حبيته بعد ما عافني قلبه / الكاتبة : اختفى الفرح بغيابه 2024.

صباااحكم/مسائكم ووووورد

حبيت اقدم لكم رواية لكاتبة جديدة ,,
كتبتها قبل سنة ,, بس رفضت تنشرهااا ..
وبعد محاااولات واصرار اقتنعت تجرب حظها وتخليني انشرهااا في منتدى غرام لأول مرة ..

اتمنى تعجب ذوقكم … والكاتبة راح تكوون على اطلاع دايم ع الردود ..

اختي / اختفى الفرح بغيابه ,, اتمنى لروايتك النجاح واشكرك على ثقتك ….

اترككم مع رواااية ,,,,

حـــبـــيـــتـــه بــعــــد مـــــا عــــافـــنــي قـــلـــبــــه !!!!

في احد ارقى جامعات لندن..
جلس ع الكرسي وحط السماعات بإذنه

ليه ماارتاح الا وانت جنبي؟؟
ولما عني تروح اتعذب واعاني!!
بكل صراحه.. عنك انا مليت اخبي..
بجد ابيك وماابي انسان ثاني..
ودي اعرف…عن مدى احساسي وحبي!!
بس كلما جيت اعبر مااامداني…
ابغى اقول انك سكنت بوسط قلبي..
واني اتنفس عشانك مو عشاني!!
اشتياقي زااااااد لك ماهو بذنبي!!
وانت لا ناسي ولا ذاكر حناني

كان يدندن مع الأغنيه ويفكر فيها…
:آآآآه ياشوق … آه يابنت عمي… ليتك تعرفين انتي شنو بالنسبه لي!!
___:فهههههههههد
فهد بخوف: وججججججع مراد خوفتني وش فيك؟!!
مراد: انت هووون وانااا عم دور عليك !! ابن عمك ماادري شبوووو فجأه وقع ع الارض ومابعرف شو صار!! ..
فهد وقف: شنووووووو!!!!!!

¤¤*¤¤
نعرف بالعايله قبل نبدا روايتنا…
عائله الجد محمد
محمد: أبو عبدالله: طيب.. خلوق..محترم..يملك مجموعة شركات بإسمه.. تزوج بعد وفاة زوجته :أم عبدالله: وحده أصغر من عياله
سماح: في بداية العشرينات زوجة أبو عبدالله.. ماكملت دراستها الجامعيه..مغروره وتحب المشاكل
¤¤*¤¤
عبدالله: أبو حسام: المدير العام لشركات أبوه..
فاطمه: أم حسام:أم مثاليه وربة بيت ناجحه..
عيالهم/
١-حسام: دكتور أسنان ويملك عياده خاصه..متزوج ساره "معلمه رياضيات" وعندهم ولد اسمه وليد "٤سنوات"
٢-مها:معلمة لغة عربية في نفس المدرسه مع ساره..متزوجه سعد "ضابط شرطه" وعندها توأم باسل وأسيل "٣سنوات"
٣-فهد:يدرس إدارة أعمال في بريطانيا..مع صديق عمره وولد عمه مشعل..
٤-رهام:ثاني جامعة تخصص أحياء..
٥-ريناد:أول جامعه وباقي ماتخصصت.. طموحها تدخل إنجليزي..
٦-خالد:ثالث ثانوي علمي…طموحه يدخل طب ويتخرج طبيب عيون
¤¤*¤¤
عبدالعزيز :أبو سعود: يشتغل في الشركه مع أخوه أبو حسام..
لطيفه:أم سعود:بنت خالتهم.. وتزوجها عبدالعزيز بعد قصه حب
عيالهم/
١-سعود:دكتور أسنان ويشتغل مع ولد عمه حسام في نفس العياده..متزوج هناء وعندهم بنت اسمها جوان"٦سنوات"..
٢-مشعل:يدرس إداره أعمال في بريطانيا مع ولد عمه فهد..
٣-شوق:ثاني جامعه تخصص أحياء..وأقرب صديقاتها رهام بنت عمها..
٤-طلال:ثالث ثانوي علمي.. مهمل وعنيد .. وعكس ولد عمه خالد..
¤¤*¤¤
عبدالرحمن:أبو عماد: الشريك الثالث في شركات أبوه
نوره:أم عماد:زوجه عبدالرحمن.. طيوبه وحنونه والكل يحبها..
عيالهم/
١-هيفاء: معيده في الجامعه ومخطوبه لولد خالها رائد "مهندس"
٢-عماد:رابع جامعه تخصص طب بشري.. حنون وحلو ودلوع لأنه الولد الوحيد بين البنات.. وطول يومه مع عمه عبدالإله..
٣-شذى:ثالث ثانوي علمي.. تتميز بعقلها وهدوءها.. وماتمشي خطوه إلا إذا كانت بنت عمتها خلود معها..
٤-سهى:أول ثانوي.. تحب تتمشكل مع معلماتها في المدرسه.. وحلم حياتها تقص شعرها بوي مثل صديقتها ليان
¤¤*¤¤
وفاء:أم هيثم:أكبر بنات الجد محمد
أحمد:أبو هيثم:زوج وفاء..يشتغل مدير المبيعات في شركه الجد
عيالهم/
١-هيثم:ثالث جامعه تخصص هندسه..يحب بنت خاله ريناد من صغره وبس ينتظر التخرج علشان يخطبها..
٢-ماجد:أول جامعه.. يبي يتخصص إداره أعمال..ويساعد أبوه وأخواله بالشركات..
٣-خلود:ثاني ثانوي علمي.. دلوعه أبوها وماينرد لها أي طلب..صديقتها الوحيده شذى بنت خالها..
‏¤¤*¤¤
سناء:ثاني بنت للجد محمد..دكتوره أطفال.. ساكنه بالرياض..
سالم:زوج سناء..يدير شركه أبوه..عندهم بنت اسمها صبا "سنه"
¤¤*¤¤
عبدالإله: أصغر عيال الجد محمد…رابع جامعه طب بشري يحب بنات السعوديه كلهم ودايم يتهاوش مع سماح زوجه أبوه

