دفعت الثمن غالي 2024.

بسم الله نبدا القصه
الجزء الاول
صحيت على صوت ريان
ريان وهو نعسان : ماما شوفي ليان كل شوي تبكي
ابتسمت له بتعب وسالته : ليش وشفيها اختك
ريان وهو طفشان: مدري بس كل شوي تبكي
شفته يطلع من الغرفه معصب ابتسمت في نفسي عليه اكيد اخته صحته من نومه طالعت الوقت الساعه كانت 2 اخر اليل قمت بكسل ورحت اشوف شفيها ليوونه
دخلت غرفه العيال استقبلي صوت بكاء ليان كانت واقفه وتبكي على السرير يلا زين ان السرير له جوانب ولا كانت طاحت بنتي خخخخ لما شافتني على طول رفعت يدينها عشان اشيلها ابتسمت لحركتها اخذته بسرعه وقمت ابوسها واسكتها بس اففي ريحتك يابنتي مو زينه اكيد عشان كذا صحيتي اخذتها عشان اسبحها ولبستها وماهي الا دقائق الا رجعت نامت مره ثانيه حطيتها في سريرها وغطيتها طالعت الجهه الثانيه ل قيت ريان منسدح على فراشه ونايم ابتسمت في نفسي غطيته فقررت اني انسدح جنبه ونام مع عيالي هذه اليله
على الساعه 5 صحيت عشان اصلي الفجر توضيت وصليت ورحت عشان اسوي لريان فطوره هو الحين اولى ابتدائي سبحان الله مسرع السنين تمر واحنا مانحس فيها بعد ماخلصت صلاتي صحيت ريان
ريان بضيق: ماما مابي اروح المدرس يقول مافي مدرسه اليوم
ضحكت عليه : هههههههههه من الحين تكذب الله يستر منك
ريان ببرائه : والله ماما يقول مافي مدرسه يقول لازم ننام اليوم بس
طالعته : بعد تحلف الله يهديك بس يلا قوم غسل على بال مااجلس ثيابك وفطورك يلا قدامي
ريان : اووووف
وطلع من الغرفه وهو متضايق
ابتسمت لمن طالع هذا الولد دايم 24 ساعه اخلاقه مقفله الله يوسع صدره بس
دخلت المطبخ عشان اسوي الفطور لريان شوي الا سمعت صوت فهد
فهد وهو مكشر ويحك راسه ويطالع لي : وش تسوين ؟
تاففت في نفسي وش صحاه هذا الحين رديت عليه بدون نفس : اسوي فطور لريان
قرب مني وسالني : وانا وين فطوري ؟
استغربت منه : غريبه العاده ماتطلب شفيك اليوم مروق ؟
فهد وهو يخزني بعيونه : ليش حرام يعني ؟ ولا كيف ؟
سكت عنه مالي خلق اتناقش معه ع الصبح
فهد : هو يطلع من المطبخ سوي لي قهوه
هزيت راسي بطيب
خلصت اكل ريان وسويت لفهد القهوه وجلست في الصاله
فهد وهو يشرب القهوه : اليوم ابي 10 الاف ريال
طالعت له وانا مستغربه منه : فهد من وين لي انا ؟
فهد ترك الفنجان من يده ويطالع لي باستخفاف : وراتبك وين يروح ؟
قلت له: ومن الي يصرف على البيت والمقاضي ومن يدفع مصاريف العيال مو انا ؟
فهد باستفزاز : راح تدفعين وتبوسين راسي بعد ولا نسيتي وش سويتي؟
بلعت ريقي بقوه ياربي الحين وش اسوي الى الان مو ناسي الي سويته
فهد يكمل كلامه : اذا ما عطتيني الفلوس اليوم راح اخليك تندمين طولك عمرك يا لينا وقد اعذر من انذر هههههههههههه
كنت ابي اضرب على فمه واكسر اسنانه قلت له : انا ماراح اعطيك فلوس ماعندي ولا شئ والي عندي كله للبيت صرف عمرك
شفت فهد يطالع لي باستغراب : والله صرتي تعرفين تردين يا بنت محمد لكن هين اوريك
طاح قلبي لما شفته يطلع شئ من جيبه وماخاب ظني لما عرفت انه جواله
