دون متعب كلنا قلبٍ رحيم 2024.

ولكن فرج الله اقرب من لمح البصر فقد تم تمديد المهله ثلاثة شهور
نسأل الله ان يفرج كربته ولا يحرمه من فزعة أهل الخير

لاتحرموه من دعائكم اخواني وأخواتي

يالله الرحمن ماغيرك رحيم

غير وجهك كل خلقك من لها

يالطيف وياخبير وياعليم

امتك للخير ربي دلّها

ياكبير ويامجير وياحكيم

ياودود برحمتك سهّل لها

يامعز ويامذل وياحليم

يامهيمن في ظلالك ظلّها

ياغفور ويارؤوف وياكريم

ياأله الكون هوّن حلّها

لاتكلنا غيرك بأمرٍ يضيم

كلّها بيديك ربي كلّها

ينتخي متعب من الأمر الجسيم

والمواقف لابتي أهلٍ لها

كلنا لك والأمل تطلع سليم

والسلامه عند عينك خلّها

ربعي الويلان يرضون الخصيم

وبالتكاتف عنك تجلي غلّها

لابتي بالكون هم عوق العديم

وفوق كبده يردمون عللها

فرحة المضيوم من عهدٍ قديم

مايصيبه ضيمها مع ذلّها

بالمواقف فعلهم فعلٍ عظيم

مايجيه الضيم من يزبن لها

يوم ناجح ضامه الوضع الأليم

وأنتخى والهم حاله سلّها

قامو الويلان بحقوق الغريم

وفاخر التاريخ في مجدٍ لها

وأن بغينا نذكر فعول الزعيم

محتمين حدودها ودولّها

للطوايل عشقنا عشقٍ حميم

وارثينه من قديم جيلّها

شامخين وفعلنا ماهو عقيم

يشهد التاريخ في ماضٍ لها

مانخلّي متعب بهمّه يهيم

يوم رب البيت هوّن حلّها

دون متعب كلنا قلبٍ رحيم

مانحسّب كثرها من قلّها

لو تطول المسأله صوغ الحريم

التكاتف لابتي طبعٍ لها

الغني يدفع وخير الله مقيم

والضعافا لو تبيع حللها

فرحة امه من بعد حالٍ سقيم

يوم همّه من سنين احتلّها

احتسبها عند ربك ياحليم

جنّتة ياسعد من ياصل لها

قلتها والحل بيدين الكريم

كلها بيدين ربي كلّها

الله يجزاك خير يالغالي قصيده جزله وشهادتي فيها مجروحه والله يفك اسره ويرد لهله يارب

اخوي ابوبدر
صح السانك
والله يفك ضيقه وعنزه يااخوي ماهم بعاجزين في 10 ملايين لو يدفعون على ريال غطت وهم اهل الفزعات من ماضي العصور والنشامى اللي منا ومنا ماهم بمقصرين
الله يفك عوزه ويرجعه لأهله ويعتق رقبته
لاعدمتك يالقاطع وصح السانك
تقبل تحيات وتقدير
اخوووووووووك
أســــ الغنج ــــير

الله يفك اسرة ويعين اهله ويصبرهم ياااارب
جزاك الله خيرا

يا رب يفلكلو ويقدر اهل الخير لو

تقبل مروري مع خالص الدعوات

صح لسانك أخــــــوي
وألله يفك أسره
ويعين أهله على مابلاهم
دعواتنا له من القلب

تقبل مرووووووري
عديل الروووح

صـــح لســـانـــك

أبدعت بمعنى الكلمة

قصيدة رااااائعة

لــ هدف ســامـي

أسأل الله أن يأتي بالفرج القريب

‏(ماخاب عبد قد رجـــاهـ)

دمت بحفظ المولى

ودام لك غاليك

عودآ حميدآ اخوي الاطرق

اول شي صح لسانك ملايين اخوي

ثاني شي الله يفرجها عليه يارب .. وان شاء الله انها بتتدبر ال سعود مو مقصرين لو فيه

احد يقدر يدخل عليهم ان شاء الله بتتيسر

يعطيك الف عافية وفي انتظار جديدك ..ْ~