الباااااارت الأول

¤¤*¤¤
في الخبر
الساعه ٨ صباحآ..
:حبيبي.. يالله قووووم ..حمودي .. حمووودي..
محمد يفتح عيونه: خير .. وش عندك؟
سماح بدلع : قوم حبيبي الساعه ٨ الصباح..
محمد يجلس على السرير وبهدوء : عبدالإله وينه؟
سماح تمد شفايفها: راح الجامعه .. ولدك هذا ماأدري ليه يكرهني!!!..
محمد يناظرها بهدوء:شوفي يابنت الناس..عبدالإله أصغر عيالي..وتربيتي..مابيغلط عليك إلا إذا أنت غلطتي عليه
سماح بتفاجأ مصطنع: أنااا !!
أنت وش تقول؟ أنا مستحيل أغلط على ولدك
محمد:الله يرضى عليك تجنبيه..لاتحتكين فيه.. ويالله قومي دقي على ولدي عبدالله خليه يجيب معه تقارير الأسبوع هذا..
سماح تقرب منه: ليش مستعجل؟! خلك معي شوووي لاحق ع الشغل
محمد بعصبيه: سمااح!!! كلمتي مااعيدها مره ثانيه
سماح بضجر: إن شاء الله حبيبي

¤¤*¤¤
مها:ألووووو
سعد باستغراب: هلاااا حبيبتي
مها:أهلين..كيفك؟
سعد:هههههههههههههه توي طلعت من البيت..اشتقتي لي؟
مها:أكيد اشتقت لك.. حبيبي تعال وصلني بيت أهلي..
سعد : ليه؟ وين السواق؟
مها: يقول إنه تعبان مايقدر يسوق
سعد: اهاااااا.. انتي ماتدقين الا وراك طلب!!!! .. زين حياتي الحين أجيك
¤¤*¤¤
في المدرسه..
هبه:سهى سهى
سهى بنفس ضيقه: نععععم
هبه:البنات يقولون إن أبله مها قريبتك..صح هالكلام؟؟
سهى:وش عليك إذا قريبتي وإلا لا؟!!!
هبه: بسم الله وش هالنفس الضيقه!!!! ..الله يعين ليان عليك..ماأدري كيف تتحملك؟!!!!!
سهى تقوم بتضربها وهبه تحط رجلها وتهرب
ليان تمسك يد سهى :سوسو اجلسي مافيه شيء يسوى تعصبين عليه
سهى وشوي بتبكي: لولو حياتي افهميني..صار لي يومين ماضربت أحد!!! .. طفشانه…طفشاااااااااانه!!! .. أبي أتهاوش مع أحد
ليان حطت يدها ع خدها : ولا يهمك أنا أدبر لك هوشه مع أبله ناهد
سهى تجلس : لا لا لا لا لاااا .. بليييييز إلا ناهد هذي
ليان: ليه؟؟!!
سهى بضجر : ماترد علي !! ..أنا أصيح وهي ساكته وتبتسم كأنها خبله .. وأنا أبي أسوي شيء يهز المدرسه ولا يقعدها!!
ليان:ههههههههههههههه .. اهااااااا خلاص ولايهمك أدبر لك غيرها… بس خليني أفكر
¤¤*¤¤
في عيادة الاسنان++
حسام: سعود
سعود وعينه على ملفات عنده : هلا
حسام: مشعل كلمكم أمس؟
سعود يناظره : لاوالله مادق..ليه تسأل؟!
حسام يتنهد : لأن فهد مادق من يومين .. والوالده خايفه عليه
سعود يبتسم : وليه تخاف؟ يمكن انشغلوا بإختباراتهم
حسام: أمي تقول إنها تخاف عليه من الشقر والحمر
سعود: ههههههههههههههههههههه..
من جدها خالتي تخاف على فهد من البنات؟!!..
خلها تخاف على البنات من فهد