فهد بضحكه : تعرفين صاحبه هذه الصوره
انا هنا طاح قلبي وطار عقلي حاولت امسك الجوال بسرعه كنت ابي اكسره وارتاح من شره ع الاقل ماراح يلاقي علي شئ يثبته علي غير الصور الي في الجوال
مسكت الجوال بسرعه كنت ابي اسحبه منه لكنه دفني وطحت حتى حسيت ان ظهري انكسر لانه طحت على الارض
طالعت له بحقد وقلت له : الله ينتقم منك
فهد وهو ياخذ نفسه : اعوذ بالله منك مو حرمه انتي الله ياخذك ويفكني منك وابتسم ولا اقول لله يخليك لي يا بنكي العزيز
ماقدرت استحمل كلامه فقمت مره ثانيه وعطيته كف حسيت ان حراره خده انتقلت ليدي لكن حسيت ان نهايتي قربت خاصه لما شفته عيونه حمرت من العصبيه قمت بسرعه ابي اركض لكن ما مداني لانه مسك بشعري بقوه مت خوف لما قربني منه لما همس في اذني : انا مسوي لك مفاجاه بعد لكن انتظريها بكره
بققت عيوني وانا ميته خوف منه
ريان : بابا ماما وش تسوون؟
لاحظت انه ارتبك لما شاف ريان عشان كذا بعد عني بسرعه وانا رحت احضن ريان كانه ابي ادور الامان عنده كله من الحقير هذا ياليتني ماتزوجته ولا في يوم عرفته
فهد وهو يتكلم بارتباك : ريان حبيبي مانسوي شئ بس كنت اسولف مع ماما
ريان وهو مو مستوعب : طيب بابا ورجع طالع لي ماما ليش وجهك احمر
تمالكت اعصابي وابتسمت له وقمت وانا موجوعه من ظهري ومسكت يده ودخلنا المطبخ انا مستحيل اامن على عيالي مع الرجال المتخلف هذا وانا داخله المطبخ فهد مسك يدي وهمس في اذني ابي ارجع البيت والمبلغ جاهز
طنشته ومارديت عليه على الساعه 6 جا الباص وراح ريان المدرسه وانا رحت عشان اتجهز للدوام واجهز ليان عشان اوديها عند امي
لبست بسرعه وتجهزت وانا مرتبكه باقي يرن في راسي كلام الحثاله هذا الله يستر منه بس على شنو ناوي عليه وسط افكاري خلصت شغلي في البيت بسعرعه ولبست عباتي عشان اطلع من البيت واخذت شنطتي وشنطه ليان معي وجلست انتظر السواق
كان واضح على ليان انها باقي نعسانه ابتسمت لها وبست خدها برقه وقلت لها : خليك نعسانه عشان تنامين في بيت جده ولا تزعجينها حبيبتي
بعد حوالي 10 دقائق وصل السواق وركبت مستعجله كنت احس ابي اطلع من هذا البيت الخانق عافنا الله محد حتى يرتاح في بيته
لقيت في السياره زميلتي علاا وهي اقرب صديقه لي
علا بابتسامه : وعليكم السلام
ابتسمت لها باعتذار : اسفه حبيبتي بس مستعجله حتى ما مداني اسلم
علا وهي تاخذ ليان مني : عادي حبيبتي وباست خدها وقالت لي : يما بسم الله عليها كل مااشوفها يوم عن يوم تطلع نسخه منك
ابتسمت لها : ايوه حتى امي تقول كذا
كنا نسولف حتى وصلنا بيت اهلي وفتحت الباب بالمفتاح لقيت البيت هادي مثل العاده رحت عند غرفه امي لقيتها نايمه ابتسمت لها وبست راسها وحطيت ليان في سريرها وغطيتها باللحاف
التفت بسرعه لما سمعت صوت امي : رايحه الدوام يابنتي؟
ابتسمت لها ورحت ابوس راسها :
امي : باستك العافيه يابنتي
قلت لها بصوت منخفض : يما ترا ليان نايمه انتي بعد نامي ارتاحي ترا باقي بدري
امي : ان شاء الله يابنتي انتبهي لنفسك ولا تنسين العزومه بكره
