خلي دنيتك أنا و أوعدك أخلي دنيتي كلها تحت أمرك / بقلمي 2024.

السلآمَ عليگم

گم أن شاء الله بخير

سمَعتْ عن منتدآگم اشيآءء حلوه وآيد
وحبيت أحط أول محآولآتي في عآلم الروآيآت هني ..

الروآية لحد الحين مگتوبه للبآرت السابع
طبعاً انا لمآ فعلتووني حرقتَني يدي وقلت إلا انزلها

بعونَ الله مآبترگها وبگملهآ أذا شفت تفآعل

طبعاً گبداية بحطَ لگم البآرت 1 واذا عجبگم بنزل الثآني

بربَ معْ البآرت
هآگگگمَ وردة لعيونگم

Bяb

أولَ شيْ حبيت اقولگم نبذة عن روايتيْ
الروآية خيآلية مدموجةَ بـ الأشياء الوآقعيه , رومنسية – بحرينيههَ
برآيفيتْ : البنآت بالروآية مو متحجبآت
واستقَبل انتقآداتگم برحآبة صدر
الموآعيد بتگون لين قدرت او صآر تفآعل , يعني ممگن گل يوم ووممگن 3 ايامَ بالأسبوع وهذآ يعتمدْ عليگگم

مللتگم بهذرتيْ صح ؟ , اتمنى الروآية ماتلهيگم عن الصلآه ربي يخليگم

واقفة في جناحها وتدور وحاملة اقلامها والوانها
جود : وربي مو عارفة شنو ارسم
غزلان تتغطى باللحاف وبأنزعاج : دورتي راسي اوقفي شوي بناام
جود : طسي جناحج ونامي
غزلان جابت كرسي وجلست ورا اللوحة إلي ترسم فيها جود اختها
غزلان : ارسميني
جود عجبتها الفكره : والله حلوة الفكرة
غزلان : بس ابي اعرف شالهدف إلي مخليج مهتمة لموضوع الرسم
جود : الرسمة هاذي بتنعرض في المعرض وهم مختاريني انا بالذات وبعض الأشخاص إلي معاي بالمعهد عشان نرسم ويشرف علينا واحد ويشوف من إلي رسمتة احلى ويكرم
غزلان بعدم اهتمام : يآخرطيي اقول ارسميني وبتفوزين
جود : ماتخافين بعدين صورتج تنتشر ؟
غزلان : لآءء ولو انتشرت انا مو متحجبة عادي بالعكس إلي يشوفني يقول هذي اللي رسموها
جود : متحمسة حدددج
غزلان : هههههه . يلا ارسمي مابقعد لج اكثر من ساعتين
جود : وبدت تتشرط الحين لي ماسكتي لأقول لـ جوري تجي وارسمها وانتي تنقلعين
غزلان : لالالا خلاص بنطم " بسكت "
وبدأت جود بـرسم غزلان وتبدع

عند السـاعة 1:30 ظهراً
اسيل رجعت من جامعتها بتعب ورمت نفسها على السرير رن فونها ومسكتة ولقت " العلـه "
كشرت : وربي مالي خلقة , مادري شالحظ إلي جمعني فيه وخلاني اوافق على ملكتي عليه
اسمتر رن جوالها لدقايق وايد تأفأفت وغيرت نبرة صوتها وردت
جهاد : ألووو هلا بقلبي
اسيل " وجعع ياربي " وقالت بدلع مسطنع : أهلين حيآتي
جهاد : شكلج تعبانة من الجامعة
اسيل " افففف" : اي تعبانة وايد
جهاد : فيني ولافيج بعد عمري انتي
اسيل " ان شاء الله " : حبيبي انا بنام بعدين بتصل لك وايد تعبانة
جهاد : اوكي حبيبتي
اسيل : باي حبيبي
جهاد : باي ياروح حبيبج
اسيل سدتة وتأفأفت , قامت وفصخت قميصها ودخلت الحمام وخذت لها شور و لبست بيجاما اورنج عبارة عن شورت قصير لفوق الركبة وبلوزة نص كم فيها ازرارير من فوق وشالت الربط عن شعرها وخلته ينساب بحريه وحطت راسها على الوسادة وإلا بأختها الجوري تدق الباب
اسيل بملل : ادخلي
الجوري : شفيها الحلوه تعبانة ؟
اسيل وهي مغطية وجهها باللحاف همست : اي جاية من الجامعة
الجوري جلست عند حافة سرير اسيل الفخم : جعل التعب فيني ولافيج
اسيل شالت اللحاف عنها وبأبتسامة : لاتدعين على نفسج بس تدرين باقي بس جم يوم وأجاازة مثلكم اقعد بالبيت لاشغلة ولامشغلة
الجوري : اي وطبعا حبيب القلب جهاد ماراح يهدج
اسيل عدلت جلستها : جوري
الجوري : هممم ؟
اسيل : بيني وبينج انا مااواطن جهاد بعيشة الله
الجوري بصدمة : ليشـ ؟؟؟
اسيل : بعدين تعرفين
الجوري : براحتج حبيبتي يلآ انا بطلع , إلا ماودج تتغذين ؟
اسيل : لآ مو مشتهيه عوافي
الجوري ابتسمت : يعافيج
طلعت الجوري من جناح اسيل ونزلت لغرفة الطعام الفخمة الكبيرة كان لونها ابيض ومزخرفة بزخارفة ذهبية مع لمعان يعطيها جاذبية و رسومات جميلة و طاولة الطعام الكبيرة الممتدة على كبر الغرفة على رغم ان الأشخاص قليلين إلا ان الطاولة تسع 14 شخص
جلست ع كرسيها وتغذت