حسام يطالع جواله اللي دق: لحظه هذي ام وليد تدق … ألووو
ساره: السلام عليكم
حسام: وعليكم السلام هلا ساره
ساره: حسومي تعال خذ وليد ماخلاني أشرح للبنات كله يبكي!!
حسام:أنا مو فاضي العياده مزحومه
ساره:زين وش أسوي؟ مها ماجات اليوم وإلا كان خليتها تمسكه حتى تخلص حصتي
حسام:خلاص حياتي أنا بأدق على عبدالإله وأقول له يمر يأخذه
ساره:تسلم حبيبي الله لايحرمني منك
حسام:ولا منك..مع السلامه
قفل الجوال منها وقاعد يحوس فيه يدور رقم عبدالإله
سعود: ولدك بالمدرسه مع امه؟!!
حسام: اي ..وهذا موالهم كل يوم تعال خذ وليد وارجع عند وليد!!
سعود: زين ليه مايجلس بالبيت!! .. امك موجوده تنتبه له حتى ترجع امه من دوامها
حسام: قلت لهم .. بس لا هو يرضى ولا امه بعد!!!!
¤¤*¤¤
في الجامعه
عبدالإله: تككككفى قوم نروح أي مجمع نرقم… نغازل بدل جلستنا كذا طفشانين
عماد: اقوووول اقلب وجهك بس.. فاضي والله
عبدالإله: وجججججع احترمني … أنا عمك اسمع كلامي!!
عماد : أقول يالعم جوالك يدق
عبدالإله يرفع جواله بسرعه وبلهفه ونطق بخيبه: وجع هذا أنت
عماد يشيل النظاره عن عيونه:مين؟؟
عبدالإله : حسام ولد عمك
عماد:ههههههههههههههه وانت تحسبها بنت من خوياتك !!! … رد عليه..شوف وش عنده؟
عبدالإله بقهر يرمي الجوال ع الطاوله: ماعنده شيء مهم..ولد أخوي وأعرفه
عماد يمد يده : هات هات أنا بأرد
عبدالإله: لالا لالا أنا أرد.. ألووووو.. وعليكم السلام.. خير وش عندك؟.."وبعد فترة صمت" .. لااااا .. أنا عبدالإله ولد محمد أصير سواق عندك أنت وزوجتك!!! .. أدري إني أصغر منك بس أنا عمك لازم تحترمني ..
عماد: وانت ذابحنا عمك وعمك!!
عبدالاله يخزه ويكلم حسام: لا لا لا ماأبي يعني ماأبي..!!
ماعندي إلا عماد تبيه؟؟.. زين خذه
يمد الجوال لعماد
عماد:هلاااااااا أبو وليد.. الله يسلمك.. من عيوني بس وين أوديه؟.. لا أستحي أروح بيتكم لوحدي .. وش رايك آخذه بيتنا؟؟ أمي بتستانس فيه..أوكي ولا يهمك .. مع السلامه
عبدالإله: ياااسلااااااام انت بتروح!!! زين وأنا اجلس لوحدي؟!!
عماد يلبس نظارته الشمسيه ويوقف: أنت أجلس هنا حتى أجيك
عبدالإله: لاااا حبيبي أنا بروح معاك..
معقوله تروح لمدرسه البنات وأنا ماأجي معاك!!!!!!
¤¤*¤¤
في جامعة البنات
رهام: شواااااقه
شوق: عيوووونها
رهام: شوفي..هذي ليلى أخت سماح زوجة جدي .. صح؟
شوق تلتفت بملل: إيه هذي هي.."وكملت بصوت اعلى" وججججع وش سوت بنفسها؟!!!!
رهام: قصت شعرها وغيرت لونه..
نيو لوك.. ووووع مو حلو
شوق تناظر ساعتها : ماعلينا منها
رهام:كيف ماعلينا منها وهي طول اليوم تخزنا؟!!!
شوق : قومي قومي محاضرتنا بتبدأ بعد ٥ دقايق
¤¤*¤¤
في الجهه الثانيه
ليلى: وجع شوفي كيف يغارون مني!!!
دانه بابتسامه: خليك منهم وقولي لي وش أخبار أختك؟
ليلى تلعب بشعرها وتناظر شوق ورهام اللي ماشين: سموحه بخير مع هالشايب..إن شاااااااء الله يمووووت وتأخذ بيته مع ورثها
دانه:ههههههههههههههههههه إن شاء الله ياااااااارب..
زين قولي لي … وش أخبار حبيب القلب؟
ليلى تتنهد: آآآه تقصدين عماد؟!!!..من زمان ماشفته..بس سماح تقول إن عندهم عزيمه قريب وأكيد إذا رحت بشوفه هناك..
يااااااااارب أكون من نصيبه
دانه تعدل جلستها: من جدك أنت تبينه يطالع فيك وعنده بنات عمه كل وحده أحلى من الثانيه؟!!!!!!
ليلى بعصبيه:ليه؟؟!! أنا مو حلوه؟!! والا مو من مقامه!!!
دانه بخوف: لالا مو قصدي …إلا حلوه ونص بس يقولون الأقربون أولى بالمعروف
ليلى بثقه:لا تخافي..أنا ماغيرت شكلي عالفاضي .. نااااااويه له على نيه … تجيبه لي برجوله
دانه تناظرها باستغراب: وش بتسوين؟!!!
ليلى تبتسم وتطالع لبعيد:كل شيء في وقته حلو .. إذا تمت العزيمه اللي وعدتني فيها سماح ..بتوصلك أخبار تسرك!!
¤¤*¤¤
في أحد مستشفيات لندن
فتح عيونه بصعوبه وشاف فهد جالس جنبه
فهد انتبه لحركته ووقف: الحمدلله عالسلامه
مشعل بصعوبه وهو يلتفت حوله: فهد!!! … وين أنا؟!
فهد: بالمستشفى.. ماتتذكر وش صار؟
مشعل يعقد حواجبه : لا .. وش صار؟!!!
فهد: أنت طحت علينا أمس بالجامعه بعد ماجاك اتصال..
مشعل غمض عيونه بعد ماتذكر مصيبته..
فهد : مشعل.. مين اللي دق عليك أمس؟!
مشعل يتجاهل سؤاله: وش قال الدكتور؟
فهد سكت يعرف مشعل إذا مايبي يتكلم ماأحد يقدر يقنعه!!

