حدتني الدنيا بقلمي 2024.

السلام عليكم ورحمة الله وبركاته
حبيت اهدي المنتدى الرائع
هذه القصيده الجديده اتمنى قبولها
والمعذرة ان كان هناك تقصير

(( حدتني الدنيا ))

حدتـــنـّـي الدنــيــا على كل ما فـــــات
اصبحت انا من جـــور الأيام مقهـــور

ما رافــقـن في هالزمن غير الاهـــات
عمر الرفــيــق الحي ما صار لـــه دور

امـشــي وراك ولا حسبـت المسافــات
اتبــع طريــقـك لو طريـقــك به خطــور

دايـــم تزعلـــّـنــي وانا اتـــم بسكـــات
ارضا وانا اللي خاطـــري منك مكســور

هاذي الجــروح اللي بقلبي عطيـبــات
الـــهـــا ســنـــه ما فــادهـا أي دكتـــور

سهــران طول الليل والعين ما تبـــات
كنــي انا عنــد السهــر عـبــد مــأمـــور

من شــافـــني يقــرى عليّـه بالايـــات
يا كثـرهم عني يقولون مسحــــور

مســحــور اي واللــه مـنه هـو بالذات
من سبــتـه اصبحت انا اليــوم مـشهــور

حظـــي معه دايـم تســابقــه عثــــرات
ما فــيه يوم ٍ شفت انا وحـظــي النـــور

عايش حــزين وداخل القلب حســـرات
حتى الفــرح يا ناس ويـــاي محـظـــور

محــد ٍ شــقــــا مثلي وذاق المعانــــات
ومحد ٍ عطـــا مثلي ويعطي على الفــور

ما مـــات حبـــه لو انا مـــت مـا مـــات
يـبــقـــى لهم ذكرى على مـر العصـــور

الناس تســألـــني وتبــغـــى الاجابـــات
منهو اللذي تــتــعـب ومن شــانه تـــدور

قلت العـذر يا ناس وارجـوكم انصـــات
هذا حــبـيـب القــلـب ما مـــنــّــه قصــور

حتــى ولـو جـــانـــي منــه أي صـــدات
واللــه لا احــبـه حــب واكـــون مســرور
بقلمي
تقبلو تحياتي
شاعر عيونـــــــــك