♥———♥

هذآ گانَ البآرت الأول " فقـطِ "
اتمنى حآز على رضآگم , توقعآتگم ^^

وتعليقاتگم علىَ الشخصيآت
وأسلوبيَ ؟؟

اذا لقيت گم وحدة عجبهمَ رآح انزل

C.ya

وَ فجججآههِ

گمَ مو متحمسينَ معإي

هآگگمَ هدية منَ عندي " البآرت 2 "

بقصر بو وليد
ليان تعبت من جلي الصحون بعد ماطبخت لهم الغذاء وكالعادة حصلت لها كم تهزيئة من ام نايف وصارت ريم تتريق عليها ودخل نايف وزاد الطين بلة
نايف : يــــــــآخادمة
ليان انقهرت وقالت بنفسها : خل الخادمة ترد عليه
نايف جا لها المطبخ وبعصبيه وشاف قميصها مفتوح من فوق شوي
نايف بخبث : لا افصخي القميص احسن
ليان ناظرت بقميصها وسكرت ازاريره < يعني لآ أراديا انفتحت
تقرب جنبها نايف وبدأ الخوف يمتليها
تقرب جنبها ومسكها من خصرها
ليان عصبت وبنفس الوقت خافت ودزتة وطاح ع الأرض وركضت لغرفتها وسكرت الباب وقفلتة مرتين
جلست يم الباب وقامت تبجي : وينج يايمة تشوفين شنو صاير ببنتج ليش رحتين وخليتيني هئ هئ ابوي مو داري عني ومرت ابوي وولدها وبنتها لاعبين فيني ووليد اخوي طالع ولحد الحين ماندري عنة وين
مسكت فونها وبتردد وقررت انها تتصل عليه

بمكـــإن غيــرر البحـرين " فرنسـا "
في واحد من الفنادق العادية شقة عآديية جداً على قد حال " وجدان وامها "
وجدان : يمة وربي مشتاقة اروح البحرين لي متى بنبقى هني
ام وجدان : ابيهم يؤمنون اني مت وماممكن اني ارد لهم تسمعين ياوجدان والسبب الثاني لوجودنا هنا دراستج
وجدان بقهر : وربي يايمة اني زهقت احنا هني غريبين محد يعرفنا ولا نعرف احد
ام وجدان : ماعلية يايمة اصبري كلها كم سنة وبنرد البحرين
وجدان : كم سنــــة !!
ام وجدان بمزح : وجدان ورا ماتسكتين عورتي راسي
وجدان بأبتسامة : افا يمااا انا اعور راسج
ام وجدان : ههههه أنا بنام لي شوي
وجدان : انا بطلع من رفيجتي وماراح اتأخر
ام وجدان بأستغراب : توج تقولين ماتعرفين احد
وجدان : إلا يمة هذي متعرفة عليها من الجامعة وهي اماراتية

نروح لـ اللي مارحنا لهم ولا مرة " قصر أم عبير "
عبير بملل : يمة ملل زهقت من الجلسة بالبيت
ام عبير جالسة ع الآب وتدور بالنت : شوفي اختج رند روحي تسلي معاها
عبير بدلع : يما انا دلوعتج طلبتج ودينا اليوم انتعشى بـ جي مطعم فخم
ام عبير ابتسمت لبنتها : يصير خير
عبير : واي فديتج يمة
ورآحت للدور الثاني لـ جناح ختها رند
عبير من شافت اختها تاكل مآك فلوري كشرت : وليشـ ماتطلبيلي معاج مو انة اختج
رند : ماجا على بالي كنت بحالة اشبة بالمجاعة
عبير تسطحت على السرير : من زمآن عن ليونة مو ؟
رند : اي والله العالم الحين مرت ابوها شمسووية فيها
عبير بتفكير : خل نزورها
رند : عشان مرت ابوها تطردنا آنة معاج هي وبنتها النسرة ريم