مشعل لاحظ شروده: فهد..فههههد
فهد: هاااااااه ..قصدي هلا
مشعل:وش عندي؟!!
فهد يطالع وجه مشعل يشوف ملامحه: يقول الدكتور انهيار عصبي
مشعل: ……
فهد يتنهد ويجلس : مشعل..قول وش صار معك؟! .. مين كلمك أمس؟! ووش قال لك؟!
مشعل: …..
فهد: اهلنا فيهم شي؟!
مشعل: لا
فهد: اكيد؟؟
مشعل: اي اكيد
فهد: زين فهمني وش السالفه!!! يامشعل أنا أخوك وولد عمك .. قول لي يمكن أقدر أساعدك!!
مشعل يناظره بهدوء: تبي تساعدني؟
فهد: أكيد.. بس قول لي شلون؟
مشعل يجلس : طلعني من هنا
¤¤*¤¤
الجرس يدق وراحت الخدامه تفتح الباب
نزلت سماح بسرعه من الدرج تشوف اللي جاء
عبدالله معه ملفات : وين بابا؟
الخدامه: موجود
عبدالله: روحي ناديه
ودخل للصاله الكبيره ينتظره
سماح طلعت لزوجها ركض
سماح: حمودي ولدك وصل

محمد ينزل الجريده ويقوم:خلي الخدامه تجيب لنا عصير .. وانتي لا تنزلين قدامه بهاللبس!!
سماح تناظر نفسها ورافعه حاجبها: ليش؟؟
محمد بعصبيه: قولي ان شاء الله بدون ليش!!
سماح تعطيه ظهرها بزعل: ان شاء الله

تركها ونزل لولده سلم عليه وقعد يناقشه في التقارير والصفقات الجديده
سماح: زين يامحمد!!! اذا ماخليتك خااااتم بأصبعي مااكون سماح

‏¤¤*¤¤
في المدرسه
الأستاذ يشرح تجربه كيميائيه بإنسجام
والأولاد كل واحد في عالمه
الأستاذ: طلاااال
طلال يفز ويوقف: لبيه
الأستاذ وهو واثق انه مابيجاوب: قوم عيد اللي قلته
طلال: ياأستاذ عفوآ بس مافهمت
الأستاذ بعصبيه: خل عقلك معنا في الشرح وبتفهم…اجلس
جلس طلال وخالد يضحك عليه
وبعد دقايق نطق خالد بصوت خافت: اللي ماخذ عقلك يتهنى به!!!
طلال يبتسم بعذوبه وبنفس طبقه الصوت: اشتقت لها
خالد: إحنا في الكيمياء وأنت تفكر فيها !!
طلال: آخر مره شفتها كانت تعبانه .. نفسي أتطمن عليها بس ماأقدر أسأل أحد عنها
خالد: أسأل أختك
طلال: لو سألت شوق بتشك فيني .. بس خلاص أنا عرفت وش بأسوي
خالد: وش بتسوي؟!!
طلال: بآخذ رقمها من جوال شوق وأدق عليها
خالد تفاجأ: أنت مجنون؟!! والله لو تدري عمتي وفاء.. بتذبحك أنت وهي
طلال فز وبصوت عالي: بسم الله عليها
الأستاذ بصوت عالي وبعصبيه:طلاااال.. خاااالد براااااااااا
طلعوا من الفصل ووقفوا عند الباب
خالد:كل هذا بسببك أنت وخلود
طلال:فديييييتها بعد عمري