هزيت راسي بطيب ورحت السياره متجهه على دوامي
طول الطريق وانا كنت افكر كيف راح ادفع لفهد الفلوس الي يبيبها وانا يالله يالله قايمه في مصروفي ومصروف عيالي ااه بس
علا وهي تطالع لي :ليان فيك شئ؟
طالعت لها :لا ابدا ليش ؟
علا بشك : متاكده ؟
ابتسمت لها : ايوه اكيد سالتها راح تحضرين العزومه في بيتنا ؟
ردت علي : والله ماادري بشوف اذا زوجي راح يوديني ولا لا تعرفينه مزاجي
ضحكت على كلامها : ههههههههه اوكي طيب بس اهم شئ تردين لي خبر
كنت ابي اضيع الوقت في السوالف ولا افكر في الكلام الي قاله في فهد الله ياخذه وافتك منه
خلص وقت الدوام انا جالسه افكر بالفلوس مدري كيف عدى هذا اليوم على خير كنت شوي اطالع الساعه ابي ارجع البيت بسرعه كنت احس انه لازم اتخبى عن العالم واخيرا خلص دوامي
رحت عشان البس عباتي بسرعه وركبت السياره حتى بدون ما اسلم على البنات
علا باستغراب : ليان احس اليوم انتي مو طبيعيه عسى ماشر ؟
ابتسمت لها باعتذار وكذبت عليها : قلت لها لا ليش ؟
علا : يعني ما في شئ مضايقك ؟
كنت سرحانه في مشكلتي حتى اني مارديت عليها وهي لما شافتني كذا فضلت انها تسكت وتخليني على راحتي و على الساعه 1 وانا راجعه بيت اهلي عشان اخذ بنتي من هناك
دقيت الباب لانه عارفه اكيد الحين امي صاحيه و سونيا موجودين وماخاب ظني لما انفتح الباب لما لقيت كرشه سونيا قدامي
ضحكت على شكلها : ههههههههههههههههههه
سونيا مبتسمه : وانتي كل ماتشوفيني لازم تضحكين ؟
سلمت عليها وقلت لها : وش اسوي مستقبلتي بكرشتك
سونيا : ههههههههه وش اسوي عاد خلاص كلها كم شهر وافتك من الكرشه هذه
دخلت وسكرت الباب وراي وسالتها : وين امي ولينا ؟
سونيا وهي تجلس على الكنبه : بنتك تلعب مع روعه واما خالتي فهي تصلي الظهر توي اصحيها
خفت : لايكون امي فيها شئ غريبه العاده ما تتاخر؟
سونيا ترد بسرعه : لالا بس لان اول مارحتي بنتك المصون قامت وخالتي جلست معها حتى نامت مره ثانيه
حسيت بالذنب وقلت لها : بروح اسلم عليها اجل استاذنك
سونيا بابتسامه : اذنك معك
رحت بسرعه غرفه امي دقيت الباب ماسمعت اجابه : لما فتحت الباب لقيتها باقي جالسه تصلي قربت منها وحبيت راسها وخليتها تكمل صلاتها وقررت امر على قسم سعود و سونيا عشان اخذ بنتي من هناك
طبعا اكيد سعود في الدوام مو راجع الا العصر ومافي الا بنته الدبه روعه الله يستر لاتحوس على بنتي وتعذبها
وصلت غرفه روعه وفتحت الباب شوي ابي اشوف وش تسوي روعه مع ليان ابتسمت لما شفت ليان واقفه وروعه الدبه جالسه تعلمها كيف تمشي قلت في نفسي يلا زين بعد ما طلع مثل ماتخيلت انها تعذبها ولا شئ ابتسمت لافكاري
فتحت الباب وطالعو لي روعه و ليان اول ماشافتني جلست بسرعه ورفعت رجولها يعني شيليني ماقدرت استحمل شكلها فركضت عشان اضمها وابوسها واعضها
روعه : خالوه ليش تعضين لينا ؟
طالعت لها وشفت خدودها الحمراء كانت شبه امها سونيا سبحان الله نفس الشعر المموج الناعم وعيونها الرماديه طبعا بحكم ان امها سونيا اردنيه
رديت عليها:لانها حلوه ودبه