في قصر بـو جهـإد
دانة نزلت من جناحها على المصعد
شآفت اخوها يناظر بالفون
دانة بأستغراب لـ جهاد : غريييبة مو طالع مع أسيل
جهاد وبالة مشغول : اسيل ماترد ولين ترد تكلمني كأنها مريضة
دانة " خخخخ والله اسيل مجننتة تهقاها سادة خشمها وتتكلم النزغة آنة اروايها " : أهااا اوتسي أنا بروح جناحي
جهاد بملل : انقلعي
دانة : **** ابو النفسية الزفتة
راحت دآنة لـ جناح توؤمها نوف
"نوف ودانة توؤم"
نوف من دخلت أختها سدت الفون ودعستة تحت الوسادة
دانة : خل نتصل على اسيل
نوف : زين اتصلي
دانة : والله مامنج فايدة من اروح لواحد في هالبيت جعمني مالت
< وطلعت من جناح نوف
اتصلت لآسيل
اسيل : هلآ دندون
دانة : هلآ بييج
اسيل بتساؤل : وين اخوج
دانة بضحكة : انتي ششمسوية فيه باق عيونة في الفون من ساعتين
اسيل " احسن خلة يمووت ويعرف اني مغصوبة عليه ويه البومة " وقالت بتصنع : وي فديتة الحين ادق عليه
دانة بمكر : تقصين على منو اعرف انج ماتطيقين اخوي
اسيل : هههههه قوه عليج اخوج انسان ماينطاق كلش واقفلي بحلجي " بحلقي "
دانة بضيق : حرآم اسيل اهوا يحبج والله اخوي عسل وطيب بس انتي مو عارفة قيمتة إلا لين تفقدينة
اسيل بغرور : وي شكووو عاد مابحس بقيمة إلا هذا
دانة انقهرت بس ماحبت تبين : اوكي باي
اسيل حست انها متضايقة : تعالي دندون لايكون تضايقتي من كلامي
دانة : لآعاد مابتضايق إلا من اسيلوه النزغة
اسيل : هههههههه النزغة بتراويج باجـر
دانة : بآجر ؟؟
اسيل : اي اخوج ملزم علي باجر تغذى معاكم واتعشى بعد
دانة : ههههه ووين تحصلين لج واحد مدلعج هالقد
اسيل : انزين بايــوو علي أمتحان باجر اوردي انا مراجعة المادة بس بعيد عليها
دانة : اوكي بآي
وسدت من عند اسيل وصرخت من فوق الدرج
دانة : جهـــــــــــآد
جهاد : وجعآه
دانة : اسيل تقولك انها ماقدرت ترد لأن مسوية فونها ع السايلنت عشانها تذاكر
جهاد بعد تصديق : أمممم
شوي واتصل له ولد عمة علـي " اخو غزلان وجـود "
جهاد بضيق : ألـو هلآ علي
علي لاحظ انه متضايق : لآ الظاهر انك متضايق تعال كوستآ بشوف سالفتك
جهاد ابتسم : انزين
طلع جهاد من القصـر متوجهه لـ كوستـإ كـوفي بآلسيتـي

نروح لقصر بو علي " تحديداً جنـاح غزلــان "
تناظر في غرفتها وتلعب بخصل شعرها الأسود القصير
كانت غرفه نومها بنفسجية فآتحة فيها زخارف متنوعة الألون زآهيه مرة ولوحات معلقة ع الجدران ومناظر على طول الجسم محددة بإطار بني فيه كرستالات مزخرفة وسريرها يكفي لـ شخصين فراشة بنفسجي فيه رسومات واايد ووسايد مرمية على السرير والدريشة كبيرة وايد وستارتها فخمة بنفسجيه فيها زخارف بالذهبي والبني ، بأختصار روووعة
والغرفة فيها زيادات بس ماذكرتها عشان ماتملون ^ـ^
متمللة على قولتها " ودي اسافر " قامت من سريرها ونزلت تحت تقنع ابوها
غزلان : يبة
بو علي جالس ع الآبتوب ويشتغل اشغال الشركة : هلا ؟
غزلان : نبي نسافر
جود جـات : اي يبة نبي نسافر او نروح المزرعة وحدة من الثنتين
بو علي بتفكير : سفر مانقدر عندنا اشغال وبنات عمج وانتي ياجود عليكم جامعة خل نروح المزرعة ولاخلصتو ذيج الساعة نسافر
جود : المزرعة حلووه بعد
غزلان بوزت : اووف والله السفر افللل بس يلا شنسوي
جود : يبة دق على عماني وخبرهم عشان تحددون يوم
غزلان : اي وجدي بعد قوله
ام علي تفرفر بالتلفزيون : شوي شوي على أبوكم كليتوة الحين بيتصل لهادرجة مستعجلين < وابتسمت لبناتها