¤¤*¤¤
في جهه ثانيه من المملكه
في جده
فواز:هااا ياولدي..كل شيء جاهز؟؟
نواف: اي يبااا
لولوه: متى بنسافر ياأبو نواف؟
فواز:متى ماكتب الله
منى: يبا وش رايك نجلس في جده إلى نهايه الشهر؟؟
حنان فاتحه اللاب توب ومشغوله به: إي والله يبا..لاحقين عالشرقيه
نواف يناظرهم: وجامعتكم؟!! خلاص إحنا نقلنا ملفاتكم هناك..وبيحسبون عليكم الغياب
منى: يووووه لاحقين ع الدراسه .. بس أنا أبي أقعد مع صديقاتي أكثر
لولوه بابتسامه: إن شاء الله بتتعرفون على بنات هناك يكونون أحسن من صديقاتكم اللي هنا
منى:ياااارب..الله يسمع منك يايمه
نواف: تصدقون أنا لمارحت أشوف البيت شفت ولد جارنا وسلمت عليه
فواز: اي أنا أعرف أبوه..رجال ينشد الظهر فيه بس الله يهديه تزوج وحده بعمر أحفاده
لولوه: عادي ياأبو نواف مو عيب إنه ياخذ وحده صغيره
فواز: بس مو لهالدرجه طالع كأنه جدها مو زوجها !! ..بس ماكنت أدري إن عنده عيال صغار
نواف: يبا اللي شفته مو صغير..بالجامعه واسمه عبدالإله
منى: حمستوني أتعرف عليهم..يارب يكون عنده بنات معنا بالجامعه!!
حنان تنتبه وترفع راسها: وش السالفه؟!! عن مين تتكلمون؟!!
منى بضجر: أوووف مابأعيد لك..إذا تبين تعرفين شيء أتركي عنك اللاب توب واسمعي كلامنا

¤¤*¤¤
:آآآآآآه يمه..يمه
وفاء تحضنها: خلاص خلود تحملي شوي الحين يجي أبوك
خلود: يمه بطني.. موقادره أتحمل ألمه .. آآآه
وفاء ترفع جوالها : أووووف رد ياأحمد رد
خلود بتعب: يمممه تكفييين دقي على هيثم أو ماجد بموت من الألم
وفاء بخوف: بسم الله عليك لاتقولين هالكلام!! .. والله يابنتي أخوانك عندهم إختبارات في الجامعه .. ماأقدر أدق عليهم !..
وأبوك أكيد عنده إجتماع علشان كذا مايرد
خلود: يمممه..أبي أروح المستشفى.. حراااام عليكم !! ماأقدر أتحمل أكثر!!!
وفاء: زين بدق على أخوي عبدالإله

¤¤*¤¤
في سيارة عماد .. وصلوا وليد لبيت ابو عماد وراجعين الجامعه..
عبدالإله: يااابعد قلبي انتي..أحبك انتي والله..
لالا مايكفيني صوتك..لازم أشوفك..
افااااااااا أنا عبودك بتردين لي هالطلب!!! ..
عماد: عبدالإله..عبدالإله
عبدالإله:لحظه لحظه حياتي..وجع وش تبي؟
عماد:أبيك تقفل وتسولف معي.. حرام عليك لا تلعب بمشاعر بنات الناس!!
عبدالإله:من جد ماعندك سالفه..خلك ساكت بس وانتبه للطريق..ألو..هاه حبيبتي تأخرت عليك..أوووف..لالا حياتي ماأتأفف منك بس جاني خط ثاني أكلمك بعدين..زين زين باي..
ألووو.. هذي انتي!!..دايم تخربين علي الجو.. وفاء!!.. وش فيه صوتك؟..وش فيها خلود؟!!..يلا يلا أجيكم الحين..
قفل جواله والتفت لعماد:عماد بسرعه روح لبيت عمتك وفاء
عماد: خير وش فيها؟
عبدالإله: تقول خلود تعبانه ومافيه أحد يوديها المستشفى

¤¤*¤¤
دخل الشقه ودخل فهد وراه
مشعل بعصبيه: قلت لك مافيه شيء!!
فهد:الحين بأخليك ترتاح بس أنا وراك وراك حتى أعرف
مشعل: فهد والله مافيه شيء ينقال .. خلاص
فهد: مافيه شيء ينقال الحين .. بس إذا نمت وقمت بتقول لي إن شاء الله .. أنت نام وارتاح الحين وأنا بدق ع الأهل أطمنهم علينا
مشعل بتردد: لا تقول لأحد عن اللي صار
فهد: لا تخاف مابقول لهم شيء

¤¤*¤¤
في مدرسة البنات
سهى:شذاوي
شذى:نعم
سهى:وش فيك متضايقه اليوم؟
شذى:مو متضايقه..بس مشغول بالي على خلود
سهى: وش رايك نمرها إذا طلعنا؟!
شذى: والله إنك جبتيها.. يلااا هذا السواق جاء .. بس بنتأخر ع البيت وامي بتقلق
سهى: لا الحين ناخذ جوال السواق ونقول لها اننا رايحين بيت عمتي وفاء

¤¤*¤¤
وصلوا للبيت وطلعوا من السياره
عبدالإله: عماد ادخل اجلس مع عمتك .. وأنا باخذ خلود بسيارتك
عماد: ليش عمتي مابتروح معكم؟!
عبدالإله: لا أعرفها في المستشفى بتتوتر وتوترني معها
عماد: زين خذ مفتاح السياره