روعه بسرعه : يعني دبه مثلي :؟
مت ضحك على ردها البنت تعقدت مني من كثر ماقولها يا الدبه : هههههههههههههه اي لانها دبه مثلك
انتبهت للوقت وقررت اني اسلم على امي عشان ارجع البيت واستقبل ريان حرام اكيد تعبان من المدرسه وجوعان طلعت من غرفه روعه ومريت بسرعه على غرفه امي لقيتها تطوي سجادتها بست راسها وقلت : تقبل الله
امي : منا ومنكم يا بنتي
قلت لها بسرعه : يلا يما انا رايحه البيت الحين
امي : ليش ماتتغدين معنا ؟
رديت عليها وانا طالعه : لا مو لازم بسوي اكلي بسرعه لاتخافين
امي : الله يحفظك يا بنتي
طلعت بسرعه من البيت بعد ما اخذت اغراض ليان وركبت مع السواق
وصلت بيتي ودخلت بسرعه شفت الوقت كانت الساعه 1 ونص الظهر كانت ريحه البيت مره خاايسه طبعا مااستغربت لان طول اليوم فهد يحوس فيه تنهدت وسكرت الباب وراي دخلت الصاله لقيت فيها ريان يتفرج ع تلفزيون ابتسم لي
ريان بفرح : ماما اليوم قال الاستاذ اني ممتاز
ابتسمت له: ماشاء الله زين يا حبيبي شد حيلك بعد ابيك تكون متفوق
ريان هز لسانه ولحقني : سالته : اكيد حبيبي جوعان صح ؟
ريان بحماس : اي جوعان مررررررره
حطيت لينا في مشايتها وقلت له : اوكي حبيبي بس انتظري اغير ملابسي عشان اسوي غدا
ريان : ابي مكرونه ماما
قربت منه وبست خده : من عيوني يا قلبي يلا الحين روح
تسبحت وغيرت ملابسي بسرعه عشان اسوي الغدا للعيال اكيد ميت جوع حبيبي والله خلصنا غدا ودخلت غرفه العيال عشان انومهم ونام معهم شئ ماكان لي خلق اقابل فهد في وجهي ويفتح لي سالفه الفلوس ياربي من وين ادبرها الحين الي يشوف كاني جالسه على بنك يلا الله يفرجها بس
على االعصر صحيت وصليت ودخلت عشان اجهز اكل معي عاد اليوم عزومه اهلي عشان حفله تخرج محمد من الثانويه الله يوفقه يارب
سويت لي صواني حلى وفطاير وقلت يلا هذا كفايه
سمعت صوت :ماشاء الله ماشاء الله طباخه اليوم
كرهت صوته وربي لولا الخوف كان رميت الصينيه عل راسه تخيلت الموقف وابتسمت شوي
فهد مستغرب : خير قايل شئ يضحك ؟
قلت له بهدوء : لا ابدا والله بس تذكرت شئ وضحكت
فهد : اها زين بعد
طنشته وكملت شغلي وهو جلس على طاوله الاكل في المطبخ قطع الهدوء لما سالني : جهزتي الفلوس ؟
سالته : وش راح تسوي فيها ؟
فهد باستفزاز : والله مالك شغل ابيها وبس
قلت له عشان اسكر الموضوع : يصير خير
فهد بتحذير : تدرين وش راح يصير اذا ماعطتيني اياها صح ؟
حسيت ان جسمي اقشعر لما تذكرت تهديده لكن مسكت نفسي : فهد لو سمحت اليوم حفله اهلي خلينا نستانس وبعدها ييصير خير
فهد بضيق صدر : اووف بس وش يعني تخرج ولد اخوك من الثانوي اول واحد يتخرج يعني ولا كيف
طنشته وكملت شغلي وكنت بطلع من المطبخ لكنه مسك يدي لما وصلت عند الباب : لينا
طالعت له بخوف بدون ما ارد
فهد بتحذير : ابي المبلغ جاهز اليوم لا تنسين
مارديت عليه وسحبت يدي من قبضه يده ورحت دخلت غرفه العيال وانا متضايقه ياربي وش هذه الحياه الى متى كذا يارب فرج همي وفكني من الادمي هذا ااه بس الله كريم جهزت ملابسي وملابس العيال عشان العزومه
