ذكريات على مفترق طريق
محاولتي الاولى في كتابة الروايه
اتمنى ان تحوز على رضاكم
وقائع الروايه من قصة حقيقية
-*-*-*-
الورقة الاولى
صديقتاي
عبير * شروق
كم كنا نحلم و نتمنى و نرسم الامال
بكينا و فرحنا و تألمنا وواجهنا الصعاب
اذكركم في يومي و في امسي و في الغداة
يزورني طيفكم كل صباح و مساء
و مازلت اقف على مفترق الطريق
احتسي بقايا الذكريات
يهزني الشوق لاضمكما الى صدري
و ابكي الم الفراق 0
بقلم ليلى
_*_*_*_*_
ام ليلى= ليلى يالله يا بنتي تاخرتي السواق منتظر له ساعه
ليلي= زين يمه هالحين طالعه . هاتي بوسه يا عسل قبل اروح
ام ليلى= يوه يا بنت خلاص بلا دلع
ليلى= فديت قلبك يا احلا ام بالدنيا . يالله مع السلامه و لا تنسين ادعيلي كثير يمه يالله سلالالالام 0
ام ليلى= يا بنت قولي للسواق لا يسرع .
الله يستر عليك يا بنتي . يارب انك توفقها0
——–
ليلى= بنت متوسطه الجمال هادئه نوعا ما
يتيمة تعيش مع امها و هذه اول سنه لها في كلية الطب
من عائلة غنيه 0
——-
في الطريق
جوال ليلي يرن= الو هلا يووه قطع هالوجه من صباح ربي
عبير= ههههه ول عليك قولي طيب ولكمو
ليلى= ولكمنا وش عندك
عبير= مريني هالحين
ليلى= ييييه انتي ماتبطلين هالسوالف انا ليموزين
عبير= اقول لا تمصخينها يالله عاد مريني . ابوي سيارته خربانه و زود مايدل الجامعه
. و اخوي طلع من بدري وقال ابوي كلمي صديقتك تمرك
ليلى= لا عاد اذا فيها الوالد امرك يا حبنيله هالشيبه
عبير= ههههه غصب عنك مو بكيفك
ليلى= اقول طويلة العمر ماتبين اجيب لك شي بطريقي
عبير= ايه والله هاتي لي معك كوفي من ذا الويش اسمه اللي جبتيه المره اللي راحت
ليلى= الويش اسمه ؟ زين زين يا عسل هالحين امرك عاد اجهزي ما نبي نتأخر هذا اول يوم لنا بالجامعه
عبير= ايه والله وجهي ووجهك قاطينهم في الطب مدري منهو امه داعيه عليه اللي بيطيح بمشارطنا هههه
ليلى= عبير ماودك تسمعين صوت القطار؟
عبير= الا ودي
ليلى= اجل هاه توتوتوتوت
عبير= مالت اقول مالت سكرت بوجهي هالمصله و الله لاوريك يا ليلوه يالله خلني اقوم اجهز
————-
عبير= صديقة ليلي منذ الطفوله وحتى مرحله الجامعه
جميله جدا تحب المزاح و النكته و جريئه من عائله مستواها المادي ضعيف
تعيش مع اخوها الكبير فهد وزوجته حنان و ابنائهم ووالدها ووالدتها 0
———
عبير= يبه ليلي بتمرني
ابوها= ليلى بنت حلال الله يستر عليها .من يوم ماعرفناها ما شفنا منها الا كل خير
عبير= ايه والله يبه طييييبه حيل وما تقصر معي بشي
ابوها= عاد هالله هالله بصديقتك لا تقصرين معها
عبير= لا توصي حريص والله انها الاخت اللي ما جبتوها مو مثل هالولد الاقشر
ابوها= يا بنت استحي هذا اخوك الكبير
عبير= اي كبير يبه هو خلا فيها كبير ولا صغير اقول بس الله يفرجها و اتخرج ونفتك منه ومن مرته النسره
ابوها= يا بنيتي خليها على الله مابه شي عنده ضايع انتي افطرتي؟
عبير= ايه افطرت يبه روح انت اقعد عند الوالده وانا بقعد انتظر ليلي بالسيب لين تاصل
ام فهد= يا ابوفهد تعال اشرب قهوتك
بعد ربع ساعه
عبير= يمه انا طالعه ليلي وصلت – مع السلامه
ابو فهد= عبير عبير عبير استنى يا بنت خذيتي مصروفك