/

نرووحَ لـ ليـونة
مسكت فونها بتتصل لـ "….."
رد عليها
…… : ألـوو
ليان ردت ويدها ترتجف ودموعها على خدها : يـبــــة
ابو وليد بأستغراب : ليون ! شفيج حبيبتي تصيحين
ليان تبجي : يبــة زوجتك مو مخليتني بحالي
ابو وليد ببرود : انتي كل مرة تقولين جي وتطلع بعدين تحبج ليش تبين تتبلين عليها
ليان بألم : والله يبا والله الشاهد علي انها مو مخليتني حتى انام 3 ساعات على بعض
ابو وليد : انا الحين بالمطار بحجز للبحرين ولاتقولين لها لاني ياي عشان اشوف الحقيقة بنفسي
ليان مسحت دموعها : ان شاء الله يبة , متى بترد ؟
ابو وليد بحدة : مو لازم اقول
ليان " حتى ابوي قاسي علي مايندرى شسوت له هالنسرة ام نايف " : ان شاء الله يبى , مع السلامة
ابو وليد سكرة وليان قامت وفتحت الباب شوي شوي ماشافت احد وعلى طول ركضت المطبخ وصارت تسوي الغذاء لهـم

فــي كــوستــا
علي : قول إلي عندكـ عآرفك متضايق من شنو ؟؟
جهاد : أسيــل
علي بأستغراب : غريبة متضايق من الحبيبة
جهاد : كل مااتصل لها ماترد , ودوم تصد ودايم ترد على خواتي وعليكم وماترد علي وتتحجج انها كانت تذاكر
علي : شـووف خلها جم يوم لازادت عن حدها صد عنها والحين لااتصلت لاترد إلا بالموت وكلمها مثل ماتكلمك ولا تقولها بطلعج لما تقولك بطلع قولها انثبري بالبيت
جهاد : مااقدر اقســى عليـهـا
علي بأصرار : بلا تقـدر ولي زودتها قولهـا انك تحب وحدهـ ومنت قادر تنسـاها وهي واقفة لكم
جهاد بضحكة : والله وطلعت شاطر وفاهم بالهسوالف
علي : عيل نفسك اخليها تذلني وانا ساكت لها
جهاد : كفـوو

انتهــى يومهـم البـاقي عآدي جدا انتهى بنوم كل ابطالنا وتهزيء ليان من مرت ابوها وعاقبتها انهـا ماتنام إلا 1 ونص بالليل وترد تنظف البيت لأن الحريم إلي جوها مع بناتهم الصغار وسخـوا البيت
كل ابطـالنـا نايـمين إلا ليـإن
حاطة المنشفة على كتفها ومشلحة بنطلونها ومبطلة ازارير بلوزتها من الحـرر وفوق هذا مشغلة المكيفـات كلهم وتنظف في الصالة
ليان : الله ياخذج ياموضي الله ياخذج يالنسرة انتي وبنتج ريموه تعبتوني عساكم التعب
شوي وسمعت صوت باب ينفتح استغربت وراحت طلت من الباب الكبير الداخلي للقصر وشافت نايف داخل
ليان : الحمـد لله والشكـر في حـد يجي هالوقـت
نايف دخل الفيلآ وهو في حالة سكر وليان مالاحضت عليه
نايف : هلا بالحلوه هلا
ليان استحقرتة وراحت المطبخ حاملة الصحون بيدها
قرب منها نايف ومسكها من خصرها وطبع قبله على رقبتها
وليان ازداد خوفها وازدادت ضربات قلبها ماسكها بقوه لو عليها خذت الصحن وضربتة بـنايف وهربت بس تخاف مرت ابوها تسوي شي
خلت الصحون ع الأرض ودفت بس مارضا يتحرك
ليان وعيونها تدمع : بعـد ياحقـير يالكلـب ياقليل الأدب
نايف مايرد
ليان صرخت : بعــــــــــــــد
كان في هاللحضة احد يناظرهم و طآحت شنطتهـ من يده من قـوه الصـدمة ..

♥–––––––––♥

أن شآء الله عجبگمَ البـآرت
توقعآتگمَ 🙂
بأنتظآرگمَ + ردودگم القميلَةة

C.ya