بعد تقريبا ساعتين من الحوسه وتلبيس العيال الملابس تسبحت مره ثانيه عشان ريحه الاكل والمطبخ ولبست ملابسي ورحت ادور على فهد عشان يوديني
سالت ريان : حبيبي وين ابوك ؟
ريان : مدري ماما
رحت ادور عليه لقيته نايم وماخذ راحته تاففت الحين من راح يوديني والوقت الحين الساعه 7 ونص المفروض اكون هناك من بدري عشان اساعدهم قررت اني اتصل على محمد ابرك تفاجات لما سمعت صوت الجوال اخذته وابتسمت
رديت : الووو
: هلا وغلا بالغاليه هلا بتاج راسي
ابتسمت لكلامه : هلا وغلا يا حبيبي كيفك اليوم
: والله تمام التمام وينك انتي باقي ماجيتي ؟ ترا القعده ماتحلى الا فيك
رديت عليه بصدق : والله خلاص مخلصه بس مافي احد ياخذني عندكم
: افا محد ياخذك وانا راسي يشم الهواء الحين بجي اخذك
قلت له : اي زين والله حمود يلا تعال ننتظرك انا والعيال اجل
محمد: اوكي ربع ساعه وانا عندك
رديت عليه : ان شاء الله بس سوق شوي شوي ادري فيك طياره
محمد : لا افا عليك يا عمتي الحين جاي اقل من مهلي
قلت له : يلا طيب انتظرك
سكرت وانا مرتاحه فديت حمود انا والله طيوب حيل والله يوفقه يارب
بعد حوالي نص ساعه سمعت صوت جوالي وكان مسج من محمد يقول فيه انا عند الباب
ابتسمت بهدوء ولبست عباتي وجهزت الااكل عشان اخذه معي طالعت ريان وليان كانو يحوسون في الصاله
وبعد دقائق سمعت صوت جرس الباب وقام ريان مستعجل عشان يفتح الباب
سمعت صوت محمد من عند الباب : السلام عليكم
ريان بفرح : وعليكم الثلام
محمد بضحك : وش ثلامه بعد قوول السلاااااام
ريان وهو يحاول : الثلالالام
محمد : هههههههههههههههههههههه
طلعت من المطبخ على ضحكه محمد : الحين ليش تتمصخر على ولدي هاه
محمد وهو يبتسم : والله عاد مشكلته اذا مايفرق بين الثاء و السين ترا مايصحش كده
ضحكت على كلامه : هههههههههههه انتظر بس حتى يطلع مره ثانيه سنه الي طاح بعدها يتكلم عدل
محمدوهو يبوس راسي : كيفك يا الغاليه عساك بخير
رديت عليه الحمدلله تمام يا حبيبي
محمد وهو يطالع لريان : عساه دوم يارب اقول ريان ماودك تكون ذكي مثلي ولا كيف
ريان بغضب : ماما شوفي حمود يقول مو شاطر انا
محمد مسوي نفسه متفاجئ : انااااا قلت كذا يا كذاااب
ابتسمت لهم وقلت لمحمد : محمد تكفى في اغراض كثيره في المطبخ ساعدني عشان اشيلها
محمد : ابشري من عيوني
خلصنا اغراضنا وركبنا السياره
وبعد نص ساعه تقريبا وصلنا بيت اهلي كنت مستانسه حيل لانه من زمان ماتجمعنا كذا نزلت ومعي العيال اخذت نفس عميق وقررت في نفسي الليله ماراح افكر في اي شئ ممكن انه يعكر مزاجي دقيت الباب واستقبلتني روعه الدبه
روعه مستانسه : عمووو عموووووو تاخرتي
ابتسمت لها وبست خدها : كيفك يالدبه
روعه وهي تطالع لينا : متى تصحى
رديت عليها : يمكن بعد شوي لاتخافين يمديك تلعبين معها
سونيا وهي تمشي بكرشتها : هلا وغلا بالغاليه حيااك الله
سلمت عليها : الله يحييك يارب
سونيا : غريبه تاخرتي ترا الكل موجود وينتظرك
قلت لها بصدق : والله فهد كان نايم حتى ان محمد هو الي جابني