ودخلوا البيت..
وفاء بعناد وهي تبكي : لا بروح يعني بروح
عبدالإله: يابنت الحلال مافيه لزوم!!
عماد: عمتي .. إرتاحي بس وخلي عبدالإله يتصرف
وفاء: كيف أقعد هنا وبنتي وحيدتي في المستشفى؟!
عماد: عمتي إذا لي خاطر عندك بتجلسين هنا وأنا بأجلس معك
خلود: بسرعه أنا بموت وأنتوا تتهاوشون .. خالي بليز طلعني من هنا
عبدالإله: اوك حياتي .. هات يدك
وفاء: عبدالاله .. دق علي طمني..بأنتظرك لاتنسى
عبدالإله: أوكي

¤¤*¤¤
هيفاء:هلا حبيبي
رائد: هلا بك حبيبتي .. من الصباح أدق عليك ليه ماتردين؟!
هيفاء:كان عندي محاضره وماأقدر أخلي جوالي يدق في القاعه
رائد:المهم تطمنت عليك..وش أخبارك؟
هيفاء:دامك بخير أنا بخير
رائد:يابعد قلبي انتي
هيفاء:حياتي ليه كنت تدق؟
رائد:ماعندي شيء بس قلت بأتطمن عليك
هيفاء: وهذا انت تطمنت..يلا عيوني أكلمك بعدين..البنات عندي الحين
رائد:أوك حياتي انتبهي لنفسك
هيفاء: وأنت بعد..يالله باي
رهام تغمز لها: ليه قفلتي؟
ريناد:إي والله كان كلمتيه شوي نبي نتعلم
هيفاء:وش تتعلمون؟
ريناد:الكلام الحلو والغزل والحب!!!
هيفاء:هههههههههههههههه .. والله أنتوا اللي تعلموني مو أنا..شوق.. شوووق .. شواقه
شوق تنتبه: هلا..وش فيك؟
هيفاء:انتي اللي وش فيك؟!!
شوق: هاااا !! لا لا مافيني شيء
هيفاء:أنا لاحظتك في المحاضره اليوم..طول ماأنا أشرح انتي بعالم ثاني
رهام:أنا بعد لاحظت
ريناد باهتمام:خير شوشو وش السالفه؟!
شوق: أفكر بأخوي مشعل..أمس مادق علينا..مو عوايده
رهام بقلق: حتى فهد مادق علينا
ريناد تحاول تطمنهم: عادي وش فيكم؟..أكيد انشغلوا بإختباراتهم
هيفاء: إن شاء الله خير

¤¤*¤¤
في بيت وفاء
وفاء رايحه جايه: معقوله للحين ماخلصوا !!! .. بدق عليهم
عماد يمسك يدها: عمتي الله يهديك .. دقيتي عليهم خمس مرات!! .. استهدي بالله ..إن شاء الله مافيها إلا العافيه
وفاء بتوتر: لا بدق عليهم بعد
عماد: انتي تعرفين عبدالإله إذا عصب مايشوف !! .. تكفين ياعمه لا توترينه
في هاللحظه دق الجرس
وفاء بصوت عالي: ميييييري مييييييري وجع افتحي الباااب
عماد يوقف: انا انا بأفتحه
وراح فتح الباب
شذى: هاي
عماد يحط يده ع الباب: وعليكم السلام
سهى بخوف: بسسسسسم الله..عمادووه وش جابك هنا؟!!
عماد: الحمدلله إنكم جيتوا..أجلسوا عند عمتي وأنا بروح البيت!!

¤¤*¤¤
سند راسه وغمض عيونه: أنت متأكد يادكتور
الطبيب: أكيد .. أنا آسف ياأخوي كل الكشوفات تثبت هالشي!! وللأسف أنتوا جيتوا متأخر
عبدالإله بتأثر واضح: زين مافيه علاج؟!!!
الطبيب يهز راسه بالنفي
خلود وعينها ع الارض: إنا لله وإنا إليه راجعون
عبدالإله يخفي همه: حبيبتي خلينا نروح عند دكتور ثاني نتأكد
الطبيب بإحتجاج: ياأخوي أنا متأكد من كلامي .. وإذا شاك بكلامي تقدر …..
عبدالإله يقاطعه بعدم اهتمام: خلود يالله نمشي

وقف عبدالإله وسند خلود وطلعوا
خلود بصوت هادي: خلاص رجعني البيت
عبدالإله: حياتي خلينا نتأكد
خلود : مافيه لزوم نتأكد أبي أرجع البيت
عبدالإله يمسك يدها : خلود ياعيون خالك خلينا نتأكد..علشاني أنا..طلبتك
خلود باستسلام: طيب.. علشانك بس
عبدالإله يناظر جواله: أوووف أمك تدق!! … مابرد
خلود: لا رد عليها..أمي وأعرفها أكيد قلقانه علي..رد وقول لها إني بخير بس كان عندي…..
كان عندي عسر هضم وراح
عبدالإله يناظرها ويرد : ألو.. هلا وفاء.. لالا بخير..تتدلع علينا بس.. الدكتور يقول عسر هضم.. لا بنتأخر شوي باقي ماأعطوني أدويتها..لاتخافي أنا معها..ماله داعي خلاص شوي وجايين .. أوك باي..باي
يكلم خلود: أنا أعرف دكتور ممتاز نروح عنده؟
خلود: طيب

