دجاج مشوي على الفحم خاص للبر والكشتات 2024.

السلام عليكم ورحمة الله وبركاتة

شخباركم اخواتي…

هذى الطريقه دجاج المشوي…تنفع حق الرحلات….

1- اول شي نغسل الدجاج عدل ونقطعه حسب الرغبة ونحطه في بادية نايلون او بلاستيك ( لان مثل ما انتوا عارفين انه مايصير نتبل اللحم او الدجاج في جدر معدن او استيل يقولون مو زين ولان البهارات تتفاعل مع المعادن ،، هذا اللي انا اعرفه )

2- نخلط البهارات مع بعض ( بصراحه انا سويت خلطة بروحي يعني حطيت لومي اسود – فلفل اسود – بهارات الدجاج وشوي ملح مع زيادة اللومي الاسود ،
بالاضافة الى تقطيع البصل ( وكل ما زاد البصل كان افضل ( بس عاد مو تحطون خيشة بصل كامله )

غرام

3- نبدي في دعك الدجاج مع البهارات المخلوطة والبصل … وبعد ما نخلص نصب على جميع قطع الدجاج قوطي روب ونخليه في الثلاجة لفترة انت تقررها .. كل ما زاد كان احسن

4- وبعد هذا نفرش القصدير ونسوي القصدير 3 طبقات ( يعني 3 تحت و3 فوق ) مثل ما شايفين بالصورة

غرام

5- نبدأ في وضع الدجاج على القصدير مثل ما شايفين بالصورة

غرام

6- بعد ما نخلص من وضع الدجاج ، نقطع شرائح من البصل والطماط ونحطه على الدياي ، ثم نقول باغلاق القصدير بإحكام ودقة

غرام

7- بعد ما سكرنا القصدير ( طبعا نكون شابين الفحم ) نشيل القصدير ونحطة مباشرة على الفحم يعني لا تحطونه على الشبك … حطوه مباشرة على الفحم ، بس ديوا بالكم على القصدير لا ينشق او تفتح فتحه ولو كانت صغيرة ، ولو حصل هذا ( مثل ما صار عندنا ) لان واحد من الشباب الله يهديه وهو قاعد يشيله جان ينشق القصدير شوي ، بس لا تحاتون لذا صار جذي حاولوا تسكرونه وتخلون القصدير على الفحم مده أطول ، يعني اذا ما كان مشقوق القصدير يبيله من 45 دقيقة ، واذا انشق القصدير يبيلة ساعه ، بالنسبة حقنا احنا خليناه ساعه تقريبا ، ولا تخافون اذا خليتوه اكثر عادي ما راح يحترق ….

غرام