سونيا : اها
قلت لها : بالله سونيا طلعي الشغاله عشان تشيل اغراض في السياره
سونيا :ان شاء الله ولا يهمك
دخلت الصاله ولقيت لطيفه حرمه اخوي مساعد جالسه مع امي وحرمه اخوي ومع ام فهد ابتسمت لهم ورحت اسلم عليهم
امي وهي تاخذ لينا : ليان شفيها بنتك نحيفه كذا
ام فهد : والله مالومها طول وقتها اما دوام ولا نوم في البيت
خزيتها بعيوني ووقلت لها : لا خالتي ترا في البيت ما نام الا حتى اسوي شغلي فيه
امي بفخر : كفو بنيتي والله
شفت سونيا و لطيفه يبتسمون لي يعني طنشي ولا تعلقين
قلت للطيفه : مبروك يا ام محمد على تخرج ولدك وعقبال الجامعه يارب
لطيفه : امين يارب الله يسمع منك يقول يبي يدخل هندسه
رديت عليها : ايوه قال لي يبي يصير مهندس
سونيا : بس ترا يبيله شده حيل
لطيفه : والله تصدقين عاد الحين متحمس بس ان شاء الله يستمر في حماسه
قلت لها : الله يوفقه
ام فهد : عاد فهد ماشاء الله عليه ماكان يترك كتابه ابدا لما كان يدرس وشوفو هذا هو الحين وين
قلت في نفسي اي والله شوفو وين لا شغل ولا مشغله حتى ماتدرون انه ترك دوامه وانا الي اصرف عليه
ام فهد : ولا وش رايك يابنتي
قلت لها بابتسامه صفرا: اي اكيد خالتي
امي بفرح : الله يسعدك يابنتي
كانت السهره حلوه وسولفنا كثير على الساعه 10 رحت عشان اجهز السفره مع لطيفه
لطيفه وهي تجهز الصحون :اقول ليان ابي اسالك ممكن ؟
قلت لها باستغراب: اكيد
لطيفه : مرتاحه مع فهد ؟
استغربت من سوالها لكن قلت : الحمدلله
لطيفه : اجل ليش نحيفه كذا اخبر الي مرتاح تكون صحته زينه وانتي كلك عظم
ابتسمت لها قلت لها رجيم رجيم
حسيت ان لطيفه ماصدقتني لكن مع كذا سكتت وماعاد سالتني عن شئ قلت في نفسي احسن بعد
جهزنا كل شئ على اساس انه بنحط الاكل للرجاجيل اول شئ بعدين احنا نتعشى براحتنا خلصنا كل الشغل وجلست في الصاله ارتاح شوي فجاه تذكرت سالفتي مع فهد يارب مايكون سوا شئ اخذت جوالي بسرعه لقيت فيه 9 اتصالاات منه ومسجين
المسج الاول كان فيه : ليش ما استاذتني مني قبل ماتطلعين؟؟؟ ومع من رحتي
والمسج الثاني كان بعد ساعتين من المسج الاول مكتوب فيه : الفلوس الاقيها الساعه 12 ولا ياويلك
طالعت الساعه برعب كانت الساعه 11 ونص
رميت الجوال بغضب حتى ان اهلي من حولي كلهم صارو يطالعون لي باستغراب لكن مع كذا مااهتميت لهم قررت اني انهي الموضوع بسرعه وبروحي وقفت بسرعه وقلت لريان : روح نادي ولد خالك محمد بسرعه
ريان باستغراب : ليش؟
عصبت عليه ورفعت صوتي : روح ناديه بسرعه
ريان وهو شوي بيبكي: طيب ماما وراح ركض عشان ينادي محمد
امي بقلق : وشفيك يابنتي عسى ماشر وش صار ؟
رديت عليها : ولا شئ مافي شئ بس تذكرت اني نسيت شغله في البيت بجيبها وارجع ؟
سوينا بشك : متاكده ؟ يعني مافيك شئ ثاني ؟
قلت لها بسرعه ورحت عشان البس عباتي
سمعت صوت محمد من وراي : عمتي شفيك شنو صار ؟ ليش ماشيه ؟
قلت له بهدوء : مافي شئ بس نسيت شغله في البيت باخذها وارجع
محمد : مافيك شئ ؟
