فنزلت عليها كلمات ام راكان الجارحه مثل الأسهم القاتله وحست بالخنقه وكل شئ يدور من حولها 00جلست على طرف السرير وهي تفكر وتحاول تستوعب الكلام القاسي 00وانه ممكن فعلا يكون الكل تركها بسبب افعالها مع انها ما غلطت مع احد 00تمنت بهاللحظه ان الأرض تبلعها وتخفيها عن الوجود 00امتدت على السرير بعد ما حست بتعب من التفكير والدموع احرقت خدها من القهر00فاستسلمت للنوم لأنها تعرف ان النوم الوسيله الوحيده اللي تخلصها من العذاب وتنيسيها الجراح وأيامها الصعبه
00000000000000000000000000000000000000000000000000 0000000
( الفصل***** الثالث )
( المشهد الأول )
مرت أيام الأسبوع ثقيله على دانه ولكثرة اشغالها وضغط العمل ما كانت تروح للنادي الرياضي و لمّا تجي من الدوام تعزل نفسها بالغرفه معظم وقتها وهذا الشئ احسن لها علشان ما تضّطر تشوف ام راكان وتدخل بخلافات معها 00وكانت تضيّع وقتها بالغرفه إما على الماسنجر مع اخوها تركي او على الموبايل مع اختها مشاعل او تعيش جو مع كتابة آشعارها أوتجلس قدام المرايا وتبدع بنفسها من هالتسريحات والماكياج وكانت تتلاشى ترد على اتصالات وجدان عشان ماتدخلها بمشاكلها 00 واثناء ما كانت دانه مشغوله بترتيب غرفتها دخل عليها ياسر
دانه : هلا سوسو تبي شئ؟ ياسر: دندونه من زمان ما لعبتي معي00ليه زعلانه علي عشان قلت لأبوي عن صديقتك ؟ دانه :لا00 ما زعلت بس انا ارجع تعبانه من الدوام فما اقدر العب معك وترى ياحبيبي عيب الواحد يقول كل شئ يشوفه بالناس تبي اصدقائك يقولون عنك انكك تنقل الحكي ياسر: لاتوبه ما اعيدها 00وايه صح نسيت ترى ابوي يبيك بغرفته الحين 00
دانه:صح االنوم ياحلو يوم شبعت سوالف توك تقول لي يا ذكي 000 اتجهت دانه لغرفة ابوها وهي متردده لأنها عارفه ان ابوها ما طلبها بغرفته إلا يعني فيه شئ مهم أو مشكله كبيره 00طقت باب الغرفه وهي حاطه يدها على قلبها وتردد00الله يستر 00 دانه : سم يابوي 00آمر00محتاج شئ ابو تركي: ما يآمر عليك عدو يالغاليه 00تعالي اجلسي من زمان ما سولفت معك
دانه: سامحني يالغالي انا انعزلت عنكم هالأسبوع بس والله تعبانه من الدوام 00وانت وش اخبارك عساك ماانت زعلان مني للحين من سالفة النادي 00مو انا استئذنت منك ووافقت
ابو تركي :ايه00على اساس بترجعين مع سواق زميللتك مو مع اخوها وش بيقولون الناس دانه:كلام الناس مايهمني مادام اني ما غلطت وبعدين ايهم احسن ارجع مع فلبيني وإلا مع ولد ديرتي ترى يابوي عيال الأصول كثير مو كل شبابنا فاسدين ابوتركي: اهه00هذاك قلتيها بنفسك والوحده اذا جاء يطلبها واحد من هالعيال الأصول ما أظن ترفض وإلا انا غلطان ؟
دانه بكل خوف : وش قصدك يبه؟ ابو تركي : بصراحه قبل يومين كلمّوني ناس عشانك وانا ما حبيت اعطيهم كلمه قبل اشوف رايك دانه: انت اكثر واحدعارف رايي بموضوع الزواج 00خصوصا بعد تجربتي الأولى الفاشله 00انا مرتاحه كذا وما ابي اكرر اللي حصل 00اعذرني ياطويل العمر مستحيل اوافق ابو تركي: بس كلام العقل يقول ان الواحد مايعيش طول عمره مع ذكريات الماضي والفشل مرّه ما يعني نهاية العالم وانا يابنتي ماني دايم لك طول العمر أبي اطمّن عليك قبل مماتي دانه: الله يعطيك طولة العمر يا تاج راسي والله يخليك لاتفتح هالسيره معي مرّه ثانيه ابو تركي : طيب00انا ماراح اضغط عليك بس على الأقل اعطي نفسك فرصه تفكرين فيها قبل ما تتخذين أي قرار تندمين عليه خصوصا ان الرجّال من عايله محترمه والكل ذكره لي بالخير 00على العموم خذي وقتك وفكري زين والله يكتب اللي فيه الخير وبعد صمت طويل من دانه: عن أذنك يبه00 بروح انام 00تصبح على خير
طلعت دانه بسرعه لغرفتها وقفلت عليها الباب وكانت تتمنى انها ما راحت لأبوها لأنه هذا اللي كانت خايفه منه 00الزواج00 وصارتفكر والصداع بيفجّر راسها والمغص زاد ببطنها من الخوف وصارت تحكي بينها وبين نفسها 00معقوله اتزوج مرّه ثانيه 00ومين اللي بيرضى بوحده مطلقه مثلي00واكيد بيعذني لأن كل الرجال متوحشين 00وبعد ما دارت كل الأفكار السوداء براسها حاولت تلجئ لأخوها تركي يمكن يلقى لها حل بدون ما يزعل ابوها لكن فشلت بالأتصال 00ولمّا حست باليئس فرشت سجادة الصلاة وصلّت ركعتين ودعت ربها انه يساعدها ويخلصها من الموضوع اذا ما فيه خير لها 00وجلست طول الليل تفكر انها ماتتخذ أي قرار تندم عليه طول العمر