¤¤*¤¤
محمد :هلا بك يالقاطع
فهد: ههههههههههههه وش دعوه ياجدي بس أمس ماكلمتكم صرت قاطع؟!!
محمد بجديه: إي قاطع وين خويك؟!
فهد يطالع مشعل اللي باين عليه الضيق: نايم ياجدي..بعدين يكلمكم
محمد: ليه مادقيتوا أمس عسى ماشر؟!!!
فهد:لا ياجدي الله يطول لنا بعمرك.. بس كان عندنا إختبار وانشغلنا بالدراسه
محمد: لكم خمس سنوات في الغربه..بس أول مره تشغلكم إختباراتكم عنا !!!!!!
فهد: أنت تعرف إن هذي آخر سنه لنا .. وإختباراتنا صعبه.. بس ان شاء الله كلها شهرين ونخلص
محمد: ماعندكم إجازه قريب ياولدي؟!
فهد:إلا.. عندنا بعد أسبوع وإن شاء الله يوم الخميس الجاي نكون عندكم
محمد:الله يحييكم وإن شاءالله ترجعون بالسلامه
فهد:الله يسلمك ويطول لنا بعمرك
محمد:زين ياولدي مابطول عليك..دق على أبوك وأمك طمنهم عليكم..وخل مشعل يكلمني إذا صحى
فهد:إن شاء الله يالغالي..مع السلامه
نزل فهد جواله ومشعل يناظره
مشعل:فهيدان ليه قلت له إني نايم؟!!
فهد:وليه أقول إنك صاحي؟!!
مشعل:كنت أبي أكلمه
فهد:من جدك بتكلمه بهالصوت؟
مشعل:وش فيه صوتي؟
فهد:ولا شيء..بس يبان من صوتك حالتك..وأنت تعرف جدي يدقق في الصوت قبل كل شيء

مشعل سكت يفكر بكلام فهد
وفهد دق على أهله وطمنهم عليه وعلى مشعل

¤¤*¤¤
ساره تدخل البيت بتعب
أم حسام:يعطيك العافيه حبيبتي
ساره:الله يسلمك خالتي
أم حسام:وين ولدك؟!!!
ساره:عند خالتي أم عماد
أم حسام:وش وداه بيت عبدالرحمن؟!!!
ساره:أووووه سالفه طويله
مها تدخل الصاله وهي شايله باسل وأسيل تلحقها:وش هالسالفه؟!!
ساره تلتفت: مها وجع انتي هنا؟!!
مها تضحك: ههههههههههههههههه .. لا هناك
ساره بعصبيه: ليه ماداومتي اليوم؟!!!
مها تجلس جنب امها: مالي خلق أداوم
ساره:مالك خلق؟!!
تدرين إني مسكت كل حصصك والبنات غثوني
مها: أحسسسسن

¤¤*¤¤
هيثم:هاه مجود طمني كيف أختبارك؟!
ماجد:تمام التمام أنت كيف إختبارك؟
هيثم:الحمدلله..أنا بدق على فهد؟
ماجد:سلم عليهم..أنا بروح أتغدى في أي مطعم باي
هيثم:بايات..أوووف ليه خطه مشغول
بدق على مشعل أحسن

مشعل:هلا ثومه
هيثم: ثومه في عينك ياللي ماتستحي
مشعل: هههههههههههههههههه خلاص آسف آسف وش أخبارك؟
هيثم:الحمدلله بخير أنت كيفك وكيف فهد؟
مشعل:إحنا بخير..كيف مجود وخلود؟
هيثم:كلهم بخير..مشعل خير وش فيه صوتك؟
مشعل:مافيه شيء
هيثم:علينا!! مشعل فيك شيء؟ فهد فيه شيء؟
مشعل:كلنا بخير والله احنا بخير
هيثم:بس أنا متأكد إن فيك شيء صوتك مو طبيعي
مشعل: تبيني أحلف لك؟!!
هيثم:لا لاتحلف وأنت كذاب..أنا بأدق على فهد وأعرف منه السالفه.. مع السلامه
مشعل: براحتك مع السلامه
¤¤*¤¤
في سيارة عماد
خلود تبكي بصمت
وعبدالإله مايدري وش يقول
قطع الصمت صوت خلود:خالي بطلب منك طلب
عبدالإله: عيوني لك اطلبي
خلود: الموضوع يبقى سر بيننا..وماأحد يعرف عنه شيء
عبدالإله: خلود!!..موضوع مثل هذا مايتخبى
خلود:بليز بليييز..أنت تعرف أمي وتعرف وش بتسوي لو عرفت إن عندي……. ان عندي سرطان
عبدالإله:إذا ماعرفت الحين بتعرف بعدين
خلود تمسح دموعها : لا..إن شاء الله ماتعرف إلا..
إلا..
إذا الله..
أخذ أمانته
عبدالإله:خوخه ماعليك من كلام هالدكتور
خلود:أنت سمعت وش قال..الورم انتشر ومابيقدرون يسيطرون عليه..وكل الدكاتره اللي شفناهم قالوا أنا مستحيل أعيش أكثر من ٣شهور
عبدالإله: خوخه حبيبتي خلي أملك بالله كبير..اسمعي أنا بأمرك كل أسبوع آخذك للمستشفى علشان مواعيدك
خلود: بأتعبك معي
عبدالإله:لا وش هالكلام تعبك راحه..بس أنا أبيك تكونين قويه
خلود:ااااااه .. لا تخاف أنا قويه إن شاء الله..بس أوعدني ماأحد يدري
عبدالإله باصرار :مايصير ياخلود..لازم يكون فيه أحد بالبيت يدري
خلود بعناد: لا أنت بس
عبدالإله: خلود أنا أوعدك ماأقول لأحد بس لازم أبوك يعرف!!
خلود بعد تفكير:أنا ماأقدر أقول له
عبدالإله: أنا بأقول له
خلود: براحتك المهم ماأحد يعرف غيره