طلعت بدون مصروف يالله انك تعين على هالحال 0
—————–
حنان زوجتة فهد= وش يعين عليه ؟
متى الخراج من هالعجز مع صباح ربي اف بس وش هالضيقه
ابو فهد= لا حول ولا قوة الا بالله جزاك الله خير يابنيتي
حنان= بنيتي قبح والله يا شينها بس وهي طالعه من حلقك
الله يخلي لي ابوي فديته وش جاب لجاب يالله الحمد والشكر0
————–
حنان= زوجة فهد اخو عبير زوجة متسلطة و كل الامر و النهي بيدها0
———-
في الطريق للجامعه
ليلى= صباح الخير عبور وش هالزين على الصبح
عبير=من بعض ماعندك وش هالاخلاق ماكنك من شوي مسمعتني صوت القطار
ليلى= هههههه بس كيف مو صوته حلو
عبير= يص يهبل ويه يازين سيارتكم كشخه و براد مهو سيارة ابوي الفرن
ليلى= هههههه زين بس اركدي لا يخترع السواق
عبير= ويه حتى سواقكم من وين جايبينه من هوليود وش هالزين
ليلى= قبح هالشين مزيون ؟ الا كنك صافقه وجهه بقدر عبير تراني بديت اشك بذوقك
عبير= اي ذوق يا بنت الحلال هي مرة اخوي خلت فيها ذوق
ليلى= ليش وايش دخل مرة اخوك في الذوق
عبير= مادريتي ؟
ليلى= لا والله
عبير= اجل ما علمتك اسمعي يا طويلة العمر. قال وشو حنان تبيني اخذ اخوها المعصل زيد
ليلى= هههههه زيد ما غيره هههههههه
عبير= هاه شفتي عاد النكته وتبيني ما اقول على السواق مزيون
ليلى= لا عاد لك حق مقارنه السواق بزيد مثل العصيد و التفاح
عبير= قال زيد قال لا و مصبحتنا و مسيتنا على مشاكل كله ضغط علشان ابوي يوافق
بتموت حره تزوجني اخوها وتقعدني عن الجامعه واخوي فهد يا خلف الله عليه شخشيخه
ليلى= يالله صباح خير الله يعينك و يعين اهلك عليها من يوم اخوك اخذها وانا ماني قادره ابلعها شرانيه
عبير= ههههههه و ما تدانيك خير شر كله تقول لخوي اختك تتصرمح مع ليلي بالسواقين ولو مو ابوي كان
هالحين انا اغسل ثوب زيد خخخخخخخ
ليلى= الله يعينك
عبير= يوه وين الكوفي يا بخيله
ليلى= لا والله ماهو بخل لكن قلت نفطر بالجامعه احسن
عبير= ييييه ذكرتيني المصروف مالت علي نسيته
ليلى= ولالالالا يهمك عندي يا حلوه و بكره عليك
عبير= فشله من اول يوم
ليلى= ايه على فكره تو من شوي وانا جايه اتصلت شروق مندجره البنت تقول وينكم انا بالجامعه
عبير= يؤ مسرع وش على بالها الثانويه خخخخخخ
ليلى= ههههههه لا من كثر ماهي متحمسه تقول طلعت بدري وقالت تعالوا نفطر بالكافتريا
عبير= ايه والله خلصنا من قرف الثانوي و صرنا نفطر بكافتريا يا حليلنا صرنا شي
ليلى= افا وليه حنا مو شي
عبير= لا شي ونص لكن مقارنه بالثانويه تمحق هي و مدرساتها ههههههه بس لا تذكريني
ليلى= لكن كانت ايام حلوه خصوصا يوم فصخوك الجزمه ههههههههااااااااا
عبير= اعوذ بالله انتي ما تنسين
ليلى= هو في احد ينسى ذاك اليوم هههههه شي شكلك وانتي تمشين بالمدرسه بالشراب
عبير= هههههههه كنت صغيره وطاوعتهم قال ايش بيضا و النظام اسود ياني خبله
ايييييه ماعلينا بس كانت ايام حلوه عاد نكبر و نحكي عيالنا
ليلى= ههههه بتقوليلهم فصخوني الجزمه
عبير= لا عاد مهو لهذي الدرجه بملح بعض المواقف خخخخخخ
ليلى= هههههههه اه يا قلبي ياني فديتك يا عبور عسل
عبير= احم احم مشكوره خخخخخخ