ياربي اول سونيا بعدين محمد : صرخت عليه : اي مافيني شئ يلا وديني البيت
محمد يرفع يده باستسلام : حاضر حاضر طيب يلا
بعد ربع ساعه وصلنا البيت محمد كان بينزل من السياره لكن قلت له : محمد خليك هنا ماراح اتاخر
محمد اصرار : لا انا بعد بنزل معك
قلت له بعصبيه : لا خليك هنا انا شوي وراجعه وسكرت باب السياره حتى اني ماعطيته فرصه يرد على كلامي
فتحت الباب بهدوء وبدون صوت وانا مرتبكه وخايفه من مواجهتي مع فهد دخلت البيت وسمعت صوته وهو يكلم الجوال
فهد بضحكه : هههههههههههههه لا افا عليك حبيبتي لا ماراح تقول شئ
: لا انا متاكد هي راح تعطيني الفلوس واكمل مهرك وبعدها نصير سوا يا قلبي
حسيت بالغبنه وانا اسمع كلامه كنت ادري انه يكلم بنات لكن ماتوقعت انه يستغلني لهذه الدرجه شنو الوضاعه هذه
فهد بكذب : لا هي اصلاا موافقه وتعرفينها كبيره في السن حيل عجوز مسكينه
فهد : ههههههههههه لا هي تخاف مني وراح تسوي الي اطلبه منها ولا تنسين اني ماسكها من يدها الي توجعها
ماقدرت استحمل كلامي فسكرت الباب بسرعه عشان ينتبه لي
فهد وهو مرتبك : اوكي اكلكم بعدين
قلت له بحزم : وش السالفه انت ومسجاتك الي ترسلها لي كل شوي؟
فهد طنش سوالي وقال لي : جهزتي المبلغ ؟
قلت له بقوه : لا ماجهزته ولا راح اجهزه لك والي تبيه سوي
فهد مبقق عيونه : انتي صاحيه ولا ااستخفييتي ؟
قلت له بقرف : اول مره اشوف احد يهدد حرمته كذا الله ياخذ اليوم الي تعرفت فيه عليك
فهد بابتسامه مستفزه: احلى يوم في حياتي اني حطيت يديني على حرمه موظفه تصرف علي
طالعت له بحقد: الحين وش تبي مني ؟
فهد بهدوء : مابي شئ بس عطيني الفلوس
سالته : عشان تتزوج فيها ؟
فهد وهو يطالعني:ايوه وبجيبها هنا بعد عندك مانع ؟ ولو سويتي شئ ماراح تلومين الا نفسك وانتي عارفه وش راح اسوي
بققت عيوني :انت شنو من اي الرجال انت ؟
خفت لما شفت فهد يقرب مني بسرعه ومسك فكي وضغط على اسناني : رجال وغصب عنك فاهمه ولا افهمك زين ؟
قلت له وانا متالمه فكني يالي ماتخاف الله ابعد عني
بعدني عنه وهو متقرف: واخذ جواله وقال : كيفي اسوي الي ابيه وماراح تقدرين تسوين شئ يا حلوه
سكت عنه ماقدرت اقوله شئ
فهد وهو يكمل كلامه السم : انا اقدر في يدي اني ادمر حياتك ولا تنسين اني بس تزوجتك عشان استرك ولا انتي وحده يبيلها القتل على الي سويتيه 8 سنين
ماقدرت امسك نفسي مديت يدي عشان اصفعه لكنه مسك يدي بسرعه
فهد بعصبيه : مو كل شوي تمدين يدك علي فاهمه ولا لا ودفني على الكنبه
ضرب ظهري على حافه الكنب وحسيت ان ظهري انقسم من الضربه
طالعته بحقد : مو من حقك تطلب مني هذا الشئ
فهد ببرود : الي عندي قلته
ماقدرت استحمل كلامه دخلت وراه المطبخ وقررت في نفسي لازم انهي موضوعي معه لازم الغضب اعماني وكنت ادور اي شئ بس عشان اضربه فيه لقيت فتحت الدرج بسرعه وطلعت منه سكينه
قلت له بعصبيه : طلقني ماعاد ابيك انا طلقني
فهد ببرود: ولا شنو تذبحيني مثلاا وقرب مني ومسك يدي والسكينه على رقبته وقال : يلا اذا فيك خير سويها راح تعرفين وش راح يصير صح