00000000000000000000000000000000000000000000000000 00000000
( المشهد الثاني )
بعد مارجع أبو تركي من صلاة المغرب 00جلس هو وام راكان يتقهوون بمزروع البيت وكان نسيم الهواء عليل والجو صافي 00وطلعت دانه لهم وهي لابسه عبايتها ومتزينه بنعومه كالعاده
ابو تركي : عسى ما شر يا بنتي وين بتروحين دانه: لاابدا ما شر بس ضايق خلقي وقلت اروح لبنات خالتي أغيّر جو وانا من زمان ما شفتهم 00طبعا اذا ماعندك مانع
ام راكان : بعد ايش تستأذنين يوم لبستي عباتك وقررتي ابو تركي : ترى لقافة الحريم شينه وهي استئذنت منك وإلا مني 00المهم00وسعي صدرك يابنيتي 00يلا أمشي أوديك00
دانه: لايبه خلك مرتاح انا بروح مع السواق وان شاء الله ماني متأخره ابوتركي: اللي يريحك انا كم دندونه عندي 00وطبعاام راكان ما قدرت تقول شئ عن السواق بوجود ابو تركي ودانه استغلت هالشئ لأنها ماتبي ابوها يفاتحها بسالفة العرس اذا راحت معه بالسياره000
وبعد ما رجعت دانه من بيت بنات خالتها اللي نست معاهم بهالدقايق القليله مشاكلها وازعاج ام راكان وتصرفت بهاللحظات على طبيعتها مبتسمه 00طفوليه00والهادئه بتعاملهامع الكل
دخلت البيت والأبتسامه ما راحت عن وجهها 00دانه:أهلين حبيبي نوني ما نمت للحين راكان: والله انام بالوقت اللي يعجبني وماني بأصغر عيالك تقولين لي نوني دانه: من جد انك ماتستاهل الدلع ولو انك ولدي كان قطعت لسانك هالطويل 00اقول انا احسن لي اطلع لغرفتي قبل ما تعكر مزاجي 00وطلعت دانه لغرفتها لكن كانت تعرف ان تعكير المزاج ينتظرها بالدور الثاني
ام راكان: اخيراً شرّفتي حضرتك كان نمتي عندهم احسن دانه: بسم الله علي فجعتيني وليه جالسه بالظلام00وما شاء الله كل هذي محبه لي مستقبلتني انتي وولدك
ام راكان: يالواثقه ما انتظرتك ميته عليك انا ابيك عشان اشوف ردّك عالزواج لأن الناس اتصلوا وانتي ما تنعطين وجه00 سنه عشان تردين00قلت اسألك واردلهم بنفسي
ردت دانه بكل عصبيه: اسمعيني عاد تدخلتي أول بحياتي وزوجتيني ولد اخوك اللي ما فيه خير وعمري 18 وسكت 00قلت هذي خالتي وتبي مصلحتي وما دريت ان المصلحه لك وانك بتتخلصين مني عشان تسرحين بالبيت 00لكن هالمره القرار لي وانتي آخر وحده تتدخلين وبعدين الخبر عند ابوي بأني مستحيل اتزوج ام ركان: تكفين عاد الناس ميتين عليك انتي احمدي ربك انهم وافقوا يزوجون ولدهم وحده مطلقه مثلك دانه : أجل اسمعي القرار الأخير أنا بوافق عالزواج هذا بالذات عشان تعرفين اني ماني رخيصه وألف واحد يتمناني وان الخسران الوحيد ولد اخوك اللي هو خليعي يعني انا تركته بكيفي 00ام راكان : حبيبتي لا تفرحين كثير لأن اللي خاطبك مطلق مثلك 00لا وعنده ولد يعني يبيك مربيه وبس