ليلى= هيه عبير هذا احنا وصلنا البوابه يالله
عبير= والله كشخه و حنا جاين بسيارتكم مهو ونيت ابوي خخخخخ
ليلى= يا بنت هذا ابوك عيب
عبير= امزح يا هووو فديت ابوي وفديت عراويه
ليلى=يالله عبور نزلنا ياكريم هذا اول يوم لنا يعدي ان شاء الله على خير
عبير= يالله سمينا
————–
شروق= بنت نعومه و طيوبه و خجوله من عائله متوسطه الدخل
اكبر اخواتها و حبيبة ابوها و امها وهي صديقة عبير وليلي من الطفولة 0
_*_*_*_
ان اعجبتكم البداية اكملتها
بدايه رائعه صحيح انها الى الان حوار بدون مانعرف مظمون القصه او نستشف ولو شي قليل من احداثها
لكن اتوقع انها بتدور احداثها حول الصديقات الثلاث ليلي وعبير وشوق ومعانات كل وحده منهم
والشي الحلو ان كل وحده فيهم بمستوى معيشي مختلف ومع كذا جمعتهم الصداقه
اتمنى انك تكمليها وان شاء الله اكون من متابعينك
تقبلي مروري
ولكي مني كل الحب
|
المشاركة الأساسية كتبها مـعـزوفـة حــــزن
 غاليتي بداية وقت
بدايه رائعه صحيح انها الى الان حوار بدون مانعرف مظمون القصه او نستشف ولو شي قليل من احداثها اتمنى انك تكمليها وان شاء الله اكون من متابعينك تقبلي مروري ولكي مني كل الحب |
السلام عليكم
هلا و غلا معزوفة حزن شرفني تواصلك
الروعه تواصلك حبيبتي
هي محاوله اولى للكتابه و ان شاء الله تعجبك و تعجب بقية الاعضاء
و فعلا كما قلتي احداثها تدور حول معاناة 3 صديقات ليلي – شروق – عبير
لكل منهم معاناة مختلفه جمعتهم الصداقه منذ الطفوله
بالنسبه لاحداث القصه ستتمكنين من معرفتها مع تطور الوقائع
وهي قصة حقيقية حدثت بالفعل و ليست من الخيال
و لكن بتصرف في تغيير الاسماء 0
غاليتي شرفني تواصلك و ساتابع سردها
اختك بداية وقت
يقولون
ان المعاناة بعد مضي الزمن تتحول الى ذكرى تضحكنا
بعد ان كانت تبكينا
لم اكن اظن يوما بانكما ستصبحان في يوم ما ذكريات
و لكنها
ذكرى تبكيني كل اشراقه صباح
و اظن ان هذا الحزن سيسكني للابد
بقلم ليلى
_*_*_*_
الساعه 2 بعد الظهر في بيت شروق
بيت شروق شقه فاخره في وسط المدينه
والدها رجل خمسيني موظف ووالدتها اربعينية و ربة منزل
لشروق اختين شهد تدرس في المرحله المتوسطه بنت شقيه
و سالي في المرحله الثانويه بنت انطوائيه
دخلت شروق البيت بحماس مع ابوها و اخواتها شهد و سالي راجعه من الجامعه
و طيران للمطبخ و حضنت امها فرحانه
شروق= السلام عليكم و رحمة الله
وحشتيني يا امي كثير و باستها بوسه كبيييره
ابو شروق شاف البوسه و الاحضان قعد يضحك عليهم
ام شروق= وعليكم السلام ورحمة الله هلا بالدكتوره
شروق= واو يا امي حلوه مره من فمك من جد احس اني احلم
ام شروق= لا ان شاء الله مو حلم هيا حبيبتي ادخلي غرفتك و غير ملابسك
و انا بجهز الغدا وبعدها احكيلي اللي صار معاك من طقطق لسلام عليكم
شهد= ياسلام الله علينا محد سالنا شي ولا عشان احنا مو دكاتره
ابو شروق= ههههههه بدينا نغار
شهد= لا مو غيره بس شويه شويه علينا
شروق= طيب خلاص ولا يهمك يا احلا دكتوره
شهد= ياسلام على التصريف
ام شهد= خلاص يا بنات يالله كل وحده تروح تغير ملابسها
سالي دخلت غرفتها بهدوء ومالها في الكلام الكثير هادئه و تحب تكون لوحدها