¤¤*¤¤
فهد:ياهيثم قلت لك ماأدري والله ماأعرف شيء..
أنا ماأكذب.. براحتك..باي..باي

مشعل ساكت يطالع فهد المعصب
فهد:أنت وبعدين معاك؟!!!
مشعل:أنا؟!! وش سويت؟!!
فهد بعصبيه:سلامتك..أنت تكلم الأهل وتقلقهم وأنا اللي آكل التحقيق والهواش!!
مشعل: فهود..أنا آسف..موقصدي إني..
فهد يقاطعه: مشعل أنا ماأبيك تعتذر..أنا أبيك تتكلم..قول وش فيك؟ وش اللي طيحك بالمستشفى؟ مين اللي دق عليك أمس؟ ووش قال لك؟
مشعل: فهد أنت أخوي..
وصديقي وأكيد أثق فيك
فهد: بدون مقدمات قول
مشعل: أنا أحب عهود بنت خالي صالح
فهد يحط يده على خده:شعووول شكل السالفه مطوله !! ..أنا أعرف إنك تحب عهود بس وش الجديد؟
مشعل: أمس دقت علي
فهد يعدل جلسته: وأنت طرت من الفرح وجاك انهيار عصبي!!!!!
مشعل بعصبيه: فهيدان وجع خلني أكمل
فهد:هههههههه آسف آسف يلا كمل
مشعل: قالت لي إن أخوها عادل جاب لها عريس وإن أهلها موافقين عليه
فهد باهتمام: اي…وبعدين؟
مشعل:بس !! ..وش تبي أكثر؟
فهد عصب: أحلف إنه بس!!!!!!
مشعل: والله
فهد عصب وقام بيطلع من الشقه
مشعل مسك يده: فهد وين رايح؟
فهد شد يده وطلع بدون مايتكلم
مشعل:وش فيه هذا؟ أنا قلت شيء يزعل؟!!
فهد..فههههههد

¤¤*¤¤
فتحت شوق باب البيت ودخلت للصاله
سمعت أمها تكلم مشعل وراحت بسرعه تكلمه
مشعل: شواقه بطلبك طلب بس لا ترديني
شوق: أنا ماأقدر أردك.. اطلب ولك اللي تبي
مشعل: أنا أبيك تخطبين لي عهود بنت خالي صالح
شوق وقفت: كيف؟!!!..عيد عيد مااستوعبت كلامك
مشعل:أبيك تخطبين لي عهود..عهوووود
شوق:ألف ألف مبروك
مشعل:ههههههههههههههه خليها توافق قبل !!!
شوق بثقه:مابترفضك.. عهود تحبك
مشعل: هاهاهاها قولي شيء جديد بليز
شوق: يعني أنت تعرف؟!!!!
مشعل:طبعآ..أنا مو مثلك ماأحس باللي يحبوني
شوق: لحظه لحظه.. ليش مين يحبني؟!
مشعل:تستهبلين علي؟!!
فهد يحبك

…………………………………

انتهى البارت الاول

اتمنى اشوف ردود تشجع

وبنزل البارتات كل جمعة ان شاااء الله ..

ودي

رووووعه
حلو ان شوق درت بفهد وحبه لها
نتضر ك

لاتغرك الضحكه؟ ..
يسلموووو ع الرد ,,

السلام عليكمـ..,
.
.
القوانين
القوانين ، تحديث جديد ؛
.
.
البند السادس يهم كل كاتبه هنا
.
.
موفقه
.
.

حلوووووووووووووووووووه

,’

بسم الله

يعطيك العــافية
إطلعي على الرابط بـ يفيدك النقد
محتوى الروايات ! / دعوة لـ النقاش ؛
موفقة إن شـــاء الله

,’

روايه اجناننننننننننننننن بس متى تنزلي البارت الجاي

اقتباس:

3 / إغلاق المواضيع : تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

تغلق الروايه