ردت دانه رغم الصدمه : ماعندي مانع ان شاء عنده مليون ولد 00لا وبسوي احلى عرس تحكي فيه العالم وانتي وولد اخوك قصدي خليعي أول المدعوّين 000بس تعرفين ليه ان شاء الله ربي بيوفقني ياخالتي ؟ لأن قلبي بيكون صافي وبحب ولده مثل ولدي وأكثر مثل ماتمنيت ولو بلحظه تعتبريني بنتك 0000
ومشت دانه وهي مرفوعة الراس ولأول مرّه تحس بطعم الأنتصار على خالتها وكلها أصرار بأنها هالمره بتتزوج عناد رغم أنها مصدومه بمعرفتها أن خطيبها مطلق 00 أما أم راكان فما قدرت ترد على دانه أو تتحرك من مكانها ولأول مرّه تحس بالهزيمه وأن كلمات دانه هيّضت المشاعر والعاطفه من جديد لكن ياترى هالمشاعر كافيه لتغيير اسلوب ام راكان00
00000000000000000000000000000000000000000000000000 000000
( المشهد الثالث )
كان ابو تركي جالس بالصاله يقرأ جريدته وياسر يلعب من حوله ومزعج العالم بالتلفزيون00نزل راكان وهو كاشخ وبدون اهتمام لأبوه اتجه للباب وهو يسولف بالجوال
ابو تركي : راكان 00خير على وين طالع؟ راكان :والله مواعد اخوياي نطلع لصالة البلياردو ابو تركي : وبس انا ما مليت عينك تمر من عندي ولا معبّرني 00الظاهر انا حيطه لك ولأمك اللي طلعت للسوق من دون ما تعطيني خبر 00ماادري وش شغلتي بهالبيت راكان: محشوم يايبه بس والله ما شفتك وانت جالس هنا ابو تركي :وانت من وين بتشوف من هالشعر الطويل اللي داخل لعينك كأن ما فيه حلاّقين بالبلد00اسمع روح الحين والساعه 9 تكون بالبيت وما يجي بكره إلا انت محلّق شعرك وياويللك ان تأخرت راكان:طيب 00يالله باااي
ابو تركي: والله ما خرّبتك إلا أمك وانت تراك ازعجتنا بهالتلفزيون قم ناد اختك لي ياسر يصرّخ بأعلى راسه :دندوووونه ابووووي يببببببك ابو تركي: ترى لساني اطول منك يالعجّاز روح لغرفتها ونادها وانت روح العب بالحوش ابي اختك لحالها 00نزلت دانه: هلا ياعيون دندونه 00بغيتني بشئ ابو تركي: تعالي يا زينة البنات ووسّعي صدري باخبارك الحلوه 00انا جالس من العصر لحالي وما احد عطاني وجه دانه:آفااا00احد ما يعطي اطيب أبو بهالدنيا وجه وماعاش من يضيّق خلقك ابو تركي : تبين الصدق انا ضايق خلقي لأنك ما رديتي لي عن موضوع الخطبه 00وش قلتي يا بنتي وان شاء الله فكرتي زين ؟ دانه بخجل: انا اقول الراي رايك يابوي انت خيّط وانا البس ابو تركي : يعني افهم انك موافقه 00والله فرّحتيني يابنتي والله يتمم لك على خير
دانه : بس يبه بصراحه ودي اعرف انت سألت عن الرّجال زين ابو تركي : ايه 00وتطمني الرّجال محترم وصيته معروف 00هو اسمه بندر عبدالله محمد ال (000) غني ورجل أعمال ناجح عمره 27 وعند ولد من طليقته ويملك شركه خاصه بأعماله 00والده متوفي وساكن مع اهله 00كل هذي المواصفات تتمناها أي بنت لكن دانه كانت لها مواصفاتها أهم فتمنت انه يكون