————
على الغدا
شروق= اليوم كل وقتي مع ليلى و عبير
واو يا امي ليلى اليوم كان لبسها روعه مره ذوق
و ماشاء الله تبارك الله عبير احلوووت كل يوم تزيد جمال على جمال اذا ما كنت مبالغه
اجمل بنت في الكليه ربي يحفظها ان شاء الله و عليها خفة دم عسل كل شويه نضحك
حتى صرنا في موقف محرج من البنات الباقيات حسينا اننا غلط
ام شروق= عبير ماشاء الله خفت دم على حلاوه لو عندي ولد كان خطبتها
ابو شروق= وليه تروحين بعيد انا ما املا العين هههههه
شروق= كيف ما تملا العين انت احسن واحد في هذي الدنيا اتوسط لك عندها هههههه
ام شروق= ماشاء الله عليكم البنت و ابوها اتفقوا
شروق= معليش يا امي خلي بابا يدلع شويه بشبابه مافيها شي ههههه
ام شروق= يا بنت اسكتي لا يصدق ابوك ههههه
شروق= لا ما يصدق هو عارف انها مداعبه مو صح يا بابا
ابو شروق= هههههه ايوه صح بس جد هههه
ام شروق= انت تتمنى تكون جد هيا لا عاد تجيبي سيرة حريم قدام ابوك لا يفر مخه و يسويها
شروق= امي تغارين عليه
ام شروق= لا من قال اغار واثقه في نفسي
ابو شروق= هههههههه طيب طيب بس انا بصير احسن منك يا ام شروق انا مستحيل اتزوج الا اذا
انتي خطبتي لي
شروق= يوووه اجل استنى لحد ما يجي الربيع ههههههه
ايوه صح يا امي عبير انخطبت
ام شروق= ماشاء الله من خطبها
شروق= تخيلي بس مين ؟ اخو حنان مرة اخوها
ام شروق= و ان شاء الله رجال كويس
شروق= لانه اخو حنان عبير ماراح توافق و مستحيل توافق هي تطيق العمى و لا تطيق مرة اخوها
ام شروق= بس يمكن الرجال مايكون زي اخته
شروق= لا يا امي عبير تقول انه ولد مو متعلم و فاشل و معتمد على ابوه في كل شي
و حنان تحاول في فهد انه يوافق بس عبير وابوها وامها مو راضين
ام شروق= اجل هم اعرف فيه مدام ابوها رافض لا تهتم
شروق= بس مسكينه مره حنان مطينه عيشتهم جالسه تسلط فهد عليها و نهار وليل مشاكل
كله عشان يخليها تترك الجامعه و تتزوج اخوها
ام شروق= والله حرام ليه ما تسيب البنت في حالها هو الزواج بالغصب
العيب في فهد مو في زوجته ولا ابو فهد رجال طيب و كريم
و الكل يتشرف بمعرفته رجل ما يقطع المسجد ماشاء الله صيته عند الناس بكل طيب
الا ايش اخبار ليلى؟
شروق= الحمدلله كل خير و امها تمام دوبهم راجعين من لندن كل الصيفيه قضوها هناك
و جايبه اغراض و ملابس واو روعه بنروح لها يوم الخميس انا و عبير ان شاء الله علشان نتفرج عليهم
شهد= ما تلاحظون انكم ما سالتوني شي؟
ابو شروق= هههههه طيب انتي مو عاجبتك هرجه الحريم هذي
شهد= لا مو عاجبتني
سالي= خلاص اتركو الخلق للخالق لا تجيبون سيرتهم لا بخير ولا شر
شروق= ليه احنا اش قلنا سوالف عاديه ندردش انا ومامتي
سالي= ايوه دردشو بس مو قدام بابا بعدين يتعود على هروج الحريم
ابو شروق= هههههههههههه ليه التقطيع هذا يعني خلينا نعرف اخبار الحلوين
شروق= هههههههههههههه ياعمري على بابتي
—————
في بيت عبير
بيت متواضع جدا باحد الاحياء الشعبيه
يتكون من عده غرف
يلم ابوفهد و ام فهد و عبير وفهد و زوجته وولد فهد وبنته
وقفت سيارة ليلى عند بيت عبير راجعه من يوم الجامعه اللي كان