مت خوف من حركته وقمت ارتجف لكنه ابدا ما حس فيني
فهد وهو يكمل كلامه : اذا سويتيها راح تعذبين كل اهلك وعيالك تدرين هذا الشئ ولا لا وترك يدي بقوه
حسيت ان قوتي انهارت حتى انه ماقدرت اوقف على رجولي من الخوف جلست على ارض المطبخ طالعت لعيونه كنت ابي ادور فيها نظرات رحمه او شفقه لكني صحيت على نفسي لما قال لي: انتي طول عمرك ضعيفه وضعفك هو الي خلاك توصلين لهذه المرحله
حطيت يدي على اذاني عشان لا اسمع كلامه وقمت اصارخ : ااااااااااسكت ااااااسكت مابي اسمع صوتك
فهد وهو يدف راسي باصبعه : عشان كذا تعرفتي علي وغلطتي معي قبل الزواج وانا لولا طيبتي كنتي الحين في المقبره
حسيت لما قال هذا الكلام طلع كل الجنون الي في راسي مسكت السكين بقوه وحطيتها في بطنه
فهد بالم : اااااااااااااه يااااا حقيرررررره
كنت ابي اهرب لكنه مسك رجلي وطحت على بطني في الحمام
فهد وهو يطلع السكينه من بطنه : تطعنيني انا يا حقيره
طالعت له برعب وماقدرت ارد عليه وماحسيت الا بالسكينه في ساقي
قمت اصارخ : اااااااااااااه
فهد : عشان تتادبين مره ثانيه ماادري كيف قام مع اني طعنته قرب مني وقام يجرني من شعري خاصه انه ماكنت اقدر ادافع عن نفسي ورجلي ابدا ماقدرت احركها من الالم حسيت ان روحي بتطلع من الوجع وخاصه ان الادمي هذا مو راضي يفك شعري
حاولت اضرب يدينه لكن بدون فايده
سالته بخوف : وين بتوديني
فهد بالم : انا بادبك والله لا لااادبك ولا ماراح يكون اسمي فهد
قمت ابكي من الخوف وحاولت افك يده عن شعري لكن مو راضي يفكني اخر شئ قررت اني اعض يده مدري كيف جتني القوه لاني غرزت كل اسناني فيه حتى فكني لكنه رماني على الارض مره ثانيه
فهد بغضب: ان ماذبحتك مااكون انا فهد ولد ابوي
حاولت ازحف عشان اهرب خاصه انه ماكنت اقدر اوقف على رجلي لكن كان اسرع مني مت من الرعب لما شفت السكينه باقي في يده فكرت اني راح اموت خلاص اليوم اخر يوم في عمري مت من الروعه لما حط السكينه على رقبتي
فهد : قلت لك طول عمرك ضعيفه ولا لو كانت طعنتك قويه كنت من زمان ميت
قلت له وانا ابكي : ابعد عنييي
فهد بابتسامه : راح اخليك تندمين على اللحظه الي ولدتي فيها وهمس في اذني : اصلاا حتى عيالك مابيهم مابي عيال من حرمه باعت شرفها
حسيت ان مخي وقف لما قال هذه الكلمات ومدري من وين جتني القوه حتى اني دفيته وطاح على الارض وطارت السكينه كنت ناويه اقتله خلاص ماعاد باقي لي شئ في الدنيا هذه مسكت السكينه بسرعه وحطيتها على صدره
فهد بخوف : يا مجنونه وش ناويه تسوين اتركي السكينه
ماكنت مركزه مع كلامه كل الي كان في بالي انه لازم يسكت لازم يموت عشان يموت الشر الي في داخله لازم يموت فهد
كنت اسمع صراخه :لالالالا ااااااااه
كنت احس اني مستمتعه وانا اعذبه واطعنه ونسيت كل الي حولي وحسيت اني طلعت حرتي كلها فيه كنت اطعن في صدره وبطنه ويدينه الي كان يحاول انه يحمي نفسه فيها
ماحسيت على عمري الا لما سمعت صوت محمد وهو يصرخ : لالالالالالالالالالالالالالالالالالالالالالالالالا لالالالالا