حنون 00متفاهم 00يحترم شخصيتها 00ومايعذبها ويراعي مشاعرها 00ولمّا كانت دانه تحلم بهالشخص فجأه رجعت بها ذاكرتها بأسمه 00دانه: عفواً يبه وش قلتلي اسمه ؟
ابو تركي: بندر ال(00) ليه فيك شئ ؟ دانه : لا00عن اذنك تذكرت شغل مهم 00وركضت دانه بسرعه لغرفتها ودقت على موبايل وجدان
دانه: هلا وجدان اخبارك 00عسى ما ازعجتك وجدان: هلا يالقاطعه 00وراك مختفيه عن العالم ووينك من زمان ما شفتك بالنادي 00ليه انهيتي اشتراكك
دانه: والله انك فاضيه انتي والنادي 00انا داقه عليك لسالفه أهم 00ابيك تقولين لي اسمك بالكامل ضروووري وجدان :والله منك صاحيه مقاطعتني اسبوعين وداقه الحين علي بس عشان اسمي وانا فرحت احسب صار عندك احساس تدقين وتسألين عن احوالي 00وليه تبين اسمي بتخطبيني دانه:والله مافيك عيب وألف واحد يتمناك ولو بيدي خطبتك لأخوي تركي
وجدان:شوفي لأنك مدحتيني هالمدحه الحلوه بقولك كل سيرتي الذاتيه00معاك البرنسيسه وجدان بنت عبدالله بن محمد ال(000) دانه:طيب يابرنسيسه عندك خبر بأن اخوك بندر خاطب وحده
وجدان: لاوالله 00ليه وانتي سامعه شئ وتعرفين هالوحده دانه: يمكن 00 حتى انتي تعرفينها 00هي وحده مملوحه وطيوبه 00 دانه عبدالرحمن ال(000)00عرفتيها؟
وصرخت وجدان:لالا ما اصدق بذمتك هالكلام00واتاريه كل يوم يسألني عنك وانا ماادري عن السالفه00طيب وانتي وافقتي دانه: بصراحه ما عندي مانع بس اوعديني ما تقولين لأهلك شئ لين انخطب رسمي 00اوكي وجدان:ايه 00بس تدرين انه مطلق وعنده ولد عمره 6شهورواسمه (مشعل) دانه: عندي خبر وانا ما وافقت إلا عشان ولده الصغير 00وجدان: ماأقول إلا ان فعلا بندر محظوظ فيك وان شاء الله ربي يوفقكم ياعيوني000 وبعد ماقطعوا الاتصال 00وجدان قامت تقفز على السرير وتضحك مثل المجنونه من الفرحه لدانه اللي ربي عوّض صبرها خير
وتمنت ان ربي يساعد دانه عشان تقدر تفك عقدة بندر من النساء وتغيّر تفكيره السيئ عن الحياة الزوجيه 00
00000000000000000000000000000000000000000000000000 00000000000000
00000000000000000000000000000000000000000000000000
فهل تتوقعون يتم الزواج أو بتواجه (دانه) مواقف أصعب بحياتها
تقبلوا0000تحياتي وحبي00 وترقبوا المزيد من رحلة دانه وقدرها بالبارتات الجايه

بداية حلوه

وآآآآصلي يالغلا

بانتظار البارت الجديد

,’

يعطيك العــافية
يا ليت تطرحين كل الأجزاء بـ هذا الموضوع حتى ما تتشتت الرواية

,’

يُــــــغـــــلــــق