طويل بس كان مليان انبساط و ضحك مع ليلى و شروق
نزلت عبير عند بيتهم و ودعتها و كملت طريقها لبيتها
وقفت عبير عند الباب كثير تنتظر احد يفك لها الباب
و بعد مرور وقت فتح فهد الباب ووجهة مكشر و ما يبشر بخير
فهد= تو الناس ليش ما كملتي قعده
عبير= اعوذ بالله من غضب الله قالتها في نفسها
فهد= لا اضربيني يالله امشي خشي لا بارك الله فيك
و شدها من عبايتها بقوه لجوة البيت
عبير= يوووه ياربي من هالحال اقول وخر تعبانه وما فيني خلق انت ما فيك خير ابد
فهد= و انتي من يشوف وجهك يشوف خير اقول انطمي لا سكتك بخومس يلزق وجهك بالجدر
عبير= لا حول ولا قوه الا بالله
و دخلت حجرتها و هي محتره من فهد و تلعن وتسب
ابو فهد شاف عبير داخله زعلانه وجهه تغير عرف ان فهد السبب
ابو فهد=الحين انت واخرتها معاك ما تسيب البنت في حالها
فهد= هالحين تسالني انا اسئل بنتك وين كانت لها الحزه
ابو فهد= وين بتكون يعني بالجامعه
فهد= جامعه لساعه 2ونص اي جامعه والله ما بتخربنا غير الجامعه
ابوفهد= اقول مالك خص هذي بنتي وانا ابخص فيها وانت كان فيك خير اقبض اللي عندك
فهد= ايه لف الحين على مرتي كله لعيون بنتك زين يبه ان ما بدلعك هذا جابتك لك فضيحه ماكون انا فهد
ابوفهد= اعقب تفاول علي وعلى اختك بفضيحه انت ما تستحي على وجهك
اذا مو عاجبك خلك رجال وخذ لك بيت و اطلع انت و اهلك
فهد= تطردني من البيت عشان بنت
تدخلت ام فهد تهدي المشكله
ام فهد= يا ابو فهد اتعوذ من الشيطان
فهد= انتي كمان يالعجيز معاها
ام فهد= ياحسافه البطن اللي شالتك هالحين تقول لامك عجيز
عبير= يمه يبه خلاص اتركوه خله يولي وش هالحياه ياربي انا بلاقيها من وين ولا من وين
فهد= ليش يعني وشي همومك الثانيه علمينا لا يكون عشقانه
ابو فهد رفع ايده بيضرب فهد لكن ام فهد و عبير جريو عليه و مسكوه
عبير= يبه تكفا لا اتركه الله يهديه ان شاء الله
ام فهد= لاحول ولا قوه الا بالله من زوجناك نسيت ان لك اهل
حنان سمعت هالكلام طلعت معصبه
حنان= خير وش فيه من زوجتوه تغير يعني انا اللي مشيشته عليكم
عبير= اقول انتي لا ترفعين صوتك و تكلمين امي وابوي بها الاسلوب
حنان= وشو ما سمعت لا والله اصلا فهد لو فيه خير يادبك لان ابوك ما رباك
ام فهد= هيه انتي منتي كفو حشيمه ترا حشمناك واجد
فهد حس انه ماعاد له داعي في الهرجه وسحب حنان و دخل لغرفتهم
عبير دخلت غرفتها و ابوها وامها في حاله غضب وقهر من تصرفات فهد وزوجته
عبير= يمه انا بنام تعبانه ولا اذن العصر قوميني اصلي
ام فهد= ماتغديتي يا عبير اصبري انشب لك غداك
عبير= يمه من يجيله نفس في هالبيت ياكل لا قمت العصر يصير خير
ودخلت غرفتها وسكرت الباب
ابوفهد= الله يعين على هالولد كل يوم في نجره ما ينقل عنا ويفكنا
لا حول ولا قوة الا بالله
ام فهد= الله كريم ان شاء الله ربي يعوضنا بها البنيه
ابو فهد= يارب فرجك 0
——————–
في بيت ليلى
وصلت ليلى اللي بيتها بعد ما ودعت عبير
بيت ليلى فيلا في ارقى احياء المدينه
تسكن فيها مع امها و الطباخه و الخادمه
ابو ليلى متوفي وهي بعمر 3 سنوات
و خالها عبدالعزيز يزورهم من فتره لفتره
دخلت ليلى الفيلا
استقبلتها الخادمه اخذت منها عبايتها و الشنطه
سألت ليلى الخادمه= فين ماما
الخدامه= ماما راحت مع ساهبتها
ليلى= طيب طلعي الاغراض الغرفه
ودخلت المطبخ تشوف ايش سوت الطباخه
الطباخه= انا سويتو ورقك ئنب ومكرونه باساميل
ليلى= ياي الريحه تهبل تسلم يدك
الطباخه= ليلى انتا تبقى اغريف
ليلى= لا مو الحين لما ترجع ماما
الحين طلعي لي بس كوب عصير و كراوسون
الطباخه=هادر ليلى
طلعت ليلي غرفتها و اخذت شور سريع
و حضرت لها الخادمه العصير و الكراوسون اكلتهم
و هي قاعده على الكمبيوتر تتصفح ايميلها و موقعها المفضل
و تنتظر رجعت امها من برا
مر الوقت بسرعه ليلى حست بالنعاس و اتمددت في سريرها
ونامت كالعاده قبل ما ترجع امها0
——————-
مر الاسبوع الاول بسرعه
و اليوم الخميس موعد زيارة شروق و عبير لبيت ليلى
اتصلت عبير بالجوال على ليلى
ليلى= هلا عبور
عبير= السلام عليكم كيفك
ليلى= الحمدلله بخير
عبير= معليش والله اخوي فهد حالف قسم مايوصلني فيك ترسلين السواق
ليلى= ولو يا عبور انتي تامرين امر متى تبينه يجيك ؟
عبير= بعد المغرب احسن يكون فهد انقلع مع زوجته
ليلى= ولا يهمك بعد المغرب تلاقينه عند الباب
عبير= فديتك والله . شروق كلمتك؟
ليلى= ايه جايه بعد المغرب تقول عندها اخبار حلوه
عبير= اي اخبار
ليلى= والله ما ادري بس تقول حلوه و مفاجأه
عبير= زين لولو تبين شي اجيبه معاي
ليلى= اكذب عليك و اقول ما ابي الا ابي
عبير= يؤ وش تبين يفداك
ليلى= ابي فطير الوالده بس لا تسويه عشاني اذا موجود جيبي
عبير= هههههههه الا موجود هو في صنعه عند امي غير الفطير
ليلى= اجل هاتيلي معاك ياهو لذيذ
عبير= ههههه والله انك بنت فقر
زين خليني اروح اتروش و البس و اقول لامي تتلف لك الفطير
يالله مع السلامه لولو ولنا لقاء0
_*_*_*_*_
للاوراق بقيه
وروعة الاسلوب تكفلت بإعطاء كل شخصية حقها وإبرازها بوضوح للقراء….
واصلي اختي وسلمت لنا أناملك الذهبية مع اصدق امنياتي القلبية لك بالتوفيق ولاحرمنا الله إبداعك الراقي…..
أتمنى لك التوفيق والنجاح..
واصلي الكتابه ..فأنت مميزه
×
بسم الله
بداية موفقــة عـزيــزتي
أتمنــى لك التوفيــق
بداية وقت .. منـــورة
::
والله يعطيك العافيه وننتظر البارت القادم احس ان شروق عندها شي مهم بتقوله لهم
وعبير الله يستر لا تأخذ اخو العله حنان
فهد اسلوبه وتعامله مع اخته واهله ينرفز ولكن للاسف ان هالشي موجود في الواقع
استمري غاليتي واتمنى لك التوفيق
تقبلي مروري يالغلا
والدليل الاستهلال بالخواطر القصيره بداية كل بارت
واتمنى واقعيتها ماتفسد جو الروايه وتخليها روتينيه
ننتظررررررررك لاتطوليييييييييييين
اسلوبك راااااااااااااااااااااااائعك جدا
ولغتك العريبه ممتازه.. بعكس الكثيرات
متلهفه للاجزاء القادمه.. للاسلوب الرائع عزيزتي
افرح بالمتمكنات من اللغه.. اشعر بتميز فريد وقدره للتعبير اكبر
من انتقاء الكلمات والمعاني الممتازه التي تخدم المشاهد
اعجبتني قدرتك كثيرا وتمنيت القصه لوكانت باللغه العربيه الفصحى
ولكن يبقى ان اسجل فرحي بروعة بدايتك.. واتمنى الاحداث القادمه تزداد تشويقا
متمنيه لكي التوفيق والنجاح
يا عسل
.. دانة